يازين انا وانتي واحنا صغار!!!

يازين يوم اني انا وانتي صغار
توما لبست شماغ وانتي عبايه
بالطول ماناصل ولا خمسة اشبار
دايم نقيس اطوالنا بالمرايه


مابيننا شين نخبيه واسرار
ماغير لعب اطفال كل الحكايه
ماهمنا موجز ولا نشرة اخبار
التسليه صارت وسيله وغايه


وان جا فلم كرتون للقطو والفار
نجلس نتابع قصته للنهايه
بالمدرسه نزعل على شان الاصفار
انتي سبب لعبك وانا من غبايه


ياما تهاوشنا على كيس فشار
انحاش به وافرح بطردك ورايه
وان قلتي ياراشد ياويلك من النار
اخاف واستسلم وابين خطايه


والى ضربتيني تقل بيننا ثار
وان قلت كافي قلتي ماهو كفاية
والى خلصتي ضرب بيمين ويسار
اخذتي الفشار واللي معايه


والى زعلت وقلت ابا اروح للدار
صحتي وقلتي اسفه يا غلاية
واصدقك وافرح بعد ذيك الاعذار
واجيك لا حاقد والا احمل وشايه


بس لو اشوفك مع بشرغيري اغار
لو كان اخوي أو من أعز اصدقايه
واركض لخوك اقول شفها مع اكبار

عشان يفرض لي عليك الوصايه


هذي طفولتنا براءه وتذكار
دايم نحن اليا ذكرنا البداية
واليوم ابا اكتبها سواليف واشعار
وافكر انتجها بفلم وروايه

كلمات رائعه و مشكور ع الموضوع