احرقي الدهون بالزنجبيل والقرفه

السلام عليكم ..

شلونكم بنات و شخباركم ..

مثل ما انتوا عارفين احنا كبنات وايد مهم ان نحافظ على رشاقتنا و على أجسامنا ..

طبعا نبي شي طبيعي و يكون بعيد عن الكيماويات و المواد الضارة اللي نعرفها ..

ففي شي وايد مفيد و سهل و له نتايج حدها ايجابية .. بس تتطلب منا الاستمرار ..

ما اطول عليكم .. و الطريقة اهي ..

منقوع الزنجبيل و القرفة

شلووون تسووونها .. خلكم معاي ..

قصصي شرايح الزنجبيل ..

و اخذي أعواد القرفة " الدارسين " ..

و نقعي هالشيين ببطل ماي " يكون فاتر او حرارته بحرارة جو الغرفة و تقدرين تسوينه حار لكن مو وااايد مغلي " ..

تنقعيييينه 4 ساعات و بعدها تشربين منه طووووول اليوم بعد الوجبات خاصة ..

و اليوم الثاني تسوين منقوووع يديد ..

و ان شاء الله من تستخدمووونها الدهون بتروح منكم باذن الله ..

و هذا كلام لاختصاصية التغذية أمل الأنصاري حصلته لكم بجريدة الاقتصادية عشان تتطمنون من اللي قلته ..

الزنجبيل و القرفة أفضل المواد الحارقة للدهون

اقتباس:
اكدت ابحاث اجريت أخيرآ أن الزنجبيل لايزال على رأس قائمه المواد الحارقه للدهون ، و تشير اخصائيه التغذيه امل الانصاري الى ان الزنجبيل يعد من أهم المواد التي تساعد على حرق الدهون في الجسم عند تناوله بعد الوجبه مباشرة ..

ولكن لنتائج مؤكدة يفضل مزج الزنجبيل مع القرفه ليكون بمقدورة حرق الدهون بشكل افضل بعد الوجبات ..

كما يمكن خلط الزنجبيل بتنقيع أعواد القرفه فيه او مزج كميه صغيرة من مسحوق القرفه بمحلول الزنجبيل الطازج ..

و مع التعاطي المستمر لهذا المشروب يمكن ضمان حرق الدهون مباشرة بعد الاكل ، و مع مرور الوقت يتم حرق الدهون المخزنة في الجسم ، و من ثم يبداء الجسم في خسارة الوزن بشكل تدريجي ..

جربووووها و ان شاء الله تحصلون النتايج اللي تبووونها .. و لا تنسووني خواتي من دعاءكم ..

تحياتي لكم
بدر البدور

يعطيك العافيه و الصحة
بارك الله فيك .. نتظر جديد

تحياتي لك
فداء الزهراء

الله يعافيش خيوه

نورتينا بمرورش العطر
الله لايحرمني من هالطله ,,,

أمم اني ماأحب الزنجبيل موول
بس يمكن أجربها لكن الحمد الله
ماأعاني من كثرة الدهون
مشكوورة بدورة
نقل موفق
تقبلي مروري
تحيااتي

عساچ ع القوة اختي
الل هلايحرمنا من جديدش

العفوو

الله يسلمكم من كل شر
نوتونا بمروركم العطر
الله لايحرمني من هالطلات الحلوه ,,,

» ابتعد عن الدهون المشبعة