شقى الحب بالبحراني

الجزء الثاني عشر

عبدالله
المستشفى
-------------------------------
اوتعيت شفت الدنيا .. بس وينه انه فتحت عيوني إلا امي تطالعني ودموعها في عيونها وفي ايدها القرآن .. شفت حالتي .. شفت الأجهزة .. شفت الغرفة .. تذكرت كل شي ... تذكرت الحادث الأليم اللي صادني ..
قعدت اصيح بس من داخلي .. في داخلي جسد ينادي .. وين اهلي .. توقعت افتح ويكون الكل جنبني .. بس وينهم .. معقولهم بعدهم زعلانين مني .. انه غلطت .. والله معقولة افرق بين عصفورين حبو بعض .. هذي حوبتهم .. انه الحين ما ادري ويش فيني .. بس الم شديد في اسفل الظهر .. رديت غمضت عيوني واسترديت كل الأحداث من الآثام اللي كسبتها يوم رحت السعودية .. من اصراخي على امي والحين هي قاعدة ويايي .. كل شي ..
رديت فتحت بس امي ما كانت موجودة وفجأه دخلت هدى وابويي .. وهذا اكثر شي فرحني .. رغم اني آذيتها ووايد وظلمتها .. واخيراً اني اقتعنت انه هدى مو ليي واخيراً اقتنعت انه هدى كانت تحبني حب مراهقة والحين خلاص ..
امبي كل عائلتي يسامحوني .. لو زين .. لوزين اقدر امسح كل الغبار اللي على الماضي ..
يو الدكاترة ما ادري ويش سوو .. واحد يقلبني والثاني يقيس درجتي والثال والرابع .. بس انه احمد الله على انه نجاني .. ولوزين بعد انال مسامحة اهلي .. بعد دقايق يو الشباب .. يو ربعي .. واخيراً شفت احمد كنت خايف اني ما اشوفة .. بثراحة شوفتي ليه تسوى الدنية وما فيها حتى جاسم .. ما اقدر انسى انه كان رفيقي ..
كانت عدهم اشياء ما نتبهت ليها .. عيوني كانت تخوني .. افتح شوي وارد اغمض .. مو قادر اتكلم .. واحس راسي يدور والمكان فوضة .. بس ما عليه فوضتهم راحة ليي .. كفاية اني اشوفهم حولي .. كفاية انهم عطوني ساعات من وقتهم وانه على اللي سويته ليهم ما استاهل الثواني ..
بعد شوي مشو .. بس ظلت امي مسكينة وهي ميودة القرآن وتقرا بقلب خاشع ودموعة تارسة ويها .. وابوي مو مصدق والفرحة مو شايلتنه .. انه وين احصل اهل جدي ..!!
نمت شوي
وفي العصر كنت معصب من كلام الدكتور
الدكتور : احنا هنيه ما نسوي هالعملية انت لازم تروح برة تسويها ومنها بتقدر تمشي عدل
عبدالله : قصدك انه انه ما بمشي
الدكتور : لا انشالله بتمشي بس بثقل .. يعني ما بتكون حركتك مثل أي انسان عادي ..
عبدالله : لوسمحت قلت من الكلام ما يسم .ز تفضل بس ما امبي اسمع شي
الدكتور : بس انت اذا سويت العملية برة بتمشي مثلك مثل أي انسان
عبدالله : بس خلاص خلاص .. انه عاجز عاجز .. ليش ما تقولونا .. مثلي مثل أي انسان منشل ما يقدر يمشي
الدكتور : يا عبدالله انت روح
عبدالله : ما بروح خلاص خلاص كرهت الحياة .. بقعد طول عمري انتظر ملك الموت يطق بابي .. اصلاً انه الغلطان لما ييت المستشفى .. يليت السيارة انفجرت ابي ولا نجيت
ابويي : عبدالله بسك هرار
عبدالله : ابويي انه ما اقدر اشوف روحي على كرسي ما اقدر احرك ريولي .. ما انزل ما اركب ما اروح ما اجي .. ما اقدر اشوف الناس تطالعني وعيونهم مليانه شفقة .. ما اقدر ما اقدر .. ما احب احد يشفق عليي .ز ما احب
ابويي : بس انت بتتعافه ولا احد بيشفق عليك
الدكتور : عبدالله انت اذا ما سويت العملية بتثقل ريولك وما بتقدر تحركها ..
ودخلو ولاد عمي وعمتي .. ماني قادر استحمل اكثر ..
بس شجععوني على السفر اكثر .. واقتنعت اكثر لأنه هم بيون ويايي .. وهذا اللي شجعني ( وين احصل ليي ولا عم جدي )
وبعدين انه نمت ولما اوتعين الا الحجرة الجديد عجيبة ومنسقة .. وراقية .. كنت بروح الحمام .. طبعاً بالكرسي المتحرك .. مريت على غرفت الظيوف وكانت تشرف الطاولة كلها جدوع .. ومزهريتين .. ككل .. وايد راقيه ..
لما طلعت يابو ليي العشا وتعشيت ورديت نمت ( ادري بتقولون طبانه كله ينام ) بس اظن انه كل شخص طالع من غيبوبة بينام هالقد واكثر ..

هدى
حجرة منى
8 الصبح
----------------------------------
كنت قاعدة اكلم امي المسكينة تقول تبي ترجع البحرين ولا في حجز .. بداية العطله مافي ناس وايد تسافر ..
هدى : انزين اماه كلكم زينين
امي: أي كلنا زيني
هدى : وفاطمة اختي
امي: احنا كلنا زينين بس انتون وينه عايشين من يطبخ ليكم ويش تسوون
هدى : احنا في بيت خالي اني ومنى لينه فوق واحمد وجاسم تحت ..
امي: انزين تاكلون عدل
هدى : ساعت اني ومنى نطبخ وساعات نستمل .. ساعات ناخذ من المطعم .. جدي
امي : بارك الله فيكم .. وعبود ويش احواله
هدى : الحمد لله اوتعى بس يقولون ما بيقدر يمشي عدل ولازم يروح المانيا بأقصى سرعة .. فقررو احمد وجاسم يروحون وياهم
امي : أي زين يسوون
هدى : اماه عطيني فاطمة بتكلم وياها
امي : انشالله .. بس سلمي على اخوش ولاد اخويي وقولي ليهم صدق ما فيهم خير محد يتصل يسأل عنه
هدى : ههههه .. يوصل ..
واخذت فاطمة التلفون
فاطمة : الو
هدى : سلام
فاطمة : عليكم السلام
هدى : وش الأخبار
فاطمة : تمام .. السيدة عجيب .. زادو الناس ووايد فيه بحارنة ..
هدى : عليكم بالعافية .. انزين اسمعي امبيش تيبين ليي بدله كيوت وكشخة انزين من قدي .. لأنه رفيقتي بالمدرسة نور نسيت اشتري ليها هديه..
فاطمة : اوكي.. انزين
هدى : خير
فاطمة : خطيبي مرتضى زين كل احواله تمام
هدى : ليش ما يتصل ليش ؟
فاطمة : امبلى بس بعد امبي اتطمن
هدى : احنا ما صار أي احتكاك بينه وبينهم فما ادري بشي
فاطمة : اامم
هدى : انزين انتون حصلتون حجز
فاطمة : بعدنه واكوم يقولون حتى المطار اجلو الرحلة ليومين بعد
هدى : ااااااااف .. فاطمة بلا مزح
فاطمة : ومن قالش اني امزح .. بس يالله خلنا نقعد ويه السيده
هدى : امبي اجي ليكم
فاطمة : جي السالفة لعب يهال
هدى : خاطري في امي .. حرام عليكم تخلوني اني الصغيرة ارجع وامي بسوريا
فاطمة : لا والله وانتين ياهله ..؟
هدى : فوم قدري شعوري وحدة بتقعد اسبوع وازيد بدون امها
فاطمة : عادي عادي .. هذا اذا تزوجتين ويش بتسوين
هدى : بخلي المعرس يسكن في بيت ابويي
فاطمة : مادري أي حمار بيوافق على شرطش.. البنيه ما ليها الا بيت ريلها
هدى : لا تبدين ليي بالنصائح
فاطمة : خلينا من هذا .. شحوال محمد .. ما يتصل ابداً كلش كلش ولا درينه عنه شي ولا توصلون لينا اخبارة
هدى : تصدقين اني من وصلت ما شفته
فاطمة : حلفي
هدى : والله ..
فاطمة : صدق قاسية اخوش وياش بالبلاد وما تزورينه
هدى : اني اللي يايه من السفر وهو اللي المفروض يزورني
فاطمة : بس هو يظن انش في البيت وانتين بتروحين البيت وبتسلمين عليه
هدى : بس هو يدري اني بقعد ويه منى لأنه محد وياها فهو المفرض ايجي ويسلم عليي
فاطمة : لا تعتبين على اخوش اكيد عنده ظروف
هدى : وهالظروف اهم من انه يرفع سماعه ويقول ليي اختي شحوالش ؟؟ والله اهم من انه يفضي روحة دقيقتين ويمرني ؟؟
فاطمة : بصراحة الحق وياش لكن ويش اقول ..ما اقول الا الله يهديه
هدى : اني احبه وايد بس هو ما دري ويش فيه
ودخلت منى واني اكلم فاطمة
منى : كل هذا في التلفون ؟؟؟
هدى : منى بالعدال
فاطمة : هذي منى
هدى : أي
فاطمة : عطيني ايها بسلم عليها
هدى : بتخلون البيل ايجين ويش قد .. ترى انتين تصرفين عليي مو عليش
فاطمة : ياربي على البخل
هدى : هذا مو بخل .. تدرين هذاك الشهر ياني اكثر من 65 دينار وككله راح على مسجات وهرار ..
فاطمة : وانتين ويش لي بالهرار
هدى : ما احاسب لأني مو اني اللي بدفع .. بس ابويي قال ليي حاسبي على اتصالاتش
فاطمة : لأنش زودتينها
هدى : المهم اكي منى سلمي عليها واقطعيه
فاطمة : اوكي
هدى : بس لا تنسين اللي وصيتش عليه
فاطمة : لا توصين حريص
هدى : يالله مع السلامه
فاطمة : الله يسلمش .. تحملو بروحكم
هدى : ابشري
وعطيت التلفون منى
منى : الو .. هلا فاطمة .. شخبارش ؟؟
منى : الحمد لله الحمد لله
منى : سلمي على امي وابوي وايد وايد بالخصوص وباقي الجماعة عامه
منى : اوكي اوكي يالله مع السلامة
وسكرت
هدى : منى يقولون بيأجلون الرحلة بعد
منى : صدق
هدى : أي اكي فطوم تقول
منى : بروح ابشر احمد
هدى : تعالي أي احمد واي بطيخ اني خاطري في امي
منى : لا والله بتسوين لينه مثل اليهال .؟؟
هدى : اتكلم من صدق اني مو متعوده اترك امي
منى : ولين تزوجتين
هدى : بعيش ويه امي
منى : تمزحين اكيد
هدى : هذي امنيتي .. وبطلب هالشرط في الزواج
منى : ومن اللي بيقبل بشرطش
هدى : اللي يحبني عن جد
منى : بس محد يقبل وخصوصاً ريال ويعيش من خير زوجته هذي ما تصير
هدى : اذا ما قبل عيل كل يوم ايجيبني عند امي
منى : والله امرش يحير
هدى : من حقي اظل ويه امي
منى : اذا صرتين ملك لحد غير لا مو من حقش
هدى : ااف منى لا تجظريني
منى : كلام الحق ما ينزعل منه .. وثانياً لو احمد اخوي تقدم ليش وقدمتين ليه هالشرط صدقيني يلغي الخطبه
هدى : اذا يحبني بيوافق
منى : هدى كبري عقلش انتين مو ياهل .. خلاص بجي الوقت اللي تهدين امش واختش واخوانش وتشتركين مع عائلة ثانية
هدى : مادري بيكونون حمواتي طيبين او لا .. انتين ويش تتوقعين
منى : انتين ما عندش الا حماه وحده ...
هدى : من قالش
منى : ليش ما بتاخذين اللي في بالي
هدى : لو الود ودي اقولش أي ومليون أي .. بس القدر محد يدري فيه
منى : هدى اني اتمنى انه يكون حبش لأخوي قد ما يحبش هو
هدى : ما اظن
منى بصدمة : ليش
هدى : لانه حبي ليه اضعاف حبه ليي
منى : لا انتين ما تدرين أي قد احمد يحبش .. بس مو معناته انه يحبش بتذلينه .. ترى احمد اهم شي عنده كرامته
هدى : ومن قالش اني اذله .. منى اني كل يوم قلبي من كثر حبه الزايد ليه يفيض .. كل يوم احس انه اني احبه اكثر ومشتاقة ليه اكثر واكثر واللي مصبرني هو لما اذكر ذاك الكوخ الصغير اللي في جزيرة بعيدة عن العالم ويضمني اني وهو بس ..
منى : كنت اتمنى اليوم اللي اشوفش تطليعن من الصالون وتروحين الصاله عشان يستقبلش احمد ويفتح ويهش .. اتمنى ذيك اللحظة
هدى بأحراج : بس عاد منى
منى : اني ما قلت غير امنيه
هدى : اني امنيتي غير
منى : ويش امنيتش
هدى : انه اني وهو نكون اسعد اسرة في العالم
منى : الله يه++م .. بصراحه احمد يستاهلش وانتين تستاهلينه .. بس اهم شي الحين انتين ثوني فلازم ترفعين مستواش
هدى : انتين بعد
منى : أي اكيد
هدى : اتمنى تخلص هالسنه بسرعة
منى : مستعيله على الخطبه
هدى : امبي اجي الوقت اللي اكلم احمد بدون احراج .. وقت اللي بس اقول احمد واشوفه صوبي فكل محنه
منى : الله يه++م
هدى : آمين
منى : ويش رايش نروح المسبح
هدى : لا مو عدلة نروح يمكن احد بالغلط ما يدري ويطل او يشوفنا
منى : بنسكر الستاير
هدى : اني بس بحط ريولي في الماي
منى : اني خاطري اتسبح
هدى : اللي يريحش
وقمت طلعت ليي بدله تناسب الوضع .. وهي عبارة عن مايوه وشورت ولبست فوقهم بدلت رياضة ساتره
بس منى لبست بدله السباحة ورحنه صكينه الستاري ومنى تسبح وتطشر عليي .. بينما اني كنت بس فاتحه شعري وحاطه ريولي في الماي .. تمنيت احمد ويانه وجاسم بعد .. بحيث احمد ياخذني واكون حلال عليه وجاسم ياخذ منى ( ترى يليقون لبعض ) والكل يكون حلال على الثاني .. امتى ..؟؟!!


احمد
8:30 الصبح
بيتهم
------------------------------
قعدت الصبح نشيط وجاسم بعده نايم .. اتصلت لمنى عشان بركب بس محد يشيله .. ركبت وعلى الله ..
الحمد لله ماكان فيه احد .. دخلت الغرفة وتسبحت وطلعت بعد عشر دقايق .. قرت اني اتمشى في الحديقه حوالين البيت بما انه الجو لطيف ..
لما طلعت الحديقة سمعت صوت .. اقتربت وطليت .. شفت هدى جيفة قاعدة وحاطة ريولها في الماي .. وشعرها شلون طايح .. ومنى شلون تلاعبها بالماي .. وهي أي قد ناعمة .. ياربي هالبنت بتخبل بي .. احبها ولو قلتها ما تكفي ولا تبل عرقي .. وسمعت حديث بينهم
هدى : تدرين ويش امنيتي
منى : ويش
هدى : انه احمد يكون ويانه .. أني متمنية هالشي
منى : لاحقة على الخير
هدى : ياليت ..
منى : تحبينه
هدى : اكثر من روحي
منى : الله يعينش لو يصير اشيل عنش شوي بس ما قدر
ياربي اموت فيها .. حبي ليها جنوني جنوني .. وهي تبادلني مثل الشعور .. بروح اخطبها بروح اخطبها بس يرجع عمي .. وبنملج واذا خلصت المدرسة بنعرس انه ريال ماليي خص امبي اعرس..
ادري بتقولون مزهوق بس ياليت احد يحس بنص الحب اللي احس فيه .. بكل دقيقة قلبي يردد اسمها .. وانه نايم .. وانه قاعد . وانه آكل وحتى استغفر الله وانه اصلي ..
الحب عذاب عذاب .. ليش قلبي اختارش يا هدى ,, لأنش بعيده عني ..
يمكن هدى تحبني وانه احبها بس انه ما اظمن انه حبها يستمر لين ما نتزوج .. بس اتمنى ..
ياربي .. ياربي اتوفق بيني وبين هدى
طالعتها مره اخيره وهي تضحك ويه منى وكل وحدة تطشر الماي على الثانية .. شفت جيفة ضحكتها ومشيت وقلبي بعده هناك كملت رياضة حولين البيت .. وكنت قاعد اعطي سمك الزينه اللي في الحوض اكل وسمعت صراخ من المسبح بس ويش صاير ما ادري .. مادري بشي .. ياربي استر يا ربي استر
وركضت صوب المسبح وقلبي اخس من طبل ودموعي تخر .. خايف على حبيبتي وفي مثل الوقت خايف على اختي


منى
9:00
المسبح
------------------
كنا قاعين اني اطشر ماي على هدى وهدى تطشر عليي بريولها ..
منى : هدى لابس ثياب سباحة
هدى : اكيد
منى : امشي ويايي اسبحي
هدى : ماني
منى : عاد
هدى : اوكي بس شوي
منى : اتفقنا
وقامت هدى وفصخت بدله الرياضة وطبت وبصراحة هدى وايد ماهرة في السباحة واحسن مني بوايد ..
سوينه سباق .. والبرجة كانت غزيرة
روحه رده واللي اسرع .. وهدى سريع بس كانت تبي تهزمني بوقت اقل .. فسوت بسرعة بس ما قدرت تحبس نفسها واطرت انها تطلع تاخذ نفس فشرقت بالماي .. في صوب الغزير .. وكانت تسعل .. فما حركت ريولها في الماي .. فغاصت شوي .. ولا قدرت تتحكم في حركتها وطفوها فوق الماي .. وكانت مثل الغرقانه .. وبعدين شوي شوي بدت تغوص وهنيه اني انتبهت .. رحت بسرعة
منى : هدى هدى يودي روحش .. هدى هدى
بس ابداً ما تسمعني
واذا كنت بنقدها ما بقدر انقد روحي .. حاولت ادفعها .. واني نزلت تحت الماي بديت بالصراخ
منى : ارجووووووووووووووووووووووووووووووووووووووووووووووو وووكم
منى : بسررررررررررررعة الله يخليكم احد ايجي .. بسرعة هدى بتموت
امبي احد يجي .. قعدت اصيح وخايفه على .. هدى .. حاولت ارفعها بس ما قدرت .. قوتي كانت ضعفية وخصوصاً اني استنفذت كل قوتي في السباحة .. بس ظحيت بعمري ونزلت تحت الماي .. عشان هدوي كل شي يهون حتى روحي .. دفعت هدى بكل قوتي لفوق .. بس شفت احمد داخل المسبح .. طلعت من الماي بسرعة ..
منى : احمد هدى ماتت
احمد : منى بلا هرار .. هدى عايش .. ولا تقولين هالكلام قبل لا اجيبش بكس ..
طب احمد في البرجة وراح بسرعة صوب هدى رفعها وطلعها ..
اني متفشله .. هدى كان عليها مايو كمه ثلاثة ارباع بينما مفصل جسمها .. بس ما عندي حل ثاني
تقرب احمد صوب هدى ولمس جنب قلبها
احمد : هدى عايشة عايشة
قعدت اناقز ورحت حظنت هدى اللي كانت منبطحة على الأرض ..
منى : احمد بس اطلع عيب ابنت مو متسترة
وطلع احمد مباشرة ورحت ويبت الربو وسترتها كامل ..
منى : احمد تقدر تدخل
ودخل احمد
احمد : منى طمنيني عليها شحوالها
منى : ما ادري
انصدمت واني اشوف الدموع في عيون اخويي .. لهالدرجة ؟؟!!!!
منى : احمد تقدر تحملها إلى داخل
احمد : أي اكيد .. بس ستريها عدل
منى : انشالله ..
وغطيتها .. وجا احمد وحملها .. ووصلنه لداخل البيت .. واني خايفة على هدى .. هي شرقة .. والظاهر اغمى عليها ..
بطحها احمد على الكرسي
احمد : منى تبين اجيب ليها أي شي
منى : روح البس بوديها المستشفى
احمد : أي اكيد
ومشى احمد
بينما اني رحت ويبت ثياب لهدى ولبستها فوق ثياب السباحة ... ولبستها الشيله
رجع احمد
احمد : جاهزة
منى : أي
احمد : يالله
منى : ما بتخبر جاسم
احمد : الحين انه يوم رحت ما حصلته دورته في كل مكان ما شفته وسيارته مو في البيت اتصلت ليه بس لايمكن ..
منى : اها ..الحين شولن بنحمل هدى
احمد : انه بحملها .. بعد ما عندنه كرسي متحرك
منى : ديك السنه لما طاح ابويي اشترينا ليه
احمد : ووينه هو
منى : اكيد في المخزن
احمد : قولي للخدامة تجيبة
منى : اوكيه
رحت انادي الخدامة .ز ومسكينه طلعته بسرعة .. نقلنه هدى عليه للسيارة .. وبعدين اضطر احمد انه يحملها عشان يركبها السيارة ..
يا ناس اخويي ينتفظ ,, اخويي مو طبيعي ... اخوي ويهة منقلب احمر اخضر ازرق اصفر
الله يستر .. كل هذا خوف على هدى .. وصلنه المستشفى واحمد يمشي 200 ادري انه مبالغة بس فعلاً كان طاير ابنه طيران
اني كنت قاعدة ورا ويه هدى بس كانت مسدوحة ولا تتحرك .. ويها اصفر وايد
وصلنه المستشفى . وراح احمد لقسم الأسعاف وطلب عمال ايون يشيلونا على سرير عن لا تتعب .. وحظرتة احمد يوم يا العامل بيشيلها من السيارة ما رضا .. البنت بتموت وهو يغار عليها .. والله حاله ..
احمد شال هدى ورفعها على السرير .. وقال ليهم باعدال عليها .. بند السيارة وطار وراحهم واني حتى ما قال ليي قومي انزلي .. الاخ كلش ما عنده حواس .. نزلت .. ولحقتهم
كان احمد يصيح ويتهاوش ويه الدكتور
احمد : بسرعة شوفو ويش فيها حرام عليكم بتموت والله العظيم حرام .. اذا ماتت انت بتنفعني .. روح بسرعة شوفها
الدكتور : انشالله بس اول يسوون ليها فحوصات
احمد : الله يلعنك ويلعن الفحوصات شوف حبيبتي ويش فيها .. والله اذا صادها شي بكون اول من يدخل عليك سجن فاهم
منى : احمد هدي هدي .. مسامحة دكتور بس اخوي معصب ممكن تروح تشوفها لأنه حيت اخوي معلقه فيها
الدكتور : انشالله
قعدت اهدي في احمد
منى : احمد انشالله هدى بخير بس انت هدي اعصابك
احمد : منى انه خايف خايف .. خايف يصيدها شي .. هي في امانتي .. وانه مفتاح قلبي عندها . ما اقدر اشوفها تتعذب .. بموت يا منى بموت
ومشى عني
اما اني فحاولت اتصل في جاسم بس بعد لايمكن ويش صاير فيه
ما ادري ويش اسوي .. خايف على هدى .. ليتني غرقت بدالها .. اااااف
بدت الدموع تنزل ..

انتهى الجزء واتمنى تعليقاتكم اللي احلى من الفلة

الجزء الثالث عشر

جاسم
البيت
8:54
-------------------------------
اوتعيت وشفت احمد . قايم .. رحت ادورة لكن ما حصلته .. قلت اكيد راح يتسبح طلعت رحت اتمشى لكن تحت مافي احد ,, اتصلت لأحمد حظرته غالق جهازة .. وهدى ما تشيلة ..
انه واحد استمليت .. ركبت فوق .. كنت بدق الحجرة عليهم بس استحيت .. اووف .. نزلت تحت ودخلت حمام الميلس بدلت وحملت تلفوني .. وسويج السيارة وطلعت ..
بس وين اروح الحين .. ماليي الا عبود .. ما بيخالفون لو رحت الحين .. كنت في السيارة وقررت اتصل اتطمن عليهم مادري ليش احس انه كانت في حركة مو طبيعيه .. إلا التلفون حظرته مبند ومافيه جارج ,, زينه منه صبر هذا اليوم الرابع ما حطيته على الجارج ..
لكن ويش بيصيدهم يعني في هالدقيقتين .؟؟!! لالا اكيد ما بيصيدهم شي بس انه اتخيل .. وصلت المستشفى بعد حوالي ربع ساعة .. نزلت حملت التلفون وقلت بشوف اذا عنده عبدالله واير جارج نوكيا بركبه .. دخلت الحجرة .. وكان ماحد عند عبدالله .. بينما هو نايم .. وكان مبين انه البارحة ربعه كانو عنده ( لأنهم اكيد ما بيراعون قوانين المستشفى ) .. وكان فيه زجارة في الطفايه .. هذا غير الأوساخ المرمية .. جلادات مرمية .. والعمال بعدهم ما يوم ينظفون ..
قعدت بدل الملل ارتب الغرفة .. واعدل صينيه القدوع .. شلت الـأـ وساخ ورتبت الكراسي والحالة .. ويت العاملة تيب ليه اكل وانه مطرشنها تروح الكفتيرايا ..
يابت كاكوات وحلويات .. واجباس للقدوع ( برقلز ) وغراش عصير حق عبدالله ..
دورت واير للجارج وحصلته موصل بالكهربه .. وصلت فيه تلفوني بس نسيت اشغله لأنه هو كان مبند ,,
رحت للدكتور وسألته عن حالت عبدالله الصحيه ..
جاسم : مرحبا دكتور
الدكتور : خير أي خدمة
هذا ويش هالنزارة .. حشى هذا دكتور او ملك الموت
جاسم : بغيت استفسر عن حاله عبدالله حسين الــ ..
الدكتور : انه الحين مشغول تعال ليي وقت ثاني
احلف بس .. ناس كلش ما عندهم حسن تصرف .. بس كل اللي امبي اعرفة أي حمار اللي عينه دكتور .!!.
خزيت بليس عنه ومامبي مشاكل وبعدين ما يعتني في ولد خالي .. وانه انسان كلش ما احب المشاكل ..
جاسم : بس مشكور الشيخ وما تقصر
الدكتور : العفو حاضرين
جاسم : مع السلامة
مارد الحقير .. استغفر الله ليش اوصخ لساني على انسان ما يستحق الرحمة .. هو يسمونة ملك الرحمة .. بس انه اشوفة ملك الجلابه ..
رجعت غرفة عبدالله .. اتجهت ناحية التلفون بعد حوالي نص ساعة من قعدتي بس جدي .. فتحته .. وكان فيه رساله وهالرساله من احمد ..
ماكنت ادري ويش سببها بس توقعت انه بيقول ليي وينه انه .. او اشتري روتي وخبز في طريقي ..
تهاون في فتحها بس ما قدرت اقاوم فضولي ..
فتحته بس ما كان اللي فيها يسر .. ولا مثل ما توقعتها .. فتحتها وكنت ما اتمنى اني اقرا مثل هالرساله ابداً كان مكتوب فيها
( احنا في المستشفى .. في الطوارء .. واذا بغيت أي شي اتصل )
بس ويش السالفة .. من مودينه الطوارء ما ادري .. طلعت من الحجرة عن لا ازعج عبدالله ,,, واتصلت ..
جاسم : سلام
احمد بصوت مبحوح : عليكم السلام ..
جاسم : خير احمد عورت قلبي
احمد : جاسم .. هدى يا جاسم
في هاللحضة يودت قلبي ,, هدى ،، طوارء ,, مستشفى ،، هذا يعني شي واحد بس
جاسم : ويش فيها هدى
احمد : والله ما ادري ويش اقولك .. بس انشالله خير
جاسم : احمد نبرت صوتك ابداً ما تطمن ..
احمد : انت تعال لينه وانشالله خير
جاسم : انتون أي مستشفي
احمد : احنى الحين في مستشفى الـ ( ........... ) عند الطوارء .. واذا شفت هوشة هذا انه والدكتور تعال لينه
جاسم : جي عسى ما شر
احمد : لا ابداً بس اليوم يا قاتل يا مقتول ..
جاسم : انزين دقايق وانه عدكم
طلعت من المستشفى بدون حواس قبل لا يوتعي عبدالله .. نزلت اركض .. وصلت الى السيارة .. شغلتها وبأقصى سرعة عندي طرت إلى المستشفى اللي فيه هدى .. وصلت عقب 5 دقايق واللي عطلني هو اشارات المرور .. واشوى ما عطوني مخالفة لاني كنت اسوق في شارع سرعته 80 بس 140 ..
نزلت ورحت قسم الطوارء .. دخلت وكانت منى واقفة في وسط المرر
جاسم : سلام
منى : جاسم الحق
جاسم : خير ويش صاير
منى : اني اني قتلت هدى
جاسم : انتين خرفتين .. ويش تقولين .. هدى اختي ويش صادها
منى وهي تصيح وتتنهم : اني .. اني .. كــ .. كـنت اتسبح في البرجـ .. ـه وهدى كانت تطالــ تطالعني . بس اني اصريت عليها . الا تـ .. تتسبح ويايي .. ويوم نزلت .. سوـ..
جاسم : اول هدي ورحم الله والدينش طمنيني على اختي ..
منى : سوينا ســ .. باق وهدى غــرقت
جاسم : هدى جيفة تغرق وهي احسن مني في السباحة
منى : هي .. هي كانت تبي تفوزني بسرعه .. وما اخذت نفس عشان .. اسرع .. فتعبت لأنه روحة رجعة السباق .. ولما كانت تبي تاخذ .. تاخذ نفس ما قدرت تقاوم الماي ومادري ويش صار .. بس كل اللي اعرفة انه اني اللي قتلتها .. جاسم ارجوك رجع ليي هدى .. انته تدري انه اني ليل ونهار وياها .. وتدري اني ما اخطو الا هي ويايي .. بس الحين اذا هي ماتت اني ما اقدر اعيش .. واذا هي ماتت اني بعد امبي اموت امبي اموت ..
بدت منى بالصراخ وانه مو قادر اتحكم فيها
جاسم : منى هدى
منى : ما اقدر .. اني قتلتها .. واني السبب في موتها .. ويش بقول لعمتي .. احمد بيقتلني .. لكن اذا راحت هدى يليت احمد يقتلني عشان اروح وياها ومانصير توأم مفترق ..
جاسم : منى الله يخليش لا تدعين على هدى بالعكس ادعي ليه .. منى هدي اعصابش .. وينه احمد
بس اشرت ليي .. انه في ذاك الممر .. رحت ليه وقلبي اخس من طبل ..
ياناس احد يطمني على اختي .. احد يطمني على بنت امي وابوي
رحت صوب جاسم .. وكانت شكلة مخيف .. عيونه حمرا .. كلينكس يمسح دموعة ..
جاسم : احمد كون ريال
احمد : انه اقوى ريال في العالم .. بس اضعف ريال اذا شفت شي بسيط في هدى ..
جاسم : احمد روح ارتاح وانه بشوف ويش فيها
احمد : انه ارتاح ..
رحت للدكتور .. وكنت ادعو من ربي انه يطمني واسمع انه هدى ما فيها الا العافية
جاسم : سلام عليكم
الدكتور : عليكم السلام
جاسم : لو سمحت دكتور انه اختي اسمها هدى تونه يايبينها من شوي لأنها غرقانه ..
الدكتور : ايه اللي كان وياها هذا خطيبها .. والله بصراحة ما فيها شي جايد
جاسم : لا هذا مو خطيبها .. بس ولد خالها
الدكتور : مادري شفته حاملنها
لحظة لحظة وقف وقف .. انت ويش تقول .. احمد .. حامل هدى .. الحين انه مححتار استفسر عن اختي لو اروح اسب احمدوة الخايس . صدق ما يستحي وثقت فيه وخليت اختي وياه .. لكن ما علية الحين ما تهمني غير سلامت اختي وبعدين بصطرة عدل
جاسم : انزين ممكن تطمني على اختي
الدكتور : ما فيها شي .. كانت تحتاج تغدية لأنه تغديها سيئة .. واكلها كله مافيه فايدة .. وبذلت جهد في الماي مما ادى الى حاله اغماء ... وتاخرتون شوي فدخل بعض ماي البرجة لجسمها .. وانشالله باجر تكون بأحسن ما يكون
جاسم : انزين هي الحين تتكلم عادي لو بعدهي مغي عليها
الدكتور : هي قامت من الأغماء بس الأفضل انه هي تستريح وتاخذ اكسجين نقي ..
جاسم : انزين اقدر اطل عليها
الدكتور : اخاف انها تتكلم وياك
جاسم : عيل بشوفها في وقت ثاني
الدكتور : اوكي
جاسم : شكراً دكتور
الدكتور : الشكر لله
طلعت من عنده وانه متفائل الحمد لله دام انها سالفة عاديه بس من اليوم ورايح انه بشرف على اكل هدى بنفسي وما بأكلها إلا لحوم وافوكهة واشياء تفيدها ..
طلعت من الغرفة وكان في ويهي احمد ياي يتطمن على هدى .. بس لما شفتها تذكرت كلمه الدكتور (شفته حاملنها ) حسيت انه يخونني .. حسيت انه يستغل اختي .. مادري ليش ..
ما قدرت اكلمه .. مشيت عنه .. واظن انه فكر انه عندي اخبار شينه فما قدرت اقولها ليه .. لحق ورايي . كنت امبي اكلمة .. هذا رفيقي .. بس احس انه خاين خاين
احمد : جاسم قول ليي تحجى
انه كنت امشي وهو يلحق ورايي
جاسم : -----------------------
احمد : جاسم مو حرام .. مو حرام انه اتعذب مئة مرة الا مليون .... انه تمنيت الموت ولا اني اشوف هدى ولو للحظة في المستشفى ... جاسم حس فيي
بدت دموع احمد تنزل
احمد : جاسم .. انت تعذبني والله تعذبني .. انه ما سويت شي عشان تعاملني بهالطريقة .. انه الحين امشي وراك مثل الطرار بس عشان تقول ليي كلمة تطمنس على هدى ...
خلاص كسر خاطري احمد .. ما قدرت زيادة احقرة
درت ليه من غير نفس
جاسم : هدى ما فيها شي مجرد اغماء .. والحين هي بخير
مباشرة حضني احمد وهو يضحكك والبسمه شاقه حلقة ..
احمد : بشرك الله بالجنان بشرك الله بالجنان .. مشكور
حسيت اني صغير قدام هالحب العضيم .. هدى تتفدى احمد ومستعده تقدم روحها فدوى لترابه .. واحمد اكثر واكثر .. يعشقها عشق جنون
بعدين وهو حاضنني .. تذكر انه هالأيدين اللي ميودتني هي اللي حملت اختي وخانتني .. مباشرة نفرت وتباعدت عنه
احمد : جاسم ويش فيك
جاسم : ما يخصك فيي ومن اليوم ورايح انت ما ليك شغل عدنه وتقدر تمشي بيتكم
هذي صواريخ والله ويش .. وانه ويش قلت
احمد : مشكور
ومشى .. لساني ثقل .. ماقدرت اناديه .. ادري انه احمد عنده كرامته فوق كل شي ولا يهمه شي مقابل كرامته ..
مشى عني وتركني في حيرة وتفكير
بس شلت هالأفكار من بالي وتركت احمد يولي عني وقررت اني اروح آخذ فواكهة وخضره ولحوم عشان لين رجعت هدى ( بيتنه ) يكون هالأصناف متواجده
ادري بتقولون عني حمار من هالتصرف .. بس هذا احساسي .. احس انه احمد خانني .. اذا اللمس حرام في الشرع عيل اذا حملها يعني ويش .. ما اقدر انسى ما اقدر
احس انه احمد مضلوم ..
الله يلعنه من دكتور ليش قال ليي .. ليش عور راسي .. انه محتار بين قلبي وعقلي .. عقلي يقول ليي لا هذا خانك وخانك خيانه كبير وهو اللي استغل غيابك واستغل اختك في انه يرضي ذاته ,, بينما قلبي يقول ليي لا لا لا يا جاسم احمد مظلوم مظلوم .. اصلاً احمد اكيد يوم شاف العمال بيحملونها غار عليها فقرر انه بمساعده منى يحملونها ..
انه في حيره
لكن تدورون بترك الأيام هي اللي تحل هالمشكلة .. بس اللي عرفته اني برجع بيت خالي باخذ اغراضي واغراض هدى ولا برد ادخل لين ما اعرف الحق من الباطل ..
طلعت من المستشفى ورحت بيت خالي اخذت الخدامة مالتنه ورحت البيت وخليتها تعدله وتنظف اللحوم وتغسل الفواكهة ..
رجعت المستشفى بس احمد بعدهو هنيه .. هذا ويه بليته .. ما امبي اشوفة .. امبي انسه الموضوع لأنه ما يهون عليي ما اكلم صديقي .. وفي مثل الوقت ما اقدر اكلمه
هالمرة احمد ما كلمني ... بس منى اللي تكلمت
منى : للأسف كانت فكرتي فيك غير
هالكلمة وقفتني ..
ويش تقصد
منى : كلمتك لأحمد ( ما يخصك فيي ومن اليوم ورايح انت ما ليك شغل عدنه وتقدر تمشي بيتكم ) قللت من مقدارك .. وهدى ما بترضى عليها .. وانت مو من حقك ولا غيرك يقولها انت فاهم .. احمد كان يقدر يصدك .. وكان ناوي يتهاوش وياك بس اني منعته .. ما خفته عليك ولا على ويهك او احساسك ينجرح .. اذا انت ما فكرت في احساسنه .. وانت بما انك هنت اخويي يعني انته هنتيني وهنت امي وابويي الا هو خالك يا محترم ... واحنا الحين بنترك ليك المستشفى واشبع فيه .. بس هدى ما بنتركها وبنظل نتكلم وياها ولا انت ولا غيرك بيفرق بيني وبينها او بينها وبين هدى .. توقع انه فيك قلب .. احمد اخويي ياينك بأحترام .. حظنك لانه مستانس تقوم وتباعده عنك .. هو يقدر الحين يرد عليك بس انه ترجيته يسكت واني اللي بتكلم .. عشان تعرف انه انته غلطان وتعرف زياده انك ما بتهمنا ومو معناته انك قلت لينه روحو بيتكم يعني بنروح ..
جاسم : بس انه
ما تركت ليي مجال اتكلم
منى : جاسم للأسف انت كنت في العلالي والحين طحت في الأرض وداسو عليك .. زوتوقعت انك رزين وتثمن الكلمة قبل لا تقولها .. بس طلعت متهور ووقح
هذي ويش تقول .. ويش تقول .. والله لو ما قلبي مانعني والله كنت بروح اكفخها .. الحين انه وقح ..
جاسم : منى ماليش دخل وانه ما قلت هالكلمة الا لأني عارف شي .. وانتين لا تتكلمين بدون ما تدرين
منى : لو سمحت لا تبرر لأنه كلمتك وايد قويه .. زياده ععن الحد وما يحتاج كل حين اقول ليك انه كلمتك نزلت بمقدارك إلا التراب
ما عندي تعليق .. وياها الحق .. انه ما غلطت لما قلت لأحمد جدي .. الحين هو ياي ومساعدنه وانه اقول ليه جدي .. بس اللي مو قانعني .. ليش حمل هدى ليش
رحت بشوف هدى .. ولما دخلت .. كانت موتعيه بس المغدي في ايدها
جاسم : مرحبا
هدى : مراحب
جاسم : شخبارش
هدى : اني اوكي بس احمد الله يهديه لما كنت مغمى عليي يابني هنيه رغم انه ماليه داعي
جاسم : هدى لا تطرين ليي احمد ترى انه متلوم
هدى : ويش صاير
جاسم : ولا شي
هدى : قول ليي
جاسم : لما كنت عند الدكتور اسأله عنش قال ليي انه خطيبش الا يابش فصححت ليه وقلت ليه انه انتين مو خطيبته انما بنت عمته .. فرد عليي (مادري شفته حاملنها ) وكان يقصدش .. هنيه انه طعنو قلبي وحسيت انه احمد خانيي واستغل ثقتي ليه وثقتش فيه .. لما طلعت من عند الدكتور ما كنت متحمل ........ كان ودي اهاوش بس سكت ولا تكلمت .. شفت احمد عند الباب ومشيت عنه ..
هدى : وجيفة طاوعك قلبك
جاس: ما ادري .. بس هو قال ليي لا تعذبني وخبرني عن هدى وانه ما استحمل وووو .. كسر خاطري ودرت ليه .. ثلت ليه انش بخبر وهذا كان مجرد اغماء .. مباشرة حضنني وقال ليي مشكور .. تذكرت والدكتور يقول انه حملش ونفرت منه وقلت ليه : ما يخصك فيي ومن اليوم ورايح انت ما ليك شغل عدنه وتقدر تمشي بيتكم .. تخيلي يا هدى انه قلت هالكلام
هدى ك جاسم انته تمزح وياي وتباني اصيح عدل
جاسم : لا اكيد
هدى : عيل ليش سويت جدي .. ليش قلت جدي
جاسم : ما قدرت اسمع انه حاملنش وهو محرم عليش
هدى : جاسم حتى لو ما تقول هالكلام . . الله يستر بس منى ما تهدني
جاسم : انزين هي منى قصرت فيي
هدى : بس ججاسم بس ما توقعت تقول جدي .. بس اسكت .. حتى علاقتي ويه منى خربتها ما كفاك انك تبعد اقرب انسان مني .. انت ما تدري انه احمد يستغني عن كل شي الا كرامته ..
جاسم : هدى لا تلوميني زيادة .. انه اخذت الشغالة ووديتها البيت عشان تقفض وتغسل لأنه خلاص ما بقعد في بيت خالي
هدى : بعد
جاسم : هدى انه اخوش واغار عليش .. ولا اقدر اسمع انه احد سوا فيش أي شي
هدى : جاسم بس بس بس خلاص خلني ارتاح .. خلني ارتاح
وغمضت
طلعت عنها وانه متلوم رجعت عشان انجان احصل احمد ومنى بس ما حصلتهم ما حصلتهم .. اتصلت لأحمد عشان بتأسف لأني صدق زودتها بس هو بعد ما قصر ( عيل يحمل اختي ) بس للأسف ما رد .. اتصلت مرة ومرتين بس واغلق التلفون ..
تضايقت وايد وايد ورحت عدت عند البحر وارمي حجارة بكل تعب وهم .. انه غلطان والله غلطان وحاس بالندم ..... حاس بأحمد وانه انا وايد جرحتة ... قعدت عند البحر وتلفوني زكل شي في السيارة .. وانه قاعد ومحتار .. حزين .. كأيب .. مادري ويش اسوي

احمد
المستشفى
-------------------------
كنت واقف اصيح .. بس بدون صوت .. احاول اغطي عن نفسي .. احاول امنع نفسي بس ما اقدر .. تخيلت انه انا بفقد هدى
لما شفت جاسم ياي .. كنت امبيه يدخل بسرعة على الدكتور ويسأله .. انه ما اقدر اسأله .. ما اقدر .. اخاف يقول ليي شي ما اقدر اتحمله..
دار بيننا شوية كلام وطلب مني ارتاح بس انه ما اقدر .. انه ارتاح وهدى مو مرتاحه ..
دخل للدكتور وانه على اعصابي .. قعدت انتظره عند الباب .. بعد حوالي 10 إلى ربع ساعة طلع .. لما طلع كنت اتمنى اشوف البسمة على ويهه .. لكن لما شافني ما عطاني أي شارة .. هل اتكدر والله استانس .. ومشى عني !!
قعدت امشي وراه قلت اكيد هى صادها شي وما يبي يقول ليي .. قعدت امشي امشي واتوسله يقول أي كلمة .. دار ليي وطمنني على هدى .. فرحني الله يفرحة .. حظنته بكل ود .. كنت ادعي ليه من كل قلبي ... الحمد لله الحمد لله ..
بس كان اقوى صطار للي .. انه نفر مني وتباعد وكل ليي كلمات اخس من السم .. والله لو قاتليني ولا اسمع جاسم يقول ليي جدي ((: ما يخصك فيي ومن اليوم ورايح انت ما ليك شغل عدنه وتقدر تمشي بيتكم )) اولاً طلعني من الموضوع واحنا ما لينه خص فيه ..
وثانياً من اليوم ورايح يعني خلاص اعتبر العلاقة مقطوعة ..
وثالثاً تقدر تمشي يعني هذي طرده .. طرده
حسيت انه كرامتي هي اللي تمشيني .. مادري ليش قال جدي انه ويش سويت ليه . .
بس خليت عقلي اكبر .. قلت ليه مشكور .. ومشيت عنه .. احس انه الأرض تغوص .. راسي يدور ..
دخلت على منى للمكان اللي كانت قاعدة فيه .. انه كنت متضايق بشكل
منى : خير يا خوي هدى فيها شي
ما رديت عليها .. ما كان ليي مزاج اني ارد ابداًً ً
منى : احمد لا تحقرني طمنني على هدى
احمد : هدى الحمد لله زينة
منى : وليش تقولها جدي .. انت اكيد خاش عني شي
احمد : منى ماليي مزاجش
منى : اللي يريحك بس لازم تعرف انك اذا شكيت ليي بتخفف من همك
احمد : والله ويش اقول ليش
منى : ويش صار ليك بالتفصيل
احمد : كنت واقف انتظر جاسم يطلع من عند الدكتور ولما طلع ما كلمني ومشى عني .. انه ظنيت انه سامع خبر مو زين عن هدى وما يبي يكدرني .. لحقت وراه عشان بس يطمني .. بس ما دار ليي .. وانه كان قلبي يتقطع مليون قطعة .. بعدين دار ليي .. وطمنني عليها بس كانت نبرة صوته يها احتقار .. واحتقار شديد .. بس انه اهم شي عندي انه طمنني على هدى .. حظنتة وانه مستانس .. حسيت انه انا اطير من الفرح .. بس اللي طدمني انه هو تباعد عني بنفور وتوقعي ويش قال ليي يامنى
منى : ويش
احمد : قال ليي ( ما يخصك فيي ومن اليوم ورايح ما ليك شغل عدنه .. وتقدر تمشي بيتكم ) .. انه ما تحملت
حطت منى ايدها على ثمها من الدهشة ..
منى : انت ويش تقول جاسم يقول جدي .. مست(((
احمد : انه بعد مو مصدق
منى : وانته ويش قلت ليه
احمد : تشكرته ومشيت
منى : لكن اذا يه انجان ما مسحت فيه الأرض .. اصلاً هو من عشان يقول ليك جدي ..
احمد : انه اقدر اتكلم عن روحي .. واذا بغيت اهاوشة انه بروح وبهاوشة .. الحمد لله عندي لسان
منى : ادري انه عندك لسان .. بس عشان يشوف انه وياك سند .. وهدى اكيد اكيد بتوقف وياك لين ما يحس بغلطة .. بس اموت واعرف ليش قال ليك جدي ..
كنه قاعدين نسولف وصل جاسم .. وفعلاً منى ما سوت فيه سوايه .. ما خلت كلمة الا قالتها عنه ..
جاسم مشى وراح لهدى من صوب بينما احنا قررنا انه ننتظرة لين ما يطلع ورحنا الكفتيريا ننتظر ..
اتصل ليي عده مرات بس انه ما كنت امبي اسمع منه أي اعتذار ماامبي اسمع منه شي .. كفاني ما سمعته .. كفاني وزاد ..
لما طلعنه من الكفتيرية
احمد : تظنين انه جاسم طلع
منى : اكيد طلع واذا ما طلع ما علينه منه ما بنعريه أي اهتمام
مشينه ورحنه للرسبشن نسأل عن هدى وقررو يرقدونها لمدت يوم عشان يشرفون على اكلها .. اما دلونه على الغرفة .. رحنة وانه مو مستعد اواجهة جاسم لانه ما يستحق المواجهة
طقينه الباب ودخلنه واشوه كانت الغرفة هاديه بس لما حست هدى انه فيه احد داخل
هدى : جاسم اطلع ما امبي اسمعك عقب اللي سويته
منى : هذا احنا
فتحت هدى
هدى : احمد اني آسفة
وبدت هدى تدمع
كان شكلها يكسر الخاطر .. الدموع في عينها .. المغذي في ايدها شيلتها مو مضغوت عليها ورقبتها تطلع ..
احمد : هدى انتين ماليش دخل
هدى : اخويي تهور وكان السبب انه استحمق يوم قال ليه الدكتور انه افتكرك خيبي لأنك حملتني
وقفت شوي استوعب الوضوع .. الحين جاسم يغار على اخته مني انه .. انه ولد خالها اللي انشالله بتزوجها .. واما من العمال اللي بينقلونها ما بيغار ..



هذا تفكير متحجر



منى : هدى اخوش طاح من عيوني
هدى : حرام عليكم اصلاً هو كان معصب والحين متلوم قد شعر راسه ..
ظليت ساككت . مادري ويش اقول . بس ما طقت اقعد اكثر ..
وقفت ويييييييت بطلع بس اول قلت
احمد : مع السلامة
هدى : احمد انتـ
ما تركت ليها مجال انها ترد .. طلعت من الغرفة الا من المستشفى .. وين اروح .. انه تعبان والله العظيم تعبان .. مو حرام واقف ويه اخته وخايف عليها من انه يلمسها واحد غريب هذا جزاتي .,.
وينه اروح ..
انه لين انه متكدر احب اروح البحر .. بس اخاف جاسم بعد رايح االبحر لانه هو مثلي ..
الحين جاسم ما بيفكر الا يروح البحر ..
واقرب بحر كان على الطريق رحته .. بركنت عند راعي بيبسي وهالخرابيط ..
اخذت ليي دايت وقعدت اتمشى .. حصلت صخرة كبيرة تصلح للواحد يقععد عليها .. رحت وقعد عليها ..
قعدت افكر ويش اللي خلى جاسم جدي .. كان عنده عاي حتى انه وهدى نطلع بس الحين مادري ويش اللي قلبة .. انه تعبان .. كنت اتمنى تكون عندي الزوجة اللي اروح وارتمي في حظنها واشكي ليها همي ..
بس بشرط ما تكون غير وحده .. (( هدى )) ..
تذكرت ويها الطفولي الملائكي .. أي قد حليوه .. أي قد ناعمة .. أي قد احبها .. ولا جاسم ولا غيره اللي بيأثر في حبي ليها .. لأنه حب صادق .. وناجم من القلب .. مو حب مراهقة ..
تذكرت انه انه غالق تلفوني فتحته قلت يمكن منى بعدين تبيني ارجعها البيت .,. قمت ويبت ليي سيادة من السيارة وفرشتها وامبطحت عليها .. كنت اتمنى اني اقعد مرتاح البال بس ابداً ما راح يتحقق ..
تمنيت هدى تكون ويايي الحين .. بس وين وين هدى مسكينه في المستشفى ..
اتصلت لمنى ابااطمن عليها
احمد : هلا منى
منى : اهلين ,, يا اخي وينك
احمد : بأرض الله الواسعة
منى : احمد دقيقة بطلع
وبعد فتره
منى : الو
احمد : هلا
منى : اسمع هدى تقول اخوها وايد وايد متلوم وحرام تكبر السالفة وهي ما تستاهل اذا شفته او اتصل فيك هدي اعصابك وتكلم عادي
احمد : آسف
منى : احمد حرام عليك .. هذا طلب هدى .. هي تبى تصالح بينكم .,. لأنها تحب اخوها وايد .. وتحبك بعد اكثر .. فعشان خاطرها
احمد : يصير خير .. الحين هدى شحوالها
منى : متكدره وكل ما تتدكر الموضوع تدمع عيونها
احمد : لا تتكدر انه عشانها بسوي أي شي لكن عشان كرامتي اسوي اشياء اكثر .. اقو ليش اول بنتقم .. واذا ما جا الأنتقام اليوم بيجي في الأيام اليايه
منى : اخز بليس عنك ..
احمد : انه اليوم بليس صارير رفيقي
منى : اكتشفت
احمد : ويش
منى : انت ما تحب هدى ولا تهمك مصلحتها
احمد : ليش
منى : الحين البنيه طايحة في المستشفى وتتمنى انك تتصالح ويه اخوها تقوم وتقول بليس رفيقك .. الله يه++م بهالرفقة
احمد : منى قدري .. انه انهنت .. وما اسمح لكرامتي بالمهانه ابداً
منى : اللي تقول ليك به كرامتك سوه .. اني الا عليي وصلت اللي قالته ليي هدى ليك واصلاً اكي هدى تكلم جاسم وتفهمة الموضوع وهو ندمان
احمد : للأسف يه ندمة متأخر
بس منى قطعت الخط في ويهي
ويش اسوي ويش بيدي .. انه مو قادر اتحمل .. ما اقدر اصلال جاسم وقلبي شايل عليه .. انه يوم اللي اسامحة من قلب في ذاك اليوم بتكلم وياه عادي ..
كملت بطحتي ..
وبعد حوالي نص ساعة شفت احد يايي صوبي .. بس البحر ماكان في احد لأنه ظهر بس لأنه احنا مو في الحر الا هو حر انما في الربيع ..
درت ولا اعريت هالشخص اهتمام .. لأني ما دققت في ملامحة ....
قعدت افكر لو الحين جاسم يتصل ويش بسوي .. ابقطعة في ويهة او ما برد او برد وبسبه
مادري ..
الشخص اللي شفته من بعيد وقف صوبي وكأنه يدقق في ملامحة بس انه ما درت اليه لأنه ماليي زاغر .. ولا ادري هذا من
الشخص : احمد هذا انت
لما قال احمد درت اشوف هذا من ... وكانت الصدمة انه هذا جــ ..,.. ــا ..,.. سـ ..,.. ــم ..,..
ويش يابه هنيه
مثل ما توقعت .. جاسم مثلي اذا ضاق به الخاطر مباشرة يروح البحر ويفضفض عن نفسة
ما تكلمت ليه ولا درت بالعكس كملت بطحتي وغمضت عيوني
جاسم: انه آسف احمد
ما رديت عليه ولا برد كيفي هالأنسان اهانني قدام الله وخلقة
رفعت تلوني واتصلت لمنى بينما هو لازال واقف
احمد : الو هلا منى
منى : اهلين
احمد : منى يالله هذانه بمر عليش اطلعي من الغرفة ترى احنا مطرودين من الأساس .. بس الي طردنه احنا ما قعدنه في ملك ابوه
منى : احمد ويش السالفة
احمد : السالفة انه بعد ما انهنة .. الل هانونه يايين يقولون احنا آسفين .. بس انه ما بسامح يقدرون يمشون
منى : احمد اعقل عشان خاطر هدى عاد
احمد : منى جهزي نفسش احنا من اليوم ورايح ما بندوس بساطهم واذا تبين تكلمين هدى تقدرين تتصلين ليها
منى : احمد حرام عليك استح .. اكي هدى بتكلمك
ما قدرت ارفض
هدى : احمد اذا في يوم حبيتني .. واذا في معزه ليي في قلبك انسى السالفة .. كون متسامح الله يخليك تعبت من المشاكل .. عساني الموت .. يا ربي اموت وافتك من عمري
احمد : لا تقولين جدي
هدى : احمد لا تحقد ترى الحقد مو زين
احمد : بس انه ما اقدر اسامح ما اقدر
هدى : اخويي كان مستحمق
احمد : والكلام اللي قاله مو شويه ... وماكان عنده حق .. الحين مني يغار ومن العمال اللي بينقلونش ما بيغار
هدى : ما عليه كان في لحظة تهور
احمد : مادري مادري
هدى : اني قلت ليك .. ومن تصرفك بحكم ان كان ليي معزة بقلبك او لا
احمد : بس
هدى : احمد صل على النبي واخز بليس ..
احمد : خزاك الله يا بليس
هدى : يالله مع السلامة
احمد : لحظة
هدى : باي
وقطعته

احترت ويش اسوي
جاسم :احمد انه قلت ليك انه آسف وما بكررها .. انه غلط .. وكان غلطي ناجم عن انفعال وعدم تفكير وتهور .. والحين انت بتغلط مثل الغلط .. انه اللي عليي انه انه مديت ليك ايدي بس انت صديت عني .. واذا ما بتسامح هذا شي راجع ليك .. وانه فههمت من مكالمتك انك ما تبى تسامح .. وهذا شي راجع لي
احمد : لحظة
جاسم : خير
احمد : انه عشان هدى اللي ما امبيها تزعل بسامحك على ما قلته
جاسم : انه ما امبيك تسامحني عشان خاطر هدى .. انه امبيك تسامحني لانه قلبك ما فيه شي عليي
احمد : يعني جاسم بدمتك الحين انت تغار مني انه اني نقلت اختك من السيارة للسرير ... ولو كانو عمال ما بتغار
جاسم : هذي اختي ومن حقي اغار عليها
احمد : بس حدود المعقول
جاسم : كنت تقدر تتصل ليي
احمد : ومن قالك ما تصل .. بس تلفونك لا يمكن
جاسم : وانه ما كنت فاهم الموضوع عدل .. وكنت اظن انك استغفلتني بس الحين لما فهمته ييتك اعتذر وانت بتقبل كان بها بترجع علاقتنه احسن من الأول .. ما بتقبل كل واحد في طريق وانه بديت بالسلام وانته اعرضت وانه ايدي
لا تعليق

تعبت و انتهى الجزء واتمنى انه ينال اعجابكم

الجزء الرابع عشر

جاسم
البحر
-------------------------
اقسم بالله كأني طرار ..
واقف انتظر من احمد كلمة .. بس انه شلون ما طرا على بالي انه اذا احمد ما حمل اختي العمال بيشيلونها فأحمد 100% احسن ... لكن تدرون .. انه استاهل والله انه كله اوكي ويه احمد بس مادري ويش صار ليي .. حسيت بالغيرة .. غيرة مو شوي الا وايد .. وفي مثل الوقت خوف . خوف شديد .. خفت انه احمد يستغفلني ويسوي بأختي شي رغم اني واثق فيه وايد .. لكن الشيطان ماشالله يلعب الدور عدل ..
احمد مارد عليي عقب الكلام اللي قلته
جاسم : احمد انه تعبت اذا بعدك او جوابك لا ترى بمشي .. انه صح غلط وجيت اعتذر .. وما بقبل مهانه اكثر
احمد : لكني تقبلت المهانه منك وانه امشي وراك كأني (...........) .. والناس كلها تطالعنه .. وتحملت المهانه وانت تصارخ عليي قدام العله والمله .. تحملت المهانه وانت تقول ليي كلام مثل السم لكن الله يسامحك الله يسامحك انه ما اقدر اقول شي .. عقب هالرفقة اللي بينه عقب ما صار لينه اكثر من 16 سنه ربع .. واللي اكثر حبي لهدى اللي مو مكن استغني عنه بسبب هوشة بسيطة .. بقولها ليك في ويهك رغم انها اختك ويمكن هذي وقاحة لكن انه احب هدى وحبها بسري بدمي .. خشيت هالشي عنك ورغم انك تدري بس ما عمري اعترفت ليك ويا الوقت اللي اعترف بدون مستحى .. مثل ما انت ما قدرتني واحرجتني .. انه ما امبي اتذكر داك الموضوع واحاول انساه .. وانت يا ولد عمتي روح الله يسامحك .. لكن لازم تعرف انه مو انته اللي بتخاف على هدى اكثر مني ولا بجي احد بيخاف عليها قدي وانه احبها واحب سترها وعفتها وهذا الشي ما بفرط فيه فاهمني .
أي قد ارتفع احمد في نظري .. رغم انه اصغر مني لكن كلامة منطقي صدق انه قهري وهو يعترف بدون مستحى بحبه لختي لكن هالشي فخر ليي دام انه اختي حصلت ليها احد يحبها جدي وحصلت احد يخاف عليها جدي يالله الله يهنيهم
جاسم : يعني سامحتني
احمد : المسامح رب العالمين
جاسم : امبيك تقول أي او لا
احمد : وتتوقع انه انا بقدر اشيل عليك في قلبي .. او اشيل على ربيع روحي وحياتي .. او اشيل على اخت معشوقتي
جاسم : عاد قلنا انك تحبها بس مو تتغزل فيها قدامي يا اخي
احمد : او هي موجودة جان ما قلت هالكلام
جاسم : الله يه++م
احمد : آمين
لاشعورياً رغبت اني اضم احمد بدل ما تباعدت عنه في المستشفى
وفعلاً حضنته وفي عيوني الدمعة .. حسيت انه انا صغير قدام اللي اصغر مني وهذا شعور كريه وايد ..
احمد وهو حاضنني : ما بتنفر مني بعد هالمرة
جاسم : افا يا خوي لا تذكرنا بالماضي .. هذي صفحة سوده وانطوت
وبعدين تباعدنه
جاسم : وين سيارتك
احمد : اكي في الباركنج
جاسم : اوكي عيل انه في سيارة وانت في سيارة وبنروح المستشفى عشان تفرح هدى
احمد : ابشر
وتوه احمد بيمشي الا تلفونه ران وطلعة من جيسة
احمد : الو .. هلا بأهل سوريا .. شحوالكم .. امتى بتيون في سوالف وايد متشوقين ليكم .. احنا الحمد لله عالي العال .. أي أي .. هدى اوكيه ومنى بعد .. انزين ابويي ما حصلتون حجز عشان ترجعون .. اوه صدق .. والله متولهين عليكم .. يعني بعد يومين انجهز البيت عشان اليوم الثالث بتيون ... أي اوكي .. والله البنات متولهين عليكم اكثر .. أي أي اتصل لمنى .. يو ابويي عن صدق ما عندك رقمها لحظة بعطيك اياه .. اخذة ( ******39 )انزين انزين .. ما تبي تكلم جاسم .. اوكي اخذه
واخذت التلفون
جاسم : هلا والله هلا بخالي هلا بالغالي
خالي يوسف : هلا فيك .. شحوالك شحوال منى وهدى وانت واحمد امشيين كل اموركم اوكي
جاسم : حط ايدك في ماي بارد خالي علاقتنه وش حلاوتها ..
خالي : والله اني تشوقت للبحرين
جاسم : تشتاق ليك العافيه .. واهل البحرين ما اشتق ليهم
خالي : والله ما بشتاق للبحرين الا لاهلها ( الا هم اهلي )
جاسم : والله احنا اكثر .. امتى قررتون تيون
خالي : بعد 3 ايام انشالله
جاسم : والله فرحتني .. البيت دونكم مو شي .. شخبار الوالده
خالي : والله كلهم تمام بس انتون مسوين اختلال .. البيت صاير هدوء
جاسم : الله يسامحك يالخال عيل احنا مصدر الفوضة
خالي : كفايه منى وهدى وتكمل الفوضة
جاسم : يالحليلهم
خالي : انزين يا ولدي مع السلامة
جاسم : سلم على امي وفطوم وابويي ومرت خالي وكلهم كلهم
خالي : يوصل .. فمان الله
جاسم : في امان الكريم
وسكرت
جاسم : يالله احمد نروح المستشفى
احمد : يالله
ومشيت صوب سيارتي ... واحمد بعد ..
اقول ليكم جريمة بسيطة ارتكبتها .. استغليت الفرصة واحمد يقول الرقم مال منى وسجلته عندي .. واخيراً حصلت عليه بسهولة .. والله لأذبحش يا منى هههه ( قلبي ما يطاوعني ) وانه في الطريق فكرت اني اتصل ليها بس اتحجج بدون ما اتكلم لكن يوم فكرت فيها .. ترى هدى وياها وهدى تعرف رقمي .. كنسلت عن هالفكره ووصلت المستشفى .. دقيت على احمد عشان نلتقي مع بعض ونروح الغرفة مع بعض ونفرح هدى ومنى بعد ( وامبي اصالحها ) صدق انه هي ما سوت فيي سوايه لكن قلبي معورني لأنها ما تكلمني .. توني مكتشف انه منى شوي شوي قاعدة تحفر مكانها في قلبي ... احس انه هي قطعة مني .. وفي مثل الوقت احس انها تمقتني وما تطيق تشوفني والله انجان ما سوت فيي ما سوته في المستشفى .. وللأسف ما تغيرت مكانتها ولا تزلزل مقدارها

رن التلفون وشاله احمد
جاسم : وينه انت يا اخي
احمد : انه في الباركات وانت
جاسم : انه بعد
احمد : وين نلتقي
جاسم : عند البوابه .. اسمع حصلت بارك
احمد : أي الحين الظهر لازم احصل بارك
جاسم : قولك بيدخلونه ...؟؟
احمد : أي بالواسطه كل شي يصير
جاسم : انزين بوقف ليك عند الباب .. وبس اوصل بسوي ليك رنه واذا انت وصلت قبل سو ليي رنه
احمد : اوكووووك
وبركنت ونزلت .. وصلت عند الباب واحمد ما وصل .. توني ميود التلفون بسوي ليه رنه الا هو موصل
احمد : يالله نركب
جاسم : يالله
احمد : بس تدري اول بنشتري ورد او شي ليها .. هدوي تحب الورد
جاسم : أي اوكي .. ومدام اختي مو على دمتك لا تدلعها
احمد : انت وايد صارم تدري
جاسم : من حقي اكون صارم ترى اختي حليوة جمالاً واخلاقاً بعد ليش ما اكون صارم
احمد : لا تغتر .. ترى اختي تنافس اختك في الجمال
جاسم : خلنا نسد هالموضوع
ودخلنا رحنا اشترينا ورد كبير شوي ..ورحنا ليها
طقينه الباب ولا دخلنا
فتحت منوي بعد جبدي الباب ويوم شافتنه ويها انشق من كثر الأبتسامه ..
اشر ليها احمد عشان تسكت وفعلاً سكتت
هدى : منوي من فالباب
ودخلنا احنا
جاسم : احنا اللي في الباب
هدى : يا بعد جبدي يا خوي .. توقعت انكم بتتطالحون ( اصلاً سالفتكم بايخة )
احمد : ندري
هدى بمستحى : هلا احمد
احمد : هلا فيش شخبارش
هدى :الحمد لله
احمد : ما تشوفين شر
هدى : الشر ما يجيك
وقعدنه .. صاره اليوم بالذات احلى .. والمشكلة اني ما تكلمت وياها ومو عارف وين ابدي او شلون
جاسم : هدوي ما عطيتيني ويه
هدى : اذا عطيتك بويش ابقا
احمد + منى : هههههههههههههههه
يا بعد قلبي هالضحكة
اليوم مادري ويش فيي مو صاحي قاعد واتغزل في البنت بقلبي اخز بليس جسوم انت عمرك ما غازلت بنيه ( مغرور ) ..
جاسم : هدوي بشتكي ليش عن شخص وايد اهاني
هدى : منهو انت بس قول ليي واني اكسر راسه
جاسم : لا حرام ما ارضى تكسرين راسه
هدى : انزين منهو
جاسم : صديقتش
هدى بأندهاش : مــ ، ــــ , ــــنـــ ‘ ــــى
جاسم : في غيرها
ومنى ما تقلقت طبعاً ولا تأثرت والله كاني قاتل ليها حبيب اصلاً المشكلة بيني وبين احمد هي شكو .. بنات ..
جاسم : ولا نافخة عمرها
هدى : جااااااااااااااااااسم
جاسم : أي بسكت
هدى : منى ويش فيش على اخويي
منى : ما فيي شي .. اصلاً هو من امتى صار فيه شي !!
أي اكيد ما يصير فيه شي دام عبود حبيب قلبها وين يصير شي ليها مني
هدى : عيل ما اهنتين اخويي
منى : هو اهان اخويي اكثر
هدى : بس بس سدو هالموضوع
بصراحة انقهرت ... الحين انه ما سويت ليها شي وجدي .. اخوها سامحني وهي عاد كلش اصلاً هي ما تهمني خلها تولي
منى : احمد اليوم بتروح لعبدالله
والله العظيم برتكب جريمه قتل انه اليوم ... وليش بعد تسأل عن عبدالله .. هالقد مشتاقه ليه
احمد : ليش
منى : بس
وبعد شوي دارت الى هدى
منى : هدى متى بيطلعونش
هدى : يمكن اليوم ويمكن باجر ليش
منى : امبي اروح المجمع .. تولهت على طلعات قبل
وغمزت ليها
بس ويش معنى هالغمزة ما فهمت
جاسم : اختي مريضة وما في تطلع لسبب تافهة
منى : هدى احنا اذا بنطلع بنطلع عقب ما اشوفش حصان
احمد : ما حد حصان غيرش تقولين لهدى حصان (( ماصارت حاله ))
منى : اني وهدى نيوز عساني اقول ليها حصان حمار كيفنه
احمد : بل
هدى : بس تدرين منى ما عندي بدله يديده عشان اروح بها
منى : عندش البدله البيج ما لبستينها الا مرة في مجمع البحرين
هدى : أي والله
احمد : ما تطلعون الا بعبي
منى : اني خاطري اطلع بدون من زمان هدوي ما طلعنه بدون عبايات
احمد : مافي .. اذا بتطلعون تطلعون بعبايات
ووجهة نظره لهدى ما فهمتها ...
جاسم : اذا كان لباسهم فضفاض وساتر ليش يلبسون عبايات زياده حر
احمد : جاسم لو سمحت اذا بيطلعون يطلعون بعبايات ..
جاسم : حتى اختي
منى : اصلاً اختك هي اللي خلت هالقرار يصدر
جاسم : ليش ؟؟؟
منى : احمد ما يحب يشوفها بدون عبايه ونظرات الشباب عليها
جاسم : وانتين
منى : اني بعد .. بس هدوي اكثر لأنها رشيقة اكثر مني
جاسم : انه من اليوم ورايح بدبحها من الأكل لين ما تصير دبة
احمد : زين تسوي فيها
هدى : حرام عليكم
منى : اني وزني وزن مثالي وطولي مناسب جسمي .. بس انتين شوي مايلة للضعف لكن جسمش وايد مرتب
هدى : منوي تصدقين وحشتني طلعات قبل لما كنا نطلع بدون عبي ونروح السينما ونتغدى ونطلع ونتمشى ونتسوق
احمد : هدى رجاءً لا تخليني اعصب اذا بتطلعين بعباية
جاسم : وانت ليش تجبرها
تبلعم احمد رغم اني اعرف الجواب .. غيرته عليها .. أي واحد مكان احمد بيسوي مثله .. مسكين ايحب هدى وايد ولا يتحمل يشوف عيون عليها .. انه بعد من زمان مو مقتنع بعدم لبس العبي لكني ما كنت امبي افرض رايي على اختي امبيها تقتنع وتسوي هالشي من رغبتها

جاسم : انه بروح اشتري ماي
هدى : عندي ماي
جاسم : ماعليه امبي ماي الماي اللي في السيارة خلص
هدى : اوكي

يمكن في طلعتي هدي خطأ اني اتركهم لكني امبي احمد يتفاهم ويه هدى ويقنعها .. ومدام وياهم منى ماعليه منى تدري بكل شي عنهم
رحت فعلاً واشتريت ماي لما وصلت عند الكيشر شفت واحد من ربعي رحت وقعدت وياه وسولفنه وايد من ايام الدراسة وهو ساير


هدى
غرفة المستشفى
--------------------------------
انصدمت صدمة كبيرة من اللي قالة جاسم ,, يغار عليي من احمد ويخاف عليي من احمد .. احمد هو اكثر انسان اوثق فيه واكثر انسان يعشقة قلبي واكثر انسان ما ارضى ليه بالمهانه .. احمد انسان عظيم ... احمد انسان طيب .. احمد لو قعدت اعدد مميزاته ما بقدر احصيها ..
احمد هو بؤبؤ عيوني .. ونظرها .. احبه احبه احبه احبه وليت هالكلمه توصل ليكم جزء من حبي له .. تمنيت اني ما عشقته بيوم لأنه مافي انسان ما يعشق الا بشقى ..
طلبت من جاسم يطلع ,, مابي اسمع ايقد تألم احمد .. ماقدر اسمع انه احمد صادة شي .. او احد جرحة .. حسيت انه قلبي مكسور .. كنت امبي اوقف بويه جاسم واقول ليه انت تجرأت على سيد قلبي بس المشكلة انه هذا بعد اخويي .. اخويي .. اني بيت 3 نيران
الأولى اني بين اربع طوف في مستشفى الوضع فيه كأيب والثانيه اخويي ولد امي وابوي والثالثة وهي الأهم .. ملك روحي ..
كانت دموعي تتقاطر .. حسيت بالتعب .. تمنيت انه احمد يكون جنبي .. امسح على راسة .. واقول ليه لا تهتم بكل هالعالم اهم شي انه وانت مع بعض ولا في قوة في العالم تقدر تفرق قلبين حبو بعض بصدق ..
تمنيت انه جاسم يرججع ليي ويقول اكو احمد تقدم لخطبتش والكل موافق
انتظر اليوم اللي بدخل فيه على احمد بفستان ابيض ..
مافي بنت ما تتمنى الزواج !!
مافي بنت ما تتمنى تكون اسرة ويهال !!
بس اني اول بنت تمر بين هالمشاكل وتفكر في الزواج !!
تميت اصيح بصمت .. بس دموع دموع وبقلب تعبان ومرير ..
بألم وقهر .. سيد قلبي وفارس احلامي .. واخوي بن امي وابوي ..
احبهم اثنينهم .. وكل واحد حبه غير .
مسحت دموعي ووكلت امري الى الله ..
سمعت صوت فتحت باب ..
قلت اكيد هذا جاسم ...
طردته بس اتضح انه منى واحمد ..
ردت نزلت مني الدموع
قلبي مطعون .. اخاف احمد يتأثر
ا

وصدمتني منى وهي تقول اخوش طاح من عيوني ..

اني احب اخويي وايد وايد وين احصل اخو مثله
واحب منى وايد وايد ووين احصل رفيقة مثلها
واحب احمد اضعاف مضاعفة وووين احصل حبيب مثله

وبعد شوي بس طلع عنه احمد .. واني ومنى ظلينه بروحنه .. قامت السوالف تجيبنه وتودينه ..
منى : انتين واقفة ويه من
هدى : ويه احمد وويه جاسم طبعاً
منى : عن جد
هدى : ما اقدر اكسر اخويي بس اني ويه الحق .. بس بظل صامدة ويه اخويي وببر موقفة لين ما يتصالحون .. ترى هذا جاسم
منى : آآه من جاسم
هدى : منى انتين ما صارحتين بمشاعرش اللي مو متأكده منها
منى : مشاعري ما كانت مثل ما اظن .. طلع الشخص اللي افكر فيه ابداً ما يفكر فيي
هدى : منى ممكن اعرفة
منى : طلبش صعب
هدى : انتين ليش جدي اني كل شي اقوله ليش
منى : لأنه هالشخص بالتحديد وانتين ما اقدر اصارحش بمشاعري تجاهه
هدى : اخويي جاسم !!
منى : للأسف أي
هدى : بصراحة فرحتيني
منى : بس اني احاول انساه واشيله من بالي
هدى : لــــــــــــــــيــــــــــــــــــش I: ؟؟؟
منى :لأنه عمره ما حبني
هدى : من قال ليش
منى : اصلاً اخوش عمره ما تكلم ويايي حتى ..
هدى : ويمكن هو بعد يظن انش ما تحبينه
منى : ما اظن
هدى : انتين لازم تسعين ورا هالحب مو تدفنينة وتوه مولوه
منى : من زمان دفنته
هدى : بس اني بطلعه من قبرة
منى : ما بيطلع
هدى : امبلى يا منى .. اخوي يحبش
منى : ويش دراش
هدى : نظراته .. صدقيني تحمل حب كبير ليش .. كلامة عنش .. دوم يمدح فيش ..
منى : ومو شرط انه من المدح والكلام والنظرات انه يحبني
هدى : منى ارجوش اني ما امبي اخويي يتعدب
وبعد شوي اتصل احمد لمنى واللي فهمته انه مو ناوي خير بقصته ويه جاسم .. اخذته وكلمته بس ما اظن يجيب نتيجة .. احمد العناد راكب راسه
قطعته عنه ..
وبعد حوالي ساعة .. انطق الباب .. ياني فضول بس اللي طق الباب ما دخل .. راحت منى بتشوف بس ما ردت ولا قالت من اني سألت وكان الصوت صوت جاسم ودخل جاسم ووياه احمد
أي قد استانست ,, حسيت انه الأرض تطير
الحمد لله ياربي .. الف الحمد لله ..
دار بينه كلام ..
وطرينه طلعات قبل لما كنا نطلع بدون عبي .. وغمزت ليي منى وكانت تقصد انها بتخلي احمد يغار ..
شوي وطلع جاسم بحجة انه بيشتري ماي بس اني طبعاً ما صدقته .. طلع وتولاني احمد .. اصلاً ما كنت امبيه يطلع عشان ما يبدي احمد الزف ..
ومجرد طلع
احمد : هدى احنا ويش قايلين من قبل
هدى : احمد عفيه من زمان ما طلعت بدون عبايه
احمد : يعني تستانسين لين عيون الشباب تمتعت وهي تشوف جسمش
هدى : اني ما بلبس شي فاضح
احمد : هدى انه ما امبي انفخ راسي .. انه اعتبر نفسي ولي امرش .. وبما اني قلت ليش لا يعني لا بدون نقاش
وببعض من دموع التماسيح
هدى : احمد عاد
احمد : هـــدى ( بعصبية )
هدى : اني ما قلت شي بس انت وايد شديد
احمد : لمصلحتش
هدى : بس اني ما اشوفة غلط
احمد : هدى انه احب المره تقدر راي غيرها وتنفذة
هدى : بس انت مو ريلي عشان انفذ كلامك
احمد : مو مهم اني اكون ريلش عشان تنفذين كلامي .. هدى مافي طلعه بدون عباية
هدى : بس هالمرة بس هالمرة
احمد : هدى مو حليو تكون البنت عنيدة
هدى : بس اني عندي بدله ما لبستها الا مرة وخاطري اكشخ بها
احمد : اكشخي بها لينه
هدى : انت بعد صبي والمفروض ما اتزين قدامك
احمد : انه غير
هدى : بس راسي يعورني .. احمد عشان خاطري بس هالمرة
احمد : اه اللي عليي قلت ليش .. بس ترى ما اتحمل اني اشوف أي حمار من حمير المجمع يشوفش او يلحق وراش .. وانه اذا شفتش في المجمع بدون عبايه .. لا اعرفش ولا تعرفيني .. فاهمة
ردت نزلت دموع التماسيه ( وهههههه ) ناويه اقضي على احمد
هدى : احمد اني كل شي الا خصامك
احمد : اذا ما تبيني خصامي البسي عباية .. يا بنت الناس افهمي .. افهمي ..
هدى : اااااااف ..
احمد : لا تأفأفين ليي
منى : احمد انت وايد قاسي
احمد : اذا كان الحق يتطلب قسة فبكون قاسي ..
هدى : احمد بس اني ما احب ازعل ونفسي مشتهيه اطلع بدون عبايه
احمد : انتين تبين تيننيني .. انه قلت مافي يعني مافي واذا تبين تطلعين اطلعي بس انهة انسانه اسمها هدى ما اعرفها فاهمة
هدى : حراااااااااااااااااااااااااااااااااااااااااااام
منى : صدق يا خوي
احمد : انتون متعاونين عليي
هدى : عاد وافق
احمد : مست(((
هدى : عاد
احمد : اول حبي ايدي
هدى : بس لا توافق
احمد : ترى ايدي نظيفة واذا ما عجبتش تقدرين تحبيني وفي ريولي
هدى : لابس اصلاً اني احب العباية
احمد : هههههههه
ودخل علينه جاسم بس اني ناويه ما استسلم .. مسكين احمد .. اذا حصل مرة مثلي بتروح عليه ..
جاسم : ها ويش صار
هدى : احمد يبيني احب ايده او ريوله عشان يوافق
جاسم : هههههههههههه زين يسوي فيش
هدى : جسوم عاد خاطري اطلع
جاسم : بس تقدرين تطلعين
هدى : لالالا امبي احمد يقولها
جاسم : افا الحين راي احمد اهم مني
هدى : لا مو قصدي بس
جاسم : بس خلاص عرفت معزتي
هدى : احمد بعدين يزعل
ودرت صوب احمد
هدى : احمد عادي اطلع بدون عباية وبدون شورك
اكتفى احمد بخزرة مثل السم .. سكتتني .. ترى احمد صارم ..  ماني ماني امبي اعاند واناحس
وههههههه
احمد : هدى انا قلت ليش رايي وما بعدي
وتوه بيطلع
هدى : احمد احمد احمد
احمد : خير
هدى : اصلاً اني مقتنعه برايك بس احب اناحس
احمد : حبيبتي نحاسش مو عليي
هدى : انزين امزح
احمد : يالله منى بمشي
هدى : جسوم اني مليت من هالعيشة كلها هواش ونكد .. الحين اني اتكلم وياه عادي وما سويت ليه شي .. حرام عليه .. اصلاً ما وحدة في العالم تتحمل اللي تحملته

O0o.( تصنع )o0O.

جاسم : احمد الله يهديك بسرعة تعصب
احمد : وايد اختك تحب تلعب بأعصابي
جاسم : ياهل ما تعرفها
احمد : قريب بيعرسونها وبعدهي ياهل
جاسم : تعال زين
ودخل احمد
احمد : شوفي هدى هالحركة ما تتكر لأنه احنا مناقشين هالموضوع له
هدى : نوبه وتوبة بعد خلاص
مسكين احمد والله اني نحيسة بس ويش اسوي
بعد شوي يابو غدا المستشفى ( وع وع وع وع ) اسوء غدا دقته في حياتي ..
فتحته اخذت دانيت اللي فيه وغرشة الماي وسكرته
هدى : جاسم لو سمحت طلعة
جاسم : انشالله
وطلعه ..
وشربت ماي
هدى : احد يبغي ماي
احمد : انه

O0o.( انحرجت )o0O.

جاسم : في ماي فيي غراش في الكبت
احمد : لا عادي
ضحكو علينه جاسم ومنى
عطيت احمد الماي وشربه كامل
احمد : تبغين الغرشة
هدى : أي
جاسم : ويش تسوي فيها
هدى : ابغيها
جاسم : ميانين
وردو ضحكو علينه منى وجاسم واني واحمد منحرجين شوي

وبعد شوي
جاسم : هدى بروح اجيب ليش غدا
هدى : لالالالا ماني مشتهيه
احمد : بتاكلين
هدى : ماني طايقة
احمد : بس بتاكلين
هدى : انشالله
جاسم : اشوفكم وايد ماخذين راحتكم وتتكلمون ولا كأنكم محرمين على بعض
احمد : بس اليوم عادي
جاسم : بس اليوم
جاسم : انزين هدى ما قلتين ويش تبين
هدى : أي شي
جاسم : بجيب ليش خضار وفواكهة وعصير
هدى : ووووع
احمد : هدى لازم تتعودين على هالأكل
هدى : ما احب اكل جدي
احمد : بس لازم تعودين نفسش وتحبينهم
هدى : بحاول
وراحو ويابو ليي هالهرار والله اني الود ودي ما آكل شي منه بس ما بيدي شي .. دام احمد وجاسم على راسي ..

اما العصر حسيت انه جسمي متعب ومحتاج لراحة .. فنمت ومنى جنبي

انتهى الجزء في انتظار تعليقاتكم الرائعة

الجزء الخامس عشر

نبذه بسيطة عن هذا الجزء :
في هذا اليوم طلعت هدى من المستشفى .. وبأحسن صحة لكن لازم تتابع غذائها ويكون كله طازج ومفيد ..
من ناحيه ثانيه اعلن الدكتور انه عبدالله بصحة زينه بس لازم يظل تحت المراقبة .. وهو حالياً ما بيقدر يمشي عدل .. والحين الشباب يتحركون على الحجز إلى المانيا ولكن بعد ما يرجعون الأهل .
والأهل باجر بيرجعون والشباب وايد وايد متحمسين لشوفتهم .. وتجهيزاتهم .. جاسم راح بياخذ هدى وبيوصلها بيتهم وبعدين بيروح يشتري قدوع وهالسوالف ..
اما احمد فهو الحين في سوق السمج بيشتري سمج حق لين رجعو الشعب .. وبيطلع وبيشتري لحم ودياي وفواكهة وقدوع ..
منى كانت ويه هدى ترتب وياها اغراضها ..
اما بالنسبة للأهل في سوريا فهم مشتاقين للبحرين وينتظرون الساعة اللي بيشوفون تراب الوطن .. وبعد ايحاتون الشباب لأنه ما اتصلو ليهم
اما محمد اخو هدى .. فهدى وايد وايد عتبانه عليه لأنه ما يا يسلم عليها وبعد ما زارها في المستشفى بس هو الله يعلم بحاله ..

منى
غرفة هدى بالمستشفى
3.57 العصر
----------------------------
كنت قاعدة ارتب ويه هدى وادخل اغراضها .. واحط الورد على صوب عشان بنشيله .. والحلاوة والحاله ..
بصراحة حر وايد .. فصخت الشيلة والعبايه .. وقلت اذا احد بيدخل اكيد بيدق الباب ..
كنت لابسة برمودة مارونيه وكيوت .. وياها بدي بيضه فيها فولك واشياء جدي .. اني احب دي البدله للأماكن العاديه لأنها مريحة وفي مثل الوقت حليوة وراقية مو أي شي ..
هدى : منى تتوقعين احمد زعل على يوم اقول ليه عن سالفة العباية
منى : هدى انتين اختي واني لازم انصحش
هدى : خير
منى : اسمعي احمد اخويي يعتبر نفسه المسؤول عنش .. وبعد ما يحب احد يتدخل في شؤونش .. وبما انه هو قايل ليش البس عباه يعني البسي .. ترى الريال ما يحب المرة العنيده .. وهذي نصيحتي وانتين كيفش
هدى : هذا رايش
منى : أي
هدى : بس اني مادري ويش يصيدني بس اشوفة احب اتكلم وياه احب اسمع صوته .. وما عندي شي اقوله غير اني احاججه عشان اتلذذ بصرته
منى : هدى يتش فترة وايد كنتين حليوة .. كنتين ثقيله وما تكلمينه .. صدقيني تزيد معزتش عنده لين ثقلتين .. ويعرف مقدارش ..
هدى : والله العظيم مو بأيدي مو بأيدي .. امبي اكلمة بأي طريقة .. وهذا الشي قلبي اللي يدفعني إلى اني اسوية .. احس انه اني تايهه في حبه .. واحس انه اني مو طبيعيه .. بس اشوفة ..
منى : هدى اثقلي لا تكونين خفيفة
هدى : بحاول قد ما اقدر
ودار بيننا كلام طويل
منى : هدوي اني عطشانه
هدى : اكو الماي على الطاولة اللي صوب السرير
قمت عشان بشرب ماي وبكل ثقة فاصخة الحجاب والعباية واتمشى ..
درت للجدار واني اشرب ماي ( حركة لا شعورية ) بس سمعت هدى تقول
هدى : اطلع اطلع اطلع لا تدخل
درت الا صبي واقف

بل

بل

بل

ويش صاير ..؟؟

ويش السالفة .. ؟؟

اني ما علي حجاب وبالإضافة الى انه عليي حفرة !!

لما دققت في الملامح .. اتوقعو طلع من

جـ
ـــا
سـ
ــم

هذي حزتها يشوفني واني بعد عليي بدله مو كشخة .. وصح انه شعري حرير بس مو امشط عدل

^
^
الناس فس زلزة والعروس تدور رجل

بغيت اتستر .. بغيت اغطي وجهة وشعري .. بس بويش
حسيت انه الوقت وقف .. ظلينه بس اني وجاسم .. طالعني بنظرة غريبة وكأنه يقول ليي انتين خاينه او شي جدي .. ما فهمت هالنظرة ..
بعد شوي طلع .. لبست بس المشكلة ما ليي ويهة اقابلة ..
هدى : يالله اناديه
منى : لالالالالالا الله يخليش ..
هدى : ليش جى اخويي ويش مسوي ليش..؟؟
منى : والله العظيم فشيلة !!
هدى : عادي ليش هو اول مرة يشوفش ؟؟
منى : لا بس فشيلة
هدى : عادي اخويي يغظ النظر
أي صح اخوش يغظ النظر طل .. والله حط عيونه في عيوني بلا مستحى .........
اف ويش اسويي
منى : يصير انخش تحت السرير
هدى : ههههههه بيختينها
منى : والله استحي
هدى : اخويي برة ينتظر
هدى : جاسم ادخل
ولما دخل جاسم
جاسم : ما ورا تقولون ادخل نقعت برة ..
هدى : هذي الأخت مستحية منك
جاسم : الحين منى تستحي مني انه ..
والله العظيم وقسم بالله بقتلها هالبنية .. حرام عليها
احس انه خدودي تطلع منهم حرارة .. واحس انه اني حرانه ..
جاسم : منى شخبارش
ويش ارد .. وويش اقول .. اقول ليه عقب ذيك النظرة زفت بس لما سمعت صوتك وشفتك صرت احسن مخلوقة على وجهة الأرض
منى : الحمد لله
جاسم : عسى ما شر اليوم صاير هادئة
احد يعطيني نعال ( مكرمين )
عيل الحين اني قريب بموت من شوفته وهو يقول ليي اليوم صايرة هادئة .. ويش قصدة ؟؟
منى : هذا طبعي
جاسم : الله يخليه ليش
هدى : هي هي لا تقلبونها لينه حرب ..
وتباعدت شوي عشان اتصل لأحمد
بس مادري الأخ جاسم فسره شي غير .. شي راجع ليه
منى : الو
احمد : هلا
منى : اهلين .. شخبار
احمد : الحمد لله . وانتيين
منى : فوق النخل
احمد : انزين هدوي شخبارها صارت احسن لا تخلينها تشتغل ولا تشيل شي امانه ها
منى : افا عليك ابشر
وتوني بسأله متى بجي الا جاسم ياي صوبي
جاسم : ها منى خير منو تكلمين
منى : محد
ورجعت إلا احمد
منى : اسمع بعدين بتصل ها
احمد : اوكي
منى : باي
احمد : بايات
قلت عشان لا اعور راسي ويه جاسم بس ما ظنيت انه هذي اغبه حركة سويتها في حياتي .. الحين اني خليته يشك زياده
بس بما انه ما يحبني ليش يتدخل .. اصلاً ما ليه خص ..
وجاسم عمرة ما فكر فيي عشان اقول مثلاً يغار عليي
جاسم : منى ويش هالحركة انه طول عمري اقول عنش عاقلة
منى : وليش جفت مني تصرف دل على جنوني
جاسم : وتصرفش الحين
منى : ويش سويت
جاسم : كنتين تكلمين صبي..؟؟
منى : أي
جاسم : اول مرة اشوف بنت بوقاحتش
امبي اقو ليه انه هذا احمد اخوي ..
ياجماعة اني ما غلطت اقسم بالله كنت بقول ليه وبراوية المكالمة .. بس ما ترك ليي فرصة ادافع عن نفسي ..
ومشى ..
فتح الباب بكل غضب ومشى
لما قال ليي تكلمين صبي كنت بقول ليه أي احمد اخويي .. بس مادري ليش طلعت بس أي .. اما احمد اخويي ظلت ..
يامنى مو انتين اللي تخلين الناس تشك فيش
بس ليش عصب رغم انه هادي وبارد ..
معقولة انه السالفة وايد مهمة عنده .. ؟؟
بس جاسم عمرة ما رفع نظرة ليي .. وعمري ما شفت نظرة اعجاب منه .. وعمري ما سمعته يتكلم عني .. او أي شي يخصني ..
عيل ليش عصب
درت لهدى
منى : هدى اني سويت شي
هدى : منى اني سويت هالحركة من قبل لأحمد واستحمق وايد وتهاوشنه هوشة كبيرة وانتين شاهدة فأنصحش لا تكررينها
منى : بس اني ما ليي علاقة باخوش
هدى : يعني انتين ما تحبينة
منى : ليش..؟؟
هدى : لأنش رفيقتي واحس فيش واني افكر انش تحبينة ...
منى : لا
هدى : عيل مسكين اخويي ينتظر بقول ليه يخطب ليه أي وحدة
منى : واخوش ليش ينتظر
هدى : اني قلت ليه ما بتحصل وحدة ااحسن من منى
منى : اني امبي الصبي هو يختارني مو يعرضوني عليه
هدى : يعني انتين تحبين جاسم
منى : هدى ارجوش راسي يدور صكي الموضوع
هدى : لكن انتين من كنتين تكلمين
منى : احمد
هدى : وليش ما قلتين ليه احمد .. حرام عليش تلعبين بأعصابه
منى : هدى لا تقصين عليي .. جاسم عمرة ما فكر فيي وعمرة ما طالعني .. وعمرة ما حطني في باله .. لا توهمين نفسش بأشياء خطأ .. لا اني ولا جاسم نصلح لبعض
هدى : منى اني كنت مثلش
منى : هدى بس بس
حسيت بشي حار على خدي ..
وكانت دمعة احر من الجمر ..
احس بتعب .. ليش جاسم يعاملني جدي ..
والله كنت بقول ليه بس لساني ثقل وايد ما عرفت اتصرف / .. /
رديت اتصلت لأحمد
احمد : منى ويش فيش من ساعة
منى : ما فيي شي
احمد : انزين خير
منى : احمد اني في المستشفى متى بتجي ليي استمليت
احمد : اول مرة في التاريج هدى تستمل من هدى
منى : لا قاله ربي انشاله ما استمل من هدى .. بس كان جاسم هنيه
احمد : وجاسم بياكل منش نتفة
منى : احمد
احمد : منى قولي ليي ويش السالفة
منى : بعدين بقول ليك
احمد : اوكي
منى : انت وينك
احمد : والله انه في السوق ومادري متى اخلص
منى : احمد اني تعبانه
احمد : بس عيل اهد كل شي واجي ليش
منى : مشكور
احمد : دقايق واكون عندش
منى : يالله مع السلامة
احمد : الله يسلمش
وقطعته
منى : هدى الحين بجي احمد
هدى : اوكي
وقامت هدى تلبس
هدى : منى ليش ما صار هالموقف صرتين تعبانه .؟؟ صارحيني اني رفيقتش
منى : ما اعرف اعبر
هدى : اني مشكلتي اني اقول ليش كل شي بس انتين وايد كتومة
منى : ساعات احس انه اشياء ما تنقال لأي احد مهماً كانت علاقتي به
هدى : افا .. واني أي احد
منى : هدى انتين اقرب وحدة ليي بس بعد ما اعرف ويش اقول ..
هدى : اني ما بغصبش بس بصراحة اني فعلاً حطيت في بالي .. اني اعتبرش نصي الثاني وما اقدر اخش عنش شي
منى : اني بعد ما اقدر بس اذا جيت اقول ليش احس لساني يثقل
هدى : ماعليه
منى : هدوي لا تزعلين
هدى : لا عادي
حسيت انه هدى شايله في خاطرها وهو من حقها تزعل لأنه أي شي يصيدها او تحس فيه ما تقدر تخشه عني وانيما اقول ليها
منى : هدى الحين احمد بجي بس لازم تعرفين اني حبيته وايد وايد .. واحس انه مشاعري تجاهة كل يوم تتفتح زياده .. وارجوش لا تقولين ليه رغم اني واثقة فيش .. هدى اني احس اني اكبر عاشقة في الكون .. بس هو مادري ويش فيه .. احسه يكرهني .. وما يعطيني ويه .. احس روحي راميه روحي عليه

سمعنه صوت فتحت باب وخفت قلت ياربي مو احمد ياربي .. اذا سمعني ويش بيقول .. ؟؟؟؟
اباموت صدق صدق اباموت


يــــــتــــــبــــــع

التكمله

جاسم
المستشفى
-------------------------
هذي ليش راحت بعيد شوي عنه .. لكن ما بحكم عليها واظن ظن سوء ..
تقربت منها بس عشان اشوفها .. من تكلم عشان اقطع الشك باليقين رغم انه انا واثق انه منى بنية عاقلة ولايمكن يقص عليها الشيطان ..
بس اللي خالني افكر .. وهي تقول " افا عليك ابشر "
معناته تكلم صبي ..
بس قلت اكيد هذا احمد
وبعدين مباشره قالت بتصل فيك بعدين .. يعني اكيد هذا صوبي .. لا المسألة فيها انه ..
قطعته .. الحين انه امبي اعرف منهو اللي ما تباني اسمع ويش يقولون
سألتها عشان اتأكد صبي ؟؟؟
وكانت الصفعة هي ( أي )
تمنيت تقول أي شي الا هالكلمة
ما قدرت استحمل حسيت بالخيانه .. ليش انه ما اكفيها
حسيتها بتقول شي .. حسيتها بتدافع عن نفسها بس ويش اقعد اكثر .. عشان افقد اعصابي واصطرها ..
مت .. تمنيت الموت ولا اني اسمع منى العاقلة تعترف انها تكلم صبي ..
طلعت بره ..
ووين اروح غير البحر اهدأ اعصابي .. هالأيام انه مداوم في البحر ..
بغيت انسه .. ما قدرت
بغيت انه منى مرة وحدة
قررت قرار ..
بقول لهدى من اليوم تدور ليي عروس
بغيت اقهر منى مثل ما قهمرتني .. مثل ما علت جبدي .. مثل ما صارحتني .. انه احس اني احبها وايد وفي مثل الوقت احس انه ما سابع المست(((ات اني آخذها لأنها ما تفكر فيي

رجعت المستشفى وهدأت من اعصابي .. تمنيت يقولون ليي أي شي يريح بالي
وقفت عند الباب محتار ادخل او لا ..
محتار ..
ويش اقول ..
بس لما اقتربت من الباب سمعت صوت منى .. قربت نفسي اكثر وسمعت هذا المقطع .. اللي دخل جبدي مثل السجاجين : هدى اني احس اني اكبر عاشقة في الكون .. بس هو مادري ويش فيه .. احسه يكرهني .. وما يعطيني ويه .. احس روحي راميه روحي عليه

منى تقول هالكلام ..
بس تقصد من ..
هو واحد بس اللي تقصده ..
وواحد بس ما يعطيها ويه
وواحد بس هي وايد تسولف عنه

عبدالله

هو اللي تنطبق عليه المواصفات .. بدت الدم اللي في عروقي تثور .. والغيره عمت عيوني .. دخلت بس مادري ويش اسوي .. ما بغيت ارتكب أي غلط .. اول يش قلته ( اعوذ بالله من الشيطان الغوي الرجيم )
شفت عيون منصدمة اما العيون الثانيه عاديه ..
منى منصدمة .. ليش ما توقعتني اسمع
اما هدى فعيونه عاديه
هدى : هلا جاسم
مثلت البرود ..
جاسم : هلا فيش
اعصابي قريب بتتلف ..
وعقب ما قعدت
جاسم : ها منى ما شاركتينه بحبش لينه ولا قلتين لينه منهو فارس الأحلام ترى مستعد اجيبه ليش
منى : أي فارس احلام واي هرار
جاسم : اللي حسيتين انش اكبر عاشقة فالكون منه .. واللي تحسين انه يكرهش .. وما يعطيش ويه .. وتحسين انش راميه روحش عليه .. ترى صدقيني اجيبه ليش حافي ومنتف ودليل
هدى : جاسم صل على النبي
جاسم : اللهم صلي على محمد وآل محمد .. بس انه ما قلت شي بس امبي اساعد بت خالي والله حرام .. اذا البنيه تكلمت ويه شخص وهي تحبه .. بس هو ما يعطيها ويه نروح نخطبها ليه
هدى : اللي كلمته منى هو اخوها احمد
حسيت انه الزمهرير اللي في قلبي داب .. بس باقي النار اللي تألم اكثر من الزمهرير ..
اموت واعرف منهو هالفارس
بس ماعليه
جاسم : الله يه++م ونفرح فيكم ..
ما لقيت جواب
وبعد فتره رديت درت لهدى
جاسم : المهم انه رجعت عشان بقول ليش انه بس ترجع امي قولو ليها تخطب ليي بت الحلال المحترمة الخلوقة .. انه اهم شي عندي اخلاقها .. ثم اخلاقها .. ثم اخلاقها ..
هدى : وويش اللي طرا عليك
جاسم : خلاص صرت من سن الزواج ..
هدى : انشالله اني محصلة ليك بنيه
جاسم : منهيه .؟؟
هدى : بعدين بقولها ليك
منى : الله يه++ يا جاسم
كرهتها .. ما امبيها تلفظ اسمي على لسانها .. احسه يتوصخ .. لو الود ودي اقو ليها لا تلوفين اسمي بذكرش ..
هي حرتني .. وعلتني بكل برود .. حبيتها وعزيتها وما عبرتني ..
انه خلاص لازم استقر .. انه محتاج البنيه اللي تواسيني .. رغم اني ما تمنيت غيرها .. وما امبي آخذ وحده غيرها ,, ونفسي مو مشتهيه غيرها .. وقلبي مو عاشق غيرها
وفي مثل الوقت .. كارهنها

وصل احمد

وبس وصل سيده راحت ليه منى
منى : احمد ليش تأخرت
احمد : بس اشتريت الأغراض من المكان اللي كنت فيه ودفعت وجيت ..
جاسم : كيف حالك احمد
احمد : هلا والله الجسمي
وبعد ما قعد احمد
منى : احمد بعد بتقعد
احمد : بس شوي .. ترى اذا تعبانه بمشي
منى : لالالا بس تقدر تقعد
احمد : ها هدوي شخبارش
هدى : الحمد لله
فكرت ارمي عصفورين بحجر رغم انه هذا اجرام
جاسم : احمد هذانه قلت للأهل يخطبون ليي ويش رايك انت بعد ندور ليك
هدى : ويش
احمد : انه عروستي جاهزة
يا جماعة اللي يبي يضحك ويشوف الوان قوس قزح يشوف ويه هدى .. صار كل الألوان احمر اخضر ازرق اصفر ..
رغم اني تعبان ومرير .. رغم انه همي ما يحمله جبال .. لكن ما امبي ابين لأحد اني ضعيف عشان بنيه
كسرت خاطري منى .. لما شفتها بروحها وما تشاركنه السوالف .. حسيت بدموعي تنزل .. بس تماسكت عمري
كان ودي احضنها بكل حب .. واقول ليها انتين البنيه اللي امبي اهلي يخطبونها
لأني احبش احبش
لما يت سالفت الحب تذكرت كلامها ..
ما اقدر .. حسيت بالنفور منها .. وفي مثل الوقت احس بالحنين .. يا ناس احبها .. أي قد هي حليوه وكتوكتة .. أي قد هي صغيرة وناعمة ..
وقلبي هالمسكين في حيرة ..

احمد : منوي ليش قاعده بروحش
منى : لا عادي اكو قاعدة وياكم
احمد : منى تعبانه تبين تمشين
منى : لا عادي بنتظرك
احمد : يالله يالله عيل نقوم
وقامو
احمد : يالله هدى ما تشوفين شر
منى : مع السلامة
امبي ارد .. امبي اقول ليها الله يسلمش .. بس وين ..؟؟
مشت وتركتني ..
هدى : جاسم ويش فيك على البنية
جاسم : يعني انتين ويش رايش في البنيه اللي تقول مثل هالكلام .. اكبر عاشقة ومادري ويش
هدى : انته تدري انه
بس ما كملت
مادري ليش تمنعت ..
تعبـــــــــــــــــــــــــــــــــــــــــــــــ ان تعـــــــــــــــــــــــــــــــــــــــــــبان يا ناس
جاسم : ويش
هدى : لا بس ولا شي
جاسم : هدى قولي
هدى : مو هذا الوقت المناسب اللي اقوله ليك .. انزين تعال قول ليي انته صدق تبينه نخطب ليك
جاسم : والله محتار .. انزين منهي البنيه
هدى : منى
جاسم : لا ما امبيها قبل لا اتأكد من شي
هدى : ويش
جاسم : منهو الشخص اللي تحبه .. انه مااقدر ارتبط بأنسانه عايشه ويايي جسد بدون قلب
سكتت هدى .. كنت امبيها تقول أي شي يبرد اعصابي بس سكتت

احمد
السوق
-------------------------------
كنت قاعد اشتري واتشرا حق لين يو الجماعة . . اتصل منى .. ودار بيينا كلام بسيط كلش وقالت ليي لحظة بس مادري ويش السالفة .. ولا بعد شوي الا تقول ليي مع السلامة وانه خبر خير ..
كملت تسوقي الا هو ياينني الاتصال الثاني وبعد من منى واللي حيرني انها تبي تمشي لأنه جاسم هناك .. قلت ليها بخلص وبجي بس قالت انها تعبانه .. بعد ما يصير اخلي اختي بروحها
بسرعة وانه اركض اخذت الأغراض اللي امبيهم من هالمكان حتى ما اخذت 3 دقاقيق بس الكيشر كان شوي زحمة .. انتظرته يخلص وطرت المستشفى ..
دخلت حجرة هدى وشفت البرود ..
هدى كانت مجهزة اغراضها بس لما سألت عنها في الرسيبشن قالو بس على ما يجي الدكتور ويعطيها لسته من الأطعمة المفيده ,,
منى كانت قاعدة بروحها ..
مادري ويش القصه .. حسيت انه سالفه كبير صايرة .... واللي زاد الطين بله اني توني بقعد الا منى تسألني اذا بطول .. يعني اختي ملانه .. قلت بس بشوف هدى وبمشي عشانها ,, لما ركبنة السياره ومشيت وطلع من الستشفى
احمد : منى خير ويش فيش
منى : احمد اني امبي منك نصيحة .. يمكن انها جرأه بس اني ما عندي خوات اصارحهم .. وانت اعز واحد عندي .. بقو ليك القصة من الأول للنهايه
احمد : قولي بالعكس انه استانس لين تفضفضين عن اللي في داخلش ..
منى : كل بنيه تحس بمشاعرها تتحرك تجاه شاب .. واكيد انته تتمنى انه مشاعر هدى تتحرك تجاهك عدل
احمد : ايي اكيد هذي سنه الحياه
منى : واني بصراحة ويمكن تعتبرها مني وقاحة .. اني احس انه مشاعري تحركت تجاه جاسم .. وهذا الشي عمري ما قلته لأحد حتى هدى .. لأنه هذا مو أي شي ينقال ..
احمد : صح ولأنه انتين مو متأكده من مشاعرش
منى : أي .. بس اليوم لما اتصلت ليك في البدايه تباعدت شوي عن هدى وجاسم مو عشان شي .. ما امباهم يعرفون اني متضايقة من القعدة وامبي امشي .. فأتصلت ليك .. وكان كلامي ما يبين من اللي متصل .. فتقرب جاسم مني عشان يعرف منهو .. اني ما قلت ليه بس ما رفضت اقول ليه .. ولما قلت ليك ( بتصل فيك بعدين ) انقهر وحس اني اسوي شي خطأ .. يمكن هو خاف على مصلحتي . . سألني من اكلم .. بس ما عجبني سؤالة .. قلت ليه محد .. قال ليي صبي .. قلت ليه أي .. واني ما جدبت لأنك صبي .. بس كنت بقول ليه احمد اخويي بس ما ترك ليي مجال وطلع من الحجرة معصب .. يمكن اني تصرفت تصرف خطا بس هو بعد ما المفروض يشك فيي
احمد : اذا استحمق هذا دليل على حبه ليش ..
منى : بس أي واحد يشوف وحدة من عائلتهم تخطأ بيستحمق
احمد : اكيد
منى : انزين اني بعدين اتصلت ليك وما كان موجود .. ومن هنيه تبتدي السالفه العدلة .. اني بقولها ليك واتمنى انك ما تفهمني غلط بس ترى الحب من الله واني عمري ما غلط ولا رفعت عيوني
احمد : كملي
منى : اني اول مرة ابوح لهدى عن مشاعري وهذا اللي دار بينه بالظبط .. اول شي هدى زعلت لأني ما اصارحها بمشاعري وهي تقول ليي كل شي .. وهي تعتبرني نصها الثاني .. فحسيت انه فعلاً شالت في بالها .. قلت بقول ليها لأنه هي اكيد ما راح تقول لأحد وهذا اللي قلته ليها :

.. واحس انه مشاعري تجاهة كل يوم تتفتح زياده .. وارجوش لا تقولين ليه رغم اني واثقة فيش .. هدى اني احس اني اكبر عاشقة في الكون .. بس هو مادري ويش فيه .. احسه يكرهني .. وما يعطيني ويه .. احس روحي راميه روحي عليه

احمد : هذا كلامش يا منى
منى : اني قلت ببتدي وياك بصدق ..
احمد : انزين كملي
منى : ودخل علينه جاسم وعقب ما قعد قال ليي :

هو : ها منى ما شاركتينه بحبش لينه ولا قلتين لينه منهو فارس الأحلام ترى مستعد اجيبه ليش
اني : أي فارس احلام واي هرار
هو : اللي حسيتين انش اكبر عاشقة فالكون منه .. واللي تحسين انه يكرهش .. وما يعطيش ويه .. وتحسين انش راميه روحش عليه .. ترى صدقيني اجيبه ليش حافي ومنتف ودليل
ودخلت هدى على الموضوع
هدى : جاسم صل على النبي
هو : اللهم صلي على محمد وآل محمد .. بس انه ما قلت شي بس امبي اساعد بت خالي والله حرام .. اذا البنيه تكلمت ويه شخص وهي تحبه .. بس هو ما يعطيها ويه نروح نخطبها ليه
هدى : اللي كلمته منى هو اخوها احمد

احمد : وهو شكو عساش تحبين 100 ريال
منى :لا تنسى انه اني من عائلته وهو خايف على مصلحتي
احمد : فعلاً كلامش بس عاد مو جدي يستخف ابش
منى : مادري ويش اسوي ..؟
احمد : اتركي الموضوع لرب العالمين .. واهم شي انش حبيتين بصدق .. منى لا تفكرين انه انا مو متضايق على لما قلتين ليي انش تحبين بس انه ادري انه هالشي مو في ايدش ..
منى : آآآآآآآآآآآآآآآآآآآآآآآآآآآآآآآآآآآآآآه
حسيت بألم اختي
المشكلمة انه انا مو قادر اقول شي .. اختي وما اقدر اوقف ضدها وولد عمتي ووياه الحق .. وحتى اختي وياها الحق ..
حيرتني ..
حسيت انه هالمشكله ركبت فوق اكتافي ..

حــ.ــــ.ــــ.ــــيــــ.ــــ.ــــ.ــــران
وصلنه البيت
دخلت منى وامبي اشتري باقي الأغراض قبل لا يتأخر الوقت بس المشكلة انه انا تعبت من مشكلت اختي وحسيت انها فيي مو فيه ..
والمشكلة انه جاسم ناوي يخطب .. واذا خطب يعني نهايه منى .. لأني حسيت من كلامها انها تايهة في حبه في بس حابتنه ..
مسكينة يا منى ما عندها الأخت اللي لازم تشكي ليها همها
اااااف بالي مشغول .. حسيت انه المشكلة ركبتني .. 
بس اطريت اني اطلع عشان اكمل
منى : وين بتروح
احمد : بروح اشتري اغراض
منى : احمد عفيه لا تتأخر اخاف اقعد بروحي
احمد : انشالله من عيوني
منى : تسلم عيونك
ودمعت عيونها
منى : الله عوضني بدل ت الخوات بأخو ما مثله اخو .. احمد اني لين تزوجت مادري ويش باسوي .. احس روحي وحيده ..
احمد : منى لا تصيحين وتتعبيني وياش .. انه اخوش وبظل اخوش حتى لو عرست .. وبتظل معزتش عندي
نزلت منى من السيارة بعد ما عورت قلبي ..
طلعت من البيت ورحت السوق .. بس امبي اشتري شي مو قادر .. مو قادر
وانه في السوق اتصل فيي جاسم
احمد : هلا
جاسم : هلا فيك
احمد : شخبار
جاسم : الحمد لله بس انت ليش صوتك رايح
احمد : لا ابداً
جاسم : احمد شخبار منى .. ؟؟ هدى تتصل فيها بس ما تشيل التلفون وبصراحة تهوست عليها
احمد : انه مو في البيت الحين طالع .. ومادري عنها
جاسم : احمد ليش تخليها بروحها
احترت بين هالثنين ..
اثنينهم يحبون بعض بس كل واحد يكابر ..
احمد : عادي
جاسم : احمد انت تارك بنيه كانت تعبانه بروحها
بببدا جاسم يعصب .. هالأيام صاير كل شي يعصب عليه
احمد : الحين برجع البيت وبرد عليك
جاسم : لا تتأخر
ما قدرت قلت باجر الصبح بكمل .. باقي عليي فواكهة .. اليوم صادتني مشاوير وايده ..
طرت إلى البيت عشان اشوف منى .. وصلت البيت وركضت فوق بأقصى سرعة .. وبسرعة فتحت الحجرة امبي اتطمن انها بخير ..
بس كانت غارقة في دموع ما ليها اول ولا آخر .. عينها حمرا .. ويها صاير احمر وايد .. صوت صياحها يقطع الجبد ..
احمد : منى ويش فيش
منى : احس بتعب .. احس انه قلبي يعورني .. وراسي يدور .. ما عندي نفس ..
امبي اتمالك روحي بس ما قدرت .. رحت على السرير وحضنتها
احمد : منى انتين زينه ها .. انتين زينه
منى : احمد امبي ماي
احمد : انشالله
ورحت بسرعة الثلاجة الصغيرة اللي في حجرتها وعطيتها ماي .. شوي هديت ..
احمد : منى تبين تنامين ..؟؟
منى : مادري .. ماقدر انام
احمد : سمي بأسم الله وبتنامين
منى : انشالله

طلعت من الحجرة .. واتصلت لجاسم
جاسم : ها احمد ويش فيها
احمد : وانت ليش متلهف .. هي غير حي الله بت خالك
جاسم : احمد قول ليي ويش فيها
احمد : والله يا جاسم كل اللي اختي فيه منك ..
جاسم : زيش فيها
احمد : لما رجعت وركبت ليها شفتها تصيح صياح يقطع القلب .. عيونها حمرا .. وويهها احمر .. جسمها حار .. وتقول ما تقدر تتنفس ورسها يدور .. وقلبها يعورها .. وكل اللي فيها منك
جاسم : وانه ويش ليي خص ..
احمد : انت احرجت البنيه .. هي كانت تكلم رفيقتها .. يا اخي الحب مو عيب .. وهي حبت انسان .. وقالت تحبه شي راجع ليها .. انت وايد عاملتها بجفاف
جاسم : ما قدرت اسمعها وهي تقول تحب شخص ثاني وتعشقة ..
احمد : جاسم بس ما كان المفروض تسوي جدي .. اختي انحرجت ..
جاسم : الحين انه باييكم انه وهدى .. اكو رخصوها
احمد : وين تجينه .. بتجينه حياك الله على راسي من فوق .. بس مامبي اختي تشوفك
جاسم : احمد انه تعبان اخت تقول تحب شخص مجهول الهويه .. وانه تعبان .. اقسم بالله تعبانه .. من وين تجيني كل هالمشاكل .. من مشكله للثانية .. احمد انه امبي اختك لكن ما اقدر اخذها اذا هي تحب شخص ثاني ..
احمد : وانت ويش ضمنك انها تحب شخص ثاني
جاسم : هي تقول انها تحس انها تلحق وراه وانه عمري ما لحقت ورايي .. هي دوم تتكلم عن عبدالله
احمد : بس اختي قالت ليي من تحب .. واطمنك انه مو عبدالله
جاسم : عيل من
احمد : اختي امنتني .. وما اقدر اقول
جاسم : ارجوك ريح اعصابي .. بموت .. يعل الموت ياخذني .. يعلني اموت ولا اعيش هالأيام .. تعبت .. قلبي وراسي وكلشي يعورني .. اول امس انه وانت متهاوشي واليوم انه ومنى والله حرام .. قلبي صار زجاج بسرعه ينكسر ..
احمد : انت اذا تحب اختي تقدر تجي تخطبها
جاسم : بس هي الحين في المدرسة
احمد : بس خطوبه ما يأثر .. طبعاً انه ما ابيع اختي بس لأنه ولد رفيق ابويي وهو رفيقي بيتقدم لخطبتها .. وابويي بيوافق وانه لأنه رفيقي ما بقدر ارفض
جاسم : عيل انه يوم ثالث من ما يرجعون الأهل بخطبها وباطير المانيا ويه عبدالله ولين رجعنه بسوي الخطوبه
احمد : انه مادري انه قلت ليك لأني احس فيك لأني مثلك .. عاد الحين بس خلاص انه اخو العروس .. وترى في احتمال ارفضك
جاسم : اذا ترفضني ارفضك ولا ازوجك اختي
احمد : لالالالالالا انه موافق بس زوجني اختك
جاسم : اقنعها انها تتزوجك وبعدين بوافق
احمد : اصلاً هو مقتنعة بس بعد الدراسة
جاسم : اممممم
احمد : يالله بروح اشوف منى شخبارها
جاسم : اوكي باي
احمد : بايات

صكيته من عنده وانه مو مستوعب انه انا قلت ليه يخطب اختي .. خفت يقول اني ادللل على اختي . لالا اكيد ما بيقول .. اصلاً اختي توها صغنونة لو ما امبي مصلحته .. لأنها اذا خطبها سيد محمد لايمكن ابويي يرفضة .. وهو ناوي لأنه كلمني .. بس بصراحة ولد عمتي اولى بأختي ..

دخلت على منى وشوي هدت والحين ما تصيح .. ما حبيت اقول ليها الموضوع لأنه يمكن جاسم يغير رايه وتالي اختي ترد تطيح فيها .. بصراحة منى اعز وحده عندي في البيت ومو مستعد ازعلها .. ابداً

رحت حجرتي اخذت شور وعيوني قريب بتنصك .. نمت وحلمت احلى حلمة في حياتي ..
انه وهدى متزوجين ومنى وجاسم بعد وكلنه مسوين زواج جماعي ..


تعبــــــــــــــــــــــــــــــــــت .. وانتهى الجزء وفي انتظار تعليقاتكم السكر يا سكر

الجزء السادس عشر

نبذه عن هذا الجزء :
هدى طلعت من المستشفى ومتعافيه لكنها محتاجة إلى اكل صحي وجاسم ناوي يراقبها في كل شي عشان تتحسن صحتها لأنه وايد يحبها ويخاف عليها واحمد بعد مقرر انه يسوي ليها جدول للأكل
اما بالنسبة لجاسم فهو فعلاً مقرر انه يخطب منى ... ومباشرة بعد ما يرجعون الأهل .. ويبي الخطبه تتم بأسرع وقت لأنه طاح في عشقها ..
واحمد باله ما تفارقة صورة هدى .. في نومة وقعدته لكنه يسلي روحه لأنه يدري انه هدى ما بتوافق قبل لا تخلص المدرسة وهو بعد يبي يدرس في الجامعة ..
عبدالله اليوم صاير عالي العال والحين ربعه قاعدين وياه . الله يستر هل من الممكن انه عبدالله يرجع مثل ما كان .. ؟؟
وام عبدالله ناوية تروح وياهم المانيا بينما الخال رافض رفض شديد انه يودي مرة وياهم لعلاج .. والحين قصو التذاكر حق يوم الأربعاء بيطيرون اما اليوم السبت فباقي 3 ايام كاملة يقعدونها في البلاد
اما الأهل فاليوم يرجعون .. واحمد وجاسم .. وهدى راحو المطار اما منى فرفضت رفض باتاً انها تروح المطار وتشوف جاسم وتقول انها كلش مو مستعده انه تشوفه او تسمع صوته ..


عبدالله
المستشفى
3:30 العصر
-----------------------------
مادري ويش فيهم الأهل هذا 3 يوم ما مرو عليي الله يستر .. بصراحة انه خايف عليهم .. والله من يصدق انه عبدالله اللي كان ما يشتهي اهله يتهوس عليهم لأنهم غابو عنه 3 ايام ..
اتصلت لجاسم وكان شايل السماعة وصوته كله نوم
جاسم : أأأأأأأأأأألو
عبدالله : صح النوم يا اخي
جاسم : بعد شوي اتصل
عبدالله : تعال تعال مافي عقب شوي
جاسم : البارحه ما نمت حرام عليك
عبدالله : الساعة 3:30 ارحم حالك
جاسم : انشالله .. خير عبود
عبدالله : انتو اللي خير صار ليكم 3 ايام ما مريتون يالظلام
جاسم : انه مريت اول امس الصبح بس كنت انت نايم
عبدالله : وليش تجي الصبح وانه نايم انه امبي احد اسولف وياه وانه قاعد
جاسم : والله يا عبود بشوفة ومن عيوني اجيك واسولف وياك بس احنا بنروح المطار الأهل بيجون اليوم
عبدالله : الله يرجعهم بالسلامة
جاسم : انشالله
عبدالله : اكو الربع وصلو نشوفك بعدين انشالله
جاسم: في امان الله
عبدالله : في امان الكريم
دخلو الربع بالفوضة .. ( عقيل .. وراشد .. وسيد محمود ( اكثر مطوع في الشلة ) .. وبعد جم واحد )
عقيل : ها عبود اليوم صرت احسن
عبدالله : أي الحمد لله
ورن تلفون راشد وطلع به بره
ولما رجع
عبدالله : خير يا راشد
راشد : لا مافي شي
عقيل : بعني ما تدري من هذا .. ؟؟ هذي البنت الجديدة اللي داخلة شباكة
هزيت راسي بندم
عبدالله : الله يهديكم
عقيل : يالله عاد عبود ارجع لينه عبود الأولي لا تصير معقد
سيد محمود : والتقرب إلى الله تعقد
عقيل : مو قصدي
مهمتي في اقناع الربع اني تغيرت راح تكون صعبه .. وخصوصاً اني بقول ليهم ما امبي اماشيهم اذا ما غيرو طباعهم ..
عبدالله : اليوم بما انكم متجمعين ابغي اقول ليك شي
راشد : خير
عبدالله : انه الحين مو عبود الأولي .. انه انسان ثاني .. انه ابغي اتخلص من كل قاذورات الماضي .. ببتدي صفحة يديده .. واللي يبغي يصير مثلي يقدر يماشيني
راشد : واللي ما يبغي يصير مثلك
عبدالله : انه في طريق وهو في طريق
عقيل: افا يالعبد الحين تتخلى عنه عقي كل هالعشرة
عبدالله : انه ما اتخلى عنكم لكن ابغي مصلحتكم ومصلتي في مثل الوقت .. بالله قولو ليي منهي البنت المؤدبه اللي اطمح فيها بتوافق على واحد عيونه مشقحة في البنات .. ويغازل عيني عينك .. وارقام البنات كلها في تلفونة . وكل يوم يدزون ليه البنات هدايا شكل .. وبالإضافة إلى انه احنا ما كنا نصلي .. منهو منكم يقدر يواجهني ويقول انه يصلي ..
سيد محمود : انه
عبدالله : انت غير .. لكن احنا .. مو حرام ضاع من عمرنا 21 سنه بدون صلاه .. متى بنعيدها .. ؟؟ والله انه نادم اشد الندم ولو زين احد يرجع الأيام .. جان صليت وتقربت إلى الله
راشد : عبود ان بتعطينه محاطرة
عبدالله : يا خي المسألة مو مسأله محاضرة هذي فيها حياه ابديه .. من منكم يضمن انه هو بيروح الجنه بدون تعب .. انه انسان مو مستعد اقعد في النار ولا دقيقة .. اذا نار الدنيا حاره فما بالكم بنار الآخرة اللي ما يلحق احد بس يتقرب منها سيده انشوا ..
سيد محمود : انه بمد ايدي لأيد عبدالله .. في احد بينظم ويانه
عقيل : انه بعد .. بصراحة عبدالله اقنعتني ..
عبدالله : والباقي .. محد .. انتون ما تدرون انه الشيطان هو اللي يزين ليكم هالأعمال الوقحة والله لو ما الشيطان انجان احنا تلوع جبدنه منها .. حرام عليكم تضيعون شبابكم .. حرام عليكم ومردكم للنار ... انه اللي عليي نصحت والباقي عليكم .. ومستعد انصح مرة والثانيه والثالث بس عشان تهتدون .. والله تنتظرون يصير فيكم اللي صادني عشان تهتدون .. انه ما ادري امشي عدل او لا .. وانتون الله من عليكم بنعمه .. لا تضيعونها .. ولا تجيبون لروحكم شخط الله ..
راشد : ان ماشي مع السلامة
عبدالله : يا راشد فكر في كلامي .. انت ما تظمن أي قد تعيش ..
راشد : انه جد حياتي عاجبتني .. وانه جدي راضي عن نفسي .. ويعني ودخلت النار مو اول ولا اخر واحد
عبدالله : اسمح ليي كلامك كلام اغبياء .. انت ما عليك من غيرك انت لازم تنقد نفسك ..
راشد : مع السلامة .. واذا بغيتون ترجعون وياي حياكم
طلع راشد ولحق وراه واحد اسمه سامي .. بعد مثله .. انه اللي عليي سويته .. لكن بما انهم ما اقتنعو . ما تشوفني صداقتهم ..
انه اليوم انسان جديد .. انه اليوم بداوم على اداء الصلاه .. انه اليوم باصوم بصدق .. انه اليوم بداوم على قراءه القرآن .. انه من اليوم باكون فعلاً عبد لألله ..
ظلينه في الغرفة انه وسيد محمود وعقيل وواحد اسمه علي ( انسان هادئ وايد وخلوق ) .. قررنا نغير اطباعنه .. قررنه نغير اخلاقنه ..
قررت اعامل امي اللي قاست مني وايد معاملة طيبة وحنونة .. قررت ادور ليي بنت الحلال اللي تمتاز بالأخلاق .. خلاص .. وداعاً للفسق واهلاً بالطاعة ..
لما كنت اسولف ويه الربع رن تلفوني بس الرقم غريب ..
عبدالله : الو
المتصل : هلا
هذي بنيه وصوتها مايع وايد .. ولهجتها مو بحرينيه ..
عبدالله : خير الشيخة
البنت : هه ( بنعومة .. قصدي ثقالت دم ) انه البنت اللي شفتها في الراشد .. وكنت ميت على اني اكلمك
عبدالله : نعم
البنت : انت كده في الجوال كثير جاف
عبدالله : اختي راجاءً الظاهر انتي غلطانه في الرقم ورجاءً لا تتصلين والله قسماً بتشوفين شغلش فاهمة
طوووووووووووووووووووووط
سكرت الخط

فعلاً انه رقمت بنيه في الراشد وكانت احلى من الغزال .. لكن الحين خلاص خلاص ..

الحين انه بقول لأمي تخطب ليي .. بصراحة منى بت عمتي نعم البنت .. بقول لأمي تخطبها حقي .. اخلاق وجمال واصل ومن لحمي ودمي
كملة سوالف وتخطيط وقرر سيد محمود يسافر ويانه لأنه كأس العالم بيكون في المانيا فبيروح ويانه ومرة وحده المباراه

جاسم
المطار
4:00 العصر
------------------------------------------
اتصل ليي عبدالله .. وانه كنت نايم .. يا ناس البارحة ما قدرت انام ... المهم بس سكرته من عنده قمت وتسبحت ورحت المطار لأنه الجماعة يوصلون 5 .. وصلت المطار في حدود الـ 4 .. انه وهدى
كنت قاعد انتظر الزوار انه وهدى .. وانه طافش ومستمل واتصل عليي احمد وقال انه بجي .. استانست قلت اكيد بشوف منى .. قلبي بدى يخفق بسرعة .. وماني عارف اتصرف .. ابغيهم بسرعة يجون وقعدت انتظر الوقت .. ودار بيينا في التلفون حوار
احمد : هلا الجسمي
جاسم : هلا والله .. ما بتجي
احمد : امبلى هذانه بطلع من البيت
جاسم : بسرعة .. طير طيران
احمد : انزين بسألك سؤال بس لا تفسره خطأ ..
جاسم : اسأل
احمد : هدى وياك
جاسم : ياخي انت شكو
احمد : ههههههههه .. بل بل بل انزين .. يالله باي
جاسم : مع السلامه
احمد وايد جريئ يسأل عن هدى ولا كأنه صاير شي .. بس انه ما قدرت اسأل عن منى .. يالله .. ياربي وياه ..
احس انه حبها زاد عن امس اضعاف مضاعفه .. بعد 10 دقايق وصل احمد .. وبس شفته غمضت عيوني .. خفت اشوفة بروحة .. ولما وصل
احمد : جاسم ويش فيك مغمض
فتحت عيوني شوي شوي .. بس الصدمة انه بروحة .. قعدت اتلفت يمين ويسار واطالع وراه ..
جاسم : احمد ما وياك احد
احمد : ههههههه .. لاء
جاسم : امممم
زعلت .. الحين انه قاعد انتظرها وهيه اكيد مي طايقه تشوفني .. اصلاً هي من امتى طاقتني .. بس لأني احبها بسعى لهذا الحب ..
قعدنا على الكراسي بهذا الترتيب .. ( احمد .. انا .. هدى )
رجع احمد راسه لورا
احمد : هدى شخبارش
هدى بحيا : الحمد لله .. انت شخبار
احمد : الحمد لله الحين انه عالي العال
الجاسم : احم
رجع احمد لوضعه الطبيعي ..
حالتنه كأيبه
قصدي حالتي كأيبه
لأنه احمد وهدى فاتحين البلوتوث وكل واحد يطرش للثاني نغمات ومسيقى وفيديو .. اما انه قاعد وايدي على خدي ..
بعد شوي اعلنو عن قدوم الطائرة .. وبس اعلنو وقفت هدى وعيونها مليانه دموع ..
هدى : جاسم امي وصلت امي وصلت
جاسم : هدى قعدي
هدى : اقولك امي وصلت .. واخيراً ما اقدر ما اقدر اعيش بدونها يوم واحد .. كانت هذي اقسى ايام حياتي ..
جاسم : ولين تزوجتين ويش بتسوين
هدى : باخذ زوجي وباعيش ويه امي
جاسم : ومنهو ده اللي بيرضى
هدى : اذا ما رضى اخذ امي وابوي واعيشهم ويايي .. انه ما اقدر اعيش ساعات بدونهم مو العمر كلة
حسيت انه احمد تضايق بس ما تكلم لأنه ما يبغي يخرب فرحة هدى على ما اظن ..
بعد شوي شفنا الزوار يجون ولا شوي الا امي طالعه ..
درت لهدى عشان بقول ليها اكي امي بس ما حصلتها
جاسم : احمد وين هدى
احمد : كانت هنيه
جاسم : أي كانت اهنيه بس مادري وين اختفت
ودرت لأمي الا وحدة حاظنتها ..
وكانت هذي هدى .. والله حالة
اتقربت منهم انه واحمد .. والأخت قالبتنها عزا .. قاعدة تصيح ..
هدى : اماه ليش تركتيني ..
امي : خير يا هدوي ويش فيش
وبعد عناق دام طعش ساعة .. انفلو عن بعض وحظنت امي بأقو ما عندي وحبيت راسها ..
ورحت بسلم على ابويي الا انه الدلوعة سبقتني .. ( توني مكتشف انه هدى بعدهي ياهله )
بس ما مهلت وتباعدت ..
ورحت وحبيت راس ابويي
واحمد طبعاً بس شاف امه وابوه راح وسلم عليهم ..
هدى ظلت ميوده ايد امي وكل ما بين فترة تقول ليها
هدى : هالمرة ما بخليش وبمشي
ابويي : وافا وانه
هدى : انت الأصل بس اذا ما تركت امي يعني ما بتركك لأنك ويه امي يا احلى ابو في العالم ..
راحت هدى تسلم على خالي ومرتة
حظنت مرت خالي
هدى : شخبارش خالتي .. ضيعتين منى واني وياها بدونش ..
مرت خالي : والله اني اللي ما عرفت بدونكم
هدى : الله يخليش
مرت خالي : الا وين منى
وبطروة منى مباشرة درت اشوف ويش يقولون
احمد : منى شوي راسها يعورها فما جت ..
انتقلت هدى إلى خالي .. اكتفت بالسلام بالايد ..
هدى : حم لله على السلامة خالي
خالي : الله يسلمش
ورحت سلمت .. انه بعد .. اول شي على مرت خالي وبعدين على خالي
وبعدين ما شفنى الا وحدة تركض ..
وانتبهنه إلى انه هذي هدى راحيه تركظ لفاطمة اللي تأخرت ويه اغراضها ..
ولحقت وراها
وفعلاً حسيت انه هالأختين وايد متعلقين ببعض
هدى : جدي تضيعيني يا اختي .. جدي تخليني بروحي
فاطمة : والله لو ودي ما تركتش .. بس ما كان في حجز .. تدرين انش اكثر وحدة اشتقت ليها ..
هدى : يا بعد عمري
طبعاً ويه جم دمعه ..
رحت انه وسلمت على فاطمة .. وصدق هالخت غير .. انه احب خواتي وايد مادري ليش ..!!
كل واحد بعدين راح بيته واما انه بعدني يايتني حره على منى ..

امي وابويي راحو يستريحون .. اما فاطمة فجه ليها خطيبها وقعدت وياه .. وانه ظليت في الحجرة ويه هدى نسولف ..
وبعدين هدى : جاسم بفتح ايميلي في كمبيوترك
جاسم : واللابتوب مالش
هدى : مشير ما يرضى يفتح الأيميل
جاسم : اوكي ..
وفتحت هدى ايميلها
هدى : اوه اكي منوي قاعدة .. ما تروح المطار وتقعد على النت
وقامت تكلمها
بس قالت منى .. حسيت قلبي طلع من صدري .. وخفت انها تسمع دقاته .. شفت ويش تقول ليها
بس هدى كانت ذكيه ..
هدى : هلا منوي .. شخبارش تصدقين الحين اني في غرفة جاسم وقلت ليه بفتح ايميلي .. يالصدفة اشوه انش قاعدة
منى : هدى انتين مو بروحش
هدى : لاء
منى : اوكي عيل بعدين بتصل ليش .. كنت ابغيش تجين اني محتاجتنش بس لأنه ظيوف والحالة عدنه وعدكم
هدى : امممم
ما ظنيت انه هدى بتقول جدي .. كنت امبي منى تفضفض عن اللي في داخلها عشان اشوفها تحب من بس ما عليه بعرف يعني بعرف ( وخصوصاً اني خبير في الكمبيوتر )
هدى : جاسم اطلع
جاسم : ليش
هدى : بقول شي لمنى
جاسم : آسف
هدى : عاد
جاسم : ما اقدر .. واذا تبين تقولين قوليه قدامي ترى عادي انه بخطب منى وما بيصيرن بينه فرق
هدى : احلف
وتوها بتكتب لمنى
جاسم : هدى لا تقولين لمنى
هدى : ليش
جاسم : لأني بتأكد من شي
هدى : ويش
جاسم : هي قالت ليش تحب احد بس مادري من اول اعرفه وبعدين بخطبها
هدى : وشلون بتعرف
جاسم : بعرف وبس
هدى : اللي يريحك ..
ما كملت هدى ويه منى
جاسم : ها وين كملي عادي
هدى : لا بروح بتصل ليها
جاسم : وليش ما تكلمينها من هنيه ..
هدى : جاسم انت لازم تعرف انه الأسرار اللي بيني وبين منى ما تحصى ولا تنعد ولا نقدر نقولها لأحد مهماً كان
ما بغيت اصر عليها بس قلت برفع السماعة يمكن اسمع شي يريح بالي .. مو تفهموني غلط بس ماامبي ارتبط بالبنية وهي قلبها مو ويايي
بعد شوي رفعت السماعة لكن مافيه احد يتكلم .. طقيت على هدى الباب الا هيه تكلمها من تلفونها ..
صكيت الباب بس مهما صار ابعرف يعني بعرف


يــــــــــتــــــــــبــــــــــع

ترى اللي نزلته واللي بنزله كلهم جزء واحد

التكملة

منى
البيت
4:15 العصر
------------------------------
كنت قاعدة اتقلب وافكر في مستقبلي .. افكر في الشخص اللي ممكن يربط حياته بحياتي .. في الشخص اللي بغير حياتي 180 درجة .. في الشخص اللي بكون ملكة .. في الشخص اللي قبل لا اسوي أي شي لازم اشاورة ..
هل معقول يكون جاسم .. لالالا جاسم وين ياخذني .. اصلاً جاسم يكرهني .. ولو ما يكرهني ما سوا ليي هالحركة ..
تعبت من التفكير .. هل اني باخذ واحد من الأهل .. هل الموضوع وايد يشغل بالي .. لأني مادري بمستقبلي ..
دخل عليي احمد ..
احمد : يالله منى قومي بنروح المطار
منى : صدق بنروح المطار .. يا سلام امي جت
احمد : يالله جاسم وهدى ينتظرونه
منى : جاسم !!!
احمد : أي جاسم وهدى
منى : لا بس يا خوي اني ما بروح لين رجعت امي البيت بسلم عليها
احمد : منوي لا تظغطين على نفسش .. جاسم لو ما يحبش ما انقهر لأنش قلتين تحبين واحد هو ما يدري انش تعنينه
حسيت بالفشيلة اني قلت لأحمد الموضوع .. هو وايد حساس .. بس ويش اسوي ان كان ما عند اخت .. ومست((( اقول لهدى عن هالسالفة وجاسم اخوها ..
احمد : منى قومي عشان خاطري
منى : انت فوق راسي يا خوي لكني مو مستعدة اشوف جاسم .. مو مستعدة اسمع صوته ..
احمد : اللي يريحش

طلع عني احمد واني ودي اقول ليه اوقف خاطري استقبل امي بالمطار .. لكني ماامبي اشوف جاسم ... اذا اذكر كلامي وكلامه احس بالفشيلة .. واشوه ما ذكرت اسمه .. بعد احس بالتعب .. وراسي يدور .. لكني غصبت على نفسي ورحت قلت للخدامه تسوي بخور وتوني موصلة بقول ليها غيرت رايي وقلت بما انه امي بتجي بسوي البخور بأيدي ..
حطيت المبخر على الكهربا وحطيت فيه بخور .. وبعدين درت فيه على الأماكن .. واني قتلتي بخور العود ( الناعم ) ..
رحت وسويت كيكة عشان ياكلونها اكيد جواعه .. وسويت عصير تانج .. وقهوة وشاي .. حطيتهم على الطاولة في الصالة .. وعدلت المكان .. رحت تسبحت .. وطلعت نشفت شعري ومشطته .. وبسرعه تعطرت .. ونزلت انتظر وصولهم ..
وبس سمعت صوت سياره في الحوش بسرعة نطيت ورحت اركظ .. ما صدقت اشوف امي ..
فتحت الباب وطلعت بسرعة وحظنتها بكل قوتي .. حظنتها واني اقول في قلبي احبش احبش والله لا يحرمني منش ..
وبعدين انتقلت لأبويي ( وخصوصاً اني دلوعة ابويي [ اكيد بروحي بنت في البيت ] )
حظنت ابوي وقعدت اصيح .. مادري ليش .. حسيت بالأمان .. حسيت انه محد يقدر يسويي فيي شي .. محد يقدر يزعلني ..
حظنت ابويي اقوى ما عندي .. ولما فجيت عنه
منى : بابا جبت ليي هديه
ابويي : سالفة هي وانتين كنتين ويانه ..
منى : بس اني بنتك الوحيده المفروض تدلعني
ابويي : لا انتين مو بنتي الوحيد
انصدمت
منى : نعم
ابويي : اخوانش يابو بنات وهذلين بعد بنات
منى : بس اني غير
ابويي : أي فعلاً انتين غير ..
امي : يالله ندخل داخل ..
ودخلنه
احمد : منوي ويش سويتين
منى : ما سويت شي
امي : اح ريحت البيت حليوه هذا البخور من وين
منى : اماه عجبش هذا من عندي
امي : هو حليو بس انتين احلى منه
بعد احد يحصل مدح وما يضحك
منى : ههههههههههههههههههه
قعد احمد على الكرسي وبدى ياكل
منى : احمد خربت التشكيلة قبل لا يشوفونها امي وابويي
احمد : آسف
مسكين احمد
منى : امزح وياك
احمد : اماه ابويي تعالو شوفوها عشان آكل
وراحو فعلاً يشوفونها ..
ياليت تحسون بالسعادة اللي احس فيها .. بس اذا اتذكر قصة جاسم وياي .. احس انه دمعتي بتنزل مو زين عليه يسوي فيي جدي ..
وقعدو امي وابويي يشربون جاي وقهوة وياكلون كيك واحمد خلص جيك الشربت .. بس ويش اسوي .. اني بس بالنظر ليهم استانس ..
قعدت اتأمل في ويه امي .. أي قد هي حليوه .. واي قد امبين من ملامحها طيابتها .. واما ابويي فغير .. غير عن كل ابوه العالم .. ابويي الطف انسان في العالم .. ابويي احلى انسان في العالم .

احب عائلتي .. احب احمد .. احب امي .. احب ابويي .. احب حسين ( اخويي الكبير وعنده بنيه [ فطوم ] وعنده ولد واسمه احمد وهو صغير عمره سنتين لكنهم مو ساكنين ويانه من جدي ما ليهم احداث ) .. احب اخويي سامي وهذا مسافر يدرس .. واحب هدى وايد وايد .. واحب جاسم اكثر من روحي ..

الله يستر مادري ويش مصير علاقتي بجاسم .. اتوقع ليها الفشل دام انه مو مهتم ولا مكترث فيني والأيام بتثبت صحت كلامي

-------------------------------------
مرت الأيام وطلع عبدالله من المستشفى .. واليوم ثاني من طلع .. والأهل دوم يزورونهم الناس لأنهم راجعين من السفر .. وجاسم وايد مرتبش لأنه اليوم بيكلم ابوه وقرر انه باجر بيروحون لأنه سفره ويه عبدالله قرب باقي عليه يومين وهو يبي يخلي كل شي اوكي واذا رجعو مباشرة يملجون ويخطبون ( طبعاً بعد موافقه منى ) ..
--------------------------------------

جاسم
البيت
4:15 العصر
-------------------------
انتظر لين ما يصير مزاج ابويي اوكي رغم اني متأكد انه ما بيعارض بل بيوافق لكن بيقول البنت بعدهي صغيره ..
دخلت عليه وكانت امي قاعدة وهذا بيساعدني لأنه العروس من صوبها .. ناديت هدى عشان تساعدني . ومسكينه ما قصرت وقالت اخدمك بعيوني .. وما تغلى عليك . انت آمرني بأي شي .. ومن هذا الكلام بين معدنها الأصلي ..

دخلنه انه وهجى سوا
امي : ها خير دخلتكم تقول انه عندكم شي
وبعد ما قعدنه .. انه كنت قايل لهدى انها تبدي .. كنت امبي فاطمة لكن اولاً علاقتي بهدى اقوى .. وثانياً هدى رفيقة منى ..
هدى : اماه بعد اذنش .. جاسم صار ريال وناقصة بنت الحلال اللي تحفظ اسمه وتحافظ عليه .. ومنها يكمل نص دينه ..
امي : هذي الساعة المباركة .. والله اني من زمان اقول جاسم لازم ندور ليه مرة .. لكن اليوم ابدي ادور
هدى : اماه يعني بعد اذنش .. طبعاً احنا ما بنكسر ليش كلام لكن جاسم عاجبتنه بنيه واني اشوفها انسب بنيه ليه واحلى بنيه بعد ..
امي : منهي .. انتين بس دليني عليها
هدى : بس ابويي ما قال كلمته
ابويي : والله انه لو الود ودي انجان عرستكم كلكم وخليتكم في احسن عيشه .. حتى انتين يا هدى يايين ليش معاريس نعم الأصل والفص والله خوش ناس .. وانه موافق
هدى : بعد اذنك يا ابويي اني ما اقدر اكسر كلمتك واللي تقوله اوامر فوق راسي .. لكني اولاً ما امبي اتزوج من الحين .. و
ابويي : لا هم قالو بينتظرونش لين ما تخلصين
مسكينه هدى
جاسم : لا ابويي بعد اذنك في موضوع بعدين بقولك عنه
ابويي : يصير خير ..
امي : انزين منهي البنت باجر بروح اخطبها
والله استانست لو زين باجر تروحين صدق ونتفق على المهر وهالسوالف ..
هدى : والله يا امي اني اشوف انه نعم الأختيار انه ناخذ ليه منى بت خالي .. بنيه محترمة ومؤدبه .. اخلاق وجمال .. ومن اهلنه
امي : نعم الأختيار يا ولدي نعم الأختيار .. والله العظيم فرحتني .. والله اني مستانسه .. ( وبدت تجبب ) ويش رايك يا ابو حسين
ابويي : والله انه خوش اختيار .. وخصوصاً انها من الأهل .. متى تبانه تخطبها ليك
امي : باجر باروح
ابويي : صبري يا مرة البنيه بعدهي في المدرسة
هدى : لا ما عليه منى عادي .. انتون الحين بس خطوبه ما بتأثر وبعدين عقب ما تخلص نسوي العرس عن لا تطير منه البنية ..
امي : خوش كلام
ابويي : لا لا لا ما يصير البنيه تظل على دمته سنه وبعدين يتزوجون .. لالالا
امي : ابو حسين عادي الحين الكل يسوي جدي .. وبعدين هو ما بياخذ غريبة .. وهو بيخطب اولاً عن لا تطير من ايده وثانياً عشان يكلمها وتكلمه طول هالسنه وما بينهم تكلفة .. ولدي مو صغير
ابويي : سو اللي يعجبكم
وقام ابويي وما كأنه مقتنع
قمت وراه
جاسم : ابويي انه ما امبي اسوي الشي الا وانته مقتنع
ابويي : والله اني مقتنع لكن حرام البنيه تتأثر دراستها على حساب خطوبه
جاسم : لا انشالله ما بتتاثر .. واحنا بنسوي كل شي في العطله ..
ابويي : خير عيل خل امك تتصل لخالك وتقول ليه انكم بتروحون ليهم
جاسم : اوكي ..
ابويي : هدى ترى سيد محمد ولد رفيقي متقدم ليش .. وما اظنش بترفضينه وانه موافق وهو مستعد ينتظرش ..
جاسم : انزين ابويي امباك في موضوع
ابويي : خير يا ولدي
جاسم : لا على انفراد
ابويي : تمش بنروح المجلس
جاسم : اوكي ..

ومشيت ورا ابويي للميلس .. وكنت بكلمة بخصوص هدى لأنه هي تحب الصبي وهو يحبها حرام نظلمها ونظلمه .. ومثل ما احمد ساعدني في موضوعي ويه منى وهدى ساعدتني في اقناع امي .. او بالأحرى هي اقنعتهم الحين جا الوقت ارد الدين واقول لأبويي

وصلنه الميلس ..
وعد ابويي ..
ابويي : خير يا ولدي
جاسم : والله يا ابوي انه بقول ليك موضوع بس لا تستحمق
ابويي : خير
جاسم : والله احمد ولد خالي يبي هدى اختي
ابويي : والنعم .. نسوي الخطوبة في ليله
جاسم : لكن هدى ما تبي تخطب او تعرس الحين وهو اول يبي يشتغل .. فقال ليي اذا اقول ليك انه ترفض العرسان وهو بيخطبها بس تخلص السنه .. واذا تبيه يجيب اهلى ويحجزونها هو مستعد
ابويي تنهم يعني مو مقتنع : والله يا ولدي احمد مافي مثله .. نعم الرجاجيل .. لكن انه اخاف على بتي ... اخاف باجر لين رفضت كل العرسان يهون وبتي ما تتزوج له
جاسم : لا يا بويي انه ضامننه
ابويي : ان ما امبي ظمان وبس .. انه ابغي الخير لبتي
جاسم : تأكد يا بويي
ابويي : انه قل ضرس من ضروسي اني ارفض ولد رفيقي .. لكن بعد ويش اسويي .. ولو انه ما شفت اخلاق احمد في السفر وشيمته وخصوصاً ويه ولد خاله جيفه قام ورجع البحرين بس عشان ولد الخال .. انجان ان ما وافقت عليه ..

كملت ويه ابويي .. وركبت فوق عشان بشوف هدى وبقول ليها .. ولقيت دموعها تطيح بصمت ..
جااسم : هدوي ويش فيش
هدى : ما فيي شي
جاسم : ما يصير
هدى : جاسم ابويي موافق على ولد رفيق ( سيد محمد رفيقك ) واني ما اقدر ارفض وخصوصاً انه مستعد ينتظرني .. اني ما عندي عذر .. اررجوك ساعدني يا خوي ارجوك اني ما عندي غيرك
جاسم : معقول يا هدى تصيحين على جدي
هدى : جاسم انته تدري بمشاعري تجاه احمد ولا يمكن انساه او اقبل بغيره
جاسم : لا تخافين انه من زمان قلت لابويي انه احمد حاجزنش عشان يرفض أي واحد

بعدي بكمل كلامي الا هدى حاضنتني ..
هدى : مشكور جسوم مشكور مادري لولاك ويش بسوي ..
ومباشر مسحت دموعها ..

طلعت عنها ورحت تمددت على السرير لأذان المغرب .. وصليت .. نزلت تحت الا امي في التلفون وتكلم خالي .. وانجان انزل ركيض واروح اقعد صوبها .. وامي تبتسم ليي ..
وبعد ما صكته
جاسم : اماه ويش
امي : والله يا جاسم ما ادري ويش اقول بس البنتيه محجوزة وبعد ما تبيك
جاسم : انه ادري ادري انه ما بيتم هالشي على خير .. وعمره قلبي ما بيستري ..
قمت بكل الم .. قمت بكل تعب .. حسيت انه الأرض تغوص ..
امي : تعال تعال
جاسم : بس يا امي ما امبي اكثر من هالصدمات
امي : آآه منك طلعت تحبها ومميت عليها ولا تقول لأمك
جاسم : وويش بيفيد هالحب
امي : اتقشمر وياك ... اصلاً اني ما قلت ليهم انه احنا بنخطب .. بس هي وايد رحبت ..
جاسم : احلف
امي : استح يا ولد
وقمت وحظنت امي وحبيت راسها
جاسم : شكراً يا احلى ام في العالم وفي الكون كامل ..
ركبت فوق وانه اناقز واشاقح ..
ودخلت على هدى بهدة
هدى : بسم الله
جاسم : هدوي باجر بنروح باجر بنروح
هدى : صدق .. عيل اسمع .. البس أي بدله
جاسم : مادري كيفش
هدى : انت اختار ليي ..
وقعدت اختار ليها
جاسسم : هدى هذي حليوه
هدى : هذي حارة .. بالعباية ووايد حر
جاسم : لا تلبسين عبايه احنا بنروح بيت خالي
هدى : لا يا خوي اني ما اطلع بدون عباية
جاسم : احنا بنروح بيت خالي
هدى : ما عليه
جاسم : تدرين لحظة
طلعت تلفوني
واتصلت لأحمد
جاسم : مرحبا بالنسيب
احمد : هلا والله
جاسم : اسمع باجر مو تطلع احنا يايينكم
احمد : هلا والله هلا .. والله اذا ما تشيلكم الأرض تشيلكم عيوني .. اهم شي بتجون كلكم حتى البنات له
جاسم : أي كلنه
احمد : فديتك والله .. وشخبار غربوشتي
جاسم : الحمد لله
احمد : سلم عليها موت
( انزين هو مسى على السبيكر .. وهدى تسمع )
جاسم : المهم .. غربوشتك تقرر ويش بتلبس وانه قلت ليها تلبس بدله بدون عبايه
احمد : جاسم انه متفاهم وياها
جاسم : يا اخي البنت تبي تكشخ وهي ما بتروح مكان غير بيتككم .. والبدلة ويه العبايه وايد حر ..
احمد : بس عشان خاطرك
هدى : ماعليه لكن اني ما ليي خاطر عندك بس جاسم
احمد : اسمع صوت حلو .. اسمع صوت يبرد قلبي
جاسم : زين ليك زعلت البنية ..
احمد : ليش هي عندك
جاسم : أي والتلفون مسونة سبيكر
احمد : الله يغربل بليسك ..
هدى : بس باجر ما بروح ..
احمد : افا
جاسم : ومنى
هدى : اذا بروح بس عشان خاطر منى
احمد : افا وانا
هدى : انته توك تقول بس عشان خاطر جاسم واني ذاك اليوم اتمننك
احمد : انتين كنتين بتروحين المجمع وبتكشخين حق كل العالم لكن باجر بتجين بيتنه وما باشوفش الا انه
هدى : انت محرم عليي لازم اتغظى عنك
احمد : مشكورة
وصك الخط
والله حاله .. خخخخخخخخ
هدى : لا تخاف باجر بيطيب
جاسم : انشالله
هدى : جاسم اني بروح اخطب لأخويي الغالي .. اسمع .. ابحط ليي مجياج ناعم ويه البدله الورديه انزين
جاسم : حطي بس اذا طلعتين في الشارع غطي ويهش
هدى : نــــــــــــعــــــــــــم
جاسم : هذا شرطي
هدى : انت واحمد عليي
جاسم : نبي نحميش من نار جهنم وفي مثل الوقت غيرانين عليش ..
هدى : انزين بحط اشياء خفيفة
جاسم : ما ابغي شي يلفت حتى نظر احمد .. ترى مثل ما قلتين هو محرم وانتين ما تدرين بالأقدار
هدى : انشالله
وطلعت من حجرتها ورحت الحجرة .. امبي انام .. بس وين انام وباجر هو اعظم يوم في حياتي ..


انتهى الجزء واتمنى تعليقات اكثر وتسر الخاطر

الجزء السابع عشر


منى
البيت
8:30 الصبح
--------------------------
قعدت الصبح وخلاص طارت النومة من عيوني ..
تعودت هالجم يوم بس اقعد اسوي بخور .ز نزلت عشان بسوي الا امي قاعدة
منى : صباح الخير
امي : صباح النور والسعد والبخور ..
منى : اماه اني بروح اسوي بخور
امي : انزين اسمعي بيت عمتش ايوم بيجون كلهم
منى : أي عمى
امي : بعد أي عمه .. عمتش ام محمد
منى : لاويش
امي : والله مادري
منى : انزين خلهم يجون اذا ما تشيلهم الارض تشيلهم عيوني .. اني بقعد فوق ويه هدى ..
امي : أي بس امبيش تنزلين وتسلمين ..
منى : ما يحتاج
امي: لا يحتاج اصلاً مو عدلة
منى : طبعاً الريال بروحهم
امي : واحنا من امتى قعدنه احنا بروحنه والريال بروحهم
منى : ااااااااااااااف
امي : ويش فيش
منى : ابداً
كنت بسوي بخور بس تضايقت
بعدي مو مستعده اشوف جاسم
رحت حجرتي .. وقعدت على الكمبيوتر انتظر هدى بس ما قعدت ..
على الغدا ما نزلت لأنه ما ليي مزاج .. بس سمعت طق على الباب توقعت هذي الشغالة ( كرتيني )
منى : كرتيني ماامبي غدا
احمد : هذا انه احمد
منى : ادخل
ودخل احمد
وقعد على السرير
احمد : ويش فيش ياختي متظايقة
منى : والله ويش اقولك .. ماني قادرة انسه جاسم وموقفة
احمد : صدقيني هذا دليل حبه الشديد ليش .. ولو ما كان يحبش جان ما تأثر .. ترى جاسم وايد حليو وطيب
منى : تعلمني عن طيبته وحلاوتة ..
احمد : اليوم بتتوضح ليش بعض الأمور
منى : ويش
احمد : ما اقدر اقول
منى : اللي يريحك
احمد : بس انتين اكشخي اليوم وهدى بعد بتجي كاشخة ..
منى : ويش دراك
احمد : اليوم بتعرفين
منى : اف
احمد : يالله عاد ..
وطلع احمد
معقول يايين يخطبون
( ههههه ) اسلي روحي واخدع نفسي /../
يت المغربيه ..
اسمع صراخ امي ..
اف ويش هالحاله
ويوم رحت على الدري
امي : منى وصمخ جم مرة الواحد يناديش بتفشلينه ويه الأوادم ..
منى : يا امي واني ويش اسوي يعني ..
امي : تعالي سوي كيكة .. وجاي وقهوة وعصير ..
منى : انشالله
نزلت وسويت الكيكة السحريه ( ههههه ) هذا اسم الكيكة الجاهزة [ بريما بإضافة الماء فقط ]
سويتها وجهزت الكريمة على ما هي تبرد بسرعة سويت العصير .. بردت الكيكة وحطيت الكريمه .. وسويت الشاي والقهوة .. وبرزتهم كلهم في الصاله .. وحطيت حلاوة جواهر وبعد خرابيط واشياء راقيه ..
عدلت الطاولة .. وركبت .. تسبحت .. ولبست بدله بحيث ما البس عبايه .. حطيت ليي كحل والقلوز ما بحطه من الحين .. لبست بدله ورديه .. اني احبها .. حطيت ليي ظلال وردي خفيف .. واما الشيلة فلبست شيله ورديه مخططة .. نصها وردي والباقي ابيض .. وعند هدى مثلها ..
وسمعت طق في الجرس .. نزلت عشان بستقبلهم ويه امي ( توصياتها ) وبعدين بركب ويه هدى ..

دخلو وشفت جاسم فديته وفديت قلبه وكل شي فيه .. لابس ثوب .. يا ويلي عليه .. والله العظيم يسدح .. جدي اني اغار .. كل هالكشخ والبنات يشوفونه ...

هدى
البيت
7:30 المغرب
------------------------
لبست البدله اللي اختارها جاسم .. والشال الوردي ( ومنى عندها مثله ) حطيت ليي كحل ازرق لأنه البدله فيها ازرق شوي .. وحمره ورديه وخفيفة .. وظلال وردي فاتح بس لمعة ورديه ..
رشيت روحي عطر من فوقي لتحتي ..
ورحت اشوف شو اخبار جاسم ..
طقيت الباب ودخلت .. ولا دخلت الا اشوف هذا مو ججاسم .. متغير .. حالق لحيته ومسونها ____وكة خفيفة احلى من دزاين كل مرة .. ولابس ثوب تجنن .. وغتره حمرا مسونها اماراتي لأنه الثوب بعد اماراتي .. بس شكله يهبل .. صدق استخليت عليه .. تقربت منه الا ريحت العطور والبخور وكل ريحة طيبة .. والله هذا استخف ..
اصلاً جاسم وسيم وبالإماراتي يطلع وايد كيوت وكول .. بصراحة اني معجبه فية .. ولو اني من منى مباشره اقبل فيه .. اصلاً المفروض هي تجي تخطب اخويي من حلاوته ( اللهم صلي على محمد وآل محمد )
هدى : جاسم ويش مسوي في حالك
جاسم : قولي ليي فيي شي غلط .. ناقصني شي ..
هدى : ناقصنك عقل
جاسم : واذا الواحد بيروح يخطب حبيبته ويكشخ يعني مجنون
هدى : ههههه
جاسم : بنشوف احمد ويش يسوي
احمر واخضر واصفر وازرق .. هذي الوان ويهي .. بس متى متى يجي اليوم اللي اشوف فيه احمد كاشخ لأنه جاي يخطبني ( بنات آخر زمن )
جاسم : هدى وايد صايره حليوه .. ترى تلفتين
هدى : انت بعد تلفت
جاسم : انه ريال
هدى : ماعليه ..
جاسم : الله يساعده احمد
هدى : ههه
وطلعت عنه
جاسم : لحظة لحظة بننزل سوا ..
ونزلنه وبس نزله
امي : اللهم صلي على محمد وآل محمد .. تعالو بشببكم .. ويش ليكم بالزينه تالي يحسدونكم ..
هدى : اماه اني حليوه
امي : الا قمر
هدى : تدرين اني اشبهش
امي : هههههههههههه .. الله يغربل بليسش ..
وبدت امي تغني
امي : يا معيريس عين الله عليك ........
جاسم : تسلمين يالغاليه ..
وطلعنه
وجا ابويي وركبنا السيارة ..
ما لاحظتون ملاحظة .. محمد اخويي مو ويانه .. امي اول امس اكتشفت انه مسافر الأمارات لشغل ..
وصلنه بيت خالي .. واني خايفة من رده فعل احمد وخصوصاً اني اليوم مزودتنها وحتى موبايلي مو حاطتنه في الشنطة الا ميودتنه في ايدي وفيه اكسسواره عليها حرف الـA
دخلنه وبس شفت احمد بي بغيت اموت .. بس شلون يطالعني .. بل استحي يا جماعة ..
بس كأنه تذكر سالفة البارحة وكسر نظره ودار عني
سلمنه عليهم ..
اما اني فحظنت منى .. وللصدفة انه احنا لابسين مثل الشيلات .. حظنتها .. وهي بعد ..
دخلنه ويه الجماعة .. وقعدنه شوي .. ويبين علينه يايين نخطب .. قعدنا شوي ومشينه عشان بنروح فوق ..
طلعنه من الصاله .. وسكرنا الباب .. وتونه بنركب الدري الا في واحد ينادي ..
درنه
منى : احمد خير
احمد : انادي اللي صوبش
هدى : احمد عد الليله على خير
احمد : هدى ارحميني ..
هدى : واني ويش سويت
احمد : انتين عيونش حليوه .. وتحطين كحل .. تصير عذاب ...
هدى : اني غطيت ويهي في الشارع مثل السعوديات
احمد : وطلعتين عيونش
هدى : ايه
احمد : آه يا قلبي ..
منى : احمد الحين اذا جو الأهل مو عدله يشوفونك واقف جدي
احمد : ومن بيطلع .. وثانياً انه ما سويت شي غلط
هدى : يالله احمد احنا بنركب
احمد : بس انه اكلمش وما كملت
هدى : خير في شي .
احمد : هدى تحملي في روحش ..
هدى : لاتوصي حريص ..
وبدى احمد بيركب
منى : وين رايح
احمد : بركب فوق
منى : اممم
ولما طاف علينه
قرب راسه من ادوني واني كنت عاطتنه ظهري وقال بصوت خفيف
احمد : عقبالنا ..
هذا يحرق فيوز ..
ركبنا فوق غرفة منى وقعدنه نسولف ..

جاسم
البيت
7:30 المغرب
------------------------
قعدت اتعدل واتكشخ ولبست ثوب اماراتيه وتسفرت .. لأني ادري انه منى تحب الأماراتيين ..
طلعنه من البيت وانه مو مصدق .. وصلنه بيت خالي .. وبس شفت منى حسيت بشعور غير .. حسيت انها ممكن تكون ملكي .. دخلنه وبعدين ركبو فوق .. مادري ليش يركبون .. والله انه كنت مستمع بالقعدة لكن احسن عشان نتكلم براحة .. بعد ما ركبو ورجع احمد .. مادري ويش كان يسوي ..
فتح ابويي الموضوع
ابويي : بصراحة يا جماعة احنا اليوم جيناكم ويايين نطلب منكم شي
خالي : تفضلو
ابويي : بصراحة احنا يايين نخطب منى لجاسم .. وما اظن بنحصل احسن من منى
خالي : هذي الساعة المباركة لكن البنية بعدهي صغيرة
ابويي : والله جاسم قال خلنا نخطبها ويسافر ويه عبدالله ولين رجعو يخطبون .. عشان يكلمها وتكلمه .. وبس تخلص المدرسة يعرسون ..
خالي : والله احنا نتشرف بكم .. وانا موافق بس ليش ما نأجل شوي .. لين ما تخلص البنيه من المدرسة وبعدين خطوبه وعرس مرة وحدة
لالالالالالالالالالالالالالالالالالالالالالالالالا ياناس لالالالالالالالالالالالالالالالالالالالالالالالالا
امي : والله يا خوي الولد مستعيل وهو الحين مو صغير ومحصل ليه شغل ..
خالي : والله انه ما بحصل لبتي احسن منكم لكن لازم نشاور البنية
امي : سوو اللي تشوفونه مناسب ..
وبعد شوي يو البنات .. يا حلوهم وهم ويه بعض كأنهم توم
قعدنه ناكل كيك وعصير .. والله خوش كيكة ..
وبعدين طلعنه .. خسارة كان ودي بعد اقعد شوي
ههههههههههههه مصرقع ,, بس اليوم بعد حبيتها اكثر ,,


منى
البيت
8:00 المغرب
----------------------
وصلو بيت عمتي .. وللحين اني مو فاهمة شي .. !! امبي احد يفسر ليي ليش هالزيارة وهم توهم راجعين من السفر !! ما ليها معنى .. لكن هم ظيوف فأحطهم على عيني وعلى راسي ..
دخل جاسم وتخبلت عليه ... لابس اماراتي ... آخ يا قلبي آخ ... رغم اني زعلانه عليه الا انه شكله البريئ بالأماراتي وضحكته اللي شاقه حلقة نستني كل شي .. امبي انزل عيوني بس هي ترتفع وتطالعة ..
يت ليي هدى واني بعد اتأمل حركاتة .. جاسم وايد طفولي .. يعني فيه من برئه .. ضحكته .. واهم شي انه ما يحمل في قلبه على احد ..
بس ليش يايين كلهم حتى ابوهم .. والله حيره ..
قعدنه في الصاله .. وكانت لمتنه حليوة .. ولاحظت ملاحظة .. احمد باقي شوي ويقوم يقعد صوب هدى .. بس هدى مو وايد ترفع نظرها ليه ... بس اني طالعت احمد ومن نظرتي ( اكسر عيونك )
ويش اسوي ما امبي يقولون عن اخويي مصرقع .. لكن هدى الله يهديها وايد متعدلهة .. واي صبي بيقعد يطالعها .. ولو هنيه سامي اخويي انجان قال لأمي خطبها ليي .. صدق كان زياده على جمالها طالعة جميلة .. ما كأنها صدق .. كأنها صورة من حلاوتها .. طبعاً هذا رايي الشخصي ..
صدق انه احمد كان يطالع هدى .. بس يطالعها بطريقة متزنه .. يعني يتكلم ويه الجماعه ولين شافهم مشغولين دار ليها .. وديك الهبلة ما تفيس اخويي وتسوي راحها مندمجه في السوالف ..

بعدين استمليت وبعد امبي اعرف سبب هالزياره .. سحبتها وقمنه فوق .. طبعاً احمد كان طالع قبلنه .. ولما شافنه طالعين يا صوب الدري وكلم هدى .. سمحت ليهم يتكلمون مساكين لكن المرة اليايه ما راح اسمح ليهم ابداً ابداً بأنهم يتكلمون ..
مر صوب هدى وقال ليها كلمه خله ويها يتحول احمر .. مادري ويش اهي ..
المهم .. ركبنا فوق دخلنا الحجرة
هدى : ليش ركبتين فوق ما تبين تقعدين ويه جاسم
منى : لالالالا
هدى عيل
منى : اني اصلاً ما ليي علاقة بجاسم عشان ما امبي اقعد وياه
هدى : نعم !!!
منى : هدى ويش فيش
هدى : مو انتين ذال اليوم تقولين انش تحبينه
منى : ذاك اليوم .. بس الحين الوضع تغير
O0o. ( انافق ) .o0O
هدى : منى حرام عليش
منى : ليش
هدى : بس
منى : هدى ويش السالفة الكل خاش عني موضوع .. بس مادري ويش فهو .. هدى اني رفيقتش قولي ليي
هدى : عقب كلامش آسفة ما اقدر اقول ليش
منى : وويش دخل كلامي في الموضوع
هدى : مادري
منى : هدى عفيه قولي ليي
هدى : اني مادري بش بس باجر الساعة اربع بتصل ليش وبتكلم وياش في موضوع
اصلاً جاسم بقلبي وعيوني .. لكني ما قدرت اقول هالشي لهدى .. كفايه اعترفت مرة وصار اللي صار ..

وبعد مادري ويش هالموضوع المفاجأ اللي مو راضيه تقوله الحين !!
بعدين نزلنه تحت .. قعدو الجماعه شوي وقامو .. وحسيت هدى زعلانه من كلامي .. وبعد ما طلعو .. توني بركب فوق الا امي مناديتني .. واحمد صوبها وابويي من الصوب الثاني .. اقول ليكم الموضوع في انه ,, لايكون جاسم ياي يقول ويش سمع في المستشفى . لالالا جاسم ما يسويها

منى : نعم
امي : تعاي قعدي
منى : خير
ورحت قعدت
امي : انتين تدرين ليش بيت عمتش يايين
منى : زيارة
اكيد اكيد جاسم قال ليهم عن اللي صار في المستشفى
امي : صح زيارة بس لغرض
منى : اماه اعصابي تلفت خير في شي اني مسوية شيس بيت عمتي شاكيين عليي في شي
امي : لا
الحمد لله لكن ويش الموضوع
منى : عيل
امي : يا منى انتين كبرتين وصار سنش مناسب للزواج
بس بس فهمت فهمت .. لاتكملين .. يعني يايين يخطبوني .. اكيد مو لمحمد لأنه مو موجود وياهم يعني للثاني .. لجاسم .. اللي خايفة منه صار صار ... اني مو مستعده ارتبط بجاسم الحين .. مو مستعده اكون زوجته ... مو مستعدة ...

منى : ويش تقصدين
امي : اللي اقصده انه بيت عمتش يايين يخطبونش لجاسم
منى : بس اماه اني .............. حرام والله حرام .. وقمت عنهم

وكنت توني بطلع ,, الا ابوي يقول
ابوي : بس بس ردو على الجماعة وقولو ليهم ما عندنه بنات للزواج ..
بس اني ما قلت مو موافقة .. بس تدرون احسن لأني ادري انه مو هدي هي الفرصة المناسبه للخطبه ..

ركبت فوق .. قلت ما بفكر في الموضوع .. خلاص اني اتخذت قرار ( لا ) بس ما قدرت ما افكر .. ..
صح اني احب جاسم .. واحبه وايد .. لكن خصوصاً في هالفترة ما اقدر ماقدر ارتبط فيه ..
اني اعيب على البنات اللي ينخطبون من المدرسة واقول عنهم مزاهيق .. الحين اني اصير منهم ..
بس ان ما غلطت .. وخصوصاً اذا كانو بيخطبون وعقب هالسنة العرس .. بكون مخطوبة ..
عادي يا منى اقبلي . لالالالا جاسم يخطبني وعقب الكلام اللي سمعة وهو ما يدري اني اقصد من ..
بعد شوي دخل عليي احمد .. احمد بعد ماني مستعده .. لوسمحت اطلع .. خخخخ
منى : احمد ماليي مزاج اتكلم
احمد : نستين الحب .. نسيتين انش تحبينه .. وبقول ليش معلومة .. بعد ما طلعنه من المستشفى ورجعتش البيت جاسم اتصل يتطمن عليش واستحمق لمى درا اني مخلنش بروحش .. ولما رجعت البيت وشفتش تعبانه وتصيحين .. اتصلت ليه واصر انه هو يجي ليش ويراضيش لكن انه اللي رفضت .. وفي المحادثه اللي بينه اعترف انه هو يحبش ومو مستعد يضحي فيش .. وهذا السبب اللي خلاة يستحمق .. وكان خايف انش تحبين عبدالله .. ولما طمنته انش ما تحبين عبدالله .. قال بجي يخطبش عشان ايبرهن ليش مدى حبه .. وترى يمكن حبه ليش ينافس حبي لهدى .. اذا اليوم رفضتينه في احتمال ما تحصلين اللي احسن منه .. ولا تظنين انه اليوم اذا رفضتينه برد يتقدم ليش جاسم كل بنيه تتمناه .. لأنه اخلاق وجمال وعنده الماده ميسورة .. وصدقيني اذا رفضتينه بيروح يخطب احسن بنيه ... ومحد بيرفضة .. وبعدين لا تصيحين .. اسمحي ليي .. انتين وايد متبدله الآراء .. انه لو سمعت هدى تتكلم مثل ما قلتين .. صدقيني ادخل واقتلها واقتل نفسي ... لأني ما بتحمل .. احمدي ربش انها يت على جدي ..

وطلع عني

خلاني في دوامة .. اصارع الموج بروحي .. الحين جاسم سوه كل ده واسستحمق لأنه يحبني .. واتصل يسأل عني .. وهو اللي طلب من احمد يرجع ..

فعلاً كلام احمد .. اذا رفضته مستحيل يرد يتقدم .. مست((( .. واذا رفضته بعد بيروح ياخذ احسن بنات الديرة ..

لالالالالالالالالا ما استحمل ما استحمل اشوف ويه جاسم بنيه غيري .. لالالا ما اتخيل ...
دخلت في دوامة من الصياح ,,,,,, بروحي .. بتعب .. بألم ,, بقسوة .. مادري ويش اسوي .. مادري ويش بيكون ردي .. احبه مو مستغنيه عنه .. ولو الود ودي اروح لأمي واقول ليها اني موافقة والف موافقة .. لكن في مثل الوقت مو مستعده ارتبط فيه ... مو مستعدة اكون زوجتة ..

مادري متحيرة .. لازم ما استعيل لأنه قراري راح يمشي ويايي طول العمر .. واذا استعيلت واتخذت القرار الخطأ محد بيتظرر غيري ..

امبي اخت تعينني .. مااقدر استعين بهدى .. لأنها اخت المعرس .. آآآآآه يا قلبي .. محتارة موت موت ..

بأخد خيره .. هذا هو الحل .. وعلى الخيره بمشي

نزلت تحت لأمي ..
منى : اماه عندش رقم الشيخ ..........
امي : أي ليش
منى : ابغيه يسوي ليي غيره
امي : نعم الراي يا بنتي ما في احسن من انه الأنسان يستخير بالقرآن
منى : اني محتارة
امي : بس اني كنت برد على الجماعة وبقول ليهم انش مو موافقة
منى : بس اني ما قلت
امي : من رده فعلش ...
منى : لا تردين على الجماعة الا لين اقول ليش أي او لا
امي : اللي تشوفينه

اخذت الرقم وركبت الحجرة ..
اني ابويي يعرف يسوي استخاره لكني امبي شيخ مرتبته عاليه يكون احسن عشان ارتاح اكثر ..
اتصلت للشيخ .. وقلت ليه وقال ليي بيرد علي عقب نص ساعة ..
قعدت اصلي عشان اهدي نفسي واقرأ القرآن .. وبعد شوي رن التلفون ... وكان هذا الشيخ .. وقال ليي انه الخيرة كلش زينه ولا اتردد ..
يمكن هالخيرة طمنتني .. لكني بظل محتارة .. قلبي يقول لي أي ومليون أي وعقلي يقول ليي انتين بعدش صغيرة .. ما بتقدرين على المسؤاليه ..

قلت بعد بفكر يومين .. ما بستعيل .. بفكر على رواء .. وبستشير الكل .. هذا مستقبل .. مست((( افرط فيه رغم اني واثقة اني ما بندم اذا تزوجت جاسم لأنه نعم الأنسان والأهم انه قلبي يمشي وراه ..


مادري اوفيت او لاء في هالجزء .. على العموم تعليقاتكم وايد تفرحني فلا تحرموني منها

الجزء الثامن عشر

عبدالله
البيت
-----------------------------
الحمد لله اليوم تحسنت صحتي .. واحس اني عالي العال .. ومن بعد ما طلعت من المستشفى وانه انسان ثاني .. ولبست ثوب يديد .. لبست ثوب مليان اخلاق وديانه .. خلاص .. حتى الأغاني ما بسعى وراه مثل قبل كل شريط ينزل لازم آخذه .. رجعت البيت طبعاً على كرسي .. ما يأست بالعكس عندي امل كبير اني اقوم امشي .. واحس انه هذي فترة بتعدي ولازم اصبر لأنه الله حاطنني في اختبار .. دخلت البيت واللي كان موصلني سيد محمود .. نعم الريال ووالله لو عندي خت ما عطيتها لغيره لكن يا حسافه الله ما رزق امي وابوي غيري .. ساعدني على النزلة ..
ومسكين ابويي طول ما كنت مرقد في المستشفى سوا في البيت اماكن مخصصة عشان امشي فيها بالكرسي .. لكن انشالله باطيب وما بحتاج لهالأماكن .. انه اقدر اوقف .. لكني ما اقدر امشي عدل .. احس اني بطيح .. ويقول الدكتور انه هذي الحالة نادرة كلش .. لانه اما الشلل او العافية والصحة .. بس انه صرت في النص .. لكن الف الحمد لله نعمة غيري ما يحصلونها ..
مادري ليش جاسم واحمد هالأيام ما اشوفهم .. لكن معذورين توهم اهلهم يايين من السفر .. دخلت الغرفة اللي تحت اللي عدلوها لي ونقلو اغراضي فيها عن لا اتعب في النزلة والركبة ..
امي دخلت عليي والله شوفتها تسوى الدنيه وما فيها صدق يعني انه كنت اعمى والله احد يحصل هالأم الطيبة ويزمر عليها او يأذيها لكن ما عليه اللي فات مات ..
امي : شخبارك عبود
عبدالله : بشوفتش انه عالي العال .
امي : تسلم يا ولدي والله اني عندي انه شوفتك وانته بصحة وسلامة تغنيني عن كنوز الدنية كامل ..
عبدالله : اماه عاد سامحيني انه الأول كنت غلطان وانه نادم على كل صوت رفعته عليش .. لكن الشيطان شاطر
امي : انته بد صفحة جديدة وانسى الماضي .. انته اليوم عبدالله جديد واني بعتبر انه توي جايبتنك ..
عبدالله : انشالله
وكانت امي قاعدة تسولف ويايي .. ودخل ويانه ابويي ..
اليوم ثاني من وصلو بيت عمتي وعمي .. وانه امبي ازورهم لكن حالتي ما تسمح ليي ...
طلعت من عندي امي وغفيت شوي لأنه اليوم كان متعب ...
وما حسيت بشي وبعدين سمعت غولة وفوضة .. افتكرت روحي احلم ولا فتحت الا الجماعة كامل هنيه .. عمتي وعمي وولادهم كلهم منى وهدى واحمد وجاسم وفاطمة وولاد حسين ( احمد وفاطمة ) يايين ويه امهم العودة .. بشكل عام الحجرة كامل انترست .. بصراحة استانست اوتعيت والجماعة كانو كلهم مو منتبهين
عبدالله : سلام عليكم
وانتبهو ليي ..
احمد : هلا هلا العبد
جاسم : ما تشوف شر يالبطل
عمتي : شكبارك يا ولدي
عبدالله : الحمد لله بخير .. يو الشباب وسلمو عليي .. قعدنه نسولف والحاله .. بعد نص ساعة مشو لأنه الناس تييهم ( توهم راجعين من سفر ) بس ظل ويايي جاسم ..
قعدنه نسولف وبعدين يبنه طاري العرس
جاسم : ماقلت لك
عبدالله : لا
جاسم : باجر اهلي بيروحون يخطبون ليي
عبدالله : زين له مبروك .. منهي بنت الحلال اللي بتاخذها
جاسم : والله ما بروح بعيد
لا تقول منى .. صدق انه اني ما حبيتها الا هو حب لكن عاجبتني ..
عبدالله : منهي
جاسم : منى بنت خالي
عبدالله : مبروك ياخوي ..
جاسم: الله يبارك في عمرك .. وانت متى ناوي تكمل نص دينك
عبدالله : وينك ووين
ماقدر اعترض اولاً هذا نصيب واذا ليي نصيب فيها باخذها واما اذا لا فهذي ارادت الله ..
وبعدين قعد ويايي شوي .. صدق اني زعلت على منى لكني فرحت لأنه جاسم يستاهل احسن بنيه في الدنيا وبعد لأنه خلوق ويمكن هذي ارات الله .. عادي بنات البحرين وايد ..
طلع عني جاسم ومشى البيت اما انه فقعدت افكر في مستقبلي المجهول .. مادري ويش نصيبي او ويه من .!!

هدى
البيت
-----------------------------
وفيت بوعدي لمنى واتصلت ليها يوم ثاني بشوف وجهة نظرها
هدى : ها يالعروس ويش قررتين ...
منى : بعدي افكر
هدى : والله لو عالم يدرس خطه انجان خلص التفكير
منى : هذا اكبر من أي خطه .. هذا زواج يا منى مو لعبه واللي بختارة بيمشي ويايي لنهايه العمر
هدى : انتين تميلين للرفض او القبول
منى : ساعة للرفض والثانية للقبول
هدى : حرام عليش
منى : لا بالعكس يا هدى لازم اختار الرد بقناعة تامة ..
هدى : اني حبيت اخفف عنش واسألش وخصوصاً انه انتين ما عندش خوات اذا بغيتين أي استفسار دقي عليي.. انسي اني خت جاسم واعتبريني اختش
منى : هدى بصراحة ويش هي افكار جاسم ويش هي صفاته امتى يستحمق .. ويش يحب ؟؟
هدى : قبل لا تاخذينه وكل هالأسألة
منى : أي اكيد بجمع عنه تحقيق
هدى : يختي هو ولد عمتش
منى : حتى لو ول عمتي يبقى هو الشخص اللي احتمال ارتبط فيه .. انزين ما جاوبتين
هدى : والله انتين تعرفين انه جاسم هادئ بس لما يتعلق الشي بقلبه او كرامته ما يسكت ويصير اكثر عصبي .. هو مو ملتزم اللي هو ملتزم يعني من المسيج للبيت ومن البيت للمسيد .. لا يروح مجمعات ويطلع .. لكن مو مثله مثل باقي الشباب يعني ما مرة كلمته بنيه في التلفون .. ما مرة سوا علاقة ويه وحدة .. لا بالعكس مستقيم في هالسالفة .. جاسم يحب النعومة .. ويحب يشوف أي شي ناعم .. حتى حجرته لو تدخلينها ما كأنها حجرت صبي ... مرتبه وناعمة ولا تشوفين شي على الأرض .. يحب النظام .. ويحب تكون اغراضة مرتبة .. جاسم طبعة ما يحب ياكل اكل مسوينه خدم .. وترى بعطش معلومة .. جاسم يحب اللون الوردي ..

منى : والله اني محتارة وكل الصفات اللي قلتينها حليوة لكني مادري ويش اختار لازم اسأل عنه اكثر اشوف صفاته ..

هدى : الله يساعدش
منى : اني والدور ياي عليش

هدى : آآه
منى : اسم الله عليش من الـ آآه
هدى : هههههههه
وقعدنه نسولف وبعدين قطعته .. اني احس انه منى مقتنعة بس تحتاج للوقت الكافي عشان تقنع ذاتها انه حان الوقت اللي المفروض تهدي قلبها وبالها وتستقر ..

طلعت ومريت على جاسم اشوف حالته هالمسكين دخلت عليه وبس دخلت
جاسم : ها ردو عليكم
هدى : ويش فيك مستعيل خل البنيه تفكر
جاسم : بعد ليش تفكر يا أي او لاء
هدى : هذا مستقبل مو لعبه
جاسم : هدى خلش واقعية احنا خاطبينها من امس وبعد باجر بسافر ويه جاسم ما بيمدي نتكلم في المهر
هدى : خلها توافق اول
جاسم : يعني تتوقعين ما توافق
هدى : مادري
جاسم : انه بروح اشوف امي
هدى : بروح وياك
ونزلنه ويه بعض .. ولما شفنا امي
جاسم : ها اماه ما ردو الجماعة
امي: لا يا وليدي ما ردو ثانياً ويش عايلنك توه الناس
جاسم : ااماه بعد باجر بسافر
امي : انزين بعد السفر
جاسم : آآآآآآآآه انه باموت وامي تتعامل ويايي بأبرد من الثلج ..
هدى : اماه اتصلي للجماعة وقولي ليهم ويش ترى الولد بيسافر
امي : لا مو عدله هذا مت صوب بيت العروس
جاسم : آآآآآآآآخ
وركب جاسم عنه وقعدنه اني وامي نضحك عليه
هدى : الحب اعمى
امي : أي والله .. الظاره جاسم انعمى من هالحب
وقعدنه اني وامي نسولف عن العرس واذا وافقو ويش بيودون ليهم

احمد
البيت
( يوم ثالث من يو الجماعة لخطبه منى )
--------------------------------------------
رحت اكلم منى .. بصراحة وايد بيختها باجر بنسافر ويه عبدالله وهيه بعدهي قاعدة في حجرتها وتفكر .. الحين امبي منها الرد النهائي .. انه قلت ما بعيلها بس يومين كاملين تفكر مو كفايه .. وهي تعرف جاسم وتعرف اطباعه وما يحتاج نسأل عنه .. الأهم انها تحبه ..
طقيت الباب
منى : من
احمد : انه
منى : ادخل
ودخلت عليها وهيه ممبطحة على السرير .. وفاتحة شعرها بشكل حليو ( خخخ ) وممبطحة على ظهرها ..
منى : خير
احمد : ما استمليتين من التفكير
منى : لا بعدي امبي افكر
احمد : منى امبي الجواب الحين يا أي او لا
منى : احمد ويش هالشرط
احمد : منى احنا باجر بنسافر
منى : أي سافرو وعقب السفر بعطيكم الرد
احمد : لا عاد بيختينها
منى : احمد هذا من حقي
احمد : ارحمي بحال الريال متمسك فيش وولد عمتش .. ويحبش بعد ويش تبين
منى : هذي حياتي اللي بتبقى لازم اخطط ليها
احمد : منى انه لازم ارد على الريال
منى : انت ويش قولك
احمد : انه ما ليي دخل قولي الشي المقتنعة فيه
منى : اني مقتنع بجاسم لكن مادري مادري ليش احس بخوف ..
احمد : ههههه دلع البنات حبيبتي روحي اسألي امش قبل لا تاخذ ابوش أي قد خافت .
منى : لا مادري ..
احمد : منى آخر رد أي او لاء
منى : مادري
احمد : بتجنيني
بديت افقد السيطرة ..
منى : لاتعصب
احمد : انزين عيل ردي عليي
منى : انشالله ..
احمد : ويش ردش أي او لاء
منى : اذا الحين اخذته ووافقت امتى الخطوبة وامتى العرس
احمد : قال جاسم .. بعد ما يرجع من السفر عشان قبل شهر رمضان بيسوون الخطوبة .. وبعد ما تخلصين المدرسة العرس .. وثانياً هذا يتكلمون فيه في يوم ( المواساه - بالبحراني - )
منى : انزين
احمد : ويش انزين أي او لاء
منى : احمد تظمن ليي اني اعيش بسعاده
احمد : ويش هالسؤال ليش انه الله ادري ويش الأقدار .. منى بال لعب يهال خلاص الحين انتين مقبلة على عرس أي او لاء.. وهذي آخر مرة اسألش بعدين اذا ما رديتين بتصل لجاسم وبقول ليه انته تغويت ودخلت البيت الخطأ احنا ما عندنه بنات للزواج وانسى وحدة اسمها منى
منى : لالالالالالالالالا
احمد : عيل
منى : موافق
احمد : أي جدي هذي منى الله اعرفها .. والله انش فلة ..

نزلت وناديت امي
احمد : امااااه .. امااااه
امي : خير خير ويش فيك تنادي جدي
احمد : ايدش على 100 دينار ..
امي : وانته من امتى تاخذ من عندي بيزات
احمد : لا هذلين بدل البشارة اللي انه يايبنها
امي : ويش
احمد : منى وافق
امي : صدق والله
احمد : أي
وقامت امي تيبب وعندها كانت صينية قلبتها وقامت تطبل عليها وتردح وتقول : الف الصلاة والسلام عليك يا حبيب الله محمد ( كلولولولوش )
وتيبب والحالة وركبت بعد تستفسر المهم انه برد على رفيق وبزهقة اول وبعد ببشرة .. مسكين وايد انتظر
طلعت في الحديقة وقعدت صوب البرجة
احمد : هلا والله
جاسم : هلا بشر
احمد : والله اني مادري ويش اقولك
جاسم : ليش يعني ما وافقت
احمد : والله اني خجلان منك وايد
جاسم : احمد ريحني احمد دبحتني احمد قول أي او لاء
احمد : والله
جاسم : قوووووووول لوعت جبدي
احمد : افا لوعت جبدك ها وانه اللي يايب بشارة وبتصير نسيبي مرتين
جاسم : احلف
احمد : خلاص انه زعلت
جاسم : والله انك احسن ريال لكن خليت قلبي ينزل ببطني .. تدري انه عازمنك على الغدا
احمد : والله العزيمة ما تتفوت .. لكن انته تدري باجر السفر .. ولازم اجهز اغراضي .. وخصوصاً انه في الليل بنتجمع عشان نتواسى
جاسم : اوكي عيل اعزمك بألمانيا
احمد : انشالله
صكيته من عند جاسم وقعدت ارتب اغراضي ..

جاسم
البيت
------------------------------
انتظرت اليوم كامل وما ردو .. ويوم ثاني .. قعدت من الصبح وبعد ما ردو .. نزلت اسأل امي ومثل النتيجة بصراحة انه مليت ..

قعدت ارتب اغراضي حق باجر .. رحت حق فاطمة بقول ليها تكوي ليي ثوبي لأنه اخاف الخدم يحرقونها إلا حظرتها رايحة بيت خطيبها ..
مريت على هدى .. رغم اني ادري انه هدى ما تقصر بس هالأيام وايد أامر عليها ..
جاسم : صباح الخير
هدى : أي صباح .. قول مساء الخير
جاسم : اللي هو ليش كم الساعة
هدى : الساعة 1:45 الظهر
جاسم : اوه صوبة
هدى : انزين خير جاسم
جاسم : والله اني امبيش تكوين ثوبي
هدى : افا عليك ابشر الحين اكويها
جاسم : ما تقصرين والله انش مفشلتني دوم تنفدين اللي اقولة
هدى : افا عليك اذا ما اخدم المعرس من اخدم عيل
جاسم: ما كأني بصير معرس
هدى : ليش
جاسم : ماردو
هدى : اصبر ولا تستعيل
جاسم : انشالله .. اصبر والصبر مفتاح الفرج ..
هدى : جيب الثوب وانت روح تجهز
عطيتها الثوب ورحت اجهز اغراضي .. وانه قاعد احط اغراض السباحة ( شامبو صابونة بلسم فرشات اسنان معجون ) رن تلفون وكان احمد .. زهقني وظنيت انه خلاص مافي امل وقلت انه الأمل صار 100% اني ما باخذها .. لكن بعدين اتطمنت ..
طمنني .. خلاص منى وافقت .. ليت الكلام يقدر يوصف شعوري .. انه احس بالفرح .. احس اني اسعد انسان في الكون .. الله يتمم على خير .. ياربي تكون منى من نصيبي وتتم لينه على خير ياربي توفقنه .. انه احبها وهي تستاهل هالحب .. بعد ما صكيته إلا هدى داخلة ويايبه اثوب .. اخذت منها الثوب ورحت حظننتها ..
هدى : ويش صاير
جاسم : هدى دقو عليي ... ووافقت
هدى : مبروك
وشدت عليي
قامت تصيح .. تصيح صايح فرح
جاسم: ويش فيش
هدى : ماني مصدقه انه اغلى اخو وصديق ورفيق بياخذ اغلى انسانة وصديقة ورفيقة واخت وتوام .. اثنينكم تليقون لبعض .. الله .. أي قد اني مستانسة .. الله يدوم المحبة والسعادة
جاسم : آمين
هدى : مادري امي قالو ليها او لاء
جاسم : اكيد اتصلو ليها
جاسم : بروح اشوف
ورحت اشوف .. وبس نزلت
امي : مبروك يالمعرس مبروك
سويت روحي ما ادري عشان ما اكسر خاطر امي .. اكيد كان ودها تكون اول من يبشرني ..
جاسم : اماه ردو عليش
امي : أي أي توها مرت خالك متصله وتقول البنيه موافقة ونروح الليله نتواسا ..
جاسم : والله الفضل يرجع ليش ..
تقربت من امي وحظنتها وحبيت راسها ..
جاسم : محد ليه فضل عليي غير
امي : تسلم يا ولدي الله يسوي اللي فيه الخير .. والله يوفق بينكم ويجعلكم ااسعد اثنين
جاسم : آمين ..
انتظر الليل بأقصى سرعة ممكنة ,,
دخلت على هدى .. ووجهت ليي مثل سؤال ديك المره
هدى : جاسم ويش البس
جاسم : انه امبي اعرف اذا تزوجت من بيقول ليش ويش تلبسين
هدى : انته .. بطق عليكم الباب باقوا ما عندي وبقول ليك ( جاسم ويش البس ) .
جاسم : هههههههه
قعدت اياها واخترت بدلة بعد وردية
هدى : لالالالالالالالالا ماامبي وردي ديك المرة وردي لازم انوع
واخترت ليها بدله بنيه وبحريه .. وصايره الألوان ويه بعض عجيبة .. انه احب الوردي لكن هذي البدلة حليوة ..
هدى : ما بلبس عباية
جاسم : اشوف السالفة طابت ليش
هدى : والله احنا رايحيين نتواسا على اخويي وما تبيني اكشخ
جاسم : لالا من حقش تكشخين
هدى : والله خوش اخو
جاسم : وانتين خوش خت
هدى : بعد جبدي والله
جاسم : يالله بسرعة ماباقي على المغرب شي الساعة 4:55 الساعة ست ونص يأدن واحنا بنصلي وبنمشي
هدى : اني اول وحدة بركب السياير
جاسم : بنشوف
هدى : إلا جاسم انتو ليش تتعادلون وانته ولد عمتها
جاسم : انه ما امبي اظلم البنيه يمكن في خاطرها شي .. يمكن عندها شرط يمكن في بالها مهر محدد
هدى : مو منى اللي تتشرط
جاسم : مايخالف انه جدي مرتاح
هدى : يالله الله يوفق بينكم
جاسم : آآآآمين
طبعاً انه مثل كل مره لازم اكشخ واتعدل .. يعني معرس رزة .. وخصوصاً انه منى نظر عيوني وافقت ( يا سلام ) .. اليو م انه مستخف .. ولو هدى شاطرة بتطلب مني كل شي اليوم .. خخخخ
المهم اليوم كشختي غير .. لبست غترة مثل الكويتيين .. اللي تصير منفوخة .. هه مااعرف اسمها .. وهذي تناسبني لأنه ويهي مو طويل طويل .. ولا مدور .. لا حليو ..
المهم .. صليت بسرعة ( استغفر الله ) ولبست .. وتعطرت .. إلا تسبحت بالعطر .. ( اليوم بقعد ويه منى بصفة غير .. بصفت اني انه انشالله شريك حياتها .. لازم تشم ريحتي حليوه .. المهم ... لبست وجهزت .. رحت بسرعة لهدى .. عشان اعيلها ونزلل .. ونمشي .. آآه ونوصل .. ويلي ( وايد اليوم صاير مايع ) اثقل يا ريال شوي ..
طقيت على هدى ..
هدى : ادخل
ودخلت
قامت المينونة تصفر
جاسم : ويش صاير
هدى : يابختها منى .. حصلت ليها واحد يحب الكشخة .. جسوم اليوم طالع احلى من داك اليوم بعد
جاسم : مشكورة .. بس انه دائماً حليو
هدى : بلى شك
جاسم : يالله يالله بننزل
هدى : يالله
جاسم : وين العباية
هدى : جسوم اني رايحة اتعادل على اخوي والله
جاسم : أي بس اليوم حلال
هدى :اوكي
جاسم : هدى فيش مكياج مبين
هدى : ياخوي ترى اني ما بروح لغرب
جاسم : هدى !!! هناك احمد .. واحمد محرم عليش
هدى : جسووووووووم
جاسم : انه اوكي وياش لا تخليني اتغير .. ترى انتين تشكلين فكرة سيئة عنش
هدى : الحين اني مو حاطة غير قلم كحل ازرق وقلوز ..
جاسم : بس صاير لافت
هدى : جسوم اني بروح اتعادل على اخوي ما بروح مكان غيرب ..
جاسم : بس اليوم
هدى : بس اليوم
جاسم : يالله ننزل
هدى : لحظة بلبس الشيلة ..
وقامت هدى المخبولة تلبس الشيلة والله ما ينعرف لهالبنات .. مخلتنها شوي مفتوحة !!
يالله ماعليه اليوم اقبل بكل شي ..
نزلنه تحت وانه مو مصدق انه منى وافقت .. وليش ما توافق اصلاً هي تحصل واحد احسن مني !!
المهم نزلنه إلى امي .. وكانت ميودة البخور .. وتدور على البيت
جاسم : يالله يالله اماه الحين مو وقت بخور
امي : ياوليدي .. احنا بنروح نتعادل لازم ابخركم .. واشببكم
جاسم : يابعد عمري يا امي ... والله انه وين احصل ليي ام مثلش
امي : الا اني وين احصل ليي ولد مثلك .. تدري انه محمد اتصلت فيه لأنه من رجعت ما حصلته .. ومتولهه عليه .. طلع مسافر الأمارات
جاسم : أي اماه ادري هو قال ليي
امي : وليش ما طمنتني ..
جاسم : نسيت .. انزين يالله مشينه ..
امي : لحظة الحين بينزل ابوك
جاسم : روحي استعيلي شايبنا نبي نمشي
امي : من عيوني
وراحت امي إلا ابويي طالع .. ونزلو .. ومشينه .. ويلي ويلاه ..

منى
البيت
3:30 العصر
------------------------------
بسرعة بسرعة اجهز روحي وطلعت ليي البدلة اللي بلبسها .. مادري ويش البس بس عندي بدله كحليه جهزتها .. وياها شيلة زرقة غامقة .. البدله فخمة شوي .. وفيها حركات .. هي ناعمة بس فخمة .. المهم قلت قبل لا اتسبح اروح اسوي شي في المطبخ ..
نزلت
منى : اماه ويش بتسوين
امي : والله مادري احنا عادتنا انه يوم المعادلة نعشي بيت المعرس بس مادري ويش نسوي
منى : تدرين المطعم صوبنه بنشتري اشياء .. وبنسوي بعض الأشياء لأنه هدى ماتاكل من برة لازم تاكل اكل صحي ..
امي : وويش بتسويين
منى : بسبوسة .. وكنافة ومعكرونة بالبشميل .. وبنشتري عصير برتقال ومنجا .. وبنسوي تانج .. وبنشتري بيبسي .. مو كفايه
امي : أي كفايه .. بس سوي وياهام فطاير
منى : انشالله .. بس اماه بتمديني العصرين
امي ك أي انتي وانتين ومرت حسين بعد بتجي ( سارة ) يعني بيمدينه ..
منى : اوكي
وبديت الشغل بكل جد وحاولت اني ما اضيع ولا دقيقة . ..
اول شي فردت الكنافة وفللتها .. دخلتها داخل الفرن في قالب عشان تاخذ شكلة .. وعلى ما هي في الفرن سويت الحشوة اللي داخل وما اخذت مني خمس دقايق .. المهم .. عجنت للبسبوسة .. بطريق سهلة .. وطلعتها في الفرن الخارجي .. اما امي فسوت الجاي والقهوة وعصير التانج .. ولما وصلت سارة قلنا ليها توصي من المطعم وعطيناها الأوردر .. مسكينة سارة وايد طيبة .. لو تقولين ليها امبي عيونش تعطيش اياها .. يا نجته اخويي فيها .. وبتها فطوم بعد طلعت عليها .. على ذكر فطوم .. نسيت اعطيها الهديه .. المهم ويابو وياهم حمود وهذا قتلتي اذا اشوفة استجن .. حليو وصغير ويشبه احمد وايد واحمد اكثر واحد وسيم في اخواني .. اخذ جمالهم كامل .. صدق انه خواني الباقي حليو بس احمد جماله غير نادر .. وخصوصاً انه عيونه مو سوده .. بنيه فاتحة تميل لعسلي .. وخصوصاً لين يطلع في الشمس ..
المهم بعد ما خلصت سارة من الأوردر يت تسوي الكيكة .. بس الكيكة ما دخلناها بسرعة الفرن لأنه مافي فرن .. بس عقب ما طلعت الكنافة دخلناها .. حطيت في الكنافة الحشوة .. وحطيت فوقها مكسرات .. كلة بحركة سريعة كأنه احد يلحق ورايي .. المهم بدينا الحين في المعكرونة .. حطيت اللحم المفروم على الفرن عشان ينضج .. والمعكرونة فحتها .. وسويت البشميل .. طبعاً بمساعدت سارة وخصوصاً انه خبيره في البشميل ..
جهزت ليي سارة القالب .. يبت المعكرونة ( اني احب البشميل بسبجتي ) حطينه المعكرونة .. وحطينا طبقة بسيطة من الجبن المبشور .. وبعدين حطيت اللحم .. وحطيت فوقة صلصة الطماطم .. لما خلصت بقا مجال للبشميل كتيته فوقة .. وحطيت من فوق جبنه مازرولا عشان تتمغط ( حركات ) ..
المهم خلصت على الساعة ست ونص سبع الا .. وخفت يجون رحت اتسبحت 10 دقايق .. ولبست ثيابي بسرعة وبديت احط الكحل .. حطيت كحل ازرق .. وقلوز خفيف ما يبين فوقة حمرة ورديه ناعمة وايد وايد ولونها وايد هادئ ..
لما خلصت رحت تبخرت .. وبخرت البيت .. وتعطرت من فوق لتحت ..
وشفت احمد في ويهي
احمد : هلا والله باعروس ويش هلكشخة
احسة قال شي غلط .. الحين اني عروس .. كلش ما يليق ..
منى : هلا فيك
احمد : ادعي ليي
منى : بويش
احمد : عقبالي .. بموت وانه اشوف اختي اصغر مني بتعرس وهي قد حبيبتي وحبيبتي مو راضية تعرس .....
منى : حطها قدام الأمر الواقع .. واخطبها ما بتقدر ترفضك
احمد : لالالا اول بشتغل .. وبدرس في الجامعة
منى : يعني الخلل مو بس من هدوي .. منكم اثنينكم ..
احمد : تقريباً
منى : المهم تبي ابخر دارك
احمد : اكيد .. واليوم مرتبنها اذا تبي هدى تدخل دخليها ..
منى : وهدى من امتى تدخل حجرتك
احمد : انه قلت انتين دخليها ما قلت هدى بتدخل
منى : اااام
احمد : يالله يالله
وتوني بتحرك وبروح ابخر حجرتة الا الجرس يضرب .. وقلبي وياه .. آآخ .. خايفة خايفة .. الا بموت بموت من الخوف ..
احمد : ويش فيش
منى : سلامتك يعني ويش فيي
احمد : خلي المجخر على الطاولة وما يحتاج تبخري حجرتي .. خلي المبخر على الطاولة .. وطرت حجرتي .. فيي الصيحة .. بموت ..
المهم .. عادتناً العروس ما تروح من البداية في المعادلة .. فما طلعت .. ركبت ليي هدى .. طلعت في الممر اللي فوق .. الا هدى راكبة .. رحت ليها ركيض وحضنتها .. قعدت اصيح
هدى : منى ويش فيش ..؟؟ احد غصبش انتين ما تبين جاسم
منى : لالا مو جدي السالفة بس اني خايفة خايفة يا هدى خايفة .
هدى : من ويش
منى : مادري ..
وركب احمد .. مادري ويش بجيب .. هذي حزاته .. المشكلة انه لمح اني حاظنة هدى واصيح .. من الفشيلة نقزت حجرتي .. اخاف احمد يقول انه اني مو مقتنعة بس وافقت عن لا تخترب العلاقة بيننا . اني مو جدي .. اني وافقت لأني احب جاسم .. واشوف فيه الزوج المناسب .. بس ليش كل هالخوف .. معقولة كل عروس تحس فيه .. مادري ..
عقب خمس دقايق تقريباً إلا هدى موصلة
منى : واخيراً جيتين .. ويش كنتين تسويين
هدى : صادني اخوش بدا يعطيني محاضرة ..
منى : ههه ( اصيح وفي عيوني دمعة ) تستاهلين
هدى : منى انتين ليش تصيحين .. ما تبين جاسم ترى عادي يقول ليه واوعدش انه يتقبل الموضوع ويطلع من حياتش بكل هدوء وبدون مشاكل
منى : لالا ابغيه
بل ويش قلت
هدى : ههههههههه
منى : هدى عاد يالله سكتي
هدى : هههه انشالله .
بعد نص ساعة سوالف .. يا احمد وقال ليينه ننزل .. نزلنه واني قلبي خلاص طاح في بطني .. مادري جيفة بطالع جاسم .. بأي نضرة .. ابامووووووووت ..

( تأتي التكمله في الجزء القادم )

انتظر تعليقاتكم

الجزء التاسع عشر

منى
البيت
8:00
---------------------
دخلت الميلس بس قبل صليت على النبي عشان اهدي من خوفي .. دخلت دورت جاسم بعيوني .. وشفته يهبل .. يالله كل مره يخبلني شكل .. مرة اشوفة لابس اماراتي ومره لابس كويتي .. ( مثل محمود بو شهري ) .. ما قدرت .. عجيب .. إلا حليو

واني من اول ما دخلت سلمت ..
عمتي مستقبلاً ( ام جاسم ) : هلا بعروستنا
بل استحي ..
نجفت بطلع ..
كل الأنظار متوجهة صوبي .. والله غربال ..
منى : هلا عمتي شخبارش
عمتي : الحمد لله .. إلا ما سلمتين على ريلش
ما ليي إلا اشيل نعالي واركض ..
تقول ريلش واحنا بعدنا ما ملجنا .. بلي ..
هدى ارجوش حسي فيي وخلينه نطلع .. بس بس ما اقدر .. صدق انه شوفت جاسم تسوى الدنيا وما فيها لكن ما اقدر احس بالفشيلة .. اكيد كل عروس اخذت من الأهل حست باللي احسه ... مادري جيفة ..

قعدت صوب احمد .. ويودت ايده .. رجع راسه لورا بحيث ما يشوفونه الجماعة
احمد : منوي انتين خايف
منى : موت
احمد : عادي عادي يا ماما ,,
منى : احمد هه
يعني اسكت .. الحين اني امبيه يروح هالخوف وهو يزيد النار حطب ..
بدو في الجد
ريل عمتي ( عمي المستقبلي ) : ويش شروطش يا بتي
ويش اسوي ويش الحل احس انه لساني مربوط .. اشرت لأحمد عشان يرد بس هو بالعكس ضحك واشر ليي عشان ارد .. ويش اسوي فيه بيقتلني
منى : والله يا عمي اني ما عندي شروط بس اهم شي اكمل دراستي للجامعة
جاسم : لا بس مدرسة
احمد : جويسم خل اختي تتشرط
ضحكو القاعدين .. واني انحرجت مادري ويش فيي بسرعة انحرج .. احس العرق يتصبب مني .. وقلبي يدق .. بكل الأحوال حالتي يرثى لها ,.,
جاسم : وانتين ويش ليش بالجامعة
احمد : يا جاسم هذا مستقبلها ... مثل ما انت تدرس اختي بعد لازم تدرس ..
جاسم : من عيوني ..
تسلم لي عيونك وقلبك يا بعد قلبي .. يؤ بديت اغزر شي ..
ريل عمتي : وما عندش شروط ثانية ..؟؟
منى : -------- لا بس الخطوبة متى موعدها
ريل عمتي : الحين بنحدد
جاسم : انه اشوف انه الخطوبة بعد ما ارجع من السفر مباشرة
هدى : لالالالالا جسوم ما يمدينه نتبرز والعروس بعد على الأقل شهرين نتبرز فيهم إذا مو اكثر
جاسم : وليش يعني هي بتروح تشتري فستان وبتروح الصالن يحطون ليها مكياج بعد ويش
هدى : لالالالالالالالا يعني لالالالالالالالا هالفترة مو كافية
احمد : هو عرسش ..؟؟
مسكينه هدى انحرجت وكانت تدافع عني .. فعلاً هالفترة مو كافية .. وخصوصاً انه احنا عندنه عادة انه نسوي سفرة عجم .. وعلى ما اجهزها .. وهذا غير انه اني بروح اشتري خلق من السعودية .. وقمراء فاشن تخيطه ليي .. وبروح اسوي تنظيفات لبشرتي .. هذا غير انه اني بحجز للحنا من رشنا .. لازم احجز قبل بفترة .. يعني فعلاً مو اقل من شهرين ..
منى : احمد فعلاً كلام هدى اني ما يكفيني اقل ..
عمتي : أي صدق
ياسلام كلهم وقفو ويانه ..
جاسم : امري لله ..
احمد : انزين بأي تاريخ عشان الفندق
امي : وليش بفندق في مواتم وايد بالديرة
منى : لالالا اماه اني ابغي شي مميز .. طبعاً بعد رضا جاسم
جاسم : يا منى انه ابغي حتى اللي ما سووه العرايس انتين تسوينه .. سوي كل شي ولا يصير خاطرش في شي ..
انحرجت ..

هدى : منوي بنسويه في الدبلمات ..
احمد : لا الدبلمات وايد مناك غصة .. سووه في قصر الأفراح
هدى : لالالا منوي تسوي في قصر الأفراح
منى : يقولون حليو هدوي
هدى : منوي امبي خطوبت اخويي في فندق على الأقل افوشر شوي
ابويي : خلكم من هالهرج اللي ما يودي ولا يجيب
ريل عمتي : يا بو حسين جم تبون المهر واللي تأمرون فيه بيكون بين اياديكم
ابويي : افا يا ابو محمد مو احنا اللي نشرط .. احنا نشتري الريال وما تهمنه البيزات ..
جاسم : 2800 اوكيه
هدى : انزين خلها 3000 دينار
منى : لالالا وايد ..
جاسم : يامنى البيزات بترجع ليي .. وانه ما بحطها في احد غريب .. وانتين تستاهلين

اللي اعرفه انه بيت عمي ابو محمد اغنياء وكله في الأسهم .. من جدي عنهم عادي 3000 او اكثر اما بالنسبة ليي فهي وايد .. وما اتوقع انه امكانيات احمد اخويي هالقد .. مسكين حدة 2000
اني ما اعترض لأنه الفندق ما بيقل عن 1800 وخصوصاً الدبلمات وهذا اللي طلبته هدى .. اني اشوف انه وايد كشخة .. يصراحة اني خاطري في عرس غير .. خاطري انه تكون الصاله فخمة بس مو وايد غاليه ..
عمتي : ياولدي الفنادق اسعارهم غاليه وما بيكفي منى بس 3000
منى : لالالاعمتي 3000 وايد
هدى : لا مو وايد اصلاً شوية
ابويي : يابو محمد ترى مو زين بيزات وايد
جاسم : خل البنت تستانس وتروح احسن الأماكن في البحرين
ريل عمتي : يا بو حسين انه ما عندي الا 3 واذا ما صرفت عليهم اصرف على من
ابويي : اللي يريحك
وايد يا جماعة وايد .. اني ويش بسوي فيه .. احنا بحارنه مو في الكويت .. حدنه على قدنه .. اصلاً اني عمري ما توقعت انه احد يحط 3000 دينار في ايدي .. ويش بسوي فيه ..
هدى : منى بتشترين ذهب لو الماس
جاسم : خلها تشتري اثنينهم
منى : لالالا ما امبي
هدى : منى بلا دلع
منى : هدى صدق اصلاً وايد اشياء .. هذا اسراف
جاسم : مافي شي عليش اسراف .. وثانياً هي مرة في العمر اتمتعي على كيفش
احنا وينه عايشيين والله اللي يسمعنه ما يقول بحارنة .. صدق انه بيت عمتي غنية وايد واغنه منه بوايد وبيتنه ولا شي بالنسبه ليهم .. لكن بعد هذا وايد اسراف
هدى : الأطق الذهب والألماس من صوبنه غير المهر ..
منى : لا لا خلهم ويه المهر
هدى : منى خلش واقعية .. الذهب هالأيام مرتفع واذا بتشترين ليش طقمين .. خلص المهر
منى : بس هدى والله هذا وايد .. واني بشتري ليي بس طقم واحد .. وباخذ واحد خفيف مو ثقيل وجدي بيقل سعرة .. وبقدر اخذ ليي اشياء غير
جاسم : والله اني آخذ ليش اغلة واحد في السوق
اماه ابويي اتكلمو عاد ..
ابويي : لا يا ولد اختي عاد وايد بالغتون
جاسم : خالي منى تستاهل كل خير ..
ابويي : اللي يريحكم .
ريل عمتي : انزين الملجة امتى
جاسم : بس نرجع من السفر مباشرة ..
منى : لالالا الملجة قبل العرس بيوم
هدى : أي صح عشان نتحنى مرة وحده
جاسم : اللي يريحكم
وقعدو يسولفون . .. جاسم حليو جاسم عجيب جاسم قلبي .. جاسم روحي جاسم مهجتي ويش اسوي !!!
طريقتة في الكلام حليوة .. ويهة حليو .. كل شي ..
على الرغم اني ما حبيته لجماله .. حبيته لشخصة .. حبيته لأنه هو جاسم مو لأنه هو الحليو .. حبيته لأنه اخلاقة حليوة .. ويلي ويلاه ..

وبعدين قمنه نتعشى ..
رفعت نظري لجاسم إلا هو يطالعني ظليت فترة اني اطالعه وهو يطالعني .. درت للجماعة كلها عشان اتأكد انه ما في احد شافنه عن لا يقولون عنه مزاهيق .. بس مافي إلا اثنين شافونه .. هدى واحمد .. الله يغربلهم ملاعين .. دارو لبعض واقمو يضحكون ...
ههههه .. ما سوينه منكر ..
طبعاً جاسم ما اكل من المطعم .. اكل من الأكل اللي مسوا في البيت ..
جاسم : المعكرونة وايد لديدة من مسونها ابغي من عنده الطريقة
امي : هذي منى
لالالا عاد لا تقولين
جاسم : اوه عندنه طباخة
هدى : يا بختك منى تعرف تطبخ
بس بس سكتو .. 0 استحــــــــــــــــــي 0
وبعد ما خلص من المعكرونة ما اكل ولا شي من برة وشرب من التانج لأنه يدري انه المفضل عندي ..
لما قامو .. طبعاً اني استحيت وما اكلت شي .. رغم انه بطني قريب بيفضحني .. حضرته يصوفر .. المهم ,, لما يابو الحلاوة والقهوة .. اكل جاسم من الكنافة .. وهدى بعد .. باأحرا الكل اتجهة للكنافة .. لأنه اني اكثر شي اعرف اسوي الكنافة ..
هدى : منوي انتين مسويه الكنافة
منى : اني وامي وسارة
امي : منوي انتين سوييتين الكنافة والبسبوسة وسارة سوت الكيكة
منى : بس سارة شوي ساعدتني
جاسم : اوه عيل ما اكلت من البسبوسة

الأخ مستجن

ياربي يخبل ويهوس .. المهم .. خلصنا عشا .. وردو شوي يسولفون ويه فسفست الحب الرقي والشمسي .. وبعدين مشو .. آآآخ لكن اخذو قلبي وياهم .. صدق جاسم حرامي ... باق قلبي بدون رحمة ..

جاسم
الطريق
-----------------------------
واحنا في الطريق .. اعد ككل متر نخطيه امبي اوصل .. رغم انه بس نخطر الهاي ويه نوصل .. وللحظ انه الهاي ويه ما كان فيه احد فمشينه بسرعة .. بس وصلنه كان ودي ادخل ومنى تستقبلني .. وتقول ليي ( شبيك لبيك منوي بين يديك )
صدق اليوم مستخف .. وكأنه عاطيني طاقة غير طبيعية .. دخلنه وما شفتها خسارة بس لازم بشوفها .. قعدت بكل صبر انتظر الدقايق والثواني والحظات .. ولأنه احنا اهل العروس فراح تكون المعادله خلط والمعرس تقول كل آرائها ..
قعدو يسولفون وانه مو وياهم والله .. ابداً .. هدوي طبعاً ركبت فوق .. لوزين اقدر اركب ..
بعد شوي وصلت الملاك .. وصلت احلى انسانه في الوجود .. ويه ..
دخلت .. ولما شافتني بغيت اموت .. شفتها والله احلى من الملاك .. وخصوصاً انها بيضة فلون بدلتها مطلعنها ومبين ويها اكثر ..
والكل يطالعها .. كان ودي اسدد عيونهم وبس انه اتمتع بجمالها .. حلالي ..

دخلت .. انه كنت امبي اعطيها اكبر مهر في العالم .. حتى لو بحط على روحي واخذ من ابويي مبلغ .. بس اهم شي منى ما تقصر على روحها .. رغم انه انا ادري انه ابويي بيقول هو بيدفع بس انه موفر مبلغ كبير حق الزواج ..
انه مستحي لأنه بيت خالي حالهم مو مثل حالنه .. احنا ابويي من اغنى التجار في الديرة .. بينما هم ابوهم يشتغل شغله عاديه .. واخاف يفسرون هالمهر شي غير ..

انه قلت بعطيها 6000 تسوي اللي تبي .. ومنى مو مثل باقي البنات ولو عندي اكثر انجان عطيتها .. امبيها تشتري أي شي يعجبها ..
بس بعدين هي رفضت حتى الـ 3000 مادري ويش اسوي .. بس قررت اني احط ليها المبلغ في صندوق واعطيها اياه عبارة عن هديه ..
والذهب عليي ومو ضمن المهر .. ابغيها تشتري كل طقم يعجبها . . ابغيها تكون احلى عروس ..
..

وقررت .. يوم ثالث الخطوبة .. بنروح مزرعت ابويي .. بنجمع كل الأهل ..
بس المزرع راقيه .. فيها مسبح .. وكلها حشيش .. مرتبة .. وفيها قسم للأشجار .. قسم لبعض الفواكهة .. توت لوز صبار ليمون جوافة .. وقسم للنخيل .. وفيها بعد قسم للخيول .. قسم للحيوانات .. انه بشكل عام أي يوم اروحها استانس ...

يوم حطو العشا ,, قعدت اطالع منى لفترة .. اطالع ويهها البريئ .. اطالع صوتها أي قد ناعم .. وفجأه دارت ليي .. اول مرة اقعد اطالع منى جدي .. انه اطالعها وهي تطالعني .. خخلاص منى صارت انسانه غير .. منى هي شريكت حياتي ..

لمحت حركة من منى انها قامت تطالع الجماعة عشان تتأكد انه محد طالعها .. مسكينة تستحي ..

حطو العشا وانه تعمدت اني آكل من اكل البيت لأنه اكيد منى مساهمة في تسويته .. وقعدت امدح .. تستاهل لأنه الأكل فعلاً كان فضيع والمعكرونه حلوه وخصوصاً انه المعكرونة عليها جبنه مازرولا وتتمط ..

يا بختي والله .. صدق طباخ منى عجيب ..

قعدنه ن سولف بس انه كنت شوي ساكت مادري ويش اسوي .. جيفة بتعامل ويه منى .. وخصوصاً انها عنيدة .. وبعدين طلعنة ولو الود ودي ما اطلع . والله انه باجر الساعة وحدة الظهر بسافر امتى بعد بشوفها ... آه يا قلبي .. من الحين اشتقت ليها ..

طلعت وخليت قلبي وياها .. وانه في الشارع
هدى : جاسم هالأيام الذهب مرتفع منى ما بيكفيها تشتري من المهر الدهب .. والفندق .. ما بيكفي جاسم الله ناعم عليك ولا تقصر ويه البنية ..
جاسم : انه امبي اعطيها 6000 وامبي الذهب من عندي .. اقنعي رفيقتش وانه مستعد عساها تطلب عشر آلاف ..
ابويي : ياولدي اذا الله من على العبد ايحب يشوف نعمه على العبد انته لازم تكشخ مرتك وتخلي زواجك زواج راقي عشان تستانس البنية .. واذا قلنه بتاخذ ليها الطقم بـ 800 دينار ... وانت قلت بعد تاخذ الماس .. والماس غالي .. صدق انه العاقل في هالزم ياخذ ليه الماس لانه لو مهماً صار ما يصيده أي شي ولا ينكسر ويقدر يستبدله ومافي يوم ينزل ويوم يرتفع ...
جاسم : ابويي انه عندي القدرة اني اعطيها 6000 واشتري ليها الذهب والألماس من بيزاتي الباقي .. بس منى مو راضية
ابويي : لا يا ولدي .. المهر وكل تكاليف العرس عليي .. هذي هديه الزواج
جاسم : ابويي انه يكفيني انكم راضين عليي وانكم راضين على زوججتي وهذي اكبر هديه ..
امي : الله يرضى عنك
ابويي : الله يرضى عنك بس انه راغب انه تكون مصاريفك عليي .. وبما انه الله منعم عليي ليش ما اخلي ولادي بعيشون احسن عيشة
هدى : الله يخليك ليي ولأمي ولجاسم
جاسم : قولي كلنا
هدى : لا مو كلنا محمدو مو ويانه
امي : ليش اخوش مسافر مو حرام عليش
هدى : اني جيت من السفر وهو ما كان مسافر حتى ما قال بمر على اختي اسلم عليها .. وبعدين طحت في المستشفى يومين ما قال امر اسلم على اختي هذا قلبه من حجر
ابويي : عيدي .. طحتين في المستشفى
هدى : أي
امي : وليش ما قلتون لينه
هدى : اني قلت اكيد جاسم قال ليكم
امي : لا ما قال
جاسم : ماليه داعي هو مو بشاره عشان اقول
ابويي : بس ولو يا ولدي اختك هذي انه ما عندي غيرها وما امبي نسمه هوا تصيدها مو بعد تتررقد في المستشفى .. انجان قلت ليي عشان ارجع مايصير .. ولويش دخلت المستشفى
جاسم : اغمى عليها ولما وديناها طلع انه تغديتها سيئة من جدي جاها اغماء
ابويي : هدوي من اليوم ورايح أي شي مو مفيد ما تاكلينه مفهوم
هدى : مفهوم ..
هههههههههه فلته ابويي وهو يعطي الأوامر
بس حتى ما قلت ليهم انه اغمى عليها في الماي .. بس في سالفة في بالي ما قلتها لأحمد عن الشوشرة الزايده .. وما امبي اتهاوش .. وبصراحة احمد نعم ريال ما امبي اخرب علاقتي فيه . وهو انه من اللي شال هدى من المايي .. منى ما بتقدر تشيلها .. ومست((( تقدر تشيلها . . ومافي إلى واحد .. بس رحم الله والديه اللي انقد اختي .. واهم شي سلامت اختي فوق أي شي .. صدق احمد ريال ونعم يا بخت اختي فيه

وصلنه البيت ومسكينه هدى استلمت ثيابي تكويهم .. اما انه فبرزت باقي الأغراض وبعدين قعدت استجمع احداث اليوم .. جيفة كنت فاقد الأمل .. جيفة زهقني احمد .. وبعدين بشرني .. جيفة فرحت .. جيفة جهزت نفسي .. جيفة قعدت اعد الأمتار .. جيفة دخلت بيت خالي وانه اتوقع شوفت منى من البداية .. جيفة دخلت علينه .. جيفة قمت اطالعها عند العشا .. جيفة قمت امدح ي طباخها .. جيفة ودعتها وقلبي مو راضي عن الوداع

اه .. لوزين ترجع لحظة من لحظات اللي كنت قاعد وياها ويه الأهل .. استسلمت للنوم وتوه جفني بيصك الا الباب ينطق ..
جاسم : هدى دخلي
ودخلت مسكينه عيونها فيها حمره دليل تعب .. بس هدى ما تقصر وما اقدر انكر جميلها .. صدق انه فاطمة بعد .. بس فاطمة اليوم بطوله ويه خطيبها ولما رجعنه كانت نايمة ..

هدى : جاسم نمت
جاسم : لالا
هدى : الله يعينك بس يا خوي قوم على السرير ونام وايد اريح ليك
جاسم : انشالله
هدى : اكوم الثياب وين احطهم
جاسم : بس جيبيهم عنش
هدى : لالا والله اني بعلقهم ليك
جاسم : اكو الكبت هذا .. ومشكورة وما تقصرين
هدى : واني يعني سويت شي .. خدمة صغنونة للمعرس
جاسم : عقبال ما نسوي خدمة صغنونة للعروس
مسكينه استحت وتغيرت الوانها وطلعت
هدى : تصبح على خير
جاسم : وانتين من اهله ..
طلعت وصكت الباب اما انه فرحت في سابع نومة بدون ما احس بشي .. نمت مكاني بدون حتى ما اغسل اسناني ..


..

هدى
البيت
----------------------
تجهزت وحطيت ليي هذاك الكحل الفنتاستيكي .. والله فن .. العيون كامله بأزرق بس في بدايه العيون بيج على ذهبي على بني .. احب هالحركات .. واحب اسوي تشاكيل في ويهي بالمكياج ..
المهم يا ليي جاسم واني جاهزة بس الشيلة ما لبستها .. مشطت شعري .. بس المشكلة اني قصيت ليي قصه وكل ما وديته لورا ردت حظرت القصة يت على عيوني .. وعشت اكبر مأسة .. فكرت اني اقرعها .. ههههههه
المهم جاسم عطاني محاضرة عن العبايه وعن المكياج ومشينه .. نزلنه تحت .. والا امي بارزة راحت تنادي ابويي ومشينه .. مشينه واني امبي بسرعة نوصل عشان اشوف احمد .. من زمان ما شفته .. ولهت عليه وعلى قشمرته .. واني في السيارة ( سيارت الجاسم ) السيارة كامل عليها رايبون اسود لو ويش ما سوا الواحد ما يبين .. شعري رد طلع .. فتحت الشال ورديت لفيته
جاسم وهو يسوق : هي هي هي انتين ويش تسوين
ابويي : يا ولدي بره محد يقدر يشوفها اصلاً لو استحرت تقدر تقصخ الشال بعد هي سالفةمدام ما يبين ليش تلبسة ..
جاسم : ابويي لا تقول جدي ترى هدى محتاجة الشارة ..
هدى : حرام عليك
والمهم عدلت الشال ..
وبعد عشر دقايق وصلنه ..
لما دخلنه شفته في ويهي .. صاير حليو وهو بثوب ومسوي الغترة بمثل جاسم .. بصراحة اثنينهم يهبلون يا بختنه اني ومنى .. طالعته .. وكانت نظرته ما تسر وكأنه يقول ليي انه مو قايل ليش ما تطلعين بدون عبايه وويهش في مكياج .. رحنا وطي .. قلت اذا هذي السالفة ماامبي التقي ابه ما فيي شده .. بس اني لازم اكشخ يعني صدق انه اني شوي زودتها اليوم في المكياج .. لأنه فوق عيوني حاطة لمعة بعد .. ويش اسوي احب اكشخ ..

المهم ما شفت منى

هدى : خالة وين منى
مرت خالي : فوق بحجرتها
هدى : اوكيه ..
وقمت بروح ليها وبعد لما طلعت احمد ما كان في الميلس مسكين بجي ما بيشوفني ..

الممهم ركبت الدري ورحت المرر .. إلا منى طالعة .. وبس شافنتي يت وحضنتني وقامت تصيح اني قلت اككيد غاصبينها على العرس .. بس هي نفت هالشي .. المهم شفت احمد ياي .. وبس لمحته منى مباشرة هربت حجرتها .. اني قلت اكيد غاصبينها واحمد هو اللي غصبها والحين خايفة منه .. معقولة احمد يسوي جدي !!
تقرب مني
احمد : انتين الحجي وياش معدوم .. هدى ان امبي مصلحتش بس من اليوم ورايح ما بقول ليش ولا كلمة ولا ببدي ليش راي ..
ودار عني وبيمشي
هدى : احمممممممممممممممممماد ..
احمد : اقول ليش ما بسمع ليش كلام مثلش ..
هدى : احمد اني يعني اليوم لمن كاشخة للي في الشارع .. اصلاً السيارة عليها رايبون ومحد يشوفني .. والحين بس انت الوحيد المحرم اللي شفتني ..
احمد : والعبايه
هدى : احمد انت رافض العباية لأنه تغار مو .. واليوم محد شافني عشان تغار
احمد : احنا عايشين في البحرين مو في الكويت .. البحرين كل بنيه لازم تلبس عبايه هذا دليل حشمتها ..
هدى : اليوم بتقلبها مناحة .. واني اليوم واني في السيارة احسب كل متر عشان اوصل واشوفك .. وانت استقبلتني بخزة .. ودرت عني .. ولما شفتني بدت تسبني ... حرام عليكم في البيت جاسم والحين انت .. اني لو مسوية خطأ انجان امي وابويي اكيد نهوني عنه .. لكنكم ما تحسون .. ليش ما تكمل تجريحاتك .. ما بتكلمني وما بتسمع ليي كلام ولا بتبدي راي وبعد .. اني تعبت .. كل مرة تهزأني .. كل مرة اجيك يمين تجيني شمال .. كل مرة اجيك بلين تجيني بعنف .. انعل ابو هذي حياة .. يعل ربي ياخذ حياتي وافتك .. احمد انت الأنسان الوحيد اللي أي كلمة تقولها تاثر فيي بس انته مو مهتم فيي نص اهتمامي ليك ... خاطري احس مره وحدة بس انه انته مهتم فيي ..خاطري مرة وحدة بس اطلب طلب وتنفده .. خاطري مرة بس اكون سعيده وما تنكد عليي .. خاطري مرة بس تتفهم وجهة نظري .. خاطري مره بس اشوفك فيها وما نتهاوش ... احمد اني تعبت .. والحين قلت ليك كل اللي في قلبي ... وما جاملت .. اني احس انه قوتي تنهار .. واحس حتى الحين اني واقفة لكن الأرض تغوص .. اني ما كنت جدي .. ولما كنت في بيتنا كنت اوكية .. بس لما اشوفك اتخسبق .. ما اعرف ويش بسوي .. ليتني ما حييت .. ليت سيارة تدعمني وافتك .. ليت عمري انتها .. ليت قلبي مات ..
احمد : بس هدى بس .. سمعتيني كلام مثل السم .. يمكن قلتين ليي في قلبش .. بس انه ما استحمل .. ما استحمل اشوفش تعبانه وما اساعدش .. هدى مادري ويش اقول .. جيفة اعبر .. احس انه جرأتي اختفت ... بس لازم تعرفين انه انا كنت امبي مصلحتش ومن غيرتي وحبي اليش .. وهدى .. انه ما امبي انكد عليش .. انسي كل شي .. وبنسى كل شي
هدى : كالمعتاد عقب ما يصير كل شي مجبورين انه احنا ننسى ..
احمد : هدى خلاص .. وطروى الموت ما امبي اسمعة على لسنش .. لأنه اذا انتين رحتين .. العائلة ما بتفقد بس هدى .. لا بتفقد هدى واحمد .. انه روحي معلقة بروحش .. واذا صاد روحش شي .. روحي تابعتها .. واما اذا سيارة دعمتش .. فبيكون يوم اجل من دعمش ويوم اجلي .. انه من الغبار اخاف عليش .. انه من نسمة الهوا اخاف عليش ... هدى احس بالغيرة اذا شفت أي احد يطالعش .. حسي فيي .. ارجوووش .. قلبي فاض حبه ليش .. ماعاد فيه مكان ... انتين وبس في قلبي محد فيه غيرش .. ارحميني .. انه قررت .. بسوي اللي سواه جاسم ما اقدر بموت ..
هدى : لا ارجوك احمد .. وضع منى وجاسم غير عنا .. منى مو واثقة من حب جاسم .. بس اني واثقة من حبك .. ماليه داعي نستعجل .. انت اول امن حياتك .. واني بعد بكمل دراسة .. احمد اني امبي نرتبط في الموقت اللي نكون متكاملين .. مو اني في المدرسة وانت بدون شغل وبتدرس في الجامعة .. اصبر ترى الصبر مفتاح الفرج
احمد : بس اوعديني انش ما بتروحين لغيري
هدى : افا يا احمد .. مو واثق من حبي لك .؟؟
احمد : لا ..
هدى : زعلت
احمد : انتين ما مرة قلتين لي احبك عشان اوثق
هدى : في الأيام اليايه بتسمعها ..
احمد : عاد
هدى : احمد تأخرت على الجماعة ..
ومشيت ورحت لمنى .. يمكن تضايقت من كلام احمد .. بس احسن شي اني قلت كل اللي في قلبي وارتحت ..
دخلت على منى وسألتها عن سبب صياحها بس الحمد لله انه محد غصبها بس هذا اللي يسمونه دلع بنات !!!!

وسألتها اذا ما تبغاه بس قالت بكل شفافيه وبدون قصد : لا ابغيه ..
فطست عليها من الضحك .. ياعين على المقاطع الرومانسية ,, بعدين نادونه ونزلنه .. دخلت وسلمت وقعدت ووالشيخ احمد بس وصلت ابتسم ليي رديتها ليه بس ابساطه .. ورحت قعدت صةب جاسم .. بينما لما دخلت منى انحرجت شوي من امي لأنه تقول ليها ( هلا بالعروس ) هههههههه.. المهم .. قعدنا نسولف في المهر ... وعن الخطوبة .. ولما قلت انه الخطوبة ما يصلح تكون بعد ما يرجعون من السفر لأنه هالفترة ما تكفي .. احرجني احمد وهو يقول ليي ( جى عرسش ؟ ) كاني ودي اقتله .. بصراحة وايد انحرجت .. لكن اشوه الكل وقف ويايي ضد احمدوه ..

وبعدين قعدنه على العشا .. ولاحظت نظرة بين منى وجاسم اشرت لأحمد وقعدنه نطالعهم .. وبعدين لما انتبهت ليي منى درت لأحمد وقعدنا نضحك .. ميانيين ..

وبعدين طلعنه .. ورحنه البيت .. بس اني كنت امبي ابيت .. احمد باجر بيسافر .. ما شبعت منه ..

ومن نصايحة ..

وصلت البيت واحس انه جسمي متكسر وفيي النومة بس لانه اخويي بيسافر قلت بساعدة .. واصلاً هو رفض أي مساعدة وقال ليي
جاسم : هدى انتين تعبانه روحي نامي
هدى : جاسم .. يالله عاد ما فيي نومة قول ويش اسوي
جاسم : مانه قايل .. رحت واخذت الثياب اللي محطوطين على صوب حق الكواي ورحت كويتهم .. احس اني بتكسر او باطيح .. بس اخويي ما يطيق الخدم اني اخدمه بعيوني .. وجاسم ما يقصر .. ما يخلي شي في خاطري ابداً ..
واخيراً خلصت .. ولما رحت اوديهم .. كان مسكين نايم على الكرسي .. وشكله دايخ .ز وي عليي .. والله لو اقدر انجان حملته ووديته السرير .. لأكني مااقدر اقلقل ربعة .. هو ريال .. اوتعى ليي ورفض اني اوديهم .. مسكين ما يبغي يتعبني .. مايدري اني ارتاح لين اخدمهم وهو بالذات .. وديتهم في الكبت ورحت ..
بس وصلت الحجرة .. انسدحت على السرير ومادري عن أي شي صار بعد .. كا اللي ادري ابه اني نمت والليت مفتوح ..

احمد
البيت
11:45 الظهر
----------------------------
توني موتعي .. وويش اسوي .. بسرعة قمت تسبحت وناديت منى تصكك الجنطة وتحط آخر اغراض .. وطلعت بعد عشر دقايق .. صليت واتصلت لجاسم
احمد : ها يالله نمشي
جاسم : المفروض احنا مشينه
احمد : ويش اسوي توني قاعد
جاسم : انزين الحين بمر عليك بناكل وبنمشي .. بيمدينا ..
احمد : جاسم بتطير الطيارة .ز
جاسم : لالالا وانه يوعان وما امبي من الطائرة مو فن ..
احمد : اوكي بقول لمنى تجهز ليك
جاسم : ترى انه وهدى بنجي لأنه الهانم تبي تقعد ويه منى يشوفون موديلات ..
احمد : حيها الله واذا ما شالتها الأرض يشيلها قلبي
جاسم : احترم
احمد : انزين يالله ننتظر
جاسم : اوكي
احمد : منــــــــــــــــــــــــــــــــــــــــــــــــ ــى منــــــــــــــــــــــــــــــــــــــــــــــــ ــى ..
منى : خير خير ليش مزلزل البيت
احمد : الحين جاسم وهدى بجون . .وجاسم جوعان .. ويبغي اكل قبل لا يروح المطار .. جهزي ليه اكل محترم .. هو وهدوي
منى : ويلي على الفشيلة ما بيمديني اكشخ شوي ..
احمد : الناس في زلزلة والعروس تدور ريل
منى : يالله بسرعة بروح
وراحت منى تعفس بينما انه نزلت شنطتي وكبوسي على راسي .. ونظارتي .. اهناك ما حملت ليي إلا ثوبين ...
نزلت وبس وصلت إلى الجرس يضرب قمت فتحت الباب إلا جاسم وهدى يايين .. ووهدى متغيرة 180 درجة .. لابسة مثل الإيرانيين .. وصايرة كأنها ايرانيه بالضبط .. والله جدي احلى .. هوستني .. طريقت اللي لابستنه وايد مرتب ..

احمد : هلا هلا بالعجوم
جاسم : وين العجوم
احمد : وياك
جاسم : ويه اختي احلى العجوم لفدين ( بعضهم )
ويت منى .. ولما شافت هدى ردت رجعت
منى : انتين هدى
هدى : أي
منى : متغير
هدى : اسمعي اسمعي
منى : ويش
هدى :
چراغ دانشت گیتی فروغ
تا قیامت پیشتاز علم روز
آفرینش را ?تاب ناطقی
اهل بینش را امام صادقی
صدق از باغ بیاناتت گلی
مرغ وحی از بوستانت بلبلی
اهل دانش سائل ?وی تواند
تشنه داامان لب جوی تواند
خضر در این آستان هویی شنید
بو علی زین بوستان بویی شنید
قلب هستی شد منیر از این چراغ


منى : ما فهمت شي
احمد : ليش تعرفين عجمي
جاسم : اذا رحنا ايران هي تتفاهم وياهم
منى : هدوي يعني ويش
هدى : اهل عالم ، مذهب ماجعفری است
احمد : اوه اوه .. بعد ما فهمنه
جاسم : هدى تعرف عجمس وانه فرنسي ؟؟ بس وباقي البيت عربي وبعضهم انجليزي
احمد : انه ادرس عربي وانجليزي بس
منى : هدى هدى بعد قولي وحدة
هدى : بس عاد
منى : عجبتيني وانتين تتكلمين
هدى : ههههههههههه
احمد : صدق صدق سمعينه وحده عن الحب
هدى : مو حافظة بس هداي رفيقتي اللي في ايران عادتنها فحفظتها وهي طويلة
احمد : انزين قولي أي شي
هدى : في قصيدقارئتنها في مجله وحافظة منها مقاطع ..
منى : قوليها
هدى : دیدم چوشبی روی دل آرای حبیبم
گفتم ?ه خدایا چه همه یاس نصیبم
ی? ساغر احساس زدلبر بستاندم
نوشیدم ودیدم ?ه چه خوش منظر وطیبم
باآن گل سوسن چه همه راز ?ه گفتم
گفتم به گل نرگس از آن چشم رقیبم
آگاه به راز دل سرگشته ما بود
بنوشت ی?ی نسخه جاوید طبیبم
زان نسخه عشقی ?ه نوشته ست نگارم
تا صبح تجلی بنماید « چه غریبم »

احمد : والله كأنه مثل الطرشان في الزفة .. انتين تتكلمين واححنا ولا ندري ويش تقول .. منى قومي جيبي الأكل عشان نقوم
هدى : اني بعد بروح وياش
احمد : لالا انتين قعدي
هدى : ليش
امبي اكحل عيوني فيش بعد ليش ..
احمد : امبيش تعلميني فارسي
هدى : ههههههههه
وقمت اعوس في تلفوني وخطرت ليي فكرة .. بما انه هدى عليها حجاب وكل شي .. صورتها وخليت الكيمرا صامته عشان لا يطلع صوت .. وبحيث هدى ما تحس كأني بس قاعد احوس .. المهم طلعت الصورة وايد وايد كشخة .. وخصوصاً انه صاحبتها هدى ..
المهم .. قعدت تقول هدى كم كلمة عجمي . بس انه طبعاً ما فهمت ..
المهم .. اكلنا وانه ما امبي امشي ..
احمد : منى تعالي ويانه
منى : لالالا توني مسوية اكل واحتاج تسبوح
احمد : على راحتش .. انزين هدى تعالي
هدى : وبعدين من يرجعنا
جاسم : نتصل لأبويي
هدى : اني يايه اقعد ويه رفيقتي مو اغدر بها واروح المطار ..
عجبتني هالحركة من هدى لأنه هي بينت ولائها لمنى ..
المهم طلعنه انه وجاسم ..
احمد : يالله مع السلامة
ورحت حضنت منى .. وقلت ليها تنادي امي ..
نادت امي وسلمت عليها ..
وجاسم بعد سلم على امي ..
وجاسم سلم على هدى وحضنها
جاسم : هدى ما اوصيش امي وفطوم وابويي وحمود بعد بيرجع تعاملي وياه اوكي .. خلش حكيمة ... ولا تتصرفين اي تصرف وتندمين عليه .. وساعدي منى في تجهيز نفسها .. ولا تطلعين بدون عباية .. ترى هذي وصيتي ووصيت احمد ..
هدى : افا لا توصي حريص ..
يا سلام ملتقى الأحبة ( جاسم + منى )
جاسم : يالله منى مع السلامة
منى : الله يسلمك .. حاسب على عمرك وامنتك الله ورسول الله ..
جاسم : تسلمين
جاسم : يالله احمد مشينه
احمد : لحضة
احمد : هدى مع السلامة ... ومثل ما قال ليش جاسم .. هدى تواصلي ويايي ودزي ليي مسجات .. انزين .. ماعليش من جاسم ..
جاسم : اي كله دززو مسجات
هدى : اوكيه ..
احمد : يالله مع السلامة
هدى : الله يسلمكم ويحفظكم .. حاسبو على عمركم .. احمد تلحف عدل وجاسم بعد .. وتغدو عدل .. انزين .. وقولو لينه عن المباريات انزين
احمد : من عيوني
هدى : تسلم عيونك
جاسم : يالله يالله صارت الساعة 12:30
احمد : انشالله .. هدى امانه توصي في نفسش ها .. هدى اتصليي ليي وسمعيني صوتش واذا بغيتين جاسم اتصلي على تلفوني
جاسم : منى اذا بغيتين احمد اتصلي على تلفوني
احمد : احلف
جاسم : ويش دراني بك يا اخي
جاسم : يالله مع السلامة
منى : الليه يسلمكم
هدى : الله يحفظككم ويرجعكم سالمين
وطلعنة عند الباب وراحنه الحوش عشان نركب السيارة .. بس لمحت من هدى دمعة .. يا بعد عمري يا هدى ..
احمد بصوت عالي : هدى مع السلامة وتحملي في نفسش .. اتصلي ها
هزت ليي راسها ..
ومشينه متجهين إلى المطار . . بس انه اشتقت لهدى .. امبي ارجع يا ناس

انتهى الجزء في انتظار تعليقاتكم

جزء شوية طويل هههه

الجزء العشرين

جاسم
البيت
-----------------------
دقيت على احمد وعزمت روحي عندهم .. عشان اشوف منى .. وتوني طالع إلا هدى شايفتني
هدى : جسوم خلاص بتمشي
جاسم : أي
هدى : جاسم ايصير ترميني عند منى امبي اشوف موديلات وياها ..
جاسم : انه الحين بروح
هدى : ليش
جاسم : بس يوعان وقلت مرة وحده بروح هناك
هدى : يوعان او ولهان
جاسم : هدى استحي
هدى : آسفة
جاسم : إذا تبين تجين الحين في غضون ثواني انتين عندي
هدى : ما عندي شيلة مكويه
جاسم : البسي حجاب
هدى : نــــــعـــــــم
جاسم : يالله يالله عساش لو تطلعين بمشمر امي بس بسرعة ..
هدى : انشالله
راحت ولبست وفعلاً وانه نازل الدرج وموصل تحت إلا هي طالعة .. بس استغربت .. هدى لابسة الثياب اللي تلبسها لين نروح ايران .. والله ابهم احلى ..
جاسم : ليش لابستنهم
هدى : ماعندي شي غير البسة
جاسم : انزين جدي احسن .. لوزين في كل طلعة تلبسينهم
هدى : لالالا الشيلة احسن
جاسم : تمشي بسرعة
هدى : يالله .. وين شنطتك
جاسم : من زمان نزلتها قبل لا اقول ليش
هدى : انزين يالله
وركبنه السيارة ... ومشينه .. متجهين إلى بيت خالي
هدى : جاسم ويش تتوقع ردت فعل احمد على ثيابي وحجابي
جاسم : والله احمد يدور الشي اللي يستر .. وبيشوف انش مستره في احتمال يقول ليش دائماً البسي جدي
هدى : لا
جاسم : اني مادري ويش فيكم يالبنات ما تبون الستر
هدى : وفي احد يعوف الستر بس اني ادور شي مرتب وفي مثل الوقت ساتر .
جاسم : بس لما تطلعين في الشارع وفي المجمع بدون عباية وعليش تنورة لافته وفانيلة مو واسعة وفوقها قميص .. هذا ما يعني ستر
هدى : جاسم الإنسان محد يقدر يجبره على شي .. اني مقتنعه انه طلعتي بثياب واسعة مو غلط
جاسم : توهمين نفسش .. انه كنت اسكت واقول بعدش ياهلة .. بس انه ما كنت مقتنع .. انه كانت نار الغيرة تحرق قلبي وما تخلي فيه الا الرماد ... ليتش تحسين يا هدى .. لكنش ما بتحسين إلا لين جتش بنيه وسوت هالتصرف . بتنصحينها وما بتسمعش .. بعدين بتحسين انه تصرفش غلط .. انه ما اقول ليش انه انه ما يعجبني شكلش .. والشباب بعد يلحقون وره هالبنات .. لكن ما يفكرون فيهم كزوجات ... انتين لازم تختلفين عنهم .. انتين لازم إذا مشيتين يقول الصبي انه امبي مرة جدي .. مو اذا مشيتين يصفرون الصبيان ويتمتعون بجمالش .. ترى حتى بعض ربعي جدي .. وعبدالله ولد خالش كان جدي .. يتجمعون في المجمع ويصفرون للي لابسه ضيق او اللي مو لابس عباية .. او اللي عبايتها مخصرة .. او اللي مطلعها شعرها .. او وحدة حاطة مكياج .. لكن بعدين شوفي أي قد يعيبون عليهم ويقولون ما عندهم اهل يربونهم ويجودونهم عند حدهم .. هم ما يطالعون البنات بعجاب .. لا ايطالعونهم بمتعة .. لكن لين جه الواحد بيتزوج قال لأمه دوري ليي اكثر وحدة مسترة وعندها اخلاق اهم شي وبعدين جميله وطويلة وعيونه جدي وخشمها هالطول ..
هدى : احس انكم ذياب مو بني آدم
جاسم : الله خلقنا على هذي السلوكيات ... بس مرد كل واحد يهتدي .. هدى انتين حصلتين صبي ما عمرة رفع نظرة لبنيه غيرش .. وانتين حصلتين صبي ما عمره تكلم ويه أي بنيه غيرش .. وانتين حصلتين صبي ما حب أي احد كثرش .. وما حب غيرش .. احمدي ربش يا هدى .. انتين من اكثر البنات حظ ..
هدى : الحمد لله
جاسم :يالله وصلنه قومي
ونزلنة .. طيقنه الجرس ودخلنا .. طبعاً شفت الدهشة في عيون احمد من اللي لابستنه هدى وفي مثل الوقت اعجاب .. حيا ابنا .. ودخلنا ...
قعدنا وقامو هدى ومنى يتساسرون .. وقررو انهم يمشون .. طبعاً انه كنت امبي منى تقعد ويايي اطول فترة .. بس المشكلة انه ما اقدر امنعها .. بينما احمد حاول قد ما يقدر انه هو يمنع هدى .. وانه مادري اوقف ويه من .. قامو يتكلمون عن قصيده فعرفت انه القصيده العجمية اللي كل يوم هدى ترددها عشان تحفظها لأنها رفيقتها تبيها تحفظها .. المهم .. قعدو بعد الحاح مني ومن احمد حق نسمع القصيده ... كان شكل هدى حليو وهي تقولها وفعلاً كأنها عجميه ولا تكسر في الكلام .. لكن جمال هدى يختلف عن جمال العجوم .. هدى يبين عليها جمال عربي .. عيون واسعة مكحلة .. ويه مو طويل ولا دائري .. بشكل عام هدى جميلة وايد وايد ..
قعدت اتأملها وهي تتكلم .. مادري هي تشبه امي او ابويي .. بس هدى فيها شبهة مني .. يعني أي احد يشوفنا مباشرة يعرف انه احنا اخوان ..
قعدت اشوف منى أي قد مستحيه .. كل حين ترفع عيونها وبس تحس انه انا حسيت انها تطالعني تكسر عيونها ..
كملت هدى القصيدة .. وانه فهمت جم كلمة .. وهالقصيد عن الإمام جعفر الصادق ... اما احمد ومنى فما فهمو شي .. احنا سنوياً انسافر ايران بس طبعاً السنه رحنا سوريا .. من جدي هدى عندها طلاقة في اللغة الفارسية .. وهي شعبية وبسرعة تتعرف على ناس .. حتى اذا في ناس صوبها في الحرم تتعرف عليهم .. يعني انه اذا امشي وياها وخصوصاً في مشهد .. كل حين تمشي وتسلم على وحدة كل حين كل حين .. حتى ساعات استمل .. ولا يقعدون يتكلمون بالعجمي وانه اوقف متفشل من موقفي ..
الحو عليها احمد ومنى انه تقول قصيده ثانيه .. واحمد حظرته يبغي عن الحب .. سمعتهم وحدة حليوه وفعلاً عن الحب .. وانه اطالع منى وهدى تتكلم .. اما احمد فما شال عيونه عنها ..
شفته يلعب في تلفونه .. وادري انه يصور .. لأنه موجه التلفون ناحيه هدى .. بس ماعندي مشكلة انه يصورها عشان يتذكرها دام انه حجابها كامل ..
كنت ابغي من عند منى صوره .. بس استحيت اقول ليها وخصوصاً انه احنى حتى ما ملجنا .. طلعنه وانه ما امبي اطلع .. ياناس بعدي ما شبعت من القعدة .. لكن لو ما عزازت عبود والله ..
مشينه متجهين للمطار واحنا في الطريق رن تلفون احمد على انه هو مسج ... وكان مستبشر .. ولا شوي الا يقول مالت عليها .. بصراحة انصدمت صدمة قويه في احمد .. انه اللي توني اقول انه ما يعرف بنيه غير هدى الحين يقول مالت عليها .. بس حرام احكم على الريال .. لازم اسأله ولا اخلي السالفة في قلبي
جاسم : ها يا احمد تعرف وحدهه غير هدى
احمد : اعوذ بالله
جاسم : لا بس اسمعك تقول مالت عليها قلت يمكن متعرف على وحدة
احمد : وانه تشك فيي
جاسم : ما قلت ليي منهي
احمد : هدى
جاسم : ليشش
احمد : مطرشة مسج
جاسم :اشوف
وعطاني تلفونه ... رحت للمسجات .. في مسج باسم معشوقتي .. هذا ما يخجل شوي .. عاد يحترمني
جاسم : احمد هذا اسم تسميه اختي
احمد : والله السموحة بس تلفوني محد يلمسة فهذا اللي في قلبي
جاسم : اممممم
وفتحت المسج وانه خايف .. قلت لايكون اختي تدزز مسجات حب وهالهرار .. لالالا اختي انه واثق فيها 1000% ولا يمكن اشك فيها حتى بوزن شعره .. فتحت المسج وانه مندمج :

يوم تحس بضيق وانك حزين والدمعة تنزل من عيونك اتصل فيني لأني










ابيع كلينكس

بصراحة مت من الظحك
جاسم : ههههههههههههههههههههههههههههههههههههههههه
احمد : أي اضحك .. الحين انه مستانس هدى دازة ليي مسج ومندمج .. قلت اكيد بتقول اتصل فيني لأنه قلبي ما هوا غيرك او أي شي عن الحب .. طلعت تبيع كلينكس .. والله حالة
جاسم : بس ترى المسج لطيف .. ما خبرت هدى لهادرجة خفيفة دم
احمد : على الأقل طرشت للي مسج مو منى ما طرشت لك شي
جاسم : وانت الصادق .. اختك جافة
ولا شوي إلا تلفون يدندن عن وصول مسج .. بصراحة مت من الفرح قلت جا دوري في المسج
قتحته بكل تفاؤل .. خلاص انه خطبتها يعني عادي تطرش ليي أي مسج
قريت الشق الأول من المسج وحسيت اني اطير من الفرح ..
كلمة وحدة محد غيرك يستاهلها

أ

حـ

بصراحة استانست اكيد احبك .. ونزلت زياده وكانت الصدمة انه المسج هو

كلمة وحدة محد غيرك يستاهلها

أ

حـ




احترم نفسك ودز ليي مسج ..

هذي حاله كل وحدة منهم تلعب على واحد من صوب
احمد : ويش يا دوري اتسبل عليك
جاسم : الظاهر يا خوي
احمد : اشوف المسج

عطيته تلفوني وقام يقراه .. وقام يضحك ويضحك ويضحك
جاسم : أي تسبل عليي مثل ما تسبلت عليك
احمد: هههههههههههههههههههه .. منوي خفيفة دم ..
جاسم : مالت عليك وعليها
احمد : احترم نفسك ودز ليها مسج
جاسم : انشالله ..
ما حبيت اني اطرش من الحين لأنه ما اعرف وانه اسوق .. المهم بس وصلنه المطار ونزلنه ونزلنه الشنط .. اتصلنه لعبدالله عشان نعرف وينه
عبدالله : جاسم انه صار ليي انتظركم من ساعة انه وابويي وسيد محمود
جاسم : والله السموحة اخذتنا السوالف ويه باقي الاهل
عبدالله : افا تروحون وما تقولون ليي
جاسم : لا والله كنت مار على احمد وانه يوعان نزلت واكلت شوي ومشينه
عبدالله : اسمع انه بخلي سيد محمود اجي ليكم عند الباب
جاسم : بس احنا ما نعرفة وهو ما يعررفنه
عبدالله : تدري بخليي ابويي .. لو الود ودي انه جيت .. بس تدري يا خوي ما اقدر اتحرك بسولة وانه على الكرسي
جاسم : معذور ابو الشباب

المهم جا لينه خالي ورحنا صوبهم .. دخلنا شنطنه .. وانه دزيت لمنى مسج قبل لا نركب الطيارة .. وكان المسج :
للموت احبك واحب اللي يحبونك
حبك مع الدم يجري في شراييني
من كثر ما اغليك بعيوني يشوفونك
حطيتك اقرب لعيني من نظر عيني
عهد علي ياغناة الروح ما اخونك
حتى لو طال البعد يامعنيني

كنت اقصد كل كلمة في المسج ..
بس مادري ويش ردت فعل منى .. ّ!!!!

المهم .. ركبنا الطيارة وخصوصاً انه احنا متأخرين فبسرعة دخلنا .. اعلنت الطيارة عن اقلاعها ... واما انه فقعدت صوب عبدالله .. لأنه ما يبغي صوب الدريشة .. واحمد حظرته يبغي دريشة .. فهو قعد صوب سيد محمود .. انسان طيب وخلوق وفوق هذا جميل ..
واما خالي هالمسكين فقعدة صوب مرة عجوز ... تعالي يمرت خالي وشوفي .. ومسكين خالي .. طلب من ناس وايد يبادلونه بس محد رضا .. والعجوز بس قاعدة وتهدر بروحها .. الظاهر مخرفة .. كانو ورانه .. سمعتها تقول لخالي ..
العجوز : قول ليهم يوقفون شوي بشرب قدو ..
حقرها خالي .. والله زين يسوي .. مسكينه ويش بيوديها المانيا .. الظاهر هي ويه ولادها بس ولادها كل واحد منهم رامنها .. والله حرام ويش هالقلوب ..
عبدالله : جاسم مبروح على الخطوبة
جاسم : الله يبارك في عمرك .. عقبالك يا بو الشباب
عبدالله : انه وين اتزوج .. انه حدي مقعد لحد الحين
جاسم : افا .. انه استانست لأني كنت اشوف التفاؤل في عيونك والحين تحرمنه منة
عبدالله : انه احس انه انا بمشي بس مادري ليش احس انه ماا في بنيه تقبل فييّ
جاسم : والله لو عندي خت مو محجوزة انجان انه اول واحد عرضتك لأختي
عبدالله : كل واحد في العائلة حدد مصيره إلا انه فمصيري مجهول ..
جاسم : ما يدري بالمصير غير الله
عبدالله : والنعم بالله ..

يابو لينه غدا ... اما انا فما بغيت ... بس شربت ملك شيك .. واستسلمت للنوم ..

هدى
البيت
---------------
احترت ويش البس فلبست ايراني .. ومشيت ويه جاسم .. طبعاً شفت الإعجاب في عيونه .. وصلنه بيت خالي .. واحمد طبعاً اعجب بثيابي .. << احم احم .. المهم في قصيده كنت بسمعها منى بس لكن احمد اصر انه يسمعها .. طبعاً اني تفشلت ... اني زين اعرف اتكلم قدام احمد مو بعد اقول قصيدة .. تجرأت شوي عشان ما يضن انه اني ما عندي ثقة بنفسي .. قلتها .. وطبعاً هم ما فهمو شي .. بس انه عندي هوايه للغة الفارسية .. واذا حبيت اجنن ربعي في المدرسة اتكلم عجمي .. واذا وحده سبتني بالعربي اسبها بالعجمي عشان ما تفهم .. المهم ..
مشو الشباب واني مو مصدق انه احمد في ديره واني في ديرة .. كان فعلاً ودي اروح المطار .. بس لأأنه منى قالت ما بتروح فأحترمت رغبتها .. رحنا صوب المسبح وفي ايديا البوم ..
قعدنه على الكراسي اللي صوبه ..
منى : الله لا يعود داك اليوم
هدى : أي يوم
منى : يوم الي اغمى عليش في البرجة
هدى : أي .. صحي ما قلتين ليي .. منهو اللي انقدني وجيفة .. مادري ما حسيت بروحي .. ويش صار وجيفة صارت السالفة
منى : يا طويلت العمر .. احنا غير كنا نتسابق .. وصلت لعند الجدار بس اللي صدمني انش غايصة في الماي .. رحت بقول ليش بلى دلاعة واني اعرف حركتش وجدي .. بس اللي صدمني انش مغمضة ومو راضية تتكلمين او تطلعين .. طلعتش بس اني غصت .. قعدت اصرخ عليش عشان تكفين من هالمزحة .. وبعدين اتضح انش ما تمزحين .. طلعت من البرجة وصرخت بأعلى صوت .. والحمد لله انه احمد كان صوبنه .. ومن سمع الصراخ دخل ... وتفشل لما شافنه نتسبح بس انصدم لما شافش في الماي واني اصيح .. خاف انش متين .. توني درت عشان بقول ليه انه ينقدش او يسوي أي شي .. بس ما لقيته إلا وهو في الماي .. طلعش . . وانتين ما كان عليش غير المايو .. وهنيه الفشيلة .. اني حسيت انه ويهي احترق .. وهو بس نزلش على الأرض وطلع ... ولما غطيت جسمش رد دخل ..
غطيت ويهي من الفشيلة .. منى ويش قاعدة تقول ... كل هذا صار ليي اني واحمد .. ياربي على الفشيلة .. اني دريت انه احمد اللي انقدني .. بس مادريت انه كان عليي مايو .. ياربي على الفشيلة .. الحين جيفة ارد اقابلة .. والله العظيم استحي ..
هدى : بس بس لا تكملين .. كل هذا صار ..
منى : أي واخويي مسكين هو اللي انقذش وساعدش وبعدين حصل الزف والأحتقار من اخوش
هدى : منى رجاءً اللي تتكلمين عنه الحين هو خطيبش .. ومافي بنت تتكلم على خطيبها .. واذا انتين مو مقتنعة فيه ترى عادي .. وبكل بساطة بيفك الخطبة .. وكأن شي لم يكن
منى : بل بل بل ..
هدى : ويش ارني عنش .. احتقار ومادري ويش ... السالفة انتهت .. لا تفتحيف صفحات قديمه
منى : آسفة
هدى : ما اسامح
منى : ممالت عليش ..
دزيت لاحمد مسج .. خخخخ ... وهالمسج وايد يعجبني .. اتوقع انه ينقهر .. بعد شوي وصلني مسج من احمد :
تخيلني وسط صحرا
ونار الشمس تكويني
تخيل خطوتي حافي
وشوك الارض يدميني
تخيل لهفه انفاسي
وادور قطره ترويني
ترى هجرك مثل صحرا
طلبتك لا تخليني

قريته مرة ومرتين وثلاث .. واربع وعشر ... اني ممكن اخلي احمد .. لا مست((( . لأنه روحي معلقة بروحة .. ورحي تتفدى تراب ريولة .. يا بعد عمري يا احمد .. وايد اشتقت لشوفتك
ما عرفت بويش ارد على مسجة .. استحي اكتب ليه أي كلام ... بس لا ارادياً كتبت هامسج ورسلته :

لأن حبي لك فوق مستوى الكلام
قررت ان اسكت ..............وسلام

مادري هل اللي سويته خطئ والله شي يعادي بما انه احمد حاجزني وامي اللي قايلة ليي هالشي .. يعني عادي .. وخصوصاً انه مسافر << اقنع روحي بالغصب
ما مهل احمد وطرش ليي

ودعيني بالسلام ورحمة الله وبركاته
واذكريني كل ماتطري على البال التحية
إتركيني عاشقٍ يكتب بدمعه ذكرياته
من شعور ٍصادقٍ ماهيب نبرة عاطفية
عاشقٍ مخلص ولا خان العهد من طيب ذاته
كل يوم يقول تجديد العهد حقٍ عليه

يا بعد عمري يا احمد ... اتوقع المسألة تطول ... بس اني طرشت ليه :

لو حرمني الزمن من لقياك

ماحرمني من ذكراك

غالي وأوعدك ما انساك
( مع السلامة بروح اختار موديل حق خطوبة جاسم )
العذر اتفه من السبب لكن ويش اسوي .. حسيت اني مجرمة .. وخفت منى تشوفني .. مادري ليش .... اكيد اللي اسوية غلط ... خلاص اذا بطرش مسج ... بطرش بس اسلم واسأله عن اخباره جدي ارتاح ..
بس فعلاً قعدنه اني ومنى ندور في الألبوم ... وما حصلنا شي حليو ..
اما اني فما اظن الليلة ارجع البيت .. بما انه احمد مو هنيه و جاسم مو هنيه وبيت خالي مافيه شباب بقعد ويه منى .... وبع بكرة منى قالت بتروح السعودية حق تختار الخلق ..

وتونه احنا نطالع إلا موصلني مسج ... انا إلى الله وإنا اليه راجعون ... متفشلة من منى .. بس احس اني امبي اطرش لأحمد واكلمة ... خاطري اسمع صوته
فتحت المسج قدام منى .. اني اقول ياربي ما فيه شي ... وكان المسج :
هدوي الحين بنركب الطيارة ... في امانت الله وتحملي بروحش ... هدوي يا بعد عمري امانه خلش على اتصال ويايي وسمعني صوتش ... وسلمي على منى
اشوه .. احبه يا ناس احبه ... احمد ارجوك ارجع ... لوزين سافرت وياهم ... حرام يعذبون قلبي ... يمكن عمري ما بينت انه قلبي مستعد يكون خادم لأحمد ... احمد انسان عظيم ... رغم حبه ليي إلا انه يسساعد الكل .. ويحب الكل ... احمد احلى انسان في الوجود ... وكل العالم ببتنحل مشاكلهم في الحب إلا مشكلتي اني واحمد ... مادري ليش ... احس ان الأيام بتقضي على حبنا .. اكيد مجرد اوهام .. لكني احس بتعب في قلبي .. واحس انه قلبي مريض وتعبان .. كلة من حبه ... اصلاً اني طول عمري احب احمد بس ما صارحت نفسي إلا من قبل جم شهر ...
وفعلاً كلمة احبك لو قلتها لأحمد ما بلت عروقي ... احس بشي اكبر من الحب واكبر من العشق ... .. احس انه عشقة يسري في عروقي .. مثله مثل الأوكسجين ..
ومنى مسكينه .. حالها من حالي ... تكابر وما تعترف بحبها لججاسم وهي تعشقة عشق جنوني .. اما اني فأعشق احمد لكن بغيره جنونية ... لأنه لو اشوف بنيه بس تطالع احمد والله اروح اقتلها ... احس انه احمد ملكي ... ملك خاص ... وما امبي أي احد يشاركني فيه ...
منى قامت تتسبح ... اما اني فدخلت حجرت احمد وقفلت الباب على روحي عن لا تدخل مرت خالي .. اما اذا شافت الباب مفقل فأكيد بتقول هذا احمد قفلها قبل لا يطلع ... دخلت الحجرة وكانت مرتبة ومبخره ... عطور من كل الأنواع والأصناف على الطاولة ... قعدت على سريرة .. امبي اعرف كل شي عنه .. رفعت وسادته .. وشفت شي ما صدقته عيوني ...
صورة ليي اني ومنى .... واني متعدله ومنى بعد والصورة روعة ... وصورة ثانيه بس ليي لما كنا في الأرض السعيده في سوريا ... وصورة ثالثة ليي واني صغيره ... رحت وفتحت كمبيوتره .. سجلت ايميله في ورقة وحطيتها في جيس بنطلوني ... فتشت كل شي في الكمبيوتر وشفت ملف بأسم ( ماي ديوري .. ) فتحتها بسرعة ... وقريتها موقف موقف ... وهذي احد المواقف
( شفتها في المجمع .. وراحت السينما .. واحنا بعد كنا في السينما .. وفي الطعلة شوف عيونها حمران من كثر الصياح ويه الفلم .. . طلعنه ورحنا دبنهامز وهم كانو بعد هناك ... شفتها وقلبي يتراقص .. عيوني يمين ويسار اشوف اذا احد يطالعها .. هي ملكي ومحد ليه الحق انه يطالعها .. تهاوشت وياها ... هي كانت تبغي ميداليه على حرف الــ j واما انا كنت ابغيها تاخذ حرف الــ A عشان تكون هي عندها حرفي وانه عندي حرفها .. اتهمتها اتهام سخيف من كثر ما قهرتني لأنها ما رضت تعلمني الميداليه حق من .. بس بيبقى حبها في قلبي ... وعشقها يسري بدمي ... )
تذكرت كل شي صار .. يابعد عمري يا احمد انته احلى انسان في الوجود ..
قريت باقي الذكريات .. وقمت ادور في باقي الحجرة ... دخلت حمامة وشفت أي الوان يحب ... فتحت الكبت وشفت البوم ... فتحته وقمت اطالع .. كلة الصور موجهة عليي .. وفي صورة واني اصيح ... لما كنت 14 سنه .. اني ما كنت متحجبة عن ولاد خالي << تخلف ... وكانت الصورة واني لابسه كبوس ... وشعري على ورا ومافيه أي تدريجة .. الصورة روعة ... واحمد كاتب من وراها .. ( تعز عليي دموعش يا اغلى انسانه ) ... وتصفحت باقي الألبوم في صور ليه ولعبدالله يتمشون .. بس في صورة .. مادري من مصورنها .. بس احمد وعبدالله يلحقون ورا شله من البنات .. جتني صعقة .. احمد معقولة .. هو يقول عمرة ما طالع غيري .. والصورة تبين انها مو من زمان ... لكن جتني علة ... رحت الكمبيوتر وسويت ليها سكان .. وطرشتها على تلفوني ... ومن تلفوني طرشتها لأحمد وكتبت من تحت ( للأسف يا احمد ما ظنيتك جدي )
ما عطيت الموضوع اكثر من حقة ... لكن جتني علة ... والصورة مكتوب عليها التاريخ .. ( 10 \ 11 \ 2005 م ) .. يعني قريب كلش .. اف يا ربي ... بس اكيد مو الحين وصلت ليه لأنه الحين هو في الطيارة .. كملت باقي الألبوم .. وشفت عدت صور ليي واني بدون حجاب لما كنت 15 سنه .. فتحت البوم ثاني وكان كلة ويه ربعة في المدرسة صكيته لأنه ماليي دخل فيهم .. رحت لألبوم ثالث .. وكان كلة لما كنا في الزبداني ... ياربي ... الصور روعة ... وصور لما كنت في الأرض السعيده ... ياربي ايام روعة ... نسيت سالفة ديك الصورة .. وكملت البحث ...
شفت مكتبة كلها افلام .. تايتنك وكينغ كونغ و وايد افلام ... اشكالها حليوة ... طلعت من الحجرة لأني وايد مهلت والحين اكيد منى تدورني من مكان لمكان
وطلعت ودخلت حجرت منى
منى : وينه انتين عفست عليش البيت
هدى : ( ويش اقول ما ابغي اجدب ) كنت اهناك انزنين طرشتين مسج لجاسم
منى : لا
هدى : طرشي ليه حرام عليش
منى : حشى ليش اطرش مئه مسج في الأيام اليايه بطرش ..
هدى : كيفش
قعدنا نسولف عن الزواج ونكتب في ورقة الأغراض اللي تحتاجها
منى : امممممممم ... احتاج مكياجات
هدى : عندش ..
منى : بس مو وايد
هدى : أي صدق اكشخي لأخويي
مسكينه تقلبت الوان ويهها .. انزين اني ما قلت شي
منى : بعد احتاج ثياب جدد ... وشيلات وعطور
هدى : يا اختي خليهم صدقيني جاسم بيشتري ليش
منى : ككلشي على جاسم مسكين يا جاسم
هدى : الريال الله منعم عليه ليش ما يغرقش بخيراته
منى : انزين بسوي حنا عند رشنا ..
هدى : أي حليو حناها .. انزين بتتمكيجين عند سلوى
منى : مادري بس في وحدة بنانية تحط مكياج عجيب صدق يمكن اشوفها واشوف مكياجها واذا احلى من سلوى بروح ليها
هدى : كيفش
منى : وبروح اسوي تنظيفات لبشرتي .. وبحف
هدى : تتوقعين جيفة شكلش بيكون بعد الحفاف
منى : انزين اني حجاتي حليوين وما اظن اني اتغير
هدى : مايندرى
منى : ابشتري ليي بخور
هدى : أي اكيد
منى : وسفرت العجم لازم انجهزها قبل لا يرجعون
هدى : انتين ويش بتحطين فيها
منى : فكرت احط شموع اكيد في ( فازا ) فيها ماي
هدى : أي حليوة الفكرة
منى : وقلت بسوي في محل في مدينه حمد اسمه كأنه مزاهير ,,, بسوي قلوب فيهم ورد .. وهالشغلات .. وبسوي حلاوة على شكل عروس ومعرس .. وبسوي بعد القرآن والمنظرة اللي قبال العروي ... يعني هالسوالف
هدى : انزين اتأجري سفرت العجم احسن
منى : هدوي اني خاطري في ذكرى ... بصرارحة من جدي بشتريهم
هدى : اللي يريجش
منى : انزين هدوي انتين ويش تبين لون فستانش
هدى : مادري على اللي احصل بس اهم شي لون فاتح عشان اطلع امتن شوي لأني مايلة للضعف ..
منى : اني خاطري في فستان الخطوبة يكون لونه بيج
هدى : منوي في يوم الحنا البسي هندي
منى : لالالا عشان يفكروني الناس هنديه
هدى : لا لأنه جمالش جمال هنود
منى : مشكورة
هدى : وانتين مستسهلة جمال الهنود ... شوفي ملكت جمال الهند .. والله اجمل ملكة جمال في العالم ...
منى : مبالغ
هدى : فعلاً
منى : انزين اني فستان الملجة بلبس اخضر .. والحنه مادري أي لون بس الخضوبة حاطري في بيج .. ومكياج يكسر هذا اللون ..
هدى : اني خاطري يكون فستاني وردي .. اعشق الوردي ..
منى : اني امبي شي يفاجأ جاسم .. ويفاجأ كل الناس .. امبي فستان موديلة شي مو عادي
هدى : اسمعي انتين اشتري الخلق ووديه قمراء .. والله بيعطيش الموديل اللي يناسبش ويناسب الخلق ..
منى : اني احترت لأنه قمراء غالي تخيلي الخياط بــ 400 واكثر واكثر واكثر وساعات يوصل للضعف المبلغ
هدى : عادي يا اختي هي ليله في العمر اتفلسفي على كيفش
منى : هههههههه
هدى : انزين من بتخلينه يصورش
منى : اني قلت صحاري .. بس مادري محتارة
هدى : صاحري تصويرهم حليو بس ساعات كلش يطيحون بحظهم
منى : خوفتيني
هدى : اسألي قد ما تقدرين وبعدين احكمي
منى : انشالله
هدى : بتجيبين فرقة تعزف
منى : لا عاد وايد بيطلع غالي .. وماليه داعي كفايه ديجي
هدى : منى عشان خاطري جيبي فرقة تايتنك
منى : هدى اني آسفة صح انه هيه ليه وحدة لكني بدفع آلافات على شي عادي .. هذا لا الله ولا خلقة يرضون بهالشي .. في ناس مو لاقيه تاكل .. واني ارمي بيزاتي على ما حرم الله .. هدى اصلاً اني ما اسمع اغاني .. إلا نادر .. وعشانكم بسوي اغاني ...
هدى : كيفش يا منى
منى : هدوي كوني واقعيه
هدى : بس كان خاطري
منى : هذا فشار على قلت الفايدة
هدى : مشكورة
منى : هذا الواقع .. يعني ويش بتفيدني الفرقة .. بدفع ليها ما فوقي وتحتي ... وبيقعدون جم ساعة وبعدين بيطيرون .. اني عندي انه اهبل من في الكون اللي يسوي جدي .. النعم زواله يا هدى لازم اقتصد قد ما اقدر لأنه الله ما يرضى
هدى : بس كيفش
قعدنه نسولف .. ومنى وايد حريصة .. واني وايد مسرفة .. والله مادري من وين طلعت بسالفت الفرقة ... والله اني مينونة .. هذا الله يسلمكم امس مطالعة مسلسل في عرس والعرس يابو فرقة .. خخخخ والحين قلت بشوف منى ويش تقول .. لكن تفكيرها منطقي .. احنا في البحرين مو في امريكا ..

احمد
السيارة
--------------------------
جتني عله من مسج هدى .. الحين هذا اللي قدرت عليه .. وطرشت ليها واحد كله كلام حب عشان اكسرها ..


احسن شي انه جاسم ما انتبه ليي .. وحتى لو انتبه انه مو مسوي شي خطأ واصلاً جاسم مكلم ابوه اني امبيها واذا كان الشاب فعلاً مصمم على الزواج ويبغي بنت معينه ((( ليه حتى يشوف شعرها لأنه زواجهم انشالله بيتم .. لكن انه بس اطرش ليها مسجات .. تعبر عن جزيئ من اللي في قلبي ..

ياني مسج منها صدق انها قالت احبك لكن ما شبعني المسج .. ابغي اسمع كلام وايد .. طرشت ليها بعد مسج .. وطرشي ليي مسج وبعدين تعذرت او بالأحرى تهربت عشان ما اطرش ليها اكيد وياها منى وهي متفشلة .. يابعد عمري يا هدى .. قلبي يحمل ليش حب بكل وفاء .. ولو جا ليي واحد مثلاُ وقال ليي بطقل عليك رصاصة او انك تستغني عن هدى اقول ليه اطلق الرصاصة وبدون تردد ... قلبي مجنون بحبها .. طرشت ليها آخر مسج وسلمت عليها ... وصكيت التلفون لأنه ركبنه الطائرة ..
ما قدرت انام مثل الباقي .. قعدت افكر في هدى
لين ما اعلنت الطائرة الوصول .. الكل قام .. وويو العمال عشان ينقلون عبود على الكرسي .. وانه فتحت تلفوني ابغي اشوف اذا في رساله من هدى او لا تمنيت انه فيه .. صليت على النبي وفتحت التلفون ,, وفعلاً كانت فيه رسالة .. ولا فتحت إلا بصعقة جايتني ... هالصورة في البومي .. والبومي في الحجرة .. وهدى مطرشتنها وفوقها هالكلام : ( للأسف يا احمد ما ظنيتك جدي )
هذي الصورة ليي ولعبدالله بيوم العيد لما رحنا الحديقة وكانت شلت بنات تتمشى واصر عبدالله انه يلحق وراهم الأخ معجب بوحده منهم .. ومشيت وياه وغافلنا جاسم وصورنا ... وقال براوي الصورة هدى .. واخذت الصورة واحتفظت ابها عشان ما تشوفها هدى واليوم هدى بنفسها تطرشها ليي وبعد تقول ما ظنيتك جدي .. ليش هي تفكر انه انا اللي الحق ورا البنات ... اف توني مسافر وماامبي مشاكل .. يا هدى انا احبش بس ليش جدي القدر الأشياء اللي ما امبيش تشوفينها مباشره تشوفينها راويت المسج جاسم ...
احمد : جاسم شوف .. صورتني ديك الصورة وقلت بتراويها هدى .. واكي هدى طرشت ليي الصور وتقول انها ما ظنت انه انا جدي .. انه ما كنت مذنب .. عبدالله احبني
جاسم : وهدى ويش وصلها للصورة
احمد : مادري مادري يا جاسم
جاسم : لا تخاف يا ريال الحين بتصل لهدى وبفهمها الموضوع وبقول ليها انه انت ماليك دخل
احمد : جاسم انه ماامبي هدى تشك فيي بس مدام هالصورة قدامها غصب عنها تشك
جاسم : تدري الحين بتصل وبخليه سبيكر عشان تسمع ويش تقول
احمد : لو سمحت بسرعة
جاسم : اتصل واحنا في المطار لين وصلنا الفندق بتصل
احمد : جاسم انه ما اتحمل لحظة خصام وحدة بيننا مو تبيني انتظر ساعات ..
جاسم : انزين اهنيه ما بتسمع
احمد : جاسم ابغي اعرف رايها ابغي اسمع صوتها احس بحراره في قلبي .. ليتني ما عشقت في يوم من الأيام .. والله ما يجي من الحب غير الشقى ..
جاسم : حمود اكوم اغراضنه طلعو وانه حاجز في الفندق يالله نروح
احمد : بسرعة
عبدالله : ويش بتمشون
احمد : ايه
سيد محمود : جاسم حجزت كم غرفة
جاسم : 3 غرف .. انه واحمد .. واعبدالله وابوه .. وانت
سيد محمود : وكم تكلفة الغرفة
جاسم : بلا هرار يا سيد احنا ما بيننا هالتكلفة
سيد محمود : الحق حق
جاسم : بلا هرار ولو انه محتاج انجان قلت ليكم اححد غيري يدفع
خالي : يالله يا ولاد خلنا نروح ترى عبدالله يحتاج لراحة
جاسم : انشالله
مشينة .. وركبنه سيارتين اجرة .. انه جاسم في سيارة .. وخالي وعبود وسيد في ثانية لأنه سيارة وحدة ما بتكفينا ( 4 رجال وره ما يصير )
المهم ,, ما وصلنا الفندق وانه مصدق .. وبس اخذنا المفاتيح .. كنا في الطابق الثاني .. ركبنا الأصنصير .. ورحنا الطابق الثاني .. وكل اثنين دخلو حجرتهم عشان يستريحون بس السيد راح ويه عبدالله .. وانه من دخلت ’’’ يالله جاسم اتصل
جاسم : انشالله ...
قعدنا على السرير .. واتصل وكل ما يطق التلفوم طقة انه قلبي يدق مليون دقة ... ياناس بموت ما امبي هدى تزعل مني .. مستعد اقدم ليها عيوني ولا تزعل ..
هدى : الو الو
الصوت كان متقطع
جاسم : هلا هدى
هدى : هلا والله يا خوي ها وصلتون عساكم سالمين
جاسم : الحمد لله انتون ويش اخباركم ؟؟
مافي رد
جاسم : هدى هدى
هدى : ما اسمعك
جاسم : اطلعي برة اكيد مافي استقبال .. وبعد شوي
هدى : هلا والله الحين اسمعك
جاسم : هلا فيش .. شخبارش وشخبار عروستي
هدى : احنا الحمد لله زيني
جاسم : هدى انتين طرشتين لأحمد مسج وفيه صورة ..
هدى : مداه قالك
جاسم :هدى لا تستعجلين .. ترى احمد مو غلطان
هدى : مو غلطان وهو يلحق ويه عبدالله ورا شلة بنات بدون حيا وهو كلة يقول ليي انه عمري ما رفعت عيوني لغيرش .. والحين اشوفة ورا شلت بنات .. لهادرجة قدرة نازل عشان يلحق ورا بنات .. ولهالدرجة اني مو ماليه عيونه
جاسم : يا هدى يا هدى .. ترى عبدالله هو اللي قال لأحمد انه معجب بوحدة وامبي ارقمهها وتعال ويايي وانه صورته وهو توه بيمشي
هدى : وعبدالله يقول ليه طيح في النار يطيح .. يا جاسم .. احمد ما يقدر يشوف عيون أي احد عليي .. عيل اني جيفة اقدر اشوفة عيونه على غيري .. حسيت بالموت من كثر الغيرة .. اصلاً احمد بس يقول ليي الشي وهو ما يطبقة ..
سمعت صوتها وهي تصيح .. والله دموعها اغلى من الألماس ... ليش تفرط فيهم .. قلبي عورني .. حسيت اني صغير قدامها .. فعلاً انه ليش طاوعت عبدالله .. ما طاوعته إلا لأني مقتنع ..
جاسم : هدى هدي هدي ..
هدى : وين اهدي واحمد مو حاس بمشاعري .. اني بادلته مثل المشاعر وبأضعاف .. اني دخلت حجرته اتأمل كل شي فيها .. اشوف ويش يحب وويش يكره .. جازاني بهالصورة ... شلت بنات كل وحدة عبايتها ضيقة اكثر من الثانية والنقشات والحاله اللي فيهم .. وتبغيني بعد اهدي ..
جاسم : هدى احمد ما ليه ذنب ... عبدالله الل قال ليه واتذكر بعد ويش قال ليه ( انت تعال ويايي عن بروحي بس وانته مالك دخل بس انه عاجبتني البنيه )
هدى : وطبعاً احمد ما صدق انه الفرصة تجيه لعند ريولة ... جاسم احمد لو يحبني انجان ما رضا لنفسة انه يمشي ورا غيري
جاسم : هدى اعقلي وحكمي عقلش انه قلت ليش الريال ما ليه دخل جديه تعاقبينه .. عجبش الكلام عجبش ما عجبش كيفش الف طقاق
احمد : جاسم لا تقول جدي لهدى
هدى : اوه انته بعد دخلت على الخط
احمد : هدى انه يمكن غلطت وهذي كانت لحظت طيش لكن الحين بعد فوات الأوان انتين تعاقبيني !!!!
هدى : احمد تدري انه هذي 2005 وشهر 11 يعني مو من زمان ... يعني بعد ما دريت عن مشاعري تجاهك .. وبعد ما منعتني من اني اطلع في المجمع او أي مكان بدون عباية .. انت منعتني عشان الصبيان ما بطالعوني ... لكنك انت كنت تطالع البنات .. اني دبت دبت .. خلاص احمد اني الحين بصكة
احمد : اللي يريحش
هدى : باي
وصكتة
مو لهالدرجة جرمي كبير عشان تعاملني جدي يمكن تصرفي طائش بس هي ياما وياما تصرف بأخس .. ليش تلومني على غلطة بسيطة .. الحبيب ما يلوم حبيبة على كل هفوه وكل غلطة اذا كانت تحبني لازم تنسى .. قعدت افكر بس اول دخلت الحمام وانه اتسبح .. بس تفكيري ما ابتعد عن هدى والمشكلة .. طلعت ولقيت جاسم نايم .. اما انه قعدت افرفر في القنوات شفت مسلسل سوري اندمجت وياه ولا ادري ويش اسمه حتى .. بس لفتت انتباهي كلمت بنيه في المسلسل تقول لخطيبها ( اللي بيحب بيسامِح ) وفعلاً اذا هدى تحبني بتنسى الموضوع ... قعدت افكر وقسيت ع لى جفوني ورفضت انها تتسكر .. قمت افكر لين ما انصكت عيوني بدون شعور .. ونمت على الكرسي ..

اوتعيت الساعة 9:30 في الليل وجاسم مو هنيه .. اخذت تلفوني عشان بتصل ليه إلا فيه مسج .. وكان من هدى ... ما فتحته .. اكيد كلام لوم ونجره .. رد التلفون يذكر انه فيه مسج .. .فتحته بدون نفس ... بس كان المسج شي ما توقعته :
مهما حصل ..
ما نفترق دام الأمل فينا صدق ..
يمكن تغيرنا الظروف .. طبع الليالي ما تروف ..
بس المهم ما ننتظر دمعة تعاني وتحتظر ..
وتبقى معي بنفس الطريق .. اصدق بشر وأوفا حبيب ..

قريته مرة ومرتين .. يا عمري يا هدى ... الحين رجعتين هدى اللي اعرفها .. هدى المتسامحة ... هدى .. اللي عمرها ما زعلتني ... طرشت ليها مسج
تمهل قبل ماتحكم تذكر فرحة سنيني
تذكر ماوعدت الروح يومنك علي راضي
تمهل قبل ماتظلم وشوف الدمع في عيني

وطرشت مباشرة وراه :

الا وان وجيت ياروحي تفتح لجلك زهوري
تغرد كل طيور الحب تفرحني وتشجيني
زهوري لك انا احملها هدية تروي شعوري
ترى حبك غدا عشقي بلا من ربي باليني
يلامس حبك فوادي يداري فرحي وسروري
احبك شمس لي غابت تنور وحشة سنيني
نعم بقولها كلمة بغيابي والا في حضوري
تذكرها انا احبك واحبك بكل ما فيني

مهما سوت بيظل حبها يحفر قلبي ...

اصلت لجاسم وانه مستانس .. بس كان خط جاسم مشغول .. انتظرت شوي ورديت دقيت بعد مشغول .. اتصلت لعبدالله

احمد : هلا عبود
عبدالله : هلا فيك حبيبي وينه انته
احمد : والله كنت نايم ... إلا جاسم وياكم
عبدالله : أي بس الحين قام يتصل
احمد : كل هذا يتصل ليش يتصل لمن
عبدالله : اهل البحرين
احمد : امممممممم .. انه الحين ياي .. يالله باي
ههههههههههه عيل اهل البحرين ها .. هو توه مكلم هدى .. اصلاً هو اكيد متصل لأمه يطمنها وبعدين بيتصل لمنوي .. هههههه
على ذكرى امه ترى انه ما اتصلت لأمي .. صدق ما عندي حواس ... اتصلت لأمي ولامتني وايد لأني ما اتصلت ليها من البداية .. وتعذرت بمئه عذر ... ولما صكيته رحت للجماعة وكانو كلهم متجمعين .. قعدنا نسولف .. ومن باجر بيبتي مشوار العلاج ..
ترى المانيا وايد غصة لانه كأس العالم .. الطريق والواحد ما يقدر يمشي فيها ..

الجزء الواحد والعشرين

منى
بيتهم
-------------------------
لما وصلني المسج من جاسم ما صدقت ... قرأته حرف حرف وكلمة كلمة .. كان هذا يوم تاريخي في حياتي .. جاسم يعترف بحبه ليي يا ربي أي قد استانست حسيت روحي مو مصدقة ..

للموت احبك واحب اللي يحبونك ( آآه اني بعد للموت بحبك بس اغار من اللي يحبونك تشونة )
حبك مع الدم يجري في شراييني ( هذا شي اكيد .. انه حبك يسري بدمي وفي شرايني وكل هوا اتنفسه خطت حروف اسمك عليه )
من كثر ما اغليك بعيوني يشوفونك ( صج من كثر ما احبه احسه نظر عيوني فناس يشوفون صورته .. احبه احبه احبه وليت هالكلمات تكفي وتعبر عن اللي يشغل قلبي وعقلي وروحي )
حطيتك اقرب لعيني من نظر عيني ( اقرب من نظر العين واعمق من وسط القلب حطيتك يا جاسم .. ليته يحس بحبي )
عهد علي ياغناة الروح ما اخونك ( اني ما وافقت على جام عشان اخونه واتمنى هو بعد )
حتى لو طال البعد يامعنيني ( لو كان البعد طويل بعد مست((( افكر في خيانتك .. لأنه لو خنتك بخون روحي يا بعد روحي )
ليته يسمع بهالكلام .. بس هذا الكلام محصور في قلبي ومحد عرف ابه ..
على الساعة تسع ونص اتصل جاسم والمشكلة مادري ويش اسوي ووين اروح ... احترت ... ما ليي إلا الحمام ( كرمكم الله ) المشكلة اذا جت هدى بتقول هذي مجنونة ... رحت الحديقة بس اول شلته عشان لا يوقف
منى : الو
جاسم : هلا والله هلا بهالصوت
منى : لحظة لحظة

طلعت برة الحديقة
منى : الو
جاسم : وينش يا حـ
ووقف
مسكين اكيد انحرج
منى : هداني
جاسم : اطرش ليش مسج ما تردين
منى : اذا طلينه اني اطرش وانت تطرش ما بنوقف
جاسم : وعنا ما وقفنا
منى : لالا
جاسم : منى احسش تتهربين مني .. ترى انا اكلمش برضى اهلش
منى : لالا ما اتهرب ولا شي بالعكس عادي بس اول مرة اكلم صبي غير اخويي احمد على التلفون
جاسم : اممممم
منى : احمد وياك
جاسم : مليتين من كلامي وتبين احمد
منى : لالالا بس امبي هدا .. اتتطمن عليه
جاسم : وانا ما تطمنتين عليي
منى : امم اكو سمعت صوتك
جاسم : وصوتي يطمنش
يتراوا ليي فشيلة اقول أي .. فسكت اكيد الذكر بتكون عنده الجرأه اكثر من الأنثى .. اما اني فكان قلبي يدق وايدي ترتجف .. مادري ويش اسوي ..
جاسم : منى ما رديتين
منى : امم ,, انتون شخباركم .. عبدالله وديتونه المستشفى
جاسم : احنا بخير
منى : عبدالله ما قالو ليه ويش علاجة
جاسم : انتين بتتزوجيني انه لو عبدالله
انحرجت اني مجرد كنت اسأل عن صحته ...
منى : آسفة
ما رد عليي جاسم .. بس ويش اسويي ..
سكتنه مده طويلة .. اظن انه هو كان يسمع نفسي ودقات قلبي .. كاني وحده راكظة 1000 كيلو متر ..
جاسم : وبتظلين ساكتة
منى : انتظر تتكلم
جاسم : ويش اقول
منى : اني قلت ليك آسفة
جاسم : ولو قلت ليش اسفش مو مقبول
منى : شي راجع ليك اني اللي عليي سويته
جاسم : اصلاً لو اقول ليش اسفش مو مقووبل انجان لسانس يخوني ويقول ليي الله اكبر على جدبتك ..
منى : هه
باحراج
جاسم : منى استعديتين او سويتين شي
منى : اليوم انتون سافرتون وين اسويي شي
جاسم : اممم
تجرأت وقلت
منى : اصلاً اني كنت احتاج ذوقك في اشياء وايد
جاسم : والله ارجع
منى : اني ما ارضاك ترجع تالي يقولون عنك أي كلمة
جاسم : الله تخافين عليي
اهنيه اني سكت ليش هو مسلسل واذا قال ليي اذا تخافين عليي .؟؟؟ برد عليه اذا ما اخاف عليك اخاف على منهو ..
جاسم : ما ردتيني
منى : جاسم اتصلت لعمتي و عمي
جاسم : أي عم واي عمه
منى : امك وابوك
جاسم : او نسيت انهم صارو عمش وعمتش من بعد ما خطبنة

الأستاذ يتقصد أيقول جدي او ويش .. بس اني بسككت وايد انحرجت ..
منى : جاسم يالله مع السلامة عن لا يصرف عليك
جاسم : لهالدرجة تبين الفكه مني
منى : لالالالالا بالعكس بس خايفة يصرف عليك
جاسم : ما عليش منه
منى : شخبار احمد وياك
جاسم : الحمد لله
منى : بدت المباريات
جاسم : لا باجر تبدي ..
منى : اممم .. عيل روح الملعب عشان يحطونك على التلفزيون واشوفك
جاسم : من عيوني يعني مداش اشتقتين ليي
منى : لالالالالا مو ده القصد بس انه اذا اشوف اهلي في التلفزيون استانس أي احد يعني
جاسم : وانه ضمن الأي احد
منى : جاسم
جاسم : منى
منى : جاسم امي تناديني ...
جاسم : قولي ليها اتكلم في التلفون
منى : احم
ما عرفت ويش اقول .. احس روحي متفشلة حدي .. سكت
جاسم : منى اذا مستحيه عادي بصكه
منى : لالا عادي
جاسم : كوني عاديه .. وكني واقعية .. احا مصيرنا بيت واحد .. ومصيرنا بنتكلم ويه بعض عادي
منى :أي بس اني بعدي ما تعودت عليك
جاسم : اممممم
منى : لا تفسرها شي ثاني
جاسم : لا عادي .. بس اظن تعرفين رقمي وحزة اللي تبيني تقدرين تتصلن .. مع السلامة
منى : جاسم
جاسم : خير
منى : زعلت ..
جاسم : لا بالعكس .. يامنى عادي هذي حال أي وحدة مخطوبة ..
منى : امم
جاسم : يالله مع السلامة
منى : بتصكة
جاسم : مو انتين مو متعودة .. لأين تعودتين ما بصكة
منى : مو قصدي
جاسم : لا تظنين اني زعلت بالعكس هذا عادي .. انه مقدر شعورش ومتأكد انه بجي اليوم اللي انتين اللي بتتصليين ليي وببتكلمين عادي فليش استعيل
منى : اممم
جاسم : يالله مع السلامة
منى : جاسم دقيقة
جاسم : دقيقة إلا قولي ساعة قولي يوم .. تفضلي
منى : جاسم توصى في روحك عدل وتعشى عدل .... ولا تنساني ....
قاطعني
جاسم : انسى روحي ولا انساش
منى : جاسم اتلحف عدل اكيد عندكم برد اكثر من البحرين .. بس اتحمل في روحك .. انزين ..
جاسم : لا توصين حريص وانتين بعد .. اكلي عدل امبي لين رجعت تزيدين 10 كيلو
منى : لالالالا اني اوكيه
جاسم : كم وزنش
منى : 52
جاسم : انزين امبيش تصيرين 55
منى : لا انزين جسمي حليو
جاسم : بس انتين ضعيفة لأنه وزنش رايح في الطول
منى : المهم .. قول لأحمد يدر باله عليك
جاسم : اهمش
منى : اكيد
طلعت مني بالغلط
جاسم : يالله منى مع السلامة
منى : الله يسلمك وتصبح على خير
جاسسم : وانتين بألف خير يا وجهة الخير
وصكيته .. كنت امبي اسمع صوته وفي مثل الوقت امبي اصكة من الفشيلة .. احس روحي مو متعدوة ..


رجعت لهدى وكانت في الحجرة بروحها حسيت انها مو عدلة .. بس ويش اسوي ... كنت محتاره بين اطرش مسج او لاء
و كانت عندي رغبه شديدة اني اطرش مسج ..

بس استحي اطرش ليه أي مسج ... فكرت في أي مسج

منى :هدوي عندش مسجات
هدى : عندي أي مسج يخطر في بالش
منى : اعطيني موبايلش
هدى : هاش
وعطتني ايا ه .. قعدت اقرأ المسجات وفعلاً عندها مسجات وايد وايد

من ظمنها

للدموع أسرار
وللحب آثار
وبفرقاك نار
وشوفتك تذكرني
بأكبر صرصار

خخخخخ .. تتخيلو اطرشها انجان جاسم يقتلني

ليتني قطرة من دمك
واستقر بقلبك
واعملك جلطة
المرسل : عاشق نذل
منى : ويش هالمسج .. هههههههههههههههههههههههههههههههه
هذا احلى ... كانو ودي اطرش جدي بس ما ارظى على جاسم يصيده شي او حتى يعصب << احم

بس طرشت واحد اذا شافة جاسم بيموت غيض .. ويش اسوي استحي ارسل ليه مسجات حب .. طرشت ليه

اذا امتلى صدرك جروح
للناس تكفى لا تروح
ترى المستوصف مفتوح

منى : هدوي طرشت هذا لجاسم شوفي
وشافته
هدى : حرام عليش جدي تقسين على اخويي
منى : وويش اطرش ليه
هدى : احبك خخخخ ( جوليت )
منى : اخلي هالكلام حقش
هدى : مشكوره والله هالهدية ما تضيع
منى : مينونة

ههههههههههههههههههههههههه ،،، كانت تقريباً الساعة 10 في الليل بعد ربع ساعة وصلني هالمسج

(فديت من كان لغيابي يعاني ..
فديت أنا ممشاه وخطاويه ..
ماني بقاطع رجاه لو دهري جفاني ..
هوتاج راسي وبعيني أدرايه ..
شوفته تسوى كل عمري وزماني وجرحه بدموع عيني أداويه ..
لوطلب فوق عمري عمر ثاني أموت وأنخلق لجل ما أخليه(

بصراحة نزلت من عيوني دمعة .. حسيت اني مقصرة في حق جاسم بس عقلي مو مقتنع اني اطرش لريال حتى لو كان ولد عمتي رسالة حب وما في بينه علاقات شرعية .. احسها غلط
بس كان عند هدى مسج مافي وايد اشياء طرشته

(لا تقول إني قاطع ..
وبوصلي دوم أتغلى ..
تراني شخص متواضع ..
وبالحب ما اتسلى ..
يمكن ظروفي تمانع ..
ويمكن مستواك أعلى ..
ولو بلف الكون لك راجع ..
والعين فوق الرمش ما تعلى ..

حسيت بحيرة .. كان هدى داخلة الحمام تسبح ولما طلعت وكانت قاعدة على الكرسي تمشط شعرها
منى : هدى احمد يطرش ليش مسجات
هدى : ليش
منى : اسأل
هدى : أي يطرش
منى : وانتين تردين تطرشين ليه
هدى : أي اطرش
منى : وويش تطرشين
هدى : مثل ما يطرش
منى : عادي
هدى : انتين ليش كل هالأسئلة
منى : لأني جاسم مطرش ليي كم مسج بس اني ارد عليه بمسجات تضحك .. احس انه غلط اطرش ليه أي مسج
هدى : اني سألت جاسم وابويي عن هالشغلة بس قالو ليي دام انه الصبي خاطبنش ومكلم اهلش وخلاص انتين موافقة ومصيركم الزواج فعادي ..
وتونى قاعدين نسولف
يالك مسج هاااااااا ( هذي نغمة المسج مالتي
هدى : اكو وصلش مسج
منى : اقريه انتين اول
هدى : وليش
منى : امبيش تحكمين ان كنت اقدر اطرش مثله او لاء
واخذته هدى وقرته
هدى : بصراحة اني ما طرشت لأحمد جدي بس هو طرش .. اني طرشت فيه كلمتين ..
منى : عطيني بقراه
وقريته .. حسيت بضيق بدل ما استانس .. بضيق اني ما اقدر اني اطرش ليه .. احس انه غلط .. واكيد دام انه عقلي مو مستوعب هالشي اسوية ... اني مرتاحة جدي .. يمكن يكون هذا جفاء .. بس اذا صارت بيننا علاقة شرعية بعدين اقدر اطرش ليه أي مسج اما الحين فما اقدر
قريت المسج وحسيت بحب جاسم ... بس الحزن والفرح يمليني ..

لو يغيب الليل في كف الهجير...ماتغيب بوسط روحي طلتك ...إنت وحدك مالك بقلبي نظير لو يغيب الكون تبقي دنيتك .. مدري كيف العمر من دونك يصير .. كل يوم أسال؟وأكلم صورتك .. عاشق تاهت به دروب المصير .. بين قربك وبين نار محبتك ..

منى : ويش اطرش ليه
هدى : لا تطرشين
منى : احس اني رغبانه اني اطرش بس عقلي مو راضي
هدى : اني طرشت تبين من اللي طرشتهم
منى : لا ابغي شي جديد ويكون عادي
هدى : تدرين طرشي شي مضحك ..
منى : استحي
هدى : كيفش
منى : مو كأنه مصخناها كل حين مسج .. بس خلاص ما بطرش ... مو لازم كل حين واحد يطرش .. بصراحة السالفة مصخت ..
هدى : اول مرة اشوف مخطوبة مثلش
منى : بعدنه ما خطبنه
هدى : الله يساعد اخويي عليش
منى : ويساعد اخويي عليش
هدى : اصلاً يا بخته اخوش فيي ماشالله عليي
منى : بس بس بس
هدى : هههههههههههههههههههههه

قعنده نسولف وبعدين قناة انفنتي حطو فلم هندي ( خخخخ ) قعنده نطالعة .. وفي النهاية قمنا نصيح اني وهدى لأنه البطله انتحرت .. هذي حالة الحين اححنا نتعب روحنا وفي النهايه تنتحر اني قلت لأنه فلم هندي في احتمال البطلة ترجع ...
هدى : خسارة ما نمت وقمت اطالعة
منى : أي والله .. والله حالة عيل البطلة انتحرت ... ثدق ما تستحي جدي تخلي ريلها يصيح واحنا نصيح
هدى : فريه فريه على قناه غير
منى : أي صحي الحين ثمن عمري في LBC
هدى : يا اختي لاعت جبدنه واحنا انطالعه
منى : احسن من ولا شي
هدى : انزين قومي النام عشان نقعد لصلاة الصبح حرام بعدين ما نوتعي
منى : لو هني احمد انجان قتلش ... بيقول ليش اللي يسهر ينتظر صلاه الصبح ويصلي وينام مو يخلي الصلاة على صوب
هدى : جتني النوم
منى : مافيه مافيه
هدى : انزين بس خمس دقايق
منى : ولا خمس
اندمجت ويه ثمن عمرها .. .ولا درت لهدى إلا هي مسكينه نامت .. وما كان مني إلا اجيب ليها لحاف والحفها ... واما اني ظليت من قناه للثانيه وبعيدن قريت دعاء الوسل لأنه كانت ليلة اربعا ... ولما ادن صليت وقعدت هدى
منى : هدوي هدوي عاد قومي
هدى : ها ادن
منى : أي
بصراحة ما توقعت هدى تقوم بهالسرعة ... هي بالعادة ولا مكينه تنبهها .. صلت هدى وبعدين نمنا ...
وما اوتعيت إلا الصبح ,, حوالي الساعة 9 تأخرت في النوم مسكينه امي تغفص في المطبخ بروحها ... خليت هدى تنام لأنه مو من الآداب ظيفة ورحت ويه امي قامت تعلمني عن العرس واللي لازم اسويه والطريقة اللي اتعامل ويه جاسم ابها .. وويش اسوي عشان ارتفع في عيونه .. وقالت ليي ( لا تحسسينه بالنقص ) واني ما اعرف اخش عن امي شي فقلت ليها السالفة في البداية عصبت وبعدين قالت
امي : لا عادي يا بتي .. بما انه هو خطبش فعادي تكلمينة وتدزين ليه مسجات
من بعد ما خلصت ويه امي طباخ الغدا رحت في الحديقة وطرشت مسج لجاسم فيه شويت كلام ...
قمت ورحت لهدى .. إلا هي دخلت تسبحت وطلعت وتمشطت ولبست .. ( طبعاً الثياب من عندي لانه ما بيننا فرق )
منى : وانتين ما تستملين من التسبوح
هدى : ولا حياتي بستمل ..
منى : اه منش
هدى : يالله امشي نسوي ويه امش الغدا
منى : من زمان سويناه
هدى : انزين اني اليوم برجع بيتنا لأنه اشتقت للماما ( ياهله )
منى : الماما ... هههههههه ... تحتاجين بعد مرضعة
هدى : لا شكراً ..
منى : انزين قعدي .. احمد ومو هنيه
هدى : هذي المشكلة
منى : الله وانتين كل مرة ما تجين لينه تجين لأحمد لا بالعكس بس امزح
نزله ورحنا نتمشى ...

جاسم
المانيا
11:45
---------------------
حسيت انها مستحية فما حبيت اظغط عليها بالعكس خلها تاخد راحتها .. لما صكيته كان ودي نسوني مثل الأفلام يعدون ويه بعض ويقطعونه ... بس المشكلة هذي افلام ما تصير في الواقع ... كان ودي اعبر عن كل مشاعري في هالمكالمة بس ما قدرت منى مستحية وانه يمكن اتكلم بس قلبي يرقع .. رجعت للربع ...
احمد : وينك يا قيس
جاسم : كنت عند ليلى
احمد : الله يساعد ليلى عليك
جاسم : ليش
احمد : حار بحار .. اليوم وصلنه واليوم تتصل
جاسم : اطمنها عليي ... واطمن الأهل .. وثانياً ما فيها شي خطيبتي
احمد : لا تنسى عمرك ترى بعدكم ما ملجتون
جاسم : بس ما باقي عن ملجتنا شي
احمد : ما بتهاوش وياك مزاجي مو مزاج هواش
عبدالله : الله يساعد كل واحد منكم على الثاني .. وكل واحد بياخذ اخت الثاني .. لا فعلاً ما تصلحون ...
جاسم : اذا هو بيغر كيفة انه ما اغير
احمد : يقلعون عيوني ولا اغير
سيد محمود : وانته عبود امتى بتنظم ليهم
عبدالله : وينك ووين
احمد : لالا انشالله بس نرجع الديرة بنخطب ليه وانجان تعرف احد دلنا عليه
سيد محمود ويش تبي يا عبدالله انته بس آمر
عبدالله : امبيها جيكرة وسوده وعبده وتخوف وشعرها ليف يصلح لغسال المواعين .. وبراطمها كل وحدة تفتق راس عبد .. ومتيه ما تطوف من الباب .. واطول مني بدبل ...
احمد : ماشالله خذ ليك اثيوبية احسن
عبدالله : والله فكرة وارخص
سيد محمود : لا اتكلم عن جد
عبدالله : والله يا صاحبي لين خفيت وقمت امشي عدل بعدين بفكر اتزوج
سيد محمود : الله يشافيك
جاسم : آمين
احمد : انه بقوم انام
سيد محمود : وانه بعد
جاسم : عيل انه بعد
عبدالله : الله يفسل بنواكم .. الحين انه قاعد كلكم قمتون
جاسم : ولا يهمك ابقعد
عبدالله : لا بس روح
جاسم : انه يوعان ما تعشيت
احمد : انه بعد بس بعد فيي النومة
سيد محمود : ويش رايكم نروح KFC وناخذ عشا
عبدالله : لالالا في المانيا يعني اكيد لحم خنزير
احمد : انزين هو مثل اللي في البحرين
جاسم : تدرون خلنا ناخذ من بيتزا هات
عبدالله : خوش فكرة
احمد : من بيروح
جاسم : انه وانت وسيد
عبدالله : وتخلوني بروحي
جاسم : بس بقعد وياك
عبدالله : لالالا امزح اصلاً انا الحين باخذ العكاز وبدخل الحمام اسبح
جاسم : اللي يريحك بس اذا تبغي مساعه ترى عادي بقعد
عبدالله : لا ما يحتاج
حسيت انه عبدالله محتاجني .. منهو بيعطيه ثيابة .. ومنهو بيساعدة في القومة من على الكرسي ..
جاسم : بس انه بقعد
عبدالله : لالالاروح
جاسم : ما ليي مزاج اروح
عبدالله : براحتك
سيد محمود : ويش تبغون
احمد : انه ابغي فيها بس جبن
عبدالله : انه بس خضرة
جاسم : انه بعد بس خضرة
سيد محمود : وانه باخذ ليي سلطة وحلاوة
جاسم : ليشش
سيد محمود : مو لازم وايد اكل الوقت تأخر مو زين
جاسم : احنا ما فينا احد صحي
راحو واشترو اما انا فظليت ويه جاسم .. ومثل ما كنت متوقع ما بيقدر بروحة .. فقمت وعطيته العكاز .. وقام ابه .. فتحت ليه باب الحمام .. واحسن شي انه كان واسع وايد وحتى الحمام في اثاث ... يعني مست((( عبود ينزلح .. وصلته للبانيو .. صكيت عليه الستارة .. ورجعت للحجرة ..
وصلني مسج واستانست حد اللي عندي .. وخصوصاً لما شفت انه المسج من منى .. فتحته .. وتوقعت انه المسج حليو وبستانس منه ..
قريت المسج ... ويتني علة ... هذا ويش

اذا امتلى صدرك جروح
للناس تكفى لا تروح
ترى المستوصف مفتوح

هذي البنيه ما تحس اقول ليها احبش تقول ليي اذا فيك جروح روح المستشفى .. صدقوني مو صاحية .. في وحده تقول لخطيبها جدي .. بس بعد حبيت اكسرها وطرشت ليها مسج كيوت ..

بعد ما طرشت ليها هالمسج شوي حست .. وطرشت ليي واحد يدل على انها مو قاطعة .. ولا تتغلى بس هي متواضعة ... وما تتسلى في حبها .. ويمكن ظروفها تمنعها .. وانه مستواي اعلى من مسج .. ولو لفت العالم بترجع ليي .. لانه العين فوق الرمش ما تعلى ..
بعد طرشت ليها مسج حليو بس ما دزت ليي شي وقعدت انتظر .. في النهايه استسلمت وقعدت اطالع التلفزيون .. مسين عبدالله خلص ولبس بس ينتظر عكازة .. واني اساعدة على انه ينط البانيو .. يمكن هالشي خطير عليه بس مافيه غير البانيو إلا مكان يظل فيه واقف حق يسبح وهو ما يقدر .. تقريباً حملته .. واني احمل رجال يختلف عن اني احمل بنيه .. وكان وزنه ثقيل .. حسيت بضغط .. بس رفعته شوي وهو بعد يحاول بالعكاز .. والحمد لله الله سلمه .. طلع من الحمام .. وقعدنا نطالع التلفزيون .. والربع وصلو ... وريحه الاكل لا تقاوم .. قمنه واكلنا .. طبعاً ما كملناه وفضلنا تقريباً بيتزا بس ما رميناها حطينها في الثلاجة .. حق باجر ... وكل واحد راح ينام بعد ما صارت الساعة 1:30 واحنا نطالع التلفزيون
رحت وقعدت افكر في منى .... شكلها اخلاقها .. تصرفاتها .. بس طغت النومة عليي واستسلمت للنوم .. قعدت الصبح على ازعاج احمد .. انه بعدي ما شبعت نوم
جاسم : احمد امبي انام
احمد : قوم
جاسم : امبي انام
احمد : قوم بسرعة ..

وراح وفتح الدرايش وفتح الليتات .. ما اقدر عليه .. غصباً عني قمت ..

كانت السعة 6:30 .. يا اخي حس .. البارحة يوم انام الساعة 2 وشوي .. ومنبهني 6ونص .. وقعدت لصلاة الصبح وطارت نص ساعة
كل اللي نمتهم خمس ساعات ..
قمت بعد ويش اسويي ... دخلت وتسبحت .. وطلعت .. وطبعاً احمد من زمان تسبح ..
احمد : بروح انبه الجماعة
جاسم : لحظة بروح وياك
وفعلاً قفلنا الباب .. ورحنا
زلزنا الباب على سيد محمود .....
وبعدين طلع ويه عبدالله في حجرة قاعدين يسولفون .. هذي حاله .. مسكينة ايد احمد من زمان طاحت وهو يطق وفي النهايه قاعد ويه عبدالله يسولفون ... واما خالي فمن زمان راح المستشفى وحجز لعبدالله وعقب شوي بيروح
ويش هالعالم .. انه بعد اجبي .. جيفة شبعو نوم المعدل الطبيعي 8 ساعات ....
دخلنه
جاسم : صوبه قمتون
سيد محمود : انه متعود اقعد خمس
جاسم :انعل .. ولاويش تقعد خمس تقعد الديجة عشان يقعدونكم
سدي محمود : ههههههههه .. لالا بس متعود احنا كلنا
احمد : عبود انته بالعادة ما تقعد الا لظهر
عبدالله : كنت وثانياً ابويي مقعني قعدت
احمد : ووينه خالي
عبدالله : راح يودي اوراقي عشا نمشي
جاسم : ما بتتريقون
احمد : انه بنزل اتريق
سيد محمود : خلنا كلنا ننزل
عبدالله : واذا جا ابويي ما بيلاقي احد
جاسم : بتصل ليه
واتصلت ليه
خالي : الو
جاسم : الو هلا الخال
خالي : هلا فيك
جاسم : اسمع احنا في المطعم تحت بنتريق اذا جيت تعال لينه
خالي : انتظروني هدانه عند الباب
جاسم : صار ..
وطلعنه ونزلنه تحت إلا خالي من زمان قعد على طاولة تكفينه ..
رحنا وقعدنا
جاسم : ويش تبغون
احمد : ابغي سمبوسة وجباتي
قام الككل يضحك .. هذا محسب روحه في البحرين .. سمبوسة وجباتي ... خخخخخ
احمد : ليش تضحكون .. انزين امبي جاي وبغصم
ردو يضحكون هههههههههههههههههههههههههههههههه ... جاي وبغصم .. وسمبوسة وجباتي ...
جاسم : اهنيه فيه مرتديلا
احمد : وع وع الحمد لله الحمد لله احد ياكل من الصبح هالأشياء
وطلبنا بعض المقبلات وقمنا ... انه ركبت جبت لعبدالله بعض الثياب .. ونزلت .. ركبنه اجرة ... ورحنا المستشفى .. وبس دخلنا اول شي سوا الدكتور ويه عبدالله لقاء .. عن طريق الحادث وويش سوو ليه ووين يألمة .. وويش يحس .. ويقدر يمشي او لاء وهالأسألة .. ولما كملو سوا ليه اشعة والدكتور قال لينه انه وجودنه ماليه معنا .. بصراحة اهاننا رجعنا البيت .. واما انا رديت نمت ادري بتقولون طبانه بس نمت بس خمس ساعات جسمي صح يقدر يقاوم بس انا ما امبي ابخل على جسمي ببعض لحظات الراحة ..
اما احمد فحامل ليه بليستيشن قعد يلعب ووياه سيد محمود .. ترى العائلة الكريمة كلها كلها يحبون البليستيشن ..
بعد فتره قعدني مسج ... اوتعيت وما شفت من المرسل عيوني كلها نوم ... بس لما قريت ما صدقت ( منى ترسل مسج جدي )

برفع قضيه على الدنيا وما فيها
وأول قضيه ابرفعها على حالي
خلاص مانى مكحلها ابعميها
واحوسها واقلب الاول على التالي
لاتقول ماتقدر تسويها صدقنى اسويها
وأقول أحبك ولاوبصوت عالي

واحلى مسج .. وانه لو ودي يا منى اقول بأعلى صوت .. احبها حب ما يخطر على بال احد ..
بغيت اكمل نومتي بس ما قدر ... قعدت اتقلب يمين ويسار بس مست((( ... ويش الحل .. قمت وغسلت ويهي وطلعت ... طرشت مسج لمنى



انا قلبي على الفرقى عصاني
يحبك مايحب انسان ثاني
تولع فيك بين يوم وليلة
وربي فيك ياحبي بلاني
احبك حب مايخطر على بالك
ويعجز عن تواصيفة لساني
احبك حب يسوى العمر كلة
ويفداك العمر دام العمر فاني

طرشته وقمت للربع ... رحنة سولفة .. وسيد محمود كل ما جا لينه نتقرب منه ... وهو وايد حباب وخلوق ومتدين

انتظرت مسج من منى بس سالفة هي .. اكيد بتطرش بس مو لازم من الحين

وانه قاعد ياني اتصال من البحرين ... خير انشالله .. رفعت التلفون
جاسم : الو
فاطمة : هلا باللي اتصل بالكل ونساني
جاسم : هلا فطيم ... لا والله ما عاش من ينساش
فاطمة : امبين من جدي نسيتني
جاسم : والله انش دوم في بالي
فاطمة : أي صح
جاسم : انين شخبارش
فاطمة : الحمد لله
جاسم : وشخبارهم
فاطمة : كلهم تمام .. ما سألتني ليش تصله
جاسم : مو تسألين عني
فاطمة : اسأل عنك واسألك
جاسم : خير
فاطمة : مرتضى عارض عليي انه نعرس مباشرة بعد ما ترجعون بس اني قلت باخذ رايك
جاسم : خوش رايي .. تعرسين وانه بعد جم يوم اخطب .. ومحمد عقبنه
فاطمة : إلا على طاري محمد ترى اليوم بيرجع
جاسم : صدق
فاطمة : أي
جاسم : شوفي هدوي وايد حاملة على محمد فهميها انه رايح لشغل وكان في ازمة
فاطمة :ليش هدى في البيت
فاطمة : من سافرتون هي بعد انتقلت ويه منى
جاسم : زين له خلهم يونسون بعض
فاطمة : واني خلوني بروحي
جاسم : روحي ليهم
فاطمة : اصلاً بمر عليهم وبروح السوق عشان اتشرى للعرس .. بس ترضى منى تطلع
جاسم : لا
فاطمة : مالت
جاسم : هههههههههه .. عيل ليش تسألين
فاطمة : امبي اشوفك ويش تقول
جاسم : انزين
فاطمة : باي
جاسم : مع السلامة
وصكيته وكملت هدرة .. كأنه نسوان


انتهى الجزء وفي انتظار تعليقاتكم السكر يا سكر

الجزء الثاني والعشرين

القسم الأول

هدى
بيت خالها
4:30 العصر
-------------------------------

قررت اني ارجع وخصوصاً انه فاطمة بشرتني انه عرسهم كلش قريب .. فقلنه بنفلع عصفورين بحجر ... بدل ما نروح بس اني ومنى .. بتروح ويانه فاطمة وكل ولابد هي عندها سيارة ..
مرت علينه فاطمة .. اما اني فكنت كاشخة ... لابسة عباية الفراشة .. وفريها تطريزة وفولك وهي وردية .. اما منى فعبايتها فيروزيه ... ومثل النقشات بس الألوان غير
ركبنه السيارة وفاطمة تسوق ... سيارتها مرسيدس بس مو الجديدة كلش لا اللي اقدم شوي .. بس وايد حليوة ( وخصوصاً انه لونها فاتح )
ركبنه
هدى : فطوم وين بنروح
فاطمة : اني قلت ويش رايكم نروح مجمع الرفاع .. هناك في اشياء
هدى : مثله مثل مارينا مول
منى : اني من زمان ما رحت مجمع الرفاع
هدى : مجمع الرفاع وايد صغير ... خلنا نروح البحرين او السيف
فاطمة : هدوي اليوم الخميس ... مست((( نروح السيف ... كله سعوديين ... وبيشوفون بنات بروحهم .. مو حليوه
منى : أي صدق .. جاسم ما يرضة
هدى : مالت
فاطمة : اوه تطور
هدى : عيل ويش تحسبين
هدى : اني امبي اروح السيف يعني السيف .. مارينا مول مافيه زارا ومافيه مانجو ومافيه اكسسريز
فاطمة : انزين بنروح ايام غير
هدى : فطوم السعوديين ما يجون إلا في الليل
منى : هو فعلاً اكثر شي يجون في الليل
هدى : والسيف اقرب من الرفاع
فاطمة : اني كان خاطري اروح اككسسريز امبي بوك ..
هدى : عيل خلاص
فاطمة : بس اخاف مرتضى ما يرضى
منى : احم احم .. اخاف جاسم ما يرضى
هدى : اااااااااف
فاطمة : صدق هدوي جاسم كان ما يرضى يودينه يوم الخميس او الجمعة لأنه كله سعوديين
هدى : ابتصل لجاسم
منى : استحي
هدى : جب قبل لا طراق
فاطمة : بل
وفعلاً اتصلت .. لأنهم اذا بيودونه مارينا مول ما بنحصل شي .. السيف ما بنضيع يومنه .. لا اكيد بنشتري .. وعندهم اشياء فن .. واحنا ويش علينا من السعوديين .. ثانياً البلد بلدنا ... واذا تعرض لينا احد كلمتينا نسبه ونسب ابو اللي يابة ونتباعد ..
بعد مدة شالة جاسم
جاسم : هلا بأهل البحرين
هدى : هلا فيك الغالي .. شخبارك .. شخبار المزايين اللي وياك
جاسم : احترمي
هدى : من عيوني
جاسم : لايكون متصلة تحجزين هدية
هدى : افا .. كفاية رجعتك لينه سالم هذي اكبر هدية
جاسم : والله ان لم الله انعمنا ابش هذي اكبر اديه
هدى : افا ليش
جاسم : تعرفين تصبغين
هدى : ههههههههههههه
جاسم : شخباركم
هدى : تمام .. شخبار احمد ياكل عدل
جاسم : انتين متصله تسألين عني والله عن احمد ....
هدى : لا بس اسأل
جاسم : احمد صوبي تبين تكلمينه وتفكين عمرش من المقدمات
هدى : لا بس سلم علية وايد .. انزين اني متصله استشيرك
جاسم : خير
هدى : جسوم ويش رايك اليوم اني وافطمة نروح السيف
جاسم : ما تدرين انه اليوم الخميس
هدى : ويانه منى
جاسم : لالالالا منى ما تروح السيف اليوم وكله سعوديين وانتون قبلها
هدى : جسوم نحتاج اغراض الخطوبة ..
سمعت جاسم يتكلم ويه احمد وسمعت صوته ... يعلني اتفداه ... لصقت التلفون في ادوني بس عشان اسمع أي كلمة يقولها احمد .. وسمعت اللي دار بينهم ..
جاسم : بيون يروحون السيف اليوم .. حمود احنا ما كنا نرضى نوديهم واحنا وياهم مو بروحهم
احمد : شخبار هدى
جاسم : يا برود اعصابك
احمد : انزين بيشترون حق خطوبتك .. ويا اخي السعوديين ما يجون الا في اللي .. عندهم زام الليل ..
جاسم : جدي تقول
احمد : اعرف هدى ما بتسك لو احد سوا ليها شي
جاسم : وهذي المصيبة
احمد : يالله عاد
هدى : جاااااااااااااااااااااااااااااااااسم وويعه جدي
جاسم : يويعش بطيتين ادوني
هدى : جاسم عطني اكلم احمد
جاسم : ممنوع
هدى : بس بسلم عليه
جاسم : بس تسلمين فاهمة ... بصفته ولد خالش .. تفهمين
هدى : افا عليك

بصراحة كنت ولهانه على صوته .. امبي اسمع منه أي كلمة
احمد : الو
هدى : هلا
صوته احلى من المسيقى ..
ياناس احد يجودني قبل لا اسيح .. ويش الشور .. لو زين يحجز اليوم ويرجع .. المشكلة من سافرو صار ليهم بس يومين .. لا بالله باموت ..
احمد : هدى وينه انتين
هدى : هنيه
احمد : بتروحون السيف
هدى : شاورت جاسم بس ما رد ليي خبر
احمد : انتين لابسة عبايه
هدى : اكيد
احمد : أي عباية
الأخ لأنه يعرف كل عباياتي ( يسأل منى وخصوصاً انه منى مثلي )
ترددت ويش اقول لأنه يدري انه الفراشة وايد فيها معاريس .. لكنها كانت توها جايبنها من المغسلة .. وهي النظيفة
هدى : الفراشة
احمد : بس لا تروحون السيف
هدى : ليش
احمد : انتين ادرى
هدى : بس مو مبينه وايد
احمد : ارجعي البيت .. وانه موصنش قبل لا امشي .. تلبسين عبايه ما تلفت اذا بتروحين مجمع .. والفراشة وايد فيها نقشات ... ارجعي البيت هدى
هدى : اذا اهون عليك واحنا وصلنا الحين المجمع بخلي فطوم ترجعني .. باي
صدق انكسر خاطري .. كنت اتخيل اني اشتري اشياء وايد .. بس لو ظنيت ما اتصلت ..
توقعته صك الخط ..
احمد : الو
هدى : خير احمد في شي
احمد : لا بس قولي لفاطمة ترجعش البيت
هدى : لا ماامبي اضيع الوقت عليها بقعد في الباركات
احمد : لا ترجعين البيت .. يعني ويش تقعدين بروحش في الباركات
هدى : احمد انته وايد قاسي ..
وصكيته ...
الحين هذا من صدقة .. اني ويش سويت .. من قبل كانو عادي عندهم البس أي عباية او اطلع بدون عباية .. بصراحة الحين اني اتفشل اقول لفاطمة ترجعني البيت .. ما بقول ليها .. بس بظل في السيارة
فاطمة : يالله
هدى : لالا اني احمد قايل ليي بيتصل بظل في السيارة ولين خلصت بروح ليكم
فاطمة : مو عدلة تقعدين بروحش
هدى : لالالا انتون قوللو ليي انتون في أي مكان وبجي ليكم ..
فاطمة : هدى اهم شي قفلي البيبان عليش
هدى : انشالله
منى : هدى اني عادي اقعد ويش
هدى : ما يصير تتركين فطيم بروحها .. روحي واني بجيكم
منى : هدى احس انه صاير شي
هدى : لالا ما صاير شي انتون تيسرو الحين بيتصل احمد بكلمة وبجي
منى : اللي يريحش ..
نزلت منى وفاطمة نازلة قبل .. قفلت البيبان .. وقعدت .. بصراحة حاسة بالخوف .. وخصوصاً انه باركات السيف ماليهم امان .. كله سعوديين ... تووكلت على الله وقعدت ..
قعدت افكر في طريقت احمد في التعامل ويايي .. اني ما سويت شي ... هو شايف هالعباية عند منى .. ليش ما قال ليي من البداية .. ما انكر انه هالعبايه لافته .. لكن ويش اسوي .. اني الغلطانه المفروض اسمع كلام احمد .. من البداية .. المفروض .. بس ليش لبست هالعباية .. وليش احمد يتعامل ويايي جدي .. هو قاسي قاسي .. يظن انه اني بقدر اقول لفاطمة اختي رجعيني .. حتى لو كانت علاقتي بفاطمة اوكي .. بس لو قلت ليها رجعيني بتضيع عليها العصرية ... ااااااااااااااف .. احمد ما كان جدي .. كان يشوفني بلا عباية ويسكت وجاسم بعد ... احس انه احمد مو راحمني ... يمكن لأني حبيته بيسوي ليي جدي .. هو لو قال ليي هذي آخر مرة ومرة ثانية برجعش انجان بس جدي .. حرام والله حرام .. ماخذه من ابويي بيزات ويش قد عشان بشتري اشياء وايد .. اه يالقهر .. احس بقهر بس حزني اكبر ... وفي مثل الوقت حبي اكبر واكبر .. اني على قد ما اني لايمة احمد .. على قد ما اقول عنده حق .. كل مرة يقول ليي وكل مرة هو ويايي اما هالمرة بروحي .. ولا وحاطة ليي قلم كحل ( لا تفهومني غلط بس هذا من امس ولا طار ) هذي اني ما قلت ليه عن الكحل ...
رن التلفون .. وطبعاً انزهقت .. بس لما شفت المتصل ما صدقت ( احمد ) حبيت اكابر .. ما شلته .. بس ظل يرن .. وهو يرن وقلبي يلين ... لن ما صار قلبي عجينه .. شلته قبل لا ينقطع بس ما تكلمت
احمد : رجعتين البيت
هدى : متصل تكمل الفلم
احمد : هدى ما كان هذا سؤالي
هدى : احمد اذا انته كارهني عادي قول .. واذا وحده في حياتك قول .. واذا اعجبت بوحده من اللي لحقت وراهم انته وعبدالله عادي قول .. واني اسمع وتأكد اني بسمعك .. وبساعدك باللي اقدر .. اذا انته تبي تتخلص مني عشانها قول
احمد : فعلاً انه امبي اتخلص منش لأني احبها حب جنوني ... بس امبي مساعدتش .. امبيش ترجعينها ليي ارجوش .. قولي ليها اني احبها ..
بدت دموعي تنزل .. مثل المطر .. واي احد يمر عليي يستغرب .. بس فعلاً كانت فيي عله .. وفيي قهر .. تعبت .. انقهرت .. كرهت الساعة اللي حبيت فيها احمد .. الحين عرفته .. عرفت احمد الصدقي .. مو احمد اللي كان يوهمني بكلام الحب .. بس جيفة كنت واثقة فيه .. وكنت واثقة في كل شي يقوله .. بس الحين يعترف .. ما اقدر انكر وما اقدر ادافع عنه .. كان ودي ادافع عنه قدام قلبي .. كان ودي ادافع عن سيد وسلطان قلبي .. بس مافي مجال ... هو صك كل البيبان في وجهي .. آآه .. كنت بصك التلفون .. بس بغيت اسمع عنها .. اللي سلبت احمد مني .. امبي اعرف ويش مواصفاتها .. وليش فضلها عليي
مسحت دموعي وكملت
هدى : احمد قول وصدقني صدقني بساعدك وبروح اخطبها ليك .. ترى عادي .. هذي الدنيا نصيب
احمد : فعلاً نصيب واتضح انه نصيبي مو وياش ويه وحده غير
هدى : كفايه كفايه
صارخت .. بديت اصيح بصوت .. حسيت بحالة هستيرية .. تمنيت الموت ..
احمد : انتين اللي قلتين ليي اعترف وانه اعترفت
هدى : احمد ارجوك سمعتني كلام يهز جبال .. خلاص خلاص .. اني ماقدر اتحمل .. وعادي انته اخطب اللي بتخطبها وروح روح من طريقي ... اما اني فأنساني وانسا اسم هدى
احمد : آسف
تجدد الأمل .. قلت الحين بيقول ليي ماقدر انساش وانتين قلبي
احمد : ما اقدر انسا اسم هدى لأنه المشكلة اني اللي احبها حب اعما اسمها هدى .. بس تختلف عنش
اسمها هدى .. هذا يبغي يفجعني في شبابي
هدى : يعل الموت ياخذني .. يعلني اندفن .. احمد انته خلاص .. اني بديت اخاف منك .. بديت ما اوثق في احد .. خلاص انساني انساني ..
بس ما اقدر انساك .. ماقدر .. رغم كل اللي قلته .. بتضل احمد .. احمد الله حبيته .. ما اقدر انسى انسان ملك قلبي ... احمد ما عمري توقعتك جدي ... ياخسارة سنين عمري
احمد : هدي
هدى : وانت تركت مجال عشان اهدي .. لكن الله يسامحك .. واني من باجر
كنت بقول ليه ما اعرفك ولا تعرفني .... بس ما قدرت .. داس على قلبي .. لكن قلبي الوفي بيظل يموت عليه ..
احمد : كملي
هدى : بس الحين ممكن اصكة
احمد : لا امبيش تساعديني
هدى : اساعدك في ويش .. في موتي .. تبي تعجل في موتي .. تبيني اموت .. ؟؟؟
احمد : لا بس اللي احبها انتين تعرفينها
بعد اعرفها .. اني عندي رفيقة سمها هدى .. معقولة .. احمد بداها عليي .. هي وايد جميلة .. بس ليش ماكنت كافيتنه ..
هدى : احمد منهي .. اسمها هدى سامي
احمد : لا
هدى : انزين باي
احمد : بس ما قلت ليش منهي
هدى : اجباري تعلمني منهي حبيبتك
احمد : أي
هدى : ماامبي اعرفها .. الله يلعنها .. والله يلعني فكل دقيقة وكل ثانية .. لوعت حياتي .. بس اوعدك .. اوعدك خلاص ما بتشوف ويهي
احمد : لا انا امبي اشوفة
هدى : واني ما امبي اشوف ويهك .. خلاص .. كنت اقول اني مشتاقة لصوتك .. كنت قبل لحظات لو يعطوني الأرض اللي مشيت عليها اقبلها .. اما الحين .. فخلاص .. كل شي انتهى .. بس ياليت حبك مثل ما دخل قلبي بسرعة يطلع بسرعة .. واحمد .. كل الصور اللي تحت وسادتك باخذهم .. خلاص . انت ماليك حق فيهم
احمد : الا ذلين الصور
هدى :آسفة .. انت دمرتني بعد ويش تبغي بصوري .. اول بتحرقهم
احمد : عاد كيفي بحرقهم بنشرهم في النت شي راجع ليي
هدى : لا مو كيفك .. خلاص خلاص .. اني عطيتك قلبي امانه اما انته فيا للأسف خنقته وهو توه متنفس الحياه .. خلاص ..
احمد : هالصور مو على كيفش تاخذينهم هذلين صور حبيبتي
هدى : ههه انته تمزح او تبغي تتلاعب فيي اكثر .. خلاص .. الحين اني صار قلبي زجاج مكسر .. ومست((( انه يرد يلتأم
احمد : بس هالصور ما بتلمسينهم
هدى : امبلى صوري وباخذهم .. انت فاهم .. امليت عليي اوامر وايد .. والحين خلاص خلاص .. يمكن قلبي كله ليك بس ويش الفايدة والحين تكسر
احمد : بس انه احب هدى بت عمتي .. احب هدى بت عمتي اللي تسمع كلمتي .. هدى المطيعة .. هدى اللي ما تتقصد تروح المجمعات بعبايهفاتنه .. هدى للي عندها حجابها وسترها اهم شي .. هدى اللي حبيتها .. هدى الوديعة .. هدى اللي ما تعرف الهواش والصراخ .. هدى اللي رغم شطانتها الا انه اخلاقها الغالبة .. هذي هدى اللي حبيتها
رغم انه دموعي ما توقفت الا اني صرت اصيح بصوت .. احس انه احمد بيجنني .. وعمري ما بسامحة .. عمري .. تعبت .. وليت قلبي يوقف الحين .. ليت مري ينتهي الحين .. احمد قتلني .. وخنق قلبي .. وشنق حبي ليه .. احمد اني احبه لكنه ما احتفض بهالحب .. حتى لو قال ليي الحين احبش .. بس بس خلاص خلاص . تعبت .. تعبت
احمد : انا كنت امبي اقضي على هدى اللي تقول ليش البسي فاتنه ... امبي اقضي على هدى اللي ما يهمها مستقبلها .. هدى انا حبيتش انتين .. هدى اللي مثل الطفلة .. هدى الستورة .. هدى ارجعي مثل ما كنتين .. هدى اسمعي كلامي ..
هدى : خلاص يا احمد .. انت قضيت عليي وقضيت على قلبي وقضيت على حبي .. بعد ويش تبغي .. الحين جا دوري اطلب منك .. اول شي صك التلفون .. وثاني شي شيل رقمي من تلفونك .. وثالث شي .. شيلني من قلبك
احمد : آسف .. انه ما حبيتش عشان انساش
هدى : جداب جداب .. انته عمرك ما حبيتني .. بس تبغي تنتقم مني .. أي اكيد .. من يوم ما قال ليك عبدالله اني كنت بعلاقة وياه .. احمد اني اموت .. اموت وانته ما تحس .. لكن باليوم اللي بتفقدني فيه بتحس بقيمتي .. تسمعني .. اني الحين قاعدة في السيارة .. سمت شورك .. ما بغيت انزل .. عشان لا اكون فاتنة .. وكنت مقررة اروح اسوي ليي عباية ساده بدون شي .. بس انته سبقتني واعترفت ..
احمد : وانه ما انكر اعترافي .. انه اعترفت انه انا ما احب هدى اللي تتمشى في المجمعات وكل عيون الشباب تتلذ بجسمها .. ومااحب هدى اللي تحط ليها مكياج وكحل وتكون في احسن صورة وتتمشى في كل مكان .. انه حبيت هدى الطبيعية .. تفهميني .. انه اغار .. واليوم غيرتي زادت .. انه مو وياش في البلاد .. ما بشوف منهو اللي يطالعش عشان اقلع عيونه .. انه بعيد وقلبي يشتعل اكثر من النار .. انه جم مرة قلت ليش .. وجم مرة نهيتش .. مست((( تتكون علاقة زوجيه بيننا وانتين ما تسمعيني .. البنت اللي ما تسمع خطيبها هذي علاقتهم 100% فاشلة .. انه ما ابغي تكون علاقتنه فاشلة .. ابغيش تسممعيني واسمعش .. وهذا درس اليش ياهدى .. ولا تقولين عني قاسي .. بس امبي مصلتحش يا هدى ..
هدى :مو بهالطريقة يا احمد .. اني خلاص انتهيت .. وانتهيت على ايدك .. ومست((( ترد تدب الروح فيي .. يمكن اضحك واسولف بس من داخلي محطمة .. احمد اني رغم حبي الا انه هالمرة قلبي مو راضي يغفر ليك .. انته خليتني فرجة .. انته خليتني اصيح .. انته خلتني اموت .. انته خلتني جسد بلا روح .. انته خلايتني مجروحة جرح عميق لو ويش سويت ما بيتداوا .. خلاص ... احمد .. خلاص .. روح بشر اللي تحبها بأنكم بتعيشون حياه سعيدة بدوني .. بدون انسانه محطمة
احمد : انشالله الحين اقول ليه
اخذ جم ثانيه وواصل
احمد : انتين يا هدى ابشرش انه احنا بنعيش حياه سعيده اذا تعاونتين ويايي .. وانتين ياهدى بتكونين شريكت حياتي .. وانتين يا هى اللي بتسمعين كلامي .. وانا يا هدى اللي بسمع كلامش ..
هدى : دورها في مكان غير .. هدى اللي تعرفها ماتت تفهم ماتت .. روح دور ليك حبيبة غير .. اني مت خلاص .. واتمنى انك تحظر عزايي بيوم زاجك
احمد : يوم زواجي بكون وياش ومستحيل افارقش .. واذا انتين بتروحين أي مكان انه وياش .. انه مست((( اهدش .. لأني احبش .. احبش يا هدى انتين .. مو هدى القبلية .. مو هدى اللي كانت تعاندني ..
هدى : هديتني وخلاص .. انت حسستني بالفش وبخيبة الاأمل .. وبوجع القلب . ومست((( هالشي يتعدل .. وترى المجمع مافي سعوديين .. والحين خلط ويه روحك ...
احمد : من كل هالخطوات بس ما بندم .. هدى لو ما حبي ليش وخوفي عليش ما سويت جدي .. اولاً خوفي عليش من النار وغضب الجبار .. وخوفي عليش من كلام الناس .. وخوفي عليش من عيون الذيابة .. فكرت في هالموقف عشان طول عمرش ما تنسينه واذا اقدمتين على الخطأ تتراجعين .. اذا انتين بتهديني وهذا قرار من قلبش فهذا شي راجع ليش .. بس تأكدي 100% انه انا لو اعيش مليون عمر مست((( احب وحدة غيرش .. لو منهو قال ليش .. هدى .. انا اليوم امبي ابدا وياش صفحة جديدة . اصارحش بكل شي .. كل شي وما اخش عنش شي وانتين بعد .. انكون روحين ويه بعض .. من اليوم انتين تقولين ليي كل شي ... واروح وياش أي مكان .. وبخطبش .. انه ما اقدر ما اقدر ... ما اقدر استحمل .. جهزي روحش ويه منى هم في اسبوع احنا الثاني .. وبنسوي مثلهم .. وبعد ما نتأهل اثنينا بنتزوج .. بعد ما نتقرب من بعض ونكون انا وانتين احسن ثنائي في العالم .. بس تأكدي انه قلبي ما بيتطق بغيرش .. هدى اعترف ليش وبقلب مفتوح .. واول مرة اقولها ليش ومو خايف .. مو خايف من رجت فعلش .. انا احبش واعشقش ..
ما عندي رد .... بس ما اقدر اسامحة ولا ابدي وياه صفحة جديدة .. هو طعنني في قلبي بس ما داوا مكان طعنته .. ولو خطبني ابرفضة ابرفضة .. بكل اقتناع .. يمكن قلبي يقول ليي اني اعشقة واني فعلاً واحس بهالشي حتى في دمي .. لكن ما اقدر انسى .. جيفة اعترف .. جيفة عاملني .. جيفة خلاني اصرخ .. جيفة راواني فلم الرعب .. ما اقدر .
هدى : آسفة .. احمد .. مافي كلمة في العالم بتداوي اللي سويتة .. يمكن لمصلحتي .. بس انته خليتني اكره حياتي .. وخلتني اكره كل شي .. انته من لحظات حولت حياتي إلى جحيم .. خلاص احمد انته في طريق واني في طريق .. لأنه احنا عمرنا ما راح نتصافا او نتفق ..
احمد : متأكدة
هدى : أي
احمد : مع السلامة

وصكة .. ليت امي ما خلقتني .. ليت عمري انتهى .. احمد اني احبك ارجع .. اري انه كبرياء احمد مست((( يخليه يرجع .. بس احمد ارجع ارجع ارجع ارجوك .. اني احبك .. واقتنعت انه اللي سويته غلط .. والله ما اسوي شي الا اشاورك .. وما اعصي ليك امر فيه مصلحتي .. احمد انه في كل لحظة كنت تبغي مصلحتي .. وفي كل لحظة كنت تنصحني وفي كل لحظة كنت تمنعني ... بس احمد اني حسيت انه اني غلطانة .. وانه حركتي ناجمة عن مراهقة .. والله مافي سبب يدفعني اني البس عبايه ضيقة ... او البس عباية كلها تلمع .. او البس بدلات آخر موضة .. الا اني كنت استانس لما الشباب يطالعوني بأعجاب .. بس الحين يا احمد ارجع ..
كنت امبي اتصل فيه .. بس ما قدرت .. ما قدرت .. واني دموعي تنزل .. الكل يشوف وخصوصاً انه في ظوا النهار .. مر عليي سعودي .. مبين عليه لوفري .. لما انتبه اني اصيح طق الدريشة . وقال بصوت اسمعه
السعودي : شفيه الحلو يبكي .. تتفاده روحي ولا يبكي دقيقة
خفت وتجمدت .. خفت يسوي فيي شي .. مباشرة كان التلفون في ايدي . اتصلت إلى سندني وقت الشدة .. اتصلت إلى انسان اعز من روحي ..
ما شالة .. ما شالة .. تحول على البريد الصوتي .. كنت اصيح خايففة من السعودي .. ولأنه احمد ما رد عليي .. تركت مباشرة رسالة . ( احمد احبك واتفدى عمرك .. احمد اني محتاجتنك .. احمد ارجوك رد .. احمد .. ودخلت في دوامة من الصياح .. وحالة ما يعلمها غير ربي .. خايفة من السعودي .. وين شجاعتش يا هدى ..
كنت اصيح ونسيت السماعة في ادوني وبعد البريد الصوتي شغال ..
احمد : هدى
كأني اتخيل .. سكتت .. بس ما سكت من الصياح .. احس اني في حلمة .. اني يصير فيي كل هذا .. وكلة جبته لروحي .. اني غبية .. ما كنت افكر .. والله ويش فيهم اللي يلبسون دفه والله عباية واسعة احسن مني ..
احمد : هدوي بس لا تصيحي .. اتحمل كل شي .. الا صياحش .. دمعه وحدة من دومعش تغسل كل شي منش .. هدوي .. انه آسف .. انه قاسي .. هدوي انه استاهل أي عقاب منش .. بس كنت مستحمق .. هدوي ردي له
هدى : ا.. الـــ ، ... ـو
احمد : هدى ويش فيش
هدى : احمد اني محتاجتنك .. ليش رحتك .. حياتي من دونك عذاب عذاب عذاب عذاب .. ليش سويت فيي جدي .. ليش خلتني في هالموقف ..
احمد : هدى صايدنش شي
هدى : احمد قعدت اصيح .. انته قتلتني
احمد : بس لا تزيدين المي الم
هدى : بس انته المتني مليون الم .. واني ما قلت بس ..
احمد : هدى احبش
هدى : احمد في سعودي شافني في السيارة اصيح .. طق الدريشة عليي احمد اني خايفة
احمد : هدوي تأكدي انه البيبان مقفلين
هدى : مقفلين ..
احمد : اتصلي في فاطمة ومنى وقوولي ليهم يرجعون .. ولين رجعو .. غيرو البارك مالكم ونزلو كلكم
هدى : اني ما امبي انزل
احمد : انزلي
هدى : مفشلتني عبايتي .. احمد انته صدق عطيتني درس مست((( انساه .. خلاص .. اني من اليوم عجينه في ايدك .. بس لا تستانس .. ترد انته خاتم في صبعي .. وجدي نتساوا
احمد : السعودي ما راح
هدى : لا قاعد يتبسم
احمد : انعل امٍ جابته .. اتصلي في فاطمة واطلعو .. وانزلي .. واشتري أي شي خاطرش فيه ..
هدى : احمد سامحتني
احمد : لا انتين سامحتيني
هدى : اني ما عمري شلت عليك شي عشان اسامحك ,, احمد انته كنت تزفني واني اتأمل صوتك .. بس انته ما كنت تحس باللي احسة .. حسيت بالخيانه بالقهر بالخذذلان
احمد : يعلني الموت قبل لا اخونش
هدى : الموت فيي ولا فيك
احمد : لا تخافين مو فينا اثنينا ..
هدى : السعدوي ما راح
احمد : سوي اللي قلت ليش عليه .. بس ها آخر مرة .
هدى : من عيوني
احمد : تسلم لي عيونش وكلش
هدى : يالله باي بتصل في فطوم
احمد : هدى يا بعد قلبي
هدى : احمد
احمد : هدى
هدى : احمد بلا دلاعة
احمد : هدى بلا دلاعة
هدى : احمد مع السلامة
احمد : هدى ييا بعد روحي الله يسلمش ..
صكيته .. واني مستريحة .. وبعد ما صارو عويناتي حمران .. احمد شوي قسا عليي .. الا وايد .. بس اني من قبل قسيت عليه اكثر .. هو اليوم راواني اللي اراويه اياه كل مرة .. كل مرة اطلع وكل واحد يرقمني من صوب .. وهو متحمل .. اما اني اليوم .. لما قال ليي انه يحب وحده غيري جن جنوني . وحسيت اني بين الحيا والموت ... مسكين يا احمد أي كثر عانا ... يا بعد عمري يا احمد ... انته نور عيوني ..
اتصلت لفاطمة
فاطمة : احنا في مانجو تعالي ..
هدى : لالالا انتين تعالي ..
فاطمة : ليش
هدى : لما خلصت مكالمتي ويه احمد الا سعودي واقف عند دريشتي ومو راضي يتحرك انتون تعالو وبنغير البارك وبننزل كلنا
فاطمة : اوكي بس ثواني ..
اما اني فقعدت افكر في اللي صار .. احمد غلط .. بس اني استاهل .. احبك يا احمد احبك .. وانتظر اليوم اللي بيجمعنا أي مكان حتى لو كوخ .. وبكون اني وهو . وكل العالم ما يهمنا .. واني افكر طرش احمد ليي مسج :

عذاب الحب ينهيني وانا مالي سواك انسان
بكيت ودمعي بعيني من المخطي من الغلطان
يموت الحب بيديني مثل موت الشجر عطشان
ابي منك تواسيني حياتي لو دريت احزان
حرام انك تخليني مثل قصه بلاعنوان؟؟؟
احبش

طرشت ليه

أنا كلي تحت أمرك
خذ فرحي وهات همك
خذ ضحكي وهات دمعك
خذ عمري بس هات حبك
احبك

ولما ضغط ارسال الا في احد داخل السيارة .. تيبست وبسرعة رفعت راسي إلا هم فاطمة ومنى ..
ااااااااااااوه .. الحمد لله ..
هدى : هذا انتون
فاطمة : من عاطنش بكس
هدى : محد
منى : على من تصيحي
هدى : ما اصيح
فاطمة : علينه ... صدق صدق ليش تصيحين
ماليه داعي اقول اسرار حياتي .. هذي ملكي ولازم محد يعرفها
هدى : لما شفت السعودي واقف خفت .. نزلت مني دموع
فاطمة : كل هذا بس دموع
هدى : بتمشين او لاء
فاطمة : ابمشي ..
ومشينه وحصلنه بارك اقرب للمجمع ..
بس قبل لا انزل كان فيه غرشة ماي صحة .. اخذت ماي بسيط بحيث بس تترطب ايدي .. ومسحته على ويهي .. طلعت الكحل وحطيت ليي خط . ( بس عشان لا يبين انه صايحة ) حطيت ليي مرطب من الجاف اللي ما يبين لأنه اشفتي متشققة ... وما يبين واضح اني صحت .. بالعكس صار شكلي حليو .. لأني شوي على حمرا صايرة .. والكحل ..
وهذا اللي خلاني احس بالذنب .. لازم اصارح احمد بهالشي .. عشان لا اكون مذنبه .. هو يصارحني واني اصارحة .. وجدي نبني السعادة بالصراحة ..
هدى : منوي فيي شي لافت
منى : اشياء
هدى : صدق ويش
منى : خدودش الوردية .. عيونش المكحلة .. عبايتش اللماعه .. كلش على بعضش تلفتين .. بعلم اخويي
هدى : بعلمة قبل لا تعلمينة ..
ما رضيت عن شكلي .. بس دخلنه المجمع .. اني بروح الحمام
فاطمة : بنروح ويه بعض عشان لا تردين تشوفين سعودي وتصيحين ..
هدى : اوكي
رحت الحمام ..غسلت ويهي بالماي .. شوي من الكحل طار وما صار ملفت .. حطيت ليي كريم للوجهة .. عشان يبين وجهي طبيعي .. وبدون أي حمرة .. وبعدين مشيته بمناشف خاصة .. وطلعت من الحمامات بدون كحل واضح .. وبدون أي شي في وجهي لافت .. جدي اكون شوي راضية .. واكون سمعت كلام احمد ... ما امبي اطلع من شورة .. هو مردة بيكون ريلي .. وبطاوعة من الحين ..
دخلنه اكسسريز ومانجو وغيرة .. بس الطابق التحتي اطرينا نمر صوب القهوة وهالسوالف وكان مليان صبيان وسعوديين وعيونهم مشقحة في البنات
هدى : فاطمة بنروح من طريق غير
فاطمة :كان ودي بس مافيه المحلات اللي صوب المقهى فيهم اشياء حليوة .. ومايصير نروح
هدى : مو مهم نروح
فاطمة : فيهم كبابيس حلوين
هدى : والكبابيس ما يجون الا من هنيه .. آسفة اني ما اطوف احمد ما يرضى
فاطمة : اوه اشوفش اشتغلتين على الموضوع انتين بعد ..
هدى : ايه
فاطمة : هدوي ما عندنه حل ومردنه بنطوف حق نطلع صوب السيارة
هدى : ااااااااااااااااااااااااااف
منى : هدى امشي وعيونش في الأرض ولا كانش تشوفينهم ..
هدى : انشالله ..
وفعلاً ما رفعت عيوني ... ومشيت وراسي في الأرض .. ما امبي احد حتى يشوف وجهي .. الله يلعنهم من اوادم .. ما يجون الا لقله الأدب .. مشينه ووصلنه المحل ..
فاطمة : هدوي وويعة جدي في واحد يلحق ورانه
هدى : مو قلت ليكم
منى : ويش نسوي ..
هدى : من حقنا ندافع عن نفسنا اذا دخل ويانه وين ما نروح بيشوف .. بتصل لأحمد وبساله ويش اسوي ليه
منى : ووين راحت شخصيتش كل شي احمد
هدى : ما اسوي شي بدون شور احمد ..
منى : الله يدوم المحبه بينكم يارب
فعلاً دخلنه محل ودخل ورانه .. مصبنه آخر زمن .. والله قاهرني .. بس سكتنه يعني لمته بيل يلحقنا ..
خلصنا من المحلات وهو ويانه .. احنا من محل لمحل وهو ورانه ..
فاطمة : مادري ادوس في جبدة
هدى : اسمعو نتعاون عليه .. اني بنتف كشته .. ( شعره طويل شوي )
فاطمة : واني بدوس في جبدة
منى : اما اني فبصفق ليكم
هدى : واني لين خلصت من كشته بصفق على راسش ..
اتجاهلناه .. صار وقت الصلاة .. رحنا نصلي .. وتعمدننا نمهل ,,
طلعنه وشكله حصل فريسه غيرنا .. الحمد لله ... رحنا اخذنا لينا عشا .. وطلعنا .. واحنا عند البوابة .. شفت هى رفيقتي وياها ريم .. ياربي اليوم ذاكرتنها ..
هدى سامي : هلا هدوي .. هلا بالقاطعة
ريم : افا هدوي تروحين سوريا وترجعين ولا تقولين ليي
هدى : ههه مشاغل الدنيا
ريم : زعلت ..
هدى : ما عاش من يزعلش
ريم : جبتين ليي هدية عشان ارضى
هدى : واني انساش .
ريم : زين تسويين
هدى سامي : واني
تفشلت
هدى : اكيد انتين بعد ما انساش
ريم : امتى بتجيبين الهدايا
هدى : باجر اوصلهم ليكم لبيتكم
ريم : تعالي بيتنا
هدى : والله هالأيام مشغولة عرس اختي وخطوبت اخويي
ريم : عالبركة
هدى : الله يبارك في عمرش
ريم : يالله مع السلامة
هدى : الله يسلمكم
مشيت عنهم اني مو مصدقة رغم انهم ربعي لكن صفاتهم غير عن صفاتي .. هم كل سبوع يجون المججمع يفترون ويروحون السينما .. اما اني فالشهر مرة ... يا دافع البله وياربي تستر علينا .. اهم شي الستر هذي كلمة احمد ... صرت احب احمد اكثر لأنه فعلاً حسيته ضحى بحبي وجازف فيه مقابل ارشادي ومصلحتي .. يا احمد اني وين احصل مثلك ..

طلعنه ورجعنا البيت .. اما اني فما اكلت من اللي مشترينه .. كفايه عندي سوء تغديه .. اكلت رول ويه اشياء بسيطة وخفيفة ..
باجر قررنه نروح مجمع الرفاع .. وقررت اغسل عبايتي العادية عشان اروح بها .. رغم انه اني ما كنت البسها ..

الجزء الواحد والعشرون

الجزء الثاني

احمد
المانيا
---------------------
لما قال جاسم انه هدى اللي متصلة .. كأنه احد قايل ليي انك اسعد انسان في الدنيا .. كان ودي اكلمها .. بس المشكلة استحي اقول لجاسم .. وما في شي اكلمها في .. ياربي مشتاق لصوتها ..
وكانت لو تطلب مني الشمس او القمر اجيبهم ليها .. اه يا هدى أي قد احبش .. واي قد احس انه حياتي من دونش شقى وعذاب وما تسوى شي .. ( الحب اعما )
الحمد لله هي طلبت تكلمني .. وجاسم تشرط شروط بردها ليه انشالله عما قريب .. اخذتها وبس سمعت صوتها حسيت براحه عجيبة .. تمنيت اسمع صوتها في كل ثانية من حياتي ..
ولما قال ليي جاسم انهم بيروحون السيف وافقت لأني واثق من هدى كل الثقة وبعد من منى .. .. سألتها ان كانت لابسى عباية او لاء للتأكد بس .. لأنه هالبنية عندها هوايه انها ما تلبس عباية .. بس كانت الصدمة لما سألتها أي عباية وقالت الفراشة . . لو هي عباية مثل باقي عبايات العالم انجان وا صبراه وعاددي .. لكن في الأكمام في نقشات وفولك .. والخط اللي في العباية لونه وردي .. وصاير متين شوي وفيه فولك .. ووبعد فيها نقشة ناعمة كلش مثل اللي في الأيادي . في ورا الظهر .. ككل العباية حليوة وناعمة وجذابة ..
ما حبيتها تنزل المجمع ابها .. انا اعرف هدى ... كم مرة قلت ليها .. كم مرة حدرتها .. لين هديتها بتستانس يعني .. مو عدلة حركتها .. انه من سوريا محذرنها انها ما تلبس شي لافت .. وبما انها لابسة هالعباية اكيد بعد كحل في العيون وبعد شويت مكياج .. هدى وايد تعاند .. انه ما سويت فيها شي عشان تسوي ليي جدي . انه بغيت مصلحتها .. ومست((( ارتبط ابها اذا ما كانت تسمع كلامي .. رغم حبي ليها .. لكن ويش فايدة الحب بدون تفاهم .. هدى لازم شوي تحس انه اللي تسويه غلط ويغضب الرب وفي مثل الووقت يثير غضبي ويثير اللي يطالعونها .. عبايتها رغم انها الفراشة الا انها مو واسعة .. لا .. هدى انه خايف عليش حسي فيي .. ويش بيقولون الناس .. انه ويش بتكون ردت فعلي لما يقولون ليي الناس شفنا بت عمتك بغض النضر عن انها خطيبتي .. لما يولون ليي الناس شفنها بت عمتك في المجمع تتمشى وتلفت الأنظار .. اذا احد قرر يخطبها وسأل عنها مو بيقولون ليه جدي جدي .. غلط يا هدى غلط ..

انه اغار عليها .. ما استحمل اشوف احد عيونه عليها . احس بالموت .. احس بالقهر .. اكره نفسي .. ليش ما تحس فيي .. امبي اعلمها .. وامبي اادبها .. امبي اخليها تسمع كلامي .. وامبيها تطيع ربها .. وامبيها تسوي الصواب .. مافي الا طريقة . اثير غيرتها الجنونية .. وهذا درس ما بتنساه ..
لالالا انته ويش قاعد تفكر حرام علي .. البنيه صغيرة وما تفهم الصح من الخطأ .. انته فهمها يا احمد .. انته قلت ليها كذا مرة وما سمعت .. وانته تبغي مصلحتها .. جرب وياها هالطريقة .. لكن في احتما تخسر هدى إلى الأبد لأنها ما بتوثق فيك .. اهم شي عندي انه تكون هدى احسن بنت .. خسرت حبي برد اشتريه .. لكن هدى ما تضيع .. هي اذا تابعت بعض بنات الحورة بتضيع .. هدى عمرها ما كانت جدي .. هدى كانت عمرها ما فصخت العباية ... بس لما دخلت الثنوي اختربت شوي .. مااقول انها صار من البنات اللي والعياذ بالله .. لكنها صارت تطلع بدون عبايه .. تحط مكياج .. تطلع به في الشارع .. عطرها فواح .. انه ما امبي هدى جدي .. انه امبي هدى اللي حبيتها .. يمكن شكلها يعجبني جدي وايد وايد لكن ما اسمح لأي احد كان يتلذذذ بجمال هدى .. او يمتع عيونه بجسمها .. هي مو فاهمة الواقع .. لكن بقسي عليها شوي .. يمكن الحركة اللي فكرت فيها قاسية وما كنت مقتنع فيها .. لكن من حبي ليها وغيرتي عليها بنطلق لذي الخطوة ... هدى انه آسف بس انتين جريتيني لهالطريقة ...
قررت اني اقول ليها اني احب وحده غير .. وهو فعلاً انه حبيت هدى الي ما احد شافها غيري .. وما عمرها راحت مكان بشكل لافت .. هدى لازم ترجع لصوابها .. احنا مو جدي .. العائلة كامل .. احنا صح متحررين لكن مو لذي الدرجة .. احنا عندنا بنات بيروحون المجمع عادي ما تقول ليهم لاء .. خلهم يروحون .. لكن بشكل يخلي الناس تتكلم عليهم لاء والف لاء .. وبشكل يخلي الصبيان يستانسون بعد مليون لاء .. هدى ربت ويايي .. وبتبقى حبيبتي .. انه لازم اساعدها .. هي تضن انه اللي تسويه شي عادي .. لكن هالشي بأيدك يا احمد .. امنعها عشان حبك ..
فعلاً اتصلت ليها واصريت انها ترجع البيت .. وحتى ما تقعد في الباركات .. اصلاً قعدتها مو عدلة في الباركات .. وباركات السيف مو باركات مجمع البحرين ..
هي فتحت الموضوع وهذا كان احسن شي وسهل المشوار .. ادعيت اني احب وحده .. ولما كانت تقول ليي اوعدك اني اساعدك كنت متأكد انها جدابة لانه هدى ما تستحمل انها تشوف أي حرف على ايدي غير حرفها مو بعد اقول ليها احب وحدة ...
جن جنونها وكنت اتعذب .. ودموعي تنزل بصمت .. بس اتكلم بصوت يشمخ الجبال .. ولما قالت ليي بصوت كله صياح ومبحوح .. ( كفاية كفاية ) قلت خلاص بقول ليها كل شي .. بس ما بستفيد من اللي سويته .. قعدت اصيح .. وقلبي يتقطع .. حسيت بالحزن .. حسيت بالتعب .. بس ما عندي مفر ... انه امبيش يا هدى امبي وما امبي غيرش .. ونفسي ما تبي سواش ... لكن امبيش تكونين احسن البنات اخلاقاً ما انكر انش من احسن البنات خلقاً لكن انتين محتاجة لارشاد . .ابوش كان يدلعش .. بس انها حبش .. وحبي ليش بجنون .. ما امبي تسوين الغلط قدامي واسكت .. انه عندي أي شي عادي الا اني اشوفش تطيحين في النار واحامي عنش ..

هدى سامحيني على هذا الموقف بس انا مطر ..

في نهايه المكالمة .. لما اعترفت ليها بكل شي وقررنا نبني حياه جديدة .. بس هي رفضت .. انه اعترفت ليها انه انا احب هدى القبلية .. وهي تقدر ترجع هدى القبلية .. حسيت بالمهانة

وخصوصاً لما قالت هالعبارة :
هدى : آسفة .. احمد .. مافي كلمة في العالم بتداوي اللي سويتة .. يمكن لمصلحتي .. بس انته خليتني اكره حياتي .. وخلتني اكره كل شي .. انته من لحظات حولت حياتي إلى جحيم .. خلاص احمد انته في طريق واني في طريق .. لأنه احنا عمرنا ما راح نتصافا او نتفق ..

حسستني اني مذنب .. الحين انه اللي حولت حياتها لجحيم وانه امبيها امبيها .. امبيها تكون مثل ما هيه .. هدى الطبيعية .. مو هدى اللي تمشي ويه كل موضة وما يهمها ان كانت مستره او لا ... انه طلبت منها طلب .. بس هدى عمرها ما راح تسمع كلامي ..
واصعب كلمة قالتها ( انت في طريق واني في طريق ) مستعد اقاوم الموت ولا اقاوم فراقها .. خليت عزة نفسي تغلب .. ما تمننتها ولا قلت ليها شي .. مجرد متأكده وردت بالإيجابية .. ما كررتها عليها وصكيته ..
حسيت بالذنب . المفروض ما اسوي جدي .. لكن انا مو طالب شي غير مصلحتها ..... قعدت افكر ... دموعي تنزل .. لكني مسحتها .. مو الريال اللي يصيح عشان مرة .. مهما كان حبه ليها ... هي باعتني وانا مشترنها .. هي رفضت انها تحط ايدها في ايدي . لكن انه حركتي من البداية غلط ... لالالا مو غلط .. غلط لأنك كنت تبي مصلحتها .. لو اللي يسوي خير ينقلب عليه شر .. خلاص . ما بفكر زياده . احس انه راسي بينفجر .. شربت حبتين بندول وتسندت على السرير ...
يمكن حسيت بالذنب لأني سويت هالحركة بس انشالله تجيب نتيجة .. بس الشي اللي متأكد منه انه انا لو تنقلب السما على الأرض ما بتصل ..
غمضت عيوني وسبحت في عالم من الأحلام .. كانت احلام سعيده .. انه انا وهدى اسعد مخلوقين .. ما بيننا هواش .. هي عليها الفستان الأبيض ... وتمشي صوبة .. وراق الورد تتفلت علينا .. ياربي أي قد حسيت السعادة .. بس هذا الحلم الأمل ضعيف بأنه يتحقق ..
قعدني من هالأحلام صوت مزعج .. كان التلفون يرن .. ماليي زاغر اشوف من .. قعدت مكاني .. ولا تحركت .. بس توقعت انهم يملون ويقطعونة .. تحول على البريد الصوتي وهم ما صكوة .. ويش هالأرف .. وانا ما ادري من .. ياني صوت يقطع القلب .. صوت صياح .. كان صوت هدى ..
( احمد احبك واتفدى عمرك .. احمد اني محتاجتنك .. احمد ارجوك رد .. احمد ..)
حسيت انه هدى فيها شي .. مئات الظنون يت في بالي .. ( هدى تحبني وتتفادني ومحتاجه ليي ) ويش السالفة وظلت تصيح .. نقزت للتلفون الي كان صوب التلفزيون .. يوم اشدخ ابه .. تودته وكانت فعلاً هدى .. بس ليش تصيح .. لعنت الساعة اللي قلت ليها أي شي .. شلته بتردد .. خايفة اكون في مقلب .. خايف من أي شي راح يصير . قلت بحيرة
احمد : هدى
ما ردت عليي وكملت صياحها وكأنها ما سمعتني .. ما قدرت احتمل .. هدى تصيح .. وبصوت .. لكنه يقطع القلب ..
كملت كلامي .. وقلت ليها اللي احس فيه ومشاعري لما تصيح .. ردت عليي بتردد .. وكل واحد استسمح من الثاني رغم اني ما اشوف انه حركتي غلط لكن عشان نبتدي حياه صح لازم يكون في تنازل .. تواعدنا احلى تواعد واتفقنا احلى اتفاق . . . لأول مرة احس انه هدى فعلاً صادقة وانه حيتنا وحبنا بيبتدي من هاللحظة ..

ليتش يا هدى تحسين بذرة من اللي في قلبي ليش انجان حسيتين بأعجوبه الدنيا الثامنة .. يمكن تظنونين ابالغ بس هذا اللي احس فيه .. احس انه شي وايدد لهدى في قلبي .. آه من قلبي هالتعبان .. كل مرة اسمع صوتها او اشوفها او حتى صورتها تجيني وخزة في قلبي .. على طاري الصورة فتحت التلفون وقعدت اتأمل في صورتها اتأمل في شكلها . عيون الواسعة ... خشمها اللي صاير ويه ويهها ولا احلى .. كل شي فيها يجنن .. قعدت اتخيل انه هدى تدخل عليي الحين أي قد بتكون فرحتي .. بس المشكلة انه هالشي مست((( .. لكن ليش .. لو قلنا لأمي وعمتي وهدى ومنى يجون .. ويشترون اغراض العرس من هنيه .. بدلات روعة مكياج كل الأنواع .. بس الفستان يفصلونة والفندق يحجزونة .. والله خوش فكررة ..
قعدت افكر اذا يت هدى جيفة بتعامل وياها .. مني لين ما نخطب ما بكلمها .. وبخلي الشوق في قلبي يزيد .. ليت حبي لهدى كثر حب روميو لجولييت إلا انه اضعاف مضاعفة .. احس اني اكبر عاشق
وصدق الجسمي : والله ما يسوى اعيش الدنيا دونك .. لا ولا تسوى حياتي بهالوجود ....)
وانه تايه بين احلامي .. وجيفة بتكون المواقف بيني وبين هدى اذا جت المانيا ... مثلاً هي بتنزل من الأصنصير وانه بركب !!! ونتلاقى .. وعيونه تطيح على بعض .. اما هي فتستحي وتمشي .. ياربي ( صدق مخبول )
قعدني من هالأحلام جاسم وهو داخل .. خسارة كنت مستانس ..
المشكلة والظامة العضمى انه جاسم قعد صوبي واخذ تلفوني يتأمله .. وبعدين تذكرت انه انا ما شلت عن صورت هدى .. ولا .. حظرتي.. حاط برواز على الصورة كله قلوب .. يالفشيلة وايد مصختها ويه جاسم ..
وانه صدق غبي ليش ما بندتها من اول ما شفت جاسم
احمد : خير جاسم
جاسم : انته متى بتعقل
قلت وبكل وقاخة وبدون انتباه : لين اخذتها
جاسم : يا اخي اخطبها
احمد : بعدي ما كونت نفسي وانه ما سويت شي غلط .. انه مجرد صورتها وهيه عليها حجابها ومافي شي منها يطلع .. وما اظن اني غلط
مادري من وين جتني هالجرأه بس انه هالكلام قلته وخلاص ..
جاسم : أي غلطت يا خوي
استغربت اسلوب جاسم ..
احمد : في ويش
جاسم : هدى من يوم يومها ما ترضى احد يصورها .. بس انته لو طلبت منها صورة ما بترفض لك طلب .. وانته لو خبرتها كانت المسألة اوكيه .. بس بدون علم هدى
احمد : جاسم احنا كنا بنمشي
جاسم : انجان استأذنت
احمد : ادري انه هدى بترفض
جاسم : ولما تدري انها بترفض ليش صورتها .. انه لو قبل لا اخطب اختك توافق اني اصورها

اكيد لاء .. بس انه متكلم وياه بموضوع هدى
احمد : جاسم
جاسم : احمد انه كنت ادري انك تصور هدى .. بس سكت .. لأني ما امبي مشاكل واحنا على ويه سفر .. وكنت بقول ليك ونسيت ... هدى بنية عزبا .. ووجودها في تلفونك لو شافها أي احد بياخذ عنها فكرة مو زينه ..
ما عرفت ويش اقول لكن وياه حق
صكينه هالموضوع
احمد : جسوم امبي اقول ليك رايي
جاسم : ويش
احمد : ويش رايك نقول لأمي وعمتي ( امك ) وهدى ومنى يجون لينه
جاسم : لو الود ودي اقولك أي .. بس العرس .. وشيبتنه ما ترضى تترك عجيزها ..
احمد : عادي احنا نشور عليهم .. واذا على العرس ترى المانيا اغراضها احلى من البحرين .. ومكياج وفيها وكل شي هناك يقدرون يشترونه .. واحنا ما بنطول انشالله ..
جاسم : بصراحة ما يصير .. منى عليها سفرت عجم .. ويوم تروح تشتري الخلق . ويوم عندها بروفا على الفستان .. وفطوم اختي بعد .. عرسها يوم ثالث من رجعتنا

احمد : خسارة
بصراحة ياني احباط قوي ..... الحين انا مقرر ويش بنسوي .. صدق خسارة .. لكن بنعوضها في شهر العسل .
كانت المغرب .. رحنا لعبود المستشفى .. ومسكين بعده اشعة وهالسوالف .. بس الدكتور يقول وحسب كلامة انه شغلته مو صعبه ولا معقدة بالعكس وايد سهلة .. لأنه اسفل الضهر ما صاده شي قوي .. ولو كان شي قوي انجان مباشرة ما يقدر يمشي .. الحمد لله ..
طبعاً الحين هو تحت المخدر . . وامه بس مقطعتنه من الأتصالات .. كل حين تسأل .. هو لو جايبينها مو احسن .. الحين بتستجن ..
المهم .. رجعنا البيت وخسارة عبيد مو ويانه .. بس اخذنا عشا ( ورق عنب وهالسوالف حمص وتبولة ) من مطعم متخصص في اكل عربي .. بصراحة شي عجيب .. واحنا في المطعم شفنا اسرة خليجية .. لما شافونة استانسو الا طارو من الفرح
ولما درو انه احنا بحرانه بعد تضاعفت فرحتهم .. لأنهم هم بعد بحارنة ..
كانو ام وابو .. ووياهم بنيه فعلاً فعلاً غزال .. لكن هدى احلى ..
وينش يا هدى عشان تسمعيني اقول عن بنيه غزال .. بس هدوي احلى بــ 1000000 المرات .. هدى غير . هدى احلى بنية فيس العالم . بس ما رفعت عيوني ليها ابداً وتجاهلتها . رغم انه عليها ادب .. ما رفعت عيونها لأي كان
وبعد كان ويه هالعائلة صبي من قدنه وصبي صغير
الأبو : هلا بيكم يا الشباب .. هلا بأهل البحرين
احمد : هلا فيك يا عم
الأم : انتون من أي منطقة
جاسم : والله كل واحد منه من ديرة
الأبو : اها .
الصبي الكبير : ويش اسمائكم
جاسم : هذا احمد ولد خالي
واشر عليي
الصبي : هلا فيك يا احمد عاشت الأسامي
جاسم : وهذا سيد محمود .. رفيق ولد خالي الثاني .. والحين صار رفيقي
الصبي : هلا والله بسيدنا
جاسم : وما بقى الا انه .. واسمي جاسم .. انته ما عرفتنه على روحك
الصبي : علي ..
جاسم : والنعم يابو حسين
علي : ينعم بحالك
الأبو : انتون جايين حق المباراة او سياحة
احمد : لا يالعم .. والله احنا جايين ويه ولد عمي .. مسوي حادث وياي يسوي عملية
الأبو : ما يشوف شر .. والحين شخبارة
احمد : والله الحمد لله احنا من جم يوم نازلين .. والله يستر ..
جاسم : ما عرفتنه على روحك وعلى عائلتك وهالصغنون ( اشر هلى الياهل ) يالخال
الأبو : والله انا اسمي سلمان .. وهذي زوجتي ام علي .. وهذي بتي علياء .. وهذا الصغنون اسمه محمد
احمد : هلا بمحمد ..
وقعدنه وياهم والله خوش عائلة .. طيبين وكأنهم يعرفونا من زمان ..
جاسم : انته يالخال جاي حق مباراة
الأبو : انه ويهي ويه مباراة .. لا والله ولدي يبغي يروح المباراة . وبتي تبغي تتسوح .. وانه وزوجتي وصغنونة وياهم ..
سيد محمود : عجل يا بو حسين ويش رايك تمر عليي ونروح المباراة ويه بعض ..
علي : انتون في أي فندق ..
وقال ليهم سيد محمود احنا في أي فندق واتفقو يروحون ويه بعض
احمد : جاسم ابو محمد ويش رايك نروح وياهم
جاسم : والله انا مو مال مباريات .. بس بتودوني وياكم ما عندي مانع
احمد : افا عليك ولد العمه .. يالله كلنا نروح
جاسم : امتى اول مباراة
علي : باجر
احمد : لا ما اظنها عدلة نترك عبود
جاسم : أي فعلاً
ام العائلة : انزين يا ولاد انتون ما بتروحون لقريبكم طول الوقت .. روحو المباراة وبعدين روحو لنسيبكم .. وجدي تكسبون ثنين ويه بعض ...
ودارت لزوجها
الأم : اقول ابو الشباب ويش رايك احنا بعد نروح
الأبو : والله انه وياكم وين ما رحتون
يانه صوت انثوي ما اهتميت فيه وايد
علياء : بابا اني ما احب المباريات بتتركوني بروحي
اكره الدلاعة .. بس البنية امبين عليها انها جدي .. بس مادري ليش . . . ماطيق ولا بنيه غير هدوي .. آه منها هالعفطيه .. من صغرها وهي ماليه قلبي بحبها ..
الأبو : افا عليش يا بابا .. مو مهم اروح
علياء : لالا بروح وياكم .. اني اشجع بس البرازيل وباقي المباريات ما بروحها
البرازيل ما يحتاجون تشجيعها .. خخخخ .. ياناس امبي اقوم .. الحين لو تتصل هدى وتسمع صوت بنيه ويانه .. صدق بيجن جنونها ..
الطيب عند ذكره .. تتفداها روحي .. لما شفت رقمها على الشاشة ما صدقت . .استأذنت منهم وقمت بس الغوي جويسم ما خلاني في حالي
جاسم : ها وين يالحبيب
احمد : ابرجع
جاسم : وليش بتقوم
احمد : جويسم اهنيه فوضة
جدبه ... لانه المطعم ما فيه احد بعدها وقت على العشيات ..
جاسم : مافي فوضة واقعد
احمد : جسوم انا برجع ها .
ومشيت قبل لا ينقطع ..
شلته وقلبي يرجف .. إلا عافيتي كلها ترجف . ابسمع الصوت اللي يريح افادي .. وينش يا هدى .. احبش يا بت الناس حسيي فيي
احمد : الو ..
هدى : الو هلا احمد
احمد : يا هلا ويا مرحبا .. تدرين انه اليوم يو م تاريخي لأني كلمتش كذا مرة .. ياروح احمد ..
بس سكتت لأني قلت بجمع هالحجي لين ما نعرس ..
هدى : احمد كنت اتصل لجويسم بس لايمكن ..
احمد : افا يالغلا .. مو متصلة ليي
هدى : احمد ويايي محمد اخويي يبغي يسلم على جويسم
الحين فهمت .. يعني هدى محكور وما تقدر تسولف .. مسكينه .. حطيتها في موقف لا تحسد عليه ..
دخلت المطعم ..
من بعيد
احمد : الجسمي ..
دار ليي جاسم ..
جاسم : هلا
احمد : تعال ..
جاسم : خير
احمد : اعز الناس يبغون يكلمونك
جاسم : منوي
احمد : انثبر .. لاء هذي هدوي بعد قل
وما كملت .. بحاول امتنع ... بخزنها في قلبي ..
جاسم : كمل له
احمد : هدى في الخط
جاسم : ويش تبغي
احمد : تقول اتصلو على تلفونك بس لا يمكن .. ومحمد يبغي يسلم عليك
جاسم : اوه صدق اليوم يرجع حمود
احمد : خذها ..
وقعد جاسم يكلم محمد وانه على راسه .. على وعسا بعدين اكلمها واسمع صوتها .. بدل ما اسمع صوت ديك البنيه اللي يغث .. مادري ليش اكثرمن كل البنات صرت ما اطيقها ..
وبعد ما خلص جاسم
كلم هدى ..
احمد : بعدين بقول ليها تصبح على خير عطني التلفون ها
وبعد ما خلص كلامة وياها ..
جاسم : هدوي يقول ليش احمد تصبحين على خير
هذا بقتله .. يعني مافي امل .. عيل ليش مخلني اوقف في البرد ..
وبعد ما عطاني التلفون وسكرة
جاسم : تقول ليك وانته من اهل الخير والسعادة والعافية .. ولا تنسى تتلحف عدل ..
يا بعد عمري ..
احمد : وليش ما عطيتني اياها
جاسم : اللي كنت بتقوله قلته .. وثانياً انته ما خطبت اختي عشان تكلمها ..
احمد : مالت عليك ..
دخلنه .. وبس دخلت رفعت عيونها .. مادري ويش تبغي .. والمشكلة ما طالعت جاسم .. لا طالعتني اني .. وعيونها تدل على الفضول .. وبعد ما قعدنها .. وهي كل حين ترفع عيونها ليي
سيد محمود : ها صادتك الكهربا
احمد : ويا حلوها من كهربا .. ماعليه بستحمل الكهربا وبسمع صوتها
الأبو : خطيبتك
احمد : أي
الأبو : الله يه++م
في عيون باقي شوي وتهجم عليي .. هالعلياء .. انه بكبري مو طايقنها .. شكو فيي
بس حبيت اقهرها عشان ما تفكر فيي ..
احمد : اله يسلمك يا عم .. انه ماخذ خاطب اخت جاسم .. وجاسم خاطب اختي ..
الأبو : الله يه++م
سيد محمود : جسوم انته خاطب
جاسم : ايه
سيد محمود : مادريت
جاسم : ههه .. وانته خاطب
سيد محمود : لا معرس ..
احمد : تتغشمر
سيد محمود : لا من صدقي .. وعندي بنوته صغيره اسمها ولاء ..
احمد : الله يخليها ليك .. وعقبالي . .
سيد محمود : انشالله
علي : وانه بعد عقبالي ..
الأبو : ياولدي انته بعدك صغير
احمد : كم عمرك .. ؟؟
علي : 19
احمد : قدي ..
علي : ههههه ..
احمد : انته أي مدرسة .؟؟.
علي : النعيم ..
احمد : انه احمد العمران .. وخطيبتي كانت في المدرسة اللي قبالي .. الحورة ..
علي : اختي في الحورة
بل الله يستر .. جان مو تعرف هدى وتقصد ليها .. نظراتها ما تبشر ..
علياء : خطيبتك في أي صف ..
احمد : بتروح توجيهي ..
علياء : قدي ..
اف يا ربي .. بعد ..
علياء : ويش اسمها
مارديت عليها
جاسم : اسمها هدى الــ .....
علياء : أي اعرفها .. هي في الفرقة اللي جنبي ..
احمد : زين له ..
باقي شوي والفها كف .. مانه طايقنها .. احس بالنفور .. كريهة يا ناس .. ودي اعطيها بكس وانفخ خدودها واكسر اسنانها ..
علياء : جم نسبتها
تحقيق هو
احمد : وياش في مدرسة وما تدرين جم نسبتها
حطت عيونها في عيوني ..
علياء بدلع : ما كنت اعرفها عدل .. ولا ليي علاقة ابها
احمد : عيل ليش تبغين تعرفين نسبتها
علياء : ليش نسبتها ما تشرفك
احمد : انه كل شي فيها يشرفني .. عساها لو راسبة بس اهم شي عاطنها قلبي وعطتني قلبها .. واهم شي بيننا حب ما صار في العالم هدا اهم شي
طالعتني بحقد شديد .. وكأنها عصبت .. بس ما تهمني ..
احمد : وللعموم .. نسبت هدوي فوق الــ 95
زادت نظرت الحقد اللي في عيونها ..
علياء : مو خابرتنها شاطره ..
فقدت اعصابي .. جيت بهفها طراق .. بسبها .. بس جاسم هدأني وشفت نظرات امها وابوها .. ياربي ويش هالبرود بتهم غلطت على خطيبتي .. غلطت على هدوي
علي : علياء ويش هالحركة .. وانتين البنيه ويش مسوية ليش .. وثانياً خطيبها ما بيجدب .. وانتين ما بتنظرين من شطارتها ..
حاولت استفزها
احمد : وانتين جم نسبتش يالشاطرة ..
علياء : 93.5
احمد : تقولين عن هدى انها مو شاطرة .. اكي غلبتش .. ( وضحكت ) يالله شدي همتش وبنشوف من الأشطر
عشان اكسب امها وابوها وما اكون انا الغلطان
جاسم : اصلاً اختي من الروضة دائماً مميزة
علياء : مو لهالدرجة ..
لعنه ربي عليها .. هذي ما تستحي .. غصب بتطلع هدى مو شاطرة واكسل منها
احمد : الحمد لله .. الأنسان يقيسونه باخلاقه فوق كل شي .. وهدى اخلاقها ما فوقها فوق ..
علياء : عجل هذي مثاليه في كل شي
احمد : اذا في لقب اكثر من مثالية هذي هيه ..
سكتت .. الا ما عندها رد .. وباجر ما امبي اروح المباراة .. مادري ويش تسوي ..
احمد : علوي انته ويش اسمك الكامل ..
عشان باخذ اسمها وبسأل عنها هدى وبقول ليها السالفة .. ما بخش عنها شي ..
علي : اسمي علي سلمان الـ .....
زين .. طلعنه من المطعم وانه مو مصدق ..
رحنه البيت ودخلت اتسبح .. ومن بعدها بتصل لهدى ..
دخلت اسبح .. واحاول بسرعة عشان اتصل لهدى ..
طلعت من الحمام .. ومشطت شعري .. واخذت التلفون .. ضربت رقمها وانه مغمض ... حافض كل شي فيه ...
هدى : الو
احمد : هلا بهالصوت
هدى : هلا احمد ..
احمد : هلا فيش عيوني
هدى : خير احمد ؟؟
احمد : بوفي بوعدي وبقول ليش ويش صار اليوم
هدى : واني بعد بقول ليك ..
احمد : طيب بدي انتين قبلي ..
هدى : اليوم يا طويل العمر .. كان ويهي احمر من كثر الصياح .. وخصوصًا عيوني .. حطيت كحل عشان اخطي الحمرة .. وفعلاً بس صار شكلي حليو
يتني حرة ... الحين كل هالسالفة اللي سويتها لاويش ..
كملت ..
هدى : فطلبت من فاطمة ومنى اني اروح الحمام .. ورحت وغسلت ويهي عن الكحل وعن الصياح .. ومسحته بكريم .. وماصار في آثار للصياح او للكحل
احمد : بارك الله فيش
هدى : وبعدين اطرينا انه احنا نروح صوبي المقهى .. في البداية رفضت بس ما كانت عندي أي فرصة اخرى .. رحت بعد ما طلبت مني منى اني انزل راسي .. ونزلت راسي .. وما شفت أي احد .. لكن بعدين فطوم نبهتني انه واحد يلحقنا .. بس تجاهلناه .. وهو من محل للثاني ويانه .. واحنا حاقرينه .. وبعدين اذن ورحنا المصلى .. تأخرنا في الصلاة بينما هو استمل ومشى
احمد : نعم ما سويتون هالأشكال ما يعطونهم ويه
هدى : يالله قول ليي انته ويش سويت
احمد : قررنا نروح مطعم يطبخ اكلات عربية .. وتعرفنا على عائلة .. هي بس شوية طيبة .. ووياهم بنيه من اول ما وصلنه وعيونها عليي .. بغيت المح اني خاطبنش يا قمر
هدى : احمد ويش فيها هالبنية ليكون جميلة .. او كلمتها .. احمد قول
احمد : هدوي صبري شوي شوي ..
هدى : ماعندي صبر كمل
احمد : ولما اتصلتين استأذنت وقمت .. ولما رجعت كانت تطالعني بعيون فيها اتسفهام .. بس تجاهلتها .. قال ليي سيد محمود : ها صادتك الكهربا .. رديت عليه .. ويا حلوها من كهربا .. ماعليه بستحمل الكهربا وبسمع صوتها .. وعرفو انش خطيبتي .. كانت تطالعني بغضب .. بس ما عطيتها ويه .. ولما قلت ليهم انه كانت دارسنة متقابلة وانتين في الحورة ردت : ويايي في مدرسة .. المهم .. سألتني عن اسمش بس ما رديت عليها . بينما جاسم قال اسمش .. و قالت انش في الفرقة اللي جنبها .. المهم .. سألت في أي صف .. وقلت ليها بتروح توجيهي .. قالت بدلع . قدي ..
هدى : الله يغربلها غربال البين .. هذي ويش تبغي منك سودة الوية ..
احمد : ما عليش منها ..
هدى : كمل
احمد : سألت عن نسبتش بس انه قلت ليها (وياش في مدرسة وما تدرين جم نسبتها ) كملت دلعها وقالت انها ماليها علاقة ابش بس رديت عليها (عيل ليش تبغين تعرفين نسبتها ) قالت ليي وبكل وقاحة ( ليش نسبتها ما تشرفك ) انقهرت يا هدى .. كان ودي اعطيها صطار .. هالحمارة شكو فيي ..
هدى : بنات آخر زمن .. المهم ويش صار .. ترى قلبي يتقلى .
احمد : يليته في قلبي ولا قلبش
هدى : يالله حمو كمل
احمد : قلت ليها : ( انا كل شي فيها يشرفني .. عساها لو راسبة بس اهم شي عاطنها قلبي وعطتني قلبها .. واهم شي بيننا حب ما صار في العالم هدا اهم شي ياهدى قامت تطالعني بحقد وكره .. وعصبت .. اما انا ما اهتميت .. وبغيت بعد احرق اعصابها عشانش .. قلت ليها انه نسبتش فوق الـ 95 وهذا اللي خلاها تطالعني بحقد وكره .. تدري ردت بكل وقاحة وويش قالت .. قالت : مو خابرتنها شاطره .. انه هنيه فقدت اعصابي . كنت فعلاً بقوم وبعطيها كفختين .. ابكسر ضروسها .. بس لو ما نظرات جاسم عشان اهدا .. ادعيت الهدوء .. واخوها عن حساب زفها .. الا قولي كأنه يراشيها .. لوعت جبدي ونكدت طلعتي .. حاولت استفزها سألتها عن نسبتها وقالت انها 93.5 حريتها زياده وقلت ليها .. تقولين هدى مو شاطرة اكي غلبتش .. بس عشان لا يزعلون امها وابوها ويطلعوني انا الغلطان قلت ليها : يالله شدي همتش وبنشوف من الأشطر .. والله هيه ما همتني بس عجبني جاسم وهو يدافع عنش .. تخيلي ويش قال .. قال : اصلاً اختي من الروضة دائماً مميزة نكرت هالشي حظرتها وقالت انش مثاليه اذا فيش كل هالمواصفات .. بعد بغيت احرها . . وقلت ليها : اذا في لقب اكثر من مثالية هذي هيه .. ,, ما شفتين حرتها يا هدى .. ولا .. لا يفوتش يبغوني اروح في المباراه وياهم وهيه بعد بتروح ..

هدى : احمد .. احذرك انك تروح .. مافي روحة .. مدام هالبنيه جدي تباعد عنها .. الله يستر تورطك في شي عشان تطيحك من عيوني .. واني مو مستعده اخسرك
احمد : تخافين عليي
هدى : اكيد ..
احمد : هدوي لكن ما عندي عذر إذا ما رحت .
هدى : احمد لا تروح ..
احمد : من عيوني يا نظر عيوني
هدى : تسلم ليي عيونك .. وحاول ما تحتك ابها ..
احمد : حاظر .. وانه جم هدى عندي ..
هدى : احمد ويش اسمها
احمد : اخوها قال انه اسمها علياء .. واخوها اسمه علي سلمان الـ ..
هدى : أي علياء سلمان .. هذي اكثر وحدة تغار من البنات .. اذا شافت وحدها عندها شي يوم ثاني تجيبة وتسوي مثلة .. تخيل مرة فصولها والسبب انها متهاوشة ويه طالبة على صبي .. ووصلت السالفة للإدارة . ومرة بعد عطت وحده مخطوبها صور خطيبها وياها قاعدين .. احمد احذر ترى ما استغرب انها تجيب صورك وياها ..
احمد : افا تشكين فيي
هدى : اشك في العالم الا فيك انته ..
احمد : اتطمني يا هدى .. اذا اطريت اني اروح ما بقعد صوبهم .. او تدري بقترح على الشباب نروح المباراة الثانية ..
هدى : نعم الراي

وصكيته منها .. وفعلاً قررت ما اروح المباراة ويه هالعائلة وبعد قررت اقول لجاسم بعد عن حركاتها .. وحتى السيد .. رحت ليهم وهم قاعدين في حجرة سيد محمود
احمد : مرحبا ..
جاسم : هلا
سيد محمود : هلا واله بالمدافع عن الحب
احمد : ههههههههههه
قعدت
سيد محمود : هذي بنية .. والله جيفة اهلها راضين ليها تقول جدي .. اشكرى باقي شوي وتطب عليك من نظراتها
جاسم : والله لو هنيه هدى انجان شفتون الحرب
احمد : ههههههههههههه
جاسم : وايد لاحظت حراكاتها ودلاعتها
احمد : سيدان .. ويش رايك نروح المباراة الثانية .. وما نروح وياهم
سيد : مدام هذي حركات بتهم .. خلاص ما نروح وياهم
احمد : وانه اتصلت لهدى اسألها عن هالبنية
جاسم : ردينه
احمد : مجرد سؤال .. المهم وقالت انها مرة عطت بنيه مخطوبة صور لخطيبها وقاعد ويه علياء .. ومرة تهاوشت ويه بينه على صبي ..
جاسم : ويش هالدنائة
سيد : بس الحين اتصل لأخوها .. خوفه بعد توقف صوب أي واحد منه وتصور وتودي الصور لنسوانا وتخرب بيوتنا ..
احمد : أي والله ..
اتصل سيد محمود لعلي وقال ليه .. ومسكين هالصبي .. اصر انه احنا نروح وياه . بينما سيد محمود ادعى انه عبدالله باجر يحتاجنا وانه احنا مشغولين . بينما قال ليه علي عجل نروح مباراه بيوم ثاني .. بس قال ليه سيد محمود لا انه احنا ما نبغي نروح .. وصكة ..

فكة ..

كنت احس انه حركات هذي البنية مو طبيعة .. وكنت حاقد عليها من البداية .. نمت وانه مرتاح .. لأنه انا صارحت هدى وهدى بعد صارحتني ..

هدى
البيت
-----------------------------------
رجعنا من المجمع .. وتعشينا . ووصلنا منى .. وغسلت عبايتي .. ولما طلعت .. شفت غولة في الصالة .. رحت اشوف ويش السالفة .. الا امي لاوية على محمد اخوي .. رحت عشان احظنة .. لكني وقفت في مكاني .. اني جايه من السفر وطحت في المستشفى ولا اتصل ...
دار ليي عشان اروح ليه .. بس قلبي ما قدر هذا اخويي .. لو ويش يسوي بيظل اخوي .. ركضت وحظنته وقعدت اصيح .. وبعدين
هدى : جدي يا خوي .. ارجع من السفر ولا ترفع تلفون .. واطيح في المستشفى ما تسأل عني
محمد : والله سامحيني .. انه ما كان عندي وقت حتى اقعد .. مريت بظروف ما يعلم ابها الا الله ..
هدى : خير ..
محمد : كنت مشتري اسهم . . . وكان سوق الأسهم في الأمارات مرتفعة وبس رحت نزلت .. وماكان عندي أي فرصة اني ابيع ... وضاعت عليي بخساره .. وبيزات وايد
هدى : البيزات تتعوض ..
محمد : أي اكيد هو مبلغ ككبير شوي لكن الحمد لله احنا مو محتاجينه ودفعت بلى عن اعمارنا
امي : نعم ما تقول يا ولدي .. والله نخسر مال الدنيا كامل بس تكونون حواليني وقلوبكن على بعض ..
قعدنه نسولف .. ونسدحت في ريول محمد اخويي وهو يطالع التلفزيون بدلع .. وامي كانت توزع شاي عليننا .. اما اني فما احب الشاي ..
محمد : جاسم في وين
هدى : جسوم في المانيا
محمد : اوه صدق .. نسيت ..
هدى : خاطري فيه
محمد : انه بعد .. اتصلي فيه .. امبيه في موضوع ..
هدى : انشالله ..
اتصلت
هدى : لايمكن الأتصال
محمد : هدوي ردي عيدي ..
رديت عدت ومث النتيجة
هدى : لايمكن
محمد : اااااااف
هدى : ضروري
محمد : كنت امبي اكلمة في موضوع
هدى : تدري بتصل على تلفون احمد
محمد : وانتين من وينه ليش رقم احمد
هدى : ولد خالي .. حتى عبدالله عندي رقمة .. وحتى سامي رغم انه مسافر ,, وحسين بعد
محمد : اوه عيل دليل
هدى : تقدر تقول ..
ردقيت
هدى : هنيه مافي استقبال عدل .. رحت بره ..
وشاله احمد .. بدا يتغزل .. بس محمد جا ورايي .. ما تركت ليه فرصة .. ومباشرة قلت ليه ..
عطاني جاسم .. رغم اني ما شبعت من صوت احمد .. ولما عطاني جاسم سلمت عليه وعطيته محمد .. ودخلت يمكن موضوع مهم او سري ..
هدى : محمد .. بعدين عطني جاسم
محمد : انشالله ..
وكمل كلامة ..
بعد مده بسيطة ناداني محممد .. وسلمت على جاسم
جاسم : هدوي احمد يقول ليش تصبحين على خير
هدى : يعني يبغي يكلمني
جاسم : ماله داعي ..
هدى : انزين قول ليه وهو من اهل الخير والسعادة والصحة والراحة والحب .. وصه ياكل عدل .. ويتلحف عدل عن البرد ..
جاسم : انشالله انشالله ..
صكيته من جاسم .. ورجعت اسولف ويه محمد وفطوم ..
واحنا نسولف .. اتصل احمد ..
هدى بخوف : حمود الحين بروحمنو متصلة ..
محمد : وليش ما تكلمينها هنيه
هدى : عادي .. بس منى ساعات تقول ليي اسرار ..
محمد : اممم
ركبت .. وشلته .. صدق احمد في وعده وقال بيصارحني .. قلت ليه كل اللي صار من اول ما قطعة .. وجدي اريح نفسي .. وهو قال ليي نص الموقف .. يتني جلطة وعلة .. هذي ويش تبغي .. هالبنية في المدرسة معروفه بسواد ويهها .. كل يوم على صبي .. واللي يشوفها يقول هذي ملاك ولا تسوي أي خطأ ..
بس عجبني دفاع احمد عني .. وكنت فعلاً ما امب ياحمد يروح وياهم وحتى جاسم .. صكيته من احمد وتصلت لمنى اقول ليها انه هالبنية كانت ويه احمد وجاسم ..
منى : هدوي والله فيي النوم
هدى : عندي سالفة تطير النوم
منى : عن ويش
هدى : جاسم واحمد
صحصحت منى
منى : جاسم ويش فيه
هدى : اليوم راحو مطعم .. وشافو عائلة بحرانية .. راحو وقعدو وياهم .. وفي بنيه ما شالته عيونها عنهم او بالأحرى عن احمد توقعي منهي ..
منى : من هالمسودة المويه
هدى : علياء سلمان الــ ...
منى : بـــــــــــل هذي اللي ما تستحي على ويها جارت هلى اخويي وخطيبي
هدى : تخيلي ..
منى : حذرتين احمد منها
هدى : اكيد
منى : هدى ترى هذي في احتمال تدور أي شي تفرق بينكم او بيننا اني وجاسم .. وفي احتما تسوي ليش سالفة في المدرسة
هدى : ما تهمني ..
منى : واني وياش ياختي ..
وقعدنا نسولف .. وقررنا نلبس مثل العبايات ..
صكيته عنها .. واستسلمت للنوم ..

منى
بيتهم
-----------------------------
غطت عيوني .. ما قدرت اقاوم اكثر .. البارحة نايمة متأخر كلش .. واليوم قاعدة مومن الصبح لكن ما نمت الا شوي كلش .. رن تلفوني .. أي مزعج متصل الحين ..
رفعته الا هي هدوي .. ماكان ليي مزاج اتكلم بس هدوي عادي بقولها في ويهها .. قالت ليي السالفة اللي صارت عن علياء سلمان ومنها اني خايفة على جاسم واحمد واحمد بالخصوص .. مارضت تغط عيوني .. بكل السبل وبكل الطرق ما غطت ..فكرت اتصل لجاسم لكني استحيت .. تدرون بطرش ليه مسج ..
طرشت ليه مسج
( مرحبا جاسم .. ويش اخابرك .. بس انشالله ما ازعجتك )
عشان يتصل يا ربي يتصل ..
بس بعد عشر دقايق من الأنتظار رد عليي بمسج ..
( هلا بيش يا نور عيوني .. جدي اليوم ما اسمع صوتش )
ههههههههه .. تخجلني .. << احم احم ..
رديت عليه
( انته ما اتصلت )
تجرأت شوي ويش اسوي لازم اسأله ..
مباشرة اتصل ..
جاسم : الو
استحيت .. وبعد فترة بصيته
منى : الو
جاسم : هلا بهالصوت شخبارش منى .؟؟
منى : الحمد لله وانت
جاسم : انه الحين تمام .. الا فوق النخل
منى : هههه ( بمستحى ) بصراحة احس بحرارة ..
جاسم : جهزين روحش
بل
منى : بعض الأغراض
جاسم : ويش اشتريتين ..
منى : ما يحتاج اقول
جاسم : لا قولي
استحي ..
منى : شريت مكياج وعطور وثياب
جاسم : منى لا تقصرين على روحش في شي ابداً
منى : واني يعني مقصرة .. !!
جاسم : اهم شي لا تقصرين
منى : جاسم اليوم اسمع هدى تقول انه تعرفتون على عائلة بحرينيه
جاسم : بل صوبة وصل ليش الخبر
منى : ههههه .. وهدى تخش شي عني
جاسم : أي فعلاً التقيناهم
منى : جاسم مو تكلم بنتهـ
وما كملت
جاسم : ادري قال لينه احمد .. وترى انه مست((( اكلم احد وانتين شيخة البنات عندي . . .
بل يضرب مدافع ..
منى : ههه
جاسم: منى تكلمي
منى : ويش اقول
جاسم : أي شي .... خاطري اسمع صوتش
منى : والحين ما تسمعة
جاسم : أي بس لازم تتعودين عليي ..
منى : ومن قالك اني مو متعودة .. الا متعودة ونص
نفاق × نفاق .. اصًلا اني مستحيه اتكلم ..
جاسم : منى انتين تبغين اسكن ويه العائلة او في شقة او في بيت
منى : المكان اللي اريح ليك .. انته وين تروح اني وياك
جاسم : امبي رايش
منى : والله اني عندي عادي .. اسكن ويه اهلك ..... ترى اهلك هم اهلي وعادي وياهم وهدي بتكون ويايي .. بتسكن في شقة بعد ما عندي مشكلة بس على الأجار .. ما يحتاج نغربل روحنه بأجار .. نسن في بيت نعمة لكن ويد كبير علينه . لين توسعت العائلة بعدين نسكن في بيت ..

ما كملت كلامي واني مصدقة .. احس انه اني وايد جريئه .. جيفة قلت هالكلام ..
جاسم : افهم من كلامش ان السكن في بيتنا اريح
منى : جاسم احنا بعدنا خاطبين مني للعرس بنفكر
جاسم : عيدي ..
منى : ليش
جاسم : عجبتيني وانتين تقولين اسمي
منى : هههههه ..
وكملنه شوية دردجة وبس صكيتة بعد ما تطمنت عليه من هالبنية .. قدرت انام .. وبهدوء ..


انتهى الجزء في انتظار تعقيباتكم السكر يا سكر