الذباب و الشتاء و مواقفهم

بسم الله الرحمن الرحيم

تدرون ان ألحين جا فصل الشتاء و جا وراه الذباب , بحيث ان البيوت و المحلات الملجأ الوحيد لهم عن البرد

المهم

سالفتي مع هالدبّان كل يوم من الصبح في الشغل , ما ادخل المكتب الا متروس و خصوصا اني مكتبنا كلش على الباب من داخل
انزين , اني مع البنات ايلي معاي مو قادرين نشتغل منهم علينا و على اغراضنا و على الكمبيوتر
اللي يشوف يقول كأن صار لنا اسبوع ما تسبحنه , والله , قلت اليوم اني عاد براويهم جان ما اقتلهم وحدة وحدة ما اصير هذا اني . و ابتدا البحث و الهجوم عليهم و اني و زميلة لي



جان يدخل علينا المسئول في وقت المعركة و هو يقول وش صاير ؟؟

قلت له يا اني يا الدبّان اليوم و طلع يضحك , و ما خلينا و لا دبّانه تطير لينا , ذبحناهم وحدة وحدة , عقب نادينا على الشغال يخمهم

و مرة كنت قاعدة مع بيت عمي اتغذى و الدبان تارس الصالة , طفينا الليت و شغلنا البانكة ما في فايدة
لوع جبدي و قمت ما طقت حتى اتغذى

و هذي حالتنا و حالة اكثر الناس بسبب هالذباب في وقت الشتا , رغم ان الذباب له فوائد فقال رسول الله (ص) : في الذباب اذا وقع في إناءأحدكم فليغمسه فيه فإن في احد جناحيه شفاء و في الآخر سما , و انه يغمس جناحه المسوم في الشراب و لا يغمس الذي فيه الشفاء فأغمسوها لئلا يضركم))

من كتاب عجائب الملكوت