تكفى يا بحر لا تفضح اسراري‏

كذب من قال موج البحـر خايـن والبحـر غـدار

وأنا في عيني أمواجه قبر .. وأدفن بها أسـراري

لك الله يابحر من ويـن جبـت الصبـر ياصبـار ..

وأنا صبري عجز لايكتـم اللـي شفـت بأقـداري

أنا يابحر همـي ساحلـك .. والمركـب الـدوار

يسوق الموج للمينا وتصدم فـي صخـر ظـاري ..

أنا مـدك وجـزرك والهـوى والليـل والأنـوار

طلبتك يابحر .. نزل شراعـك واسمـع أخبـاري

أنا شلت الغرام اللي سنيـن العمـر بـه تحتـار ..

وتهت وضعت بين المست((( .. ورغبة أصـراري

سريت الليل أنا يابحـر كـن النجـم لـي سمـار

ووصلت لشطك الظالـم ولاأدري ويـن مشـواري ..

وعجزت أغلق شبابيك الحزن وأرخي عليها ستار

وأخاف الشمس تفضحني نهار يشوفنـي جـاري

سبحتك ليـن سمونـي بعـدك ((بــ فلان )) البحـار ..

تعال وعوم فينـي .. شـوف لولـوي ومحـاري

تعال .. وشف أثر عصفور سطح الماء فزعه وطار

ودور لي هنا ضلع تـوارى .. ويـن متـواري ؟!

توارت قبلـه دموعـي عـن الجـلاس والأنظـار

وتوارت قبله أحلامي .. وعاشت خارج أسـواري

سريت الليل وأثر الليل نـاوي يفضـح الأسـرار ..

وأثاري كـل ليـل مرنـي مـن فرحتـي عـاري

أنا ماأذكر من الرحله سـوى دمـع همـا مـدرار

ومجداف رميته في ظلامـك جيـت بـه سـاري ..

أنا غصن ظلمه الوقـت ماعـدت عليـه أمطـار

رداة الحـظ خلتنـي .. أعيـش آطـار آثـاري!

أنا أدري مابيدينك فـرح تعطينـي عليـه اقـرار ..

وأنا أدري ان السكوت أرحم من الشكوى لجـزاري

أنا جيتك أبي أخمد علـى شاطيـك بعـض النـار

وأثر حالك مثل حالـي تعانـي الجـرح وتـداري ..

بحر .. بالله توعدني وعد .. لاتفضـح الاسـرار

يهـون المـوت بأمواجـك ولاتتشتـت أسـراري

تحياتي لكم

نبـــض الحنـــين

وااو
كلمات عذبه
وجميله ورائعه
وصف البحر لا ينتهي من الكلام
والبحر مكتم الاسرار ومداوي الامراض
يسلمووو نبض الحنين ع الطرح
يعطيش ربي العافيه
سالمه هالانامل
تحياتي
بدر البدور

يسلمو نبض الحنين على الموضوع الرائع
صراحة كلمات في قمة الروعة
ننتظر كل جديدش

تحياتي : am3rat-alward

الله يسلمكم حبايبي ع تعقيباتكم الحلووة
الله لا يحرمني من هردود
منوريييين

يسلمووو نبض الحنين ع الموضووع ..
وننتظر جديد مشاركاتك ...

يعطيك العافية والصحة
بارك الله فيك : سلمت يداك
نبض الحنين
إلى أمام دأئما ::: نتطر جديد

مشكورة اختي على الموضوع الحلو ..

العفووو,,
تسلمون يلغلا ع هلمرور,,