شقى الحب بالبحراني

الجزء الثاني والعشرون

نبذه عن هذا الجزء : -
مررت الأيام .. وعبدالله يستجيب للعلاج بشكل عجيب .. الربع يا ويه عبود .. او في المباريات .. وتعمدو انهم ما يروحون الملعب اللي تروح فيه علياء واهلها .. المهم .. احمد يزيد شوقة لهدى اكثر .. ويتصل فيها بين فتره والثانيه .. اما جاسم فصار مجنون منى .. هي بدت تتعلق فيه وتكون وياه عاديه وهذا يرجع لفضله لأنه حاول ما يخلي بينهم حواجز .. ابو عبدالله ( الخال كل يوم يحمد ربه على صحت ولده .. ) وباجر عبود بيطلع من المستشفى بيمشي بعكاز بس في الأسبوع الأول ..احمد الدنيا مو شايلتنه لأنه عبود رفيقة رجع .. وجاسم بعد .. سيد محمود صار مثل اخو للشباب .. وهم تعلقو فيه وايد .. عبود مييت على المباريات .. لكن ما يقدر يروح .. بس الأمل في عيونه ..
في يوم من الأيام رجعو الشباب حزنانيين لأنه ايطاليا اللي فازت .. وعبود وايد حزن ... بس جاسم هو الوحيد اللي ما تأثر وقال ما بحصل شي اذا حزنت على خسارتهم واذا ربحو ما بيعطوني الجائزة ...
اما اهل البحرين فوايد وايد وايد منشغلين بعرس فطيم وخطوبة جسوم ومنى ... فاطمة تقرريباً مستعده .. بس التوتر قاضي عليها .. وهي قررت انها تسوي عرسها في مرمريز ... بحيث تكون الصالة كبيرة .. هي كانت تبغي في فندق بس قدرات المعرس محدودة فقررت انها تسويه في هالصالة وبكل راحبه صدر ..
هدوي مستانسة وايد .. وحاهم محمد السعودية هي ومنى ... وماخلو مكان من سوق الحريم وغيره .. هدى حجزت ليها عند صفاء في خطوبة منى وجاسم وعرس فاطمة .. اما الشعر فبتروح سمايل .. لأنه يسون الشعر حليو .. وهي ما تحب تخليه الا مفلول بدون تساريح وهرار وتقول انه يعدم الشعر السبرية والهرار ...
منى .. مو مصدقة .. تفتر في المجمعات من العالي للسيف وإلى الرفاع مارينا مول اللؤلؤة .. كل مكان راحت .. وفرحتها فرحتين .. لأنه سامي بعد بيرجع يحظر خطوبتها .. وهو صار ليه سنتين ما جا البحرين لأنه بياخذ الجنسية النيوزلنديه واذا حصلها يعطونة امتيازات وايد ..
محمد يعد حق اخوه مفاجاه .. مسوي خيمة مكيفة .. كلفته وايد وايد .. والخيمة راقية وكبيرة .. ومخلنها حق الشباب والجمعة ويه الربع ..
اما هدى فأشترت ليها خلق من السعودية وخيطته عند قمراء .. بس بعدهو ما جهز .. ومنى بعد اشترت ليها خلق من السعودية وخيطتة .. بس ما جهز .. بعد ...
ام محمد _ ام هدى _ مو مصدقة .. وراحت تعزم الناس لأنه الخطوبة 24 \ اغسطس ... ومرة وحده خطوبت فطوم .. البيت كله زحمة ومشاوير .. ما يوم قعدو في البيت .. كله طلعات وتسوق ..
جاسم اشترى هدايا وايد وخصوصاً لمنى .. لأنه باجر عبدالله بيطلع وبعد يومين بيمشون .. يعني بعد ثلاثة ايام بيرجعون البحرين .. جاسم واحمد مو مصدقين ... اما سيد محمود فقريب بيستخف على بته وايد خاطره فيها ..
هدى تعد الأيام والدقايق والثواني .. ومنى تساعدها .. يوم منى تبيت ويه هدى ويوم العكس .. فطوم طاحت ريولها من التسوق .. اما فستانها فطلع ولا اروع .. وخصوصاً انه فطيم ضعيفة ولون جسمها حليو .. والفستان الأبيض عليها وايد وايد حليو .. ساعات يمر عليها خطيبها وتطلع تشتري اغراض .. بس من قبل اسبوع منعت خطيبها انه يقرب صوب بيتهم .. على قولتها عشان يشتاق لليها ( دلاعة بنات )
هدى مستخفة لأنه كلا البنات اللي وياها اللي مخطوبة واللي تزوجت .. هي بعد تتمنى تكون مثلهم بس تقول انه في التأني السلامة ( آراء ) بس على العموم اني اشوف ان راي هو هو الصح لأنه ما يسوى البنت تنخطب وتلتزم من وهي صغيره .. لأنه هذي مسؤليه ..

منى
بيت عمتها
9:15 في الليل
----------------------------
منى : يالله هدوي بسرعة بنتأخر حرام عليش
هدى : اول وحده تسوي ليها فستان
منى : بيصك المحل
هدى : انزين انتين ليش مستعجلة
منى : امبي اشوف فستان خطوبتي
هدى : انزين يا اختي ما يحتاج تروحين اليو م
منى : هدوي بلا عناد
هدى : انزين الحين انتين تهاوشيني شوفي منى جهزت او لاء
منى : فطيم لابسة بس انتين اللي مو لابس
هدى : انزين درينه انش عروس بس مو تزلزينه
منى : هدى قومي بسرعة واذا ما بتروحين قولي بنروح بروحنه
هدى : انزين انزين لا تعصبين
منى : وانتين تركتين مجال للواحد ما يعصب .. المحل بيصك .. قايل لينه من امس الصبح .. ويوم قلنه بنروح امس انتين رفضتين .. ,اليوم بعد .. طلعنه تسوقنا ويوم قلت بروح قلتين تعبانة .. والحين مو مهم اليوم .. هدوي اني فقدت اعصابي .. اذا بتقومين بسرعة .. ,اذا ما بتودوني ابويي ما بيقصر عليي .. يقدر يوديني اصلاً هو كان بيوديني بس انتون قلتون تبون تروحون ويايي .. ,الحين مكالمة وحدة ابوي مباشرة يجي ليي .. هدى خلصيني انتظررت بما فيه الكفاية اني ما احب البس واوقف
جت فاطمة
فاطمة : ويش صاير ويش السالفة
منى : الأخت امس ما رضت نروح .. واليوم بطوله بعد مارضت .. والحين تقول مو مهم نروح اليوم .. اني هالبرود ما احبه .. ورجاءً فطيم .. اذا ما بتروحون اني بخلي ابويي يوديني .. اني على اعصابي .. من امس للحين احاتي الفستان وكل ما قلت ليها اجلت .. مرة مرتين مو عشر ..
هدى : منى انتين بسرعة تعصبين .. اني كنت اتغشمر وياش .. ياختي الحين بلبس ..
منى : انتين حتى البارد تعصبينه .
هدى : عاد بس خلاص .. عادي ما بروح وياكم .. تقدرون تتيسرون .. اني مو مستعجلة .. وما امبي اعطل غيري .. فطيم انجان بتممشون امشو .. عادي .. اني هنيه بظل ويه امي وباجر بخلي حمود يوصلني ..
فاطمة : يالله عاد هدوي احنا مو ناقصين هواش ومشاكل ..
هدى : اني ما سويت شي .. اني ما كنت امبي اروح للفستان من الحين .. بس توقعت انه منى صريحة ويايي وما بتكتم في قلبها .. وبتقول ليي انها مستعجلة .. وظنيت انه هالشي اوكية .. واليوم انفجرت قدامي .. منوي روحي عادي .. اذا اني باخركم اليوم انتون روحو واني بخلي حمود ايوديني ..
فاطمة : بلى دلع يالله عاد
هدى : لالا عادي باعكس
وابتسمت .. اني بسرعة اعصب .. وهدى ابرد من الثلج .. كل شي عندها برواء .. بس المشكلة اني ما اعرف اطلع طلعة بدونها
منى : يالله هدى خمس دقايق وانتين جاهزة
هدى : لالالا اليوم ما ليي مزاج .. والوقت تأخر بعد خمس دقايق على ما البس .. وعلى ما نوصل كد صك المحل اني باجر اصبح انشاء الله بروح ويه محمد اصلاً هو قايل ليي بيوديني ..
منى : هدوي تدرين اني ما اعرف بدونش
هدى : منى بس خلاص تيسرو ..
كسرت بخاطري .. الحين اني اقول ليها ما اعرف بدونها تقول ليي تيسرو .. اني الغلطانه .. هدوي باردة .. وعندها كل شي عادي .. حتى لو قبل ليلة الخطوبة بساعة تروح تاخذ الفساتين بعد عادي .. واني المفروض اصارحها واقول ليها اني امبي اروح ومستعجله .. لأنها كانت تظن انه اني موافق على التأجيل ..
بقول ليها آخر مرة ..
منى : يالله هدى ..
هدى : منى اني اليوم بطني يعورني وكنت بقول ليش تأجلين .. بس انتين هبيتين فيي .. وكنت بقول ليش اذا هذا تروحين انتين ومنى .. لكنش سبقتيني .. لكن الحين تيسروا ..
بس ما كررتها عليها
منى : فطوم يالله نمشي
فاطمة : ويش هدوي ما بتروحين
هدى : لا بس جيبو فساتيني .. ليي فستان لخطوبت جاسم .. وفستان عرسش .. وفستان بسيط بدون حركات وايد للعقد .. وفستان حق جلستش ..
فاطمة : ماددريت انش مسوية كل هالفساتين
هدى : عجبني الخلق واخذت
فاطمة : وين الرصيد ..
هدى : لحظة ..
طلعته من الشنطة
هدى : هاش ..
يعز عليي انه هدى ما تتكلم ويايي .. لكن شرط ساعتين وننسى كل شي .. اني وهدى جدي .. عساها هوشة توصل لدبح .. لكن ما نمهل ونتصالح ..
طلعنه اني وفاطمة ولما تناصفنه في الشارع
فاطمة : منوي بنمر نصب بترول اول ..
منى : بس بسرعة فططوم ..
فاطمة : اوكية ..
مرينه .. وصبينه بترول ..مشينه مدة عشر دقايق ووصلنه المحل ..
فاطمة : يالله
منى : خايفة
فاطمة : عادي اني بعد جدي بس انشالله يكون اوكيه
منى : انشالله ..
دخلنه .. ,كانت اهناك فلبينيه ..
الفلبينيه : welcom
منى : thank you
الفلبينيه : can I help you
منى : yes
وطلعت الرصيد
الفلبينيه : انتي مسوي فستان هنيه
الله يغربلها اكو تعرف عربي ليش قاعدة تفوشر وتتكلم انجليزي
منى : أي اليوم عندي بروفا
الفلبينيه : دقيقة
وراحت .. وبعد شوي ردت رجعت
الفلبينيه : تألي ( تعالي )
منى : انزين
وقمت اني وفاطمة ..
ورحنا الغرفة ..
الفلبينيه : هذا فستان عروس .. وهذا فستان آدي ( عادي )
منى : بعد عندي 4 فساتين ابغيهم
الفلبينيه : وين الرسيد
فاطمة : هاش
االفلبينية : أي لحظة .. بس انتين جوفي فستان عروس اوكية
ودخلت اجربة .. وطلعت .. جت الفلبينية ..
الفلبينية : انتي واجد حليو
ههههه .. بصراحة اخجلتني ..
منى : شكراً
قعدت اطالع نفسي بالفستان .. ما توقعته عليي جدي .. الوانه كل شي فيه يجنن ..
فاطمة : جدي اني اغار .. فستان خطوبتي مو هالحلاوة
منى : ههههههههههههه
وفعلاً كنت حليوة بالفستان على الله اطلع في الخطوبة حليووة .. ماباقي شي ..
ويابت فساتين هدى .. ماشالله من برة كل واحد افخم من الثاني .. واسعارهم مبالغ فيها .. اني ما بغيت اقول ليها .. بس بصراحة يعني فستان إلى ليلة وحده بس خياطة 400 دينار .. واكثر .. مبالغ !!!!!

اخذنا الفساتين .. ورحنا البيت .. دخلت
منى : هدى .. هدوووووووووي
دخل محمد
محمد : هدى فوق
منى : شخبارك محمد
محمد : الحمد لله انا زين انتين شحوالش وشحوال معرسش
استحيت وقلت بخجل
منى : الحمد لله
محمد : روحي ليها فوق
منى : مع السلامة
ركبت ورحت لهدى
منى : هدوي سبرايز
كانت دموع في عيون هدى
منى : هدوي ويش فيش
هدى : ما فيي شي
منى : صدق هدى زعلتين ..
هدى : لا بس بطني يعورني
منى : زهقتيني
هدى : هههههههه
منى : اجيب ليش مرقدوش
هدى : لالالالا ما احبه
منى : بحط ليش فيه ماء اللقاح قطرة وشكر بيكون طعمة اخف شوي
هدى : اني بطني بموت
منى : انزين دقيقة
طلعت اركض واني على الدري وفاطمة راكبة
فاطمة : ويش فيش تركضين جدي
منى : هدوي بطنها يعورها
فاطمة : بتنشطفين
منى : لالا .. ههههه
ونزلت بسرعة للمطبخ .. اشادخ بالكباته ادور مرقدوش .. اما عمتي فمن زمان ركبت تنام
يت الخدامة ،، هذي الخدامة صار ليها وياهم فوق العشر سنين من وهدى ياهلة .. وصايره من اهل البيت .. ويدلعونها وايد وهي رأيست باقي الخدم
كرتيني : ويش منى ويش تبغي
منى : كرتيني وين المرقدوش
كرتيني : لحظة ..
وطلعتة من الكبت ..
منى : بعد اغي السكر وماء القاح
كرتيني : الهين ( الحين )
طلعتهم .. وحطيت لهدى في قلاص .. ووديته بسرعة .. واني اركض .. وصلت للدرج واني اركض .. خايفة على هدى .. اول مرة تصير جدي ..
محمد : تلعبين رياضة بت الخال
منى : محمدو اسكت الحين
وركبت فلت .. وصلت حجرت هدى .. الا هدى تصيح بصوت عالي .. مسكينة .. واني ما قدرت مشاعرها وقمت اصارخ عليها ..
منى : هدوي هاش اشربي
هيودت القلاص .. وتوها بتشرب
هدى : ماطيق ريحته .. ماطيق طعمه
منى : ماعليه هدوي صكي خشمش واشربيه هو دوا
وصكت خشمها وشربتها ..
هدى : واااااااااااااااااااااااااااااااااع .. طعمه كريه .. امبي ماي
منى : مافي فايده اذا عطيتش ماي .. الحين بيروح طعمة
وبعد شوي .. قعدت صوب هدى .. لين ما هدأت واستسلمت للنوم .. حتى مسكينه ما شافت فساتينها .. بس عادي هذا فيروس في الجو وهدى ما عندها مناعة .. .. فمباشرة عورها بطنها .. طلعت عنها ورحت اسولف ويه فطوم واسألأها جيفة تعاملت ويه خطيبها في بداية الأيام واول مرة اعرف انه فاطمة انخطبت من قصت حب طويلة وكلها شقى .. بس مردهم الله جمع بين قلوبهم وانخطبو .. وكانت الصدمة انه محمد اخو مرتضى لازال مصر انه يتقدم لهدى ويقول يحبها .. وهذا وايد حزنني ..
منى : انتين متأكده انه بيخطبها رسمي
فاطمة : اللي عرفته من مرتضى انه قبل لا يرجعون احمد وجاسم بيخطبها .. في احتمال باجر ...
منى : ياويلي عليك يا خويي .. وتتوقعين عمي بيوافق ..
فاطمة : والله مادري .. بس دوه ولد اخوه .. يعني صعب انه يرده .. صعب وايد ..
منى : ويلي ويلاه .. بصراحة كدرتيني ..
استأذنت منها .. وقمت .. مباشرة طلعت برة الحديقة .. واتصلت لأحم وبقول ليه يتصرف .. لأنه اذا ريل عمتي عطى الرجال كلمة ما بيرجع فيها .. وبتكون هدى ملك شخص ثاني غير
احمد : هلا منوي شخبارش .. جدي يالقاطعة تتصلين لجاس كل ليلة وانه اخوش بس مرتين
منى : اعذرني يا خوي بس مشاغل الخطوبة
احمد : اشوف ما قلتين عن جاسم مشاغل الخطوبة
منى : هو اللي يتصل يعني اسده في ويهه واقول ليه اني مشغوله بالخطوبة
احمد : اممممم
منى : انزين بسك تشره .. اسمع .. بقول ليك خبر بيحزنك وايد ..
احمد : ويش هدى فيها شي
منى : هي اليوم بطنها يعورها وتصيح شوي
احمد : وي على قلبي .. ليته فيي ولا فيها
منى : بس مو هذا الخبر
احمد : عجل ويش
منى : فاطمة اليوم اكلمها وتقول انه مرتضى خطيبها يقول ليها انه محمد اخوه معزم انه يخطب هدى .. وبيخطبونها قبل لا ترجعون .. وفي احتمال باجر يجون .. احمد تصرف قبل لا تكون هدى لأحمد غيرك .. ترى ريل عمتي ما بيرفض ولد اخوه
احمد : انتين ويش تقوليين .. ويش هالمشكلة ..
منى : احمد .. اني قلت ليك والباقي عليك
احمد : منى ويش اسوي
منى : تصرف .. قول لجاسم يكلم ابوه ويقول ليه انك حاجز هدى قبلة ..
احمد : اخاف ريل عمتي ما يرضى .. هذا ولد اخوه ..
منى : اني عز عليي اني اسمع الخبر وما اقول ليك والحين الباقي عليك .. يالله مع السلامة بروح بشوف هدى
احمد : منى اتصلي طمنيني عليها ..
منى : انشالله ..
احمد : مع السلامة
منى : الله يسلمك ..
وصكيته ورحت لهدى .. وبعدهي نايمة .. بس ويهها متعرق .. وفجأه قعدت وقامت تصيح
منى : اللهم صلي على محمد وآل محمد .. هدوي ويش فيش
هدى : احمد .. احمد يا منى احمد
منى : ويش فيه
هدى : احمد وحده اخذته ممني
منى : صلي على النبي مافيه قوة تفرق بينش وبين احمد ..
هدى : اني خايفة .. احمد يروح وياها .. اسمها علياء
منى : ويش جفتين في الحلم
هدى : هي تقول ليي اني احب احمد قبلش .. واني مستعده اسوي أي شي لأحمد .. واني اقرب لأحمد منش ..
منى : لايكون علياء اللي ويانه في مدرسة اللي قلتين ليي عنها ..
هدى : كان شكلها غير
منى : جيفة شكلها
هدى : شعرها قصير .. سمرة .. شعرها ملوت بس لين .. يعني حليو .. عيونها سودان .. وانتين كنتين وياها يا منى ..
معقوله تكون بت خالتي سلوى .. لأنها بمثل المواصفات .. وهي كانت تلحق ورا احمد .. بس الحين ما تلحق وراة .. وبعد تظن انه بيخطبها .. وبس تشوفه تسوي روحها مستحيه .. اما احمد فشاطبنها من حياته ومسوي ليها مقاطعة .. حتى ما يذكر اسمها ..
بس ما اظن .. مو لهالدرجة ..
منى : هدوي اني وياش ..
هدى : بس كتين تدافعين عنها .. وقولين احمد ياخذ بت خالتي احسن من بت عمتي .. ..منى فسري ليي هالكابوس .. ما احتمل قلب غير قلبي يحب احمد ..
منى : اني .. لآلالالا ابداً يتراوليش ...
فعلاً هدى حلمت بسلوى بت خالتي .. ياربي .. انفتح الباب اللي كنت خايفة منه .. سلوى بت خالتي حيه .. وسوسة .. تقدر تخلق أي مشكلة بين احمد وهدى ..
هدى : منى يعني عادي انتين ما عندش بت خاله اسمها علياء .. ولا بت خالة تحب احمد .. او بت خال او أي احد غيري
ما بقول ليها من اللحين .. كفاية مرضها ..
منى : لالا ابداً بعدين بنسولف الحين نامي ..
وفعلاً غطت عيونها .. اما اني فطلعت اطمن احمد على هدى .. الا ازف ليه اخس الأخبار .. اذا عرفت هدى عن سلوى في احتمال تموت .. لأنه سلوى ماعندها شك ولا واحد بـ 100 انه احمد ما بيخطبها .. وكل ما جيت افتح وياها الموضوع تصكة .. ياربي سترك ..
اتصلت لأحمد
احمد : ها ويش صارت اوكيه
هدى : لا بس اوتعت على كابوس ..
احمد : خير ..
منى : احمد .. هدى تهاذي بك .. هدى مست((( تتحمل فراقك .. بتموت اذا ما رجعتون بسرعة .. اليوم اوتعت حلمانه بوحده اسمها علياء .. تقول ليها انه ( احمد يحبني واني اقرب لأحمد ) ..
احمد : لالا لا تخاف علياء الحين ما نشوفها
منى ك المشكلة مو هنيه .. المشكلة انه هدى تقول انه اني كنت ويه علياء في صف .. ,كنت اقول (احمد ياخذ بت خالتي احسن من بت عمتي ) هذا يعني شي واحد .. انه اللي في الحلمة مو علياء .. انما سلوى
احمد : لا تطرين ليي اسمها .. حتى في احلام حبيبتي تطاردني .. ويش هالدوبة .. انتين لا تقولين ليها ولا شي .. انا لين جيت بقعد وياها في الحديقة في ليلة من الليالي وبافهمها .
منى : احمد تصرف
احمد : انشالله ..
صكيت السماعة وركبت لهدى .. وكانت نايمة .. حطيت صوبها جييك الماي حق لي عطشت .. ورحت انام ..

احمد
المستشفى
9:30 الصبح
-------------------------
اليوم يطلع عبود .. .. وعمي مو مصدق .. .. وخصوصاً انه عبدالله يمشي بعكاز بسيط .. يعني بعد كم يوم يقدر يستغني عنه ..
احمد : يالله ابو الشباب .. شد همتك .. أليوم تطلع وباجر نروح البحرين وندور ليك بت الحلال
عبدالله : انشالله ..
جاسم : امبيك ترقص في خطوبتي ..
عبدالله : هههههههههههه .. حرمت الرقص .. آخر زمن رجال ويرقص
جاسم : اقصد يوله امارتييه ..
عبدالله : ما اسمع اغاني ..
جاسم : افا لا تقول ليي ما بتييول ويايي ..
عبدالله : خلني اوصل ارض الوطن وبعدين افراج ..
جاسم : انشالله ..
عمي : يالله يازين الشباب نمشي من هالمستشفى اللي يجيب الضيقة ونترك الهم ونبتدي صفحه جديد ..
عبدالله : يالله ..
طلع عبدالله يالعكاكيز .. رغم انه ما يتكأ عليهم وايد بس احتياطاً ... ركبنه السيارة ..
عبدالله : وين السدي
احمد : نايم .. البارحة سهر للمباريات وطالع الإعاده مالت المباراه النهائية .. ,يركز في حركة ماركو ماتيراتزي وزيدان .. لين ما يستجن ..
عبدالله : أي انه بعد بطالع المباراة ..
جاسم : الحين انته ارتاح ..
عبدالله : أول المباراة
احمد : الله يساعدك ..
وصلنه الشقة وركبنا الأصنصير .. رحنا فوق .. وعبدالله بس دخل وبدل ..
عدبالله : يالله المباراة
احمد : اول كل ..
عبدالله : باكل وانه اطالع المباراة
جاسم : ما بتجننكم غير المباراة ..
عبدالله : ويش نسوي ..
وصينه على عشا من تحت .. وقعدنا ككلنا قدام المباراة .. حتى عمي .. ولما وصلنا للقطة اللي ادهشت الكل ..
سيد محمود : هذا ماركو هو الي استفز زيدان ..
جاسم : كيفهم
سيد محمود : جسوم شوف المجرم ويش سوا ..
جاسم : الله يهديكم ..
خلصت المباراه .. اما عبدالله فامبطح ونام .. وانا بعد امبطحت لأنه اليوم وايد مشاويير . ,ألعصر بطلع السوق بشتري هدايا لمنى وهدى وفاطمة بمناسبه الزواج وبنات اخويي حسين وحمود الصغير بعد قلبي ..
نمت واوتعيت العصر ..
جاسم : احمد بتروح السوق
احمد : أي وانت
جاسم : بشري هدايا للأهل ..
احمد : امش بنشوف عبود اذا يبغي نشتري ليه شي وبعد سيد محمود
جاسم : ما بتبدل
احمد : ويش رايك نطقم ونلبس ثوب
جاسم : خوش والله ..
احمد : دقيقة بطلع الثوب ..
جاسم : انشالله بس الثوب ما تكرفست مسكينه هدى كاويتنها بعد ما رجعنا من المعادلة بنص الليل ..
احمد : وليش تخليها تكوي
جاسم : انه ما قلت ليها بس هيه قالت ليي الا اصرت .. وانه ما احب الخدم يلمسون اغراضي .. فكوتهم
احمد : ولو هالمرة هدوي لا تآمر عليها
جاسم : احلف .. اختي لو اختك
احمد : خطيبتي لو خطيبتك ..
جاسم : لين جيت وخطبتها بعدين افراج ..
احمد :لا والله
جاسم : أي والله
احمد : قوم قوم ..
ودخلت البس الثوب في الحمام .. ولبست غترة حمرا كيوت .. وجاسم بعد .. رحنا لسيد محمود ..
سيد محمود : اوه اوه ويش هالزين .. ليش لابسين خليجي ..
جاسم : وحشنا الخليجي ..
احمد : البس انته بعد
سيد محمود : ما البس غتره حمرا
جاسم : البس بيضا
سيد محمود : اوكي ..
ولما جهز سيد محمود .. ما حبيت اروح لعبدالله واشفيه .. اتصلت فيه اتصال .. خصواصاً اذاذ شاف علينا الثوب بيتهبل وبيصير خاطرة ..
احمد : هلا العبد
عبدالله : هلا بيك
احمد : شيخ الشباب الحين بروح السوق تبغي شي هديه او شي
عبدالله : أي ابغي هديه محترمة حق فاطمة بت عمتي بمناسبت عرسها .. وهديه لمنى بمناسبت خطوبتها .. وامبي هدية لأمي ..
احمد : مادري ويش اشتري ..
عبدالله : إلى امي اشتر طقم صفاري ستيل .. واما البنات فأنتون شوفو .. ذوق اختك وذوق اخت جاسم ..
احمد : اوكي .. مع السلامة
عبدالله : الله يسلمك ..
طلعنه ورحنا السوق .. وكل اللي يشوفونه مستعجبين وكأنهم يشوفون شي جديد .. وغريب .. اما احنا نمشي بكل ثقة ..
دخلنا محلات .. في محلات اسعارهم خياليه .. ومحلات متوسطة ومحلات رخيصة .. اشترينا وتشرينا .. ,احسن شي سيد محمود بس يشوف شي لليهال اخذه لبته ..
رجعنا البيت بعد ما غابت الشمس .. صليت وريحت .. بدل كسرت الظهر .. لين ما رن تلفوني .. وكانت منى .. وقالت ليي خبر مثل الزفت .. ناديت جاسم ..
جاسم : خير
احمد : اقعد يا اخي
جاسم : ويش تبغي
احمد : انته قلت لأبوك انه انا امبي اخطب هدى واني حاجزنها
جاسم : ايه
احمد : وعطاك كلمة اوثق فيها
جاسم : افا عليك .. ايه
احمد : اشوه .. يعني لايمكن يتراجع
جاسم : لاويش .. احمد انته مسوي شي
احمد : لالالالا .. بس منى متصله ليي وتقول انه فاطمة قايله ليها انه اخو خطيبها مصر انه هو يتقدم لهدى .. وباجر بيروحون يخطبونها ..
جاسم : افا عليك لا تخاف حط ايدك في ماي بارده .. قلت لأبويي وابويي موافق عليك وما بيرجع في كلمتة .. واذا خطبوها بيقول ليهم محجوزة واذا بغيت اتصل ااكد عليه
احمد : أي رحم الله والديك ..
جاسم : انشالله ..
ارتحت ومشى جاسم .. راح لسيد محمود يلعبون طاولة ..
انتظرت منى تطمنني على هدى ..
وفعلاً بعد شوي اتصلت ..
وقالت ليي الخبر الأسوء اللي لا جاسم ولا غيرة يقدرون يعالجونة .. انه هذي بت خالت منى ما اطيقة .. ولا تصير ليي .. ولا حتى اذكر اسمها ..
فكرت بطريقة .. بس ما باقي الا يومين نقعدهم في المانيا وبعدين نطلع ونرجع لوطن العز .. و(((ها الف حلال ..
بغيت اتصل لهدى .. بس منى قالت انها نامت .. وانا ما امبي ازعج نومتها ..
قعدت العب بليستيشن .. لين ما جا جاسم وسيد محمود وعبدالله بعكازة وقمنه نلعب .. والله كأنه يهال .. وما نلعب غير كراش .. او مصارعة ..
لين ما صارت نص الليل .. كل واحد راح حجرته ونام .. واما انه اختصرت الطريق ونمت على الأرض ..

انتهى الجزء .. انتظر تعليقاتكم .. هالمرة تعقب عن تعلقات هالجزء وداك الجزء

الجزء الثالث والعشرين

عبدالله
البيت
-----------------------------
اليوم اسافر لألمانيا عشان القى العلاج .. متفائل وايد بس خايف انه انصدم صدمة العمر اللي بتتوقف عليها كل حياتي .. ابوي تجهزز ونزل وهو مستعد ومستعجل .. اما امي هالمسكينة فتبغي تجي ويانه .. الا متلهفه على الجيه وتنتظر اشاره من ابويي .. كنت اتمناها ويايي .. مافي احلى من انه امك تكون صوبك .. بس مست((( .. احنا 4 شباب وابويي .. مافي الا انه وابويي عادي والباقي كلهم محرمين ..
سلمت على امي .. طبعاً وانه على كرسي متحرك .. امبي احب راسها بس استحي اقول ليها انحني عشان احب راسها .. بس حبيت ايدها ..
عبدالله : يالله مع السلامة اماه
امي : الله يسلمك يا ولد كل يوم اتصل ليي .. طمني عليك ها ..
قامت امي تدمع الا تصيح .. غصباً عني قمت اصيح .. احس انه ما ودي افارق امي .. بس انشالله فراق بسيط ..
طلعنه من البيت لما مر علينه سيد محمود ويه اخوه .. واخوه يسوق عشان يرجع السياره .. انه خايف بس متفائل .. الشباب وايد تأخرو بس ما حبيت اعجلهم انه محتاج ليهم مو هم .. قعدت اسولف ويه سيد محمود في البدايه . وبعدين راح يشوف الإجرائات ..
وصلو الشباب بعد انتظار طويل .. صار خاطري نطلع ويه بعض .. ونتبارا او شي جدي .. صار خاطري امشي مثلي مثل أي انسان طبيعي .. قعدت اتأمل في ناسه المارة ... جيفة هم في نعمة جاهلين قيمتها .. مافي اغلى من انه الأنسان عايش بصحته .. ويش فادني يوم ما امشي غير وجع القلب والحسرة ...
دخلو الشباب المطار وجو صوبنه طبعاً بإرشاد ابويي عن مكانا .. ركبنا الطائرة واقلعت .. والسيارة ببتطير وانه اصلي على النبي .. خايف . انتخي بأمير المؤمنين .. ادعو ربي .. رغم انه جاسم اللي تحتي .. بس كنته اقوله في قلبي .. جتني رغبه شديده في اني اقول ليه مبروك .. يمكن انه في يوم من الأيام عجبتني منى .. بس لأني حبيتها تشونه بحب ليها السعادة ... نمت شوي ولا ادري ويش صاير .. لما اوتعيت الا جاسم نايم ..يت المظيفة جايبه اكل ومادري ويش .. عاد انه اخذت مالت الملح وجبيت في ايدي . فلصت جاسم في خده .. فتحه بوزة . ( آآآه * جبيت الملح داخل بوزة .. يمكن انه تغيرت لكن شطانتي مست((( تتغير .. احب اسوي مقالب .. والله اللي في وضعي ماليه مزاج شي .. بس ويش اسوي اضحك للدنيا عشان تضحك ليي ..
والله جاسم ما حس وواصل النوم .. اما لو انا اقعد معصب واشلت اللي قدامي .. بس اسويها في غيري ..
وصلنه بعد ما طفشت .. نزلنه للمطار ومن المطار للفندق وانا طبعاً على كرسي .. شفت في عيون بعض الناس اللي مرينه عليهم الشفقة .. وخصوصاً انه الفندق اللي سكنه فيه في اماراتيين ويش كثر ..
نزلو الشباب بيشترون عشا .. وكان جاسم بعد بيروح .. المشكلة اني احتاج واحد امنهم عشان يسساعدني .. انا امبي اتسبح وما بقدر اتسبح بروحي .. لأزم احد يجودني .. بس الحمد لله جاسم فهمني وقعد رغم اني قلت ليه يروح .. ما احب الشفقة .. ساعدني وايد جاسم .. بينما انا دخلت اسبح في البانيو بعد عناء طويل .. لأنه صعب ادخل البانيو .. بس بمساعدات جاسم .. مسكين تقريباً حملني عشان ادخل .. دخلت وقعدت .. نزعت ملابسي بعد ما طلع جاسم وخليت الثياب النظاف على عتبت البانيو عشان بعدين البسهم .. كملت التسبوح .. والشامبو خنين .. والصابونه فنتاستيكية .. المهم .. كلت سباحة .. ولبست بعد مشقة وتعب وصراعات .. ناديت على جاسم .. ومسكين ما قصر .. رد نص حملني .. بصراحة مادري بدون هالشباب ويش باسوي .. وخصوصاً انه ابويي من التعب سيده راح ينام .. يو الشباب واكلنا بيتزا .. وخصوصاً البيتزا مالت بيتزا هات لذيذة بس انا تعمدت اني ما اطلب فيها لحم لأنه 100% مو حلال .. اكلنا وسهرنا قدام التلفزيون .. لينا ما كل واحد منا استسلم للنوم .. اوتعيت باليوم الثاني .. وابويي ساعدني في اني ابدل واجهز .. وبعدين طلع راح المستشفى .. بينما انا والشباب نزلنا تحت نتريق .. لين ما وصل ابويي ورحنا المستشفى .. وانا في السيارة احس انه قلبي يضرب ضرب .. قريب بيطلع من صدري .. وصلنا المستشفى والدكتور وايد طيب .. بس مشكلته ما يعرف لا عربي ولا انجليزي .. والألمانيه غير .. بس الحمد لله فيه مترجم يفهم عربي ويفهم انجليزي .. فليش اتكلم وياه انجليزي ..
بعد ما قعدنا .. طلب الطبيب انه يسألني بعض الأسئلة فطلعو الباقي .. وظلت انا ويه المترجم وويانه الدكتور ..
تكلم الدكتور ويه المترجم والله ما قبضت شي من اللي قالوه .. بعد هاللغة غير شكل ..
وبعدين دار ليي المتركم : الدكتور يقول ليك جيفة صار الحادث
عبدالله : انا كنت راجع من السعودية .. كنت شوي اسوق بسرعة .. وكان فيي نومة .. بس قاومتها .. لما دخلت البحرين ما حسيت بشي .. بس حسيت بشي واحد انه سيارة الأسعاف صوبي واخذوني .. وبس .. بعد ايام اوتعيت في المستشفى .. وكانت ظهري من تحت الم شديد .. ريولي ما قدرت احركها عدل .. الدكاترة جو .. استمريت في المستشفى على مثل الحال .. ودائماً الم في ظهري .. بس شوي شوي بديت احرك ريولي .. بس مو حركة طبيعية .. في البداية كنت احسها يابسة .. وماكنت احس انه عندي ريول اصلاً .. بس الحين احسن بواجد .. وهذي كل سالفتي ..
ترجم المترجم .. بخش بغش بو بام بوست مادري ويش يقول .. وبعدين تكلم وياه الدكتور ودار ليي ..
المترجم : انته بالدبت في وين المك تهت الدهر ولا اررفع ولا ويش ..
عبدالله : لا من تحت الظهر
المترجم : انزين انته بس يألمك تهت دهر
عبدالله : ايه ..
وقمنا على هالحالة .. بعدين دخلون في اشعه .. جهاز ادخل فيه بكرسي .. اقعد ثلث ساعة .. بصراحة خفت .. مادري ويش بيسوي ابي هالجهاز .. طليت الثلث الساعة وقلبي كان بيطلع .. بعدين خدروني .. استسلمت للنوم .. عشان ارتاح .. لما قعدت كد الأشعة طلعت لأنها مسوينها مستعجلة .. جا الدكتور ووياه المترجم ..
المترجم : عبدالله .. انته تحتاج علاج طبيعي .. وبعدي تحتاج قوة وأزيمه ( عزيمة ) وإراده ..
عبدالله : انشالله امتى ببتدي العلاج الطبيعي ..
المترجم : من باجر .. اليوم ارتاه وريه اعصابك ودغوطاتك ( ارتاح وريح اعصابك وضغوطاتك )
عبدالله : انشالله ...
يو الشباب .. بس كنت انه مخدر .. رغم اني كنت مشتاق ليهم .. وبالباجر بديت العلاج الطبيعي .. وكان بالنسبة ليي شي ممتع .. رغم انه فيه ساعات آلام .. لكنه فعلاً شي روعة .. لأني احس انه شوي شوي استرد صحتي .. في مرة من بعد ما خلصت العلاج .. كنت في حجرتي .. حولت اجفس ريولي .. وقدرت اجفسها ببساطة .. وبعد حاولت امشي .. الا كنت مصر انه انا امشي .. وقمت من على السرير بكل إصرار وامل .. ضغط على الكرسي .. رفعت جسمي .. شوي شوي .. قدرت ارفعه .. قمت وقفت .. وانا كنت اقدر اوقف .. وبديت اتدرب على المشي .. بس ما قدرت امشي عدل .. مشيت خطوتيين .. وحسيت بالتعب .. رميت روحي على السرير عشان اريح .. الشباب يومياً يزوروني بس لما بدت المباريات قلت زياراتهم .. بس مسكين ابويي .. مداوم في كل حزة ... وحتى في العلاج الطبيعي ويايي .. احس بالأمل اكثر لما يكون ابويي ويايي .. اشوف في عيونه لمعة تفاؤل .. اواصل بكل عزيمة .. بدت المباريات وهنيه كانت نقطة ضعفي .. انا ما اقدر اقاوم المباريات .. واطالعها اول بأول .. بس الحين الملعب صوبي .. وفي مثل الديررة .. جتني رغبة شديده في اني اروح .. غبطت الشباب لأني ما اقدر اروح .. بينما هم يقدرون .. تمنيت تكون عندي النعمة اللي عندهم .. بس كانت صحتي اهم .. وعزيمتي على المشي اكبر .. فكرت انه لين مشيت بقدر اروح المباريات الجاية بروحي ولو كانت في آخر الدنيا .. وهذا بعد صار دافع إلى همتي .. استغرب الدكتور من طريقتي في الدوام على التدريب .. ودوامي على كل شي يفيدني في تحسن صحتي .. مرت المباريات مباراة ورا مباراة وعزيمتي تزداد .. والدكتور يشجعني ويقول ليي اني من احسن المرضى عندة .. كنت اطالع المباريات في التلفزيون عبر القناة الألمانية .. وكان اكثر الأيام حزناً عندي يوم اللي البرازيل انغلبو .. كانت صدمة كبيرة كلش .. خسارة .. كنت اتمنى تفوز البرازيل ورونالدينهو يتوج بأحسن لاعب .. بس روني بيبقى احسن لاعب ..وبسبب زيدان ما فازت البرازيل .. تمنيت انه زيدان استقال .. او طلع من المنتخب .. وتأهل للنهائي فرنسا ايطاليا .. وبسبب كرهي لأيطاليا شجعت زيدان وفرنسا .. حتى ديك الليلة الشباب ما جو ليي .. اكيد حزنانيين .. ياب ليي ابوي عشا من مطعم مدحوه الشباب .. اليوم ما اكلت من المستشفى .. اكلت ورق عنب وهالسواف .. بصراحة اشتقت لطباخ امي . .
باجر هو آخر علاج لليي في العلاج الطبيعي .. بس ببقى في المستشفى تحت اشرافهم عدت ايام .. احسن ...
قدرت امشي .. بس الدكتور قال ليي لا تمشي .. اول ثلاثة ايام من ببعد ما تطلع .. وانه باقي عليي ثلاثة ايام للين ما اطلع .. والمباريات خلصت .. ظليت فترة طويلة في المستشفى بس حسبتها ايام .. بسبب املي الكبير ..
هاليومين الشباب كانو عندي لفتره طويلة الا من الصبح لليل .. قعدنه سوالف وضحك .. راحو استأذنو من الدكتور انه نلعب ono وبته ودومنه وهالهرار .. وافق بس اهم شي يظل ظهري سيده .. وريولي بعد .. بس اقدر اجفسهم او شي جدي ببساطه ..
يابو الطاولة اللي نحط عليها الأكل .. ولعبنا عليها .. والله استانست .. وحتى ابويي لعب ويانه .. انا وجاسم واحمد وسيد محمود وابويي .. ككل لعبه عجيبة .. كلها ضحك ووناسة .. الشباب يشربون كوكاكولا بينما انا اشرب عصير طازج .. احسن ليي .. قعدنه نلعب .. لين ما قال الطبيب انه لازم يشوفني واتدرب شوي .. عشان تعدن رجولي على المشي ..
اول شي خلاني امشي بالعكاز .. وبعدين شال العكاز وجودني من ايد .. بس كان ودي يهدني ..
وفعلاً بعدين هداني .. وقعدت امشي .. احس انه خطواتي ثقيلة .. واشي ببطأ .. بس الدكتور ابتسم وقال ليي نتيجه ممتازة وشوي شوي بتتعود على المشي وبترجع انسان عادي .. بس اهم شي ما اتعب روحي في المشي ..
وشويه تمارين .. مثل انا ممبحط وهم يحركون رجولي .. على العموم احس بمتعه .. انقضى هاليوم وباقي يوم .. وهو باجر .. بيسون ليي فحوصات .... وبانام والصبح بيعلنون عن النتيجه .. اما اني اوكيه او اني احتاج إلى ايام اكثر وإلى عملية بحيث انهم بيفتحون الظهر وبحطون مسمار ومادري ويش قال عشان يثبت .. اما انا كنت ادعي ربي بكل ثبات وبكل عزيمة وبكل رجاء .. وبقلب مكسور اني ما احتاج للعملية .. لأني اخاف .. يحطون ليي هالهرار .. جا اليوم الموعوود وسوو الأشعة .. اما ذيك الليلة انا ما نمت .. مستحيل انام وباجر مستقبلي .. انا مست((( ارضى انهم يحطون ليي مادري ويش في ظهري .. ديك الليلة كنت اعد الدقايق .. وطلعت الشمس .. بخيوط روعة .. واعلنت عن وصول يوم جديد في احتمال تكون في طياته مفاجأت .. جا الدكتور مستبشر وقال انه الفحوصات عالي العال .. وماراح احتاج لعملية .. بالعكس انا بعد ايام اقدر ارجع انسان طبيعي ..
كان خبر سار .. وانا على السرير اتجهت للقبلت وسجدت شكر لله .. بدت دموعي تنزل .. بعد كل هالعناء .. بعد كل هالألم .. بعد كل هالشقى .. بعد ما ظغط على مشاعري .. بعد ما ضحيت بالمباريات .. بعد ما سويت كل شي .. الف الحمد والشكر ليك يارب .. مباشرة اتصلت لأمي .. محد قدها يستاهل .. كل يوم تتصل ليي .. وكل يوم تصيح قبل لا اقطع السماعة ..
امي : الو
عبدالله : هلا اماه
امي : عبود .. يا بعد جبدي .. وينه انته ياولدي .. امس ما اتصلت ليي .. شحوالك شحوال صحتك .. ويش يا عبود امتى بترجع .. امتى بترجع وانته تمشي عدل .. والله اني بسوي اكبر عزيمة في البلد .. وبزوجك احسن بنيه في العالم ..
عبدالله : بفضل دعائش يا امي .. اكو جاء الدكتور وبشرني انا انا ما احتاج لعمليتا وبعد ايام برجع مثلي مثل أي انسان .. الحين بباشر ابويي
امي : صدق ياولدي صدق .. الحمد لله .. الحمد والشكر لك يا رب . عبدالله انته وحيدي .. واليوم خليت الروح تدب فيي من جديد
عبدالله : تسلمين يا امي
امي : عبدالله
وبدت امي تصيح
امي : الحمد لله ياولدي .. ما صدقت .. وكنت انتظر في كل لحظة .. وفي كل دقيقة .. الوقت اللي بتتصل فيه وبتقول ليي انك صرت زين .. يالله يا ولدي اتصل بشر ابوك .. المفروض تتصل ليه قبلي .. هو تعب وياك .
عبدالله : الحين بتصل ..
اتصلت لأبوي وبشرتة .. جو الشباب .. وشجعوني اكثر وخصوصاً انه احمد اشترى ليي عكاز بسيط بدل الكرسي .. واليوم وقدام الشباب اعترفت اني ما اسمع اغاني وفعلاً هذا اللي صار .. انه اقتنعت اقتناع تام انه الأغاني مجرد وصخ دنيا .. ما بكسب منها شي .. وانها ما بتجيب ولا بتودي .. بس بخسر سيئات ..
طلعنه من المستشفى بس اول سلمت على الدكتور اللي كان ليه الدور الأول في شفائي بعد الله سبحانه . . لأنه بلطافته .. واخرقة .. وتعاملة ويايي خلاني ما اكره المستشفى بالعكس . وخلاني اشتاق للعلاج . . .
ودعت الدكتور وراح ابويي يدفع باقي فلوس المستشفى .. صدق انه هو كلفنا وايد .. لكن ما عندي أي خيار ثاني ..
طبعاً وصلنه الشقة .. لأني آخر مباراة ما طالعتها كنت في الأشعة .. الحين اصريت اني اطالعها قبل كل شي .. وطالعتها .. وجتني عله من حركة الأيطاليا مادري ويش اسمه ..... ورغم اني ما اطيق زيدان الا اني احييه واحترمه بعد .. لأنه لاعب عنده اخلاق بس الله يهديه مادري ويش اللي صاده في هالمبارة .. محسود ..
تريقنا .. وبعدين نمنا .. وكل واحد من الشباب راح داره .. والعصر قررو الشباب انهم يروحون السوق .. ولأني ممنوع من المشي الوايد ما كنت اقدر اروح وياهم .. بس في حركة استغربتها .. انه الشباب حتى ما مرو .. بس اتصلو .. وطبعاً لأني اوثق في آرائهم وصيتهم ..
رجعو وجابو طقم لأمي مال صفاري بس واجد زينين من شكلهم .. ثقال وقواي . وبعد غلي .. بس مافي شي يغلى على امي ..
واما للبنات فأخدو احجار كريمه .. .. منى اخدو ليها احجار كريمه بينما فاطمة اخذو ليها طقم فوطة نسائيه وفوطة رجاليه ووياهم نعال وكريم واشياء للوجهة لأنها بتعرس .. والله يقدرني ولين عرست منى اشتري ليها طقم .. اما هدى فلين انخطبت بتكون هديتها غير .. لأنها اكثر وحده قاست ويايي ..
في الليل رحنا لأحمد وكان يلعب بليستيشن وقعدنا نلعب .. كراش وسباق سيارات وطرزان وهالهرار .. بس ترا فن .. وانا طبعاً ولي الشرف دائماً مغلوب ..
وبعدين قت ورحت الحجرة عشان انام .. والشباب قعدو شوي يلعبون وبعدين قامو ..
باجر آخر يوم لينا في المانيا ومادري ويش بيسووون او وين بيروحون ,,, بس انا بقعد في البيت وبكتفي بلعب البلاي ستيشن .. وبطالع التلفزيون وباكل وبنام .. هذا مشواري باجر ..
استسلمت للنوم .. وقعدت في يوم جديد .. وشمس جديدة .. شمس في عيونها الأمل ..
الشباب اليوم بعد قعدو من الصبح وراحو السوق .. والعصر رجعو .. رحنا نتغدى لأني انتظرتهم ..
نزلنا تحت .. وقعدنا في المطعم .. سوالف وضحك ... وتعرفنا على شباب اماراتيين .. طيبين وخريش مثلنا .. جو وقعدو صوبنه .. هم ثلاثة . . حمدان وراشد و هزااع ..
راشد : ما تشوف شر عبود
عبدالله : الشر ما يجيك حبيبي
حمدان : انه ربيعي خقاق وصاده مثلك
عبدالله : بس آنه هب خقاق
حمدان : افا عليك فديتك بس ربيعي ماحبه .. دوم يتخقق هب انت الغالي
عبدالله : تسلم
عن يازعم اتكلم اماراتي .. وانه مو عارف اركب كلمتين
هزااع : انت شو بلاك عسب صرت جيه
مافهمت .. بس حسب كلامة يعني ويش صادني .. يالله يقول ليه السالفة
عبدالله : انا يا طويل العمر كننت راجع من السعودية ما اوتعيت الا في المستشفى بس جيفة الحادث صار مادري ..
هزااع : يعني انته ما تروم تسير الحين
عبدالله : امبلى اقدر بس مو وايد
هزاع : هيه ما تشوف شر فديتك
اللهجة الأماراتيه صعبه شوي ..
هزااع : يالله انشالله تودر هالعصاه وترجع
حمدان : ودرو هالسوالف .. وتعالو حوطو بالإمارات
احمد : انشالله
حمدان : انا ما عرفت الا عبدالله
احمد : انا اسمي احمد
جاسم : وانا جاسم
سيد محمود : وانا محمود
حمدان : عاشت الأسامي
احمد : عاشت ايامك ..
هزااع : من بيسير فياي بروح آخذ كيك
احمد : انا
جاسم : انتو سيرو وبعدين بخبركم
هزااع : خير
جاسم : لا بعدين ..
وراحو اخذو كيك ولما رجعو
جاسم : يالربع انه خطوبتي 24 اغسطس .. وبسوي لمه للشباب وو ممساحة لليولة .. فحياكم
راشد : آآآآآآآه فديت اليولة والله اشتقت لها ..
هزااع : افا عليك .. بس نرجع ايول فياك
راشد : ابشر فديتك

وقعدنا سوالف وضحك وعزمهم جاسم على خطوبته .. وخوش شباب .. فعلاً قعدتهم ما تنمل .. الفجر الساعة ثنتين بتقلع الطائرة للبحرين .. اما انا والشباب فما نمنا .. قعدنا من المغرب طلبنا عشا وطالعنا فلم هندي عجيب عجيب .. ولما خلص طلعنا البليشتيشن وقعدنا نلعب .. طول الليل .. للساعة وحده ونص .. اغراضنه كلها مجهزه من العصر .. ودعت المانيا بنظرات .. صدق هالأرض طيبة .. حسيت انه انا مستانس .. طلعت بعككازي .. واغراضي شالوهم مال النفدق .. ركبنا سيارة اجرة .. ورحنا المطار .. وانا مشتاق للبحرين وايد .. هذي ارض الخير ..

جاسم
المانيا \ الفندق
----------------------------------
كل شي تمام . . لما طلمت محمد هذيك المرة قلت ليه يفصل ليي ثوبين بقياس الأثواب اللي عندي .. ويشتري ليي بوانطلين جينز من الماركة الل احبها .. وانا بعد اشتريت ليي .. وبالنسبه لبدله الخطوبة فبلبس بدله رسميه .. بس ارجع بوصي عليها .. وليله العقد بلبس ثوب .. وليلة اليولة ويه الربع بلبس اماراتي ..
وجهزت هديه لمنى .. وهي عبارة عن قصيده مكتوبه ليها .. بخلي شاعر يقراها .. ووياها طيور حب يطيرون في الفندق .. وبالإضافة لعطورات وهالسوالف ..
احس اني جاهز .. اصلاً مااحتاج لتجهيز وايد .. وفكرت اني آخذ ليي خيمة حق جمعت الربع بس بيكون سعرها غالي وانا ما امبي اصرف كل بيزاتي . امبي اوفر للزواج بعد ..
في اليوم اللي طلعنه نشتري هدايا اشتريت لمنى مثل هديه فاطمة ( طقم فوط وكريمات ونعال للبيت من قطن ) بس لشخص واحد ... وبعد اشتريت لهد اختي بدله حليو .. مثل مال الموضة .. بس هالمرة لونها اخضر زيتي على ترابي .. لأنه هدى ما عندها شي هاللون ..
وما نسيت فاطمة اختي طبعاً اشتريت ليها طقم صفاري مثل طقم ام عبدالله ..
رجعت البيت .. وبعد باجر بنروح البيت .. مرت الأيام .. وفي اليوم الأخير تعرفنا على شباب اماراتيين .. وكانو كلش حلوين .. عزمتهم على خطوبتي واخذت ارقامهم وعطيتهم رقمي .. والعصر جهزت شنطتي انا واحمد وبعدين رحت جهزت شنطت عبدالله .. عن لا يجندس .. وفي الليل رحنا المطار .. واما انا متشوق موت للبحرين .. امبي اعزم ربعي .. تخيلت نفسي وانا علي الكرشي اللي نقعد عليها انا ومنى .. ارفع عن ويهها الطرحة .. ياسلام ..
صدق معرس ..
دخلنا المطار وقعدنا ننتظر .. لين ما اعلنت الطائرة انها بتقلع .. دخلنا الطائرة .. بس قبل لا اسكر التلفون وصلني هالمسج

والله ما يسوى اعيش الدنيا دونك ... لا ولا تسوى حياتي بهالاوجود
دامك انته الي رحلت وكيف بصبر ... عالبعاد وكيف ابا انثر هالورود
ما حلفت انك تقاسمني المحبه ... وتبقى لي حبن ولدروبي دليل
بس حسافه الموت كان اقرب وارحم ... حسبي الله وحده ونعم الوكي(((

وكان من منى .. ما فهمته .. بس استانست لأنه الدنيا ما تسوى بدوني .. اغلقت التلفون وقعدت صوب سيد محمود .. وضرب سوالف وضحك .. وعرفت انه عنده اختين .. وحدة متزوجة واكبر منه والثانية توها السنه متخرجه يعني قد احمد ..
وصلنا إلى ارض الخير .. نزلت من الطائرة وانا مو مصدق .. والله اشتقت ليش يالبحرين .. اشتقت لكل شي فيش .. حتى هواش غير .. ترابش غير .. اهلش غير ...
استقبلونا محمد وابويي وخالي ..
ابويي : هلا بالشباب .. هلا بالأبطال ..
واتجهت انظار الكل لعبدالله وهو يمشي بعكاز ...
حظنت ابويي ... ومحمد اخويي اكثر .. بصراحه صار خاطري فيه ..
جاسم : هلا والله حمود شخبارك
محمد : الحمد لله .. عيل يالخاين تروح تخطب ولا تقول ليي
جاسم : هههه .. عقبالك
وقعدنا نسولف
احمد : ما بتمشون
الأخ مستعجل .. وانا اكثر منه بس ما امبي ابين هالشي ..
ابويي : ويش رايكم يا جماعة تجون كلكم بيتنا
خالي حسين ( ابو عبدالله ) : والله خوش فكرة .. رغم اني تعبان بس خاطري في اختي .. بس على شرطت اروح اشوف ام عبدالله اول
ابويي: روحو وراتاحو وبعدين تاعلو
حسين : اي خوب الحين الفجر
ابويي : تدرون تعالو على غدا
خالي يوسف : لالالالا مانبغي نكلف عليكم
ابويي : لا كلافه ولا شي .. نتجمع بسلامة عبود
جاسم: خوش فكرة
عشان اشوف منى .. رغم اني حتى لو ما شفتها بروح ليها ..
رجعنا البيت .. رغم انه الوقت الفجر إلا انه هدى وامي قاعدين ..
بس دخلت نقزت هدى وحظنتني ..
جاسم : هلا والله بشيخة البنات ..
هدى : هلا فيك زين العرسان
استانست من حركت هدى .. حسيت انها تحبني فعلاً ..
وبعدين رحت لأمي وحظنتها ..
امي : جدي تخلينا في اكثر الأوقات حاجة ليك
جاسم : عبدالله ولد خالي محتاجني اكثر
بعد السلامات والتحيات رحت حجرتي .. تسبحت .. ونمت .. وانتظر باجر احر من الجمر .. اوه صحي ما قلت لهدى انه باجر عندنا عزيمة واذا درت انه احمد بجي وهي ما برزت ويش بتلبس بتفزع المكان

يتبع

تابع الجزء الثالث والعشرون

جاسم
البيت
-----------------------
اوتعيت الساعة 10 و نص .. فزيت بسرعة .. تأخرت وماعندي بدله كشخة البسها .. وبعد امبي احلق .. بل .. انجان مو يجون .. لازم اكشخ لمنى ...
رحت وطقيت الباب على هدى
هدى : جسوم الساعة خمس الفجر يوم انام الله يخليك خلني انام ما شنعت
جاسم : هدوي بعد شوي بجون بيت خيلاني .. واحمد ومنى وكلهم
اهنيه استوعبت هدى الموضوع ..
فتحت الباب .. وانا من اول ما شفتها ما قدرت اوقف من الضحك .. شعرها مفلول .. صدق انه هو ناعم بس صاير متبعثر .. وعليها بجامه النوم .. وويها مضروب كأنه احد عاطنها بكس ..
جاسم: هههههههههههههههه خخخخخخخخخخخخخخخ
هدى : جاسم عفيه صدق اليوم بجون
جاسم : هههههههههههههههههههههههههههههه .. من عاطنش بكس وممشع شعرش ..
هدى : جاسم بلى تطنز .. قول ليي صدق بجون
جاسم : أي صدق .. وعقب شوي بجون
هدى : الحين توديني المجمع ..
جاسم : لاويش
هدى : ابشتري ليي بدلة
جاسم : ولاويش البدلة هم مو جايين يخطبونش ..
هدى بحيى : جسووووووم
جاسم :مافي عندش ثياب وايد البسيهم .. وانتين عندش جلابية اذكر انها حليوة ولونها احمر وعندش ثانيه فيروزيه البسيهم من زمان ما لبستين جلابية
هدى : لالالا امبي شي جديد
جاسم : هدى بلى اسراف .. تسمعين له
هدى : بقول لحمود يوديني ,,
جاسم : وبتقولين ليه ودني اشتري ليي ثياب لأنه احمد بجي .. انا قايل ليش اثقلي يا بت الناس .. واليوم اذا شفتش تتكلمين ويه احمد لو بس تطالعينه .. بحبسش في حجرة .. وتلفونش باخذه . . والخط اللي في حجرتش بقطعة .. والدرايش بحط عليها حامي .. تفهمين له .. بنات آخر زمن .. وايد يبيخونها
هدى : جسووووم
جاسم : هدى سمعتين الكلمة والله بقول لمحمد ومحمد ابداً ما يلاعب في هالسوالف .. ويفضل اليوم حتى ما تطلعين من حجرتش
هدى : مو على كيفك .. والله الحين اقول للبابا .. وهو ياخذ حقي .. واني ما سويت غلط .. كنت اكلم ولد خالي
جاسم : وتكلمينه في التلفون بعد
اهنيه تبلعمت هدى .... انا وانا في المانيا اتوعد فيها .. مو على كيفها ..
جاسم : اكي فاطمة حبت ولد عمي .. وعاشت اكبر شقى لأنه مرتضى كان بيخط غيرها وما كان يفكر فيها .. وكتمت سرها ولا علمت فيه احد . وبعد ما تقدم ليها مرتضى صارحتني بالحقيقة .. هدى اعقلي .. هدى اثقلي .. احسبي جم مرة اقول ليش .. عجبتيني في سوريا .. ماقمتين تكلمينه .. والحين قمتين تعوضين ..
هدى : جاسم
جاسم : سمعتين له .. اليوم حدش تقعدين صوب منى .. اذا شفت نظرة وحده صوب احمد بتشوفين شغلش .. بقول لأبويي كل شي وبقول ليه ان لما كنا في المانيا كنتين تكلمينه .. هدى انا هالمرة ما برحمش .. تفهمين له ما برحمش ..
هدى :جاسم حرام عليك
جاسم : مو احنا اللي نشوف بتنا تمشي في الغلط ونسكت .. انتين ظامنه انه احمد يخطبش .. يمكن بعدين يقول مثل ما كلمتني تكلم غيري ويروح يخطب احسن وحده في الديره .. اليوم هو آخر يوم ليش واذا شفت حركة وحدة لو نظرة .. بقتلش
هدى : انته ما كنت جدي
جاسم : من كثر سواياتش فشلتيني .. اختي تتصل لولد خالي وتكلمة .. آآه يالفشيلة
هدى : قلت ليك هو اللي يتصل
جاسم : انا اليوم بقول ليه لا يتصل ..ورقمه انسيه .. واذا احمد يبغيش بيخطبش .. هدى سمعتين له هالمرة ما امزح ترى والله اعلقش في البانكة ..
هدى : اكو انته تكلم منى
جاسم: جــــــــب ..منى عمرها ما سوت سواياتش .. ومنى عمرها ماكلمتني ..وحتى لما خطبتها .. كانت تتهرب اني اكلمها ..وتستحي بعد .. اما انتين بقول لأبويي عنش .. وبقول لمحمد ..بخليهم يحبسونش في حجرة .. ويفضل يحبسونش في المخزن .. هدى انتين زوديتنها .. وايد زودتينها ..وحده مو مخطوبة تكلم شاب من سنها ,,, هذا ويش يعني .. مو معناته انه ولد خالشةيعني عادي ..لا الشرع يرضى .. ولا احنا نرضى ..واذا شفت منش حركة مو بس جدي .. بوافق على محمد ولد عمي .. ومحمد اخويي موافق ..وابويي موافق ..واذا وافقت انا خلاص بتكونين خطيبته
هدى : جاسم عاد الا هذي
جاسم : سمعتين الكلام .. والحين دخلي واذا اليوم شفتش تسوين أي حركة .. عساش لو تفرين راسش .. بقتلش .. يالله دلفي قبل لا اطلع حرتي فيش
هدى : ويعني انته ما طلعتها
جاسم : لا بالضرب .. انا ولا مرة ضربتش ولا ابويي ولا محمد .. بس بتكون هذي اول مرة اذا ما دلفتين من وجهي ..
دخلت هدى حجرتها .. رغم اننه هي كسرت خاطري .. لكن ذيك المرة كلمتها بالطيب وما جاب نتيجة .. امبي مصلت اختي .. ومابي احد بعدين يتكلم عليها .. من حقي احافظ على سمعت اختي .. رغم اني واثق في احمد لكن هالثقة ما تكفي .. ويمكن حتى الضرب اضربها .. بس ما تغلط .. الشيطان شاطر .. وانا مو ضامن انه اختي ما تغلط .. اليوم تكلمةوباجر بعد يطلعون .. بس صدق صدق اذا شفت منها شي ما برحمها عشان تحس .. وهالمرة ما بعلم ابويي ومحمد لكن اذا دريت بس انها مطرشه ليه مسج بقتلها وبقول لأبويي وامي ومحمد .. الوضع ما ينسكت عليه ..
قبل لا تدخل حجرتها .. قامت تسبني بالعجمي .. وظظامنه اني انا ما اعرف فتستغل الفرصة ..

جهزت روحي .. طلعت الثياب اللي بلبسهم ... نزلت تحت .. إلا جدور مال المطعم وصلو .. دخلوهم الخدم .. بينما انا رحت لأمي .. دخلت إلا هي وابويي قاعدين في حجرة الطعام .. حبيت راسم امي وحبيت راس ابويي ..
وقعدت
امي : تحب الكعبه ..
جاسم : صباح الخير
ابويي : الا مساء الخير
جاسم : توها الساعة 11:15
ابويي : قريب بيأذن ..
جاسم : أي
ابويي : يالله جهز روحك حق نروح المسجد
جاسم : انشالله
ابويي : الا وينهي هدوية ...
جاسم : فوق ..
ابويي : ويش تسوي
جاسم : تتبرز .. حق لين بجون الأهل
امي : ياحب هالبنيه حق الكشخة ..
جاسم : أي والله .. يمكن هي اكثر بنيه في العالم تحب تكشخ ..
امي : ههههه
ابوي : يالله عاد ترى هذي بتي وما ارضى عليها .. وهذي الصغيرة المدلـلة وانا ما ارضى احد يغلط عليها
جاسم : ابويي الدلال الزايد مو زين
ابويي : وانا ويش سويت ليها عشان دلال زايد ..
جاسم : لازم تشدد الرقابة عليها
امي : جي اختك مسويه شي
جاسم : لا بس للتأكد
ابويي : انا واثق من بتي .. هذي تربيتي ..
انقهرت .. جيت بقول ليه عن اللي تسويه . . لكن جدوت لساني .. ماامبي اقهر ابويي .. مسكين مو ناقص ..
جاسم : يالله بقوم البس عشان نروح الصلاة
ابويي : بسرعة ياولدي قبل لا يبدأ الشيخ
جاسم : انشالله
رحت ركبت . سمت صوت هدى تصيح .. صدق انها كسرت خاطري .. بس الحق ما ينزعل منه .. وهذي الحركة كان لازم اسويها من زمان ..
دخلت الحجرة وقلبي مكسور على اختي .. ما اقدر اسمع صوتها تصيح .. لكني بعد مااقدر اشوفها تسوي الخطأ ..
لبست وطلعت .. صوتها هدأت ..
مشيت ونزلت تحت .. الا ابويي جاهز ,, مشينه للصلاة .. ولحقنا محمد اخويي ..

المسجد كان بااااااااااارد .. ويتخلل الهوا اللي فيه نفحات من الايمان .. الناس كلها تسمع الشيخ .. المكان واسع .. رحت وقعدت صوب ابويي ومحمد اخوي .. وكانو صوبنه احمد ولد خالي وخالي يوسف .. لما شفت احمد تذكرت الي صار .. جيفه هدى كانت مستحمقة ..
وبعد ما خلصنا الصلاة .. قعدت اسولف ويه احمد ..
جاسم : احمد بطلب منك طلب ..
احمد : خير ..
جاسم : لا تكلم اختي في التلفون ..
احمد : نعم
جاسم : سمعتني .. من حقي احفظ اختي .. وانا اليوم متوعد فيها واذا شفت بس نظرة منها صوبك بقتلها .. وباوافق على زواجها من محمد ولد عمي
احمد : جاسم ويش تقول ..
جاسم : اللي سمعته .. محد يقبل باللي قبلت فيه .,. انا ما ارضى انه اختي تكلم شاب حتى لو كان ولد خالي ..
احمد : بس تدري اني اكيد بخطبها ..
جاسم : وليش واثق .. باجر يصيده شي .. او يصيدك .. باجر انته تغير رايك .. انه امبي احفظ اختي ..
احمد : بس اليوم جاسم عاد .. انا عمري ما قلت لأحد عاد بس بس اليوم في موضوع وايد مهم لازم اقوله ليها انا
جاسم : قوله لي وبقوله ليها ..
احمد : مايصلح ..
جاسم : بشرط .. انا ومنى نكون وياكم
احمد : جاسم ويش هالشروط
جاسم : سمعت شرطتي .. موافق كان بها مو موافق انته حر ..
احمد : بعد عندي غير الموافقة ..
جاسم : وهالمرة بس .. وبعدين ما تكلم اختي ابداً .. واذا بغيتها تعال اخطبها .. هذا اللي عندي ..
وقمت عنه ..
رحت البيت .. امي كانت في المطبخ ويه الخدم يعابلون الأكل .. وهدى طبعاً فوق .. ابويي مشا قبل وراح يسبح عشان لين جو الجماعة . ومحمد راح يبدل ثيابه .. وما بقيت الا انا حاير .. مادري اللي سويته صح او خطأ .. اتصلت في سيد محمود بماانه صار اقرب واحد ليي ..
جاسم : هلا سيد
سيد محمود : هلا فيك ..
جاسم : محمود الحين ويش عندك .
سيد محمود : ماعندي شي .. بس قاعد ويه الأهل
استحيت على طولي
سيد محمود : خير
جاسم : لا ابدا بس قلت امبي اشوفك بعد يوم او يومين ....
سيد محمود : خير في شي
جاسم : لا ابداً بس كنت امبي آخذ رايك ..
سيد محمود : صار حبيبي
جاسم : يالله مع السلامة
سيدمحمود : الله يسلمك ..
رحت وتسبحت للمرة الثانية .. من القهر .. والحيرة .. طلعت ولبست ثيابي اللي بلبسهم لأنه الساعة تقريباً 1:30 ..
رحت وطقيت على هدى ..
هدى بصوت مبحوح : من
جاسم : انا
هدى : جاي تكلم
جاسم : افتحي ..
هدى : ليش
جاسم : بظل واقف عند الباب
هدى : الباب مفتوح
جاسم : انزين قولي من البداية
هدى : آسفة عمي جاسم .. تبغي احب رجولك
جاسم : انا هالأسلوب ما احبه .. بتتكلمين بأدب تكلمي ..
هدى : قلت ليك عمي واحب رجولك بعد ويش تبغي .. انتحر عشان ترظى الشيخ جاسم
جاسم : هدى للمرة الثانيه احذرش من قلت الأدب
هدى : جاسم ارجوك .. اني اكثر وحده تشوقت لشوفتك .. واني اللي عديت ليك المفاجات اني ومحمد .. واني اللي نسقت .. وكله عشان اشوف الفرحة في عيونك .. رغم انه كان بطني يعورني .. لكني رحت ويه محمد نسوي ليك ثياب .. ورحت اخترت اشياء مسوينها مفاجأه .. ليك ولمنى .. وجازيتني بكل هذا بأنك تتوعد بظربي وحرمتني حتى من الطلعة .. وبعد ما اكتفيت والحين جاي تكمل .. حرام عليك .. بعد باجر عرس اختي .. وباجر الجلسة .. الناس تفرح وانته قلبت حياتي جحيم .. انسان حبيته وحسيت اني محتاجتنه حرمتني حتى من شوفته ..
جاسم : بلى وقاحة
هدى : اني عمري ماكنت جدي .. واحنا تدري انه عندنا عادي نكلم ولاد خيلنا وخالاتنا من زمان عادي .. ويش اللي قلب المواجع .. انته مو جاسم اللي اعرفة .. انته كنت احن واحد عليي .. وانته كنت لو ويش في قلبي اقوله ليك .. فاطمة اختي مو كلش قريبة مني وانته اقرب .. رغم انك الصبي وهي البنيه .. كنت اقول ليك اللي في قلبي وبصراحة .. لأنه هالشي عندي مو عيب .. اني لين حبيت مو بأيدي .. الحب من الله .. واذا بتعترض او بتعاقب مو تعاقبني اني .. واني ولا يوم غافلتكم وطلعت ... وولا يوم اتصلت ليه عشان نتكلم في الغرام وهالسخافات .. كنت اتصل استفسر عن احواله واحوالكم .. وبعد اسمع صوته .. انته كنت تسلي روحك بأنك تكلم منى .. واكو انته مو عاقد عليها .. وفي احتمال تتغير الآراء .. وفي احتمال يصير شي .. ليش تكلمها .. !!! ليش بس اني هالشي عليي حرام وعيب ..واحمد مكلمنك .. ليش تحرمني من شي بسيط .. روح .. روح .. روح شوف البنات في المدرسة .. اللي تقول وبكل وقاحة حبيبي .. واللي تقول صديقي .. واني ما اتحجة عنه ابداً .. وما قلت الا ليك ولمنى وفاطمة اختي .. وامي ما تدري .. ما سألت روحك اني ليش قلت ليك وما قلت لمحمد .. او ما قلت لأمي .. لأنك اقرب شخص ليي .. وليتك قدرت هالقرب ..
جاسم : اولاً انا ما عليي من غيري الا تقول حبيبي وغيره .. انا اللي عليي ارشدش للصح .. انتين في سن مراهقة ما تميزين .. رشدتش بالكلام بس مافاد .. وانتين خليتين الوقت اجي بحيث ارشدش بالعيون الحمرا .. انا من حقي احافظ على شرفي وسمعتي ... احنا الأول ولازلنا ما نكلم بنات خالاتنا ولا خيلاننا .. ماتقولين ليشش كل ليله احمد يتصل ليش ويش يقول
هدى : ايقول ليي ويش صاده كل يوم .. واني بعد
جاسم : وويش صفته تقولين ليه ويش صادش كل يوم .. زوجش .. خطيبش
هدى : جاسم بس .. بس اليوم ما بطلع .. وبظل قافله على روحي الحجرة .. واذا طلعت بروح المطبخ اساعد امي .. وبقابل الناس وريحتي بصل .. وحتى كحل ما بحط ليي .. وبطلع بدشداشة برفسور جاسم اذا يعجبك هالشي .. او يمكن الدشداشة تحليني .. لالالا مابطلع بالمرة ..
جاسم : يكون احسن
هدى : ليتني ما سويت ولا شي عشانك .. كنت اعد الأيام عشان رجعتك قبل رجعت احمد .. كان خاطري اشوفك معرس تروح تشتري الدهب ويه منى واروح وياكم .. لكن كل هالأشياء تسربت .. خلاص ولت .. واذا ما تبغاني اروح خطوبتك ترى عادي .. يمكن بعد الناس يشوفوني لابسه فستان لالالا مو عدلة ..
جاسم : بلى غرور
هدى : انته اللي علمتني الغرور .. اني عمري ما عرفت ارد ليك كلمة .. لكن اليوم خلاص يا جاسم خلاص .. انته كرهتني حياتي .. والحين اذا تسمح تطلع .. واذا بتروح تقول لأبوي ولمحمد ولأمي عادي .. بوقف وبقول ليهم الصدق .. بقول ليهم انه مافي بنيه ما تحب في هالعمر ... واني لما حبيت .. وما غلطت جاني اخوييي العزيز وهزأني ... عادي قول .. بتوافق على زواجي من محمد ... عادي بس بتحظر جنازتي قبل .. اني الصبح سكت عنك .. لكن الحين ما بسكت .. اذا انته تكبرني سنتين مو معناته تكرهني عيشتي .. واذا ما تبغاني اطالع احمد تقدر تبط عيوني ... لأنه مو اني اللي أأمر عيوني .. هي اللي تروح بروحها .. واذا بتضربني او بتقتلني ترى عادي .. شرف ليي اني اكون شهيده على ايد اخويي الغالي ..

حسيت بحرة على اللي سويته في هدوي .. بس غصباً عني .. غلط اللي تسويه .. من من الشباب يرضى اخته تكلم صبي لو ويش ما كان الموضوع .. بصراحة مو عدلة .. هي الحين تظن اني غلطان .. لكن لين كبرت بتقول زين اسويي .. لأنه هي الحين تنجرف ورا المراهقة ..

جاسم : خلصتين
هدى : لا .. بعده في بالي كلام .. لكن استحي اقوله لأخويي اللي اكبر مني
جاسم : عادي ماعاد يفرق عندي منش التهزيأه من المدح
هدى : قصدك اني ماعاد يفرق ويايي السب من الكلام العدل ..
جاسم : هدى قومي غسلي ويهش والبسي .. وحطي ليش كحل .. عادي .. والبسي اللي بتلبسينه بحيث يكون محتشم .. واليوم احمد يبغي يكلمش بحيث انا ومنى وياكم
هدى : ما امبي اكلم احد .. وما امبي البس .. وما امبي اطلع .. والحين لو سمحت .. امبي انام .. البارحة ما نمت كنت انتظر اخويي جاسم .. جاسم اللي كنت احبه لين ما يرجع . وكنت بس اضيع وقتي .. لكن من اليوم ورايح ما بتعبت نفسي عشان ناس ما تستهال ..
جاسم : الحين انا صرت ما استاهل .. .؟؟
هدى : والله اللي على راسه ريشة يتحسسها .. واذا انته تحس انك ما تستاهل فأنته ما تستاهل ..
جاسم : انا بسكت عنش الحين .. وبيكون كلامي ويه ابويي .. ابويي اللي واثق فيش من اليوم ورايح بتنعدم ثقته فيش .. والحين تقدرين تنامين ..
هدى : انزين بانام .. رغم انه كان عندي مخططات غير .. كنت بلبس فستان خطوبتك وبارويك اياه عليي اول واحد .. وكنت اليوم العصر بروح ويه منى نشتري شموع حق خطوبتك .. وبنروح نحجز فرقة يهال صغار يرقصون قبل لا تدخل منى وانته .. وطبعاً كل هذي كانت مفاجآت مني .. ادري انك تحب اليولة .. وهذا اللي دفعني اني احجز ليك فرقه .. واليوم بطلع يا جاسم .. واذا انته ما بتوديني عندي ابويي الله يخليه ليي فخر .. وعند محمد اخويي .. وكنت دوم اسمع شورك .. واسألك قبل ما اروح أي مكان حتى وانته في المانيا .. بس اليوم اتضح ليي انه حتى وجودي مو مرغوب فيه مو بس كلامي ..
حسيت انه انا ضعيف قدامها .. وانه هيه احلى من اخت .. معقوله عاده مفاجأت ليي .. وانا من اول يوم اجازيها بتوعدات ..
جاسم : لا بالعكس كلامش مرغوب وما امبي افارقش .. بس هدى العدل عدل .. انا ابعقد اياش اتفاق ونتفق انه انتين ما تكلمينه في التلفون ولا في العادي على مواضيع هرار .. واليوم انا بوديكم المجمع ..
هدى : آسفة .. المجمع بنروح بروحنه اني ومنى .. واذا كلش السايق مال ابويي يودينا ..
جاسم : وانتين من امتى تركبين ويه السايق
هدى : من اللحظة اللي تخلو فيها اخواني عندي .. وعن مشاكلي وحرموني من مشاعري
جاسم : يا بت الناس انا ما حرمتش من مشاعرش بس اقول ليش كوني مثل باقي البنات .. واكوم كلهم يحبون .. بس معظمهم يكتمون في قلوبهم .. وليش انتين غير .. هذا وانا ما قلت ليش اكتمي .. قلت ليش لا تكلمينه في التلفون .. وهدى فعلاً انا ما امزح اذا شفتش تكلمينه باخذ التلفون من عند ..
هدى : تبغيه اخدة من الحين .. لأني ماكنت اكلم احمد الا في المانيا .. شفته الحين اتصل ليي .. او تدر افتح المكالمات وشوف آخر مرة اتصل فيها احمد امتى ..
جاسم : هدى انا تعبت من الكلام وياش .. امتى بتفهمين انه اللي تسوينه غلط
هدى : ومن قالك اني مو فاهمة .. بس اسلوبك ويايي بعد غلط .. اني والعياذ بالله مو مسويه منكر ولا منزله راسكم في الأرض عشان كل هالعقاب .. اني اتطمنت على ولد خالي خمس ست مرات طلعت (...........)ه وحمارة ونذلة وما استحي على ويهي .. هذا لو مسودة ويوهكم .. ويش بتسوون
جاسم : جب وقص لسانش .. ما تخجلين وانتين تقولين مسوده ويوهكم .. انا بصراحة اول مرة اشوف انسانه مثلش .. يااختي .. عيب والله عيب .. تحسبين ما بتكبرين في نظر احمد اذا ما كلمتينه ولا طالعتينه .. بيشتاق ليش اكثر وبيزيد حبه .. امبي مصلحتش حسي عاد .. وتحسبين انش لين تكلمين اجنبي سواء ولد خالش او غيره الله ما يحاسبش .. انا مو من حقي ارشدش .. انا مو من حقي افهمش .. انا مو من حقي اقول ليش هذا صح وهذا خطأ .. انا مو من حقي امنعش عن الخطأ .. انا مو من حقي اضربش اذا سويتين الخطأ .. انا مو من حقي احفظ شرفش .. انا مو من حقي اصون سمعتش قدام الله وخلقة .. انا مو من حقي ازمر عليش اذا كنتين في خطأ .. او مو من حقي اعصب .. ولا من حقي امنعش .. ولا من حقي اضربش .. ولا من حقي اصون شرفش وشرفي .. كل هذا ما يهمش .. ما يهمش غير اللي يمتعش .. ما تهمش سمعتش .. ما يهمش شرفش .. ليش ما تحسين ..

هدى : كل شي الا شرفي .. وهذا اغلى شي عندي .. واذا انته تشك في شرفي اني هنيه اوقفك .. واقول ليك تشك في كل شي الاا شرفي .. فاهم ..
جاسم : انا مو شاك في شرفش ولا شاك فيش .. بس احافظ عليش وعلى شرفش .. انا اخوش مو عدوش ..
هدى : بس بس
وبدت تصارخ .. اهنيه ركبت امي ..
امي : ويش صاير ..
جاسم : ولا شي ..
تبلعمت هدى بخوف .. بينما انا حبيت استر سر اختي .. مهما سوت ليي ومهما اهانتني بتظل احلى اخت في العالم .. الحين مو هيه اللي تتكلم .. مشاعرها اللي تكلم ..
امي : عيل ليش هدى تصيح ..
وراحت امي صوب هدى
امي : هدوي بعد عمري ويش فيش صايدنش شي
هدى : لا اماه ما فيي شي .. بس كنت امزح ويه جاسم وانقلبت هوشه .. وقمت اصارخ واصيح
امي : الله يهديكم مركبيني الدرج على حسب هوشة..
هدى : تبيني اساعدش ..
امي : لا يا بتي قومي البسي واكشخي .. الحين بجون .. امباش احلى وحده .. بعد ويش ماعندي الا انتين افوشر ابش
جاسم : افا اماه وانا ما تفخرين ابي

امي : كلكم افخر ابكم .. ومحمد اكو يفكر يخطب .. واحنا محصلين ليه خوش بنيه .. وانته خطبت .. وفاطمة باجر عرسها .. ما بقت الا هيه
جاسم : هيه بعد انشالله بنتخط
امي : أي اكو ابوك يقول محمد ولد اخوه رد تقدم ليها .. وهالمرة يبغيها .. ويش قولش هدى
طالعتني هدى بأستغاثه ..
جاسم : لالا يا امي .. هدى بعدهي صغيره .. ومحمد ما يناسب هدى .. وهدى بعد ما تبغي محمد
امي : ولايكون احنا نختار الرجال .. احنا نشوف الريال اللي ما في فوق اخلاقه فوق ونشتريه ..
هدى : أي اماه بس اني ما اطيق محمد ولد عمي .. وما امبيه
امي : ويش فيه يعني نعم الرجال ..
هدى : اماه اني بعدي صغيره .. لو تبغون تفتكون مني
جاسم : اماه انا بعد اشوف محمد ما يناسب هدى .. بس خلاص انا مو موافق ..
امي : والله ما ينعرف ليكم .. جهال ...
وطلعت امي ..
وبدون ما اعطي فرصة لهدى .. طلعت بره ورحت غرفتي وقفلت على روحي الباب ... ما امبي اشوفها ... هزأتني وايد .. وطلعتني اشك في شرفها وانا مجرد نصحتها .. وبعد تعايرني لأنها مسويه ليي مفاجأتين ..
من القهر دخلت اسبح للمره الثالثة .. بس الماي البارد خلص .,.فبسرعة طلعت .. وهالمرة قعدت اطالع صور هدى لما كانت صغيره .. جيفه كان شعرها قصير ( مثل الصبيان اللي يربون شعرهم شوي ) وحرير كلش مافيه أي تدريجة .. أي قد كانت بريئه .. رغم انها لحد الحين فيها لمست براه وهدوء وشقواه يهال .. هدى اختي عجيبة .. بس لين عصبت مثلي .. ماتدري ويش تقول .. تشلت اللي قدامها .. ولا تدري هذا من .. حتى اذكر انه مرة لما كانت في اول اعدادي تهاوشت ويه المشرفة والسبب انها كانت معصبه كلش .. وجت المشرفة الا تقول ليها اليوم انتين متأخره خمس دقايق عن الدوام .. قامت هدى تشلت وتسب وتلعن .. رغم انها بارد بارده .. بس لين عصبت .. محد يعرفها .. تنقلب ..
امبطحت على الأرض على بطني .. وفست ارجولي على فوق .. وقعدت اطالع الصور .. لينه صوره انا وهي نلعب بالصابون ونسوي نفافيخ .. وصورة قاعدين في حوش بيت ابويي العود ونلعب بالماي .. ايه ذكريات حليوه .. اذكر اني وهدى في قريق ومنى واحمد في فريق .. لأني ما كنت اطيق منى وهي اكثر ما تطيقني .. وهدى تكره احمد وتقول كريه .. وهو يقول اختك مغرور مادري على ويش .. هدى في صغرها كانت اجمل من منى .. هدى شعرها محلنها زياده .. وخصوصاً انه غليض ودايماً مفلول ..
سرحت بالماضي .. وتذكرت لول .. ايام اللي كنا نتهاوش على التبيت في بيت ابويي العود .. لما كنت انا ومنى واحمد وهدى ننام وكل واحد يسمت من عند الثاني اللحاف ... وكانت امي العوده كل ليله تقول لينه قصه على قولت العجايز ( خرافه ) ..
طبعاً القدو ويه امي العوده .. وعبدالله ساعات يجي ويانه .. وسامي وفاطمة وحسين اللي كان اكبر منه وما يسمع القصص ..
سامي ولد عمي كان دوم يتلصق في فاطمة اختي .. ولما كانو صغار كان يحبها وتروح تغسل وجهها بالصابون .. وتسبه .. وامي العوده تضربه القلم مال القدو ..
ايام روعة .. لو زين ترجع ..
كنا نلعب الصيده في الحوي مال بيت ابويي العود .. وامي العوده تستحمق وتقول لينه ما تدخلون الا لين غسلتون رجولكم .. نغسل رجولنه وندخل .. اما في الليل فأنام على مراقد .. والحجرة ظلام وهدوء .. لأنه امي العودة اذا سوينه فوضا تقول لأمهاتنا ما امبيهم ..
نقعد من الصبح كلش الفجر ونروح ويه ابويي العود الزراعه .. او ساعات يروح يصير سمج .. وحسين ولد عمي القائد مالنه .. وابويي العود كان يحب هدى اكثر وحده وما يرضى عليها .. بالأحرى كانت المدلله عند امي العودة وابوي العود .. واحمد دوم يضربها .. يسوي روحه رجال .. ويقول بأدبها لأنها مغرورة .. وامي العود وابوي العود يضربونه لأنه ما يرضون على هدى .. عشنا في زمان روعة .. امي العودة كانت تسوي القدو .. وتشرب .. وابويي العود فأيده الجقارة .. امي العودة ما نقعد الا هيه سوت دبه الماي .. وسوت نص الغدا .. ودشاديشها كلهم ووساع وتحتهم صراول قيطان .. وعليها ملفع .. بيضة وعيونها زرقان .. وطلع خالي حسين عليها .. عيونه فاتحه بس مو زرقه زرقه ..
رغم كبر سنها الا انه مافيها ولا شيبه .. شعرها المتدرج مروق بالنص ومسوى جدنات .. وين ما تمشي بقدوها ... ومافي اطيب منها رغم اني ما كنت احبها لأنها تفضل هدى ( هههههههههه ) الله على ايام لول .. لوزين ترجع .. كانت قلوبنه صافيه .. واحنا الصبيان مسويين عصابه على البنات الثلاث .. وزعيمنه حسين ..
سهيت في ذكرياتي ونسيت انه الظيف بجون . . سمعت طق على الباب ..
جاسم : دخلو الباب مفتوح
دخلت هدى
هدى : جاسم اني آسفة
وقفت .. وقمت اطالعها .. اطالعها وكأني اقول ليها انتين وايد اهنتيني ..
جت ليي وحظنتني وقامت تصيح ..
هدى : جاسم موقفك ويه امي لايمكن انساه
آها يعني مو جايه لسواد عيوني .. جايه عشان لما رفضت خطبتها من محمد
جاسم : بس هذا ما بيغير من الواقع شي
هدى : امبلى غير وغير وايد .. اني اقتنعت انه اللي سويته غلط وماكان المفروض اكلم احمد ..
الحين ارتحت ..
رغم انه هدى لازالت حاظنتني وتصيح .. حظنتها وعصيت عليها بقوه ..
جاسم : انا امبي مصلحتش ..
هدى : ادري ..
جاسم : بس لا تصيحين
هدى : احس اني ارتاح لين .. ( وشهقت ) اصيح
جاسم : هدى بس خلاص ..
مشت دومعها وجت بتطلع
جاسم : هدى اليوم أي مكان بتروحون بوديكم بعد انا عندي جم هدى ومنى
هدى : واني ما امبي احد غيرك يودينا ..
وابتسمت
جاسم : جهزي روحش ..
هدى : بلبس الجلابيه الحمرا
جاسم : أي احلي عليش ..
هدى : اوكي بروح اتجهز .. وبكشخ
جاسم : ما تغيرين طبعش
هدى : ههههههه .. باي ..
واما انا .. فرديت رجعت على بطحتي .. بس ما قعدت اطالع الصور .. قعدت اتأمل في اللي صار .. معقول بهالسرعة هدى تقتنع .. جايز ..
كملت تصفح .. لين ما سمع صوت الجرس .. رحت فتحت وكان هذا عبدالله وخالي حسين ومرت خالي .. وعبدالله بعكازه ..
جاسم : حياكم حياكم .. هلا بأبو الشباب ..
عبدالله : هلا بيك ..
دخلت مرت خالي .. سلمت عليي بقل فرح .. حبيت راسها .
مرت خالي : ما قصرتون .. وما قصرت يا ولدي .. مشكور ونرده ليك انشالله
جاسم : افا يا خاله احنا ما بيننا جميل ..
خالي : اصيل ..
عبدالله : بنظل واقفين بره ..؟؟؟
جاسم : افا دخلو دخلو ..
انا دخلت .. وجو محمد وابويي وامي يستقبلونهم .. بينما انا ركبت اتعطر واكشخ زياده لأنه قريب بتجي منى ..

هدى
البيت
4:30 الفجر
---------------------------------
قاعدة اني وامي بكل شوق وكل انتظار .. ننتظر جاسم .. اتصلت لأبويي
هدى : بابا ما وصلو
ابويي : لا يا بابا ما وصلو .. بس الحين بيوصلون
هدى : انزين
ابويي : مع السلامة ..
هدى : الله يسلمك ..
قعدت على الكرسي
امي : يابتي هدي الحين بجون
هدى : أي انشالله بس خاطري في جاسم .. مسوية ليه مفاجأت
امي : افا ما علمتيني عنهم ..
فكرت اني اقضي وقتي بدل ما احاتي وانتظر اقول لأمي ..
قعدت على الكرسي جنب امي ..
هدى : ياطويلة العمر .. قلت براوي جاسم فساتيني اول واحد .. وقلت اليوم بروح احجز ليه فرقة يولة .. يهال ييولون اماراتي عدل وحليو .. وجاسم يحب اليولة .. وبشتري شموع مكتوب عليهم ( J & M ) حروف جاسم ومنى .. وبسوي على الفندق في دخلت منى دخان يطلع ووياه لون بسيط .. لأنه الفندق مافيه لين تطلع .. بس فيه عند السبيس حق الناس ..
امي : وليش هذا ..
هدى : عشان يكون عرسهم مميز .. واتفقنا اني ومحمد نشتري حقه خيمه لجمعت الربع ..
امي : والله اسراف
هدى : يا امي هي ليلة من العمر
امي : وجم كلفتكم الخيمة ..
هدى : مبلغ عود
امي : اتقو الله .. النعمة زواله ..
هدى : يا امي حرام نسوي لأخويي مفاجأه ..؟؟
امي : لالا ابداً بس مجلسنه كبير ليش ما تتجمع ربعة فيه .. وحوشنا اكبر .. مدام بتحجزون خيمة الحوش مثل الشي
هدى : لا يا امي اتأجرنا 22 ايسي من اللي يوقفونهم ..
امي : اني ما دري .. بس عندي هالشي اسراف
هدى : خلينه نستانس شوي ..
امي : اشتريتين ليش طقم !!
هدى : لا بعدي ..
امي : لمتى ..
هدى : حصلت بس لعرس فاطمة حليو بس سعره وايد .. بدور حق خطوبه جاسم شي شوي انزل سعرة ..
امي : والله محد بيفلس ابوش غيرش ..
هدى : هههههههه الله يسامحش يا امي ..
واحنا نسولف انفتح الباب .. ما صدقت .. طرت صوب الباب وشفت جاسم .. لويت عليها .. حظنته وكانت دموعي في عيوني .. احس انه خاطري اصيح .. بس دموع فرح لأنه اخويي رجع بالسلامة ..
بعد ما تطمنه عليه . ركبت وصليت صلاة الصبح وركعتين شكر لله .. واستسلمت للنوم ..
واتعيت الصبح على صوت دق في الباب .. وبعدين اتضح ليي انه جاسم .. ما قمت فتحت الباب لأنه كان فيي خمول وملل وخاطري انام بعدي ما شبعت ولا ريحت كفاية ... بس لما قال ليي انه العائلة كلها واحمد بالتحديد اليوم بجي بيتنا .. فزيت وفتحت الباب .. جتني عله لأنه ما عندي بدله اكشخ ابها .. المفروض البس شي حليو .. ااحمد بيرج من السفر ..
طلبت من جاسم يوديني .. لكن رمى علي سهامة احد من السيف طعنت قلبي .. لدرجت انه منع عيوني من انها تسلي قلبها بشوفت احمد .. هذا مو جاسم اللي اعرفه .. مو لهادرجة صار قاسي .. معقوله يعاملني جدي .. اني ادري اني لما كنت اكلمه كان هذا شي خطأ وكنت مقرره اني ما اكله في التلفون .. بس مو لدي الدرجة .. هددني انه بيظربني او حتى بيقتلني .. وقال بعد بياخذ تلفوني .. وبالإضافة إلى كل هذا بيوافق على خطوبتي من محمد ولد عمي .. هذا ما عنده دم .. اني ويش سويت ليه ..
اموت ولا اتزوج محمد .. اني احب احمد .. وكنت اتطمن عليه .. بس جاسم متغير وايد وايد ..
واني عندي هوايه اني ادلع على اخواني بديتها بدلاعة .. بس لما شفت الجدية في عيون جاسم خفت .. صدق خفت .. بس ما تنازلت ولا استسلمت ..
دخلت حجرتي ودخلت في دوامة من الصياح .. مادري ليش اصيح بس احس اني مقهورة .. المفرض جاسم يقدر شعوري واحساسي .. مو جدي يعاملني ..
وخصوصاً اني كنت بقول ليه اني قررت ما اكلمة بس ما ترك ليي فرصة .. وفي مثل الوقت قاهرني جاسم لأنه من اول يوم بغى يكسر راسي .. وبعد في مثل الوقت عندي انه جاسم وياه حق .. محد يرضى اخته تكلم صبي .. حتى لو لد خالها ..
هدأت نفسي بس قلت ما عليه .. قمت بشوف ويش بلبس ولا عليي من جاسم . بطلع بس ما بكلم احمد .. في هالشي بسمع كلامة لأنه وياه حق . امه انا يحبسني في الحجرة ما وياه حق ..
طلعت ليي الجلابيه .. وكانت من فوق فيها شك بسيط .. وخلقها خلق فستان .. فيها بطانه .. بس مسوتنها جربية .. كلفتني وايد وايد .. لأنه الشك اللي فيها شغل ايد .. وحمرتها مو طاغيه وايد .. ولأني بيضة تطلعني حليوه ..
قررت البس شالي الأحمر .. شال كيوت .. يلفونه كويتي .. وقررت احط ليي كحل غامق .. وقلوز بسيط .. واني اذا حطيت الكحل عيوني تكون بارزه .. وهي اللي تحليني .. ررغم اني كلي على بعض حليوة >> امدح روحي .. وانسى همي .. وعندي خاتم اسود وفيه احمر على خفيف .. بعد طلعته عشان بلبسه ..
قمت وصليت صلاة الظهر .. وبعدين قعدت على الكمبيوتر .. إلا منى قاعدة على المسنجر وواحد ما اعرفه \ اعرفها .. المهم قلت بسألهم من هم ..

هدى : مرحبا
الجهة الأخرى : مراحب
هدى : شخبار
الجهة الأخرى : الحمد لله احنا بخير وانتين ..
هدى : الحمد لله .. من ؟؟
الجهة الأخرى : انا واحد واسمي علي
هدى : أي خدمة
الجهة الأخرى : بس كلميني ..
هدى : آسفة ولو سمحت سو ليي بلوك ودليت لآني مو متفرغة لتفاهات وعمري ما كلمت صبي
الجهة الأخرى : بس هدى عاد
هدى : أي هدى واي هرار انته غلطان
الجهة الأخرى : لا انا متأكد انش هدى .. اسمعيني عاد ..
هدى : اقولك انا مو هدى .. انا اخوها .. واسمي جاسم .. وهدى عطتني ايميلها .. لأنه وايد في ناس ما تعرفهم .. ومنهم انته
جدبه بسيطه ..
الجهة الأخرى : آسف الظاهر غلطن
هدى : انقلع ولا امبي اشوف ويهك
الجهة الأخرى : باي
وسيد طلع .. فكة .. صبيان آخر زمن ما يجون الا بالعيون الحمرا ..
تذكرت همي وهوشتي ويه جاسم .. المشكلة انه عاز عليي طريقة تعاملة ويايي .. مو لهادرجة عشان يعاملني جدي .. والله كأني مسودة ويهم او مسوية غلطة ما تغتفر .. ليش يعاملني جدي .. ذنبي اني كلمت ولد خالي اربع خمس مرات .. وكنت اتطمن عليه .. !!
ردت دومع تنزل .. حسيت انه ما ليي رغبه اني طلعت .. قمت ودخلت ثيابي وكل شي طلعته وقررت اني ما اطلع .. احس بضيق .. واكيد احمد بيسأل ليش تعاملني جدي وانا راجع من المانيا توني .. من جدي قلت خلاص ما بطلع ..
رديت سمعت طق على الباب وتوقعت انه جاسم .. جاي يكمل محاظراته وتهزيأته .. عامته مثل ما يعاملني بس طلعت قليه ادب .. وبشرته اني ما بطلع وما توقعته يوقل ليي ( احسن ) يعني لهالدرجة مو طايقني ..
فرغت اللي في جبدي .. وهو بعد فرغ اللي في جبده .. وفي الأخير قال كلام خلاني احس باللوم والأسف .. وهالشي دفعني للصراخ هستيري .. مادري ليش .. بس حسيت اني صغيره وجاسم يبغي يحافظ عليي ..
جت امي لما سمعت هالصراخ .. وامرتني اني اكشخ .. بس رغبتي في الكشخة انمسحت .. ما ودي اشوف احد .. وجتني لاصعقة وهي انه ولد عمي محمدو اللي مادري ويش اقول عنه تقدم لخطبتي للمرة المليون واني ارفضة .. يا ناس ما امبي .. هذا هوه وولد جيرانه .. مليون مرة خطبوني .. اولاً ما امبي اتزوج الحين بعدي صغيره .. وثانياً ما امبيهم .. اني قلبي بزي .. فلا يعورون راسهم ويايي ..
طالعت جاسم بأستغاثة .. انه ينقدني من هالورطة .. لأنه جاسم هو الوحيد اللي يقدر ينقدني من هالورطة .. وما توقعته يستجيب لأستغاثتي .. ودافع عني ورفض محمد وادعى انه هو ما يناسبني .. مشت امي .. ومشى جاسم وتركني في حيره .. معقولة بعد كل الكلام اللي قلته لجاسم يطلع يبغي مصلحتي واني نايمة على عمري ... أي اكيد والله ويش يبغي مني .. اكيد مصلحتي .. بس لما كنت اتكلم .. ما كنت اتكلم بكلام طالع من عقلي .. انما من قلبي .. كلام صدق كام قلبي يحس فيه .. ولو المفروض ما اقول جدي .. اني البنات اللي اشوفهم يتكلمون عن صبيان يطيحون من عيوني مو بعد اني هالمرة اكلم صبي مرة وحده .. صدق انه هو ولد خالي بس اني مو ضامنه المستقبلة ..
دخلت في نوبة من التفكير ممزوجه بالدموع .. لين ما فكرت اني استسمح من جاسم .. قمت بدون وعي .. بس رحت لجاسم .. مباشرة حظنته .. وحسيته انه فعلاً اخويي ويبغي مصلحتي ..
لما طلعت من عنده .. طلعت واني مرتاحة .. حسيت انه جاسم فعلاً قريب مني .. وويش ما سوا بيظل اخويي من لحمي ودمي .. والأخو ما يتعوض .. رحت حجرتي وسبحت .. ولما طلعت وكنت انشف شعري سمعت صوت الجرس .. خفت يكون هدا احمد .. وطليت من الدريشة .. اشوه هذا بيت خالي حسين .. كملت ومشطت شعري .. لفيت لبست الجلابيه .. وبصراحة هيه روعة عليي .. خصوصاً انها شوي طويله .. وفخمة .. فصايرة وايد راقيه .. لبست الطقم .. ولفيت الشال كويتي .. واني حليو عليي الكويتي .. يصير فخم وراقي .. ككل كان شكلي حليو .. حطيت خط كحل في عيوني .. ولمست قولز خفيف وما يبين بس عشان ارطب اشفتي ..
شغلت البخور ( الكهربائي ) وحطيت البخور .. وطارت ريحتي بخور عود وريحت الحجرة بعد .. بندته وحطيت موبايلي في بوك صغير للموبايل فيها احمر واسود .. ..
بعد ما تأكد انه شكلي اوكي .. قعدت اعدل الكحل الا اسمع صوت الجرس .. وكانو بيت خالي يوسف .. واخيراً واخيراً ..
توني محصله زفه وهوشه وبعد ما ايوز .. شفت احمد من الدريشه .. علاأقل اكحل عيوني فيه من بعيد .. دخلو .. كملت الكحل .. رغم انه اني الكحل نادر ما اشيله من عيوني .. وبعد عيوني مكحله .. وهالشي ما يخليني وايد لافته .. يعني عادي .. تعطرت لأنه العطر فوق العود يخلي الريحة احلى ..
سمعت طق على الباب .. كان جاسم
جاسم : ها جهزتين
هدى : ايه
جاسم : وانتين لازم تكشخين
هدى : عيل جيفة اكون انثى ..
جاسم : هههههههه .. احسن شي انه المكياج اللي فيش مو محسوس وصاير طبيعية ..
هدى : افا عليك اعجبك
جاسم : اكي هالجلابية احلى من أي بدله كنتين بتشترينها ..
هدى : أي الحين صارت حليوه ..
نزلنا تحت .. وجاسم بعد كاشخ ..
ومن اول ما نزلنا توجهت الأنظار علينه .. رحنا سلمنا .. حبيت راس منر خالي حسين ومرة وحده مرت خالي يوسف .. وحبيت راس خالي يوسف وخالي حسين .. وسلمت على منى ..
هدى : عبدالله ما تشوف شر
عبدالله : الشر ما يجيش ..
اشر احمد ليي بعيونه اني امشي ..
ما حبيت اعاند .. لأنه العناد الأول اعاند اما الحين ما جاني من العناد غير المشاكل .. رحت لأمي وبس دخلت المطبخ
امي : بسم الله .. تعالي يا ماما باشببش ..
هدى : لالالا ما يحتاج .. يالله امشي نروح للجماعه
امي : يالله ...
رحنا اني وامي .. امي قعدت جنب نسواني خيلاني .. وقعدو يسولفون بينما اني قعدت صوب منى .. وجاسم واحمد وعبدالله يسولفون .. وابويي وخيلاني بعد يسولفون
منى : هدى حرام عليش ارحمي اخويي
هدى : ويش سويت
منى : كل هالكشخة وويش سويتين .. بصراحة .. اليوم انتين مغطيه على الكل ..
هدى : ههههههه ..
منى : ويش فيش ما عبرتين احمد ولا حتى سلمتين عليه
هدى : بعدين بقول ليش السالفة
منى : لالالا اني هالسوالف احب اسمعهم طازجة ..
هدى : لا منوي بعدين
منى : قومي قومي
هدى : لله يغربلش خطيبش موصل وانتين ولا قعدتين وياه
منى : امبي اهرب
هدى : ليش
منى : مادري
هدى :مو صاحية
منى : أي من زمان ...
وقمنا اني ومنى ..
امي : ها وين بتروحون
هدى : بنركب ..
جاسم : لالا قعدو الجماعه قاعدة انتون تركبون .. والحين بنحط الغدا
امي : أي فعلاً
هدى : اماه الساعة 2 لين بتحطون الغدا قولو لكرتيني تنادينه
جاسم : لالالا قعدو والحين الغدا جاي ..
امي : وانتون ليش ما تقعدون حالكم حال الأوادم ..
منى : لا هدى بس بنقعد
قعدت .. وساسرتها
هدى : الله يغربلش .. اني اقوم واني اسولف وفي النهايه تطلعين انتين الزينة واني الكوخة .. مالت عليش
منى : هههههههههههه ..
هدى : أي اضحكي ..
منى : انزين قولي ليي السالفة
هدى : السالفه ما تنقال فيها هواش .. وهديد .. وتفكير جنوني ..
منى : حشى فلم هندي
هدى : تقريباً
منى : انتون كله افلام هنديه ..
هدى : بجيش الدور
منى : ويش قصدش
هدى : ولا شي ..
امي : وانتون اذا ما ركبتون تقعدون تتساسرون احشمو الجماعة عاد
هدى : لا اماه احنا وياكم ..
جاسم : منى شخبارش
منى بإحراج وخدود ورديه : الحمد لله .. انته شخبارك
جاسم : انا الحين بخير ..
ههههههههههههههههههههههههههههه .. يحرق فيوزات واحنا موجودين ..
درت لأحمد وكانت نظراته عليي .. مباشره كسرت نطري قبل لا يشوفني جاسم وتسوتي قضيه .. جابو الغدا .. طبعاً تحت اشرافي .. وكان الغدا حلو .. وانو يوعانه ..
منى : استحي آكل وجاسم موجود
هدى : من امتى
منى : من لمى خطبني ..
هدى : ما اظن انه الحيا يحوشش ..
منى : تدرين اني يوعانه قومي نتغدا في المطبخ ..
هدى : اوكي ..
وقمنه
مرت خالي يوسف : ما اكلتون يا بنات ..
هدى : بنروح نشرب ماي ..
جاسم : هدوي جيبو ليي ماي ..
هدى : اكو جيك الماي في وسط الصماط ..
جاسم : عيل ليش بتروحون والماي هنيه ..
ياربي هذا يتصيدنا اليوم ..
هدى : نبي من هناك ابرد ..
جاسم : اوكي ..
ورحنا نشرب ماي .. هههه .. الا نتغدى .. قفلت علينا باب حجرت الطعام .. وقمنا ناكل ولا علينا من احد .. لأنه محد يشوفنا .. ولما خلصنا .. طلعت منى الصحون للخدم .. وشربنا ماي .. وطلعنا للجماعة .. وكانو بعدهم قاعدين ..

خلص .. واتمنى اكون اوفيت

الجزء الرابع والعشرين

احمد
المطار
5:00 الفجر
-------------------------
كنت اتمنى انه منى وهدى جو بعد .. خاطري في هدى وايد ومني لين ما اشوفها وايد .. صدق اني اكلمها في المانيا بس في الأسبوع مرتين .. كنت مشتاق ليها .. وكل ما اشتقت ليها اكثر اشوف صورتها .. صدق انه اختي بعد مشتاق ليها بس هدى معزتها غير غير .. هدى مو بس قطعة من قلبي إلا قلبي كله .. ومحد في العالم نال ربع حبي ليها .. كل يوم يزيد حبي .. وانتظر اليوم اللي بيجمعنا قفص ذهبي .. صغير على قدنا .. يجمعنا فيه الحب .. نتشارك الألم والتعب والفرح وكل شي .. خاطري ايجي اليوم اللي امشي وياها .. امشي صوبها .. وهي زوجتي .. يتقدمون اثنين او ثلاثة يهال .. وخصوصاً اني احب اليهال ابترس بيتنا يهال .. بنات وصبيان .. وامبي صبي حلاوت حمود ولد اخويي .. ياربي أي قد احب هالياهل .. حتى ساعات امر عليه اوديه الألعاب .. احب اليهال وامبي يهال واييد .. امبي اذا دخلت وكنت دايخ من الشغل يحيطون عليي من كل صوب كل واحد يقول شحوالك بابا .. امبي على الأقل درزن بنات ودرزن صبيان .. ياربي حليو .. قعدت اتخيل وانا وهدى جيفه بنكون ..
وصلنه للأهل .. حظنت ابويي .. وحظنتهم كلهم .. كلهم صار خاطري فيهم ... بس امبي اروح الببيت لأنه امي الصراحة وايد خاطري فيها .. هذي ست الحبايب .. وبعد كنت امبي امشي لأنه ريل عمتي بشرنا انه احنا نروح بيتهم اليوم . . ووافقت عشان اشوف هدى واتكلم وياها في موضوع سلوى بت خالي وبقول ليها قصتها .. رغم اني ما اتوقع انه هدى تتقبل الموضوع وخصوصاً انه امي مرة بدون ما ادري راحت خطبتها ليي .. وترى هالشي مو من زمان .. قبل لا نروح سوريا .. بس ما علمت .. والسبب اني ما اواطن سلوى ولا احب حتى اذكر اسمها .. انسانه لفده .. ما انكر انها جميلة .. وصدق انها مو جمال هدى .. بس هدى اللي تميزها اخلاقها ..
وصلت ودخلت .. ما حصلتهم .. ركبت فوق الا هم قاعدين في الصاله اللي فوق .. رحت لأمي وسلمت عليها وحبيت راسها .. ومنى يت ولوت عليي ,,
وصليت الصبح ونمت .. بس قبل لا انام قعدت افكر ويش البس ..
اوتعيت من النوم والساعة كانت 9:30 بس ما قدرت انام اكثر تفكيري في هدى وردت فعلها كان وايد مشغول .. حتى النوم ما عرفت انام .. قمت وتسبحت .. نزلت ورحنا ويه ابوي الصلاة .. ومنى بعد راحت قسم النساء .. لأنه منى تحب تصلي في المسيد ... شفنا هناك جويسم وريل عمتي ومحمد .. قعد صوبي جاسم .. ومن هالسفره وايد زادت علاقتي بجاسم .. بعد الصلاة صعقني بأني ما اكلم هدى .. انا مقتنع اني ما اكلمها في التلفون .. بس حتى في العادي الأخ ما يبغيني اكلمها .. وانا اليوم لازم اقول ليها قبل لا تتطور الأمور .. وطبعاً رضى بس بعد ما حط شرط انه هوه ومنى .. انا منى احتاجها لكنه هوه .. وبصراحة استحي اقول ليه ما نبغيك .. سكت ووافقت .. رجعت البيت .. ولبست ثوب بيج مايله لأبيض .. وفيها خطوط ذهبيه ما تبين ابداً بس لين درت او التفيت تلمع بشي بسيط .. هذي الثوب راقيه وجديدة .. وهذا الشي اللي دفعني اني البسها ..
لفيت الغتره كالمعتاد كويتي لأنه انسب شي ليي .. وطليت على منى .. وكانت تتبخر وتتجهز بشكل خيالي ..
احمد : حشا حشا ويش صاير
منى : بداً بس اكشخ
احمد : وهالكشخة كلها لجاسم
استحت منى وما ردت ..
احمد : ما تدرين
منى : ويش اقول ليك ممنوعة الكشخة ليي !!
احمد : لا ابداً مو مننوعة .. بس علمي هدى خلها تكشخ ليي ..
منى : انته خاطبنها شي
احمد : لاء ..
منى : عيل خلاص
احمد : ويش خلاص
منى : وانته تظن انه هدى بتقصر من الكشخة .. بتشوف بتغطي عليي وعلى اللي يابوني بعد .. ما اظن انه هدى تقبل تسوي أي شي .. بتشوف انجان ما خطفت الأبصار
احمد : يابعد عمري ياهدى
منى : تحبها يا خوي
احمد : الا اموت فيها .. واموت بس اشوف شعره من رمشها ...
منى : لهدالرجة ..
احمد : واكثر .. احس انه حبها يسري بدمي وبشراييني .. مادري ويش اسوي .. احس اني تعبان .. واليوم بعد جاسم كملها وقال انه هو مهدد هدى اذا طالعتني بس بيقتلها ..
منى : نعم
احمد : اللي سمعتينه ..
منى : جاسم يهددد هدى بالقتل .. هذا يمزح لو عن جد .. معقوله هو عنيف ..
احمد : لا تحافين لو انتين بعد كلمتين جاسم قبل لا يخطبش بقتلش مرة وحده مو بس بهددش بالقتل
منى : ليش هدى تكلمك
احمد : أي تكلمني لما كنا في المانيا
منى : الله يهديك .. اكيد انته تتصل وهيه ما تبغي تحرجك .. مدام اهلها ما يرضون ليش تكلمها
احمد : احبها ..
منى : بس بتخرب علاقتها ويه اهلها ..
احمد : منى مو تضخمين الأمور الموضوع مو لهالدرجة ..
منى : لهالدرجة ونص .. اني وبعد ما خطبني جاسم واني مترددة اكلمه ..
احمد : انا كنت اكلمها بس اتطمن على احوالها في الأسبوع مرتين ..
منى : مادري ويش اقول ليك ..
احمد : جهزتين
منى : لحظة بحط ليي كحل ..
احمد : لازم ..
منى : وترضى ما اكشخ وبعدين جاسم يشوف غيري
احمد : ان كيدهن لعظيم ..
منى : ههههههههههه
طلعت ورحت تحت ولحقتني منى .. طلعنا من البيت انا وابوي وامي ومنى . . مشينه في الطريق لفة ورا شارع . وانا اعد الدقايق والثواني .. مو قادر اصبر لمجرد دقايق .. احس بقلي يدق .. ايدي تنتفظ .. ميت على شوفتها .. تعابير ويهها .. كل شي فيها خاطري فيه .. ياربي يا هدى امتى اروح واشوفش تبتسمين ليي بترحيب ..
اخذنا في الشارع حوالي 10 دقايق .. وانا عندي عشر ساعات .. رحنا صوب الدوار .. وكان فيه سيارات .. كنت اتمنى انه مافي احد .. امبي بسرعة اوصل .. عندي كل ثانيه كأنها مسير سنه .. ومنى اختي بعد مستعجلة بس ما بجدب .. انا استعجالي وتوتري من اللقاء اكثر بوايد .. انا اسوق بسرعة 120 مو في الهاي وي .. لا شارع عادي
امي : عاد خفف يا ولدي حرام عليك بتدبحنا
احمد : انشالله
ابويي : انته على ويش مستعجل
منى : بعد على ويش
امي : على ويش ما قلتون لينه
منى : احمد اقول لأمي
احمد : ماعندي شي اخشة ..
منى : الله يسلمش يا امي .. احمد يحب
وانجان اضرب بريك قوي لأنه واحد داخل عليي .. وامي خافت .. وابويي بعد .. ومنى تيبست .. بس الحمد لله نجينا .. واصلت الطريق بسرعة اقل
امي : ما قلتين احمد يحب من ؟؟
منى : ولا احد
امي : بتقولون لو ويش
منى : احمد يحب هدى ويبغي يخطبها .. وخلاص
ابويي : لالالا احمد بعده صغير وما كون روحه .. ما يخطب من الحين .. وانا بعد ما اشوفه الا فار وسنور ويه هدى ما يصلح ياخذها ..
اهنيه كأنه احد يصب علي ماي بارد .. ما عمري توقعت الرفض من ابويي وخصوصاً انها بت اخته
ابويي : وبعد هدى وايد ناعمة وما تصلح ليك .. خل بت الناس
ويش قصده .. انا الدفش .. اصلاً الرجال مو حليو مايع ..
منى : لالا بالعكس اصلاً احمد وهدى احلى ثونائي
امي : وانتين ويش دراش ..
منى : اعرف هدى وصفاتها واعرف احمد بعد
امي : والله هذي الساعة المباركة بس الصراحة اني كنت امبي احمد لسلوى
احمد : اماه رجاءً انا بت اختش شايلنها من بالي ولا يمكن آخذها لو خلصت الديره من النسوان
امي : اسمع يابو حسين .. ولدك بعد يتشرط ويسب اهلي .. واهي مو عاجبينه
احمد : اهلش على راسي من فوق واذا ما تشيلهم الأرض تشيلهم عيوني بس بصراحة انا هالبنيه ما امبيها .. وبعد اذنكم ما امبي غير هدى .. انا الصراحة احب البنيه وخاطري فيها
ابويي : بس بعد يا ولدي انته لازم تراعي انه البنيه ما تناسبك ..
احمد بعصبيه : وليش ما تناسبني ..
امي : لا تعلي صوتك
احمد : آسف اماه بس فعلاً انا احب هدى
ابويي : وانته اليوم بتخطبها
احمد : لاء ..
ابويي : عجل يوم اللي بتخطبها بنتناقش ..
ما يحتاج اتناقش انا امبيها يعني امبيها ومست((( استغني عنها ..
امي : الا باقول ليك ياولدي .. مو كأنها هدى ياهله عليك .. الفرق بيننكم سنه .. وهيه مثل اليهال .. وقلبها ابيض مثل اليهال .. وبعدهي هي ومنى كله يلعبون
احمد : الحين جاسم اللي اكبر مني تليق عليه منى اللي قد هدى .. وانا اصغر منه هدى ما تليق ليي .. انا امبيها .. امبيها .. وقلبي ما عشق غيرها . وعيوني ما ناظرت غيرها ..
ابويي : صبيان آخر زمن .. انا يوم اخذت امك ما شفتها الا يوم الدخلة .. والله لا شفتها ولا شافتني .. الأول اخطب وعلى حظك ..
احمد : بس احنا اليوم مو الأول ..
وصلنا .. واخيراً
احمد : يالله . .
نزلنا .. قفلت السيارة .. امي وابويي تقدمونه ..
منى : حليوه اني
احمد : أي بس هدى احلى
منى : افا من الحين قبل لا تاخذها تفضلها عليي بس ابوقف في طريقكم وما بخليكم تتزوجون
احمد : مافي أي انسان او أي شي مهماً كانت قوته يوقف بين زواجنا وحبنا .. إلا اذا كانت إرادت الله عز وجل
منى : والنعم بالله ..
امي : يالله احنا دخلنا
منى : هدحنا ..
احمد : تمشي
منى : لحظة بعدل الشال
احمد : ما اقدر على برودكم يالبنات انا بموت امبي ادخل بسرعة ..
منى : انزين اني اكشخ واتعدل ..
احمد : محد مجننا غير تعديلكم ..
دخلنا داخل .. واللي استقبلتنا كرتيني كالمعتاد .. خوش خدامه والله لو زين نحصل وحده مثلها .. احنا كل سبع شهور نجيب لينه وحدنا .. لأنه كل ما جبنا لينا وحده تكمر وتعاند وتقول تبغي تروح .. حظنا فقر في الخدم ..
دخلت داخل الصاله .. سلمت على الجماعة بس قبل عيوني افترت عليهم .. ما حصلت اللي تروي ضمأي .. وما حصلت اللي تبرد غليي .. وما حصلت اللي تملي عيوني ..
سلمت عليهم واحد واحد ابتداءاً من عبدالله وعمي حسين إلى عمتي ام محمد .. جاسم ما كان موجود ..
احمد : عمتي وينه جاسم
عمتي : والله هو فوق الحين بينزل
سويت ليه رنه ( ترى عائلتنا وايد تتعامل ويه الرنات ) وقعدنا نسولف ويه عبدالله وعمي والباقي .. ومنى بعد كانت تسولف بحريه .. وما توقعتها جدي ..
ولا شوي الا دخلو علينا اثنين .. انا ما توجه نظري لجاسم .. لا للي صوب جاسم .. لابسه احمر .. وعيونها مكحله .. ياربي بتخبلني .. كل مرة شي جديد .. وكل مرة ستايل غير .. بس هالمره عجبني الستايل اكثر من كل مرة .. عيونها تدبح .. صايرين كبار وحلوين .. بس بشكل متناسق ويه ويهها .. سلمت على الجماعة واحد واحد .. حتى عبدالله سلمت عليه .. طالعتها عشان تمشي لأني ما استحمل اشوفها تكلم غيري .. الا اموت قبل لا اشوفها تكلم غيري .. ومباشرة مشت حتى قبل لا تسلم عليي .. حتى السلام مستكثرتنه عليي .. ولا قالت ليي حمد لله على السلامة .. ولا شي .. بصراحة جاني احباط .. بس ماعليه يمكن تستحي قدام الجماعة .. بس على الأقل انجان قال شخبارك .. !!
مشت المطبخ .. وبعد شوي رجعت وعيوني عليها .. الله يحفظ هالجمال .. بصراحة المفروض احد يشببها .. صايره احلى من ملكات الجمال في عيوني .. اصلاً هي من زمان احلى .. قعدت صوب منى وقامو يتساسرون .. انزين على الاقل يتكلمون بصوت عالي .. تسمعني صوتها .. لو حتى ده مستكثرتنه عليي .. بصراحة هدى مبالغة في حركاتها .. انا ماليي ذنب تقسي عليي لهالدرجة ..
ما شفتهم الا قايمين .. واخذو قلبي في قومتهم .. ليش قايمين .. انا بعدي ما شبعت من شوفتها .. احتجت عليهم عمتي وجاسم بعد .. لأنه حالة مثل حالي .. بعدين ردو قعدو .. بس ويش الفايده .. يتساسرون .. قام جاسم ينغز على منى ويحايي ابها .. ويتغزل شوي .. بينما منى وايد استحت .. وايد وايد .. اصلاً هي من جا جاسم اعتفست وما قامت تتكلم .. وكله عيونها في الأرض .. لهالدرجة تستحي .. يتراوا ليي الحيا الزايد مو زين ..

الجزء الرابع والعشرين

احمد
المطار
5:00 الفجر
-------------------------
كنت اتمنى انه منى وهدى جو بعد .. خاطري في هدى وايد ومني لين ما اشوفها وايد .. صدق اني اكلمها في المانيا بس في الأسبوع مرتين .. كنت مشتاق ليها .. وكل ما اشتقت ليها اكثر اشوف صورتها .. صدق انه اختي بعد مشتاق ليها بس هدى معزتها غير غير .. هدى مو بس قطعة من قلبي إلا قلبي كله .. ومحد في العالم نال ربع حبي ليها .. كل يوم يزيد حبي .. وانتظر اليوم اللي بيجمعنا قفص ذهبي .. صغير على قدنا .. يجمعنا فيه الحب .. نتشارك الألم والتعب والفرح وكل شي .. خاطري ايجي اليوم اللي امشي وياها .. امشي صوبها .. وهي زوجتي .. يتقدمون اثنين او ثلاثة يهال .. وخصوصاً اني احب اليهال ابترس بيتنا يهال .. بنات وصبيان .. وامبي صبي حلاوت حمود ولد اخويي .. ياربي أي قد احب هالياهل .. حتى ساعات امر عليه اوديه الألعاب .. احب اليهال وامبي يهال واييد .. امبي اذا دخلت وكنت دايخ من الشغل يحيطون عليي من كل صوب كل واحد يقول شحوالك بابا .. امبي على الأقل درزن بنات ودرزن صبيان .. ياربي حليو .. قعدت اتخيل وانا وهدى جيفه بنكون ..
وصلنه للأهل .. حظنت ابويي .. وحظنتهم كلهم .. كلهم صار خاطري فيهم ... بس امبي اروح الببيت لأنه امي الصراحة وايد خاطري فيها .. هذي ست الحبايب .. وبعد كنت امبي امشي لأنه ريل عمتي بشرنا انه احنا نروح بيتهم اليوم . . ووافقت عشان اشوف هدى واتكلم وياها في موضوع سلوى بت خالي وبقول ليها قصتها .. رغم اني ما اتوقع انه هدى تتقبل الموضوع وخصوصاً انه امي مرة بدون ما ادري راحت خطبتها ليي .. وترى هالشي مو من زمان .. قبل لا نروح سوريا .. بس ما علمت .. والسبب اني ما اواطن سلوى ولا احب حتى اذكر اسمها .. انسانه لفده .. ما انكر انها جميلة .. وصدق انها مو جمال هدى .. بس هدى اللي تميزها اخلاقها ..
وصلت ودخلت .. ما حصلتهم .. ركبت فوق الا هم قاعدين في الصاله اللي فوق .. رحت لأمي وسلمت عليها وحبيت راسها .. ومنى يت ولوت عليي ,,
وصليت الصبح ونمت .. بس قبل لا انام قعدت افكر ويش البس ..
اوتعيت من النوم والساعة كانت 9:30 بس ما قدرت انام اكثر تفكيري في هدى وردت فعلها كان وايد مشغول .. حتى النوم ما عرفت انام .. قمت وتسبحت .. نزلت ورحنا ويه ابوي الصلاة .. ومنى بعد راحت قسم النساء .. لأنه منى تحب تصلي في المسيد ... شفنا هناك جويسم وريل عمتي ومحمد .. قعد صوبي جاسم .. ومن هالسفره وايد زادت علاقتي بجاسم .. بعد الصلاة صعقني بأني ما اكلم هدى .. انا مقتنع اني ما اكلمها في التلفون .. بس حتى في العادي الأخ ما يبغيني اكلمها .. وانا اليوم لازم اقول ليها قبل لا تتطور الأمور .. وطبعاً رضى بس بعد ما حط شرط انه هوه ومنى .. انا منى احتاجها لكنه هوه .. وبصراحة استحي اقول ليه ما نبغيك .. سكت ووافقت .. رجعت البيت .. ولبست ثوب بيج مايله لأبيض .. وفيها خطوط ذهبيه ما تبين ابداً بس لين درت او التفيت تلمع بشي بسيط .. هذي الثوب راقيه وجديدة .. وهذا الشي اللي دفعني اني البسها ..
لفيت الغتره كالمعتاد كويتي لأنه انسب شي ليي .. وطليت على منى .. وكانت تتبخر وتتجهز بشكل خيالي ..
احمد : حشا حشا ويش صاير
منى : بداً بس اكشخ
احمد : وهالكشخة كلها لجاسم
استحت منى وما ردت ..
احمد : ما تدرين
منى : ويش اقول ليك ممنوعة الكشخة ليي !!
احمد : لا ابداً مو مننوعة .. بس علمي هدى خلها تكشخ ليي ..
منى : انته خاطبنها شي
احمد : لاء ..
منى : عيل خلاص
احمد : ويش خلاص
منى : وانته تظن انه هدى بتقصر من الكشخة .. بتشوف بتغطي عليي وعلى اللي يابوني بعد .. ما اظن انه هدى تقبل تسوي أي شي .. بتشوف انجان ما خطفت الأبصار
احمد : يابعد عمري ياهدى
منى : تحبها يا خوي
احمد : الا اموت فيها .. واموت بس اشوف شعره من رمشها ...
منى : لهدالرجة ..
احمد : واكثر .. احس انه حبها يسري بدمي وبشراييني .. مادري ويش اسوي .. احس اني تعبان .. واليوم بعد جاسم كملها وقال انه هو مهدد هدى اذا طالعتني بس بيقتلها ..
منى : نعم
احمد : اللي سمعتينه ..
منى : جاسم يهددد هدى بالقتل .. هذا يمزح لو عن جد .. معقوله هو عنيف ..
احمد : لا تحافين لو انتين بعد كلمتين جاسم قبل لا يخطبش بقتلش مرة وحده مو بس بهددش بالقتل
منى : ليش هدى تكلمك
احمد : أي تكلمني لما كنا في المانيا
منى : الله يهديك .. اكيد انته تتصل وهيه ما تبغي تحرجك .. مدام اهلها ما يرضون ليش تكلمها
احمد : احبها ..
منى : بس بتخرب علاقتها ويه اهلها ..
احمد : منى مو تضخمين الأمور الموضوع مو لهالدرجة ..
منى : لهالدرجة ونص .. اني وبعد ما خطبني جاسم واني مترددة اكلمه ..
احمد : انا كنت اكلمها بس اتطمن على احوالها في الأسبوع مرتين ..
منى : مادري ويش اقول ليك ..
احمد : جهزتين
منى : لحظة بحط ليي كحل ..
احمد : لازم ..
منى : وترضى ما اكشخ وبعدين جاسم يشوف غيري
احمد : ان كيدهن لعظيم ..
منى : ههههههههههه
طلعت ورحت تحت ولحقتني منى .. طلعنا من البيت انا وابوي وامي ومنى . . مشينه في الطريق لفة ورا شارع . وانا اعد الدقايق والثواني .. مو قادر اصبر لمجرد دقايق .. احس بقلي يدق .. ايدي تنتفظ .. ميت على شوفتها .. تعابير ويهها .. كل شي فيها خاطري فيه .. ياربي يا هدى امتى اروح واشوفش تبتسمين ليي بترحيب ..
اخذنا في الشارع حوالي 10 دقايق .. وانا عندي عشر ساعات .. رحنا صوب الدوار .. وكان فيه سيارات .. كنت اتمنى انه مافي احد .. امبي بسرعة اوصل .. عندي كل ثانيه كأنها مسير سنه .. ومنى اختي بعد مستعجلة بس ما بجدب .. انا استعجالي وتوتري من اللقاء اكثر بوايد .. انا اسوق بسرعة 120 مو في الهاي وي .. لا شارع عادي
امي : عاد خفف يا ولدي حرام عليك بتدبحنا
احمد : انشالله
ابويي : انته على ويش مستعجل
منى : بعد على ويش
امي : على ويش ما قلتون لينه
منى : احمد اقول لأمي
احمد : ماعندي شي اخشة ..
منى : الله يسلمش يا امي .. احمد يحب
وانجان اضرب بريك قوي لأنه واحد داخل عليي .. وامي خافت .. وابويي بعد .. ومنى تيبست .. بس الحمد لله نجينا .. واصلت الطريق بسرعة اقل
امي : ما قلتين احمد يحب من ؟؟
منى : ولا احد
امي : بتقولون لو ويش
منى : احمد يحب هدى ويبغي يخطبها .. وخلاص
ابويي : لالالا احمد بعده صغير وما كون روحه .. ما يخطب من الحين .. وانا بعد ما اشوفه الا فار وسنور ويه هدى ما يصلح ياخذها ..
اهنيه كأنه احد يصب علي ماي بارد .. ما عمري توقعت الرفض من ابويي وخصوصاً انها بت اخته
ابويي : وبعد هدى وايد ناعمة وما تصلح ليك .. خل بت الناس
ويش قصده .. انا الدفش .. اصلاً الرجال مو حليو مايع ..
منى : لالا بالعكس اصلاً احمد وهدى احلى ثونائي
امي : وانتين ويش دراش ..
منى : اعرف هدى وصفاتها واعرف احمد بعد
امي : والله هذي الساعة المباركة بس الصراحة اني كنت امبي احمد لسلوى
احمد : اماه رجاءً انا بت اختش شايلنها من بالي ولا يمكن آخذها لو خلصت الديره من النسوان
امي : اسمع يابو حسين .. ولدك بعد يتشرط ويسب اهلي .. واهي مو عاجبينه
احمد : اهلش على راسي من فوق واذا ما تشيلهم الأرض تشيلهم عيوني بس بصراحة انا هالبنيه ما امبيها .. وبعد اذنكم ما امبي غير هدى .. انا الصراحة احب البنيه وخاطري فيها
ابويي : بس بعد يا ولدي انته لازم تراعي انه البنيه ما تناسبك ..
احمد بعصبيه : وليش ما تناسبني ..
امي : لا تعلي صوتك
احمد : آسف اماه بس فعلاً انا احب هدى
ابويي : وانته اليوم بتخطبها
احمد : لاء ..
ابويي : عجل يوم اللي بتخطبها بنتناقش ..
ما يحتاج اتناقش انا امبيها يعني امبيها ومست((( استغني عنها ..
امي : الا باقول ليك ياولدي .. مو كأنها هدى ياهله عليك .. الفرق بيننكم سنه .. وهيه مثل اليهال .. وقلبها ابيض مثل اليهال .. وبعدهي هي ومنى كله يلعبون
احمد : الحين جاسم اللي اكبر مني تليق عليه منى اللي قد هدى .. وانا اصغر منه هدى ما تليق ليي .. انا امبيها .. امبيها .. وقلبي ما عشق غيرها . وعيوني ما ناظرت غيرها ..
ابويي : صبيان آخر زمن .. انا يوم اخذت امك ما شفتها الا يوم الدخلة .. والله لا شفتها ولا شافتني .. الأول اخطب وعلى حظك ..
احمد : بس احنا اليوم مو الأول ..
وصلنا .. واخيراً
احمد : يالله . .
نزلنا .. قفلت السيارة .. امي وابويي تقدمونه ..
منى : حليوه اني
احمد : أي بس هدى احلى
منى : افا من الحين قبل لا تاخذها تفضلها عليي بس ابوقف في طريقكم وما بخليكم تتزوجون
احمد : مافي أي انسان او أي شي مهماً كانت قوته يوقف بين زواجنا وحبنا .. إلا اذا كانت إرادت الله عز وجل
منى : والنعم بالله ..
امي : يالله احنا دخلنا
منى : هدحنا ..
احمد : تمشي
منى : لحظة بعدل الشال
احمد : ما اقدر على برودكم يالبنات انا بموت امبي ادخل بسرعة ..
منى : انزين اني اكشخ واتعدل ..
احمد : محد مجننا غير تعديلكم ..
دخلنا داخل .. واللي استقبلتنا كرتيني كالمعتاد .. خوش خدامه والله لو زين نحصل وحده مثلها .. احنا كل سبع شهور نجيب لينه وحدنا .. لأنه كل ما جبنا لينا وحده تكمر وتعاند وتقول تبغي تروح .. حظنا فقر في الخدم ..
دخلت داخل الصاله .. سلمت على الجماعة بس قبل عيوني افترت عليهم .. ما حصلت اللي تروي ضمأي .. وما حصلت اللي تبرد غليي .. وما حصلت اللي تملي عيوني ..
سلمت عليهم واحد واحد ابتداءاً من عبدالله وعمي حسين إلى عمتي ام محمد .. جاسم ما كان موجود ..
احمد : عمتي وينه جاسم
عمتي : والله هو فوق الحين بينزل
سويت ليه رنه ( ترى عائلتنا وايد تتعامل ويه الرنات ) وقعدنا نسولف ويه عبدالله وعمي والباقي .. ومنى بعد كانت تسولف بحريه .. وما توقعتها جدي ..
ولا شوي الا دخلو علينا اثنين .. انا ما توجه نظري لجاسم .. لا للي صوب جاسم .. لابسه احمر .. وعيونها مكحله .. ياربي بتخبلني .. كل مرة شي جديد .. وكل مرة ستايل غير .. بس هالمره عجبني الستايل اكثر من كل مرة .. عيونها تدبح .. صايرين كبار وحلوين .. بس بشكل متناسق ويه ويهها .. سلمت على الجماعة واحد واحد .. حتى عبدالله سلمت عليه .. طالعتها عشان تمشي لأني ما استحمل اشوفها تكلم غيري .. الا اموت قبل لا اشوفها تكلم غيري .. ومباشرة مشت حتى قبل لا تسلم عليي .. حتى السلام مستكثرتنه عليي .. ولا قالت ليي حمد لله على السلامة .. ولا شي .. بصراحة جاني احباط .. بس ماعليه يمكن تستحي قدام الجماعة .. بس على الأقل انجان قال شخبارك .. !!
مشت المطبخ .. وبعد شوي رجعت وعيوني عليها .. الله يحفظ هالجمال .. بصراحة المفروض احد يشببها .. صايره احلى من ملكات الجمال في عيوني .. اصلاً هي من زمان احلى .. قعدت صوب منى وقامو يتساسرون .. انزين على الاقل يتكلمون بصوت عالي .. تسمعني صوتها .. لو حتى ده مستكثرتنه عليي .. بصراحة هدى مبالغة في حركاتها .. انا ماليي ذنب تقسي عليي لهالدرجة ..
ما شفتهم الا قايمين .. واخذو قلبي في قومتهم .. ليش قايمين .. انا بعدي ما شبعت من شوفتها .. احتجت عليهم عمتي وجاسم بعد .. لأنه حالة مثل حالي .. بعدين ردو قعدو .. بس ويش الفايده .. يتساسرون .. قام جاسم ينغز على منى ويحايي ابها .. ويتغزل شوي .. بينما منى وايد استحت .. وايد وايد .. اصلاً هي من جا جاسم اعتفست وما قامت تتكلم .. وكله عيونها في الأرض .. لهالدرجة تستحي .. يتراوا ليي الحيا الزايد مو زين ..

ومشيت عنه .. رحت امشي مثل التايه .. البحر مافيه احد .. رجولي تغوص في الرمل الناعم .. عيوني مليه دموع .. قهر وهم في قلبي .. تمنيت اني بحر .. كبير وما عنده مشاعر .. يغدر باللي يتحجج ابه .. بس ليش انا جدي .. اللهم لا اعتراض ..

تعبت من المشي .. حالتي تكسفت .. بس قلبي بعدهو ينزف .. ما دري ليش وايد تأثرت من موقف هدى .. يمكن لأني ابداً ما توقعته .. ما توقعت انه هدى بتعاملني بهالجفاء .. وبهالسخرية .. ليش القدر يسخر مني .. هزيت راسي بقهر .. رجعت لسيارة لكن المسافه اللي مشيتها طويلة وانا مو حاس بروحي .. الشمس حارة حاره .. انه حران .. بس حراره قلبي اكبر .. رجعت بس كل ما مشيت ما وصلت .. ولما وصلت شفت جاسم قاعد ويفكر .. باله مشغول
احمد : انا بروح بيتنا تبغيني ارميك بيتكم او بتجي ويايي
جاسم : لا بروح البيت ..
ركبنا السياره .. وبديت اسوق بمثل الطريقة الجنونية .. فعلاً محد في حياتي شفته يسوق بسرعتي .. احس اني اخطر السيارات بسرعة كبيره حتى ما يمديني اشوف السياره ..
جاسم : احمد خفف
احمد : ليش ؟؟
جاسم : لأنه جدي بتخسر عمرك وعمري .. في لحظة غضب
احمد : قصدك واقع
جاسم : لا مو واقع .. انا ما ليي ذنب .. انا قلت لهدى صح لا تكلمينه بس ما ظنيت انه لهالدرجة واذا تبغي بكلمها قدامك
احمد : ما يحتاج تكلمها .. انا ما عاد شي يهمني ..
جاسم : حتى هدى لو راحت في طريق غير طريقك ..
احمد : الله يوفقها
جاسم : يعني افهم ن كلامك انه احنا نوافق على المعرس اللي متقدم ليها
قلت بكل الم .. بكل تعب .. بكل اسى
احمد : سوو اللي فيه مصلحتها ..
جاسم :انا اشوف مصلحتها وياك
احمد : بس انتون بعتوني .. وبعتون حبي ليكم .. بعتون وفائي .. انا ما سويت شي .. وعمري ما طلبت من هدى اطلع وياها .. وعمري ما قلت ليها امبي اشوفش .. كنت مكتفي بثلاث مكالمات في الشهر اسألها عن احوالها .. وانتون حرمتون من شي بسيط .. لأ،ي مو مقتدر وما اقدر من الحين افتح بيت لأني ما اعتمدت على نفسي بتعاقبوني كل هالعقاب .. اذا انتون تشوفوني مو من مستواكم ارفضوني قبل لا اتقدم
جاسم بنبرة حاده : من قال من قال احنا ما نشتري غنى الرجال .. احنى نشتري اخلاقة ..
زادت سرعتي .. بديت افقد سيطرتي على السيارة ...
جاسم : احمد وقف وقف ..
حوالت اضرب بريك .. بدت الويلات تتسحك .. تطلع صوت قوي في الشارع .. قوي قوي .. وقفنا في محل الكارس ..
جاسم : استجنيت عشان تسوق جدي ..
احمد : جاسم بس بس .. انا فاقد اعصابي .. ولو قلت ليي أي شي بعصب وبشتم
جاسم : احمد انا اول مرة في حياتي اشوفك جدي
احمد : خلاص كرهت حياتي .. ما عمري تهنيت فيها .. الصبح انته والظهر اختك .. حسو فيي ..
يود جاسم تلفونه واتصل لمنى ..
جاسم : الو هلا منى .. اسمعي .. حاولي ما تبيني للجماعة اختفائنا .. واحنا انشالله بنجي قبل الغدا .. واهم شي هدى .. حاولي ما تبينيين ليها اختفائنا .. على العموم اذا جيت انا يمكن احمد ما يجي .. بعدين بقول ليش الموضوع .. اوكي اوكي مع السلامة

ما فهمت شي .. من محادثته .. بس انه ما يبغي يعلم الجماعة ..
جاسم : احمد قوم بسوق عنك ..
قمت بدون نقاش .. لأني ما كانت فيي شده سياقه .. ومافيي شدت شي .. قام جاسم يسوق بكل رواء .. وصلنا بيتنا ..
جاسم : يالله احمد ,,
احمد : انته بتنزل ..
جاسم : بس بنزلك وبرجع بيتنا بسيارتك عشان ارقع اختفائك وانت انشالله لين هديت بنحل المشكله ..
احمد : مو بس دي المشكلة .. المشاكل تتحدف عليي من كل صوب .. والله لو اقولها ليك ما تتحمل
جاسم : كون قدها وانا وياك ..
احمد : ما اقدر المشاكل اللي فيي اكبر مني ومنك .,. لكن اخلي امري لله ..
دخلت داخل البيت .. ومباشرة ركبت حجرتي ودخلت اتسبح .. لما طلعت .. طلعت برواز كبير من تحت السرير كانت فيه صورة كبيره كلش لهدى .. خليتها وقعدت افكر .. واهدي بالي ..
انا ما عندي غير حل واحد .. اقول لهدى عن سلوى اليوم .. واخطبها باجر .. انا لازم اخطبها .. مافي غير هالحل .. اول مشكلة هيه سلوى .. ومن بعدها هدى ومعاملتها ليي بعد تهديد جاسم .. والثالثة هي ردت فعل امي وابويي لما قلت ليهم اني بخطب هدى .. والرابعه اليوم نظرات هدى لعبدالله .. كل شي كل شي .. من حولي عذاب ... طبقت جوني وقعدت افكر في صمت ويش بسوي .. انا لازم اسوي حل .. ولازم ارجع بيت عمتي قبل لا احد يلاحظ .. بس ما امبي ارجع .. ما امبي ارجع .. مليت وطفشت .. كاره حياتي .. بس احس بحبي لهدى رغم كل شي ..

جاسم
البيت
----------------------------
حسيت انه احمد مو طبيعي ومتوتر .. طلع بروة .. ولما عرضت عليه اني اروح وياه رفض .. احس انه فيه شي .. صدق ان انا غلطت لما قلت لهدى لا تكلمينه لأنها اخذت المسأله جد جد ووحتى سلام ما سلمت عليه من بد كل الجماعة .. بصراحة كسر خاطري .. اصلاً احمد كان موافق لأنه خاطره فيها ولما جا ما سلمت حتى عليه .. ما حسيتها عدله كلش كلش بس انا اللي قايل ليها ااااااااااااااااااااااف .. احس بهمي هم كبير .. لما حسيت انه احمد تأخر رحت وراه واللي دهشني انه كان طالع لحقت وراه وقمت ازعق .. ولما انتبه ليي عاملني >> بإحتقار << وحملني مسؤليه الي فيه .. حسيت فيه وانا لو كنت مكانه باسوي اكثر وهذا اللي خلاني اسكت واتغاضا .. لأني حسيت اني مذنب وفعلاً انا السبب .. ركبت ويا السيارة .. ورحنا البحر .. بصراحة احمد وايد يسوق بسرعة .. والسيارة تتخضخض .. وانا تكسرت عضامي .. واحمد مو راحمني .. الريال لما احد يطعن حبه ما يدري ويش ايسوي .. وهذا اللي صاير ويه احمد .. يحس بخيانه .. احمد من حبه لهدى ما يستحمل منها شي .. بصراحة اعترف .. احمد يحب هدى اكثر من حبي لمنى .. احمد عاشق المفروض ينذكر في التاريخ مثله مثل روميو وججولييت وقيس وليلى .. والمشكله انه هدى تحبه اضعاف بعد .. اثنينهم مغرمين ببعض .. بس الظروف تحتم عليهم انهم ما يلتقون . . احمد معصب وهدى تنزف في قلبها .. بس اليوم لازم اجمع قولبهم .. حتى لو تكلمو ويه بعض .. حرام هالحب البريئ يختفي بحاول بكل جهدي اليوم اني اساعدهم .. وصلنا البحر بسرعة البرق .. نزل احمد .. حبيت اخليه يقعد ويه روحه شوي وبعدين .. بعد ما مليت القعدة .. رحت وحطيت ايدي على كتفه عشان ابين ليه الأمان .. طلبت منه يفرغ اللي في خاطره .. وفعلاً فرغ اللي في خاطره بس ما توقعته جدي حامل في قلبه والمقطع الأخير منه انه لما طاحت عيونه في عيونها تجاهلته ما توقعت هدى تسويها .. انا فعلاً قلت ليها بس قلت مثل كل مرة بدون نتيجة.. وهددتها عل وعسى تطاوع .. وبعد رغم انه اهانني شوي لكن ما رديت عليه لأنه معصب .. ومستحمق .. وانا استاهل .. لما هد اللي في قلبه ما ترك ليي مجال اتكلم .. قام يتمشى مثل التايه في الصحرا .. الشمس حارة .. بس ويش اسوي .. قعدت انتظره .. ما امبي اعصب عليه .. مسكين كفايه انه معصب وايد لازم اكون وياه لين عشان هو بعد يلين ويايي .. رجع بعد حوالي ربع ساعة .. واما انا فبديت ازج عرق .. الحر لا يحتمل .. واحنا في البحرين حر ورطوبة .. لما رجع ركب السيارة .. قمت وركبت وراه .. طلع من صوب البحر .. واظنه يسوق 200 لأنه السرعة خياليه .. انا ما احس انه انا عايش .. مغمض عيوني بكل خوف .. ما امبي اشوف شي .. ما امبي اشوف الشوارع وهي تهرب من سرعت احمد .. ترجيته انه يخفف .. وقمت اسولف وياه عشان يهدا .. احمد عصب .. واحمد اذا عصب فعلاً يعصب .. ما يعرف من قدامه .. قام يسوق وانا خايف .. لما عصب زياده زاد السرعة .. وانا قلبي يدق .. لما ترجيته .. خفف السرعة فجأه وتسحكت الويلات .. وطلعت صوت قوي قوي ( مثل الصبيان اللي يسحكون ويلات ) وقفنا عند الكارس وطلبت منه نتبادل .. مباشره وافق .. وهذا اللي استعجبت منه .. اتصلت لمنى .. وقلت ليها انها ما تحاول تبين انه احنا مو موجودين وتغطي بأي عذر .. وهي اندهشت واستغربت بس طبعاً وافقت .. بعدين قمت اسوق بهدوء عشان تهدا اعصابه .. وصلته بيتهم .. ريوست بالسياره وطلعت إلى بيتنا .. سقت شوي سريع عشان اوصل .. دخلت من الباب الخلفي .. وركبت في الدري الخارجي .. وصلت حجرتي .. بدلت ثيابي واتصلت لمنى
جاسم : الو هلا منى
منى : اهلين
جاسم : ها ويش سويتيت
منى : كل الجماعة لاحظت بس هدى ابداً ما لاحظت ..
جاسم : وويش قلتين ليهم عنا
منى : قلت انكم ركبتون فوق بتراوي احمد اشياء وابجورات مشترنهم
جاسم : زين تسويين .. الحين انا بنزل .. بس احمد في بيتكم ..
منى : جاسم ويش السالفه ..
جاسم : انا قلت لرفيقتش ما تكلم احمد .. وتثقل شوي .. قامت وما كلمته بالمرة حتى ما قالت ليه حمد لله على السلامة .. وهذا حز في خاطر احمد .. وبعدين التقت عيونهم قامت وتجاهلته .. ومنها احمد عصب .. والرجال اذا انهان ما يحس بشي .. طلع من البيت لو ما لحقته .. وبغينا نسوي حادث .. شرشحني شوي وهزأني لكن ما عليه .. لأنه معصب الله يسامحه ..
منى : احمد اذا عصب .. ما ينعرف ..
جاسم : المهم لا تذكرين اسم احمد قدام هدى .. واتظاهر قدامها انه هو موجود .. او أي شي .. او تدرين .. قولي انه احنا طلعنا برا .. وتلعوزت ثياب احمد من حمامة .. وقام ودخل يتسبح ..
منى : جاسم اني ما امبي اجدي
جاسم : ما عندنا خيار ثاني ..
منى : انشالله ..
صكيته عنها .. ونزلت .. وقلت للجماعة الجدبه .. لما سألوني عن احمد .. قعدت اتغدا .. وقمت اتحجج .. بهدى ومنى كالمعتاد ولا كأنه صاير شي .. واما انا من الداخل فتعبان لأنه احمد تعبان .. قمت من على الغدا .. لما كانو البنات في المطبخ .. واتصلت لأحمد
جاسم : شخبارك
احمد : الحمد لله
جاسم : ويش امتى بتجي
احمد : اول انا آسف على اللي قلته
جاسم : لا عادي .. والحين تعال وبصالح بينكم .. ولا كأنه صاير شي .. وانته قول سالفتك .. واقعد وياها بروحكم بس وياكم منى .. اما انا فما ليه لزوم
احمد : اللي يريحك ..
جاسم : يالله تعال .. وادخل من الباب الخلفي .. طبعاً بدلت ثيابك له
احمد : أي بس ليش ادخل من الباب الخلفي
جاسم : اسمعني .. ادخل من الباب الخلفي واركب الدري الخارجي .. ومنه ادخل لداخل حجرتي .. ولين دخلت اطلع من حجرتي على انك متسبح في حجرتي والسبب انه حمامة وصختك
احمد : تم .. بس ارجوك تساعدني
جاسم : ولو اقص من لحم عشان اساعدك انا مستعد
احمد : مشكور مشكور
جاسم : يالله ..
احمد : اوكيه ..
احمد الحين بيطلع بسيارت ابوه .. وبجي اهنيه .. ومنها بجمع احمد وهدى وبطالحهم وبقول لهدى تكلمه مثله مثل الباقي .. بس ما تكلمه في التلفون .. وبعدين بخليهم بروحهم لأنه الموضوع حسب فهمي انه خاص .. فما ليي دخل ..

هدى
البيت
---------------------
كنت دوم اطالع عبدالله .. معقوله داك الأنسان الشري .. داك الشيطان اللي يضحك على ديره ويأدي بلد .. سخر عليه القدر وخلاه يمشي بعكاز .. ساعه اتأمل في العكاز .. أي قد هالشي قاسي .. دخلنا اني ومنى ندردش فما حسيت بالموجودين .. وعلى الغدا .. لاحظ اختفاء احمد .. بس قالو انه متوصخ من حمامة ويتسبح .. بس مو كانه تسبوحه طول .. بصراحة وحشني موت .. في هالساعات .. ياربي أي قد احبك يا احمد .. وما هان عليي اني ما اكلمك بس ما امبي جاسم يوافق على محمد .. امبي احمد وما امبي غيره .. بعد ما خلصو الجماعة الغدا تقريباً نزل احمد .. بس بثياب غير .. اكيد دام انه يتسبح .. دزاينه غير .. مو غتره وعقال .. لا بنطلون وفانيله .. قعد وتغدا بس اللي لفت انتباهي انه ما رفع عيونه ليي .. ولا كأنه يشوفني .. بعد ما تغدينا رحت لجاسم عشان يودينا المجمع
جاسم : اول امبيش في موضوع
هدى : خير ..
جاسم : انتين تعالي ..
هدى : وينه ..
جاسم : بنطلع بره بنروح عند المسبح ..
هدى : اوكي ..
وطلعت ويه جاسم .. وما ادري ويش السالفة .. بس دام انه يبغاني اشوف ويش يبغى .. لايكون شاف اللحظة اللي طالعت فيها احمد وبعدين كسرت عيوني وبيجازيني عليها .. رحت صوب المسبح .. فتحت الستارة ودخلت .. بس اللي صدمني انه في شخص عزيز موت علي قلبي قاعد على الكراسي اللي جنب المسبح ...
هدى : جاسم ويش صاير
جاسم : تعالي ..
ورحت .. وقعدت على كرسي .. وجاسم على الثاني .. واحمد قبالي .. وبعد ما قعدت .. حتى سلام ما سلم عليي احمد ..
جاسم : يالله يا هدى قولي اليوم ويش سويتين من اول ما نزلتين
هدى : ويش سويت
جاسم : سلمتين على من .. كلمتين من ..
هدى : تحقيق
جاسم : تقريبًا
ولا ادري بعدي ويش السالفه ..
هدى : وصلت وسلمت على الجماعة .. كلهم .. واحد ورا الثاني
جاسم : كلهم
هدى : تقريبًا
جاسم :ومن ما سلمتين عليه ..
رفعت عيوني لأحمد .. عيوني مغرغره .. الدمعة فيها .. مادري ويش السر ورا هالتحقيق
هدى : جاسم ليش تعذبني
جاسم : ابداً يا هدوي .. انتينه اختي .. ومست((( اعذبش .. ما قلتين لينه منهو اللي ما سلمتين عليه
هدى : احمد
جاسم : وليش ما سلمتين عليه
هدى : لأنك مانعني من الكلام وياه ..
جاسم : اكو قلتينها .. الكلام وياه .. مو السلام عليه .. ما بيضرش لو قلتين شخبارك احمد او سلام عليكم .. او تستاهل السلامة .. او حمد لله على السلامة مو
هدى : خفت خفت خفت منك .. اخاف توافق على محمد ولد عمي وتدمر حياتي
جاسم : بس السلام على رسول الله .. هالموضوع المفروض تشغلين عقلش فيه ..
هدى : انته ما قلت ليي سلمي عادي .. واني اخذت الأوامر منك
جاسم : وما قلت ليش لا تسلمين ..
احمد : هدى ممكن سؤال
حطيت عيوني في عيونه وما قدرت اشيلها .. رغم وجود جاسم .. قعدت اطاعه لثواني .. عيوني في عيونه
هدى بهمس : اسأل ..
احمد : اليوم انتين ليش كل حين تطالعين عبدالله .. رجعتين
هدى : افا .. هذا ظنك .. اني قلبي انطبع عليه اسمك .. ولو يغسلونة بويش مست((( تزول الطبعة .. اني كنت اطالعة واشوف هالإنسان اللي كان جبروته يكسر العالم .. ووقاحته وشطانته .. اشوف جيفه القدر سخر منه .. كنت اطالعه بشفقة .. بس .. بس انته فسرتها شي غير ,,
احمد : اشوه جدي ارتاح
جاسم : ولما طالعش .. فعلاً تجاهلتينه ..
هدى : مو انته قايل اذا شفت منش لو نظره بقتلش وبوافق على محمد .. اني كنت احمي حبي الصغير .. وم امبي ااحد يقرب جنبه .. حميته بقدرتي .. رغم انه قلبي ما رضا .. وعيوني عاندت .. بس ما كان عندي خيار ثاني .. كنت خايفة من جاسم .. ولازلت خايفه منك يا جاسم .. لازلت ..
جاسم : لا يا هدى انه كنت امبي احميش .. بس ما كنت امبيش تكلمينه في التلفون .. وتوقعت انش ما ترضين .. وهذا اللا دفعني اني احط شروط تعجيزيه ..
هدى : بس انته يا جاسم .. خليتني في دنيا ماهي أي دنيا .. قتلتني .. اني ما اقدر استحمل اني ادور عن احمد او اصد عنه .. وانته من تهديداتك خوفتني .. كنت قبل لا اسوي أي شي افكر .. اخاف اسلم على احمد وتوافق على محمد ..
جاسم : لازم تعرفين شي واحد .. انه انا محمد ما بوافق عليه وكان مجرد تهديد .. ولو تخلى الديره من الرجال ما وافقت على غير احمد ..
ارتحت .. وايد ارتحت ..
احمد : هدى .. امبيش في موضوع اهم ..
هدى : في موضوع اهم ..
احمد : ايه
جاسم : انا بترككم وبنادي منى ..
قعدت عيوني على الأرض .. ايدي تنتفض .. مو عارفة ويش اسوي وجاسم تاركنه بروحنا ..
احمد : هدى وايد قسيتين عليي ..
هدى : وانيي جاسم وايد قسى عليي ..
احمد : نبدي من جديد
رفعت ليه نظري .. وحطيت عيوني في عيونه .. أي قد عيونه حليوه .. واي قد اشتقت لهالنظرة ..
هدى : نبدي من جديد ..
دخلت منى .. وبعد ما قعدت ..
احمد : هدى لازم تعرفين انه الموضوع اللي بكلمش فيه حساس كلش كلش .. وانتين لازم تتفهمينه وتصدقيني
هدى : واني عمري ما جدبتك .. قول ..
احمد : انا في بدايت العطلعة امي خطبت ليي .. خطبت ليي بت خاله واسمها سلوى .. ما احبها ولا اطيقها .. ولا اواطنها .. طلبت منهم يلغون الخطبه لأني مو موافق .. بس هذي سلوى تظن اني احبها .. والأخس انها متأكده اني بخطبها .. وهالشي بيأثر على حياتنا .. واذا درت انه انا برتبط بغيرها في احتمال تحاول تفرق بيينا ..
هدى : هــــــا
منى : هذا الواقع .. وحلمتش اللي حلمتينها فيها شي صح .. انه عندي بت خاله تحب احمد .. بس لازم تعرفين انه احمد ما يحب غيرش .. فإذا جت ليش يوم وقالت انه احمد قايل ليها يحب وبيخطبها مو تنصدمين .. ترى هيه متأكده انه احمد بيخطبها .. ولهذا السبب لازم ما تتعرفين عليها الا بعد ما يخطبش احمد .. واذا شفتينها في بيتنا حتى لا تقولين انه احمد خطيبش .. عشان لا تبدي المؤامرات ضدش
هدى : ويش .. انكر حبي لأحمد
منى : عشان تحافظين على هالحب .. ترى سلوى رغم انها بت خالت الا اني اقول ليش انها خبيثة .. وحيه .. ولدغتها والقبر .. وياما سوت مواقف لأحمد وهو الحين ما يشتهيها .. وحتى اسمها ما يقوله على لسانها .. وانتين لازم تتقبلين الوضع
هدى : بس ليش اني اللي دايماً اتحمل
احمد : لأنه انا ووانتين مكتوب علينا الشقى .. بس اسمعي .. بسبب هالورطة .. لازم تعجل في خطوبتنا .. لأنه مو بس هي .. إلا حتى خالتي تظن اني بخط بتها .. بس لا تخافين .. بقول ليهم .. اني ما بخطب بتهم .. في اقرب فرصة واليوم اللي اقول ليهم فيه بقول لمنى عشان تقول ليش ..
اقتنعت .. لأنه هالشي مو بأيد احمد .. واني لازم اتفهم واوقف وياه .. ومست((( استغني عنه .. من جدي .. بوقف وياه في هالمحنه وكل محنا .. هذا احمد .. احمد الغالي .. وبيظل حبه في قلبي لين تقوم القيامة

انتهى الجزء وفي انتظار تعليقاتكم

اليكم الجزء

الجزء الخامس والعشرين

احمد
بيت عمتي
---------------------------
رحت بيت عمتي ودقات قلبي تتعالى .. مادريويش باسوي .. ؟؟؟ زيش بقول لهدى .. وصلت ونفذت خطت جاسم عشان نغطي على القضيه .. راح جاسم ونادا هدى .. وما وصلت هدى الا قلبي طاح في البرجة وشرب نص مايها .. < صيغة مبالغة > .. دخلت هدى وقعدت على الكرسي .. قعدت اتأمل اسلوبها مشيتها طريقتها .. كل شي .. وايد ناعمة .. ومشيتها ما تدل على غرور بالعكس على تواضع .. رغم اني ساعات احس انه هدى فيها شويه غرور لكن الواحد يعرف انها مو مغرورة من مشيتها .. يعني يمكن لو تمر صوب بنت تسلم عليها .. او تبتسم .. وهالأسلوب ووايد يعجبني . .
المهم بعد ما سألها جاسم عن اللي سلمت عليهم .. وقبل لا تجاوب من ما سلمت عليه رفعت عيونها ليي .. وكانت فايضة بالدموع .. بس مافي أي دمعة نزلت .. قام جاسم يسألها عن السبب اللي دفعها انها ما سلمت عليي .. وردت (خفت خفت خفت منك .. اخاف توافق على محمد ولد عمي وتدمر حياتي ) وهذا احلى رد .. انها خايفة ترتبط بشخص غيري .. وهذي بشاره زينه .. بعدين طلبت اني اسألها سؤال .. بس لما سمعت صوتي .. رفعت عيونها ليي .. وقامت تطالعني ... تطالعني بعمق .. عيونها تهبل .. أي قد هم حلوين .. الكحل محليهم اكثر .. هدى كلها على بعضها ملكة جمال .. الله يحفظها .. ولما سألتها سؤالي وجاوبت .. ارتحت ارتياح فضيع . . لأنها ما كانت تطالع عبدالله لأنه حنت اليه .. انما لأنها تشفق عليه .. بس مهماً كان عبدالله بيتشافى وما بيحتاج شفقت احد ..
ولما سألها جاسم ليش لما طالعتها تجاهلتني .. ردت رد عجبني .. هي هدى لسانها حليو .. ولبقة وفوق هذا .. تعرف تطلع روحها من أي مشكلة .. مثل تطليع الشعرة من العجين .. ردت وقالت : (مو انته قايل اذا شفت منش لو نظره بقتلش وبوافق على محمد .. اني كنت احمي حبي الصغير .. وم امبي ااحد يقرب جنبه .. حميته بقدرتي .. رغم انه قلبي ما رضا .. وعيوني عاندت .. بس ما كان عندي خيار ثاني .. كنت خايفة منك جاسم .. ولازلت خايفه منك .. لازلت .. )
حبها الصغير .. اما انا فموقفي اليوم كنت احمي حبي الكبير .. واذا فيه تعبير اكثر من الكبير فهذا هو .. بس ادري انه هدى ما تقصد صغير بالعاطفة او بالحجم .. انما تشبيه لأنها كتكوتة فحبها بعد صغير ..
خلصنا من هالموضوع .. وقام جاسم عشان ينادي منى .. ظليت انا وهيه .. بس انا مو متجرأ اتكلم وهيه بعد . :انت عندي رغبه شديدة بأني اتكلم بأي موضوع .. بس خايف .. ومو عارف .. احس انه اليوم كلامي ليها في تحديد مصير .. اما انها بتقبلني ببلوتي ( سلوى ) وبتحاول تخليصي منها .. او انها بترفضني وبتخليني اصارع الموج بروحي ..
بديت اتكلم وياها معاتب على اللي سوته ليي .. وهي بعد عاتبت جاسم على اللي سواه فيها .. ادري انه اللي حصلته من جاسم مو قليل .. واللي حصله جاسم منها مو قليل .. واللي حصلتها انا منهم اثنينهم مو قليل .. سألتها سؤال كنت انتظر اجابته بفارغ الصبر (نبدي من جديد ) وردت عليي بالموافقة .. جت منى وهنيه ابتدت الساعات الحاسمة اما أي وتكون شريكت عمري .. او لاء واحاول اتناساها ..
بدينا نكلمها انا ومنى .. واما هيه ففالبدايه انصدمة صدمة قويه .. واحس حتى لونها اصفّر .. بس بعدين ما توقعت ردت فعلها هذي .. قبلت انه هي تكون وياي وتساعدني على تخطي هالأزم وهذا احسن شي .. اليوم هدى ارتفعت في عيوني .. اليوم حسيت انه هدى الصغيره نضجت ... ما صارت تحل الأمور بعناد وصراخ وتمشي رايها .. بالعكس .. تفاهم وادب زايد .. حسيت انها مو بس ارتفعت في عيوني .. الا انه حبها بعد ارتفع .. وهو اوردي فايض يعني زاد بعد .. بعدين
هدى : منوي على الوعد بنروح المجمع له
احمد : أي مجمع
هدى : السيف اكيد
منى : لالالا اني ما احب الشيف كفايه داك اليوم ..
احمد : وش صار داك اليوم
منى : ولا شي
هدى : قلت ليك لما لحقنا مسود الويه
احمد : اممممممممم ..
منى : وامتى قلتين ليه
هدى : داك اليوم .. المهم اني امبي اروح السيف .. وانتين لازم تروحين لاسنزا ويه اشرف وهالسوالف ..
لاحظت نظرة مو طبيعية من منى الى هدى ولا ادري ويش السبب
هدى : انزين انزين
احمد : ويش صاير
منى بإحراج : لالالالا ولا شي . .
احمد : انزين قومو جهزو روكم لأ،ي بروح وياكم
هدى بفرح : انشالله
احمد : هدى ما امبي مكياج والكحل طيريه
هدى : بس هذا الكحل من داخل .. ما يطير ..
احمد : انا امباش تمشينه تسوين أي شي ..
منى : يا خوي الكحل اللي داخل العيون ما يأثر
احمد : امبلى
منى : ما عليش منه
احمد : اوكي مو تطيرينه .. لأنه فعلاً مو لافت ..
هدى: اوكي
اتجهو البنات يلبسون بينما انا اتصلت لجاسم .. ما فيي شده اقوم واشوفه في وينه وادخل وتصدني الجماعة وينه كنت وويش تسوي
احمد : ها جسوم
جاسم : اول بشر
احمد : ما تتوقع . . قالت عادي وبتساعدني بعد
جاسم : اختي طيبه وانته تقص عليها ويش بتسوي بتوافق
احمد : ايه عيل انا اقص على اختك وانته تقص على اختي
جاسم : لالالالا انا انسان جدّي
احمد : وانا بعد
جاسم : المهم خير الا متصل ليش ما تجي
احمد : يا اخي البنات يبغون يروحون المجمع ..
جاسم : أي مجمع قالو
احمد : السيف
جاسم : لالا السيف ما اودي .. كفايه كله سعوديني ما ينقبل ..
احمد : يا اخي انزين بس هالمرة
جاسم : انزين ويش بيشترون
احمد : ويش دراني ..
جاسم : انزين سو روحك ما قلت لييي .. وانا بوديهم البحرين .. ولين وصلنا بقول ليهم بس خلاص
احمد : آآه منك حرام عليك خلهم يروحون السيف
جاسم : لالالا نروح البحرين وبعدين نطلع ونروح سينما السيف ..
احمد : خوش فكرة ..
جاسم : بس مو تقول ليهم خلها مفاجأه
احمد : اوكوووك .. يالله بسرعة البس عشان نمشي
جاسم : انا لابس
احمد : لالالا بدل الثوب والغترة والبس بنطلون وفانيلة .. مثلي لأني استحي بروحي بنطلون وفانيله ..
جاسم : ويش رايك نلبس اماراتي ..
احمد : اتكلم فرنسي اقول ليك ما عليي الا بنطلون وفانيله .. ومن وين اجيب الأماراتي ..
جاسم : انزين .. انته لابس أي بدله
احمد : توك شايفني
جاسم : نسيت
احمد : لابس فانيه حمرا وبنطلون اسود وفيه خطين حمران
جاسم : ما عندي مثلك
احمد : انزين البس احمر واسود مو مهم مثلي
جاسم : اوكيك ..
صكيته عنه .. وقمت .. رحت داخل .. انتظر هدى ومنى في الصاله الخارجيه عشان لا يشوفوني ويبتدي التحقيق .. قعدت على الكرسي الا محمد طالع ..
محمد : ها حمود الا قاعد هنيه
احمد : أي انتظر جاسم والبنات بنظلع المجمع يحتاجون بعض الأغراض لباجر الجلسة ولخطوبة منى
محمد : الله يوفقكم
احمد : اجمعين ..
مشى عني وراح المطبخ .. بينما انا قعدت انتظر .. ولما طفشت زلزت منى من الرنات .. رنه ورا رنه .. لي ما صادتني ..
احمد : ترا بنمشي
منى : وينه بتروحون
احمد : بنطلع انا وجاسم اذا ما جيتون
منى : هذي هدى دخلت تغسل ويهها ... وبعدين بخرت عبايتها ..
احمد : بعد لاويش هيه بتروح معاريش !!!
منى : لا بس مشتريه بخور جديد وتبغي تشممني اياه .. فمرا وحده بخرت عبايتها .. وعبايتي ..
احمد : عود ..؟؟
منى : أي
احد : انزين نزلوه ليي
منى : المبخر كهربائي
احمد : عيل ماعليه المرات اليايه بحط ليي منه ..
منى : اوكيه الحين بننزل ..

صكيته عنهم .. وقمت اتمشى في الصاله للين ما وصلت لمنظرة حليوة وراقيه .. معلقة وتحتها طالوله مثلها .. قعدت اعدل شعري اول .. واعدل طريقت وقفته .. وبعدين عدلت الفانيلة والبنطلون .. هالبدله حليوة وراقية .. رغم انه ما يلبسون جدي الا الشباب ( المراهقين ) لكن انا ما عليي منهم احب اللون الأحمرر ويه الأسود .. نزلو البنات ..
وشفت هدى اللي طبعاً ودايماً صايرة مميزة عن منى .. بينمى منى عبايتها لافته اكثر لأنها لابستنها عشان تكشخ لجاسم وما كان في بالها المجمع .. اما عبايت هدى فهي عاديه كلش .. بس في الأيد فيه لون .. ( وردي ) ومن تحت .. يعني جدي .. صدق انها مو لافته وايد .. لكن مطلعة هدى حليوة .. اصلاً هدى بأي شي حليوه .. وشال مثل العبايه .. ونعالها لابستنه من فوق لأنها تخلي نعلها فوق .. طبعاً انا لازم اشوف كل شي في هدى .. نعال حليو ... كعبته خفيفة من الكعبات الحلوين .. بس هدى ما تحب كعبه تخاف على ظهرها .. واما منى فما دققت فيها وايد بس شفتها ككل ..
جا جاسم ,, وكان لابس مثل الواني .. الفانيله غير بينما البنطلون مثل الشي تقريباً ..
جاسم : يالله مشينا ..
ركبنا السياره .. انا قدام .. ومنى ورايي .. وهدى ورا جاسم .. وحدي احسن ليي عشان لو بدور مباشرة اشوف هدى .. ياي .. خخخ
المهم .. مثل ما قال جاسم .. رحنا البنات يحسبون بنروح السيف بينما جاسم دخل لفت البحرين .. دخلنا البحرين
هدى : جاسم ما بنروح مجمع البحرين بنروح السيف
جاسم : يوه ما قلتون من قبل .. بس الحين دخلنا . والمحلات اللي بتروحونهم اكيد موجودين في هذا المجمع ..
هدى : بس اني ما احب البحرين وايد صغير
جاسم : البحرين صغير
هدى : أي صغير .. مافيه محلات .. ولا فيه محلات مكياج وايد
جاسم : الحين وصلنا .. وفيه اشرف وذي بدي شوب واجمل بعد ويش تبغون يالله يالله ..
هدى : انزين ..
حصلنا بارك عند المجمع بالضبط ..
جاسم : يالله قومو
هدى : انشالله
نزلت .. ونزلو البنات .. طبعاً في السيارة كان جاسم مشغل لينه ( لا تجرح حساسي ) الجسمي .. وقمت .. بصراحة الغنيه ما كملت وانا احبها .. بس ويش اسوي .. قمت .. ونزلنا ..
باركات مجمع البحرين فن .. انا احفظ اللون والرقم واذا طلعنا انسا اللون والرقم بعد .. دخلنا داخل انا وصوبي جاسم وصوبه هدى وبعدين منى ..
دخلنا كقروب ..
اول شي دخلنا اشرف .. قامو البنات يتسوقون ومن ماركة للثانيه وانا وجاسم طايحين عند عطور الرجالي .. فن .. قررت آخذ ليي واحد احبه واسمه ( فهرنهايت ) عجيب وغالي شوي لكن بالنسبه لعطور اشرف ولا شي .. واما جاسم اخذ عطر ماركة قوش .. ولما خلصو البنات .. منى حاملة ليها سلت مكياج .. من كل الأشكال .,. مادري ويش بتسوي بهم يمكن بتفتح صالون .. اما هدى فأكتفت بقلمين كحل ماركة لورال .. واحد ماروني والثاني ازرق فيروزي .. وعطر بعد قوش بس حليو وايد .. ومنى ما خلت تو ون تو ولا خلت مادري ويش هرارها الا اخذته
رحنا للحساب .. منى يت بتدفع من جيسها .. قصدي من المهر .. بس طبعاً جاسم رفض وعصب وقال دامني انا الريال ما تدفعين عيل ليش انا جاي .. وراح ودفع .. واظنه انه دفع مسكين اكثر من 150 دينار .. لأنه المكياج وايد وايد .. والعطور يمكن خمسه لو ست ماركات وهدى بعد .. عطرها مو غالي حوالي 9 دينار .. وقلمين الكحل بـ9 لأنه من اشرف اغلى من غيره .. والله هم برا على حسب قول هدى بـ7 .. طلعنا .. ورحنا لاسنزا .. اللي يقولون عنه .. انا وجاسم انسحبنا ورحنا صوب الكوفي وقلنا ليهم لين خلصو يجون ..
رحنا باسكن روبنز وقعدنا ناكل اسكريم .. ورجعو البنات .. ورحنا اكسسريز ولايف ستايل .. وهم من قلاة للثانيه ماخلو بني ولا احمر ولا ازرق ولا اخضر وازرق الا اخذوه من لايف ستايل .. مصاريف على قلت الفايده .. ومسكين كله على جاسم .. وانا ما كنت ساحب غير 40 دينار .. ولو قلت بدفع عنهم .. ما بتجزي .. طلعنا من المجمع .. بعد الساعة ست ونص .. رحنا صلينا في بيتنا .. عشان لا تشوافنا الجماعة وتلصق فينا
هدى : ليش ما نروح بيتنا
جاسم : لأنه بنرد نطلع
هدى : وين
جاسم : مابعلم ....
هدى : عاد
احمد : بعدين بتعرفون ..
ركبو البنات فوق .. وراحو يصلون .. بينما انا وجاسم صلينا في الميلس .. اليوم حتى في المجمع ما دار بيني وبين هدى أي كلام .. كانت علاقتنا سطحية .. بس صار موقف .. انه انا وجاسم كنا واقفين ويه شباب ورجعو البنات من لاسنزا .. وهالشباب صدق يعني عيونهم زايغة وعندهم كل شي عادي .. ولما شافونه جو سلمو وقامو يسولفون .. طبعا ً انا وجاسم ما بنقول ليهم امشو .. وصلو البنات وما تقربو منه .. قعدو في الطاوله اللي صوبنا .. الا يقول واحد من هالشباب : او في بنات معجبين ابكم
جاسم : لو سمحت ثمن كلامك ترى هذلين خواتنا وينتظرونة ..
من الفشيلة مشو .. خخخخخخ .. لكن زين يسوي جاسم فيهم .. صلينا المغرب والعشا .. دقينه عليهم عشان ينزلون
نزلوالبنات ..
احمد : يالله بسرعة ..
منى : انشالله
جاسم : واخيراً سمعنا صوتش اذا اتكلم انا ما نسمعه
انحرجت منى .. هههه
جاسم : مادري امتى بتتخلصين من هالمستحى
هدى : خلها تستحي ويش فايدت قوايه العيون
جاسم : بس مو لهالدرجة .. من كل كلمه تستحي .. اخاف باجر اقول ليها احبش تقوم من المستحى وتهرب من البيت
بصراحة ما قدرت ايود بطني من الضحك .. انا وهدى فاطسين من الضحك عليها ..
احمد : ههههههههههه هههههههههههههه كككككككك ككككككككك هع هع هع هع هع
هدى : ههههههههههه
منى : بسكم ضحك
جاسم : ههههه .. بس عاد ..
منى : حرام عليكم ..
وبدت عيون منى تغرر وتهدد انها بتصيح .. لما شفتها جدي .. ما قدرت اشوف اختي في هالموقف . رغم كلام جاسم .. الا اني يودت ضحكتي
احمد : أي صدق بسنا ضحك وايد بيخناها ..
منى : الشره مو عليكم على اللي يطلع وياكم ..
جاسم : بس يا منى انتين من أي كلمة اقولها سيده ويهش يصير احمر ..
منى بإحراج : مو بيدي ..
جاسم : امبلى بأيدش عودي روحش.. احنا خلاص قريب بنرتبط باقي اسبوع او اسبوعين بس ..
ازداد خجل منى .. مسكينه اختي
احمد : هي هي بسك عن اختي .. عاجبتنك بخجلها خذها مو عاجبتنك روح دور انجان لقيت احسن منها .. واذا حصلت هذا ويهي ..
جاسم : انا ما امبي غيرها ولا امبي اللي احسن منها .. بس هذي صفه لازم تتخلص منها ..
احمد : بعدكم ما ملجتون وتبغيها تقطعك من السوالف
جاسم : يالله نمشي قبل لا نتهاوش ..
جاسم كان من وراهم بينما البنات سابقينه .. لما وصل لمنى همس في اذونها كلام بحيث ما يلمسها .. من بعد بس هي سمعت وتغيرت الوانها .. تعدها جاسم ومشيت انا وياه .. رحنا صوب السيف .. وبركننا في الباركات السبشل مال السينما .. ولما دخلنا ..
احمد : ويش تبغون تدخلون
هدى : بندخل Big momma's house 2
جاسم : اللي يعرضونهم الحين : هو Cheapr by the dozen 2 و Big momma's house 2 و The pink panther وبعد فلم رومانسي ما بندخله .. وفلم ضرب ومضارب مادري ويش اسمه ..
منى : The pink panther كوميدي وكأنه حليو ..
جاسم : أي فعلاً .. وبعد Cheapr by the dozen 2 عائلتين عندهم جهال وايد ومغامرات وقصص ..
احمد : انا على اللي تقولونه ..
هدى : اوكي بندخل The pink panther
جاسم : بس الحين ما بنحصل مقاعد فوق ..
احمد : ما عليه ..
رحنا نحجز تذاكر لأنه مو حاجزين من قبل واشوه هالفلم عارضينه من قبل جم مرة فما في ناس وايد .. وكان تذاكرنا للمستوى الرابع .. قبل لا ندخل اخذنا نفيش وبيبسي وجبس وهالسوالف .. دخلنا والفلم بده ما عرضوه .. انتظرنه شوي واحنا قابينها سوالف .. والتفتنا إلى انه في شباب اماراتيين داخلين .. شبهو عليي براشد وهزاع وحمدان .. لأنهم ثلاثة بس لما دار واحد منهم طلعو مو هم .. اصلاً هم في المانيا .. بدا الفلم .. وبدايته شوي فيا انه .. لكن بعدين الفلم يضحك .. والبنات قامو يضكون على حركات المفتش .. قصت الفلم انه واحد اطلقو عليه لقب البينك بانتر .. وهو مدرب فريق كرة قدم .. كان عنده خاتم الماس كبير يلبسه .. وخطيبته كانت مغنيه .. يبتدي وهم في مباراه وفريق المدرب يفوز .. لكن في نهايت المباراة يموت مقتول .. ويجيبون مفتش او باحث في القضيه لكنه اهبل من الهبل .. ويسوي حراكات تضحك .. وكلامه .. وخصوصاً انه هو فرنسي .. قعدنا نضحك شوي .. وبعدين خطيبت البينك بانتر قامت تغني .. والصوت عالي عالي .. بس ما بأيدنا شي ..
طلعنا من الفلم .. فاطسين من الضحك .. لما طلعنا كانت الساعة 9:30 .. رجعنا البيت .. وجاسم مشا بيتهم
امي : وينه كنتون
احمد : نشتري اغراض ..
امي : ويش هالأغراض ..
احمد : حق منى وهدى وجاسم .. للخطوبة
امي :اامممممم .. وانته ليش تروح دام انه هدى وياهم
احمد : وهدى وياهم يعني
امي : انته تحبها وحاط عيونك عليها ما يصير تطالعها بنظرة محرمة .. لين خططبتها اطلع وياها على كيفك ..
احمد : امااااااااااااااااه
امي : سمعتني هالمره لا تطلع وياها
احمد : بس احنا مو بروحنا ويانه منى وجاسم
امي : ولو ..
ياربي انا ناقص
احمد : انشالله يا امي ..
ومشيت .. ركبت فوق وتسبحت ونمت .. هلكان تعبان اليوم وايد صارت مجازفات .. وجينا بندعم وتروح ارواحنا .. لكن الله سبحانه نجانه ..

منى
بيتنا
---------------------
بعد ما رجعنا من المجمع وصلينا بصراحة انحرجت وايد من كلام جاسم .. مادري ليش مو بأيدي ما اقدر اكلمه فيس تو فيس .. اتخربط ما اعرف ويش اقول الواني تتغير لساني يثقل .. احاول اعود روحي بس بدون فايده .. مادري ويش الحل .. وجاسم طبعاً ما قصر وخلاهم يضحكون عليي .. بس مو عدله عليه يوم يقول ( اخاف باجر اقول ليها احبش تقوم من المستحى وتهرب من البيت ) وايد انحرجت .. معقولة اسويها .. إلا بستانس .. خخخخ .. لكن بعد انحرجت .. وقالها قدامهم ..
رحنا السينما .. وبعدين رجعنا البيت .. قعدت اصف الأغراض اللي اشتريتهم .. صدق اليوم وايد اشتريت اغراض .. واكثر موقف مضحك صادني انه لما دخلنا لاسنزا يو ويانه احمد وجاسم و... وبعدين لما شافوه سيده مشو الواحة .. خخخخ
نمت .. وقعدت الصبح عشان بروح الصالون .. اليوم جلسه فاطمة بت عمتي ..
مرت عليي هدى على حوالي الساعة 10 ورحنا صالون سمايل .. اهناك كله فلبينيات .. هدى خلتهم يسوون ليها م++ير وبدي كير.. بينما اني رفضت رفض قوي
منى : اني اخليهم يسوون ليي بأغراض مسوين فيهم لمليون وحده
هدى : ومن قالش اني بخليهم يسون ليي بأغراضهم .. بشتري اغراض وبخليهم يسوون لييي بهم ..
منى : أي ججدي اوكي .. سوو لهدى .. وخلو اضافيرها حلوين .. هي اساساً اظافيها بيضان وطولهم حليو .. مو طوال كأنهم اضافير ساحرة ولا قصار لا متوسطين .. واني بعد سوو ليي .. واما العروس فاليوم جت ويانه سمايل لأنها ما تبغي غير ستشوار .. اول وحده فينا كانت هدى .. والفلبينيه استحمقت عليها .. تقول ليها عندش شعر حليو ويلمع ومايه تدريجات بعد ليش تعدمينه بالاستشوار .. وفهمتها هدى انه عرس ختها ولازم تكشخ اما الفلبينيه مو مقتنعه وتقول ليها انتين تخسرين بيزات ..
سوته ليها .. وفعلاً ما اخذت فيها اكثر من نص ساعة .. وقامت هدى وشعرها وايد صاير حليو .. هو اساساً حليو .. وبعد مسوتنه .. طالعه فنتاستيكيه
منى : بس لا تلبسين الحجاب جدي احلى
هدى : لين طلعتين بدون حجاب بعد ما بطلع بدون حجاب ..
منى : ههههههههههههههه .. اني لا يمكن ..
وبعدين عقب هدى فاطمة لآنه هيه بعد شعرها حرير مثل هدى بس ديك ما يوقف حتى لين سوته جدنه او شي سيده تتفلل.. اما شعري ففيه تدرجات حليوة .. بس مو قراميل وفلافل .. لا بالعكس يعني من قدام دايماً سيده .. ومن ورده فيه تدريجتين بسيطتين .. واني يعجبني شعري وخصوصاً لأنه طويل طويل طويل طويل .. يوصل لتحت الظهر وانزل .. واحمد اخويي يقول ليي لا افل شعري .. بس ويش اسوي .. بسشوره وبخليه ..
فاطمة شعرها لنص الظهر وهدى شعرها بعد لنص الظهر .. بس شوي اطول .. وشعرها غليظ ماشالله ..
خلصت فاطمة بعد وجا دوري .. اني مهلت شوي لأني طويل .. بس ما اخذت ساعة .. واحنا فلبينيه وحده اللي نتعامل وياها واما الباقي ابداً ما نقرب صوبهم لأنه يسوون مأساه .. خلصت واني سووه ليي بـ 9 وهدى وفاطمة ب7
طلعنا ورحنا البيت لأنه يوم نخلص كانت الساعة 2:30 الظهر .. وبعدهي وقت على المكياج .. اني وهدى بنروح ناريس .. وفاطمة بتروح صفاء ..
رحنا ناريس على الساعة 5 العصر .. وكملنا مكياج على الساعة 7 لأنه الصالون كان فاضي .. رجعنا البيت الا فاطمة بعد رجعت .. وماشالله عليها طالعه قمر .. وخصوصاً انه صفاء تعرف تبرز العيون .. وحاطه ليها مكياج وايد وايد وايد زاهي ..
رحنا الماتم .. وطبعاً ماخدين ماتم واسع لأنه جماعتنا وايد .. والماتم بيكون اوكيه ليهم كلهم .. عدلنا المكان وحطينا البخور .. جهزنا الوجبات والمكان بارد بارد .. وحليو .. وصلو خوات المعرس .. بنات عم هدى .. رحنا نسولف وياهم .. هم 4 ..
فاطمة وزينب وزهرة وايمان
فاطمة : ما عرفتينا عل هالحليوة
( تقصدني )
هدى : هذي منى بت خالي وخطيبت جاسم ..
زينب : جاسم خطب .. ؟؟ ما سمعنا
هدى : لالا بعدنا ما ملجنا بس كلمنا الأهل
زينب : عالبركة .. انشالله نشوفش السنه الجايه وعندش ولد او بنيه
منى : لالالالا مو من الحين بنتزوج .. بس خطوبة
زينب : ليش عاد .. في الزواج استقرار ..
زهره ( وهي اكبر البنات ) : أي فعلاً وعقبالش يا هدى انتين ومحمد ..
هدى : لالالالالا اني بعدي صغيرة .. ومحمد اخوش لازم يتزوج الحين .. اما اني فمو مستعجله على العرس
زهرة : انزين محمد حسب كلامة انه بينتظرش
هدى : ما يحتاج ينتظر اني لين كملت مدرسة بروح ادرس في الخارج ما بقعد في البحرين
ايمان : أي تتزوجون وتروحون تدرسين
هدى : لالا ما امبي اروح واني مرتبطه
فاططمة : بس عاد احرجتون البنيه ..
هدى : فاطمة صدق اني ما امبي اتزوج .. وابوي بعد قال للجماعة انه اني مو موافقه ..
زهرة : ليش عاد .. اكو اني متزوجه .. مافيها شي ..
هدى : انتين غير بس اني احس انه بعدي مو مستعده اكون اسره ..
منى : أي فعلاً وجاسم بعد قايل ما بيزوج هدى الا اذا وصلت ال25
< جذبه > يمكن تنقد هدى واخويي من الموقف
ايمان : يعني افهم انش مو موافقه
هدى : خلو هالكلام للي اكبر منا احسن ..
زينب دارت تكلمني : وانتين يا عروستنا الحلوة امتى خطوبتش
منى : عما قريب
زينب : يالله الله يبارك ليكم ويرزقكم الدرية الصالة
< انحررررررررررجت >
منى : انشالله ..
زينب حسب شوفتي ليها اجمل خواتها واطيبهم .. دايماً تضحك .. يالله زينه لسامي
منى : انتين مخطوبة
زينب : لا بعدي صغنطوطة ..
منى : الله يخليش ..
زينب : اجمعين ..
وقعدنا نسولف .. وبصراحة اني عجبتني زينب واسلوبها .. وطيبتها وتعاملها .. وكل شي ..
بعد شوي بدو الناس يتوافدون وطبعاً اهلنا امي .. ومرت اخويي سارة ووياه فطوم وحمود بعد جبدي .. وهالياهل بتستجن عليه هدى لأنه اسمه احمد ويشب احمد اخويي .. بس وصل اخذته وحبته .. وحملته وقامت تدور ابه .. واني وراها ..
احمد : هدايو النهيسة هديني بروه العب ( هدايو يالنحيسه هديني بروح العب )
هدى : اني نحيسة .. والله انك طالع على قمر وسمك قمر ..
احمد : ثكراً
هدى : عفواً
منى : بس هديه بتتعبين ..
هدى : شوفيه يهبل ..
منى : بسش عندش الأصل وتروحين للجدوع ..
هدى : بس اشم ريحته
منى : الله يساعدش ..
هدى : اجمعين ..
قبل لا تزيد الجمماعة رحنا نصور لأنه نسينا .. وودونه احمد وجاسم .. هدى صورت صوره دجتل .. وصوره بروحها .. وصوره وياها جاسم .. واني مثل الشي بس ويايي احمد ..
طبعاً جاسم تخبل لما شافني.. وخصوصاً انه اللي حاطتنه لينا ناريس وايد وايد وايد ناعم .. وحليو ..
واحمد مثل الشي .. لما شاف هدى ..
دخلت اصور .. وهدى راحت تعدل شيلتها عشان نطلع .. بدون ما امر على الشباب دخلت لهدى .. وقبل لا البس شيلتي .. دخل جاسم يحسب انه بس هدى اللي في الحجرة ..
لما دخل اني قعدت اطالعه بصدمه .. وهوه بعد يطالعني بصدمة .. وشعرني كنت يايبتنه على صوب ومبين طوله .. لأنه كنت بدخلة في العباية ..
جاسم : آسف ..
وطلع .. بعد ما ظل واقف حوالي 10 ثواني ..
هدى : يؤيؤ يؤيؤ .. مسكين اخويي مايدري .. لكن ماعليه ماعليه انتون مخطوبين
منى : وبس لأنه احنا مخطوبين كل شي يجوز
توترت مادري ويش اسوي جيفه اتصرف .. مو متخيلة انه جاسم شافني بدون حجاب وشعري مفلول .. ومسشور وبمكياجي .. وفستاني .. واحسن شي انه فستاني كان محشم .. وكان فوقي شال ..
ومن صوب ثاني مسكين جاسم وايد انحرج ..
طلعت هدى قبلي واني مندعسة وراها .. ومستحيه اني اشوف جاسم مرة ثانيه .. مادري جيفة بطالعه ..
مشينة ووصلنا الماتم واني مو مصدقه ..
دخلنا الماتم واني بعدي انتفض ..
هدى : بس عاد ما تسوى على اخويي .. ما يدري يا اختي ما يدري .. وبعدين عادي ..
منى : متوترة ..
هدى : خلش طبيعيه .. الحين هو مرة من دلاعتش كاسر عليش باب الحمام خوفاً عليش وشايفنش بروب
منى : كان غير .. كان جاسم مثله مثل أي شخص بس اليوم هو خطيبي ..
هدى : عادي يا اختي عادي
منى : مسهل الحرب عن المتسفر على قولت امي العودة ..
دخلنا داخل وصت النسوان وكان الماتم حليو .. مو غصة .. لا يعني حليو .. والمكان بارد .. دخلنا ورحنا صوب امهتنا سلمنا على النسوان وعيونهم علينا .. يادافع البلة اول مرة يشوفون بنات ... بعدين وصلت فاطمة بت عمتي .. وكان ويها متغطي بهذا مادري ويش اسمه مال الجلسة .. وقعدت على كرسي .. وقامو يجلونها .. وبعدين مشو الناس شوي شوي .. ولما ما بقينا الا احنا وخوات المعرس فتحت فاطمة ويهها وابهرت الكل بمكياجها وروعتها .. وبعدين حتى الأهل تسحبو .. ومنهم اني .. مشيت البيت لأنه باجر عليي قعدة من الصبح وصالون ..
دخلت البيت وطيرت المكياج لصلاة الصبح .. ودخلت الحمام تسبحت عن وصاخة الصالون لمسو شعري ولعبو ابه .. ما اطيق .. طلعت من التسبوح الا تلفون فيه 3 مسكول .. من جاسم .. .. اذا يبغيني في موضوع ضروري بيرد يتصل .. اما اني استحي اتصل ..
مشطت شعري .. ولما تناصفت فيه ويودته عشان بربطه ومسكت الربطه الا التلفون يرن من جديد .. هديت شعري .. وقعدت على السرير مقابلة المنظرة .. كان المتصل جاسم
منى : الو
جاسم : هلا بالقمر .. هلا بشيخة النسوان ..
منى باحراج اشد من الشديد : هلا
جاسم : شخبارش منى ..
منى : الحمدلله .. وانته
جاسم : زعلان
منى : ليش !!
جاسم : اليوم بس اقول شي سيده استحيتين انتين خطيبتي .. بقول اللي بقولة
منى : بس اني بعد انحرجت ..
جاسم :وليش تنحرجين ..بعد انا ما تغزلت فيش
منى بإحراج : جااااااااااااااااسم ..
جاسم : عيونه
منى : تسلم
جاسم : وبعد انا زعلان
منى : ليش
جاسم : شعرش جديه وتفلينه ؟ واذا حسدوش الناس .. آخر مرة تفلينه .. شعرش ملك خاص وانا ما امبي احد يحسده ..
منى : ابتشبب
جاسم : مافي
منى : بس باجر بعد بفله ..وليلة ملجتنا بعد
جاسم : يا حلوه من يوم .. امتى يجي ..
منى بستهبال : عرس فاطمة !!
جاسم : لا ملجتنا ..
منى : لوزين تأجلها
جاسم : نعــــــــــم
منى : ما تعودت عليك
جاسم : منى لا تعصبيني .. انا اعد الدقايق عشان يجي هاليوم وانتين تقولين اجل .. بصراحة ما اقدر على برودش
منى : مو قصدي ..
جاسم : اذا تبغيني أأجل بأجل .. واذا الغي بعد كيفش
منى : لاء
وبعدين ندمت على الكلمة ..
منى : مو قصد
جاسم : اشوفش رفضتين ( بضحكة )
منى : مو عن قصد
جاسم : يعني نأجل
منى : لا تالي تجي المدرسة ..
جاسم : عادي نملج لين خلصتين المدرسة
منى : جاسسسسسسسسسم ..
جاسم : والله انتين اللي قلتين .. وانا امبي ارضيش ..
منى : بطاقات الدعوة سويتهم ..
جاسم : لالا عليش
منى : امبي ذوقك
جاسم : غير بتقسمينهم على حريم يعني ذوقش الأهم .
منى : مادري من وين
جاسم : اسألي الدليل اللي عندنا .. اقصد هدى
منى : حراام ترى كل شي الا هدى . اللي يزعلها يزعلني ..
جاسم : كأني بتزوجش وهدى مربوطه وياش ..
منى : أي أي أي اكيد . اني وهدى من زمان مربوطين ويه بعض ..
جاسم : لا بالله نجحنا ..
منى بإحراج : انته جهزت روحك
جاسم : من من عجلتي .. من يوم اللي وافقتين جهزت كل اغراضي
منى : هههه
جاسم : اليوم كنتين حليوه وايد ومكياجش وكلش بعد احلى واحلى . .
منى : يعني مكياجي احلى مني
جاسم : يخسي .. لأنه فيش صار حليو
منى : تسلم
جاسم : خاطري تقولين ليي كلام حب ..
منى : كلام حب ..
جاسم : بلى دلع اتكلم بجد ..
منى : بعدنا ما عقدنا ..
جاسم : انشاء الله بنعقد ..
منى : بعد ما نتزوج يصير خير ..
جاسم : امبي الخير يصير الحين ولين تزوجنا ,..,
منى : جاسم ممكن طلب
جاسم : خير
منى : لا توافق على محمد ولد عمك حرام احمد اخويي يسوي كل هذا وبعدين يتزوجها محمد ولد عمك .. اليوم خواته وواثقين انكم بتوافقون وبيتزوجون
جاسم : افا عليش انا كنت مو موافق بس الحين اكيد برفض .. اولاً لأنه هدى اختي استغاثت فيي .. وثانياً لأنش قلتين .. الحين ممكن اطلب طلب ..
منى : آمر
جاسم : اذا شفتيني تعاملي ويايي على انه احنا مخطوبين .. تبتسمين .. تسلمين .. تكلميني .. تاخدين رايي في اشياء .. تشاوريني .. والله احس انه هدى واحمد هم المخطوبين .. ما تسوي شي قبل لا تسأله .. وانتين .. خاطري بس تكلميني .. اعيز وانا اكلمش .. وما اشوف الا ويهش صار احمر ..
منى : ويش عايلنك .. اكيد بجي اليوم اللي اتعامل وياك كزوج مو بس خطيب ..
جاسم : بس من حقي احس بفتره الخطوبة .. عيل ليش انا خاطب وبنتظر سنه
منى : مو بايدي .. ما احس اني متعوده .. اكلمك في التلفون أي .. اما فيس تو فيس ما اعرف .. وانته بعد ما تقصر فيي ..
جاسم : خاطري آخذش نتمشى على البحر .. او في الحديقة .. .. اركض وتركضين ورايي ..
منى : بعد الخطوبة
جاسم : كله بعد كله بعد .. انا تعبت .. امبي احس اني حققت تطور ..
منى : وويش تبغيني اسوي ..
جاسم : على الأقل دلعيني اذا اتصلت ليش .. قولي ليي جسوم .. او ابو محمد .. قولي ليي حبيبي
منى : جاسم لا تحرجني احنا في اول الطريق والمشوار بيننا طويل .. ليش نروح من الآخر
جاسم : لأني صبي .. ولأ،ي ما خطبتش الا عشان ارضي نفسي ..
حسيت باحراج قوي كلش ..
منى : جاسم امي تناديني ..
جاسم : امش ما تناديش بس تبغين تهربين من الواقع ..
منى : لا والله امي تناديني ..
جاسم : منى انا ما امبي آخذ وحده تجدب ..
منى : والله ما اجدب
جاسم : امبلى ..
منى : انزين لحظة بشوفها وبرجع ..
رحت شفت امي لأنه كان فعلاً احد يناديني بس مادري من ..
رحت عن الدري طليت من تحت
احمد : تعالي تعشي ..
منى : لالالا ما امبي ..
كان التلفون في ايدي وعمداً اخذته عشان يسمع جاسم اني ما اجدب ..
احمد : ليش ما تبغين .. تعالي امبيش في موضوع..
منى : بعدين بعدين الحين اتكلم في التلفون
احمد : ومن تكلمين هالحزة .. الساعة 12:30
منى بهمس : جاسسم
احمد : ما اسمع ..
نزلت ليه وساسرته
منى : جاسم
احمد : وليش تقولينها بالعدال
منى : بس
احمد : روحي روحي .. وقولي لجاسم لا يكلمش بعدكم ما خطبتون .. رضينا تكلمينه في المانيا مو الحين بعد
منى : ويش فيك
احمد : بسوي ليه مثل ماسوا ليي ..
منى : تدري باي ..
ركبت ودخلت حجرتي وقفلت الباب ..
منى : الو
جاسم : آسف حسبت مثل كل مرة عشان تتهربين ..
منى : ما اسامح
جاسم : كيفش
منى : هههههه ..
جاسم : انزين صدق منى ..
منى : ويش
جاسم : كلميني مثل خطيب وخطيبته
منى : وانياكلمك مثل عدو وعدوته
جاسم : تقريباً
منى : ليش حرام ويش سويت ..
جاسم : حارمتني من كلمات بسيطة ..
منى : مثل
جاسم : احبك حبيبي .. بعد قلبي .. فديتك .. أي شي ..
منى : اوكي اني مستعده اقول ليك ..
جاسم : قولي
منى : أي شي
جاسم : وويش جاب أي شي
منى : انته قلت ظمن الخيارات أي شي .. فأني عجبتني هالكلمة وقلتها
جاسم : انتين والزمن عليي ..
منى : لا
جاسم : الحين تأخر الوقت وباجر علي قعده من الصبح ..
منى : عيل اوكي باي ..
جاسم : بس اول امبي كلمة تخليني اعرف انام ..
منى : ومن وين يبيعون هالكلمة بروح اشتريها ليك عشان تنام
جاسم : هذي ما يبيعونها .. هذي يحسون فيها .. في القلب ..
منى : ما حسيت
جاسم : اوكي ..
وصك السماعة .. يمكن غلطت .. بس لساني مو طايع يقول كلام معسول .. ما اقدر .. ما اقدر
احس بهالكلامات في قلبي ... بس لساني ما ينطق بهم .. احس اني لو قلت ليه بعدين ما بقدر اشوفه ..
بس بعد ما ليي قلب اخلي جاسم جدي .. ما ينام .. بس ويش بايدي اسوي ..
كملت تمشوط شعري .. وقعدت اتقلب على السرير .. وما جتني النومة .. يمين يسار ابداً حتى النوم جافاني مو بس جاسم .. بس صدق اني وايد جافه ... بس هو لازم يقدر انه احنا بعدنا حتى ما ملجنا .. يبغيني اطيح الميانه واقعد آخذ واعطي وياه .. ما صارت .. جيفة احس بعدين انه اني مخطوبة .. فتره الخطوبة هي فترت تعرف .. اذا قمت اتعرف عليه من الحين ويش بخلي للخطوبة
قمت من على السرير وطلعت الصالة اللي فوق .. قمت اطلع افلام هنديه .. وافلام .. لين ما نمت على الكرسي بدون حواس ..

هدى
الصالون
---------------------
فستاني احمر .. واني بيضة .. موديلة بسيط .. فيه تشكيله من فوق .. بخرز الخياط مسونه بايده .. وبشكل حليو .. وباقي الخلق من النوع الحليو اللي تكون فيه لعمه باهته .. ككل يجنن .. وعليي احلى << مصدقة .. حملته ويايي الصالون .. رحنا .. دخلنا مباشرة على ناريس لأنه ما كان في احد .. اول شي اني حطيت .. حطت ليي مكياج ناعم بصراحة وايد وايد وايد عجبني .. احمر وفيه لون ثاني فاتح مادري ويش هاللون .. وموسع عيوني ومخلني اجنن .. طبعاً هذا رايي في نفسي .. لبست الفستان وبعدين قلت ليهم امبي حركه بسيطه في ويهي .. فحطو لييي ملصقات مادري ويش اساميهم .. على الوجه اربع وحدات على شهل نقاط ورا بعض .. بحيث يكونون بس لمعه بسيطة .. لين درت او سويت أي حركة يبينون .. لبست الشال .. والعبايه كد منى خلصت .. اتصلنا لجاسم اجي ياخذنا .. طلعنا ورحنا البيت .. تعطرت وتبخرت وبعدين طلعت ورحنا الماتم .. ونسينه نصور .. لما دخلنا الماتم شفت بنات عمي وقامو يضربون نغزات على انه اني باخذ محمد بس اشوه اني ومنى كنا ليهم بالمرصاد .. ما قدرت اخفي قهري لأنه الزواج مو غصب .. وبت عمي زهرة ما اطيقها ... بس لأنها اكبر منا ومتزوجه خلاص هيه الحكيه وهي اللي تفهم .. اني كيفي ما امبي اخوهم والله ... واحسنهم زينب .. مسالمه وابداً ما جابت طاري خطبتي من محمد .. اني في رايي انه زينب احسن وحده .. واطيب وحده .. بعدين قررت اروح الأستوديو .. جا لينه جاسم .. كنت متوقعتنه بروحه .. وكنت مغطيه ويهي لأنه كانو فيه صصبيان واقفين صوب الماتم .. رحت وفتحت الباب اليي قدام .. ورفعت الغشوه وجيت بقعد
احمد : انا هنيه
اتفشلت فشيله ما صارت .. واشوه منى ما انتبهت وجاسم ما علق
هدى : آسفة
ورحت وقعدت ورا ..
فصخت الغشوايه ولأنه سياره جاسم عليها رايبون قوي فصختها .. ومنى بعد .. رحنا استوديو صحاري .. دخل جاسم ومن بعده احمد .. واني ومنى بعدين .. ما رديت لبست الغشوه هيه سالفة .. وطبعاً اني ما ادري انه نص شعري يطلع .. بعد ويش اسوي حالتي معتفسة .. وكان هناك ريال ينظف الدرايش ..
احمد : هدى غطي شعرش ..
ونزل راسه ..
رحت على صوب .. الحين جيفة ادخلة .. يا افتح الشال او اني اغصغصة بأيدي وبيرد يطلع ..
هدى : جاسم جاسم ..
دار ليي جاسم واحمد بعد
هدى : جاسم تعال شوي
جا ليي جاسم
جاسم : آمري خيتي
هدى : ما يآمر عليك عدو .. بس امبي ادخل شعري .. ومو عارفة .. فيه حجرة ..
جاسم : والله ما ادري بس الحين اسأل ليش ..
هدى : مشكور ..
وراح يسأل ليي ورجع
جاسم : اكيها الحجرة .. روحي انتين ومنى ..
واشر ليي على الحجرة
رحت ويه منى .. دخلنا وعدلت شعري بعد ما فليت الشيلة .. لوتها عدل وطلعنا ..
رحنا عشان بنصور وصورنا عده صور .. وبعدين رجعنا الماتم .. وقعدنا ويه الأهل ..
طلعنا من الماتم آخر الناس .. اني وامي .. حتى فاطمة مشت .. وظلينا اني وامي نظفوه الخدم ويوم خلصو مشينا ..
رحت البيت .. مباشرة نمت .. قبل أي شي . بموت من زمان ما نمت عدل .. نمت ونسيت كل شي حتى مكياجي ما طيرته
اوتعيت الصبح مصقوعة .. ويش هالحالة اللي في وجهي .. لكن المكياج بعدهو حليو .. ما تدغبش لأني اتحرك في النوم بس مو وايد .. اما شعري فكالمعتاد امبعثر .. قمت وغسلت ويهي بالصابون .. وبعدين مسحته بكلينكس جونسون .. الساعة الحين 11 .. وايد تأخرت
رحت لجاسم اركض بس ماهو في حجرته .. رحت لمحمد وهذا الثاني بعد مو في حجرته .. بسرعة دقيت على جاسم
جاسم : الو
هدى : هلا جاسم وينك
جاسم : عندنا شغل ..
هدى : ويش هالشغل
جاسم : ويه هل المعرس
هدى : اتركهم وتعال ودني اني ومنى الصالون
جاسم : يعني جيفة اتركهم
هدى : يعني يرضيك عرس اختي ما اتعدل ومنى بعد ما تتعدل ..
جاسم : انزين بس ما اقدر اتركهم هم وايد محتاجيني ..
هدى : يعني ويش اسوي .. ومحمد
جاسم : محمد وياي
هدى : من بيودينه ..
جاسم : مادري
هدى : بروح ويه سايق ابويي
جاسم : هذا اللي قاصر .. تركبون ويه السايق بروحكم
هدى : عيل ويش اسوي .. اروح بكشتي عرس اختي ..
جاسم : لحظه بدبر ليكم احد
هدى : بسرعة ..
جاسم : انزين
صكيته عنه .. وطلعت فستاني .. لونه فيروزي .. فيه من فوق شك بحيث ما اعرف اوصف كيف ..
قعدت انتظر اتصاله من جاسم .. لما يأست دخلت اتسبح غسلت شعري .. واني في الحمام سمعت التلفون يرن ..وانجان دقيقتين واني طالعة ..
بس التلفون وقف ..
طلعت الا هو جاسم .. ومباشرة اتصل ليه ..
جاسم : ليش ما تردين .
هدى : كنت اتسبح ..
جاسم : خمس ثواني واحمد عندش ..
هدى : احمد ..
جاسم : مافي احد غير احمد ..
هدى : يالفشيلة .. ووياه منى او لاء
جاسم : طبعاً مو وياه .. لأنه بيمر عليش وبعدين بيمر على منى لأنه في طريقة وهو مو في البيت ..
هدى : انزين اني بعدي ما لبست ..
جاسم :بسرعة عن لا يعصب احمد ..
هدى : وهو اللي بيرجعنا ..
جاسم : انا مشغول يعني اكيد هو ..
هدى : انزين باي عشان اتجهز ..
بأسرع من البرق .. لبست ثياب عاديه .. بنطلون جينز اسود وفانيله فيها زرارات صغنونه كلش لونها احمر – فحم مولع – اخذت اول عبايه .. وشيله وطلعت .. نزلت تحت اركض ولبست الشال .. وبعدين انتبهت إلى انه العبايه اللي عليي هي العبايه اللي احمد محذرني ما البسها .. اويلي ويلاه
بييييييييييييييييييييييييييييييييييييييييييييييييي يييييييييييب
صوت هرن صمخ ادوني .. ما عندي مجال ابدلها .. طلعت بسرعة ولما طلعت احترت اقعد قدام او ورا .. بس استحي اقعد قدام مني ومن نفسي .. قعدت ورا
احمد : جم مرة اقول ليش انا مو دريولش ..
قمت بدون أي نقاش وقعدت قدام ..
احمد : هدى انتين مو ناويه على خير .. اول شي تقعدين ورا ولما تقعدين قدام الا انتين لابس العبايه اللي ما اطيقه الللي تطلعش زاهيه ولافته .. والكحل في العيون ..
هدى : والله كنت مستعيلة قال ليي جاسم 5 ثواني .. سحبت أي عبايه ونزلت .. ويوم لبستها اكتشفت انه اللي ما تحبها .. والكحل من امس ما رضى يطير ..
احمد : اف .. ما اقدر عليش ..
مشى .. حسيت انه معصب شوي .. بس ويش اسوي .. ظليت ساكته .. ولما شفته يسوق بسرعة كبيرة .. احمد جي يسوق 120 في شارع عادي ..
هدى : احمد ارجوك خفف السرعة ..
احمد : وانا الحين يعني امشي 200 ..
هدى : احمد انته مجبر انك توصلنا .. ؟؟ ترا عادي بنروح اني ومنى ويه الدريول ..
احمد : هذا اللي قاصر .. بس انتين مادري ويش فيش .. كأنش تتقصدين تضايقيني ..
هدى : اني ..
احمد : أي ..
هدى : آسفة ..
وسكت .. حسيت انه هو يبغي يصالحني ...
احمد : يوصل ليش هوا من الايسي ..
هدى بدون نفس : أي ..
احمد : أي لون فستانش
هدى : فيروزي ..
احمد : امس كان مكياجش حليو .. وانا احب لونه
هدى : شكراً
احمد : ويش فيش
هدى : ما فيي شي ..
احمد : امبى فيش
هدى : قلت ليك خفف السرعة اني اخاف ما سمعتني ..
احمد : امم عشان خاطرش بخفف ..
وقام يسوق 20 فأقل ..
وصلنا لمنى .. وجت .. مباشرة باشرت اني اقوم عشان منى تقعد
احمد : ما يحتاج ..
هدى : لالا
احمد : لا تضيعين الوقت انا مستعيل ..
اصغيت لكلامة وقعدت .. رغم اني ما لقيتها عدله .. بس ويش اسوي
منى : السلام
هدى : عليكم السلام .
منى : ويش فيك احمد معصب ..
هدى : والله مادري واني طايح فيي زمرات بس مادري ليش .. يمكن بس لأني لبست هذي العبايه ..
احمد : سكتو رجاءً
هدى : آسفة ..
منى : وليش تتأسفين ما سويتين شي غلط ..
هدى : منى ما فيي شده هواش
قام احمد يمشي مثل الأول 120 ووصل اكثر من 140 .. واني خايفة حدي .. اباموت .. وخصوصاً انه احنى وصلنا الهاي ويه .. بس مو لهالدرجة .. احس قلبي يدق بقو .. من الخوف قامت دموعي تنزل .. مادري ويش اسوي .. اخاف اقول لأحمد ويرد يثور عليي .. سكتت .. لي ما صارت قدامنا سيارة .. قريب بندعمها . واحمد ما وقف ..
هدى بصارخ : احمد وقف ارجوك ارجوك ..
انجان احمد يتجاوز اللي قدامه ويضرب عليه هرانه .. بس بركن على صوب لما شاف دموعي تنزل .. تقرب مني اكثر
احمد : هدى ويش فيش
هدى : قلت ليك اخاف .. اخاف احد يسوق بسررعه جنونية ..
احمد : انزين اخذي كلينك ومشي دموعش ..
فتح مكان صغير في السيارة .. وطلع غرشة ماي صغيره ..
احمد : اشربي ..
اخدت وشربت منها ..
هدى : الحمد لله ..
اخذها وكملها ...
منى : يالله احمد ..
احمد : لحظة ..
طلع احمد كاكو جواهر وعطاني وحده وعطا منى وحده واخذ وحده .. بينما اني ما كانت ليي نفس . .
احمد : اكلي له ..
هدى : مو مشتهيه
احمد : من قعدتين ما اكلتين شي حرام عليش
هدى : شربت ماي من عندك كفايه ..
احمد : انزين بتجوعين في الصالون ما عندكم شي ..
هدى : عادي ..
احمد : انزين عشان خاطري كليها ..
كان فعلاً بطني يراغي بس اني كنت اكابر .. ومستحيه الحين احمد بيقول عني ضعيفة .. وايد تغيرت .. والله لو الأول وصادني هالموقف بصارخ على احمد بس مادري ليش هالقد تغيرت ..
قبل لا نوصل الصالون .. اليوم بعد سمايل .. مر جاسم معجنات واخذ لينا فطاير على جبنه وجبنه ولبنه ..
هدى : لالا اني ما ابغي
احمد : بلى دلع
هدى : مو يوعانه توني قاعده من النوم ما احب آكل ..
احمد : انزين احمليهم وياش وواكلي انتين ومنى .. ولين خلصتين اتصلي ..
منى : اشوف اليوم ناسيني
احمد : اافا احنا ما ننساش
منى : ويش مشتري
احمد : فطاير ..
منى : اني ما سألتني ويش امبي ..
احمد : ويش تبغين
منى : امبي غرشة كولا ..
احمد : خطرنا البراده ..
منى : عيل في الرجعة نمر دير كوين وبشتري برجر وكولا
احمد : اوكي ..
وصلنا الصالون
احمد : الله يحفظكم ..
نزلت وما كان ودي انزل .. رغم اني في البداية وايد قاسيت .. لكن ما توقعت انه احمد جدي بيتأثر كان معصب لأني لابسه هالعبايه والكحل في عيوني .. بس لما شاف دموعي انقلب لملاك مو احمد ..
نزلت ودخلنا الصالون .. خسارة .. وايد وايد كستمر .. حوالي 7 وحدات .. اااااااااااف .. قعدنا اني ومنى .. اخذت الرموت من الفلبينيات .. وقعدت افرفر في القنوات .. واني آكل معجنات اني ومنى .. لأ،ي بموت من الجوع
منى : ويش صار بينكم ..
هدى : هههههه .. قعدت من النوم متأخرة وقمت بس غسلت ويهي ورحت لجاسم ما كان موجود رحت لمحمد بعد .. اتصلت لجاسم وقال انه هو مشغول ومحمد وياه .. بس قال ليي بدبر ليش احد .. دخلت اتسبح لأنه تأخر .. ولا طلعت الا فيه مسكول .. اتصلت ليه الا يقول احمد بجي بعد 3 دقايق .. صكيته من عنده وبسرعه بسرعه لبست وربطت شعري .. وبعدين سحبت عبايه وشيلة .. نزلت تحت ولبست الشال .. وبعدين لبست العباية وواني البسها اكتشفت انه العبايه اللي اخذتها هيه العبايه اللي ما يحبها احمد .. قلت ببدلها الا احمد يضرب هرن يزلزل البيت .. طلعت بسرعة واحترت ويش اسوي .. اقعد قدام او ورا . قعدت ورا لأني استحيت اقعد قدام .. وزمر عليي وقال ( جم مرة اقول ليش انا مو دريولش .. ) رحت قعدت قدام .. ولما قعدت الا معترض على العبايه والكحلة مالت امس ما طارت .. وعصب وقام يسوق فلت .. ترجيته يخفف .. بس ما سمعني .. وبعدين حاول يراضيني .. بس ما قمت ارد عليه عدل ولما سألني عن السبب قلت ليه اني ترجيته يخفف بس ما خفف .. قام يسوق 20 كأنه يستفزني .. ولما وصلنا ليش قمت عشان بقعد ورا بس رفض وقال لا تضيعين الوقت .. قعدت قدام ورد يسوق بزور وايد واني مو متعودة واخاف .. قامت دومعي تنزل .. ولما جينا بنصقع في سيارة رديت ترجيته بس هالمره عشان يوقف قبل لا يوقف قلبي ... لأنه صدق كان قلبي يدق بقوه شديده .. وقف وعطاني كلينكس مسحت دموعي وبعدين عطاني ماي .. شربت منه ولما شبعت اخذها وكملها .. هههه .. وبعدين عطاني وعطاش كاكو .. ولما رفضت اصر اني آكلها .. وبعدين اشترا ليي معجنات لأني على لحم بطني وصدق كنت يوعانه بس اكابر .. وبعدين نزلنا
منى :ههههههههههههههههههههههههههههههههههههههههههههههههه هههههه
والله انتون نكتة ..
هدى : حرام عليش ..
منى : ويش دراني بكم .. بسرعة تتهاوشون وبسرعة تتصالحون .. اما اني وجاسم بسرعة نتهاوش ومو بسرعة نتصالح ..
هدى : ليش متهاوشين
منى : تقريباً
هدى : والسبب
منى : تفاهه
حسيت انه منى ما تبغي تقول فخليتها . . كملت تقليب في القنوات .. لين ما جا دور وحده منى .. كد صارت الساعة 3:15 قامت منى .. وبعدها اني .. خلصنا على الساعة 4:45 اتصلت لأحمد ..
احمد : هلا والله
هدى : اهلين ..
احمد : خلصتون
هدى : أي
احمد : اجي ليكم
هدى : اذا مو كلافة عليك
احمد : افا بالعكس استانس.. بس اهم شي تقعدين قدام ..
هدى : لالا ما يحتاج منى بتقعد ..
احمد : ليش يعني تضايقتين ..
هدى : لاء ..
احمد : اوكي باي ..
هدى : بايات .
صكيته عنه .. وطبعاً اني ما كنت بتصل بس البروفسوره منى تقول .. ما يحتاج احمل تلفوني وانتين عندش تلفون .. عيل ليش مشتريه تلفونها مادري .. بعد 10 دقايق اتصل ليي احمد
احمد : يالله اطلعو
هدى : انشالله
احمد : باي
هدى : بايات ...
صكيته عنه واحنا كنا لابسين .. طلعنا وركبنا السيارة ..
ركبت منى قدام واني ورا ..
مشى احمد هالمرة بالعدال .. ومر دير كوين ..
احمد : منى ويش تبغين
منى : برجر دياي وبطاطس وبيبسي
احمد : وهدى
هدى : لالا اكألت المعجنات وشبعت ..
احمد : قولي وبلى دلع لأنه الحين لازم تروحون صالون المكياج لأنه الوقت تأخر
هدى : بس ما جبت فستاني
احمد : بنمر عليه ..
منى : اني جبته
احمد : الحين ويش تبغين ..
هدى : والله مو طايقة ..
وما كنت يواعن بس اكل دير كوين ما يتفوت .. لكن بصير دبه .. توني ماكله نص فطيره .. وارد الحين آكل
هدى : امبي بطاطس ..
احمد : وايد عليش .. باخذ ليش تجكن جيز برجر .. وبيبسي وبطاطس ..
هدى : لالا وايد ..
احمد : انا امبش تمتنين ..
هدى : احمد ..
احمد : بس هدى ..
راح لخدمات السيارات وطلب 3 تجكن جيز برجر .. و3 آيسكريم ..
اخذنا الأوردر وكل واحد اخذ آيسكريم .. اكلت الآيسكريم .. وفعلاً آيسكريم ديركوين مافيه عليه .. واحسن شي انه احمد ما كان مشتري اسكريم كبير .. خلصته . .
احمد : منى ما شفت فستانش ..
منى : الحين اراويك اياه ..
هدى : لالا الحين اخاف يعدين لين وقف راويه
احمد : اوكيه عشان اشوف فستانش مرة وحده ..
وصلنا بيتنا
احمد : يالله بسرعة ..
رحت وركبت فوق بسرعة وسححبت الأفستان والأكسسوارات والعطر .. حطيتهم في جيس ونزلت ركيض .. طلعت بره واني الاهث من التعب .. دخلت السيارة ..
احمد : اشوف فستانش ..
راويته اياه ..
احمد : اللاي احب هاللون .. وموديله راقي .. بكم فصلتينه
ليش يسأل .. بوايد ..
هدى : ليش يعني
احمد بس اسأل
هدى : بـ 400
احمد : ما شاء الله .. بس مو كأنه مبالغ ..
هدى : مافي خياط يخط حليو ورخيص ..
احمد : بس هذا اسراف ..
هدى : اختي الوحيده .
احمد : الله يعين ابوش عليش
منى : الا قول الله يعينك عليها اذا اخدتها
هدى : اني مو مقطه .. واذا بيتبلوى لأنه اخذني لا يتعب نفسه
احمد : تعبش راحه عندي ..

اخذت الفستان من عنده وبعدين مشى احمد إلى صفاء .. وصلنا عطانا احمد الوجبات ونزلنا .. دخلنا الصالون الا فاطمة اختي كانت هناك .. وماشالله خلصت وتمكيجت كامل .. اني قعدت ومكيجتني صفاء .. مكياج حليو مثل ما تعودنا منها .. راقي وزاهي وفخم .. اخذت كرستاله من عندها لونها فيروزي وحطيتها في شعري ..
وبعدين منى بعد قعدت . وطلعت لا إلاه الا الله عليها قمر فعلاً فستانها زيتي . . وطالع روعة .. والوان صفاء اروع ..
اتصلنا لأحمد مسكين اليوم وايد وايد ثقلنا عليه
هدى : احمد اني آسفة بس ما عندن احد غيرك
احمد : افا اذا انا ما اخذمكم اخلي الهنود والدريوليه يخدمونك ..
هدى : بعد اذنك احنا خلصنا .
احمد : من عيوني وبسرعة البرق اكون عندكم انا جم هدى عندي ..
هدى : لالالا لا تجي بسرعة البرق بعدين الله لا يقوله يصيدك شي .. سوق 40 ..
احمد : تعذيب هذا
هدى : لا صدق عشان خاطري
احمد : انشالله ..
طبعاً اتصلت ليه قبل لا تخلص منى عشان ما تخلص الا هوه عندنا ..
خلصت منى وكل وحده تتنافس في حلاوتها ..
لبسنا وما تغشويت لا اني ولا منى ... بصراححة حر وماليه داعي الليل اسود .. رن عليي احمد وطلعنا ..
ركبت منى قدام واني ورا .. ركبنا السيارة الا الليت مالها مشغل .. دخلت منى .. وبعدين اني ..
لما ركبت وصكيت الباب دار ليي احمد ..
احمد : نمشي ..
هدى : أي
احمد : تغطي
هدى : ما ابين ..
احمد : لالا الشارع كله ليتات وسيارتي مافيها رايبون ..
اتغطيت .. ومشى .. بينما منى من اول ما دخلت تغطت .. حسيت انه حركت احمد كانت تبغي تشوف مكياجي مو تسألني .. بس ما عليه ..
وصلنا الصاله ..
واحمد وقف صوب جاسم اللي كان واقف ويه عمي وويه مقصف قصدري مرمد اوه محمد ..
جا جاسم صوبنا
جاسم : ها شخبار البنات
رفعت الغشوة : الحمد لله
ما رفعت الغشوه
هدى : الحمد لله
حسيت انه فعلاً بينهم خلاف ..
نزلت من السيارة ونسيت انزل الغشوه .. رحت اسلم على عمي
هدى : شخبارك عمي
عمي : هلا هلا بعروستنا هلا ..
لا اليوم ما بمشي الا متهاوشة ..
هدى : أي عروس عمي اني بعدي صغيرة
جاسم : أي صدق بعدهي صغيرة ..
عمي : لا مرة وعن 10 نسوان ..
هدى : بس ما افكر في الزواج والأرتباط ..
عمي : امم
هدى : يالله مع السلامة ..
ودرت بينما سمعت صوت غريب
محمد : شخبارش هدى .
درت
هدى : الحمد لله
ومشيت .. قبل لا ادخل الصاله دق عليي احمد هرن .. رحت اشوفه ويش يبغي
احمد : ليش رايحه صوبه بدون غشوا
هدى : نسيت ..
احمد : لا تخليني الحين اروح اقتله
هدى : احمااااااااد ..
احمد : عساش تحضرين جنازه احمد .. لا تتكلمين وياه اغار يا بت الناس .. اغار ..
هدى : آسفة احمد والله ما اكررها .. وغلطت .. ما انتبهت كنت رايحه بسلم على عمي وعشان يعرفني ما لبست الغشوا
احمد : انزين ما امبي انكد عليش الليلة ..
هدى : مشكور احمد ..
احمد : قبل لا تنزلين الصاله روحي لعمتي تشببش
هدى : انشالله ..
ومشيت بما انه منى دخلت عني ..
دخلت الصاله وقبل لا افصخ رحت الحجرة اللي فيها فاطمة اختي .. وفصخت عباتي وشيلتي .. وعدلت شعري..
هدى : اماه احمد يقول ليش شببيني
امي : واحمد شكو
هدى : شافني في السيارة الا يقول عاد قولو لعمتي تشببكم عن عيون الناس ..
امي : تعالي ..
ورحت وشببتني .. وبعدين جت منى وقعدت وياها على صوب
هدى : ويش فيش ويه جاسم ..
منى : الا يبغيني اقول ليه كلام حليو وقدام الجماعة اكلمه مثل المخطوبين ..
هدى : وهو الصادق والله انش تعاملينه كأنه اخو .. الا عدو ..
منى : حتى انتين عليي ..
هدى : اني ويه الحق .. الحين خطيب اليش وتعاملينه جدية .. الله يساعده ..
منى : هدوي مو تقولين جدي ..
هدى : اسمعيها مني .. الريال اللي ما يكون متشبع من زوجته ياخذ غيرها
منى : قلتينها زوجته مو خطيبته
هدى : مافي فرق .. واذا ما عاملتين اخويي عدل ترى بينفص عنش وانتين وكيفش
منى: لالا بعامله عدل ..
هدى : وويش فيها لو قلتين ليه كلام حلو .. انتون جم يوم وتعقدون وجم يوم ثانيين وتنخطبون ..
منى : انشالله ..
طلعت عنها ورحت الصاله الا ريم وهدى سامي جايين .. ولا حظراتهم بدون عبايات والمكياج حالته حاله .. والله ما يستحون .. ما رحت سلمت عليهم . بعدين طلعت منى .. وشغلو هب السعد لراشد الماجد .. ودخلت فاطمة ومرتضى.. وكان دخولهم عجيب صدق .. اول شي يتقدمونهم طيور مدربين يروحون لأماكنهم .. وبعدين يهال .. عروس ومعرس عروس ومعرس عروس ومعرس ( خمسه ازواج )
ميوددين ايادي بعض .. وزي البنات موحده والصبيان موحد .. البنات فساتين بيض والصبيان بشت صغير وهالهرار .. لما وصلو اليهههال إلى المسرح قعدو منفصلين ..
لما قعدو فاطمة ومرتضى قام اول ياهل من قاطرة الصبيان واول ياهله من قاطرة البنات ويدو ايادي بعض .. وقدمو للعروس والمعرس ورده ..
وكل اليها جدي .. الكل كان يطالعهم .. والمكان عجيب .. اني وايد عجبني .. رحت اسلم على فاطمة وقعدت اصيح .. مو متخيل فاطمة اختي بتفارقني .. وبتصير في بيت بروحها ..
وبعدين اليهال كامل قامو يرقصون .. كل معرس صغير ويه عروس صغيره .. وكانو مدربين عدل ماشالله عليهم ..

طلعنا من العرس الساعة 1:30 .. نزف العروس والمعرس لبيتهم .. وطول الطريق هرانه والأغاني شاله المكان .. مباركين عرس الأثنين والزفة لراشد وكامل ..
اني ومنى ويه احمد وجاسم .. طبعاً جاسم بعده زعلان على منى .. بينما منى شوي تلاطفة .. واني واحمد لاتقدم بس تشونه زعلان مني ..
منى : جاسم متبارك
جاسم : الله يبارك في عمرش ( بدون ما يدور ليها )
وسكتت .. منحرجة لأنه احنا وياهم .. على الساعة 2:15 وصل جاسم احمد ومنى بيتهم واني بعدين رجعت وياه .. ووصلت البيت وطيرت المكياج وغسلت شعري ونمت ..


منى
البيت
-----------------------
بعد كلام هدى تشجعت اني اتصل فيه .. بعد ما وصلت البيت وتسبحت .. بعد فتره طويله فقد الأمل في انه يشيل التلفون ..
جاسم : الو
منى : هلا جاسم
جاسم : اهلين .. خير اول مرة تتصلين ليي
بدا ليي بجفاء ..
منى : لا بس كنت متصله اسلم عليك وابارك لك
جاسم : الله بارك في عمرش
منى : جاسم انته ويش فيك اليوم
جاسم : ما فيي شي
منى : اني حسيت من معاملتك انك زعلان
جاسم : لالا مو زعلان
منى : صدق ..
جاسم : أي صدق انتين قلتين انه ما تحسين بأي شي تجاهي وانا قررت اني افصخ الخطبة وادور ليي على خطيبه ثانيه ..
منى : لالالاء
جاسم : خير في شي .. ليش الرفض
منى : لأني احس بقلبي مشاعر كبيره تجاهك .. بس كنت استحي اقولها
جاسم : توش البارحة قولين انش ما تحسين بشي .. والحين يوم قلت ليش بفصخ الخطبه صارت مشاعرش كبيرة ..
منى : من زمان مشاعري كبيرة وراح تظل كبيرة ..
جاسم : منى انتين اهنتيني .. انا كنت اظن انش تبادليني مثل الأحاسيس ..
منى : ياليتيني ابادلك مثل الأحاسيس .. الا ابادلك اضعاف مضاعفة ..
جاسم : صدق يامنى
منى : ايه
جاسم : انزين امبي دليل ..
منى : مثل
جاسم :أي كلمة توحي بهالشي ..
منى : انزين اقولها واسكر ..
جاسم : اوكي ..
منى : احبك ..
وصكيته .. بل .. اني قلت هالكلمة .. صدق ما استحي .. جيفة قلتها .. جيفة سمحت لنفسي اقول ليه احبك وهو ما ملج عليي..
لكن على الأقل هو خطبني .. وما باقي شي ونعقد .. وبيصير ريلي ..
وعلى الأقل قدرت انام بهدوء وراحة واخيراً ..

انتهى الجزء وفي انتظار تعليـقاتكم

الجزء الخامس والعشرين

احمد
البيت
-----------------
طلعت من حجرتي بعد ما كشخت بس مادري وين بروح او ويش بسوي .. اليوم جاسم مضيعني .. مادري وين اروح .. مريت على غرفت منى .. ولا دخلت الا هي تبخر فستانها ..
احمد : انا بطلع
منى : واني من بيوصلني الصالون
احمد : روحي ويه هدى ..
طلعت من عندها ونزلت تحت الا امي مقابله غسال الثياب لأنه ما تطيق الشغاله تغسلهم رغم ان الغساله اوتوماتيكيه .. لكن امي تقول ما اطيقها تلمس ثيابنا وتنشرهم .. يا بختهم الخدم الي تجيبهم امي .. طباخ ما يطبخون ابداً غسال ثياب ابداً ما يغسلون ولا ينشرون ولا يجفسون ثياب ولا يكوون .. لأنه امي دايماً تقول ما تطيق .. بينما انا ومنى عادي نخليهم يكوون لينا او ساعات اوديهم الكواي احس لأنه الخدامة اللي عندنا مغرورة وشيطانه في احتمال تحرق ثوبي ..
احمد : صبحش الله بالخير يا امي ..
امي : الله يصبحك بالخير وطوله العمر .. هلا والله هلا بشيخ المعاريس وزين الشباب ..
احمد : قصدش هلا بأحلى ام ..
وصلت ليها وحبيت راسها .. بينما هي واقفة ويه الغساله تضغط على الحبات ..
احمد : ها اماه تبغين شي ترى اطلبي وامري وتدللي
امي : ما يأمر عليك عدو ما امبي غير سلامتك
احمد : الله يسلمش .. عيل فمان الله
امي : في امان الكريم ..
طلعت من البيت وانا اركض على العتبات .. لين ما وصلت في السيارة .. وطبعاً السيارة ندخلها في الحوي .. لأنه عندنا باب جرار نفتحه وندخلها .. واحنا مو سيارة ولا 2 ماشالله .. الأول ( ابوي ) ( حسين ) ( سامي ) وابويي عنده بيكب للمزرعة وانا الحين وياهم .. وحسين ساعات يخلي سيارته هنيه بينما سامي سيارته دوم هنيه وانا بعد دائماً اكشخ فيها .. قولو لاويه .. لأنه راقية .. سامي اخويي يحب اللكسز واشترى وحده جديدة وصغيره سبورت .. بس روعة فأكثر .. ولونها فاتح وحليو ... لونها صدفي مادري جيفة .. احترت اطلع في أي سيارة .. لأنه اليوم حسين مخلي سيارته هنيه واليوم الخميس ابويي ما يروح الشغل .. وطالع في البيكب للمزرعة ..
ابويي عنده سياره مكسيما .. موديل 2002 انا احسها كيوت بس كبيرة .. حسين اخويي مسكين على قده .. سيارته كورولا 1998 بينما انا لأنه سيارتي جديده ... توها موديل السنه مرسيدس .. فما اطلع فيها .. اطلع في سياره ابويي المكسيما عادتاً وكأنها سيارتي .. وسيارتي للكشخة بس .. معاريس .. مجمع اطلع فيها .. وللعلم انا وفاطمة بت عمتي مثل السيارات بس انا اجدد .. واخذناهم بمناسبه تخرجي .. بس بصراحه انا ما كنت امبي سياره . . لأنه عندي في البيت السيارات اللي تكفي وتوفي .. كفايه كنت اروح المدرسة ( احمد العمران ) بسيارت ابويي .. زين بعد ما عطوني مخالفة بس بصراحه كنت فلته .. اوقف السياره في أي بارك لأنه اهناك وايد وايد غصة .. وانزل انا ومنى ونادراً هدى ويانه بس تكون من اسعد ايام حياتي .. واتعمد اوقف السيارة قرب الحورة عشان انا اروح لأختي مو اختي تجي ليي ( مو تفهموني غلط ) بس من حقي احافظ على اختي وانا ادري انه غالبيه صبيان احمد العمران ما ينعطون ويه .. واختي ما انكر جمالها ابداً صدق انها ابداً ما تشببهني .. بس انا جمالي غير وهي غير .. يعني انا بغرور اكثر .. لازم لين امشي او شي .. حجاه مرفوعة .. احاول اني اخلي نضراتي عاديه بس ما اقدر .. وهذا اللي يجدب البنات ليي .. وانه انا ولا حياتي رقمت بنيه . . وولا حياتي طالعت بنيه .. وهذا الشي يخليهم هم يلحقون ورايي .. وبنات الحورة مو اوادم .. والله العظيم .. يعني تخيلو تشوفون ساعات صبي يمشي والبنيه تمشي تكلمه وراه ويبين عليها من قليلات الأدب .. وهناك لا تستغرب انك تشوف وحده محجبة .. حجاب تام وهيه تلحق ورا الصبيان وتكلم عشره وتحب 150 واحد وتفرق بين الأحباب وتربط ناس بعلاقات عاطفية .. بصراحة انا كنت خايف على اختي وهدوي من الحورة .. خايف اشد الخوف .. ولازلت خايف .. المصايب اللي اسمعها مو قليلة .. وبنات مدرستها اشكرا يهربون .. ويطلعون ويه طياحت حظهم .. يعني احنا صدق نهرب .. وانا ما انكر .. كل اسبوع لازم اهرب هربة لو ثنتين .. مو من الصف .. لا من المدرسة .. وااما من الصف ففي اليوم حصة وحده .. ورغم هذا كنت اشطر ربعي واشطر طلبه الصف واشطنهم .. يعني الأساتذه يعبرون عن اعجابهم ابي وفي مثل الوقت يعبرون عن انزعاجهم مني .. لأني اسوي في الصف جو غير .. واسأل الأستاذ اسأله استهبال .. اتذكر موقف لو على دمي ما انساه .. انا قاعد والأستاذ يوزع اوراق ويقول هذا اختبار . . الا اسأله ( استاذ يعني كل واحد يسويه بروحه ) بدا الأستاذ يتنرفز بس انا ما سكت ( استاذ انزين يحتاج نتدنا عن بعض ؟ ) هنيه الأستاذ عصب وقال لي كلمة ثانيه وبتشوف بنزلك للمرشد الأكاديمي ( استانست ديك الحزة ) لأني ربع ويه المرشد .. بس ما سويت فوضا .. حليت الأختبار .. بينما رفيقي اللي صوبي ( جعفر ) ما يعرف شي .. فأطريت اني اغششه . بعد ما يصير يرسب والأمتحان سهل حده ..
قربت ورقتي منه كلش .. وطلعت ورقه من الدرج ( خاليه ) وكتبت فيها ( جواب سـ 1 : ...... ) وكل الأسئلة بهالطريقة .. وكل حين اطرش ليه الورقة في البلانكو .. ادزها في المغطايه .. والأستاذ حس واخذ البلانكو يفتشة وصاد الورقة .. قال لينا انا وجعفر نروح نوقف ورا عند الوح .. رحنا ووقفنا .. والصبيان ما صدقو .. وبدو يعلقون .. الا يقول كأنكم عروس ومعرس واللي يقول الله يساعدكم ( تعرفون الححركات الماصخة ) وواحد يصفر لينا .. والشلة الدمرانه اللي ويانه في الصف واحد طلع جقاير وقام يدخن قدام الأستاذ ( لا تستغربون ترى وايد تصير .. )
الأستاذ استحمق وقال للكل يوقف .. الشباب اخذوها متعوة ووقفو .. ويوم خلصت الحصة واحنا بعدنا واقفين قامو الطلاب يصفقون للأستاذ .. وكل حصة يدخل يقولون ليه ( استاذ هالمرة بعد بتوقفنا )
اما انا وجعفر فرسبنا اثنينا بأصفار .. عادي ما يأثر لأنه اختبار تعويضي وانا كل درجاتي ديك يا كاملة يا ناقصة بعض الدرجات ..
ليت هالأيام تعود ..
استغرقت كل هالوقت في التفكير .. بينما انا ركبت سيارتي ( مرسيديس ) وقعدت الافف .. وصلت صوب مارينا مول وطوفته وانا بعدي امشي وامشي .. مادري ويش اسوي .. بس ماليي الا جاسم .. بتصل ليه وبروح بقعد وياه ..
طلعت التلفون وضغطت رقم جاسم اللي طبعاً بعد مافي مثله مثيل .. صدق رقم ملكي .. كل الأرقام تقريباً مثل الشي ... ورقمة مكون بس من رقمين متكررين .. طبعاً مطلع هالرقم بمئات .. اما انا فلأني jsm فأخترت ليي رقم لكنه مو ذاك الحلاوة ..
احمد : الو
جاسم : هلا والله
احمد : هلا فيك يالمعرس
جاسم : وينك
احمد : الافف في الطريق .. توني من مساعة مطوف بيتكم والحين انا صوب مارينا مو ..
جاسم : صدق زين عيل .. انا كنت امبي منك خدمة
احمد : آمر
جاسم : البنات يبغون يروحون الصالون .. ومسكينه هدى لابسة بس ما عندها احد يوديها .. وقالت الا هذا بتروح ويه السايق بس انا قلت انته توديهم ولا السايق .. صراحة السايق ما أأمن اخليهم بروحهم .. وبعد نحتاجة بس اذا ما تقدر بخليهم يروحون
احمد : لالا بالعكس انا بكبري مستمل وما عندي شي اسوية .. فتدري بمر عليهم .. لكن اختك اقرب ليي وبيتنا يصير على الهاي ويه ..
جاسم : اوكي عيل مر على هدى .. بس تعال تدري أي صالون
احمد : اكيد هذا اللي يروحونه كل مرة ..
جاسم : ايه
احمد : ويش اسمه
جاسم : مادري من شوي هدى تقول سمايل مادري لمايس .. مااذكر
احمد : أي أي سمايل ..
جاسم : اوكي عيل ..
احمد : قول لأختك 10 دقايق وانا عندها
جاسم : البنات ما يقولون ليهم جدي .. لأنه لو قلنا ليها جدي في احتمال تشغل المبخر وتبخر عبايتها وحالتها ..
احمد : عيل قول ليها 5 ثواني ..
جاسم : اوكي ..
صكيته منه واخذت الدوار ورحت على طريق بيت عمتي .. وكنت اطير بالسيارة مو امشي مثل الأوادم .. وهذا اللي خلاني اوص فعلاً في وقت قصير .. وصلت وضربت هرن .. وهرن السيارة قوي وايد .. ما مهلت شوي الا هدى طالعة .. بس حظرتها فتحت باب ورا .. وكالمعتاد ( انا مو دريول ) هذي الكلمه اللي اقولها .. مباشرة جت تركب قدام وكأنها كانت تنتظر مني كلمه .. دخلت السيارة وشفت العبايه اللي اعجب لما اشوفها ابها وفي مثل الوقت اتضايق لأني احس انه غيري بعد يعجب ابها .. وهذا الشي اللي ابداً ابداً ما احبه .. مااحب تكون لافته .. بحيث كل عيون الشباب تترصدها .. هذي ملك خاص مو عام عشان كل الناس تشوفه ..
ومهماً كان احنا عاقدين اتفاق بأنه ما تلبس هالعباية يعني المفروض تحترم هالإتفاق .. يعني انا التزمت باللي تقولة .. بس الباقي عليها .. وانا انسان صريح ( طبعاً مو في كل شي ) بس حبيت اكون وياها صريح فمن اول ما ركبت سألتها ان كانت نوايه على هواش او لاء .. بس هيه تعذرت انها كانت مستعيلة وسحبت العبايه .. وما تدري ولا نزلت الا هيه هذي العبايه .. بصراحة العذر ما اقنعني بس اذا مو انا اللي بعذر ليها من بيعذر .. بس هالكلام ما اقتنعت فيه الا بعد فتره .. وبما انها الحين قاعدة ويايي ومافي احد يعني مافي مشكله لو لبستها .. والكحل .. مادري ويش اقول وويش اخلي لهالبنيه مشكلتها انتها تحب الكشخة والموضة ومشكلتي اني غيور .. وما اظن انه في ريال مو غير .. كالمعتاد قمت امشي بحسب تعويدتي .. ومادري ويش كان فيي بس عذر هدى ما قدرت اصدقة .. مادري ليش مو مشكك في كلامها ابداً حشا هدى ما تجدب .. لكن لو شويه دقة ملاحظة انجان ما صار اللي صار .. بس الكحل اكيد من قبل بس بصراحة وايد غامق يعني مو كأنه مطير .. الحين اقول ماعليه ما تبين وبس اشوف سياره صوبنا وفيها صبيان ويدورون ليها تجيني عله . ويش هالدوبة .. ولاحظت ملاحظة ما قلتها ليها .. انه اظافيرها كلها صبغ اظافر وزاهي وعلى ايدها حليو مرتب .. وانا ما بيقتلني غير حبها للموضة .. ياربي بتجنني .. بس الصبغ الأظافير اكيد للمعاريس الليلة ..
خطرت في بالي بعض الأفكار .. وانا اسوق وبدون حواس بس لما اشوف سيارة اتجاوز ولين اشاره اوقف ودوار مثل الشي .
ولا شوي الا اسمع صوتها .. والمشكله صوتها يذوبني صوتها طفولي وفي لمسه دلع .. واللي يسمعها يقول دليعه .. لكن هدى جدي .. من الله دليعة .. مو مثل باقي الدلاليع ( لا هذي سبشل ) وفي مثل الوقت تحس انه صوتها في نضوج وانوثة .. وهيه كانت تقول ليي اخفف .. بينما انا تايه في افكاري عن السبب اللي يدفع هدى للعدل .. هو شي واحد .. مافي بنيه بتطلع متكشخة قدام العالم كله الا لغرض واحد .. معقوله هدى تكون من هالبنات .. لالالا ويش هالأفكار .. ويوم سمعت صوتها زادت النار حطب .. مباشرة انا فرت في ويهها .. بس بصراحة بدون حواس .. وتوني برجع لأفكاري وكنت استججمعها الا هيه راده متكلمه يا الله .. هذي ويش اسوي فيها .. الحين انا في قضيه مهمة .. وحظرتها تسألني ان كنت مجبر اوصلهم او لاء .. اصلاً مسرع الله اشوفها .. بس هيه ما تحس بالنار اللي داخلي .. وحظرتها بعد تقول اذا انا مجبر بتروح ويه السايق .. اول وحده لو آخر وحده يصير عندهم سايق .. اقص ريولها قبل لا تفكر تركب ويه السايق . ولوزين بححريني الا هندي .. قلت ليها كلمه ندمت عليها ( تقصدين ) هيه فهمتها بمعنى اهون من اللي اقصده .. انا كنت بقول بس تتقصدين ومعناها انها تقصد تلبس جدي عشان تلفت الأنظار .. بس قلت ليها تتقدصين تضايقيني عشان يكون وزنها اخف .. رغم انه مادري ليش بعده هالسؤال في بالي .. هدى ليش لبست هالعبايه .. وانا تدري مااحبها .. ومتفقين ويه بعض .. معقوله سحبتها ونزلت بسرعة أي أي اكيد هدى انا اعرفها مست((( تجدب .. وثانياً ولبست هالعبايه بس اليوم ما يضر دام ما بيشوفها غريب ..
لما قالت ليي آسفة حسيت انه انا فعلاً غلطان .. كان ودي اصالحها بأي شكل من الأشكال .. اكلمها بس ما تزعل حرام بكبري قسيت عليها .. تكلم وياها شوي بس هي ترد عليي على قد السؤال بالضبط وكأنها تقول ليي ل تكلمني او كلامك غير مرغوب فيه .. هنيه انا خلاص فقد الأعصاب .. يعني ويه تعاملني جدي .. لاويه انا طرطور قدامها !!
بس بعد لازم اتمالك اعصابي والله من قدي هدى قدامها وبعد اصارخ عليها ينقص لساني قبل لا اصارخ عليها .
طلبت اخفف السرعة وفعلاً خففتها الا ما قمت امشي بصراحة اذا احد يبغي يقتلني يعطيني هالشرط .. ما اقدر ما اقدر احس انه ريولي تعود انها تدو على الريس بقدر كبير ةالحين ما احد انه انا لامسنه ..
وصلنا لمنى .. بس الصراحة تمنيت نطول اكثر بعد ما شبعت من هدى .. والحين منى بتجي مكانها .. لما باشرت بالقومه انا منعتها . . ماليه داعي انا جدي مرتاح .. وادعيت انه انا مستعيل وماعندي ولا ثانيه اضيعها .. ركبت منى وعندها فستانها .. دخلت وسلمت انا رديت السلام بس مادري جيفة حست من نبرتي اني معصب وهدى ما تقدر تجود لسانها لمده بسيطة .. حظرتها تتشكى منى وتقول انا طايح فيها زمرات .. انا يا جامعه اشهدو بالحق ويش قلت ليها .. مو حتى نفدت التعذيب عشانها .. سكتهم بحجة انا انا مو ناقص دندرتهم .. بينما هدى مباشرة تأسفت وسكتت .. ومنى استحمقت عليها على يوم تتأسف .. وادعت انه ماليها بارظ هواش .. مشينا ووصلنا الهاي ويه وخصوصاً انه بيتنا على الشارع .. نسيت انه هدى تخاف وقمت امشي مثل قبل ( 140 فأكثر فأكثر ) واخذت اتجاه دبل يسار وهذا السيد يتحم عليي اني امشي بسرعة .. فقربت اوص ال200 وقدامي سيارة من مسافه يمكن 10 متر .. بس لأنه انا امشي جدي مست((( اقدر اوقف .. لما بغيت الصق فيها .. عشان اخوفها ( اللي في السياره ، عشان ما تعاند غيرها مره ثانيه لأنه هيه في شارع .. ) وبعدين لما جيت الصق فيها تجاوزتها .. بصراحة مو خوفاً عليها اا خوفاً على سيارتي الجديدة .. ولو عندي سيارة عسين انجان الحين من زمان دقدقت ليها سيارتها
احمد : نسوان آخر زمن ياخذون الليسن ولا يعرفون يسوقون ..
منى : احسن منك ..
اتجاوزتها بسرعه بينما هدى تصارخ وتصيح ومنى تقول احمد انتبه لنفسك ولينا .
وبسرعة انعطفت دبل يمين ولصدفة كان في موقف كارس وقفت فيه لأني مت من الرعبه على هدى وانا غاب عن ذهني انها تخاف .. وقفت وهيه بعدهي تصيح .. صراحة اشوف الكون يتزلزل ولا تنزل دمعه من دموع هدى .. هذلين اغلى من الكنوز .. عيل ويش .. اول شي تقربت منها .. لا شعوريين .. كانت تفصلنا مسافة بسيطة كلش كلش .. وانا خايف عليها وخصوصاً انه عيونها حمر وهيه تشهق وتصيح بصمت وخايفة .. حسيت انه دقات قلبها عاليه .. وهيه خايفة .. وهذا اللي خلاني بعد اتقرب منها اكثر بس الشي الوحيد اللي حرصت عليه اني ما المسها بالمره حتى غترتي ما لمستها .. كانت عيونها كل حين تفيض بالدموع .. فأنا مباشرة عطيتها كلينكس وانا خايف عليها قلت الحين بوديها المستشفى يمكن صادها شي بعد انا اخسر العالم الا هدى .. وعطيتها كلينكس .. مسحت دموعة بس لازالت دموع تنزل بدون صوت وممزوجة بشهقات بين كل فتره والثانيه ..
طلعت غررشة ماي صغيره من الثلاجة الموجودة في السيارة .. عطيتها اياها وسكينه مباشرة اخذتها وشربت كان ودي آخد ماي وامسح ابه ويهها عشان تروح عنها الزهقة واصلي على النبي وآله . بس للأسف اله ما جوز هالشي .. بس احسن .. لو كان عادي امسح على ويهها انجان مو عادي اتزوجها ..
لما كملت من الماي اخذته وكملت الباقي .. وطلعت ليها كاكو .. تسلي روحها .. وعطيت منى واخذت بينما هدى رفضت تاكل وانا من صوب ثاني قاعد واقول ليها اكلي واكلي وعشان خاطري ومادري ويش لين اكلت .. وصلنا لمعجنات .. ضربت هرن وطلبت 3 فطاير .. انا ادري انه هالمعجنات سريع لأنه يسون كل شي قبل بدقايق . . وبسرعة يمشي اللي يسوونه .. وقبل لا تنزل هدى غصبت عليها انها تاخذ الفطاير بينما هي رفضت .. هدى وايد صايره خجولة .. والله معقوله هدى تستحي مني انا !!
وصلنا الصالون وبعد محاولات اقناع عديده احنا قلنا اكيد اكيد بتكون فاشلة لكنها اخذت فطيره ..
نزلو .. ااااااااف خساره نزلو .. الحين اكيد بعدين منى الي بتقعد لما نزلو كان الأدان مأدن .. رحت صليت وبعدين رحت اتسوق في السوق الي جنب الصالون .. بينما فضلت فطيره ( ترى فطاير هذا المعجنات صغار كلش ) فأكلتها .. نزلت من السياره .. بكل كشخة ورزة .. ( سيارتي لونها ابيض ) وانا لابس ثوب بيضا .. قفلت السياره من السويج ودخلت المحل .. وهالمنظقة معروفين بناتها بالمياعه .. وانهم خفيفين .. تخيلو انه انا دخلت محل رجالي .. يبيع نعله وجواتي وهالسوالف .. ونظارتي الشمسيته ما فصختها ( وهيه شوي كبيره ) ومن مال الموضة الشي الوحيد اللي اشتريته عسب الموضة .. خلت المحل وقمت ادور في النعله امبي نعال ناعم .. وكله مال الريال دفشين .. بس سمعتوني ويش قلت من البدايه .. انا داخل محل رجالي .. دخل ورايي ثنتين .. وحده يت قدامي وسوت روحها تطالع النعله .. والثانيه ي مكان غير .. وهالبنات لافين الشيله ( عن حساب ) الرقبه مو مغطيه .. بدون عبايات .. وشعرهم نصه يطلع . ما اهتميت ابهم ابداً ولا كأني اشو احد .. رفع راسي الا البنيه قاعده تعرض عليي عنال وكأنها تقول ليي ويش رايك في ده .. يمكن النعال حليو ومن النوعيه اللي احبهم بس انا ما اخاذ على دوق أي مخلوقه غير هدى .. بس احب اقهرها هالخايسة .. كملت مطالعت النعله ملا كأني اشوفها .. وهيه واقفة تطالعني.. وما حبيت احط لساني في لسانها .. لما وصلت للنعله اللي صوبها انا امبي اطوف وهيه حظرتها مو متباعده وتطالعني بعيون ( لا إلاه الا الله )
صفعت بالنعال
احمد : والله انكم خايسات
ومشيت من المحل بكره .. والله ويش جاب هدى الطاهرة العفيفة اللي تخاف ربها لذلين .. والله ما يستحون
ياربي بحسن الخاتمة ..

طلعت ورحت مكان غير .. تخيلو الواقحة انها لحقتني .. هيه والعنزة اللي وياها لحقوني للمحل اللي رحت ليه .. قلت بسوي فيهم موقف بيخليهم يوقفون من ملاحقتي .. نزلت دكان وتأكدت اني حملت موبايلي .. بس قبل لا انزل خليته صامت .. وبس دخلو المحل حكيت التلفون على الدوني ( سويته صامت عشان مو يرن بالصدفة وانا اللي اتفشل )
طبعاً مثل ما توقعت انه البنيه اللي لاحقتني في داك المحل ترد تجي ليي . ولما قربت مني
احمد : هلا عمري هلا حياتي .. انه .. ايه .. انه في السوق يا بعد اهلي .. احب تفهمين يعني ويش والله العظيم ما اقدر اصبر عنش .. تصدقين .. وانا اتسوق طافت عليي بنيه كأنها وزغة .. وعونها فيها كحل مسحوب للأذون .. وثيابها مو متناسقين .. وشيلتها كأنها سودانيه .. رفعت ليي نعال يلوع الجبد مثل ويهها .. ومباشرة تذكرت دوقش الروعة .. ولمساتش الناعم .. عيوني انتي .. أي والله ..

وانا اطالع النعلة .. درت عليهم وهيه تدور ورايي ويوم سمعتني اقول هالكلام .. ما بغتها الا هيه سحبت اللي وياها ومشوو .. خخخخخ .. وخوب انا ما قصرت في وصفها .. لا خليت سودانيه ولا وزغه .. كله نسبته ليها ..
وبس طلعت نزلت التلفون .. وقمت اطالع النعلة بجد .. حصلت واحد حليو ( احنا نسميه ابو صبعة انتون ويش تسمونه مادري ) اخذته لأنه ناعم وشبابي .. وسعره مناسب 12 دينار ويش ابغي بعد النعله الرجالي اسعارهم كله جدي .. طلعت وركبت السياره .. قعدت افارر مادري ويش اسويي .. كانت الساعة 3:30 .. وانا بعدي افارر ... بعدين شفت كوفي نزلت اشرب شي .. وهناك بعد شفت ربعي ( ربع المدرسة كله مطيحين هنيه لأنه البنات وايد دلاليع ) دخلت الكوفي وسلمت عليهم .. قعدت وياهم ( واحد ماخذ كابشينو والثاني تركش كوفي وكل واحد شكل .. اماانا اخذت ماي لأنه الجو ما يستحمل اشرب شي حار ..
وترى الكوفي كان مكس بنات شباب .. واحنا الشلة الوحيده اللي بس شباب .. رغم انه ربعي عندهم كل شي عادي الا انهم ما توصل بهم الدنائه انهم يقعدون مع بنات .. يمكن يكلمون بس يقعدون لاء .. واصلاً شلتهم كله طنز وهباله .. بس يدخل احد تطنز عليه وخصوصاً ان كانو انقليز .. والمشكلة لو زين يتكلمون عربي .. الا اذا دخلو اجانب يتكلمون وياهم اجنبي واذا عرب يتطنزون عليهم عربي . .
توقعو من دخل .. ( البنات الثنتين ) انا قلت دلين سودان ويه والله ويش جيب بنات بروحهم قهوة
بس دخلو ..
احمد : فديح
هذي كلمه السر لينا .. ومعناها اتجمعو .. ( يعني في طنزة )
تجمعو كلهم ..
احمد : شدور فحور وعور دوش اشور ليور يسور دوش دضور اشور خهور ليور يسور نوور
هذي لهجتنه الخالصة في المدرسة اذا نبغي نجنن استاذ نتكلم ابها ..

وبما معناه ( انتبهو للبنات اللي بيدخلون )
الكل دار يطالعهم ..
وبس دخلو
احمد : هنور ذيور لرور يسور نجور دوش يسور ليور اشور حرور قاور وعور نجور يصور
الكل : هههههههههههههههههههههههههههههههههههههه
قعدنا نضحك عليهم .. وطبعاً ما بترجم ليكم اللي قلته بس بما معنا انه هالبنات يتعقوبوني
واحد من الصبيان : احس انه الأكسجين قل في المكان
بصوت عالي .. دارو البنات وكانو قاعدين مو في الطاولة اللي صوبنا لا اللي صوبها ..
طالعونا بكل استحقار ودارو ..
حبيت اكمل الفلم .. يعني بس عشان احرهم .. وانا بتكلم بلهجتنا
احمد : فديح
ورد تجمعو
احمد : اشور منور بثور يسور دوش اشور غبور رتور بثور لرور هنور منور ..
جعفر ( اللي غششته ) : ابشر ..
واللي قلته يعني انه انا امبي ااديهم واغربلهم ..
وتوني مكمل الا تلفوني يرن .. آخ على هالرقم .. المشكلة اني ما اقدر اطلع .. لأني اذا طلعت بيقولون اغازل وانا مو من هالنوع ولا احب هالكلام يطلع عني .. يالله ماعليه ولين سألوني بقول ليهم خطيبتي ..
تكلمت وياها وبعدين قلت ليها تقعد قدام .. قامو الربع يصفرون .. مو قلت ليكم هذلين ربع الهباله .. اذا امبي اصير اهبل اقعد وياهم ..
ولما قلت ليها اوكي باي وبعد ما صكته الا اقول
احمد : لحظة لحظة لحظة
وطبعاً انا ادري انه هيه صكته بس ابكمل الفلم على هالبنات عشان بعد يحررمون انهم يتعلفون بأي انكان لأنه دلين مو مربيين ..
احمد : بعد قلبي تبغين اجيب ليش شي .. انتي آمري . . بعد قلبي والله .. اوكي اوكي باي ..
جعفر : لحظة لحظة فديح ..
جعفر : اشور نجور تنور هنور دوش وعور يسور شدور دوش تنور قاور وعور لرور ؟؟؟؟
يسألني عن اللي قلته في التلفون وكأنه مو مصدق ..
احمد : هذي خطيبتي .. هيه في الصالون بروح اجيبها ..
احمد : منور وعور دوش قاور لرور تنور دوش لرور يسور كسور منور دوش اشور غبور رتور بثور لرور هنور منور ..هنور ذيور يسور دوش جغور دضور بثور هنور
يعني : انا قلت ليكم بأذيهم وهذي مقصه فيهم
الكل : هههههههههههههههههههههههههههههههههه
احمد : يالله استأذن ..
جعفر : فديح بعد جبدي
احمد : فديح
واذا احد بعد بيمشي او بيدخل نقول فديح .. يمكن مستغربين بس هاللهجة قعدنا عليها شهور وكل واحد ورقة ويحفظ الكلمات والحاله .. لين ما قمنا نتسابق اللي يحفظ اكثر .. وكلمه فديح هيه كلمة السر .. حتى لين واحد سعيد يقول فديح ..
ومافي احد يعرف هاللهجة غير هالشلة .. وانا كنت ظمنهم لأني انا اهرب وياهم ..
طلعت وشغلت السيارة ومشيت .. رحت ليهم الصالون وتصلت لهدى وطلعو .. ركبت منى قدام طبعاً وهدى ورا ..شغلت ليهم والله ما يسوى ومشيت بسرعه لا بأس بها بحيث هدى ما تخاف..
وانا بسبب حبي المجنون ليها بعد امبيها تقعد ويايي ..فقررت اوديهم بعد المكياج .. وبعدي قعدت اقارن بينها وبين الخايسات . بصراحه مافي وجهة مقارنه دلاك عن جد مو متربيين .. وتلبين لطلب منى مرينا دير كوين .. وانا احس بشبع .. بس اكيد بجوع .. سألتهم عن اللي يبغونه منى جاوبت بينما هدى بخجلها اللي بدا يزيد قالت ما تبغي .. احسها مو هدى الأولية .. هدى اللي ما مثل جرأتها جرأه بعد .. بس جدي احسن .. ما رضت تقول غير بطاطس .. بينما انا اخذت ليها وجبه مثلها مثل منى .. ولما جهزو .. اخذتهم ومشينا .. وقلت لهدى بوديها بيتهم تاخذ ثيابها .. ووصلتها .. راحت تجيب فستانها .. وانا انتظر امبي اشوفه ..
يابته وبهرني هالفستان .. روعه وحليو خلقة .. وايد عجبني .. بس لاحظت ملاحظة ما قلتها لهدى الا هيه انه الفتحه الأمامية للفستان واسعة .. بس سكت .. طبعاً مو بس فستانها بعد شفت صندلها .. كعبه طويل وضعيف ( مال سهرات ) وحليو من اللي فيهم خيط ينلف على الريول .. وهدى حسب علمي السابق انه ريولها صغيرة والنعلة يكونون عليها اوكيه .. وفيه من ورا شبكه فيه فولك بسيطة .. ومكتوب على الصندل ( ناين ويست ) واكسسواراتها ولا اروع .. لأنها ماخذه مجوهرات مو اكسسوارات عاديه .. وايبين عليهم انه سعرهم فوق فوق فوق فوق .. ولما سألتها عن سعر الفستان جتني صعقة تقول 400 دينار ( تدرون انه 400 دينار في البحرين معاش واحد في الوزارة ) انا عندي مبالغ .. وصلنا الصالون .. نزلتهم بينما رحت البيت وتسبحت وتعدلت وتكشخت .. يعني رزة لعرس .. لبست اماراتي متفوقين انا وجاسم ( اصلاً احنا نص ثيابنا اماراتي ) طلعت من الحمام الا هم متصلين .. شلته ومسكينه هدى بكل ادب طلبت واذا اقدر اني اجي ليهم ما تدري انه عندي متعه اذا اخدمها لأنه ادري انشالله بجي اليوم اللي بتساعدني وبتخدمني على قد استطاعتها وانا باسعدها طبعاً .. تسبحت بالعطر وحملت السويج وطلعت .. ركبت السيارة وهدى موصتني ما اسوق بسرعة ..
ريوست وطلعت من البيت ..ومباشرة على الهاي ويه .. هذي احسن ميزة في بيتنا .. اتجهت لتوبلي .. بعدين وقفت في اشاره ورن تلفوني .. رفعته
احمد : الو
المتصل : هلا
صوت بنيه بس الرقم مااعرفه ولا الي تتكلم
المتصلة : احمد ما عرفتني
لا والله بعد تعرف اسمي ..
احمد : نعم الشيخة أي خدمة لا ما عرفتش
المتصله : اني سلوى بت خالتك
احمد : ويش تبغين
سلوى : كنت امبي ابارك ليك على خطوبة اختك ..
احمد : وصل المبارك مع السلامة ..
وقطعتة .. مالت عليها من بنيه .. مااطيقها وايد تتلصق .. كملت طريقي ويوم وصلت سويت ليهم رنه وطلعو .. واللي شويه قهرني انهم طالعين بدون غطا .. وزياده الطين بلة كانت شله صبيان طايفه وعيونهم عليهم .. الا فرو راسهم اليهم .. بس الليله عرس ختهم وبت عمهم ما بخرب عليهم ..
ركبو .. منى مباشرة من ركبت عدلت الشيله بحيث تغطي ويهها ابها بعد .. بينما هدى ضلت وانا كنت اشوفها من المنظرة اللي قدام .. درت ليها . .
احمد : نمشي ..
هدى : أي
احمد : تغطي
هدى : ما ابين ..
قويه دي ما يبين .. الحين الشارع كله ليتات .. وهيه كلها مكياج .. وزياده على هذا لابسه شيله حليوة . . وهدى ما تلف الشيله بحيث تضغط عليها.. لا تخليها شوي مفتوحة .. ولو زين سيارتي فيها رايبون قوي .. رغم انه المرسيدس يجون بشويه رايبون لكن يبين منه..
احمد : لالا الشارع كله ليتات وسيارتي مافيها رايبون ..
مباشرة عدلت الشيله وغطت ابها ويهها .. مشيت متجه للصاله .. كان عند مرمريز وايد وايد غصة .. سيارات والحاله .. وكله سيارات سعوديه للمطعم .. وسيارات وايد اماراتيه لأنه بيت عمتي عندهم نسبات اماراتيين وايد وايد وايد ...
دخلنا داخل الباركات للصالة .. وطالعت هدى من المنظرة .. سوت الشال بطريقة حليوة مثل السعوديات .. من تحت الويه مغطى ... والعيون طالعه .. وهيه عيونها عذاب وبالكحل جنون وبالمكياج ممات .. بس ما علقت .. جا جاسم صوبنا وبس جا فتحت هدى شالها بحيث يضل مغطي شعرها وويها يطلع .. سلم عليهم جاسم وكالمعتاد منى ما ردت .. نزلت هدى واتججهت لعمها .. والمشكله انه عمها مو بروحه .. الا واقف وياه ولده ( محمد ) وجاسم بعد رجع ليهم .. وبس نزلت هدى وعيونه عليها .. بروح ابط عيونه .. من هو عشان يطالعها .. بس عجبتني حركة منها .. انها بس سلمت على عمها رغم انه طولت في الحجي وذاك بس يطالعها .. ومشت الا ذاك متكلم .. مادري ويش يقول ليها ..
منى : احمد اني بنزل ..
احمد : اوكي ( وعيوني لاززالت عليها وعليه )
نزلت منى .. واننا بعدي اراقب . دارت ليه بدون نفس وقالت ليه كلمة ومشت .. نزلت من السيارة .. ووقفت ميود الباب .. وضربت ليها هرن .. مباشرة دارت ليي بأبتسامه تشق الأرض من حلاتها ... صدق صدق نسيت كل همي .. تقربت منني .. ووقفنا مثل خطيب وخطيبته ..
احمد : ليش رايحه صوبه بدون غشوا
هدى : نسيت ..
قويه دي نسيت .. يعني ما تحس انه واحد غريب هيه واقفة صوبه بدون غشوا وهو يطالعها .. مست((( أي انسان يحس اذا كان احد يطالعه ..
احمد : لا تخليني الحين اروح اقتله
هدى : احمااااااااد ..
احمد : عساش تحضرين جنازه احمد .. لا تتكلمين وياه اغار يا بت الناس .. اغار ..
هدى : آسفة احمد والله ما اكررها .. وغلطت .. ما انتبهت كنت رايحه بسلم على عمي وعشان يعرفني ما لبست الغشوا
مهماً كان ما يصير تشيل الغطا عن ويهها ..
احمد : انزين ما امبي انكد عليش الليلة ..
هدى : مشكور احمد ..
احمد : قبل لا تنزلين الصاله روحي لعمتي تشببش
هدى : انشالله ..
بعد مافيي شده يحسدنها ليي .. وبس مشت هدى من صوب جاني ملك الموت من صوب قصدي جاسم .. الحين بجي الحساب ..
جاسم : ليش تكلم اختي ..
احمد : جاسم رجاءً
جاسم : بس هيه ما غطت ويهها عنك
احمد : مو هدى اللي تغطي ويهها عني ..
جاسم : ولو
احمد : اذا رضيت انه منى تغطي ويهها عنك ابرضى هدى تغطي ويهها عني .. انا كل مرة انته تهزأني وانا اسكت لكن هالمرة ما بسكت ..
جاسم : تدري انه ولد عمي يقول ليي هذا منهو اللي واقفة وياه اختك .. ويش اقول ليه .. ؟
احمد : قول لولد عمك الواقع ..
جاسم : احمد انا مستعد اساعدك بس ما تشوه سمعت اختي ..
احمد : وانا في ويش اشوهها .. انا كنت اكلمها عادي .. واعاتبها ..
جاسم : على ويش ..
احمد : رايحة صوب ولد عمها بدون غشوه
جاسم : مثل الشي .. اكي جت صوبك بدون غشوه
احمد : انا غير
جاسم : ليش
احمد : انا خاطبنها منك وانته قلت لأبوك وانا محيرنها
جاسم : وهو خاطبنها رسمي
احمد : ماعليي منه .. اهم شي واثق انه هدى تحبني وتبغيني وما تبغي غيري ..
جاسم : هدا هو .. قوم انزل .. وشوف وييش يقول ليك محمد ..
احمد : اوكي . .
خليت السيارة مشغلة .. بس قفلتها من الزرارات اللي ويه السويج .. شلت السويج وخليته في السيارة بينما هيه اخذتها وطلعت وقفلت السيارة ( مافيي شدت احد يبوقها )
رحت صوب الجماعه
احمد : سلام عليكم ..
الكل : عليكم السلام ..
احمد : متباركين
الكل : الله يبارك في عمرك
بينما في عيون باقي شوي وتهجم عليي .. وتطالعني بشمئزاز ..
( محمد )
محمد : انته ويش تصير لهدى
احمد : ولد خالها
محمد : يعني مثلك مثلي بس انا خاطبنها
احمد : انا بعد خاطبنها بس قبلك .. ووافقو . . بس قلت ليهم ما بنملج الا لين اضمن شغل يعيشني براحه .. وهدى وافقت وريل عمتي وافق .. ( بأبتسامه عريضة )
طالعني بغضب .. وبحقد ..
ولا شوي الا موصل ريل عمتي .. مباشرة راح ليه جاسم وقام يكلمه .. وبعدين لحقته ..
ريل عمتي : شخبارك احمد
احمد : الحمد لله
ريل عمتي : يا ولدي انا وافقت عليك لأنك نعم الرجاجيل وما بحصل احد يحب بتي كثرك .. والله يخاف عليها قدك .. بس بعد ما امبي مشاكل ويه اخويي
احمد : لا ياعم انا ما سويت مشاكل .. بس لأنه هدى وقفت وياي جاني محمد مستحمق ويسأل ليش توقف وياي وويش اصير ليها .. قل ليه اصير ليها ولد خالها قال ليي (يعني مثلك مثلي بس انا خاطبنها ) قلت ليه انه انا بعد مكلم جاسم وجاسم مكلم ابوها وانته حسب كلام جاسم وافقت بس انا بأمن ليي شغل يناسبني وانا في الجامعه وبخطبها مباشرة ..
ريل عمتي : بارك الله فيك يا ولدي .. وانا بتفاهم وياهم بس امبيك انته وجاسم ويايي ..
رحنا وعمهم ومحمد بعدهم واقفين
ريل عمتي : سلام عليكم
عمهم + ولده : عليكم السلام ..
عمهم : صودق هالكلام يا خوي انه احمد خاطب بتكم ..
ريل عمتي : أي يا خوي صدق ..
عمهم : وليش ما قلت ليي ..
ريل عمتي : قلت اول بسأل البنيه ان كانت متأكده من قرارها بشأن احمد او لاء والحمد لله البنيه موافقه على ولد خالها ..
عمهم : يالله مالينا نصيب ..
مباشره مشا عنا محمد .. وتركنا كل واحد يطالع الثاني .. وبعدين مشو العياييز .. وراحو يتمشون وظليت انا وجاسم وانظم الينا واحد اسمه علي اخو ثالث لمرتضى ومحمد ( علي شاب بعده مراهق .. عمره 18 سنه .. انا 19 .. لأني من مواليد شهر واحد . . بينما هوه شعره مطفر بالجل .. ولابس بنطلون من اللي قريب بيخلسون .. وفانيله لاصقه شوي .. وهو وسيم وسيم واحلى واحد في اخوانه .. وشعره من ورا شوي اطول ( عرعر ديج ) يعني حالته مأساويه ..)
طلعو من الصاله بنات ثنتين .. بمكياج وبدون عبي .. وحالتهم مأساويه .. الشعر نصه يطلع .. العطر يفوح من بعد كيلو .. مباشره راح علي وراهم بينما ضلينا انا وجاسم نضحك عليه .. اتصل جاسم لهدى . . وقال ليها انه يبغي يدخل الغرفة اللي بررا .. لأنه حر .. وقالت ليه انه اوكي والحين هيه بتفتحها ..
وبس فتحتها سوت لجاسم رنه .. ودخلناها مافيها احد .. وبعد شوي دخلو علينا ابويي وعمي حسين .. وشوي شوي دخلو العياييز ( ريل عمتي وعمهم ) وبعدين خبرونه انه العروس والمعرس دخلو .. قعدنا نسولف ونمزح ونضحك واكتشفت انه عمهم طيب وايد وايد .. وبعدن قالو للمحلين على فاطمة بت عمتي يدخلون الا هم ( جاسم ومحمد اخوها وابوها وعمها وابويي ( خالها ) وعمي حسين ( خالها الثاني ) )
وظليت انا وعلي في هالحجرة ...
احمد : انته وين رحت .. من شوي ..؟
علي : بعد وين رحت . شفت فريسه قلت ابنقض عليهم ..
احمد : وتعترف انها فريسه ..
علي : هم مخلين روحهم جدي .. ومخلين روحهم للكل يكلمهم وللكل يتلذذ بمفاتنهم .. ماشاء الله عليها هدى بت عمي .. لين تمشي الكل يحترمها .. وما يتجرأ صبي من عائلتنه يرفع عيونه ليها عدا محمد اخويي
احمد : تدري انه انا خطيبها ..
علامة صدمه واستغراب وفشيلة ..
علي : ويش تقول محمد اخويي خاطبنها ..
علي مستغرب .. لكن هذي الحقيقة ..
احمد : انا خاطبنها قبله .. ووافقو عليي .. وهدى تبغيني ..
علي : الله يكون في عونك يا خوي
احمد : اللي يحب يتمنى الخير لمحبوبة
علي : وليش ما تخلي هدى لأخوي وتقول اتمنى ليها الخير
احمد : لأنه هدى اختارتني انا .. ولازم تعرف انه لو هدى اختارت اخوك ما بعترض ولا بعصب لأنه هدا قرارها ..
علي : يعني هدى تحبك
احمد : ليش تسأل
علي :لأنه ان كانت تحبك فأخويي ليه عذر انه ينساها . لكن ان كانت مغصوبة عليك ما بخلي اخوي يهدها ..
احمد : لازم تعرف انه حبي انا وهدى اكبر من الكون .. وهدى تحبني قد حبي ليها ..
علي : الله يه++م .. بس ما اظن الصدمة سهلة بالنسبة لأخويي ..
احمد : هو كان لازم يتأكد انه هي تحبه او تحب انسان ثاني قبل لا يبني احلامة ..
علي : يمكن اخوي استعيل ..
احمد : وانته ما تفكر تحسن وضعك .. والله اللي يشوفك يقول اجنبي لو عجمي
علي : ليش
احمد : الشعر جيفة ثيابك .. جيفة تلاحق البنات
علي : انا ما الاحقهم .. انا اقص عليهم وآخذهم على قد عقلهم .. وانا جدي اتسلى على البنات الهبلان .. البنات اللي يخافون ربهم ما يسون شي .. اكي هدى بت عمي اصغر مني بسنه .. لكن ما اتجرأ احط عيوني في عيونها .. لأنها حاشمه نفسها .. ولأنها ما يوم تضاحكت في الشارع .. ولا في يوم كلمت صبي .. والصراحة انا كنت امبيها لأخويي ..
احمد : امم .. الدنيا حظ ونصيب .. وانا نصيبي انشاء الله ويه هدى .. واخوك انشالله يحصل ليه بت الحلال الي تغنيه عن هدى وغيرها .
علي : انشالله ..
ولا شوي الا باقي الشباب داخلين علينا .. ( جاسم محمد ) والشيوبة ( ابويي وعمي وريل عمتي وعمهم وبعد باقي عمومهم الأربعه )
جاسم : حمود بتروح الزفة
احمد : أي
جاسم : روح ود سيارتك وانا بمر عليك وبنجي بنمر على البنات
احمد : اوكي ..
طلعت .. بكل كشختي واناقتي .. اللي يشوفني يقول هذا بعد مافي اغنا منه .. لأني كنت وايد رزة .. شفت شباب اماراتيين ..
يو صوبي استحيت اركب السياره وامشي عنهم
واحد منهم : الشيخ .. انته اماراتي ..
احمد : لا بحريني ..
الصبي : هي حسبتك اماراتي عسب السفره
احمد : أي انا احب البس اماراتي..
الصبي : مسامحة الشيخ
احمد : لا عادي ..
ومشى عني .. الأماراتيين طيبين .. ركبت السيارة وطرت للبيت .. اسوق بقوه عشان اوصل قبل الزفة ..
وصلت البيت ونزلت بسرعة .. رشيت روحي عطر وطلعت الا جاسم وصل .. ركبت وياه وسيارته ( رانج روفر ) احب هالسياراه .. وايد فخمة .. رغم انها دفشة ( لأنه مريكي ) مشينا إلى الصالة .. وجاسم اتصل للبنات .. طلعو عنده صحون .. انشالله لينا .. بموت من اليوع .. اليوم اكلت وجبه من دير كوين وفطيره .. بس .. والحين نص الليل ( الساعة وحدة ونص ) دخلت هدى ومنى .. بحيث هدى ورا جاسم ومنى ورايي .. وبس ودخلت هدى مباشرة شالت الشيله عن ويهها ..
هدى : اف حر ..
جاسم : اشوف عندش اكل ..
هدى : أي جبت ليكم قلت اكيد ما اكلتون شي ..
احمد : انا بموت من اليوع ..
هدى : اكو اكلو
عطتنا اياه .. وكان عباره عن صحنين .. كل صحن فيه ورق عنب وفطاير . وبيتزا .. واشياء هرار ..
قمت آكل بينما جاسم ما كان يقدر ياكل لأنه يسوق ويخاف السياره تتوصخ ( من حقة )

صكيته وطلعنا .. رحنا الصاله الا سلوى تطالعنا وتهدد بالهجوم ..
رحنا وقعدنا على الكراسي ..
مباشرة قامت سلوى وغسلت ايدها ويت ويانه
سلوى : يالله نكمل ..
منى : ويش نكمل
سلوى : موضوعنا
منى : لحظة ..
اتصلت منى لأحمد .. وخلته على السبيكر
منى : الو احمد
احمد : هلا ..
منى : نبغيك تقول للجماعه رايك في هدى ..
احمد : هدى .. خطيبتي انشاء الله .. واحبها اككثر من روحي ..
سلوى : جداب جداب .. هذي اكيد مسويه ليه سحر اكيد
منى : يالله باي احمد ..
وحولته على السماعة ..
بينما لفتت انتباهي حركة انه منى ما صكته ...
منى : الحين صدقتين ..
سلوى : انتينه .. انتينه خطافت الريا((( .. اكيد مسويه عمل لأحمد .. هو يحبني .. ومعترف ليي بهالشي .. اعترفي انش ساحرة ومشعوذه .. اعترفي انا لما شفتينا مستانسين بحبنا البسيط هدمتينه . .
هدى : الله يسامحش ..
منى : امتى احمد قال ليش انه هو يحبش لويبغي يخطبش ..
سلوى : من عيونه .. عيونه اللي تفضحة ..
منى : اصلاً احمد عمره ما طالعش ..
سلوى : وانتون شكو .. اهم شي اني احبه ..
اخذتها امها ... وهي تصيح .. بينما اني ما ادري ويش اسوي ..
شوي شوي هدأت سلوى ونامت
خالتهم : سامحونه يا جماعه .. بس الكل يدري انه سلوى فيها حاله نفسيه .. وهيه تتعالج الحين .. ومن كثر تعبها تحس انها تحتاج لأنسان تعبر عن شعورها ليه وتميل ليه .. وطاح هالعاتق كامل على احمد ( ودارت ليي ) وانتين يا بتي سامحيها .. واليوم من ردودش اثبتين انش محترمة وفاهمه وعاقلة .. واله يه++م ..
بصراحة امها خوش انسانه .. واذا هيه فيها حاله نفسيه فالله يسامحها ..
ركبت فوق ويه منى ومسكين احمد رد اتصل ..
احمد : ويش ..
هدى : ولا شي بس بت خالتك مسكينه .. وياها حاله نفسية وانته ما قلت ليي ..
احمد : لا مو مسكينه ..
هدى : امبلى ..
احمد : شويه ..
احمد : اوكي .. باي
هدى : بايات ..
صكيته .. وقعدت اسولف ويه احمد .. لحوالي الساعة 4:30 .. بينما بيت خالاتهم
نزلنا .. وجا سامي يسلم على النسوان .. وقعد احمد ويانه .. والكل قعدو ويه بعض ..
طالعت احمد وابتسمت .. وردها ليي بأحلى ..
الصبيان طلعو بمناسبه وصول سامي وحتى عبدالله مسكين .. قامي يمشي .. بينما امي مشت .. والكل مشى .. وظليت اني ومنى واحمد الصغير وفطوم ..
فطوم : عمة عمة خلنا نطلع نلعب ..
منى : يالله ..
وطلعنا كلنا نلعب ..
حتى حمود ..
منى : خلنا اول نبدل ..
هدى : أي احسن ..
رحنا بدلنا وفصخت الحجاب لأنه مرت خالي اكدت ليي انه مافي احد .. لبست بدله عاديه من عند منى .. ومنى بعد لبست بدله والسلام .. تصخت احمد الصغير وخلته بشباح بس .. وفطوم لبست شورت وفانيله ..
شغلت منى الهوز الأول .. والهوز الثاني .. وقامت ورشتني بالماي .. استحمقت ورشيتها اني بعد بالماي .. وقام كل واحد يرشش الثاني حتى اليهال ..
لين ما صرنا خرسانات ماي .. حتى شعري انفل .. وضليت اركض وشعري ويايي ..
فطوم : عمه عمه
منى : اسكتي وتبللي ماي ..
فطوم : ماني اسمعي
منى : نعم
فطوم : امبي ادخل البرجة ..
منى :لالالا ..
فطوم : امبلى امبلى ..
منى : بعدين ..
وقامت منى ورشتني بالماي من فوقي لتحتي .. وقمت ارشها بس هيه تركض .. وقمت اسمت الهوز .. والهوز من النوع الطويل اللي ينلف واسحبه قد اللي امبي .. ويدور على البيت تقريباً ..
وصلنا عند الباب واني ابللها .. وهي ترش عللي ماي .. وميزته انه بارد ..
ولا شوي الا داخل احمد ..
احمد : ويش صاير ..
درت بصدمه ..
ونجان اركض ركيض الى ورا البيت .. يافشيلتي يافشيلتي الحين ويش بيقول عني .. اكيد بيقول انا بخطبها وهي بعدهي تلعب بالماي .. ويلي ويلاه .. ومباشره دخلت من الباب اللي ورا بعد ما نشفت نفسي .. وركبت فوق .. ومباشره رحت الممر .. الا احمد ركب .. ويلي الحين ويش اسوي .. احمد قدامي .. والباب صكيته .. وشعري على ويهي .. وعلي ثياب عاديه ولاصقة عليي من الماي ..
هدى بصراخ : احمد ادخل ادخل ادخل ..
احمد : انشالله انشالله ..
ومباشره نزل راسه ودخل .. واني رحت اركض حجرة منى .. تسبحت وطلعت ولبست ثيابي . وقعت في الحجرة من الفشيلة ..
دخلت عليي منى ..
منى : ها هدوي ..
هدى : بموت بموت من الفشيلة ..
منى : ليش
هدى : مو مصدق احمد شافني بهالحاله واني العب بالماي .. بموت يا منى بموت .. ويش هالفشيلة .. بس بعد ما امبي اشوفة ..
منى : عادي ..
هدى : أي عادي .. ركبت فوق وثياب لاصقه عليي وشهري متناثر وشفته .. وشافني وشافني .. اويلي
منى : عادي هو مرده بيصير خطيبش
هدى : لا تزيدين النار حطب .. ما امبيه يشوفني واني العب بيقول هذي ياهل .
منى : لا عادي ..
هدى : اني من غبائي ..
منى : عادي ..
هدى : لالالا أي عادي ..
منى : صدقيني احمد يعرفش ويعرف تصرفاتش ..
هدى : بس مادري احسها فشيله والله فشيله ..
منى : لا ابداً
هدى : بتصل لجاسم يجي ليي الحين
منى : بلى دلع قعدي .
هدى : بعد أي اقعد ..
منى : عاد عاد ..
هدى : استحي
منى : كله واحد اصلاً احمد ما يرفع راسه .. وهو ما دقق في ملامحش ..
هدى : صدق
منى : أي ..
اني كنت امبي اقعد .. بعدي ما شبعت من سوالف منى ..

و لا شوي الا فطوم يايه ..
واني لبست اكمام طوال بعد من عند منى .. ولبست شيله من عندها ..
فطوم : عمى منى عمي احمد يقول ليكم انزلو
هدى : لالالالا ما اتحمل .. استحي منه ..
فطوم : لاويه تستحين من عمي بروح اقول ليه ..
وراحت تركض ورحت وراها عشان تسكت ..
ووصلنا للدري ..
هدى : فطوم سكتي ..
فطوم : عمو احمد عمو احمد ..
دار ليها ..
واني مباشره كنت بنسحب ..
احمد : نعم ..
فطوم : هدى تقول ..
هدى : فطوم ..
احمد : خليها
هدى : انزين عيل بشوف منى ويش تسوي
احمد : لا اوقفي ..
المشكله مو جدي .. المشكله انه سامي بعد قاعد في الصاله ويضحك علينا ..
هدى : فطوم بس خلاص .. اصلاً كنا نمزح .. تعالي ..
فطوم : لالالا لازم اقول لعمي احمد عنش ..
احمد : ويش تقول
فطوم : يوم قلت ليها عمي احمد يباغكم الا تقول لالالا ما اتحمل واستحي ..
سامي : هههههههههههههههههههههههههههههههههههههههههه
هدى : فطوم وويع .. زين جدي ..
احمد : هدى ليش تستحين ..
هدى : ما استحي ولا شي عادي ..
وضحكت بفشيله .. احس ويهي يحترق .. يت منى ..
منى : ويش صاير ..
مباشره رحت صوبها وساسرتها
هدى : شوفي بت اخوش الفضيحة رايحة تقول لأحمد انه اني استحي منه ..
المشكله اني طزيت عيوني للمرة الثانيه من مثل الشي .. فطوم كانت واقفه يمنا
فطوم : والله اني مو فضيحة ..
منى : فطوم عيب مو كل شي ينسمع ينقال ..
احمد : عادي عادي خلها تقول
فطوم : عيل بقول اللي سمعتك تقوله ..
احمد : ويش قلت
فطوم : اني كنت العب بلي ستيشن وانته تقول لسامي .. شفت هدى وهي تلعب وياهم .. شكلها يجنن ..
احمد : فطوم وقص لسانش ..
انحرجت .. مشيت حجرت منى .. الا ركضت .. منحرجة حدي ..
يت ليي منى
منى : عادي يا اختي قال رايه فيش المفروض تستانسين لأنه يحبش بصدق مو قدامش شي ووراش شي .. واحمد ما قال الا اللي شافه وثانياً ترى احمد ما يخش عن سامي شي .. وسامي يدري بكل شي ..
هدى : وا فضيحتي .
منى : انتين ما سويتين شي ..
هدى : كل هذا وما سويت
منى : المهم يالله احمد جايب اشياء يبغي يراوينه اياها ..
هدى : لالالالالالالالالالالالا مست((( .. مينونه ارد اشوفه ..
منى : عادي .. احمدي ربش تشوفينه .. لين خطبش ما بتشوفينه ..
هدى : استحي ..
منى : عادي ..
نزلنا وتشجعت شوي .. وبس وصلت تحت
فطوم : وصلو العروستين ..
هدى : بس عروس
فطوم : انتين بعد عمو احمد بياخذش وبتصيرون عروستين ..
سامي : ههههههههههه .. البنيه تقول امنياتها ..
فطوم : لا اقول الواقع .. اذا عمو احمد يحبها وهدى تحب عمو احمد ليش ما يتزوجون ويفكوننا .. على الأقل اسوي ليي فستان
ساسرت منى
هدى : مو اقول ليش ابمشي ..
منى : لالا عادي ..
احمد : تعالو بره ..
وراح شال حمود الصغير ومشينا .. اني ومنى وفطوم اللغويه وسامي واحمد وحمود الصغير ..
شغل احمد الليتات في الحوش وراوانه قفص فيه ببغاء كبير كلش .. طلعها وحطها على ايده .. بينما اني اموت خوف من هالكائنات

احمد : اللي يحبني بيودها
منى : من الحين ما احبك
فطوم : عمو اني احبك بيودها ..
وحطها على ايدها ..
فطوم : شفت احبك ...
اليهاله ضحت اني بعد بضحي ..
هدى : اني عادي ..
احمد : تعالي اخذيها ..
هدى : ما اعرف ..
احمد : مدي صبعتش ..
تقربت منه ومديت صبعتي .. نسيت الصبغ الأظافر ..
احمد دنا صبعته من صبعتي ونقل الببغا .. جيت بصرخ بأعلى صوت .. ما اقدر .. احس انها بتشمخني .. بس بتحمل ..
وبعد دقايق ..
احمد : بس اثبتين انش تحبيني ..
طالعته بتحدي : اني مجودتنها عشان ابين ليك اني ما اخاف ..
سامي : اشك في كلامش ..
هدى : قصدك ..
سامي : منتين مجبرة تثبتين انش ما تخافين احنا قلنا اللي يحب احمد ما قلنا اللي ما يخاف ..
وابتسم ليي .. اويلي .. صرت مفضوحة .. الغلط غلطي يوم اعترفت لأحمد ..
فطوم : هيييييييييييييي .. هدوي تضحي بخوفها عشان تثبت انها تحب عمو احمد ( ودارت لأحمد ) عمو وين تحصل مثل هدى ..
منى : بسكم لغوا .. اني بعد ما اخاف ..
احمد : قريب صبعتش ..
وبس حطها على ايد منى ..
منى : باعدها باعدها .. وقامت تصارخ ..
ونفضت ايدها وخلت الببغاء تطير ..
سامي : ماشالله عليش
منى : قيبحة .. هدايو يالسباله جيفة قدرتين تخلينها على ايدش .. تنخز
فطوم : الحب يسوي المست(((
هالياهله بقتلها .. ابقتلها يعني ابقتلها .. فضحتني ..
هدى : لا التحدي يسوي المست(((
فطوم : لا تكابرين ..
هذي ويش لسانها .. اطول من لسان عيوز .. بعد ما عمري شفت مثلها ..
سامي : الله يرزقني وحده تحبني قد حب هدى لأحمد ..
هدى : بس بس خلاص .. عاد . منى اني بمشي البيت ..
تنرفزت اني .. خلاص وصلت حدي .. ما اشوف الشارع اللي امشي عليه .. بسرعه شلت اغراضي واتصلت ..
هدى : جاسم اني انتظرك
جاسم : الحين انا كلش مشغول .. رايح اقدم اوراقي لشغل
هدى : جاسم بسرعة تعال . .
جاسم : صبري باقي عليي ساعتين ..
هدى : تدري بتصل لأبويي ..
جاسم : لالا ابويي عنده راييل .. واصلاً انا كنت باخذه عشان واصته بس قال عنده ريا((( ..
هدى : عيل محمد ..
جاسم : محمد طلع من الشغل وراح الشاليه ويه ربع ..
هدى : لا مافي يعني مافي .. بروح ويه السايق
جاسم :لالالالالا في الليل مافي ..
هدى : اوكي اوكي ..
صكيته عنه واني مستحمقه بعد زياده ..
دخلت عليي منى
منى : ويش فيش
هدى : رجاءً اني معصبة لهني ( واشرت على خشمي ) لا تتكلمين عشان اذا عصبت عليش ما تزعلين ..
ماكنت داريه ويش اقول كل اللي ادري فيه انه اني معصبه وايد وايد وايد
نزلت منى .. بينما اني .. امبطحت على السرير .. وهديت اعصابي .. شربت حبتين بندول من شنطتي .. ونمت بدون حواس .. ولا ادري ويش صاير لو ويش السالفة .. بس اني نمت نومة عميقة .. ما حسيت باللي حواليني .. وكالن راسي ثقيل .. ولا سمعت شي ..

منى
البيت
---------------------
معقوله هالحب .. هدى اللي طول عمرها تكره العصافير وتخاف منهم موت .. ولا تنوس تتقرب صوبهم الحين تحمل ببغاء .. وكل هذا عشان احمد .. أي قد هالحب عظيم .. واي قد هدى تحبك يا احمد .. بعدين ركبت فوق من اللي سووه فيها اخواني + بت اخويي الملسونه ..
حسيت بشعورها .. ولو اني كنت اخس .. كلمه والثانيه وقالو حبش حبش .. بس هي قدرت تسكتهم وقدرت تصمد ..
رحت ليها الا هيه معصبه حدها .. مشيت عنها لأنه اني اعرف هدى .. رجعت لأخواني ..
منى : مو زين عليكم من الله .. البنيه معصبه حدها فوق ..
سامي : يو بروح استسمح منها .. انا كنت امزح .. لابس حجاب
منى : أي
سامي : بروح اعتذر منها انا جاي يومين ما امبي اسويي ليي مشاكل .. وانا كنت امزح بس ما امبي اضايق احد ..
احمد انا بعد بروح .. وركبو اثنينهم .. طقيت الباب ودخلت .. بس لما دخلت ودخلو اخواني كلنا شفنا هالمنظر وما صدقنا ..
هدى ممبطحه على السرير بكل طفولة .. ومجفسه ارايلها .. والحجاب عليها .. ومغمضه عيونها بهدوء .. وصوبها قرطاست بندول ..
منى : اااااااااااااااااااااش ..
سكتو .. بينما اني تقربت منها الا هيه اوكي بس نايمة .. اشرت لأخواني يطلعون .. وحملت موبايلها عشان لو رن ..
نزلت تحت ..
منى : زين جدي خليتون البنيه تشرب بندول وتنام ..
سامي : انا مادري ..
احمد : انا خايف عليها ..
ولا شوي الا جاسم متصل ..
منى : الو
جاسم : هلا .. هدى ويش فيش
منى : اني مو هدى اني منى
جاسم : هلا والله هلا .. بس وينهي هدى عسا ما شر ..
منى : لا ابداً ما شر .. بس هدى عورها راسها ونامت ..
جاسم : يو عيل نبهيها ..
منى : لالا ماني منبهتنها .. خلها نايم باجر الصبح بخليها تتصل فيك
جاسم : اوكي ..
منى : باي ..
جاسم : بايات ..
صكيته عنه
منى : هدى بتبيت ..
سامي : اشوه عشان لا ترجع بيتهم زعلانه مني ..
احمد : انا خايف عليها .. اخاف راسها يعورها .. او صادها شي .. منى عفيه نبهيها خلني اتطمن
فطوم : عمي لهالدرجة تحبها ..
احمد : سكتي انتين السبب ياللغويه ..
فطوم : اني ما قلت شي .. قلت اللي شفته ..
احمد : سكتي يالعيوز
فطوم : والله انته اكبر مني .. انته خلصت مدرسه اني صغيره بروح المدرسة توي .. واذا اني عيوز يعني انته ميت
بت اخويي ما تنغلب ..
احمد : منى روحي تطمني عليها ..
رحت الا هيه نايمه ..
رديت رجعت ..
منى : بعدهي نايمة ..
احمد : لحفتينها .. يمكن بردانه ..
منى : أي أي لا تخاف ..
سامي : انزين روحي قعدي وياها يمكن توتعي تبغي شي ..
ركبت اني بعد وقعدت وياها ..
صارت الساعة 12:30 .. واني لازلت اقاوم النوم .. وبعد شوي سمعت طق في الباب
قمت فتحت
احمد : ها ويش
منى : البنيه نايمه ..
احمد : شوفي حرارتها .. منى ارجوش ..
منى : انشالله .. وبرد عليك ..
احمد : اوكي بسرعه ..
صكيت الباب وحطيت وشفت حرارتها .. وكانت 39 .. لو يدري احمد انجان قال سوي طريق بحملها وبوديها المستشفى .. رحت اقول ليه الا هو سامي قاعدين ويه بعض ..
احمد : ها بشري
منى : درجت حرارته 39
احمد : ياربي كله مني .. منى بس تقعد وشي يعورها مباشره تعالي ليي بوديها المستشفى .. انا انتظرش ..
منى : انشالله ..
ورجعت .. حطيت موبايل هدى على المكتبه اللي تفصل بينها وبين السرير حوالي متر ونص ..
امبطحت تحت .. واستسلمت للنوم ..
ولا اوتعيت الا هدى قاعدة تنبهني ..
هدى : وينه تلفوني ..
منى : ليش
هدى : تأخر الووقت بتصل لجاسم يجي ياخذني ..
منى : لالا جاسم قال باجر بجي ليش ..
هدى : لا بروح البيت احس روحي تعبانه وراسي يدور .. ماني قادرة اتمالك روحي ..
منى : الحين بنادي احمد وبنروح المستشفى
هدى : لالا احمد لاء
منى : ليش الريال مو نايم ينتظر يتطمن عليش بردي قلبه حرام عليش
هدى : بطاقتي مو هنيه ..
منى : عادي بنوديش المريكي .. وانتين عندش بطاقة vip له .؟
هدى : أي اكي في شنطتي ..
منى : اوكي ..
رحت لأحمد اللي كان حاط ايده على راسه وقاعد بتوتر ..
وبس انفتح الباب دار ..
احمد : ويش
منى : قعدت وتقول تبغي تمشي لأنه راسها يدور .. فقلت ليها بخلي احمد يوديش اول شي رفضت وبعدين وافقت ..
احمد : دقايق واجي .. خلها تجهز ..
منى :جاهزة بعد ما بقول ليها البسي عبايه .. لا بسه بدله ما تحتاج عبايه ..
احمد : اوكي ..
رحت لهدى وقلت ليها تقوم .. قامت غسلت ويهها ومسكينه حتى الوقفه مو قادره توقف عدل .. عدلت شيلتها ونزلنا .. واني مثلي مثلها .. اللي عليي طلعت ابه .. بدله مثل هدى ..
نزلنا ونزل احمد ..
طلع بره بينما اني ميوده هدى ..
وعلى ما احمد يبطل السيارة ..
هدى : منى منى قولي ليه بسرعة .. ماني قادره .. وشوي شوي .. غمصت هدى عيونها وكانت بتنزل . بتطيح . لو ما احمد جا وجودها .. وركبها في اقرب باب .. وكان قدام ..
بطح ليها الكرسي لحيت تكون ممبطحة ..
ودخل السيارة . واني ركبت بحيث اكون صوبها لأنها منبطحة .. عطاني احمد ماي ..
احمد : شربيها ..
وعطيتها ماي .. بينما هدى غايبه عن الوعي .. رشحت عليها ماي .. وحاولت اوعيها .. وهيه امبين من ويهها انها تعبانه موت ..
عاد مو الحين يا هدى تطيحين .. باقي على خطوبتي سبوع .. وعلى حنتي 4 ايام .. وعلى ملجتي 5 ايام .. وعلي الخطوبه 6
اني محتاجتنش جنبي لأني ما استغني عنش ..
شوي شوي اوتعت هدى .. شربتها ماي .. بينما هي كانت تسأل وينه اني وويش اسوي ..
اكيد اغمي عليها .. وصلنا المستشفى في لمعة برق .. لأنه احمد ماشالله ما يعرف يسوق بالعدال ..
من وصلنا اني يودت هدى من ايد واحمد من ايد .. ودخلناها .. وبس شافوها عطوها كرسي ودخلوها ..
دخلت ودخل وياها احمد .. واني ..
الدكتور يسألها .. هذا زوجش .. ابتسمت ..
قاس حرارتها وقال انها وايد مرتفعة .. وارتفعت عما قسته وصلت 41 .. وشاف بلاعيمها وكانو ملتهبين ..
عطاها ادويه وايد زينه .. وعطاها مغدي .. وسوا ليها فحص على اذونها .. وعطاها ادويه قال انه هم وايد زينين .. وراح يفيدونها .. رحنا للصيدليه اللي هناك واخذنا الأدويه ومشينا وكانت الساعة 2:25 في الليل ..
هدى : احمد رجعني البيت
احمد : هدى عشان خاطري .. اذا رجعتين الحين بيتكم ويش بيقولون .. بيتي الليلة ويانا على الاقل اتطمن عليش .. وسامي قايل ما يبغاش تمشين وانتين زعلانه .. بيتي ويانه وباجر بنوديش ..
منى : عاد
هدى : اوكي .. بعد لأنه موبايلي هناك واغراضي هناك ..
رحنا البيت .. وجا احمد ونزل هدى ويايي لأنها كانت مو قادره تمشي كله دوار وياها ..
ركب احمد هدى لفوق .. ويوم دخلت الحجرة وصلها للسرير وامبطحت ..
احمد : منى لحفيها عدل ولين طلعت شيل الحجاب من عليها .. وشوفي الدوا امتى واحرصي على انها تشربه واذا كانت تبغي شي لو خاطرها في شي قولي ليي وبجيبه ليها
منى : انشالله
هدى : احمد انته روح اني تعبتك ويايي وايد
احمد : اذا تتعبيني فهذي راحه ليي ... تصبحون على خير ..
مشى بينما اني فصخت هدى الحجاب ولحفتها .. وقعدت اطالع الأدويه ..
بعض الأدويه عند اللزوم وبعض الأدويه مع كل وجبه .. من باجر بنبدي .. لمده اسبوع .. وادويه الأمريكي بسرعه الواحد يصير زين ..
بعد ما تطمنت على هدى ما قدرت اقاوم اكثر .. انصكت جفوني غصباً عني واستسلمت للنوم اني بعد ..
في اليوم الثاني اوتعت هدى وصحتها شوي تحسنت .. بينما احمد قعدني من الصبح وكان يبغي يتطمن على هدى ..
نزلت تحت وجبت ليها ريوق محترم .. واكلت شوي وبعدين قالت بس .. وكل الي اكلته اقل من نص روتيه .. وعطيتها الدوا .. بعد ما شربت الدوا صارت احسن .. قامت تتكلم وتسولف .. سمعنا طق على الباب .. تحجبت ..
فتحت الباب الا هم سامي واحمد ..
دخلو روسهم
احمد : شلونش يا ورده ..
هدى بابتسامه : الحمد لله ..
سامي : مو زعلان ..
هدى : لا ابداً
احمد : حراتش شخبارها ..
هدى : الحين اوكي .. توني شاربه الدوا ..
احمد : أي عشان خاطري اشربي الدوا ..
هدى : انشالله ..
سامي : بس احمد خلها ترتاح ..
هدى : لا عادي ..
وقامو يسولفون شوي وبعدين مشو .. بينما هدى ردت نامت واني عاذرتنها .. المريض ما ليه الا النوم .. وهيه حرارتها بعدهي مرتفعة .. بس هدى كله تكابر ..
بعدين نزلت لأمي وشفتها ويش تسوي .. ورديت ركبت الا هدى اوتعت .. ودخلت الحمام .. وغسلت ..
وبعدين طلعت ..
هدى : ها ويش
مى : الحين ويش اوضاعش ..
هدى : اوكي .. الحين بتصل لجاسم يجي ليي ..
منى : لالالا امي عادتنش على الغدا ومو عدله ما تقعدين .. وثانياً قعدي من وياش في البيت
هدى : امي اليوم المبارك
منى : ارحمي روحش امس الدكتور يقول حرارتش وايد مرتفعة وبلاعيمش ملتهبه ..
هدى :ماني طايقه غدا ..
منى : امبلى عشان احمد بتطيقين ..
هدى : لالالا بكبري متفشله منه ..
منى : ماليي دخل تقعدين ويايي عن بروحي ..
هدى : ههههههههههه ..
وقعدت على السرير .. جبت ليها لاب توبي .. قامت تعوس ..
هدى : راسي يدوووووور ..
منى : الله يساعدش ..
صكت اللاب توب .. وامبطحت على ورا ..
هدى : ماني مصدقة اللي صار
منى : صدقيني عادي ..
هدى : مادري ..
منى : يالله عشان نروح الصالون .. نسوي حمام زيت .. ومني كير وبدي كير وهالأشياء باجر ..
هدى : اوكي ..
منى : ليش ما الليله بعد تبيتين ويايي .. اني احتاج احد ويايي في هالأيام .. خلاص بعد 5 ايام بصير سيده .. وبصير حرم السيد جاسم
هدى : ياي بتصيرين مرت اخويي ..
منى : هههههههههههههههههههههههههههه
قعدنا نسولف وندردش .. لين ما جا وقت الغدا .. وهدى مافيها شده تنزل تحت جبت الغداا وخليته في الصاله وخليت احمد وجاسم يجون .. وهيه بعد ..
هدى : استحي ..
منى : لاعادي اصلاً لازم تقاومين المرض ..
هدى : اوكي ..
طلعت اني وياها .. ووصلنا الصاله ..
سامي : هلا هلا
احمد : تفضلو ..
قعدنا وامي كانت مسويه الغدا محشي ..
قعدت هدى .. حطيت ليها في صحنها .. وصبيت ليها عصير برتقال ..
هدى : وايد وايد ..
منى : اكلي ..
هدى :شيلي ثلات ارباعه ..
احمد : لا اكليه كامل ..
هدى : احمد ما اقدر .. احس روحي مو طايقة ..
احمد : عشان خاطري ..
هدى : ما اقدر ..
احمد : انزين انا ماليي خاطر عندش ..
قامت تكل ملعقة وحده وتوقف .. بينما احمد ياكل مثلها عشان ما يحسسها انه الكل خلص ولازم هيه بعد توقف .. واني بعد اتبعت هالسياسة .. بينما سامي بارد من اساس ..
وشوي شوي .. نزلت هدى الصحن ..
هدى : الحمد لله ..
اكلت حوالي اكثر من الربع واقل من النص ..
بس اني ما كنت حاطه ليها وايد
احمد : عاد هدى اكليه ..
هدى : احس روحي مو طايقة .. وطعمه مر .. واكلت كل هالملاعق عشانك ..
احمد : انزين بس 10 ملاعق ..
هدى : لالا وايد وحده بس .
احمد : اوكي واحد وضيفي قدامه صفر .
هدى : لالا
سامي : جدي تكسرين بخاطر اخويي .. يالله اكلي 10 ملاعق ..
حملت الصحن وقامت تاكل كل ملعقه عن نص ملعقة ..
احمد : اشحنيها ..
هدى : لا جدي اوكي .
قامت واكل عشر ملاعق .. وخلص نص الصحن ..
احمد : أي هذي هدى اللي اعرفها .. يالله اشربي العصير
هدى : لا مر
احمد : لا مو مر بس انتين مريضه . اشربيه بنيه الدوا ..
وشربته .. كل هذا عشان احمد ..
خلصت الغدا وجبت ليها الدوا .. وشربته مسكينه .. تتحمل كل شي .. ولما خلصت راحت الحجرة ترتاح .. اني اكره فترت المرض .. وهيه مقبله على خطوبتي .. واني ما امبيها تمرض اولاً هي تومي ما اقدر استغني عنها .. وثانياً خطوبها اخوها حرام ما تحضر ...
اما اني فرحت اتمدد بعد لأني ما نمت شي .. الساعة 4 يوم انام .. وقعدني احمد الساعة 7 ونص .

انتهى الجزء واتمنى اكون اوفيت

الجزء السادس والعشرين

نبذه عن هذا الجزء :
قربت الساعه والليله حنا منى .. واليوم رايحه الصالون .. بينما هدى وياها والحمد لله الله من عليها بالعافيه والصحة ..
احمد متشوق لزفاف اخته ..
بين احمد وهدى مشكله لا توصف
جاسم سعادته لا توصف وكل يوم مجهز ليه بدله بدلتين عشان يكشخ ابهم ..
عبدالله احواله طيبه وينتظر دعائكم عشان يقدر يمشي عدل ولأي مسافه مثله مثل أي انسان عادي .. وينتظر بت الحلال .
سامي انسان مرح وعطوف ولازال بهذي الطباع .. وابداً ما يفكر في الزواج الا ليين استقر في البحرين
منى
البيت
------------------------
شعور لا يوصف .. باجر اكون حرم السيد جاسم .. ياربي مو مصدقة .. على قد ما اني مستانسه على قد ما متظايقة .. ما بكون في بيت ابويي .. انما بتكون عليي مسؤليه بيت .. ومسؤلية الزواج ابداً مو سهلة
طلعاً اني وهدى واللي موصلنه سامي مسكين توه من جم يوم موصل .. لكنه خدوم ..
وصلنا صالون آنسه البحرين .. وكان بعيد وين ما غوى بليس ولده ( سترة ) .. قلت لأحمد يوصلني بس كان مشغول بالخيمه وهالسوالف .. والله الصراحة ما اقدر انكر فضله ..
احترت وينه اروح في العرس .. وخصوصاً انه الصالونات اللي في البحرين كلها مأساه .. خاطري في صالون فنتاستيكي .. مافي مثله .. قالت ليي هدى عن الشيروتون .. بس اليي يحطون ريال .. واني لايمكن لايمكن اني اروح اخلي ريال يلمس ويهي عشان ليله من العمر .. بس قالت انه هي تعرف بنيه هناك .. مو عربيه لكن مكياجها روائع ..
اني قلت ما بوصل وبرح يمكن المكان مفتوح على بعض مكس ريال ونسوان ...وهذا هو ...
بس يصير تسوي ليي في حجرة خاصة .. واني متحيره حدي .. وماعندي مكان .. ولحد الحين بس احجز من مكان لمكان ولا ثبت .. بس اذا بروح الشيروتون بخلي احمد اخويي يروح ويايي .. وخصوصاً انه هدى حاجزه ليها هناك بس اني مو اكيد ..
بس سألت وعرفت انه الرياييل وايد يحطون احلى .. واني من سابع المست(((ات والشي اللي ابداً ما يطري على بالي اني اخلي ريال يلمس ويهي .. وهدى بعد .. اصلاً اني قلت ليها .. او تدرون شوفو حديتنا
منى : اني حجزت في سلوى والعفراء وصفاء .. ولا لاادري من اروح
هدى : اني حجزت ليي في الشيرتون
منى : آه يالخاينه ليش ما تقولين ليي ..
هدى : ما سألتيني ..
منى : انزين حليو
هدى : اني شفت وحده حاط ليها ريال بس فضيع وايد وايد وايد وايد ايجنن .. ملائكي فن ..
منى : وانتين تسمحين لنفسش تخلين ريال يلمسش .. ما هقيتش جدي ..
هدى : هذا ظنش فيي صدق انه افكارش سوده .. اني آخر عمري اخلي ريال اسود ويه يلمسني وعشان ليله من العمر .. لو هو عرسي ما خليت اجنبي يلمسني مو بعد خطوبة اخويي .. اصلاً لو يقولون بنخليش اغنا وحده في العالم بس الريال يلمسني ما ارضى . والحين انتين ياييه تخليني جدي .. افا بس افا

منى : لا والله بس لما قلتين ريال حاط لبنيه قلت يعني انتين بعد ريال رغم اني استبعدت هالشي بس مادري ليش ..
هدى : المهم الحين احنا رايحين الصالون .. اني بروح الشيرتون باجر بتجين ..
منى : قلت ليش اني وينه حاجزة ولا ادري وين اروح ..
هدى : تعالي ويايي اظمن ليش انش بتطلعين روعة ..
منى : صدق
هدى : وخصوصاً انش حفيتين حواجبش يعني تغير شكلش ..
منى : أي جاسم ما شافني بالشكل الجديد ..
هدى : طلعت ملامحش اكثر .. وبين شكلش اكثر .. وظهر جمالش ..
منى : احم احم تشكرين ..
هدى : والشعر بعد يسوونه حليو ويسحبونه رغم انه احنا ما نحتاج .. بس اذا تبغين ريال ايقصه ليش ويعدله . اني اشوف اللي يروحون هناك .. كله ما يستحون ..
اني الا فقيرو .. ما اروح هالأماكن .. بينما هدى بت عمتي كل مكان تروح .. يمكن ابويي بخير ولله الحمد .. بس ما يملك نص اللي يملكه ريل عمتي .. ماشاء الله هم بخير بخير وزياده عن هذا من العوائل المعروفه في البحرين .. وهذا اللي يخليهم دوم هاي .. لكن الصراحة اللي يجوف هدى ياحليليها والله ما يصدق انهم اغنيا .. كل شي عندها عادي وسطحيه ولا فيها ذره غرور .. وبالإضافة الى هذا وفي وجهة نظري انها جميله جميله جميله .. وبعد شعرها ناعم ناعم يتطاير مثل الريش .. واخلاقها مافي عليها .. رغم انها شيطانه وملسونه .. وبعد تحب اخويي والله يستر عقب هوشة بسيطه ويش تكون المشاعر .. لكن مادري امتى يعني بيرتبطون ابعض .. المشكله اذا ارتبطو الحين في احتمال كبير انه بت خالتي سلوى تسوي في روحها شي او تنتحر .. لأنها من صغرها تحب احمد .. ولما خطبها حبته بجنون .. ولما فصخ الخطبه جتها الحاله النفسيه .. وصارت تشوف في عيون احمد الحنان بينما هو يشربها كل حقد .. صارت مواقف وايد لأحمد من سلوى وهذا اللي يخليه يكرهها كل هالكره ... والله الصراحة احمد ابداً مو حقود وابداً ما يحمل في باله .. بس هي صدق سوت ليه مواقف واني بعد كرهتها .. اذكر مره امي يايه لأحمد وبكل عصبيه .. وعيونها تطلع شرار .. وكلامها اخس من السم .. ولما سألناها عن السبب
امي : اسألي مسود الويه .. هذا مسود ويهي ويه خالتش وبتها .. اني خطبتها ليه قام وفصخ الخطبة .. والحين يتعرض لبت الناس بوصت الشارع ..
احمد : انـا !!
امي : أي .. وخليت البنيه تفتشل واشوه الشارع مافيه احد .. وانته ما تستحي .. يعني بالحلال ما تبغيها !!
الكلام اللي كانت تقوله امي خطير خطير .. احمد في هالحظة فقد اعصابه
احمد : انتين تتكلمين عن من ؟
امي : بعد عن من البنيه المسكينه اللي عايشه وياك عذاب
احمد : انا يا امي ما سويت ليها شي
احمد : يعني اختي بتجدب ؟؟ عيب استح اني عمري ما ربيتك جدي .. فاهمني .. اني عمري ما ربيت ولد وصار بسواده ويهك .. مفشلني قدام كل الناس .. امس سلوى يايه وتقول شفته يرقم بنيه والبنيه تركض عنه .. واليوم بعد خالتك تقول متهجم على بتها .. ما تستحي ..
احمد : انا يا امي تصدقين عني هالكلام .. انا تربيتش ..
امي : هذي المشكله اني ربيت وسهرت وفي النهايه طلع واحد دمران تعبان ما يستحي على ويه يغازل البنات
هنيه اني ما بسكت واخويي يوجهون ليه هالكلام
منى :ويا امي مع احترامي ليش ولأختش وبتها بس ما لاحظتين انه اللي قال عن ترقيم احمد لبنيه هي سلوى واللي قال عن تهجم احمد على سلوى هي امها .. ليش يطلعون كل هالكلام .. وان كانت صادقه تقول امتى ..
امي : تقول امس
احمد : ظهر الحق .. ظهر الحق .. انا امس طول الوقت ويه جاسم .. لين الساعة 3 الفجر .. ومافي بنيه بتطلع من بيتهم 3 الفجر .. ويوم اروح لجاسم 6 الصبح .. وكنا نضرب السياره باليس ..
طلعت امي وهي محتارة بس الحمد لله ..
هذي كانت من اولى المشاكل .. وآخرها كان امس .. مشكله اكبر من كبيره .. اني وهدى رايحين جيان دخلنا واشترينا اغراض كنا محتاجينها .. بنحطها في سفره العجم .. طلعنا وكان في ويهنا ستار بوكس الا يطلعنا على الدري .. وشفنا شكل مألوف قاعد ويه بنيه وبعدين عطاها شي .. والبنيه قعدت تبتسم ليه وهو ردها ليها .. بس مادري ويش عطاها .. يمكن رقم .. بس اظن رساله .. !!
ولما شفناه كانت الصدمة العوده انه احمد ما غيره .. والصدمه الأكبر كانت على هدى .. مباشرة راحت ليه وقامت تهزأه قدام العلا والملا .. لأنه اني ما صدقت عيوني .. احمد مست((( يسويها .. مستعده اكذب عيوني بس ما اشك في اخويي .. شرفه من شرفي ..
تقربت منه هدى ولما شافها بينت الصدمة اوضح من الشمس على ويهه
هدى : انته يا احمد .. انته اللي تتسلى بمشاعري وتقعد ويه غيري ويمكن تكلم غيري .. الا اكيد .. دام اشكره قدام الناس قاعد تكلم وحده بعبايه وشال .. الله يستر من ورانه ويش ..
احمد : هدى قعدي وبنتفاهم
هدى : أي تفاهم .. انته قتلت شي اسمه تفاهم .. اني كنت مستعده اواجه العالم كله عشان ادافع عنك وعن سمعتك .. الا عيوني لين شافت شي .. وخصوصاً اني شفت في ايدك رساله .. رساله يا احمد وعطيتها اياها ! وبعدين ضحكت ليك .. وقامت عنك .. ليش تسوي جدي .. ليش ما ترحمني .. جان صارحتني انك لعيب .. من دلين اللي يكلمون وحده .. ويلاقون وحده ويلعبون براس مليون وحده وبعدين يقرر يخطب وحده لا كلمها ولا كلمته ..
اول شي كان كلام هدى هادي .. واستغربت من اسلوبها .. اول مرة هدى جدي .. وبعدين نزلت منها دمعه ..
هدى : دموعي غاليه وما تسواك عندي من اليوم .. وما بطيحها عشان واحد مثلك .. اني لو حبيت عبدالله يمكن اكون في خير ..
هنيه عصب احمد .. وبي .. احمد اذا عصب
احمد : هدى اكرر قعدي خلنا نتفاهم
هدى : اني .. اني ما تعنيني شي وما امبي اتفاهم وياك ..
ومشت عنه .. حسيت انه احمد مهموم ومعصب .. بس مثل ما قالت هدى نجدب العالم كله بس ما نجدب عيونا
مشت عنه بينما اني واقفه اطالع المشهد .. ركض احمد ورا هدى وسمت ايدها ..
احمد : انتين ما تستحين .. تقولين عني هالكلام بدون حيا وقدامي ..
هدى : وانته تقعد ويه بنيه قدامي .. وتعطيها رساله .. وقاعد قبالها .. جان قعدت جنبها احسن .. والله ما ينوثق فيكم .. انتون تماسيح .. واحمد ربي مليون مرة اني كشفتك قبل ما اتورط فيك ..
احمد : احترمي نفسش .. انا ما عليت صوتي عليش قدام الناس بس مو تخليني اعليه ترى والله
هدى : كمل ويش بتسوي .. كل تهديداتك ما تهمني .. اني في طريق وانته في طريق .. عادي .. اذا عندك بعادي عيد ترى عندي جفاك اعياد ..
من وين جابت هدى الجرأه .. ومن وين هالقساوه .. حسيت في لحظة اني تعبانه .. خساره هالحب تدمر .. معقوله هذي نهايه كل حب بريء ..
بدت نبرت احمد تعلى وايد لدرجة انه الناس كلهم دارو ..
احمد : روحي في الطقاق .. انجان هذي ظنونش وافكارش فيي انا اللي ما ابغاش ..
هالكلمات كانت اكبر صعقة لهدى .. واللي خلاها ما تدلي حتى طريقها .. مباشرة مشت عن احمد بعد هالفشيلة .. معقوله احمد يقول لهدى جدي ..
توها بتمشي ..
احمد : ولعلمش .. انا ما كنت مثل ما تقولين بس اذا تبغيني اصير جدي بصير .. وبكلم بنات ومن الحين وبتشوفين .
هدى : انته ما تهمني ولا امبيك شريك حياتي واني اكرهك .. وماني طايقتنك ..
احمد : لما قلتين هالجمله .. انا بتزوجش .. بس عناد .. عشان اكسر خشمش .. عشان اذلش .. بتزوجش وبتشوفين .. ابخليش خدامه تحت ريولي ..
انصدمت .. ويش صاير .. لالالالا اكيد اني في حلم .. ياربي اكون في حلم .. حرام عليهم ..
مر علينا سامي بينما هدى مو قادرة تمشي لو ما اني ميودتنها .. ومسكين سامي وايد عوره قلبه يوم وصلنا هدى وقلت ليه السالفة .. بس ويش اسوي .. اليوم قعدت وما كانت عندي جرأه اني اتصل لهدى اسألها بتطلع او لاء .. بس هيه اتصلت وكان صوتها عادي .. وشفتها وكانت عاديه .. ما توقعت هى جدي .. بس لما ركزت في نظراتها .. شفت العذاب .. شفت في عيونها ذبول وتعب .. طالعتني بأنكسار على اللي قاله ليها احمد .. رغم هذا ما تفكر تتنازل .. بالعكس دائماً تبين انها قويه .. واني اعرف انه لا احمد يستغني عن هدى ولا هدى تستغني عن احمد ..
اليوم ابداً ما طرت الموضوع واذا اجيب طاري احمد تغير الموضوع .. صدقوني تحبه .. الا تموت عليه .. بس صدمتها قويه .. وبقولها ليكم .. لو اشوف جاسم ويه بنيه مباشره بقول ليه قبل لا تعقد عليي لا اعرفك ولا تعرفني .. المشكلة مو قاعد وبس .. الا عطاها رساله . وابتسمت ليه وردها ليها .. معقوله كل هذا منك يا احمد .. اليوم احمد قعد من النوم والا مسكين ما نام .. قعد طول الليل يفكر واني كل حين اطل عليه .. لين ما غلبته عيونه وغمض .. مسكين قعد اليوم بكل ارهاق .. بس يبغي ينسى بالشغل اني مو مستوعبه اللي صار .. امبي اكلم احمد بس ما عندي الجرأه .. ما اقدر اكلمه .. مادري ليش .. واحمد رغم اللي شفته لكن اني قلبي دليلي .. وقلبي يقول ليي انه احنا قسينا على احمد وانه ما سوا شي ..
اليوم يوم شفت هدى وشفت عيونها أي قد دبلانه .. هالورده دبلت .. صارت عصبيه .. وكارهه حياتها .. وتحس نفسها مغشوشة .. وخصوصاً انه لحد الحين ما عرفنا قصت احمد .. واحمد .. آه من احمد .. اليوم يوم شفته كان تحت عيونه اسود شوي .. وشنبه بدا يطلع .. ووياه صداع .. وحالته حاله .. بس ما استسلم .. تعدل وطلع راح يجهز لخطوبتي .. امبي اعرف ويش قصته ..
وبعدين يوم اتصلت هدى قلت ليها بنروح ويه سامي .. ولما قلت ليها سامي وافقت .. ومرينا عليها .. وفي الشارع كانت تتكلم عادي .. نبرتها عادية .. وتضحك .. لكن عيونها فاضحتنها .. هدى مو هذي هي .. ويبين عليها انها تعبانه من عيونها .. واللي يشوها يقول حامله هموم الناس كامل .. بس اظن انه همها ما يوازي هم كل الناس .. اصعب شي انه الأنسان يكتشف انه حبيبه يخونة ..
واني ماني مصدقة على اخويي .. وامس ويش صار لينا في المجمع .. الكل دار لينا .. احمد .. هدى .. ويش مصيركم .. هل هو الفراق ..
وصلنا الصالون ونزلنا .. نزلت فستان الحنا .. بينما هدى بدله راقيه عباره عن تنوره قصيره وفانيله ستايل ..
منى : يالله هدوي ..
هدى : آه ( تنهمت ) انشالله
ياليتش ما تقولين الـ آه يا هدى .. عورتين قلبي .. ومادري بويش اخدم هالحب .. عساه بروحي اني مستعده .. احمد وهدى حبهم يفوق الخيال .. ,مو عشان وحده قاعده ويه احمد يتدمر ..
تنهمت اني الثانيه ونزلت الصالون ..
نزلنا وهدى شوي شوي بدت تتغير لكن نظره عيونها والحزن اللي يكسوها ما تغيرت ولا يمكن تتغير ,, اشوف فيها العذاب والويل والحب والوله .. أي رغم اللي صار . الا اني لين اذكر اسم احمد قدام سامي مباشره تفتر صوبنا او تغير حركتها . هدى انقلبت 180 درجة .. رغم انه عمرها 17 ونص الا انها صارت مره .. وهمومها اكبر من هموم النسوان .. واللي يشوفها ماشالله عودها قوي .. وعندها جرأه وطبخاه واخلاق وجماه وكمال .. يعني كل ريال يتمناها ..
نزلنا الصالون وعلى حطنا انه مقللين الزباين لأنه في وحده تعدل كانت بتسافر .. وبعدين صار سفرها باجر فصارت حجوزاتنا اوكي ويوم نطلع كانت الساعة 7 ونص .. ومافي احداث تذكر هدى دومها ساهيه وتفكر .. واذا قلت ليها عن احمد تقول ليي هالأنسان ما احب طاريه .. وتثور .. بس الله يستر ..
طلعنا من الصالون وكل وحده احلى من الثانيه .. بس بصراحة لأني حاافه فصايره غير .. رغم انه هدى حواجبها محفوفة ( من الله ) يعني هي خلقتها انه حواجبها حلوين .. بس اني بعد غير .. وطبعاً كل وحده عندها روحها احلى ..
مر علينا سامي مسكين من اول ما وصل استلمناه .. واحنا في الطريق .. الا احمد متصل لسامي .. وسامي تعمد انه يخليه بالسبيكر بس ليش مادري .؟؟
سامي : هلا الحمد ..
وبس قال جدي لاحظت انه هدى اللي كانت مندمجة في الدريشه فرت راسها لسامي .. معقوله هالقد حبها بس تكابر .. لكن هو الغلطان .. هي بعد غلطانه ما اخذت منه السالفة .. بس مافي سالفه تخلي احمد يقعد ويه بنيه في مكان عام ..
احمد : هلا سامي ..
سامي : وينك
احمد : اجهز لخطوبة اختي ..
سامي : ايه .. المهم انا عقب شوي ياي ..
احمد : ليش وينك
سامي : مرجع البنات من الصالون
احمد : الله يعينك على حشرة ناس !!! والله يساعد قلبي على حب ناس ..
سامي : احمد بتصل لك بعدين ..
احمد : بس دقيقة .. اذا تقدر توصل للي وياك انه انا لايمكن اذل نفسي وخصوصاً اني كنت مستعد اشرح ليها الموضوع .. وبعد قول ليها انه انا مو من النوع اللي يأذي بنات الناس بس اذا تبغي بصير .. وبدي بأولهم هي ..
سامي : احمد انا ما بقول ..
احمد : ارجوك قول .. ابكسر خشمها .. مادري على ويش مصدق عمرها .. مثلها مثل أي بنيه ..
سامي : تقدر تقول ليها هالكلام ..
هدى : الكلام وصل استاذ احمد .. واني ابادلك مثل الشعور ..
الكل صخ .. حتى احمد .. وبعد شوي سمعناه يقول ..
احمد : زين بعد وصل بهالسرعة ... بس انا اقصد كل كلمه اقولها .. ولما شرشحتيني في المجمع بتندمين على هالشي وايد .. وبيكلفش عمرش .. ومستقبلش
هدى : ولا ترد على لاسفيه جواباً
احمد : معلومة جديدة تباعدني عنش .. انه الفاظش سوقية ولله الحمد ..
هنيه سكتت هدى بهدوء .. واحمد صك التلفون .. اني مو مستوعبه اللي صار .. بينما اكتشفت انه سامي دائماً يتكلم بالسبيكر .. بس حرام والله حرام .. يهال ..
وصلنا البيت ( بيتنا ) بينما هدى نزلت وراحت حجرتي .. دخلت ..
منى : يالله هدى البسي ..
هدى : ما بلبس ..
منى : لاويه
هدى : بس ماليي مزاج اطلع واللي ما يتسمى المغازلجي راعي البنات خرب مزاجي ..
منى : لهنيه وبس ترى هذا اخوي .. واني لايمكن اني اسمح ليش تتكلمين عنه بكلمه هالطول .. ولا تنسين انه ( انا واخي على ابن عمي ) .. واني حتى لو بصف ويه اخويي .. انتين وايد ظلمتينه ما خليتين عنه راعي بنات ولا مغازلجي ..
هدى : عيل ويش تسمين قعدته ويه بنيه ويعطيها رساله ممزوجة بأبتسامه بينما اني اللي طايح حظي بس يقول ليي كلام حلو عشان يسكتني ويتسلى .. اخوش ما يستاهل حبي .. وما يستاهل دفاعش عنه .. خاني وخانكم .. الكل ظن انه هو يحبني .. وبعدين .. بعدين طلع جداب .. يقعد ويه وحده ويمكن يكلم الثانيه ويرقم الثالثة .. وهذا غير بنات خالاتش .. ويمكن حتى سلوى يحبها بس يجدب عليي وكلامها هي الصح .. اني ما عدت اصدق شي .. ولا اوثق في احد .. حتى انتين .. رغم انش شفتين اللي شفته .. بس للأسف وقفتين ويه اخوش وانتين ما تدرين باللي سواه وتركتيني .. وين الصداقة كلها ولت عشان اخوه مزيفة خلتش تنعمين .. احمد .. اكره هالإسم .. وخساره على كتبي اللي كانت مينه اسمه وحرفة .. خسارة على قلبي اللي انحفر فيه هالأسم رغم انه من حديد .. بس للأسف صدى وتلف .. لأنه احمد عرض ليه الماي بمشاكلة .. اخوش ما راعاني .. ولا قدرني .. تخيلي بكل عيون قويه يطلع رساله من جيسه ويعطيها اياه .. تبغيني اتكلم عنه عدل .. وتبغيني اوقف اعصابي .. اصلاً اني خلاص .. كرهت الريال .. وكلهم تماسيح .. كلهم ذئاب .. الله يلعنهم ..
منى : ما فكرتين انه احمد مظلوم .. ما فكرتين انه ((( مشكلت وحده
هدى : منى اسمحي ليي بس ما توقعتش جدي .. يعني ريال طول وعرض بيقعد يحل مشكله وحده في ستار بوكس كافيه قدام العلى والملا وبيطلع ليها رساله ووياها ابتسامه .. يعني وينه تصير .. اخوش جداب .. ومن اليوم ورايح ما امبي اسمع صوته .. ولا اشوفة .. وياليته يموت .. يموت وافتك من شوفته .. حبه في قلبي صار شي مست((( .. اني صرت احقد عليه مو احبه .. وصار هو من الشباب اللي اطالعهم بكل سخريه لين لعبو عن البنات .. والليله اذا رجعت البيت بقول لجاسم يقول لأحمد اني مو موافقه عليه ولا بوافق وبكمل دراستي وبدرس في الخارج .. واحمد ما بيهزني .. يمكن يهز قلبي ولا زال .. يمكن احبه ولا زلت .. لأنه الحب ما يموت بين يوم وليله ... لكن مرده بيندفن .. وبيكون مثله مثل أي ميت ..
حسيت بألم وطلعت عن هدى .. طلعت فكرت ازور احمد لأنه رججع البيت بس مو قادره .. والليله كانت مخططاتنا انه هدى تبيت ويايي لأنه بتكون متحنيه بس هدى من الحين بتمشي .. تنكدت عليي هالليلة .. واحس انها اتعس ايام حياتي ..
نزلت لأمي .. ولما شفتهم يجهزون القدوع ركبت لهدى الا هي داخله في دوامة في الصياح بس مادري ليش هالغموض ومو راضيه تقول ويش فيها

هدى
البيت
------------------------
لا ليلي ليل ولا نهاري نهار .. بعد مشكلتي ماني مصدقة .. احس اني في كابوس واتمنى اني واتعي منه .. رجعت بيتنا عقب اللي صادني .. تمنيت اني اقدر ادافع عن احمد .. تمنيت اني اقدر اقول للعالم انه بريء وانه افكاره طاهرة .. تمنيت اقول لقلبي انه سيدك هو ولازال هو .. بس في مثل الوقت حسيت بكره اشد من الشديد لأحمد .. احس انه هو عدوي .. صار خاطري انتقم .. بس لما اذكر ملامحة اضحك .. قعدت اتذكر موقف صادني .. يوم كنت صغيرة بت 10 سنين ..
طلعت من البيت وطبعاً ما كنت متحجبه في ذاك الوقت .. اني ومنى .. رحنا الدكان واخذنا مينوة وحلاوة وبيبسي .. صرفنا بيزات وايد على هالأكل .. طلعنا ورحنا نتمشى .. كنت عادي نتمشى وخصوصاً انه بيتنا ماصوبه بيوت .. بس صوبه حديقة وحشيش .. رحنا قعدنا اني ومنى .. وبكل هباله .. طبعاً اني شعري مفلول .. بينما منى مجدون وشعرها كان ولازال طويل .. كان يوصلها اسفل ظهرها وبشكل مرتب .. طبعاً احنا كنا مغافلين امي لأنه ما ترضى .. ولما وصلنا الحديقة قعدنا ناكل فتحنا الأجباس وحطيناهم على بعض .. صدق هباله .. جانه ياهل شيطان .. اكبر منا بكنتين يعني عمره حوالي 12 سنه .. ونفر عنا الجبس في الرمل وعلى الحشيش .. اني قمت بصطره بس دزني على الأرض .. بينما منى قامت تصيح لأنها دافعة بيزات وايد .. وبالصدفه شفت احمد مار .. وبس شفته رحت ليه وكأنه سلاح ليي
هدى : احمد انته تحبني وتحب منى
احمد : أي اكيد
هدى : انزين علوي ولد جيرانا جا ليي ولمنى وجب الكاو والجبس والبيبسي مالنا .. ومنى تصيح .. لأنه ضربني ..
احمد : يضربش وانا ريال .. الحين اهزأه .. انتين بس لو اشرتين ليي انا اجي ..
استانست ومشت وراه كحاميه ..
هدى : هي هي علوي اني ما اخاف منك واكو ويايي احمد ..
علوي : احمد انا ما ضربتهم ..
هدى : جداب وكبيت الجبس والكاكو نعايم الله ..
احمد : جم كلفكم الجبس والكاكو ..
هدى : دينار وربيتين ..
احمد : الحين اعطيك كف فاهمني .. محد يلمس البنات وانا الريال موجود .. والحين بسرعه تعطيني دينار وربييتن
علي : ماعندي ..
احمد : ماليي خص ..
علي : انزين امي عاطتني مصروفي انا واخواني ابعطيكم اياه ..
احمد : ماليي دخل بس تعطي البنات بيزاتهم
علي : بس اخواني ما بيصير عندهم بيزات ..
احمد : وهالبنات ما فكرت في اكلهم ..
علي : بس احنا ما عندنا بيزات وامي عطتني هالبيزات حق طول الأسبوع .. ,اشتري فيهم اكل لأخواني
احمد : بسرعة جيبهم
نطيت عليه اني
هدى : لالا حرام ما نبغي بيزاتهم .. بس اضربه ودزه على الرمل مثل ما دزني ..
احمد : انشالله ..
وراح ودزه على الرمل رميه قويه بحيث طيحته وعاص شوي في الرمل ..
علي : والله ما اعودها
احمد : ادلف عن وجهي .. هذلين بناتنا مو لعبه ..
ومشى علي مسكين رغم انه كسر خاطري .. واني كنت قاعدة على الأرض الايم البيبسي والكاكو اللي ما طاح على الارض .. قعد ويايي احمد ولايمه وبعدين مد ايده وقومني .. وحط ايده في ايدي ..
احمد : اذا احد تعرض لي او ضربش بس قولي ليي
هدى : مشكور احمد .. والله انك ريال ..
استانس احمد بينما احنا ككنا يهال .. اني عشر سنين .. احمد اثنعشر سنه ما كملهم ..
دخلنا البيت واني مستانسه وبعدها ايددي في ايد احمد ..
حسين اللي كان عمره 17 سنه
حسين : اوه ويش هالمحبه اللي نازله .. عيل هدى ميوده ايد احمد ..
هدى : والله اني طول عمري احب احمد .. واحمد هو بطلي ..
حسين : اوه اوه .. ياعيني على الحب عيل صرت بطل يا احمد ..
اححمد : عيل ويش تحسب دافعت عنهم .. وهدى بعد شكرتني .. اصلاً هدى ومنووه يستاهلون لأنهم حبايب قلبي
حسين : يهال وهذا كلامكم ..
احمد : احترم نفسك انا ريال .. وعن 10 ريا((( مو هدى
هدى : أي صدق ماشفته جيفه هزأ علووه ولد جيرانه ..
حسين : عيل بطل
منى ( اللي كانت غلطه في السين تقوله ثاء ) : أي بطل .. انته ما تدري احمد دث علي ولد جرانهم واني كنت اثيح بث يوم شفته اثتانثت
حسين : بس بس فهمت ..
احمد : انا كله بدافع عنهم .. لأنه انا احب هدى وبتزوجها ..
حسين :كلام خطير
هدى : اذا انته كله جدي شجاع بتزوجك وبحر علووه ولد جيرانه لأنه كله يغايضني .. وبحر محمد ولد عمي اللي كله يتلصق .. اصلاً اني محبوبه بين الكل ..
منى : اني بعد الكل يحبني .. اثلاً احمد ما حبش الا لأنش رفيقتي .. والله هو ويش يبغي بوحده هبلى
حسين : ههههههههههههههههههههههههههههههههه
احمد : هدى مو هبلة ..
هدى : أي احمد انته احسن واحد ..
كنا كله جدي .. بس يوم اللي يتآمر احمد وجاسم علينا نطلع من دين الأسلام .. يسوون مقالب شيطانيه .. اذكر مره .. رحنا مزرعه خالي ابو احمد ( يوسف ) واني كنت متهاوشة ويه احمد .. وجاسم وقف ضددي وصار ويه احمد .
جاسم : أي صدق هدى انتين الغلطانة ..
رحت اصيح وبعدين جا جاسم ..
جاسم : انتين كله تنوحين
هدى : ماعندي اخو عدل يوقف ويايي
منى : انته ما تثتحي .. تخلي اختك وتوقف ويه ولد خالك ..
جاسم : انجبي انتين كفايه غلطتش مو بعد تتكلمين ..
رغم اني كنت اصيح
هدى : كل شي الا اختي ما ترضى تغلط عليها ..
جاسم : من امتى اختش .. هذي حدها غلطة ما تعرف تتكلم
هدى : ما اسمح ليك ..
منى : على الأقل اعقل منك ..
مشى عنا جاسم وهو معصب .. وبعدين دزو لينه سامي وصدقنا .. لأنه سامي طيوب واحنا نحبه ..
سامي : هدى منى تعالو نلعب ..
هدى : أي اني احب العب وياك
سامي : انزين روحو عند حظيرت الدجاج عند الباب وانا بلحقكم ..
رحنا نتراكظ مستانسين .. لأنه سامي كان عمره 15 بس يلعب ويانه يعني عظمة ..
رحنا ووقفنا من هبالتنا .. كان قفص الدجاج مفتوح بس الدجاج داخل ياكلون .. واحنا واقفين قدام الباب .. جا احمد ودزانه داخل الحظيرة وقفل الباب .. عاد اني شويه ها ما اخاف .. صدق انه اني اموت اذا قربت ناحيتي دجاجه بس اهون من منى .. وبس صكو علينا وتقربو الدجاج منى بدت هدى بصراخ هستيري .. واني اهديها ..
جا سامي يركض يبغي يفتح لينا بس قفلوه واخذو المفايح .. هذاك الثاني راح لأبوه .. وجا خالي مقهور من الي سووه الشباب وخصوصاً انه منى تصيح بصوت عالي .. لما فتح لينا بالسبير ..
طلعنا
خالي : ها صادكم شي يا بنات ..
وبس قال جدي لا شعوراً جتني الصيحة .. نزلت مني دمعه وكأني احس من صغري بألمي ..
هدى : احمد ما يحبني .. وجاسم اخويي وقف ضدي .. احمد كله يقول ليي يحبني واليوم دزني في الحظيرة .. اصلاً لو يحبني ما سوا جدي ..
نزلت مني دمعه بكل برائه .. والجو كان بارد شوي .. وفيه هوا .. هذا اللي يخلي شعري يتطاير بأتجاه الهوا ..
جا ليي سامي رغم انه كبير كان في الأعدادي .. حبني على راسي اني ومنى وحظننا ..
سامي : لا تصيحون ترى انا ما اقدر اشوف دموعكم .. لأنه فرحكم هو فرحي وحزنكم هو حزني .. ومسح على راسنا بكل حنيه ..
في داك الوقت حبيت سامي من كل قلب وحسيت انه العطوف الحنون ..
لما رجعو احمد وجاسم حصلو زمرات من خالي وقال ليهم مرة ثانيه ما بيجيبهم الا اذا اعتذرو .. بينما سامي قال انه هم قايليين ليه ( احنا نبغي نلعب ويه البنات بس ما بيرضون عشان جدي روح انته وقول ليهم انه بس انته اللي بتلعب .. )
وهذا الي دفعه يجي لينا والله سامي من يوم يومه حنون وقلبه طيب وعطوف واهم شي عنده الأطفال محد يزبر عليهم او يهينهم ولازال بهالطبع ..
تذكرت جملتي واني صغيره [ احمد ما يحبني .. وجاسم اخويي وقف ضدي .. احمد كله يقول ليي يحبني واليوم دزني في الحظيرة .. اصلاً لو يحبني ما سوا جدي .. ]
هذاني اكررها الحين بس لموضوع غير غير غير ..
مشيت دموعي وتذكرت ذيك الأيام .. رغم كل شي الا انها احلى الأيام .. اتذكر انه كل اسبوع احمد وسامي يبيتون في بيتنا .. واحنا الأسبوع اللي عقبه .. اذكر مره احنا في بيتهم .. دخلتني منى حجرة احمد اللي كان عمره حوالي 15 .. يعني شب وقام يميز .. بينما اني 13 ولازلت مو متحجبة ..
دخلت حجرته وشفت كله رسايل مكتبه وبعدين مكتوب ( إهداء الى هدى ) استانست رغم اني في ذيك الوقت احب عبدالله .. بس كنت استانس لين اشوف احمد واتمنى اشوفة مادري ويش هالحاله .. احس بحبي لواحد .. وشوقي للثاني .. بس الثاني غلب .. وفي هالأيام لا خيرة الله في الأثنين .. رجعت الى همي ونسيت حلاوة الطفولة اللي ولت بأحلى الذكريات .. رجعت ليي جمله احمد [لما قلتين هالجمله .. انا بتزوجش .. بس عناد .. عشان اكسر خشمش .. عشان اذلش .. بتزوجش وبتشوفين .. ابخليش خدامه تحت ريولي .. ] حسيت بألم هالجملة .. وبقساوه هالجمله .. اني يكسر خشمي واكون خادمه ليه .. تغيضت .. قعدت اصيح .. وبعدين مسحت دموعي .. انسان مثل هذا دموعي خساره فيه .. وهو ما قدرني .. ولا راعاني .. وقعد ويه بنيه .. اني بدمع عليه ..
استسلمت للنوم وقعدت الصبح بصداع قوي .. وعيوني تخرط دموع بس ويش اسويي .. ما عندي حل .. غير اني اكون قويه .. وما ابين لأحمد حاجتي اليه .. ما برجع ليه ذليله .. هو اللي يجي ليي ذليل .. اتصلت لمنى وقالت بتمر مع سامي وحمدت ربي مليون مرة لأنه لو احمد انجان ما رحت .. ركبت السيارة وسلمت ردو السلام وانطلقت .. لاحظت انه منى تطالعني في المنظرة بين كل فتره .. كانت فيي صيحة .. تمنيت اروح اركض لمنى وهيه تركض ليي وتدافع عني مثل اول .. الا انه للأسف اني ادافع عنها بس هيه .. منى تغيرت وايد .. وخصوصاً من ناحيتي .. صارو اخوانها اولى من توم روحها .. وتدافع عن اخوانها وتطلعني اني الغلطانه .. معقوله الدنيا جدي تغير .. نزلنا الصالون .. بعد ما تنهمت بكل كدر وقهر . سويت ليي مكياج بدون نفس ومادري ليش مسوتنه واني ما بنزل اليوم ..
خلصنا واني انتظر منى واني ساهيه وافكر .. كله بأحمد مستقبلنا .. معقولة يتزوجني عشان يذلني .. كرهت عيشتي .. رجعنا بيتهم ودار بينا خلاف اكد اللي كنت اقولة .. تغير منى المفاجأ عليي .. ما عادت تومي .. ما عادت منى اللي تدافع عني .. مشت واني قلت ما يصير اترك رفيقتي ختى لو تركتني .. لبست بدلتي وكانت بمكياجي روعه .. عدلت شعري .. انطق الباب .. اني كنت قافلتنه يوم ابدل .. فتحت الباب ..
هدى : حلو له ..

جتني الصدمه انه هذي مو منى .. هذا اللي مدوب حياتي .

احمد

بعد تأمل فيي ..
احمد : انتين ويش تبغين جايه بتنا عقب ما سمعتيني كلام مثل السم .. جايه تكملين ..
انتبهت اني بدون حجاب ..
مباشره دخلت ... بس دخلت في دومه من الصياح .. مادري ليش .. ويش السبب .. بس اكيد كالمعتاد احمد .. اخترب المكياج .. قمت وغسلت ويهي عنه .. ولبست شيلتي واتصلت لمحمد اخويي ..
هدى : الو هلا
محمد : هلا بيش
هدى : تقدر تمر عليي من بيت خالي تقطني البيت ..
محمد : والله من عيوني .. بس خبرش مفاجأتنا لجاسم بعد اشتغل فيها وانا اشرف عليهم ما يصير اتركهم ..
هدى : مشكور وما تقصر بشوف ابويي ..
صكيته واتصلت لأبوي
هدى : هلا بابا
ابويي : هلا والله هلا بوردتي ..
هدى : بابا اني في بيت خالي بس فيني صداع تقدر تمر عليي ..
ابويي : أي نشالله انا عندي جم ورده .. عندي ثنتين .. وحده منهم تفتح وطارت والثانيه بعدي اسقيها ماي .. هذانا جاي ..
بصراحة مافي اطيب من ابويي .. بعد ما بلاقي مثله .. ولا في حنيته .. وبعد اكثر من ربع ساعة ..
دق عليي صكيته ونزلت الا احمد ومنى ومرت خالي تحت ..
هدى : منى منوي ..
منى : لبيه
هدى : لبيتي بمكة ..
منى : خير ..
ودارت ليي ..
منى بصدمة : وينه مكياجش ..
هدى : طيرته .. برجع البيت .. اوكي .. يالله باي ..
وما تركت ليها فرصة .. وطلعت .. بس لحقتني مرت خالي
مرت خالي : جدي يا بتي تخليني ازعل .. حنا رفيقتش تجي تشتكي تقول ما تبغي تحظر والحين تطيرين المكياج .. بصراحة حتى اني زعلت ..
هدى : باجر بعوض بكشختي ..
مرت خالي : اللي يريحش
هدى : مع السلامة ..
مرت خالي : الله يسلمش ويحفطش ..
طلعت وركبت السيارة ..
ابويي : ها ما رحتون الصالون ..
هدى : بلى باباتي .. بس تدري دوق بتك .. ما عجبها المكياج وطيرته ..
ابويي : مسكينه اللي بياخذش ..
مشى باقي الطريق ويوم وصلنا
ابوي : يالله يا بابا انزلي .. وحاسبي على عمرش
هدى : انشالله ..
دخلت داخل .. وشفت امي وجاسم .. سلمت ومشيت ..
امي : تعالي تعالي ويش صاير وينه مكياجش ..
هدى : طيرته
امي : لاويش
هدى : ما عجبني .
جاسم : والله انكم بنات .
امي : بس انتين قايله بتقعدين في بيت خالش ليش ما قعدتين ..
هدى : ظروف ..
ومشيت ..
كان الدري بس نمشي شوي من الباب ونوصل ليه .. وكان عبارة عن درجين .. واحد يمين والثاني شمال .. وبعدين اثنينهم يلتقون بنقطة .. تعمدت اني اروح على اللي في الشمال لأننه جاسم وامي ع اليمين ..
ركبت الدرج .. بينما جاسم لحقني .. دخلت الحجرة وصكيت الباب .. انسدحت على السرير .. سمعت طق على الباب .. ادري انه جاسم ..
هدى : جاسم ادخل ..
دخل ..
جاسم : شصاير ..
هدى : امبي اقول ليك شي
جاسم : قولي ..
هدى : ما ابغي احمد
قلتها وقلبي يتقطع .. بس كرهه قوي في قلبي ( لا تصدقوني )
جاسم : ويش
هدى : هذا اللي تسمعه
جاسم : مايصير ارفض الريال الا اذا كان في سبب
هدى : واني ما بتتغير مشاعري الا لسبب ..
جاسم : خير
هدى : خير.. أي خير .. المهم .. امس اني ومنى في جيان .. طلعنا ولما بنوصل لدرج لازم نطوف على ستار بوكس .. ولما طفنا شفنا شاب مألوف .. قاعد مع بنيه جميله .. وقعدنا نراقبه .. طلع ليها رساله وعطاها اياها.. وبعدين ابتسمت ليه وردها ليها .. وكان هذاك الشخص هو الحثاله احمد ..
جاسم بصدمه : انتين ويش تقولين
هدى : هذا اللي سمعته .. واذا مو مصدق اتصل لمنى . لأنه شهدت الأحداث .. بس اليوم قامت تدافع عن اخوها وطلعتني اني الغلطانه ..
جاسم : ليش انتين كلمتينه
هدى : ما قدرت ايود عمري .. حسيت بالخيانه ..
جاسم : ماعليه هدوي .. هدي اعصابش وانا بتصرف .. اذا كلامش صح .. يعني لا اعرفه ولا يعرفني بس اذا ظلمناه عليش تعتذرين ليه
هدى : يخسي الا هو اعتذر ليه .. اني ما غلط هو اللي غلط وهو اللي يعتذر ..
جاسم : يمكن ما غلط
هدى : لا تجننوني .. قاعد ويه بنيه يا ناس .. قاعد ويه بنيه .. ويعطيها رساله لاويش .. ويبتسم ليها .. وقاعد قبالها .. ويشرب نسكفيه وياها .. بعد ويش تبغي .. هذا بناتي .. مغازلجي مسود ويه ما يستحي .. واليوم طردني من بيتهم نص طرده
جاسم : هــــا
هدى : اللي تسمعه .. فتحت الباب واني كاشخة عشان اراوي منى .. لأني ما كنت ناويه اكشخ بس عشانها .. وطلع احمد .. كد اني سألته عن رايه لأنه في حسبالي منى .. رد عليي بكل وقاحة : انتين ليش جايه بيتنا عقب ما سمعتيني كلام مثل السم .. .. يقصد اللي قلته ليه في المجمع .. بس تدري اني قلت ليه ما امبي شريك حياتي ... رد عليي انه بياخذني عناد عشان يكسر خشمي .. ويذلني وبخليني خدامه تحت رجوله .. وسأل منى
جاسم بحير : احمد !!!
هدى : ايه احمد .. احمد اللي حبيته وعزيته .. احمد اللي عطيته قلبي امانه فلتها وقعد ويه غيره .. احمد واحمد واحمد الغشاش المنافق الجداب الزقبي طايح الحظ اسود الويه اللوتي ..
جاسم : بس بس انا بشوف الموضوع ..
هدى : بس بعد .. بس قول ليه لا يتقدم ويعور راسه لأنه اني برفضه وما امبيه ..
جاسم : هدى متأكده
هدى : عقب اللي شفته .. أي متأكده ..
جاسم : يعني تقبلين بغيره ..
هدى : ما امبي اتزوج .. بدرس وبروح الخارج اكمل ..
جاسم : واذا فاتش قطار الزواج ..
هدى : عادي .. اهم شي عندي سلاحي في هالأيام وهو الشهادة .. الريل ما بينفعني .. اليوم ويايي وباجر ياخذ غيري ..
كملت ويه جاسم وطلع .. قعدت اقفض كبتي لأنه ما عندي شي اسويه .. واطلع من جيس للثاني وارتب اغراضهم .. طلعت جيس انصدمت لما شفته .. جيس رجعني بالذكريات ليوم الناصفة .. ذيك الليله اللي عطاني هدية وبعدين تهاوشنا على العباية .. ولا فتحته ونسيته .. ياربي الايام أي قد تذكرنا بالل مضى .. فتحته بفضول .. وحصلت اكسسواره روعه للتلفوت فيها حرف الـ h و الـ A ومكتوب فيها Love وبعد فيه عطر من عبد الصمد القرشي .. صدق صدق فاخر .. وكأنه من الأمارات .. وفيه بعد جلابيه حليوة .. من اليشمك بعد من الأمارات .. وبعض الأكسسوارات .. وكل شي عجبني .. بس فريتهم على السرير بكل قهر .. وقلت بصوت ..
اذا صاحبكم مو طايقتنه بطيقكم انتون ..
رديت من الملل فلت الأغراض من على السرير ورحت انخمدت الا امي ياييه تطق عليي ..
امي : افتحي ..
رحت وفتحت الباب ..
هدى : نعم اماه
امي : يالله البسي ابوش مو راضي ما تروحين الحنا قال هو وصلش هنيه على انش بتاخذين اغراض بس الحين يقول ليش قومي وبسرعة
هدى : اماه آسفة ما بروح ..
امي : وابوي
هدى : اني تعبانه وماني قادرة جيفة اروح
امي : عيل انتين تفاهمي ويه ابوش مافيي شده زنه ابوش
هدى : اماه ما امبي اروح ما امبي واني قايلة لجاسم وجاسم وافق روحي تفاهمي ويه جاسم ..
طلعت امي وبديت اني في دومه من الصياح .. ما اقدر اخسرك يا احمد وما امبي .. ما امبي .. مادري بعدسن جيفة بتصرف بدونة .. بيكون نصيبي ويه من .. رغم اني ما امبي الا احمد ..
ليش يا احمد قعدت ويه بنيه ونزلت من مستواك .. ليش كنت تبتسم لها .. وزياده الطين بلى انك عطيتها رساله .. ليش كنت تستغفلني .. معقولة اني ما اسوى .. وشفتني احبك بأخلاص قلت بتلعب عليي ..
دموعي تنزل واني مو قادره اتمالك عمري . ما امبي اصيح .. هو ما قدرني وقدر حبي الحين اني اصيح عليه .. هو ما يستحي .. والله مافي سبب يدفعه انه يقعد ويه بنيه في ستار بوكس قدام العلا و الملا ويعطيها رسالة وبعدين ابتسامه عريضة ..
قعدت اصيح بحرقة افاد .. احس انه اني مخدوعة .. خله يروح ما امبيه .. خله يتزوج سلوى .. ما امبيه ما امبيه ما امبي اتذكره .. وما امبي اشوف شكله ..
لالالا مو على كيفة يتزوج سلوى او غيرها ..
غمضت عيوني بتعب .. تعبت من التفكير .. الحس بألم في قلبي .. ماني قادره اركز في شي .. فتحت اللابتوت رديت شطفت ابه .. ماني قادرة .. الم في راسي .. والم في قلبي .. احس انه اني مخدوعة ..
ياربي .. ياربي وانته ربي تاخذ عمري في هاللحظة .. وافتك من عيشتي ..
بس للأسف الله ما سمع دعائي .. رغم اني كنت اتمنى الموت من كل قلبي .. مافي وحده من سني بتتحمل انها تشوف انسان خاطبنها تقريباً وبينهم حب كبير وثقة كبيرة .. قاعدة ويه وحده غيرها ويبتسم .. جيفة اتحمل ..
حسيت نفسي كسيرة .. قلبي مفجوع .. ياليتني اقدر افتح قلبي واطلع حبه من داخله .. ياليت .. فتحت التلفزيون .. وديته دبي .. الا هم حاطين فلم مصري .. قعدت اطالعه وفكير ابداً مو وياه وما فهمت شي منه .. بعدين شفت بنيه تقول لحبيبها ..
( انا عمري ادهولك في طبأ ( طبق ) من ذهب )
واني اقول ليك يا احمد انك ما تستاهل عمري .. وما تستاهل حبي وما تستاهل ثقتي .. وما تستاهل دموعي .. وما تستاهل لحظة تفكير فيك .. وما وما وما ..
صكيت التلفزيون بقهر .. وتلحفت .. امبي تغط عيوني بس محال .. كل حين يرجع تفكير لأحمد .. ساعات اتذكر مواقف حليوة صارت وياه .. وساعات اتذكر هواشنا وجيفة نصالح .. كان يمر علي مثل الشريط .. من اول ما كنت صغيره لين ما كبرت .. اتذكر أي قد كنت اصد عنه وما اعطيه ويه واتلصق في عبدالله لين ما وصل عمري 16 واني بعد اتلصق في عبدالله ..
واني ساهمه في تفكيري .. ياني مسج .. من منى
( يعني ما بتحظرين حنا خويه عمرش ؟ )
وانتين يا منى ويش سويتين .. واني في بيتكم هزأتيني .. وطلعتيني غلطانه واخوش الصح رغم انش شفتين اللي شفته وصدمتش مثل صدمتي ..
رديت عليها بمسج ( لا ما بحظر بس باجر يمكن اجي )
بعد حوالي خمس دقايق ردت عليي
( يمكن !!! )
مباشرة وبدون تفكير رديت عليها
( أي يمكن اخوش اليوم طردني نص طرده وقال ليي ليش جايه بيتنا .. ويش اجي اسوي .. عشان احصل طرده ثانيه ... اني مو مستحملتنه وما امبي اشوف ويهه .. وامبي انساه حتى شكله ياليتني انساه .. وانتين وقفتين ويه اخوش وطلعتيني اني الغلطانه وهو بقعدته ويه بنيه و + رساله و + ابتسامه عريضة .. هو الصح .. الله يسامحش بس هو قولي ليه الله لا يسامحه لا دنيا ولا آخرة .. )
وطرشتها .. على الأقل خففت عن القهر اللي في قلبي ..
حاولت انام بس مست((( انام .. آخ يا قلبي المعلول .. ياليته في عدوييني واللي يكرهوني وفي احمد .. لالا حرام .. لا مو حرام هو ما راعى مشاعري وقعد ويه بنيه .. صدق ما يستحي .. الصراحة اني اعتبرها سواده ويه شديده ...
ليش افكر في حثاله .. ماعليي منه .. خله يولي اصلاً هو لوتي .. لو مو هو جدي انجان ما سمح لنفسه يقعد ويه بنيه .. بس بنساه . واذا حل مكان حبه شي هو الحقد ..
غمضت عيوني بس ما قدرت انام .. فتحت التلفزيون للمره الثانيه وطالعت فلم هندي في الإمارات .. بس عجيب نساني همومي .. خلني انساها ولو ساعات ..
فتحت عيوني على الساعة ست .. اوتعيت بكابوس .. احمد متزوج وعنده بت .. وما كان طايق يشوفني وكان يقول ليي ( انتين ابتعدتين عني والحين ماباج )
قعدت اصيح واتوسله .. اني ارجع ليه بس تركني وراح ويه زوجته .. وماخذ ليه وحده احلى من القمر اني لفتني جمالها وولده احلى من القمر بس كرهتهم كره مو طبيعي وكنت اقرر اقتل ولده << يادافع البله حتى في الحلم ..
اوتعيت من الحلم مفزوعه وحمدت ربي مليون مرة انه مجرد حلم .. قمت وصليت على النبي ونزلت تحت الا امي قامت وبدت ويه الخدم يسون اغراض للملجه وخصوصاً انها في ماتم .. بس بصراحه ماني متشجعة اروح ولوما خاطر اخويي وخاطر العشرة اللي بيني وبين منى اللي نستني ..
ااااااااااااااااااف فراغ الأول منى مسكينه تملي عليي وحدتي .. مادري ويش اسوي .. تايهه وحيده محد ويايي .. محد اشكي ليه همي اختي في شهر العسل وجاسم مشغول ومحمد ما اشكي ليه هم وامي .. مسكينه امي ما تدري بشي .. وابوي مست((( اقول ليه عن أي شي ..
قعدت في الصاله بعد ما سويت ليي توست .. اكلته وكأني اتهاوش ويه السندويجه ..
يت ليي امي
امي : ويش فيش يا بتي قلتين بتروحين ويه منى الصالون ورجعتين بدون مكياج .. قلت بتبيتين وبتتحنين رجعتين ولا رحتين الحنا اساساً واليوم ما رحتين لمنى تساعدينها .. عندها سفره عجم عندها روحه صالون ويش فيش
هدى : اماه امبي اصارحش .. احمد ولد اخوش امس طردني من بيتهم نص طرده .. واني ما استحملت ومنى وقفت ويه اخوها وهذا اللي خلاني امشي .. بس مابستحمل لوم اكثر لأنه المفروض اني اللي الوم الناس على اللي يسوونه فيي .. لكن الله يسامح الجميع

امي : اني ملاحظة انش متغيره ..
هدى : لا مو متغيره ..
امي : حرام عليش .. ترى احمد مكلم ابوش انه يبغيش
هدى : امتى
امي : من زمان وابوش قال ليي
هدى : قولو ليه اني مو طايقة اسمع اسمه مو بعد اكون شريكه حياته
امي : لاويه يا بتي
هدى : لأنه هالريال لوتي وما يستحي
خزتني امي وقامت بس اني ماقلت شي غلط .. هذا اللي شفته بعيوني ..
تنهمت بمرارة وقمت .. رحت حجرتي وصكيت عليي الا في 3 مسكول من منى .. توها الساعة 7 وشوي ...
ماليي مزاج اتصل .. بس ويش اسوي .. صرت كاره حياتي ماعندي شي اسويه تفكيري مشلول عند نقطه وحده .. قلبي يعورني
هدى : الو
منى : هلا هدى
هدى : اهلين خير
منى : انتين ويش فيش يالدبه .. ما تستحين اني العروس واني اركض وراش عشان اروح وياش ..
جيت برد عليها على اللي سوته فيي امس ومهماً كان اني كنت ظيفتها بس لميت ثمي وانجبيت ..
هدى : وين بتروحين ..
منى : بروح شيرتون اليوم وباجر اليوم بحطي ليي صباحي عشان يكون ناعم وباجر سهرات .. وشعري بعد هناك حتى التساريح يسوونهم فنان ..
هدى : كيفش
منى : انتين وين
هدى : مادري يمكن في البيت اليوم وباجر اروح وياش ..
منى : انتين من وين يايبه هالقسوة رفيقت عمرش واختش وتومش ومرت اخوش وبت خالش وبعد بتتمكيجين في البيت
هدى : عادي اعرف احط ..
صكت في ويهي التلفون بحمق
فتحت اللابتوت ووصلت خط النت .. فتحت الم .. و رحت لقصه ابوي ابوي لو صد عني ما ترجيته .. قصه روعة .. بس لما شفت نورة صدق كنت اكرهها وايد كانت قاسيه وتعذب الناس حسب مصلحتها وفي النهايه توفقت .. بينما اني ما عمري فكرت افرق قلوب .. ولا عمري فكرت اخرب بين ناس .. وماعمري فكرت استغل مشاعر غيري .. بس ليش نهايتي جدي .. اني اكون وحيده حزينه كأيبه محد ويايي حتى حبيب قلبي اكتشف انه خايني .. ورفيقة دربي اكتشفت انها ما تحبني كثر ما احبها .. والله الشاهد اني احب منى اكثر من فاطمة اختي .. منى غير .. منى توأمي ورفيقتي وصديقتي وكل شي .. بس وينش الحين يا منى . خليتيني اصارع الموي بروحي .. الله يسامحش ..
قمت وبدلت وطلعت .. بروح لمنوي حتى لو تبقى رفيقة دربي .. رسمت الكحل في عيوني .. وطلعت
هدى : بابا
كان ابويي في الصالة ويه امي يشرب شاي ويكلمها عن المكان اللي بيسكن فيه جاسم
ابوي : عيون ابوها
هدى : بابا امبي اروح بيت خالي .. يصير توصلني
ابوي : والله يا بابا انا مشغول الحين بطلع بروح اجهز باقي الأغراض ويه اخوانش بس السايق فاضي
السايق !!!!
هدى : جسوم ما يرضى اركب ويه السايق
ابوي : وانا بعد بس خلي كرتيني تروح وياش
هدى : اوكي ..
رحت اقول لكرتيني وهالشغاله صدق احبها . صار ليها سنين ويانه ربي وهي في بيتنا
هدى : كرتيني البسي بنروح بيت خالوه
كرتيني : هدوي انا مافي روح .. الحين في شغل
هدى بدلع : كرتيني يالله عاد
كرتيني : انشالله ..
طلعت اني وياها وطبعاً هي ما تلبس عبايه لأنه زيها رسمي ( رأيسه الخدامتني الباقي )
طلعنا
هدى : خان خان ( اسم السايق )
خان : نأم ماما ( نعم )
هدى : ودني بيت خالوه
خان : مافي ماما الحين بابا يتلع يبي يروح
هدى : بابا قايل توصلني
خان : انشالله ...
ركبت اني وكرتيني ورا .. وطبعاً خان متعود يسوق بسرعه ( خبركم يوصل الوالد ) ..
هدى : خان شويه بس اسرع ..
خان : انشالله ..
قام يمشي شوي اوكي .. بعد شوي وصلنا بيت خالي .. نزلت ونزلت وياي كرتيني لأني مابخليها ويه السايق صدق انه احنا واثقين فيها لكن خان السبال تونه جايبينه من جدي مانوثق فيه ..
دخلت ما حصلت احد . ركبت فوق .. دخلت الممر لحجرة منى و ماني قادره الفظ اسمه ( احمد )
وصلت حجرة منى طقيت طقيت ( لا جواب )
بس الصدمه انه باب احمد انفتح .. تراجعت على ورا بخوف .. صرت اخاف من احمد . صار مو امان اني اقعد وياه .. بيوم شفته قاعد ويه وحده مو الغريبه منه أي شي !!
بس انفتح الباب وطلع احمد قعدت ارجع لورا لين ما وصلت للجدار .. مادري ويش مصدر هالخوف بس ما كنت امبي اشوفه وما امبيه يشوفني .. لو رحت الصاله اكيد بيشوفني .. وحجرة منى مقفلة .. لا يا ربي .. مو مستعده .. لأنه ادري اذا شفته قلبي بيحن ليه .. بس اني خلاص ما عدت اتحمل ..
طلع احمد .. ويوم شافني لاصقة في الجدار بكل خوف .. دار ليي وبعد صد عني ومشى .. بدون أي كلام .. ولا سلام .. ولا حركة ولا كلمة .. وحركته وايد وايد وايد استفزتني .. كرهته مليون .. بس ما بعكر مزاجي عشانه .
تجاهلته او بالأحرى تناسيته لأني كل ما انساه يرجع لبالي .. طقيت على منى الا هي فاتحه وكانت تتسبح ..
منى : هلا هدى
هدى ببسمه : اهلين
منى : الا جيتين انتين كنتين تقولين حتى ما بتروحين الصالون .
هدى : قلت ما يصير اخلي رفيقتي بروحها وما احظر ملجتها
منى : توش تذكرتين انه عندش توم وصديقة .. امس يحنوني واني دمعتي في عيوني .. كل ما تذكرت انش تركتيني واني كنت متفائلة اني بقعد وياش وبقول ليش شعوري في الليله الأخيره من اني اكون عازبة ..
هدى : الحين كفي تلوم ترى بدخل وياش بنقاشات ..
منى : الحين ما بنقدر نطلع لأنه بيجون ياخذون الوكاله وبيعقدون ..
ماني مصدقة .. منى .. منى رفيقة ةعمري خلاص .. راح تكون مرت اخويي .. ياربي شعور ولا احلى .. الله يوفقهم ..
حظنتها وقعدت اصيح .. صياح وناسة .. مو مصدقة انه منوي اللي تشجعني ع الهباله خلاص صارت مره مثل باقي النسوان تقعد راكده < ما اظن ..
رصت عليي منى وقامت تصيح ويايي ..
دخل علينا احمد فجاه .. بس المشكله انه احنا ما انتبهنا ليه .. وبس شفناه اني ابتعدت عن منى بسرعة ودرت الصوب الثاني ومشيت دموع
احمد : منى اكو جا الشيخ يعقد وياخد الوكاله ..
منى بخوف : انشالله ..
كانت منى لابسه جلابية مخورة ..... وشعرها مسوا استشوار .. وحاطه ليها مكياج خفيف .. لبست المشمر اللي كل عروس تلبسه ( المشمر الأخضر ) اللي فيه فولك وهالسوالف .. نزلت ونزلت وياها .. واللي صدمني انه الميلس كان فيه كلهم .. جاسم و ابويي .. وخالي و سامي .. واحمد ومرت خالي وامي وحسين ولد خالي ووياه حمود الصغير .. وساره مرت حسين .. فطوم بتها .. ودخلت منى .. واني وراها .. قعدت صوب سفره العجم وقبال المنظرة ( كلكم تعرفونها ) كان ويهها مغطى .. وبعد ما قعدت .. قعدت صوبها .. واني طبعاً لابسه عبايه وشيله ..
ساسرتني منى : هدوي شكلي رزة
هدى : افا عليش جنان
منى : ابين عروس ..
هدى : أي بس مشكلتش انه انتين ورفيقتش هبلان
منى : الله يسامحش ..
هدى : ههههههههه ..
مرت خالي : بسكم مساسر ..
دخل الشيخ .. .. وطبعاً هذا الشيخ معروف .. واني استحي انه شيخ بهالمقام قاعد واني عليي عبايه .. جان حلاوتي لبست دفة ع الأقل احتراماً ليه ..
قعدت وقال لأبويي يقول كلام وراه وابويي قاله .. وخالي بعد .. وبعدين سأل منى ان كانت موافقة او لاء .. وبعد وقت
منى : أي ..
وسأل جاسم ..
جاسم : أي ..
وكان السؤال هل موافق بالزواج من فلانه بنت فلان .. عطو منى دفتر ..
دارت راسها لي .. رغم اني ما اشوف تعابير ويهها بس حسيت بخوفها . طالعته بعيون مليانه امان ..
وقعت منى ومن بعدها جاسم .. طلع الشيخ بعد ما دعالهم بالتوفيق ..
عقبالي ..
يالرقلة .. انتين متهاوشة ويه احمد .. كله انسا .. اف .. رغم اني اهزأه لكني احبه موت .. واحس انه بريئ وماليه ذنب .. ياربي احمد انته روعة ..
اني مستعده اسامحه اذا قال ليي السالفة بكل صدق وطلع مو مسوي شي غلط ..
بدت الجماعه تنسحب .. ومنهم اني ومنى .. اللي بس طلع الشيخ دخلت في دوامه من الصياح .. استأذنت ليها وطلعنا .. وبس وصلنا فوق ..
هدى : منوي ويش فيش .
منى : مادري .. احس اني خايفه موت
هدى : ما عليش عادي كله واحد كل عروس لازم تتدلع ..
منى ضحكت منى وهي تصيح : والحين اني اتدلع .. ؟
هدى : نص نص ...
دخلنا داخل ... .. والليله راح تتجمع الناس بسبب الملجة .. ياربي .. روعة روعة الزواج ..
فصخت منى الجلابيه ولبست ثياب عاديه .. بعد ما طردتني من الحجرة لأنه حظرتها ما تعرف تبدل في الحمام ..
طلعت من الحجرة ..
وكان احمد طالع من حجرتة .. بس عطيته ضهري ولا صديت ناحيته .. آخ منك يا احمد .. تتكشخ ها ..
فتحت منى .. دخلت وبعدين قررنا نمشي الصالون لأنه الحين الساعة 11 بعد على ما نجهز والحاله ..
هدى : الحين الشباب كلهم طلعو .. ويش رايش نروح ويه السايق ..
منى : لالالالالا ابوي ما يرضى واحمد بعد
هدى : لا تقولين احمد .. انتين على دمه جاسم مو ابوش ولا احمد
منى : بس بعدي ما طلعت من بيت ابويي .. يعني ابوي لازال يقول كلمته ليي وانفذها
هدى : عاااااااااااااااااااااااااد
منى : بفكر
هدى : آه يالذل ..
منى : اوكي بسأل امي ..
هدى : بسرعة
منى : من قالش بنزل بروحي .. بتجين ويايي ..
هدى : لالالا ما يحتاج ..
سحبت ايدي وقامت تركض .. مو اقول ليكم ثنتينا مجانين ..
نزلنا تحت وهي تركض وتسحبني وياها ..
وصلنا تحت الا واحد واقف .. بس قلت اكيد سامي لأنه احمد توه ظاهر وكأنه بيطلع ..
لما سمعو صوتي واني اقول لمنى بالعدال .. دارو .. وكانت الصدمة انه احمد .. يا ربي ما امبي اشوفة .. ما امبي قلبي يحن عليه مثل منساعه .. ابقتله .. ابطرده من قلبي ابنساه بحاول حتى لو ما قدرت .. بحاول ما احتك ابه نهائياً ..
مرت خالي : بالعدال يا منى على البنيه اللي يشوفش ما يقول توهم عاقدين عليش ..
منى : على الأقل بستجن بس اليوم ..
احمد : ههه .. ما اظن ..
نزلنا تحت ..
مرت خالي : ها خير يايين جدي .؟
منى : مافي شي .. بس هدى تبغاني اروح وياها الصالون وبيودينا السايق ويه شغالتهم .. لأنه محمد اخوها في الدوام ومو راضيه تروح ويه اخواني ..
الله يغربلش جان بعد قلتين ما تبغي تروح ويه احمدو ويه البومة ..
فلصتها .. تستاهل ..
منى : آآآآآآآآآآآآآي ..
هدى : ويش فيش منى عسى ما شر ..
منى : وتسألين ها مو كـأنش انتين اللي فالصتني ..
فضحتنا
هدى : انـي !!!
منى : ايه ..
هدى : جيفة فلصتش واني ايادي قدام ..
احمد : المهم بلى لعب يهال .. روحه ويه السايق مافي .. وللعلم ثنتينكم .. ( دار ليي ) وانتين في بيتنا تسوين اللي تقول ليش عليه
هدى : مو معناته اني في بيتكم يعني اكون ذليله اني في بيت خالي .. وما بسمح لواحد مثلك يتدخل فيي ..
احمد : بنات آخر زمن يتكلمون وما يثمنون كلامهم ..
مرت خالي : ويش صاير
منى : كالمعتاد هواش بسيط ..
احمد : ما تسمعون هاللغويه ..
هدى : على الأقل اني احشم ظيوفي مو اطردهم ..
احمد : الحمد لله انا بعد ..
هدى : أي صح .. والدليل البارحة لما قلت ليي .. انتين ليش جايه بيتنا
مرت خالي : بس بس سكتو .. احمد قوم وصل البنات الصالون ..
هدى : اني بروح ويه السايق ..
مرت خالي : لا مافي تروحين ويه احمد .. ويش فيه احمد .. وانجان انتون متهاوشين تصالحون في الطريق ..
رفعت عيوني ليه .. صدق ياليت نتصالح ..
شفته يطالعني كسرت عيوني مدعيه العصبيه ..
هدى : خالو عاد هالمرة بروح ويه السايق .. وخصوصاً عشان ارجع كرتيني البيت امي تحتاجها ..
مرت خالي : عادي احمد يرميها بيتكم في طريقة ..
هدى : ما نبغي نكلف عليه ..
قلتها بغصة . والله اني متقلبه المزاج .. بس اذا اذكر سالفته اتنرفز ..
منى : مو كلافة مو احمد ..
احمد : كيفكم ..
قويه دي كيفكم بعد ..
منى : يالله هدى مشينا ..
ركبت منى ولبست ..
هدى : ما امبي اروح ويه اخوش
منى : هدوي ويش اتفقنا ..
هدى : ما اقدر ما اقدر ..
منى : انسي ..
هدى : تبغيني انسى واني شفته بعيوني يخوني ..
منى : ماعليه عشاني تعالي ويانه ..
هدى : ما اقدر احس بقهر .. ظيق ..
منى : ما عليه ..
لبست منى واني احس بدوار بس قاومته ..
نزلنا اني ومنى وما ناديت على كرتيني ما امبي احس انه يكسب جميل ..
منى : ما بتنادين شغالتكم ..
هدى : ههه .. داك بس كان عذر عشان اهرب من اخوش ..
نزل احمد وركب السياره بدون ما يقول أي شي ..
ركبت منى وركبت اني وراها ..
احمد : وين الشغاله ..
منى : ما بتجي ..
مشى احمد .. بس هالمرة ما راعى مشاعري وقام يسوق بسرعة .. واني بكبري ويايي دوار وبطني يعورني وماني قادره امسك اعصابي .. لأني ما داومت على الدوا الي من المستشفى ..
بس سكت عنه عسى لو يمشي مليون .. اني شكو .. ولا احنا في نص الطريق الا تلفونه يرن .. شاله وقام يتكلم وكأنه مو عارف يتكلم .. اشك انه يكلم بنيه ..
احمد : أي أي . اوكي انه بمرش .. لا تحاتين . انا عند أي خدمة انتين بس أأمري وتددلي .. من عيوني ..
وقام يطالعني من المنظرة كأني بهتز يعني ..
الا داخلي بركان يثور من الغضب .. قهر غصة دوار الم معاناه شقى .. هذا يقول لبنيه تدللي قدامي .. حسيت انه عيوني بتدمع .. بس مسكحت دمعتي قبل لا تنزل ..
وبس سكرة ..
منى : من دي ..
احمد : اسماء بت خالتي ..
منى : أي جان سلمت عليها ..
احمد : بعدين اتصل ليها واقول ليها منى تسلم عليش ..
منى : الا ويش تبغي ..
احمد : تقول سلوى عندها مشكله وتبغيني اشوفها ..
منى : ليش صرت دكتور ..
احمد : لا بس هالمشكلة تخصني ..
منى : امممم ..
مشى باقي الطريق واني صدق احس انه بيغمى عليي .. اني ويش قاعده اسمع .. احمد .. احمد .. لالالالالالا الحين يعترف قدامي ... حسيت بمدى قسوت هالأنسان .. غمضت عيوني بـألم .. هذا ما يحس ..
وصلنا الفندق نزلنا .. واني احس اني مو قادرة .. دخلنا .. وسوو شعرنا .. منى حلزونات مفلله .. واني بعد مثلها .. خاطري اشوف شعري كيرلي .. بس مسكينه عانت وياه .. اذا لفته بالفير .. بس تخليه سيده يرد ينفل .. قامت مباشره تضربه سبريه ..
خلصنا وحطو لينا مكياج طبعاً قلنا نبغي صباحي .. لأنه اذا سهرات يعني عرايس .. وهم صدق صدق يجيدون المكياج عدل .. ما خلصت واني مصدقة .. لوعه تعب مر .. مادري ليش .. بس حاسه بال وتعب .. امبي اتخلص منه .. وزياه على هذا صدمتي الثانيه في احمد .. والأزيد وازيد .. دوار راسي وتعبي ..
منى : يالله احمد برا ..
وقفت اني مو قادره اتمالك عمري .. بس وصلت عند مدخل الفندق .. ماقدرت بعد ازيد اوقف ..
هدى : منى بموت ..
وقلت هالكلمه متقطعه .. يودت منى بكل قوتي .. ومشتني منى .. بس لما قربنا نوصل من السيارة .. ما حسيت بشي ..
وغفيت واني ما ادري ويش السالفه ولا حسيت بروحي ولا ويش صار ولا ويش السالفة .. بس كل اللي ادريه اني تعبانه واللي زيد تعبي تصرفات احمد الغجرية ..
مادر كم من الوعي غبت .. بس اوتعيت ومنى تصارخ خوفاً عليي ..
واحمد يصحيني .. منى قعدت تشربني ماي .. احمد ميود ايدي .. فتحت عيوني بألم .. فتحتها اشوف هالعالم المرير ..
لما شفت احمد صوبي .. نفرت منه ..
هدى : وينه .. ويش ..
ماقدرت اكمل .. حسيت بتعب واني اتكلم ..
رفعني احمد بمساعده منى ..
هدى : لا تلممسني لا تلمسني ..
قعدت اصارخ .. ماباه يلمسني .. توه يكلم بنيه وقبل جم يوم ويه بنيه لايكون الأخ يبغي يتسلى عليي ..
احمد : هدى ماعليه بس انتين هدي ..
هدى : اسكت اسكت ..
وقعدت اصيح .. هذا ما يحس ع دمه .. الحين اني متعدله .. حتى شيلتي انفتحت .. لأنه ما كانت ملفوفة عدل .. وعدلها ليي احمد بمساعده منى ..
احمد : هدوي ويش فيش
هدى : لا تلفظ اسمي ..
دخلنا السياره .. وبحني احمد ..
احمد : هدوي عاد بشريني انتين اوكيه ..
هدى : انته ما تستحي ع دمك .. قبل كم يوم قاعد ويه بنيه والحين تكلم بنيه وتوك قاعد تدلعني . ما تشبع من وحده لوحده ..
احمد : هدى .. ارجوش ..
هدى : اني اللي ارجوك ..
ما قدرت اواصل كلام .. امبطحت في السيارة .. ويش اسوي احس بتعب .. جبل نازل عليي .. وصلنا بيت خالي .. بس ويش القصة بعدي مادري .. ما اذكر ويش صار .. كل اللي اذكره انه احمد كان يحاول يهدأني واني اثور عليه ..
نزلوني منى وكرتيني ومرت خالي .. وصلوني فوق .. امبطحت ع سرير منى .. واني مادري ويش صاير من حولي ..
غمضت عيوني وقعدت اصيح .. صياح الم وخداع .. احمد ليش تسوي فيي جدي .. والله العظيم اني حبيتك اكثر من روحي .. ولا زلت احبك .. بس قدرك كل يوم ينزل .. ماني قادرة اتخيل حياتي ويه غيرك بس بتجبرني ع هالشي .. غمضت عيوني وواصلت مشوار صياحي .. دخلت عليي منى وقامت تهديني ..
منى : ويش فيش ..
هدى : يصير انسى انش اخت احمد واشكي ليش اللي بقلبي ..
منى : اكيد ترى اني رفيقتش قبل لا اكون اخت احمد ..
هدى : حبيته من كل قلبي .. كنت اعتبره عيوني اللي اشوف فيها . وقلبي اللي ما اعيش دونه .. وروحي اللي تلازمني في كل مكان .. وحياتي اللي اعيشها .. ما كنت في يوم اشك فيه .. ما كنت بيوم افكر انه احمد بس يرفع راسه لغيري .. لما رحنا مجمع البحرين وشفته ماكنت مصدقة عيوني .. وكنت مستعده احارب العالم عشان ادافع عن شرفة .. الا عيوني ما قدرت احاربها ..

غمضت عيوني وقمت اصيح بصوت مبحوح وكسير ..

كملت

هدى : كنت اقول ليه أي كلمه بس عشان يبر موقفه .. بس ما برر .. بس قلت اذا دافع عن نفسه اني مستعده ارجع وياه مثل قبل .. حبي ليه يزيد .. واليوم بعد كنت اكابر لكني لما شفته حسيت براحه .. ويوم ركبنا السياره .. وسمعت يتكلم .. شفت انه هذا هو سيد الأدله .. احمد يعترف على روحه .. ما قدرت ادافع عنه .. حسيت بتعب وعوار راس .. غمضت عيوني بألم .. بس ماكان في ايدي شي اسويه .. واليوم يوم طحت .. كنت اتمنى انه هو يقول ليي ترى اللي شفتينه كان تمثيليه .. بس ما حصل .. بعدي متعذبه .. بعدي تعبانه .. بعدي اتألم .. بعدي اشقى .. بعدي كسيرة .. ويش اسوي ..
تنهمت تنهيمه .. وغمضت عيوني وكملت صياحي ..
مضى الوقت .. ومنى اطرت تطلع وتروح الماتم للناس لأنه كانت الساعه 9 بس وصتني اكون جنبها .. غصبت على روحي .. قمت وعدلت مكياجي ومشيت اللي اخترب وعدلته .. بحيث طلعت حليوه .. لبست فستاني البني .. لبست عبايتي بس ما تغشيت ..
واني نازله الدري الا احمد وسامي راكبين ..
احمد : شخبارش هدى الحين ..
حقرته ونزلت .. كملت طريقي وكان جاسم مار عليي دخلت السياره ..
جاسم : شخبارش ..
هدى : الحمد لله .
جاسم : شكلش مو اوكي ..
هدى : أي اليوم طحت عليهم ..
جاسم : ليش ..
هدى : من الصدمة .. سمعت احمد يكلم بت خالته ويقول ليها آمري .. تدللي .. لا انا عند أي خدمة .. من عيوني .. هذا ما يستحي ..
جاسم : ما عليش انا عرفت الموضوع بس موصيني ما اقول ليش ..
هدى : يعني ويش .. حتى انته تخش عني .. انتون والزمن عليي ..
جاسم : آسف هدوي بس هذا سر مأمنيني عليه .
هدى : ما عاد احمد يهمني ..
وصلت الماتم وقعدت صوب منى ..
منى : شخبارش الحين ..
هدى : الحمد لله ..
منى : يالله كوني قويه واحمدوه اني براويه
هدى : لا تطرين اسمه يعكر مزاجي ..
منى : من عيوني ..
جو الناس يسلمون ع منى .. واني بعد ..
بس بعدين منى كانت تبغي تلفونها .. وصتني اروح اقول لجاسم يجيبه ..
طلعت بدون غشوا بس مقررة اني اعدل الشال واغطي ويهي ابه .. كان راسي يدور .. وبعد احس بتعب بس عشان رفيقتي ..
طلعت وشفت جاسم وسامي واحمد وحسين ومحمد ووياهم شاب ما اعرفه بس امبين عليه انه ناضج وثاني واحد بس شافني سيده دار ليي وقام يطالع ..