GALAXY ][ حنون ألماسي ][
عدد الرسائل : 5290 العمر : 31 العمل/الترفيه : طالب المزاج : رااااااايق رايك بلمنتدى؟؟ : كووووول على طووول دولتي : مزاجي : هوايتي : الجنس : مهنتي : جنسيتي : تاريخ التسجيل : 14/02/2008
| موضوع: شعر لعباس جيجان وغناه حسام الرسام عن الامام الحسين (ع) 03/11/09, 08:33 pm | |
| و ما انت وحيد انت الشعب كلة بشيعتة و سنتة منهو الكالك ناسيك؟ هم ينسى الكمر وكتة؟ بس عشككـ عشكـ مفضوح و عشكـ الناس كلها مساتر و سكتة صرت انت سبت و بركبة يهودي هم شايف يهودي يجوز من سبتة؟
انت الفارس اليسبكـ هبوب الريح و ما ظن خيل سابكتة و انت اليرهم ترابك كحل للعين و دوة للما شفت علتة و من طينك نحني جفوف المعرسين و كل اصبع فرح من طيبتك طكتة و انت الريحة ترابك ترد الروح .. هيل و زعفران و عنبر بشمتة و مثل تراب كاعك ما لكينا تراب ... يرهم للصلاة من طينتة تربتة
انت ينام بيك المرتضى الكرار ... ابو الحسنين التلوذ الناس كلها بشارتة و بختة و انت ينام بيك بكربلاء حسين .. الما بايع الطاغي و دنكـ ركبتة و انت البيك ظلت شارة العباس ... لمن طاح دنكلة الفرات و باسة من شفتة
صح هسة اصبحت من وطن نيذر لاند ... هولندي الهوية و شعري جللتة و صح تأقلمت وية الغرب فد نوب ... و صرت ماصخ مثلهم و الملح عفتة و صح صرت ارطن رطنهم لمن يرطنون ... و لسان العرب بالاعجمي كسرتة لكن مدري شنهي يصير بي لمن يمر طاريك ... احسنك دفو تموز وسط شتا اثاريني مثل طبع النخل لو طال ... يرجع للاصول و تنحني شعفتة
العالم نسى يوم هدعش من ايلول ... صارت بيك سالفتة ناس تكول لازم نحتويه و نشفط البترول ... و نعوض الراح و نسركـ بركتة و ناس تكول لازم ها الحصار يدوم ... و ناس تكول لازم ننزع اسلحتة و ناس تكول خطية اطفالة ماتو من الجوع ... و ناس تكول حيل ويا ، ما حمد ربة و شاكر نعمتة و انت بين هذا و ذاك صاير شبح لليرمون ... و ياهو الكام ضدك سدد تفكَتة
جي انك حلو و الدول منة تغار ... ما عدهم العندك من مجد نلتة انت اول وطن آدم وضع جدمة عليه و كال يا الله ... لنك وصلة من جنتة و انت اول وطن حبّة النبي ابراهيم ... و دعا ربة يصونة برحمتة و عزتة و انت اول وطن مرسى لسفينة نوح ... و النبي ايوب ناخت بيك راحلتة و انت اول وطن علم العالم ابجدية و يكتب التاريخ و انت اول وطن قانون سننتة و انت اول وطن كالتلة الشمس يمة صباح الخير ... و لو رادت تمسي تمسي يكم كَبتة و انت اول وطن ما يشبه الاوطان ... مدري شلون خالقك ربك ، سبحان ربي شلون صورتة صورتة العراق و بس علينة يلوكـ ... و احنة نلوكلة لمن يحل وكتة
| |
|
نبض الحنين
][ مراقبة عامة ][
عدد الرسائل : 8208 العمر : 31 رايك بلمنتدى؟؟ : بـــــــلاوي ماله حـــــدود دولتي : مزاجي : هوايتي : الجنس : مهنتي : جنسيتي : الأوسمه : تاريخ التسجيل : 16/02/2008
| موضوع: رد: شعر لعباس جيجان وغناه حسام الرسام عن الامام الحسين (ع) 04/11/09, 10:27 pm | |
| يعطيكـ الف عافيهـ ع الكلمـات الرائعهـ | |
|
GALAXY ][ حنون ألماسي ][
عدد الرسائل : 5290 العمر : 31 العمل/الترفيه : طالب المزاج : رااااااايق رايك بلمنتدى؟؟ : كووووول على طووول دولتي : مزاجي : هوايتي : الجنس : مهنتي : جنسيتي : تاريخ التسجيل : 14/02/2008
| موضوع: رد: شعر لعباس جيجان وغناه حسام الرسام عن الامام الحسين (ع) 06/11/09, 11:55 pm | |
| | |
|
نبض الحنين
][ مراقبة عامة ][
عدد الرسائل : 8208 العمر : 31 رايك بلمنتدى؟؟ : بـــــــلاوي ماله حـــــدود دولتي : مزاجي : هوايتي : الجنس : مهنتي : جنسيتي : الأوسمه : تاريخ التسجيل : 16/02/2008
| |