شقى الحب بالبحراني

اشرت لجاسم .. وجا صوبي
جاسم : ويش مطلعنش ..
هدى : لا تزف ترى حد ولبي اخف ريولي وراسي يدور .. بس مدام منى تبغي تلفونها من سياره الـ ( نقط نقط ) احمد .
جاسم : اوكي ..
هدى : بسرعة مابي اوقف
جاسم : مدام عشان منى انشالله ..
هدى : آآآه منكم يالريا((( ..
جاسم : صبري ولا تتحركين .
هدى : يعني شايفني بروح اتمشى ع البحر .. لو بروح اتكلم ويه احمدو ..
جاسم : بس بس ..
صدق صدق راسي بينفجر احس اني مو قادرة اتمالك روحي .. بس بتماسك .. عشان منى .. ياما خدمتني .. وهذي خدمه بسيطه .. تستاهلها منى ..
حسيت بنظرات هالحثاله اللي واقف ويه احمد
بس اروح ابط عيونه ..
تقرب مني احمد هذا ويش يبغي ..
عطاني تلفون منى .. ما بغيت اسأله عن جاسم اكيد التهى بالسوالف ..
سحبته منى ومشيت بدون ما اعطيه ويه .. اصلاً ما يستاهل ..
دخلت وعطيته منى ..
مضت الليله .. وطلعنا من الماتم .. وبعدين رحنا كلنا بيت خالي .. ودخلنا الصاله العوده اللي فيها سفرت العجم .. دخلت منى وقعدت وكانت تسولف عادي .. وبس دخل جاسم كد هي ساحت .. حسيت انها مرتبكه والوانها متغيره .. طبعاً جاسم كان عنده قرأن وقام يقرا ع راسها عن الحسد .. وبعدين حب جبينها ويلس وياها .. شوي شوي بدت الجماعة تطلع من الميلس واني طبعاً آخر وحده ..
هدى : جسوم اثقل شوي
جاسم : احم
ههههههههه الأخ مستحي .. اصلاً ما يناسبه .. جسوم مستحي من من .. من منى .. هههههههه .. الصراحة نكته ..
هدى : منوي الله يكون في عونش ..
طالعتني منى بنظرة انقاد .. خلها مردها بتتعود .. سحبت ايدي يوم قمت ..
هدى : صدقيني اخويي ما يعض .. ولا يشمخ .. واظافيره تونا مقصصينهم
منى بخجل : اني ما قلت .. بس ويش عالنش ..
هدى : اشوف في ناس تطالعني وتقول ليي برا برا .. فغصباً عني بستحي وبطلع ..
منى : لالالا محد يقول ليش ..
هدى : على العموم اني فيي النومة باي ..
منى : ويش عايلنش ..
جاسم : لالا باجر عليش قعدة من وقت لازم تنامين ..
هدى : ترى اني فاهتنك ..
جاسم : هذا احسن شي فيش ..
طلعت من الصاله ورحت للحريم كانت هناك مرت خالي .. وحاطة عيونها عليي وما شالتها .. لا تخافين ما امبي ولدش ..

مرت خالي : اليوم هدى غاديه قمر
هدى : شكراً عيونش الأحلى
لا تلمحين ..
هدى : مع السلامة بمشي ..
امي : من بيوصلش ..
هدى : حمودي ..
مرت خالي : احمد ولدي ..
أي هذا اللي قاصر احمد ولدش الحثاله يوصلني وبعد ادلعه
هدى : لا طبعاً محمد اخويي
امي : الله يحفظش
هدى : اماه ما بتمشين
امي : مو الحين ما شبعت سوالف
هدى : عيل اني بمشي
ورجعت البيت .. مسحت المكياج وغسلت شعري 5 مرات عشان تطير منه وصاخت الصالونات .. وبعدين صليت ركعتين خيره .. وارتحت الحمد لله ..
نمت وما حسيت بدنيتي ..
قعدت الصبح الساعة 10 ونص .. الا تلفوني فيه خمس مكالمات من منى .. ومكالمه من جاسم ..
ادري منى بتقول عن الصالون ..
اتصلت ليها ..
هدى : هلا
منى : اهلين ..
هدى : بتروحين الصالون الحين
منى : أي انتظرش ..
هدى : هدنتين تسمعين .. احمد ما يوصلنا
منى : بخلي سامي ..
هدى : اوكي ..
منى : دقيقتين واحنا عندش ..
لبست عبايتي وحملت فستاني .. وصندل السهره واكسسواراتي .. وحملت عطر عشان ارش ع روحي ..
ضربو هرن .. طلعت بسرعه من البيت وركبت ..
سامي : هلا هدوي ..
هدى : اهلين سامي ..
سامي : شحوالش صرتين احسن ..
هدى : أي وين وين .. وايد صرت احسن وخصوصاً اني ما شفت ويه البومة اخوك ..
سامي : حرام عليش ..
مننى : اسكت عنها اذا جاريتها ما بتسلم ..
هدى : الله يسامحش ..
ارتحت لأنه مو احمد .
وصلنا الفندق خصوصاً لأنه مو بعيد وبعد شارع هاي ويه ..
دخلنا اني ومنى .. ومنى مهلو فيها .. لأنه تسريحتها صدق عجيبه .. وشعرها طويل .. ومسوين ليها تسريحه ما اعرف اوصفها بس صدق اني كنت احد المجبات ابها .. كانت روعه ..
هدى : اني امبي مثلش ..
منى : لا والله وجيفة اصير عروس ..
هدى : ماليي خص ..
منى : اوكي ..
هدى : امزح ..
كنت مسويه تسريحة ولأول مره في التاريخ . شعري مرفوع ومتدلي ع الظهر .. اني عجبت روحي .. وبعدين حطو لمنى المكياج قبلي .. وهيه وحده اللي تحط حليو .. بس اللي محطوط لمنى شي رهيب .. تطالعينها موسعين عيونها وبارزينها .. الوان اليك اب روعة .. وخصوصاً انه لون فستانها صدفي .. صاير اللون روعة .. لما لبست منى الفستان حسيت انها فعلاً عروس وانها خلاص ما عادت من الأوليه ..
كانت جميله .. وبالمكياج غاديه قمر .. واله اني ما صدقت انه هذي منى .. صدق انه هي جميله جميله من قبل .. وملامحها حليوه .. بس اليوم صايره احلى .. ماني مصدقة .. اذا تكلمني اقعد اطالع مككياجها .. وبعدين حطو ليها اكسسواره شعر صدفيه برزت التسريحه اكثر .. واني صدق كان مكياجي حليو وعاجبه روحي .. بس ولا شي بالنسبه لمنى ..
لبست فستاني وصدق كان رهيب .. لونه احمر .. وفيه حركات روعه .. أنا ما صقت اني طلعت جدي .. ومكياجي كانو حاطين ليي احمر طاغي وفي لون امبين العيون روعة .. انني هذي اكثر مرة حط عندهم ويعجبني مكياجهم ..
طالعت روحي بأعجاب ..
منى : لا تخافين مثل القمر ..
هدى : انتين احلى .
منى : شكراً شكراً ترى اني عروس ..
حطو لمنى الطرحة .. وهنيه خلاص .. منى انسانه غير غير
اتصلت لجاسم يجيها وطبعاً اني ما بروح وياهم لأنه معاريس ليش ارز ويهي .. اتصلت لمحمد وقال بجي ليي ..
مشت منى من العصر عشان يروحون يصورون .. اما اني فجهزت المغرب ..
مر عليي محمد .. اول مره اشوف محمد اخويي بهالطيابه .. هههههه .. مسكين هو كله طيوب ..
وصلني البيت وقعدت في حجرتي افكر وادور واحوم .. ما توقعت اجهز بهالسرعه ..
وبعدن محمد قرر يشلني اني وامي يودينا الفندق .. لأنه صارت الساعه 9 .. بصراحة اني فيي النومة .. والله ويش اسوي عاد النومه جتني ..
طلعت اني وامي .. وصلنا الدوبلمات ..
نزلت امي وكانت كاشخة .. امي ترى شكلها مو عجوز ولا كبيرة وايد .. يالعكس .. يعني اللي يشوفها ما يصدق انه عندها ولد قد محمد .. وكانت مسشورة شعرها .. وماشالله شعري امي غليض بس مو طويل وايد . وحاطه ليها قوز .. ولابسه جلابيه فاخرة .. يعني ككل طالعه مثل اختي ..
دخلنا الفندق بس ما وصل احد .. يوم نوصل كان 9 ونص .. وهذا بالنسبه لينا من وقت .. بدت الجماعة تتزايد .. وامي بس تسلم .. وجو بنات عمومي .. وكل وحده كاشخة شكل .. واني كنت مغطيه ع الكل .. وكل من سسألني عن فستاني من وينه وبجم والخلق ومادري ويش .. بس اني جاوبتهم ع بعض الأسئلة اما الباقي فمو من حقهم ..
التمت الجماعة وصارت الساعة 11 .. دخلت منى ووياها جاسم مباشره .. واني طبعاً ميوده منى .. اللي مسكينه ضاغطة على ايدي حدها .. بس مو مبينه توترها للناس .. كانت ملاك .. الكل يطالعها بصمت .. الكل مندهش ومستغرب .. هذي هي منى !!!
وصلو للكوشه ( خخخخ ) وفتح عنها الطرحة وحب جبينها .. وبعدين قامت الناس تسلم ..
وحطو البوفيه .. وبعد ما الناس ركدت .. وما قامت تاكل .. دخلو احمد وسامي وحسين وابويي وخالي يوسف و خالي حسين
وخيلان منى .. وهذا اللي خلاني البس .. سلمو وطلعو .. وبعدين حطو قصيده جاسم عادنها في منى .. ومن القاء شاعر كويتي .. والناس كلها كانت تسمع ..
كانت خطوبه حليوه بس دائماً الزواج تكون فيه حركات اكثر ..
طلع جاسم ع الساعة 12 بيروح لربعه عندهم رزفة اماراتيه ..
بدت الناس تنسحب لأنه صارت الساعة 1 ونص .. واني دخت .. بس بعدين البنات قامو يرقصون اما اني ماليي مزاج هالهرار .. رقص وهرار .. هذا اللي قاصر ما اشوف روحي الا ارقص قدام الناس ..
طلعنا من الفندق الساعة 3 الفجر .. وجاسم يا واخذ منى وطلع مادري وين .. المهم اني جتني النومة ومالي دخل امبي انام ..
اخذنا ابويي ورحت البيت .. ما صدقت قبل لا اسوي أي شي غير اني فصخت الصندل .. نمت نومه عميقه بدون ما احس باللي وحولي

جاسم
بيت خالي
------------------------
مريت على هدى .. مادري ويش بقول ليها وخصوصاً انه احمد قال ليي انه قاعد ويه بنيه وجيه .. بس أمني ما اقول لهدى .. قال بيحرق اعصابها وبيعذبها مثل ما شكت فيه .. رغم انه اختي ما تهون علي لكن السر مثل الأمانه ..
دخلت عليي هدى وحالتها تعبانه .. ويهها دابل .. مافيه البسمه المعتاده ..
سألتها عن اللي فيها عشان اخفف عنها رغم انه قال ليي احمد عن اللي حصل .. ما يهون عليي اشوف اختي جدي ..
وصلتها وقعدت بره ويه الربع ..
ولا شوي الا هدى طالعه .. وتبي تلفون منى .. رحت بجيبه وبعدين وصلو ربعي الأماراتيين فمن واجبي اني اروح ليهم عطيت التلفون احمد ووصله ..
لا تسألوني عن حالي اليوم انا فوق النخل وخصوصاً بعد ما وقعت ووقعت منى .. وصرت حليلها ..
يا ربي مو مصدق .. رغم هذا احس بضيق على اختي وحاس باللي تعانيه .. ودي اقول ليها هاتي من همش شوي احمله عنش .. وياليت هالشي يصير .
مشينا من الماتم ورحنا بيت خالي .. انا ادخل على نسوان .. عيل ويش بقول باجر .. دخلت على منى وانا مو مصدق .. اول شي قريت عليها المعودتين .. وبعدين حبيت جبينها .. ياربي منى صدق روعة .. مكياجها ناااااااااعم .. صايرة حليوه .. ملامحها باينه .. فستانها روعة .. بعدين طلعو الناس .. وظليت انا ومنى وطبعاً هدى اللي ما طلعت الا يوم دوبتني .. خخخخخ .. امبي اسأل منى عن شعورها وليش كانت تصيح .. قعدنا نسولف .. اول شي منى ابداً ما تكلمت وترد على قد السؤال .. وانا اهدر .. الصراحة يا جماعة انا قاعد بس بموت من الجوع .. واصلاً انا موصي احمد يجيب لينا عشا .. كنت بطلع ويه منى .. بس بمكياجها والحاله بتتأدى .. وانا امبيها تتغشى .. المهم .. وصل العشا .. ودخل علينا احمد ..
احمد : شخبار المعاريس ..
جاسم : جواعا ..
احمد : اكو وصل الأكل ..
حطاه لينا وطلع ..
جاسم : منى قومي نقعد مناك احلى ..
قامت ويايي وقعدنا صوب العشا ..
انا اكلت وهي ما اكألت شي .. كلهم في البدايه يستحون ..
جاسم : اكلي .
منى : اكو آكل ..
يوم خلصنا عشا دخلت الحمام اللي في الصاله وغسلت ايدي ..
جاسم : يالله امشي نرد نروح نقعد على الكراسي اللي صوب السفرة ..
لازم نغير جو ..
قامت مسكينه .. وقعدت صوب السفره .. وانا احس انه فيها النومة بس مستحيه ..
جاسم : انزين الحين انا بمشي ..
منى : ويش عايلنكك .
جاسم : عشان تنامين له ..
منى : لا ما يحتاج ..
ما صدقت تقول هالكلمه .. قعدت وياها .. شوي شوي اندمجت في السوالف ولا صارت تتكلم عادي بس بعدهي تستحي .. وخصوصاً اذا اسألها تحب أي الألوان عشان لين بنصبغ بيتنا . تستحي وتقول كيفك ..
بعدين صدق حسيت فيها انها تبغي تنام .. قمت ومشيت ..
رجعت البيت وما صدقت امتى شفت السرير وانخمدت عليه ..
ويوم ثاني فاجأني محمد بأمر الخيمة .. وهذي مفاجأة منه ومن هدى .. صدق مفاجأه ولا اروع .. مسكينه يا هدى .. كل ما اتذكرها قلبي يعورني عليها ..
بهذا اليوم بشوف منى بفستان الخطوبة .. وبمكياجها .. وما بيكون هالشي عيب . لا بالعكس حلال ..
مو مصدق عمري .. ياربي شقد احب منى واليوم صارت معزتها غير .. اليوم منى راح تتقاسم ويايي كل شي .. عساني لو اعيش على كسره خبز بنتقاسمها ..
كشخت آخر كشخة بعد ويش انا معرس .. وطلعت .. رحت اشوف الخيمه وكانت صدق روعة ويبين انه متعوب عليها .. يعني فيها ايسيه وايد وصاير المكان بارد .. وهيه ارضيتها سيده .. وكبيره وايد .. انا وايد عجبتني ..
ع الساعة 2 الظهر رحت البيت ولبست آكشخ بدله .. وهي بدله رسميه ..
وحملت ليي في جيس ثوب اماراتي .. حق اليوله ..
مريت على منى العصر .. الفندق عششان اشوفها اذا كملت .. وصدق كملت .. طلعت وكانت كاشخة بس ما تقدر تتحرك من الفستان .. انا ساعدتها .. وقعدت .. مدري ليش ياخدون فستان قد الدنيا ..
ركبت .. وانا حاط على السياره زينه وهالاشياء وبعد رايبون لأنها مو سيارتي .. انا عنددي الرنج .. بس لأنها رفيعه ع منى .. اخذت سياره فاطمة اختي .. لأنها موقفه عند البيت ..
كانت زينه السياره راقية .. مو شرايط وهالهرار .. لا ورد فاخر وانيق ..
دخلت منى ..
جاسم : تقدرين تفصخين ..
منى : افصخ
جاسم : أي شيلي عنش الحجاب ..
منى : لالالا ما يحتاج ..
جاسم : لا تخافين على السياره خافي ما يبين منش ولا طفطوف
منى : اكيد
جاسم : ولو ..
فصخت منى وبينت كشختها .. صدق عجبتني .. مكياجها روعة روعة روعة روعة فأكثر .. وتسريحتها .. هي طالعه ملاك ..
انا عجبتني بس مو مهم تعجب غير ..
اللهم صل على النبي .. ما امبي اطق البنيه عيون ..

منى : مو كأنه التكيف وايد ..
جاسم : اوكي ..
نقصت عليه ..
وصلنا الستيديو .. نزلت ورحت فتحت الباب لمنى .. وطبعاً بعد ما تغطت عدل ..
يودتها من ايدها وساعدتها انها تقوم .. وحسيت بمعاناتها مسكينه الفستان وايد ثقيل ..
نزلنا ودخلنا الستيديو .. واشوه احنا جايين من وقت .. فما كان فيه احد ..
بدت المصوره تاخذ صور .. والله سخيفة .. حظرتها تلمس ويهي .. وتعدل وضع ايدي ..
جاسم : لا تلمسيني .. اذا بغيتيني اسوي حركة قولي لمنى تعدلني ..
الفلبينيه : مايسير
جاسم : جب وكملي التصوير ..
قالت كذا حركة بس منى اعتذرت انها تسويها .. تستحي .. خخخ .. هذي حياها وايد بالشنه ..
خلصنا التصوير عند المغرب .. وبدو العرسان يتجمعون ورا بعض .. بشكل كبير ... مادري امتى بيخلصون ..
طلعنا ورحنا الفندق قعدنا في حجره انا ومنى .. وشوي شوي بدو الأهل يدخلون علينا .. امي تشببنا وبعدين جا زام مرت خالي بعد .. لين ما اختنقنا .. وبعدين جابو البخور .. من كل الأنواع .. وبعد رشو ع منى عطور وايد ..
وبعدين ..
جاسم : امتى نطلع ..
منى : بعدنا ..
جاسم : كأنهم مطولين ..
منى : ليش مستعيل ..
جاسم : ورايي رزفة ويوله ..
منى : بسكم عاد
جاسم : لالالا الا اليولة .. وانا عازم الربع اكيد وصلو
منى بزعل : انزين روح ..
جاسم : اروح واخليش .. تروح روحي ولا اخليش ..
بتسمت منى ابتسامت مستحى ..
جاسم : احلى شي فيش حياش بس ساعات يزيد عن الحد ..
ابتسمت منى .. بس ما تكلمت ..
دخلت علينا هدى هالمسكينه .. وايد حاس بمعاناتها ..
وبعدين قعدنا شوي وقالو يالله دخلو ..
وانا ماليي زاغر انتظر قلت ليهم مرة وحده بدخلها
دخلت وكل الأنظار علينا .. كنت شابك اصابيعي بأصابيعها .. وبس دخلنا قدام كل الناس .. شدت منى اصابيعها علي بخوف ..
واخيراً وصلنا للكراسي .. بس المشكله انه احنا ما بنقعد .. بعد برفع من على ويهها الطرحه وهالسوالف .. انا خايف ع منى .. لأنه الفستان وايد ثقيل .. وهي ضعيفة ..
جاسم بمساسر : تعبانه
منى : خايفه
جاسم : لا تخافين عادي انا وياش
ابتسمت منى .. وطبعاً هدى صوبها .. مسكينه هدوي .. متحمله كل شي ..
بعدين فتحت ويهها وكل شي .. ومتى امتى طلعت .. لاعت جبدي وانا قاعد وسطت نسوان يتراوا ليي غلط ..
بعدين دخلو احمد وسامي وحسين وابوي وخالي وخالي حسين وخيلان منى .. كلهم باركو .. وطلعو وطلعت وياهم ..
طلعنا انا واحمد .. عشان نروح الخيمة
جاسم : احمد هدى وايد تعبانه لازم تتصرف او انا بتصرف
احمد : يعني ويش تبغاني اسوي .. باعتني الحق وراها ..
جاسم : احمد ..
احمد : نعم
جاسم : كون ريال وواجها بالحقيقة ..
احمد : ويش اواجهها .. هي رفضت تسمعني ..
جاسم : كانت معصبه ..
احمد : والحين مشوطه بعد ما كلمت بت خالتي
جاسم : وانته الله يحفظك ليش تكلم بت خالتك جدي
احمد : احرها .. ادوبها
جاسم : انته مافي قلب
احمد : قلبي مات
جاسم : مبين .. ورجاءً اختي لا تعذبها اكثر اللي ياها منك كفايه ..
احمد : لا والله وانا اللي شفته قليل ..
جاسم : احمد رجاءً ما اقدر اشوف نظره الحزن بعيون اختي ..
احمد : ولا انا
جاسم : عيل فكنا
احمد : اختك ما تسميني الا الحثالة ويش تبغيني اقول ليها
جاسم : دافع عن نفسك
احمد : كنت اقول يمكن بتتقبل الموضوع بس الحين مستحيل مست((( تتقبله
جاسم : ااااف منكم الشره مو عليك ع اللي يعور راسه وياكم ..
وصلنا الخيمه .. وهناك نسينا كل الخلافات .. كانت الأغاني شاله المكان ..
ويو الربع الإماراتيين هزاع وحمدان وراشد .. وماشالله ما قصرو .... قامو ييولون .. وانا بعد وياهم ومحمد اخويي وحسين ولد خالي وسامي .. كلهم .. رزفة ويولها ..
حطو اغاني عيضة بطلب من هزاع .. وقامو ييولون .. اما انا اكتفيت بالمشاهدة .. ال كل ارتبش ..
ع الساعة 3 اتصلو البنات عشان اروح لمنى .. مريت عليها .. وطبعاً انا كنت تعبان وهي بعد .. بس بعد ما تعشيت عشانها .. مريت المطعم واخذت عشا محترم .. بعدين رحنا بيت خالي وهذي عوايدنا .. انه ليله الخطوبة المعرس والعروس يقعدون في بيت العروس ..
دخلنا .. وطلبت منى انها تروح تبدل .. وراحت بدلت ولبست جلابيه مثل لون المفساتن << عشان المكياج ..
قعدنا نتعشى ونسولف .. يوم اذن اذان الفجر صليت وطلعت .. ورحت بيتنا عشان استريح ..
مرت الأيام وانا ومنى كل يومين نلتقي .. وبعدين طلبو يروحون يشترون اغراض المدرسة .. ومحد بيوديهم غيري لأنه هدى ما تبغي تروح ويه احمد ..
اول شي رحنا السيف .. اخذو ليهم مثل الجواتي .. بس شيلات ما حصلو ..
وكانت حركتنا بسرعه بسرعه لأنه ماباقي عن المدرسة شي ..
في يوم ثاني .. رحنا نفصل المرا((( .. << والله كأني انا اللي بروح المدرسة ..
وطبعاً وديناهم خياط هدى ع قولتها ما تسميه الا خياطي .. وعطيانه الخلق .. منى قاست لهدى وهدى قاست لمنى . وبعد ما خلصو ..
الخياط : ما يجهز الا تاريخ 4\9
هدى : مو ع كيفك المدرسة 5 وانته تجهزهم 4
الخياط : انتو في أخر
هدى : مافي امبيهم تاريخ 2
الخياط : ما يسير
هدى : امبلى .. تاريخ 2 امباهم جاهزين
الخياط : اوكي تاريخ 3 ..
هدى : لاء
جاسم : بس هدى
هدى : ما تسمعه .. تاريخ 3 ما يمديه يعدله اذا احتاج تعديل ..
الخياط : لا في تايم ..
هدى : اكلم اخوي .
جاسم : انزين ايصير تاريخ 2
الخياط : لا بابا ما يسير في ناس واجد يبغي مريول .. الحين هذي يبغي مريول تاريخ 2 وفي ناس واجد تاريخ 2 . يعني يجي ناس ومريول ما يجهز ؟
اختي عنديه ..
هدى : انزين تاريخ 3 ..
الخياط : انته تعال اذا برز برز ما برز تعال 4 ..
هدى : حووو كل حين تزيد يووم
جاسم : بس بس امشن ..
منى : جاسم ما يصير يجهزون تاريخ 4 ما بيمديه ايعدلهن ونغسلهم ونكويهم ..
هدى : أي صح ..
الخياط : انزين تعال يوم 3 انا في سوي ..
طلعنا من الخياط بعد ما شاب راسي من هالبنات .. وبعدين يبغوني اوديهم مارينا .. الصراحة انا استمليت ما يصير احد ياخذ عني هالمهمة ؟؟
وديتهم مارينا ودخلو لايف ستايل .. وهدى قامت تجمع ليها دفاتر الواحد بـ 1.900 الى 2.500 .. بينما منى قالت انه اسعارهم مبالغ فيها .. اكتفت بمقلمه ورديه . وهدى مثلها ..
جاسم : هذا الجيس زين للعبايات
هدى : أي عبايات
جاسم : عباياتكم ..
هدى : ما نلبس في المدرسة
بانت الصدمة ع ويهي .. ويش كبرهم وما يلبسون ..
جاسم : ويش ما تلبسون .. يا خلف عمري .. عيل فصلي ليش عبايه انتين ومنى لأنه هالسنه بتلبسون
هدى : يعني اذا احنا نطلع من المدرسة وندخل السياره على طول ومنى السيارة للمدرسة بعد ليش نلبس
جاسم : حشمه ووقار ..
منى : هدوي اني السنه يمكن البس
هدى : منوي بلى دلع .. الحين ليش تلبسين واحمد هو اللي يوصلش
جاسم : وانتين ابويي مخلي ليش سايق يعني لازم تلبسين
هدى : لا مو لازم السايق بيسوق .. وثانياً المريول تحته قميص وما يبين مني شي .. واني ما بلبس ..
جاسم : اوكي اوكي .. حشى
هدى : هههههه
وطلعنا من لايف ستايل ..
ودخلنا شو مارت .. بعد اخذو ليهم كم جوتي مادري ليش 100000 جوتي ..
وبعدين راحو ساره واخذو اقمصة ..
طلعنا من مارينا
هدى : جسوم
جاسم : اكيد تبغين شي
هدى : ايه
جاسم : قولي
هدى : امبي اروح الوزان بشتري ليي نظاره
جاسم : نظرش ضعيف
هدى : لالالا .. بشرتي نظاره شمسية ..
جاسم : عندش ثنتين
منى : قصدك مليون .
جاسم : ويش تسوين فيهم
هدى : كل يوم نظاره
جاسم : بلى دلاعة ولعب بنات .. انتين مو رايحة يخطبونش ..
هدى : لازم اكشخ واتفنن ..
جاسم + منى : ههههههههههههههههههههههه
رجعنا البيت وانا هلكان ..
مرت الأيام وكملو البنات اغراضهم وانا مو مصدق .. بينما هدى ما اسمعها تطري احمد ابداً وكأنها تتناساه .. وانا بعد ما احاول اذكرها لين ما تهدى اعصابها ..
باجر المدرسة والبنات جابو مرا(((هم .. وصدق طلعو مرتبين .. وخصوصاً انهم مسوين القصة اللي في المريول طويله وطالعه مرتبه ...
اول سنه اعيش اجواء المدرسة جدي ..
بس واخيراً خلصو .. انا انقهرت يوم قالت ليي هدى انهم ما يلبسون عبايه .. وخصوصاً هي .. منى بتركب ويه اخوها بينما هي بتركب ويه غريب .. بس هدى ما اقدر افرض رايي عليها .. لأنه فوقي اللي اقوى مني وهو ابويي وهو مدلعنها اكثر من فاطمة .. صدق انه فاطمة الكبيرة .. لكن محد نال قد حب هدى .. هدى اخذت الحب كامل عنا .. يميزها بشكل غريب .. حتى اذكر مرة كان مقرر ياخذ ليه سياره .. وكلنا قلنا آرائنه وهدى قالت رايي يختلف عنا .. ابويي سوا رايي هدى .. رغم انه كلنا كان راينا واحد .. بس لأنه هدى الصغيره لازم جدي .. وما بخش عنكم انه هدى اجملنا .. وتاخذ من ابويي وايد .. بس ما عليه اهم شي انا احبها مثلها مثل باقي اخواني رغم اني فعلاً ساعات احس انها المميزه .. لأنها هي اقربهم ليي .. وانا اقربهم ليها .. ومحمد كلش قريب من فاطمة وعندها كل اسراره وهو بعد .. الله يدوم المحبه

هدى
البيت
---------------------
باقي يوم واحد عن المدرسة .. وامس رحنا وجبنا المرا((( .. وفعلاً كانو روعة فأكثر .. اني عجبني هالدزاين .. ومنى بعد حتى جاسم ابدى اعجابه ..
ما اخش عليكم مشاعري .. انها ما تغيرت صوب احمد وببقى احبه وبنتظر اليوم اللي بجي يدافع عن نفسه .. بس احاول اتناساه بكل الطرق .. ومن يوم الخطوبه ما شفته ابد .. ولا احتكيت فيه ..
نمت من وقت لأني لازم اقوم 5 الصبح .. غمضت عيوني واستسلمت للنوم .. لأني كنت قاعدة من وقت ..
قعدت افز .. لأنه اول يوم مو مسأله شطاره .. عندي متعه واني اطلع الأغراض الجديده .. واني البسهم .. طلعت القميص المكوي والمريول .. والجوتي من الكبت والدولاغ .. والشنطه ( بحري غاطق وفيها وردي ) ومقلمتي بعد ما ترستها اقلام ..
الساعة ست الا ربع كنت جاهزة ..
نزلت تحت وتريقت وطبعاً محد قاعد .. طلعت برا الا السايق ينتظرني لأنه صارت الساعة 6 وربع ..
ركبت السياره وطبعاً خان صاير مؤدب .. لأنه ابويي عطاني اياه .. واخذ جديد ..
مرينا ع منى تبع الأتفاق .. وكنت خايفة اني اشوف احمد .. بس الحمد لله ما شفته .. ركبت منى ..
منى : سلام
هدى : عليكم السلام ..
وطبعاً منى ما تقل كشختها عني ..
تيسرنا للمدرسسة .. ع الساعة ست ونص وصلنا .. دخلنا المدرسة وكان اول يوم عجيب كل وحده تكشخ اكثر عن الثانيه ..
مضى اليوم بسرعه ..
ومضت الأيام الأولى .. وجى يوم الناصفة .. وطبعاً اني اشتريت ليي ثياب عاديه مو مثل كل مرة بس بعد حليوة .. اشتريتهم من مجمع البحرين جينفري انجان احد يبغي يروح .
ما كنت بكشخ لأنه فاطمة بعدهي في شهر العسل .. ومنى بتطلع ويه جاسم .. ما بقيت الا اني بقعد ويه امي .. بقسم كسكبال وجاكليت ع اليهال ...
كنت فاله شعري << من كثر البرد .. .ومطلعه ليي قصه مرتباً ومتدرج طولها .. من قصيره اطول اطول لين ما تصير طويله ..
لبست بدلتي وقعدت ويه امي .. واذا جا احد اعطيه .. بس مافي ناس وايد جونه .. لأنه بيتنا في مكان جديد مافي ناس وايد ساكنه ..
ع الساعة 10 ونص رجعو جاسم ومنى ..
منى : هدوي قومي نطلع
هدى : لالالالا ماليي مزاج ..
منى : يالله عاد ..
هدى : لحظة بجيب عباتي ..
وطبعاً هذي عبايه جديده مفصلتنها في دنيا العبايات .. عماني عاديه .. بس الكم مالها في زيج .. والزيج عليه خرز مشكوك ..
نزلت الا منى تنتظرني وجاسم راح ويه ربعة ..
طلعنا وقمنا نمشي .. اني وهي اني ساكته وهي ساكته . لين ما شفت الدمرانه ريم وهدى سامي ربعي بالمدرسة ياربي .. وبس درو انه منى مخطوبة صارو ربعها ..
جت ليي ريم وقامت تسلم عليي وتضحك بصوت عالي ...طبعاً في شلت صبيان واقه تنتظر الحسناءتان .. ومن هالشلة الدمرانه علي ولد عمي .. آخ يالفشيلة .. تجاهلته .
ومشيت عن هالحثالة
علي : شخبارش هدى
هدى : زينه
ومشيت عنه
وبعد ما طوفناه
منى : ههههههههه .. جان كفختينه بعد
هدى : مفشلني مغازلجي ما ضل احد ما لاحقة .. والله يفشل .. منى : خله يولي ..
قمنا نتمشى للساعة 11 وربع وبعدين حسينا الوقت تأخر فرجعنا البيت ..
مشت منى واني انخمدت .. ولا ادري بالدنيا ..
مرت الأيام .. ويا شهر الرحمة والبركات .. وبدو المسلسلات والعبادات .. وبدا مشوار الأختبارات ..
كانت الأيام تركض واني ما اهتم بشي غير دراستي .. ما افكر في احد ما اشغل روحي .. ليل نهار دراسه .. صرت حافظة الكتب .. ولا عت جبدي بس ما عندي شي غير ..
وصلت ناصفة رمضان .. وما صار فيها أي احداث تختلف عن ناصفة شعبان .. بس الفرق اني ما طلعت .. لأنه منى ما مرت عليي اصلاً قعدت طول الوقت بروحي .. وتوني حاسه انه خلاص ماليي احد .. بس بعد ما بيهمني هالشي ..
واصلت دراستي .. وواصلت صومي يوم ورا يوم واني ما احس لا بجوع ولا بعطش ..
قرب العيد ورحنا نشتري ثياب .. ما كانت ليي الرغبه .. بس اشتريت ليي من برومود .. بدله كمها طويل وفيها حركات شوي .. وبعدين رحت اخذت وياها شيله ونعال .. خلصت بسرعه لأنه ماليي مزاج .. كل شي معوضتنه في الدراسه .. وخصوصاً انه نسبتي اللعام كانت اوكي بس امبي اجيب فوق الـ 97 .. التجاري سهل واني عندي اللغه .. وهذا اهم شي ..
قرب يوم العيد واني ابداً ما كنت متشوقه ليه .. كنا نتجمع في بيت خالي يوسف يعني لابد اني اشوف احمد بس بتجنبه قد ما اقدر ..
اليوم هو يوم العيد .. لبست وتبخرت وكشخت .. طلعت من الحجرة .. الا جاسم بعد كاشخ
جاسم : عيدش مبارك ..
هدى : الله يجعلك من العايدين والسعيدين ..
حظنته .. وبعدين مشيت ..
طبعاً اني كنت حاطة ليي جحل وقلوز .. وكحل تحت العيون ع لون بدلتي ..
وصلنا بيت خالي ع الساعة 10 الصبح .. اشوه ماكان احمد قاعد في الصاله سلمت وركبت اشوف منى ..
دخلت حجرتها ..
منى : بسم الله
هدى : الله لا يروعش
منى : ويش هالكشخة ..
هدى : انتين احلى ..
منى : ثنتينا حلوين ..
هدى : المهم اليوم اني ما بطلع من حجرتش ..
منى : لــــيــــش !!!!
هدى : ما تدرين اني ما امبي اشوف الموقر اخوش ..
منى : حرام عليش اليوم العيد انسي كل الخلافات ..
هدى : انسى كل شي الا هالخلاف ..
منى : كيفش ..
بعدين نزلنا واطريت بألحاح من منى .. قعدنا وتغدينا .. واني ابداً مارفعت راسي لأحمد ولا حتى شفت ويهه .. بعد الغدا سحبت منى وطلعنا ..
العصر طلعو جاسم ومنى .. وظليت وحيده . . بس الله رحمني انه فاطمة رجعت من شهر العسل .. قعدت وياي شوي وهي بعدت لحقت ريلها .. بعد ما تأكد انه الشباب طلعو من البيت نزلت تحت والتهيت بالسوالف ويه العيايز ..
المغرب مر عليي جاسم ورحنا السينما هو منى .. وكانت الصدمة انه هناك احمد وعبدالله ومحمد اخويي وسامي .. كلهم قاعدين .. وسامي هذي آخر الأيام ليه مسكينه ويرجع ..
الشباب في طاوله واني ومنى في طاوله .. بس بدى الفلم دخلنا وكان عالم .. كل الناس يايه لأنه عيد .. الفلم كان كوميدي والكل يضحك بس اني اداري همي .. بس اني احسن من ناس وايد .. الحمد لله على ما بليتني به نعمه منك ياربي ..
اني تعمدت انه ناخذ درجة ارفع من الشباب عشان ما يشوفونا ..
خلص الفلم وطلعنا ..
منى : ويش رايش فيه
هدى : عادي ..
منى : أي عادي الا رهيب انتين ما شفتين البطل جيفه
هدى : أي بطل ..
منى : أي نسيت انش في خبر كان ..
هدى : ايوه ..
الشباب راحو القهوة واني ومنى مالقينى محل من الإعراب لينا < متأثرة بالدراسة ..
وصلنا جاسم ورجع منى بيتهم بينما اني رجعت وانخمدت .. صاير النوم هو ملجئي ..
قعدت في يوم ثاني وكنت قاعده في البيت احظر واكتب واجباتي اللي تراكمت مال شهر رمضان .. واسوي بحوث .. وكان هذا مشواري في عطله العيد ..
بيوم ثالث قرر جاسم انه يطلعني بس اني وهو ..
طلعنا وفعلاً استانست .. ورحم الله والديك يا جاسم فرجت عني .. عقب رحنا البحر . .وكان الجو شوي ابرد .. كان الجو عجيب الا روعة ..
غمضت عيوني بوناسة .. ابنسى همي ولو شوي ..
عقب رحنا مسجد وصلينا وماشالله وايد ناس هناك ..
طلعنا ووقفت انتظره عند السيارة
وبعدين يوم مليت اتصلت فيه ..
اني كنت عاطيه المسجد ظهري عشان ما اكون ملفته ..
جاسم : هلا ..
هدى : اهلين وينك يا اخي ..
جاسم : انا وراش ..
درت الا هو ورايي يعني ممكن اني اشوفه بس هو مو قريب ..
هدى : عيل باي ..
صكيته وشوي الا هو موصل
جاسم : ها خليتش تنتظرين
هدى : لا عادي ..
جاسم : يالله نركب ...
ركبنا الرنج .. ومشى ..
جاسم : تبغين نروح مطعم
هدى : ما امبي اثقل عليك من الصبح طالعين
جاسم: انا من زمان امبي اطلعش .. وانشاء الله اذا شفت وضعش يتحسن وتزيد نسبتش كل اسبوع بطلعش من الصبح لليل .. واذا بغيتين بنجيب منى
هدى : لالالالا.. صدق انه الطلعه بدون منى مو شي .. بس بعدين تروحون بروحكم و تنسوني .. بعد مخطوبين .
جاسم : ههههههههه
مشى ورحنا تعشينا في بيتزا هات ..
خلصنا اكل ..
جاسم : بترجعين لو بعد تبغين نروح مكان ترى انا اليوم مخصصنه حقش ..
الوقت كان 10 وربع .. واني بعد ما اقدر اتأخر اكثر .. لأنه بروح اكمل بحوث .. وبعد بنام ما اقدر اتأخر ع النومه .. بس طلعتي ويه اخويي ما تتعوض
هدى : كيفك اذا تعبت نرجع
جاسم : لالالا ابداً ما تعبت ..
واصلنا مشوار وكنا في السيارة .. رن تلفون جاسم وشاله حسيت انه متخلبط او ما يبغي يقول ليي من المتصل
ولا شوي الا هو صارخ ..
جاسم : احمد افهمني .. انت ويش فيك ..
احــمــد !!!!
ويش صاير وويش السالفة ..
صكه منه بقهر .. واني ماادري ويش السالفه
جاسم : بنرجع البيت
هدى : اللي يريحك ...
حسبي الله عليك يا احمدو جان نرفزت اخويي ..
وصلنا البيت
هدى : ما بتنزل
جاسم : لا عندي مشوار ويه هالتعبان
هدى : اوكي
ما بغيت اتسال اكثر عشان ما ابين اهتمامي باحمد وهو مثل ما قال جاسم مجرد تعبان .. واني الأيام اللي بعدتني عنه بتنسيني اياه ..
دخلت حجرتي وفتحت شعري عشان يتنفس ولبست بنطلون وقميص .. وانخمدت لأنه احس الوقت تأخر ولازم ما اخرب نظام نومي .. مهماً كان ..

رحت في سابع نومة ..
مرت الأيام وانتهت اجازة العيد ورجعت المدرسة ومرت الأيام وتبعتها الأشهر .. واني ع حالي .. كانت علاقتي في المدرسة بمنى كلش قوية .. لأني اتخذت مع نفسي قرار انه علاقتي بأحمد ما بتأثر بعلاقتي بهدى ..
كانت منى وياي في قاعه بس طبعاً ما بيخلونها صوبي لأنه بس هدرة وضحك ونجنن المعلمة ..
كانت صوبي وحده سمها ماهل ( ادري مستغربين ) .. في بدايه السنه كنت اضرب عليها نغزات واعيب ع اسمها واقول انها مغرورة . بس شوي شوي تقربت منها .. وصارت صديقة ليي .. حتى اني قررت اروح بيتهم .. وهي بعد رحبت بفكره انها تجي بيتنا .. كانت منى تغار شوي من علاقتي بها بس شوي شوي انظمت ويانا وصرنا نتمشى مع بعض .. بس ساعات نمشي بس اني ومنى وخصوصاً انه منى هي مركز اسراري .. واللي عجبني انه منى صايره تقول ليي كل اسرارها وكل مشاعرها .. واكتشفت انه صداقتنا اني ومنى اكبر من أي شي ثاني ..
كنت في المدرسة . صدق اني شاطرة ومتفوقة لكني من اشطن البنات ..
دخلت المرشده الأكاديمية وهي تقريباً صديقتي لأنها توها متوظفه .. وكانت تزف البنات ع الشطانه الي يسونها .. خبركم يعني بنات قليلات ادب وبالحورة ( مأساه )
المررشده : كل المدرسات يشتكون منكم .
هدى : أي أي كله يسون فوضة ..
ماهل : وانتين اولهم
هدى : ولو مهولة عاد سككتي احنا ربع
منى : ماهل جدابه هدى اصلاً عمرها ما تكلمت
هدى : أي صدق ما اتكلم ..
ماهل : ماعليه انتون بتشوفون ..
طلعت المرشده بعد مما زفت كل البنات .. وقبل ما تطلع .. قمنا وقفنا احتراماً ليها .. وصفقنا ع الزفة ..
ابتسمت ليي وطلعت ..
ولا جفت الا ضربه من ماهل
هدى : هي ماهل وويعة يدي ليش تضربيني ..
ماهل : انتين صبري ..حتى منى يبغي يضربها
ماهل عجميه وتكسر في الكلام .. لكنها ماشالله جمال لأبعد الحدود .. ويبين عليها عجميه .. وزياده عن جدي في الصف ما تلبس حجاب وشعرها ساايح .. اكثر مني ..
اتقربت منه منى .

منى : هلا والله الربع
ماهل : انتي صبري . تقولون اني جدابه ..
منى : أي ..
وقامت منى تركض وماهل تركض وراها ..
ماهل وهي تركض : ويقول انتي مخطوبه .. انتي مو لسانج اطول عنج ..
دارت ليها منى وطلعت لسانها ( بحلست عليها )
منى : اسكتي ما تعرفين تتكلمين
وقامو يركضون ..
دخلت( أبله ساميه ههه ما نسميها الا ابله خخخ )
وشافت منى تركض وماهل وراها
الأبلة : منى وش هالياهلة وماهل بعد .. روحو اوقفو ورا بسرعة
هدى : ابله اوديهم للمرشده ..
الأبله : لا تقولين ابله
هدى : عيل ويش اقول ..
الأبلة : قولي استاذه
هدى : حاظر ابله .. قصدي استاذه ..
الأبله تكلم منى وماهل : وانتون روحو اوقفو ورا ..
راحو وقفو ورا .. واني آخر كرسي .. قعدت اتعلف بهم . وبس تدور الأبلة ( خخخ ) للوح اسوي ليهم حره .. وابحلس عليهم ..
عاد الأبله دايرة واني قاعدة ااشر ليهم وما شفت الا ثنتين يتضاحكون ..
درت الى الأبلة ( خخ ) جايه صوبي ..
الأبلة : هدى قومي اخذي منى وماهل وروحو المرشده قولو ليها احنا مسوين شطانه
هدى : اوصلهم وارجع ابله
الأبلة : لا انتين بعد خلي المرشد تزفش
هدى : حاظر ..
طلعنا من الصف
ماهل : فكه
منى : آي ريولي تعورني ..
ماهل : ريلي تعورني آآي آنه بعد
هدى : تكلمي عدل .. آنه .. وع .. ريلي .. وع
منى : ههههههههههههههههههههههه
ماهل : بلى دلع ابي اتكلم شراتكم ..
منى : ولا عمرش
هدى : حرام خل نعلمها
منى : اوكي ..
وغمزت ليي ..
ماهل تخلط في كلامها وساعات تتكلم عجمي لأنها ما صار ليها وايد في البحرين
هدى : اسمعي اذا دخلتين ع ابله ساميه او أي ناس قولي الله لا يمسي بج بخير
ماهل : فاكريني هبله ..
منى : لا ابد .. بس صدق .. احنا البحارنه اذا بمنمسي بحد نقول ليه الله لا يمسك بالخير
ماهل : خوب خوب .. الأبلة يايه
وقمنا نركض ركيض .. ونزلنا من الدري ورحنا لمرشده .. دخلنا نضحك ..
المرشدة : كالمعتاد مطرودين
هدى : أي
دخلت علينا ابله ساميه متنرفزة
ماهل تبغي تلطف الموضوع
ماهل : الله لا يمسي بج بالخير ابله ..
هههههههههههههههههههههههههههههههههههههههههههههههههه ههههههههههههههههههههههه .. من غبائها صدقتنا .. هههههههههههههههههههههههههههههههههههههههه
تفلقعنا من الضحك والمرشدة ويانه ..
اما ماهل فانحرجت .
ماهل : ليش تضحكون ..
المرشده : تقولين للساميه الله لا يمسيج بالخير .. ليش ويش مسويه
ماهل : امبي ليها الخير ..
وانهد علينا ضحك ..
ماهل قامت تسب بالعجمي .. رديت عليها وقلت ليها ترى افهمش .. استغربت ..
وقمنا نتكلم بالعجمي وقلت ليها انه هذا مقلب .. اول شي تنرفزت وبعدين نست الموضوع
المرشدة : يابنات تكلمو عربي
هدى : ماهل ما تفهم ..
ماهل : بلى افهم
هدى : خوب خوب
سكتت ماهل ..
منى : بتتكلمون عربي اهلا وسهلا ..
طبعاً هنقاش بعد ما طلعت ابله ساميه
المرشده : بس ارجعو ارجعو ..
هدى : مافي مافي .. لين خلصت الحصة بنرجع ..
المرشده : لالا الحين
المرشده كان اسمها هيفاء واحنا بدون مقدمات نقول هيفاء
هدى : عاد هيفاء ما نطيق حصتها
ماهل : أي صدق اني ما احبه
منى : بس بس عيب هذي ابلتكم الأبله العزيزة ساميه

دارت بيننا نقاشات وسوالف هالمرشده خوووش وحده .. قعدنا نسولف وطق الجرس ورجعنا .. الحين عندنا فراغ قعدنا ندور في المدرسة .. شفنا شله بنات متجمعه ما تقربنا صوبهم لأنه ندري انهم طايحين حظ ..
قمنا نتمشى في الساحة ورحنا الأماكن الممنوعة .. لازم هههه لأني اشطن بنيه .. وهبلهم ..
كنا صوب السور مال المدرسة الا في صبين يحاولون يدخلون المدرسة .. بل يالشرده .. بس ماهل ما تسكت ..
تدرون انه ما كان عليها حجاب .. بس عجميه .. واذا تطلع تطلع شعرها وساعات تطلع بدون
ماهل : هي هي انتون وين يدخلون
منى : انسحبو ترى والله انادي المرشدة ..
صبي : ما تخوفونا ..
كان شكلهم جنقل ..
هدى : اما اني مالي بارضهم سخيفين
صبي : الحين بحط راسش وبدوس عليه ..
الصبي الثاني : لحظة انا اعرفهم ...
الصبي الأول : من ؟
الصبي الثاني : هذلين اللي كانو يركبون ويه حمود ..
ويش ..
منى : أي حمود واي غيره
الصبي : احمد يوسف الــ ..
هذا احمد .. معقوله هالشباب يعرفونه .. اكيد شافوه لأنه احمد عمره ما ارتبط بهالأشكال .. رغم انه احنا ع خلاف بس اني اعرف احمد .. يمكن مسأله اني اشوفه ويه بنيه تصدمني لكن ما بيصادق هالأشكال .. لكن تدرون كل شي جايز
منى : لا تييب طاري احوي ع لسانك
الصبي : هوهوووو .. خوفتيني .
ماهل انسحبت .. ولا شوي الا هي راجعة ويه المرشده .. زين تسوي
منى : واخويي مكرم عن هالشكال ..
اني بعد بدافع عن احمد مهماً كان
هدى : وهالإنسان باذات لا تجيب طاريه ع لسانك القذر
وصلت المرشده ..
هيفاء : ويش صاير ..؟
هدى : هذول يحاولون يدخلون مدرستنا .. وزياده عن جدي يسبون في ناس غالين ..
الصبي : ليش هو حبيبش ..
اهنيه توقفت كل احاسيسي .. كل شي يمكن حتى دقات قلبي .. حسيت بالحنين لأحمد .. هو كان حبيبي .. بس ما قدرت استوعب اللي قاله .
المرشدة : عيب تقول لبنت جدي .
انسحبت منهم ورحت الصف .. وع ويهي علامات الصدمة والدهشة والحنين واللوعة وكل شي
لحقتني منى ..
منى : ويش فيش ..
يودت ايدها وطلعنا نتمشى ..
هدى : حسيت بالحنين لأحمد من هالكلمة الي قالها .. صار خاطري فيه . بس بعد اتذكر موقفه واكره .. منى اني تعبت من حياتي صار ليي اشهر ما شفته .. احس بوله ليه .. خاطري اشوف بس ويهه .. بس لما اشوفه ولو في الصور .. اذكر قعدته ويه البنيه .. ابتسامته ليها .. الرساله .. كل شي !!!
نزلت مني دموع ..
مسحتها منى .. كنا قاعدين ع الدرج ..
منى : لا تخافين .. الله بيفرج همش انشالله .. بس انتين اصبري .. جم يوم وندخل في عطله الربيع ..
هدى : أي بس ما امبي اشوفه
منى : توش تقولين تبغين تشوفينه
هدى : خايفه خايفه واحبه .. احبه والله احبه .. اتمنى اني اكون دقات قلبه عشان اكون داخله .. اتمنى اكون الهوا اللي يتنفسه عشان هو يدخلني بأرادته .. اتمنى اكون كل شي بحياته
منى : ومن قالش انش مو كل شي بحياته وانش مو دقات قلبي .. وانش مو الهوا اللي يتنفسه ..
طق الجرس ورجعنا للهم ..
طلعنا من المدرسة ومرينا ع الأسواق اللي صوب المدرسه اني ومنى وماهل ..
واحمد يوقف صوبها .. اني ما كنت امبي اروح عشان ما اشوف احمد بس اصرار منى خلاني اروح ..
دخلنا البراده الا الغبيين اللي كانو في مدرستنا داخل البراده هم وشله
رحنا اخذنا كولا
الصبي : شوفو شوفو ديك ام شيله بيضا ( يقصدني ) هذي حبيبه احمد يوسف الـ .. اللي يسولف عنها دوم .. وهذيك اللي صوبها ( منى ) هذي اخته
تقرب منا صبي : انتين صدق حبيبته .. يعني احمد يعرف يختار ..
درت عنه ..
ولا شوي
منى : احمد جا ..
درت اشوف الباب الا احمد داخل لأنه اكيد شافنا واحنا عند الكيشر
درت وحطيت عيوني في عيونه .. بس دخل .. جندست راسي وطلعت من البراده ورحت اللسايق .. دخلت السيارة .. ومرة وحده دخلت في دوامة من الصياح ..
مشى السايق للبيت ..
هدى : خان روح بيت خالي
خان : ليش
هدى : وانت شكو
رحنا بيت خالي رميت شنطت منى عند الباب لأنه كانت قاطتنها في السياره .. وطلعنا .. في طلعتنا دخل احمد بالسيارة ..
خان : هدى يبيغي يوقف ؟
هدى : لا امشي بسرعه ..
ومشى خان وترك الحسره والهم في قلبي .. بس اني متوعده اني انساه .. هالإنسان صار ماضي وهالماضي لازم ينطوي .. بس ما اقدر ..
وصلت البيت وركبت حجرتي .. حطيت الشنطة في الكبت والشيله في الغسال والعباه ع العلاقة .. وتمسحت وتوجهت للصلاة ..
طلعت من الحمام وقعدت افكر في كلمه الصبي ..
( شوفو شوفو ديك ام شيله بيضا هذي حبيبه احمد .. اللي يسولف عنها دوم )
معقولة ..
بس زحت هالأوهام من راسي .. واستغفرت ربي وتوجهت للصلاة
نزلت اتغدا وبعدين ركبت للمراجعة .. وخصوصاً انه اليوم وايد لعبت وما انتبهت وغبت حصة ..
خلصت المراجعه والواجبات والبحوث في الليله وانخمدت ..
لازم اتعب عشان احصل النتيجه المرضيه ..
وخصوصاً انه الأمتحانات قربت كلش يمكن ما باقي الا سبوع ..
مرت الأيام ومر هالأسبوع .. ومن اختبار للثاني .. والحمد لله كلهم كانو سهلين مول ( عجيز ) ..
في آخر اختبار كانت ماهل مو عارفه . وطبعاً غششتها الورقه كامله .. هذا واجبنا
رجعت البيت فرحانه لأنه بدت عطلت الربيع واني كنت اراجع في الأيام العاديه وايد وهذا الشي خلاني يوم الأمتحان ما اراجع وايد بس اعيد ع الدروس ..
رجعت البيت فرحانه .. واللي مفرحني اكثر انه باجر ماهل ومنوي بجوني .. ياسلام ..
خليت جويسم يشتري قدوع فاخر .. وقلت ليه اذا يقدر يوصلنا بنروح المجمع .. وطبعاً هو وافق بس قال اهم شي المشيه المحترمه والوققار ولا نتلفت واذا شفنا من ماهل أي حركات نتجنبها بس اني حطيته امام الأمر الواقع وقلت ليه انه ماهل مو متحجبه عدل .. وشعرها دومه يطلع .. وساعات تطلع بدون حجاب ..
بس قال ليي انه اهم شي اخلاقها واذا ع الحجاب احنا نقدر نفهمها ونقنعها بالحجاب
بالباجر كنت متجهزة ولابسه تنوره وفانيله حلوة ( ورديين )
وصلت اول منى وراحت قعدت ويه جاسم بالحوش .. ويوم وصلت ماهل قعدت ويايي ولحقتنا منى
ماهل : وينهي منى ؟
هدى : ويه خطيبها
ماهل : الا هو اخوج ..؟
هدى : أي ..
طبت علينا منى ..
منى : ويش كنتون تقولون
هدى : اسرار ..
قعدنا ضحك وسوالف وع الساعة خمس قلنا لجاسم يوصلنا .. وطبعاً منى ما كانت تبغي تقعد وياه قدم الأخت تستحي .. فأني ركبت ..
ماهل : شخبارك اخو هدى وخطيبت منى ..
هدى : هههههههههههههههههههههههههههه
منى : هههههههههه .. ماهل ..
ماهل : اسلم ع اخوج وخطيبها .
هدى : جاسم ... ترى ماهل عجميه وما تعرف تتكلم ..
ماهل : بلى اعرف احسن عنج ..
هدى : خوب خوب ..
ماهل : حرام ..
جاسم : منوي عمري شخبارش ؟
منى : الحمد لله ..
هدى : اف اف .. توك شايفنها ..
جاسم: بعد اشتقت ليها ..
انحرق ويه منى ..
ماهل : اخوي جاسم اسكت ..
هههههههههههههههههه .. هذي ويش فيها .. بس مسكينه طيبه .. تعتبر جاسم اخوها وهذا الأهم ..
منى : ههههههههه .. امتى صار اخوش ..
ماهل : من اللين صرت رفيقة هدى صارو كل خواتها خواتي .. وانتين بعد خواتش اخواني ..
جاسم : هههههههههههه .. هذي ما تعرف تتكلم خير شر ..
ماهل : حرام اني قلت ليهم يعلموني .. قالو ليي لين دخلتين ع جماعة قولي ليهم الله لا يمسيكم بالخير .. ويوم دخلت ع الأبلة وقلت ليها الأبلة زفتني وهم ضحكو ..
هني جاسم ما قدر يوقف من الضحك ..
جاسم : ترى رفيقتكم تنكت .. بالله هذي سوايه تسوونها في البنيه ..
منى : تعال شوفنا في المدرسة كله نعلمها جدي وهي تتفشل ..
جاسم : مو زين منوي ..
منى : عاد احنا اوكي .. ترى هي بعد تقول ليي كلامات بالعجمي وتقول ليي هذي معناها حليوة .. واروح اقولهم لهدى وتعصب عليي هدى .. ولين قلت ليها ليش تقول ليي جايه تقولين عني مجنونة .. وهذي مهلوة قصت عليي ..
جاسم : زين بعد وحده بوحده ..
وصلنا المجمع ونزلنا .. طبعاً اني عليي شال وعبايه .. عبايتي الكم مالها فيه زيج حليو ولونه كحلي .. ومنى لونه وردي .. اما ماهل فبدون عبايه .. ولابسه شال لافتنه كويتي بس نص الشعر يطلع ونص رقبتها .. مسكينه ..
هدى : جاسم انتظر
جاسم : ليش ..
هدى : بدخل ناهل بلف ليها شالها عدل ..
ماهل : لا حلو جدي .
هدى : جب جب ..
جاسم : خلي البنيه
منى : أي صدق خليها مو من اول مرة .
ماهل : يمامي ..
هدى : وع ع الدلاعة ..
منى + جاسم : هههههههههه ..
دخلنا السيف وقمنا نتمشى ومن محل للثاني .. واشترينا اغراض ترسه .. بس دخلنا BHS وعطيناهم الأغراض عشان بندخل وطلعنا من باب ثاني وخلينا الأغراض عندهم عقب بنرجع .. اشرار .. قمنا نتمشى للسينما .. دخلنا .. واي فلم حي الله دخلناه .. وكانت السينما مافيها ناس وايد بس فيه شباب وايد ..
كان الفلم رومانسي ..
هدى : آخ يالبياخة ابي اطلع .
ماهل : هذول سودان ويه
منى : ااش اهنيه المكان زين للنوم .
هدى + ماهل : هههههههههههه ..
ما كملنا نصه وطلعنا .. دخلنا و احد اكشن .. وخلصناه ورحنا نصلي .. يوم خلصنا اخذنا الأكياس وطلعنا
اتصلت لجاسم وجا اخذنا ورجع ماهل بيتهم وما توقعتها جدي .. تعيش في فله مثلنا .. توقعت حالهم انزل منا .. بس طلعو مثلنا .. وبعدين رجع منى .. وكان احمد في الحوش .. قام يسولف ويه احمد .. مو توه داك اليوم يقول عنه تعبان ..
نزلت من السياره .عن لا اشوف احمد او اسمع حسه ..
دخلت بيت خالي وطرشت ليه مسج .. ( اني داخل حزه اللي يوخر احمدو ويه السبال عن سيارتك قول ليي .. )

وركبت لمنى
منى : بسم الله ..
هدى : هذا اخوش ويه السبال واقف ويه جسوم واني ما طقت اسمع صوته فمشيت عنهم
منى : هههههههههه .. وضعش خطير ..
هدى : ويش اسوي ..
قعدت اسولف وياها وبعدين سوا ليي جاسم مسج بأنه احمد مشى .. نزلت وركبت السيارة
هدى : هالمره لو سمحت اذا اني وياك لا تسولف وياه واذا كنت مصر رجعني البيت وبعدين تعال كلمه
جاسم : ما آخذ الأوامر منش
هدى : حرام ما امبي اشوفة ..
وصلنا البيت ودخلت الا امي قاعدة ووياها نسوان .. سلمت ومشيت .. ركبت فوق فتحت الكبت طلعت روايه وقعدت اقرأ ( عندما يفكر الرجل )
صفقت بالكتاب وقمت ارتب اللي اشتريتهم ( بلوزة وعطور ومكياجات وبوانطلين )
دخلتهم نمت حتى ما تعشي لأنه في السينما اكلنا 2 بوب كورن ..
قعدت الصبح وكان برنامجي مثل كل يوم .. اقرأ روايات وبس اخلص من جزء معين انزل لأمي واشوف ويش تسوي .. ما امهل وارد اركب وافتح الابتوب والعب او اعوس او افتح المسن او اسوي أي شي .. واصلي وارد انام .. رغم انها العطله لكني ما خربت برنامجي ..
جا عيد الأضحى وكان احسن شوي من عيد الفطر .. مرت عليي ماهل من الظهر ويه سايقهم ورحنا المجمع بدل ما اقابل ويه احمد .. كنت مستانسه وياها .. واحسن شي انه ما التقيت ابهم ابداً وتعمدت اروح مجمع ما يروحونه عشان ما اشوفهم .. تعابير ويهه لازم انساها .. بس المشكله انه محفور بقلبي والحفر عمرة ما يلتأم ..
مرت ايام العيد وكنت يا قاعده في البيت يا اطلع السوق ويه ماهل وساعات منى .. وما صارت لينا احداث مثلنا مثل أي بنات ونحاول واهم شي ما نصدر أي اصوات بحيث نمشي .. رغم انه ويانه وحده شبه مو متحجبه .. لكنها مأدبه اكثر عن اللي متحجبات .. صدق ماهل انسانه عطيمة وبمعنى الكلمة .. يعني ما تشوفينها يوم تحط عيونها ع صبي .. ومثل ما قالت لينا اخوانكم اخواني .. وهذي المقولة رفعتها في نظري .. وشوي شوي احاول البسها الحجاب عدل بحيث ما يطلع شعرها .. وترى ملامح ماهل لافته . لأنها في وجهة نظري فاتنه الجمال .. صدق هي الله من عليها بالجمال بس ما من عليها بالأنضاط وانشالله بحاول اوجهها لأنها تحتاج النصيحة وماهل انسانه تستاهل النصيحة والتضحيه وتضييع الوقت عشانها ..

مرت الأيام واني بس في البيت حتى منى ما ازورها وما اتصل ليها الا نادر ... الأعطله تقريباً شهر وما تمهل .. في نهايتها رحت اشتريت ليي اغراض حق هالكورس ..
باقي اسبوع عن المدرسة . واليوم اني معزومة في بيت ماهل اني ومنى ..
دخلت وبيتهم كله عجمي ما يتكلمون عربي ..
فتح ليي الباب ياهل
هدى : جتوري
الياهل : خيرخوبان ..
دخلت داخل واستقبلتني ماهل .. قعدنا في الصاله .. وقعدنا نسولف ومنى بعدهي ما جت ..
دخل صبي الا شاب .. يمكن قد احمد .. شعره طويل .. وحرير حرير .. يعني يطير وياه .. وماشالله خشم طويل .. وعيون واسعه وجمال فتاك ..
الصبي : ماهل من ذي
يعني يراويني انه يتكلم عربي
ردت عليه ماهل
ماهل : هذي صديقتي ..
الصبي : نايس
ماهل : خوب خوب ..
ومشى عنا . شوي وجت منى ..
وقعدنا نسولف ونضحك .. وبعدين سوت لينا حفله باربكيو .. وابوها وياها طبعاً استحينا شوي بعدين حسينا روحنا في بيتنا ..
اتأخر الوقت وكل وحده منا رجعت ..
رجعت البيت وسيده انخمدت ..مادري ويش في بس تصير الساعة 9 واني ما نمت اشتاق للسرير ...
مر هالأسبوع واليوم داومنا في المدرسة .. وكالمعتاد دراسه × دراسه ..
ومن بدايه هالكورس شديت ع روحي عشان ارفع التراكمي لكن صعب ينرفع بس بضغط ع نفسي ..
حفظت الكتب .. حتى بعض الفقرات صميتهم صم .. كل شي واركز على كل نقطة .. مضى نص الفصل .. وامتحنا ودراجتي ولله الحمد يا كامله يا ناقصه بعض الدرجات ..
ومنى عندها البعض مو مسوية اوكي بس منى شاطرة ومستواها زين ..
واما ماهل فهي ما تفهم الكلام العربي .. فالأختبارات العربيه تخبص فيهم وتصف كلام مو متناسق .. والأمتحانات الأنجليزيه تجيب علامات كاملة ..
مرت الأيام واحنا بعدنا ع شطانتنا حتى اني وماهل فرقونا ما يرحمون .. ويش نسوي .. من كثر الأزعاج .. اني خلوني اقعد بروحي ومنى بروحها وماهل بروحها في آآخر مكان بالكلاس 
المشتكى لله ..
ما اخفي عليكم سعادتي وحزني والسبب واحد .. والسبب هو اني ما اشوف احمد
ازدادت علاقتنا بـ ماهل وصارت تجي تقعد ويايي نسوي بحوث واني نادراً اذا اروح لأنه اخوها ثقيل دم ..
ع نهايه السنه شدينا ع روحنا زياده وودرنا النحاسة والشطانه .. كنا بنات مثاليات حتى ابلة سامية مستغربه ..
رغم اني واخيراً بودر هالكتب .. لكني ما امبي اطلع من هالمدرسة .. البنات .. ماهل .. الصف .. الشطانه .. ابله ساميه . هيفاء .... كلهم ليهم معزة وحب بقلي ..
بدت الأمتحانات وتوزعنا ع قاعات ..
والحمد لله اني كالمعتاد ويه منى وماهل لأنه في نهايه الحروف .. واسماء ابوتهم بعد في نهايه الحروف .. وحده يوسف والثانيه مال الله ..
في هالفترة كنت ما اعرف احد .. في هالفتره فيها مستقبلي .. في احتمال انظم لحفله خليفة .. والبس رداء المتفوقات . يا سلام . . بس نسيت كل شي .. وما كان عندي غير الكتب .. ليل نهار عيوني فيهم .. امبي اجيب نسبه عاليه بحيث الخارج بسرعه يقبلوني .. ويمكن البابا يتوسط ليي وادرس ع حساب الحكومة ..
حفظت الكتب .. لين ما حسيت بملل من الدراسه .. طلعت في الحديقة اشتم هوا وخصوصا ً انه الجو مو سيئ ..
الأيام تجر الأيام .. واني استغل كل ثانيه واحد للي وقت واتسابق ويه الزمن .. امبي احقق نتيجة ترضيني وترفع راس ابويي وتميزني عن باقي البنات .
دخلت الأمتحانات واني متحطنه ليها من كل النواحي والطرق .. وما يمر يوم الا كملت مادة .. في ايام الأمتحانات كنت اروح اقدم الماده اللي عليي وارجع البيت واراجع للأدان وبعدين اصلي واتسبح وارد اراجع للغدا وانزل اتغدا او اخلي كرتيني تركب ليي غدا وارد اراجع .. للمغرب .. وبعدين آخذ البريك .. واتعشى .. وبعد العشا اعيد عليه ع السريع وانام براحه لأني اكون خاتمة المادة الوحده خمس او ست مرات قبل الأمتحانات ..
وهذا مشوار كل ماده .. ساعات اطلع او اخلي جاسم او محمد يطلعني .. عشان افرفش عن نفسي .. والحمد لله .. كل الأمتحانات احس اني بجيب فيهم درجات يا كامله يا مرتفعة .. وهذا الشي يريحني ..
امتححان ورا امتحان وامي المسكينه راكبه نازله تسألني ان كنت امبي شي . واني ارد عليها . ( محتاجه دعائش ) وتدعي ليي وتنزل .. وساعات اروح ليها تسمع ليي . يعني امي كانت صديقتي ..وتسألني وتسوي ليي اختبارات .. اني حسيت انه المواد اني حافظتنها ..
جا يوم آخر امتحان .. واني حزينه .. لأني بودع ماهل .. مو مصدقة اني خلاص ما بشوفها .. مادري ازوجها محمد اخويي .. لكن مشكلتها مو متحجبة وعائلتنا ما بتقبل بوحده مثلها .. لكن اخلاقها ما فوقها فوق ..
رحت وقدمت الأمتحان واللي تراقبنا ما خلت مجال اني اغشش ماهل .. وكانت متقصدتني ..
خلص اليوم وحظنت ماهل وهي مسكينه قامت تصيح .. وحظنتني
ماهل : هدوي لا تروحي
هدى : انتين كل يومين تاعالي بيتنا
ماهل : انشالله بس بيصير خاطري فيش .
هدى : واني اكثر ..
قررت اني اقضي اليوم وياها ..
دخلت ويايي السياره وقلت لخان يودينا سيده السيف .. بعد ما يحتاج امر البيت واني عندي الموبايل . وخبرت اهلي .. طبعاً جاسم رفض بس يوم قلت ليه انته تعال ويانه وافق وقال بيمر ع منى ...
رحنا اني وماهل .. وطبعاً ماهل بس دخلت السياره فصخت الشال
هدى : ماهل ليش ما تتحجبين
ماهل : آنه متحجبه
هدى : لا اقصصد مثل ما تفصخينه
ماهل : ما اقدر وايد حر
هدى : بس نار جهنم احر ..
يوم سمعت كلامي قعدت تفكر
ماهل : ما اعرف اتحجب ويتراوالي الناس تعيب علي
هدى : اني افتخر اني البس حجاب .. لأني اكون مثل فاطمة الزهراء ..
ماهل : بيتنا بيتضحكون علي
هدى : وانتين تسوين خطأ
ماهل : مادري اني امبي البس حجاب كامل مثلكم . بس ما اعرف .
هدى : لما تكونين مقتنعه تعالي ليي واني بعلمش
ماهل : انشالله
وصلنا المجمع ونزلنا .. واني وماهل بدون عبايات .. خبركم يايين من المدرسة ..
واني ككان عليي شال اسود وماهل كان عليها شال ابيض بس مو ملفوف .. محطوط ع الرقبة . لما نزلنا المجمع لفته كويتي ..
دخلنا واول شي رحنا الكوفي شربنا كوفي ..
وبعدين مشينا ورحنا نتسوق خوب اني ما يكمل تسوقي .. واخذنا ميك آب .. وهالسوالف .. بعدين دق عليي جاسم ..
جاسم : هلا هدوى
هدى : هلا بيك
جاسم : وين انتون
هدى : خلصنا تسوق والحين بنروح السينما ,,
جاسم : خوش انتظرو هدى وانا ويايي حمود عندنا موضوع
هدى : احمد
وقعدت افكر
جاسم : أي احمد ..
هدى : --------
جاسم : هدوي
هدى : هلا
جاسم : اوقفو عند المدخل بجيب ليكم منى ..
انتظرناه ثلاث دقايق وجو جاسم ومنى .. كنت خايفة اشوف احمد بس سلامات ..
ماهل : شلونك اخوي
جاسم : اصفر
هدى + منى : ههههههههههههههههههههههههه
منى : مهولة عمري شخبارش وحشتيني
ماهل : اني اكثر
هدى : آه يالجدب توكم شايفين بعض ..
منى : ما تدرين انه احنا ربع ما نفترق
هدى : وع
ماهل : هدوي بعد ويانه
هدى : اشوه صححتين العباره ..
جاسم : ههههههههههههههههههههههه .. الحين بخليكم احمد ينتظرني ..
ومشى عنا .. ودخلنا الفلم بس كانت مميزة لأنه عليها عبايه لأنها رجعت بيتهم بينما احنا ما رجعنا البيت واني ما كنت امبي احمد يشوفني بدون عباه .. مهما حصل بيظل بينا وعد و بضل متمسكه فيه ..
كان الفليم عجيب جيبر باي ذه دوزن 2 ...
وكله ضحك ..
طلعنا ورحنا صلينا وطلعنا ورحنا تغدينا .. بعدين منى قالت بتتسوق رحنا وياها .. ويوم خلصت .. قلنا لجاسم احنا بنرجع ويه السايق كلنا .. بينما يوم قال لأحمد انه منى بترجع ويه السايق ما رضى وقال مست((( .. بس جاسم اقنعة وراحت ويانه .. ماهل وصلناها بيتهم ومنى رجعت ويايي ..
دخلت البيت وركبت تسبحت وونزلت ... لأنه منى تحت ويه اميي .. وكانو يسولفون عن موعد الزواج وقالت منى ع كيف جاسم .. يوم رجع جاسم قال بعد 3 اسابيع بيتزوج .. فكان كل شي بسرعه بسرعه ..
مرت الأيام واحنا نشتري بينما اني احاتي النتيجة ..
في يوم كان الكل ينتظر النتايج .. بينما اني من خوفي نمت .. خايفة ودقات قلبي مثل الرعد .. غمضت عيوني وكان ملجأي النوم .. الكل عرف نسبته من النت الا اني خايفة ما تسرني وتعبي ما يطلع ..
كنت مغمضة واحاول انام بس كل حين اوتعي بكابوس اني راسبه بماده او اني نزلت للـ 80 .. وكان قلبي يعورني . الكمبيوتر صوبي بس ترددت .. قررت اني اسمعه من أي احد غير الكمبيوتر عشان لو ما تسر ما اكسر الكمبيوتر ..
غمضت امبي انام .. انام ثواني واوتعي ..
سمعت صوت فتحت باب خفت احد ياي يقول ليي او يزفني .. رغم اني واثقه في نفسي وفي اللي سويته بس هذي آخر سنه ..
دخل مادري من واني مغطيه راسي كانت امبي اعرف ..
انفتح اللحاف .. وشفت منى .. بس شفتها لوت عليي وقامت تصيح .. هني اني قلت لا اكيد نزلت ..
منى : مبروك مبروك يالخاينه
هدى مو مستوعبه : مبروك وتصيحين
منى : والله دموع فرح ..
هدى : جم
منى : 97.4
قاعدت اصارخ بصوت عالي مو مصدقة ... اصارخ كأني ياهله .. وحطنت منى وقمت اصيح وياها .. مو مصدقة اني جبت اللي احلم فيه .. اني كنت اقل بدرجتين .. والحمد لله .. صعب اني ارفع درجتين بس اني رفعته ..
ما صدقت ..
حبيت منى ع خدها
هدى : مشكورة كنت خايفة
منى : ما سألتيني اني جم
هدى : جم
منى : 94.73
حسيت بالحزن من ما بتكون في الحفلة .. لأنه ناقصنها كم بوينت . حرام والله العظيم حرام ,,,, مستخسرين 27 بوين .. جان حطوهم وتكون ويايي ..
منى : عادي الحفلة ما تهمني اهم شي رفعت راس ابويي ..
طرشو ليي للحفلة ورحت سجلت .. والمدرسة بعد التهينا بالتكريم .. صار خاطر في المرشده وخصوصاً انه فارق السن بينا قليل وهذا اللي مقربنا منها ..
جا يوم حفله المدرسة وقامت المديرة تلقي كلمة .. ولما خلصت البعض صفق ( خخخ ) ولما القت المرشده هيفاء كلمتها بس خلصت قمنا شلتنا وبعد بنات وايد وصفقو بصوت عالي واللي تصفر بالأحرى احرجنا المديرة ..
وبعدين كلمه الطالبه المثاليه .. وطبعاً مو وحده منا لأنه مافي اشطن منا .. يوم خلصو اصطفينا للتكريم .. وكانو جاسم وامي وابويي واحمد وخالي ومرت خالي كلهم حاطرين ودخلو بواسطه ..
يوم نادو اسمي سمعت تصفيق وايد وايد .. ومن ظمن الي يصفقون احمد .. بس اني يا جبل ما يهزك ريح .. بعدين جا ابويي وحبيت راسه وحظنته وامي بعد .. اما جاسم اخويي قدمت ليه هديه لأنه هو اللي وقف ويايي وآزرني .. والباقي ماعليي منهم بس سلمت ع خالي ومرته وبعدين يوم قالو اسم ماهل اللي كانت من الجريجات فقط .. صفقت بحراره وبعدين جت ليي واني رحت ليها وحظنتها ..
ماهل : هدى انتي اعز صديق قابلتها
هدى : وانتين بعد ..
وصدق بتوحشيني يا ماهل ..
وبعدين رحت للمرشده وحظنتها
هيفاء : هدوي ما اوصيش اهتمي بنفسش ومو تقطعينا ترى احنا نحبش ..
هدى : ابشري ..
وقعدنا نسولف وبعدين اني مشيت ويه امي وابويي وجاسم اخذ خطيبته وطلعو ..
والحين كنت استعد للأحتفال الأهم حفلة خليفة ..
كنا كل يوم نروح بروفا ونشوف عبدالله ملك وهو ما يقصر ينكتنا والله هالممثل خفيف دم ..
وبعدين جا لينا وحده وحده وبارك لينا ..
بيوم الحفل كان الحظور امي وابويي و جاسم .. بس شفتهم قعدت ااشر ,,
بدت الحفلة وبدو يلقون كلمات وهالهرار اما اني قعدت اجبي جتني النومة .. ولا شوي الا اشوف وحده تأشر ليي توقعو منهي .. ماهل .. ياربي هالإنسانه بتجنني ..
قعدت .. وبعد شفت فاطمة اختي ومرتضى وطبعاً ابويي مدخلنهم .. واني استانست لما شفت اهلي حواليني .. بس كنت افتقد انسان ما قال ليي مبروك ( احمد )
وبعدين بدو الطلاب يلقون الكلمات .. اما الفرنسيه قعدت مسبهه فيها والأنجليزيه فهمتها والعربي طبعاً فهمتها بس مادري مهوله فهمتها لو لا ..
مر الوقت واني طفشانه .. مادري ويش اسوي وشوي اعلن عبدالله ملك انه جا وقت التكريم .. طالبه ورا طالبه وطالب ورا طالب واني طافشة لين ما جا دوري طبعاً ما بغبي عليكم اني كنت لابسه قفاز لأنه اني ما اقبل اني اصافح صبي وهذا الشرع ما يرضى به .. وبعدين لما خلصت رحت صوب امي وابوي والأهل .. وحظنتهم وصورت وياهم كلهم صورة صورة .. وتقربت مني فاطمة وصدق اشتقت ليها وايد .. جت صابي وسلمت عليي وبعدين ساسرتني
فاطمة : اني حامل
هدى : حلفي
فاطمة : وانتين عقب مرتضى اول وحده تدرين
هدى بازعاج : ياي بصير خاله
فاطمة : ااااص امي ما قلت ليها ..
صدق افرحت الا مت من الوناسه .. وسلمت ع مرتضى
وبعدين تقربت من ماهل وهي بعد .. حظنتها وحظنتني ..
ماهل : هدوي اشتقت ليش
هدى : واني اكثر ..
قعدنا نسولف وبعدين مشينا .. ورحت البيت .. علقت كل شي كذكرى . ودخلت اتسبح ..
مرت الأيام واحنا نجهز روحنا لعرس منوي وجسوم .. وفي يوم بعد اسبوع من التكريم نزلت لأبوي عشا اكلمه عن البعثة وسفري للخارج ..
كنا قاعدين ويه جماعه .. بس اللي صدمني انه ابوي طلب مني اقوم وياه ..
رحنا الميلس ..
ابوي : انتين انخطبتين لأحمد !!

انتهى الجزء وفي انتظار تعليقاتكم

بل
انصدمت
يلا ننتظر الجزء الأخير او الباقي على نار

الجزء السابع والعشرين ( والأخير )
الفصل الأول

هدى
البيت
--------------------
من الصدمة مو قادرة اتكلم .. ابويي ويش يقول .. اني انخطبت لأحمد وبدون شوري وراضي ؟؟؟ ياربي ويش هالحاله اكيد ابويي يمزح ويايي .. بس ابويي عمره ما مزح في هالسوالف .. مو مستوعبه .. قعدت ع اقرب كرسي .. اذا اخذت احمد معناته بيعذبني ..
هدى : ابويي تمزح
ابويي : لا وين امزح .. اصلاً الولد مصر يبيش واخوش جاسم قال انش قايله ليه انش موافقة .. واحنا ردينا ع الناس وقلنا ليهم انه احنا موافقين .. وجابو المهر وماشاءالله المهر وايد عود كلفهم ع انفسهم واحمد يقول يبغي سيده عرس وانا وافقت ..

ابويي ويش يقول .. ويش يقول .. قعدت اصيح .. اصيح بصوت عالي ..
هدى : بس اني ما ابغاه ما ابغاه
ابويي : والله يابابا احنا سآئلينش وقلتين تبغينه وردينا ولد عمش .. والحين يوم اتفقنا ويه الناس وجابو المهر ما تبغينه .. الصراحة انا ما اقدر اقول ليهم الحين البنت ما تبغاكم .. وبعدين وين تحصلين احسن من احمد كفايه انه يحبش ويعزش .. الله يسامحش يابابا .. احنا بناتنا ما ينقون الريال .. الريال هم اللي ينقونهم من بين كل البنات .. يا بابا الريال ما يعيبه شي .. وحصل شغل ويدرس في الجامعة بعد ويش تبغين ريال مكافح اكثر منه ..
قعدت اصارخ ازاعج : ما امباااااااااااااااااااااااااااااااااااااااااه
ضربت روحي بحاله هستيريه .. ادري ويش بجيني من زواجي من احمد . ما امباه ..
دخل علينا جاسم ..
هدى : انته النذل .. انته اللي قلت لأبوي اني موافقة واني مو موافقه .. اني ما امبي احمد .. ما امباه .. والحين انته تتصرف .. انته تنقذني .. اني زواج من احمد مو متزوجه .. وما بروح صالون .. ولا بحجز صاله .. ولا مسويه فستان . ولا بشتري اغراض .. ومهرهم رجعوه ليهم .. واحمد الحثاله اني مست((( آخذه
جاسم : اسمعي انا ما قلت
هدى : جب صوتك ما امبي اسمعه . انته السبب .. كنت اظنك اخو محترم .. اخو بمعنى الكلمه .. بس طلعت حمار والسبه فيك حرام .. ما تستحي تبيع اختك .. اني مستعده اعطيك اضعاف ع هالمهر .. اوكي .. بس لا تزوجني اياه ..
تقرب مني جاسم وصفعني .. وكان هالصطار عيشني في الواقع خلاني اوتعي وانه مافيي فرار ابويي ما بيتنازل .. ولا جاسم ولا احد بيرجع مهرهم .. واني القدر بسخريته رماني في طريق احمد ..
رجعت حجرتي اسحب اذيال الخيبة بس لازم اتصرف احمد ما باخذه ..
دخلت وجسمي ثقيل مو قادره احملة ومو قادره ارفع عمري ..
شلت موبايلي واتصلت لأحمد لازم اتصرف ما بيلس ساكته جدي
احمد : توقعتش تتصلين
هدى : بس مو متصله استسمح متصله اقول ليك ما امباك
احمد : ليش ما تبغيني ترى انا اليف وما اعض في الليل
هدى : بايخ
احمد : حطي عليي ملح او شكر ع ذوقش
هدى : لا تغير الموضوع اني ما امباك يا اخي خلاص اللي بيننا انتهى واني ما اعرفك وما امباك زوجي وحتى ويهك ما امبي اشوفه مو بعد اقعد جنبك
احمد : جهزي روحش لأنش بتنامين ويايي .. وللعلم انا آخذ الموافقة من ابوش .. وثانياً انا احبش ليش مو مصدقة ..
يمكن كان كلامة بلين وكان كلامة كأنه صادق بس محد يطز عيونة مرتين
هدى : واني ابغضك يالحثاله يالحقير .. وما بشتري شي وما بتجهز وما بروح وياك مكان وذهب ما امبى ومن بيتنا ما بطلع
احمد : انا اهم شي اكون جنبش مو مهم في أي مكان
هدى : حقيرررر
وقعدت اصرخ وسديت الخط .. ما سويت أي تقدم .. بس ما بسكت .. على منى وبقول ليها تتمن في جاسم وتقول لأحمد وتقول لخالي واذا هي ما قالت اني بقول ..
مباشره شالته
منى : هلا والله بمرت اخوي هلا بالعروس اللي غطت عليي
هدى : لا تقولين عروس لأني بنزف لقبري قبل لريلي
منى : ( شهقت ) ليش !
هدى : لأني وببساطه اخوش ما امباه .. ما امبي ريال ليه سوابق وقاعد مع بنات ..
منى : هدى حرام تظلمين اخويي والله انه بري
هدى : مو متصله اسألش هو بري او لاء .. متصله اقول ليش اني ما امباه وزواج منه ما بتزوج وامبيش الوسيط ..
منى : وويش ؟؟ الصراحة آسفة اني ما اقدر اكسر كلممت ابوش وما اظن انش ترضين بعد .. اذا قلتين لأهلي انش ما تبغين احمد معناها انتين جدبتين ابوش ومعناها انه انتين ما وراش اهل يمثلونش
هنيه سكت .. ابويي اغلى انسان .. ابويي انسان عظيم والحين بهالصوره اشوهه ..
سمعت طق ع الباب
هدى : منوي بعدين بفهمش ..
منى : اني بفهمش
هدى : باي
وسطرته
هدى : ادخل ..
دخل ابويي وجاسم .. لا رحنا وطي ابويي وياه جاسم رغم اني ما طقت اطالعه لأنه اول انسان يضربني ..
هدى : خير في شي او في صدمة ..
ابويي : انا امبي مصلحتش يا بتي
هدى : مصلحتي مو مع هالحثاله ولو سمحت بابا قول ليهم اني ما امبيه او اني بقول
جاسم : ما تستحين تجدبين ابويي وتكسرين كلمته
ما درت ليه ولا كأنه موجود .. بس شفت شي ما استحمل اشوفة .. شفت الأنكسار بعيون ابويي .. وما عمري تمنيت اشوفة
ابويي : يابتي انا بهالسنه واقول كلمة واتراجع .. لو انتين بتروحين تقولين للأوادم انه ابويي جداب ..
غمضت عيوني بغصة ليش محد يفهمني .. نزلت مني دموع حارة .. دموع الألم .. دموع الذل .. دموع الخسران ..
ابوي : بس يا بابا لا تصيحين انا بقول للجماعه
فرحت الا طرت من الفرح .. بس شفت عيون يتطاير منها شرار .. والعيون الثانيه كأيبه ومكسورة .. وهذا لأنه ابويي بيرجع في كلمتة .. واحنا عندنا انه الريال قول وفعل مو قول وتراجع .. ما قدرت استحمل .. اني عند اقوى قرار واجهته في حياتي .. ابويي .. واحمد
بس ما بتراجع
هدى : زين تسوي ..
طلع ابويي وبعدهي نظرته ليي بس ما صار يحط عيونه في عيوني .. بينما جاسم طلع بحمق وكسر الباب وراه ..
ليتك يا احمد خطبتني قبل لا اشوف موقفك ..
بس الحين ما امباك ..
غمضت عيوني براحه واخيراً حققت اللي امبيه ..
طرشت لأحمد مسج .. ( " واخيراً افتكيت منك " )
مباشره رد عليي ( " في احلامش " )
ما اهتميت له ..
رديت غمضت امبي انام براحه امبي ارتاح .. وخصوصاً اني صصايرة انعزاليه عن البيت كامل ..
شوي وسمعت صراخة فز قلبي .. نقزت من مكاني ونزلت تحت ..
رحت الصاله واني اركض ..
ولا دخلت شفت شي ما يسر العيون .. امي تصارخ وميوده ابويي اللي طايح وجاسم كان يتصل ومبين انه اعصابه تالفه ..
تقربت من ابويي مو مصدقة معقولة مات .. لا يا ربي يعل الموت ياخذني 100 مرة ولا ياخذ ابويي ويحرمني من عزي ..
تقربت منه وحطيت ايدي ع ويهه ..
امي : ليش سويتين جدي يا هدوي ليش بتقتلين ابوش ..
اني ويش سويت اني اقتل ابويي .. اكيد ع سالفه احمد ..
شفت جاسم متقرب مني .
سحبني من ايدي وفرني في الصاله لين ما طحت
جاسم : محد بيقتل ابويي غيرش تبغين الريال بعد ما وصل من العمر ما وصل يتراجع في كلمته .. ما رأفتين لحاله ولشيبه انتين ما تستحين قسم بالله ما تستحين .. واذا صار في ابويي شي ماليش قعدة في هالبيت .. وانا مو اخوش فاهمة ..
قعدت اصيح افكر اني ويش ليي ذنب .. ذنبي اني اخترت قرار حياتي .. ذنبي اني قلت ليهم ما امبي هالأنسان .. آآه يا كبر الهم اللي بقلبي ..
بعدين شفت محمد داخل الصاله
هدى : محمد ارجوك ود ابوي المستشفى
محمد : انتين انجبي محد وصل ابوي لهالحال غيرش
حتى محمد يلومني وامي كلهم ..
قعدت اصيح .. رحت صوب ابويي .. قوم ليي .. انته فخري .. اني من دونك ما اسوى .. هذا يزمر عليي .. وهذا يصارخ .. قوم .. والله اتزوج احمد واقبل بالذل والله اتزوجه بس قوم ..
يودت ايده اللي كانت بارده ..
هدى : ابويي قووووووم والله اني آسفة والله بتزوج احمد بس انته ماليي غنا عنك ..
تقربو مني جاسم ومحمد تراجعت بخوف ع ورا .. بس ما كانو يايين ليي ..
حملو ابويي وركضو ابه ..
لفيت ع روحي شيله في الصاله
بروح وياهم ..
دخلو ابويي في السياره .. رحت والباب اللي موجود صوبه راس ابويي رحت ورفعت راسه وقعدت وخليت راسه ع جتفي .. وقعدت امسح عليه
جاسم : قومي طلعي من السياره
هدى : هذا ابويي وما بيفرق بيننا الا الموت ..
محمد : مش يا جاسم الله يخليك ما نبغي نتأخر ع ابويي .. الله يخليك
توني حاسه بمعزة ابويي في نفسي .. وتوني متأكدة انه اخواني وايد وايد يحبون ابويي ..
وصلنا المستشفى واني ماسكة ابويي ..
بس نزلوة نزلت وياه ..
جاسم : اركبي
هدى : مو ع كيفك .. هذا ابويي وانته مالك خص ومثل ما لك فيه اني بعد ليي
جاسم : انتين تنجبين نسيتين انش اللي وصلتينه لهالمواصيل .. نسيتين انه بطفولتش الزايدة وطيشش خليتينه يعصب لكن يكتمه في قلبه لين ما طاح علينا ..
هدى : بس اني موافقه اتزوج احمد
جاسم : عقب ما قتلتين ابويي
قعدت اصيح
هدى : لاتفاول ع ابوي ..
دخل جاسم يركض ورا محمد .. واني لحقتهم .. طبعاً حالتي ما كانت تهمني .. وكنت لابسه قميص وتنورة والشيله كلش غير بس مو مهم ..
الدكتور راح يكشف عليه .. وبعد ما طلع
هدى : ويش فيه دكتور
جاسم : هدى ارجعي مكانش
( ما كأني اسمعه )
الدكتور : ارتفاع حاد جداً في السكر .. و الله يستر اطلبو ليه
( الله يستر )
قصده انه في احتمال افقد ابويي ..
كانو الأطباء من كل صوب حوالينه .. قعدت اصيح .. اني ليش سويت جدي .. جان احين ابويي في البيت مرتاح وقاعد يقيل .. آآه يالقدر يوم ورا يوم تزداد سخريتك ..
رحت ومسكت ايد جاسم انتظر عطف وحنان

هدى : جاسم والله اني موافقه ع احمد وموافقه ع كل شروطة وبتزوجة
جاسم : الحين ما يهمني وافقتين او لاء .. الحين ابويي اللي بين الحيا والموت
بينما محمد كان يقرأ قرآن ودموعه تخر .. واني اصيح بصوت مو موقفة .. بينما جاسم يهز ريولة بتوتر او يمرر اياديه بين شعره بس يبين عليه التوتر والخوف ..
100 مكالمة من امي المسكينه وفاطمة اختي
قعدنا اكثر من ساعتين واحنا نطالع ابويي في حجره عليه اجهزة ودكتور طالع والثاني داخل .
بعدين طلع الدكتور
الدكتور : لحد الحين ما قدرنا نخفف من ارتفاع السكر لأنه حاد كلش واذا ما طلع من هالحاله في احتمال يفارق الحياه لأنه الجلكوز ما يكون ويه الدم
مادريت ويش يكون بس ما يطمن عن صحه ابويي .,.
شوي ويت امي ووياها فاطمة هالمسكينه اللي يايه تصيح .. وبعد منى وووو ا ح م د ومرت خالي كلهم جو
رحت لأمي .. حظنتها ..
هدى : ماما امبي ابويي
قامت تصيح ويايي ..
كان الوضع كأيب .. الكل متجمع .. اني اصيح منى صوبي تلاطفني محمد يقرا قرآن ودموعه تنزل ويمشهم وجاسم متوتر ورايح ياي .. امي تصيح وتقول بتدخل ليه فاطمة اختي ميوده ايدي احمد واقف ع صوب مرت خالي تواسي امي ..
ولا شوي الا بيت عمي جايين طبعاً ما يحتاج اقول ليكم محمد ولد عمي وعلي وعمي
علي راح وقف ويه احمد ( العلاقة وطيده ) وعمي راح للدكتور مباشره .. بينما محمد جا صوبي < متفرغ
محمد : هدى بس لا تصيحين
شفت عيون عليي رفعت راسي الا هو احمد .. كنت اتمناك انته جنبي وانته الحين خطيبي مو المفروض تساندني مثل ما منى راحت لجاسم ..
غمضت عيوني بغصة وكملت صياحي . اني يمكن افقد ابويي للأبد .. بعدين وين بيروح عزي ودلالي .. عز البنيه ابوها دام هو عايش بس يموت راح عزها محد يهتم ابها ..
كنا قاعدين اني وفاطمة .. حطيت راسي ع ريولها من التعب .. احس اني خلاص اذا مات ابويي بروح وياه يليت ربي ياخذ روحي قبل روحه ..
كانت حركة جريئه من محمد انه اخذ كلينكس ومش دموعي .. تقدم انسان ثاني جسمه اقوى من جسم محمد
احمد
احمد : هدى ويش فيش تبغين نمشي البيت
هدى : ----------
محمد : خلها ويه ابوها
احمد : يا اخي انا اتكلم ويه خطيبتي .. وثانياً ما تشوف حالها جيفة تصيح صياح يقطع القلب وكأنها تعبانه ..
قام عنا محمد ( هذا احسن شي سواه احمد )
كنت اصيح ودموعي تنزل بدون شعور .. ولازلت منبطحة ع ريول فاطمة الحامل بس بدون حواس .. المفروض هي ترتاح ..
نزل صوبي احمد ومسح دموعي بس بدون كلينكس .. بظهر ايده .. نفرت من الحركة اللي سواها وتباعدت عنه ( رجعت راسي لورا )
قام عني احمد
فاطمة : ويش فيش هذا خطيبش
هدى : ما امبااه يلمسني
فاطمة : الله يساعده عليش ..
قصدش الله يساعدني عليه
غمضت عيوني امبي خبر يفرح ..
بس مافي .. الدكتور ما بشرنا واني خيافه ودقات قلبي تزداد احس انه كل العالم يسمعها
وقفت امبي اروح صوب الحجرة اللي فيها ابويي بشوفه من الدريشة ..
وقفت بس ما قدرت ريولي تشيلني .. حسيت اني ثقيله اني باطيح .. بس مباشره تمالكت عمري وقعدت ع الكرسي مره ثانيه واني احس انه داخلي شي مضايقني ..
فاطمة : خير هدوي فيش شي
هدى : لالا
حطيت ايدي ع راسي اوقف هالصداع اللي يجي بأوقات غير مناسبه ..
تقربت مني منى ..
منى : هدوي ويهش صاير اصفر وايد
هدى : لا عادي
كنت موقفه من الصياح لأني تعبت وحالت النفسيه ادمر واخس ..
هدى : منى وصليني للحجرة اللي فيها ابويي
قامت منى ويودتني من ذراعي .. واني قمت لأني ميودتنها .. كنت احس اني باطيح بس يودت عمري .. مو أي موقف بطيح لازم اكون شويه قويه ..
وصلت للجامه مالت الحجرة وقعدت اطالع ابوي .. ردت تجمعت الدموع في عيوني مشت عني منى عشان ما انحرج منها .. بس تجمعت الدموع في عيوني واني مو قادره اوقف روحي اكثر ..
قعدت ع الأرض بحركة سريعه اني ما حسيت بروحي بس كنت محتاجه لهالقعدة .. اني في قعدتي طلع صوت كأنه وحده طايحة . ركض احمد صوبي ..
احمد : هدى اوديش بيتكم
هدى : لالا
احمد : انزين احملش للكرسي هناك ترتاحين
هدى بصراخ : لالالا ما امبي منك شي
احمد انحرج وعصب .. مرت خالي دارت ليي
مرت خالي : ليش هو مو خطيبش
ماكان ليي زاغر ارد الحين
هدى : لا خالوه بس بعدنا ما خطبنا .. والله احمد ما يقصر
الكل سكت وما اني ما باليت بأحد .. درت للجامه اللي اشوف منها ابويي وغمضت عيوني ..
امي اصرت تدخل وياها .. دخلت وكانت ميوده القرآن وتقرا
اني قعدت ع اعصابي وقاعدة على الأرض معصبه محد يكلمني
اخواني اللي يقرا قرآن واللي معصب ..
الوضع كان مأساوي ما اقدر اشرحة .. يمكن احد شاف أي قد المستشفى يكون كأيب اذا انسان عزيز عليه بين الحيا والموت .. نسمع دقات قلبه اذا فتحو الباب
مو قادرة .. احس انه هذا اغلى انسان عندي واذا فقدته بفقد كل شي ..
نزلت مني دمعتين غصة وحنين لضحك ابويي .
ع الساعة 4 العصر بدت الجماع تخف ومنهم بيت عمي وفاطمة راحت لأنها حامل وما تبغي تتعب بس وصتني أي شي اتصل ليها .. احمد من عصب مشى .. منى ظلت ويه جاسم .. مرت خالي مشت ..
ما ظلينا الا اني وجاسم وامي ومحمد اخويي ومنى
كنت فاقدة الأياس .. خلاص الدكتور قال انه ما بيعيش اكثر اذا طول .. واكو طول .. واني اذا فقدت ابويي فقدت حياتي ..
كنت امبي اصيح بس مو قادره .. تمنيت اني اصيح بس في داخلي حزن وندم .. الحزن ع اللي سويته في ابويي والندم ع اللي سويته في احمد مسكين كان يبغي يساعدني بس هو ما راعى مشاعري ولعب ابها الحين اني اجي اهتم اليه ..؟
مست((( ..
غمضت عيوني وقعدت افكر بهالدنيا .. معقوله ترميني اليوم في المستشفى ويه ابويي واني امباه يقوم وبقول ليه انه ما يحتاج يتراجع بكلمته واني موافقه ع احمد و ع كل شروطة .. اصلاً لأنه ابويي اخذ الكلمه من جاسم وجاسم هو اللي قال لأبويي اني موافقه .. وموافقه ع شروطة .. هذا يعني اني بتزوج احمد غصب طيب ..
مسكينه منى كل اللي عرفته انها كل شي تشتريه ليها تشتريه ليي ..
سمعت صوت جاسم وهو يقول : طمنى دكتور
مباشره فتحت عيوني ونقزت رغم اني ما كانت فيي شده بس هذا ابويي ونور عيوني ودلالي وعزي
هدى : ويش
الدكتور : لا الحمد لله ابوكم تجاوز مرحلة الخطر بس الحين ما تقدرون تزورونه لأنه يحتاج لراحة ..
ماكمل الدكتور نقزت ع جاسم وقمت اصيح .. واخيراً صحت .. بس دموع فرح ..
جاسم شد عليي .. توقعته يتباعد عني .. بس بيبقى جاسم الحنون عليي لو ويش ما صار ..
هدى : ابوي صار زين ابويي صار زين نور عيوني صار زين
اني كنت اصارخ بينما امي داخل الحجرة وشافت حشرتنا طلعت وشافتني الوي على جاسم
امي : ويش صاير
تركت جاسم وركضت لأمي
هدى : مبروك يا ست الحبايب شايبش رجع ليش ..
امي ما صدقت اللي اقوله وحظنتني وقامت تضحك ..
محمد اخوي ما انتظر اذن من الكتور دخل يشوف ابويي ..
منى : متباركة هدوي
رحت لمنى وحظنتها
كانت دموعي تنزل بدون احساس .. مو مصدقة .. في لحظة حسيت اني بفقده
هدى : منوي اني كنت بفقد عزي ودلالي والحين رجع ليي
امي راحت تكلم الدكتور رحت وراها
الدكتور : لا الحمد لله في البدايه ماكان يستجيب للدوا وقلنا انه خلاص هو يحتظر بس بعد ساعات شفنا انه بدت حالته حاله طبيعيه ورجع كأي انسان مرتفع السكر شوي عليه
هدى : دكتور امتى بيوتعي وبنسولف وياه
الدكتور : ما اقدر اقول ليش متى بيسولف وياش بس هو الحين مخدر عشان يرتاح .. وانشاء الله في الليل بيكون اوكي وتقدرون تزورونه
قعدت اناقز مثل اليهال .. ماكنت مهتمه لوجود الدكتور او غيره .. ماكان يهمني احد غير ابويي اللي ظل ويانه وما تركنا . الف الحمد لله والشكر لك يا رب الف الحمد والشكر لك يارب .. لو يظل الإنسان ساجد ليك ليل ونهار ما يوفي دره من حقك انته عطيتنا بس احنا ما نقدر .. الف الحمد لله والف الشكر لك ياربي ..
لفتت انتباهي في حجرة الدكتور منظرة يوم شفت شكلي انهد عليي ضحك غير طبيعي .. الحين هذا شكلي .. الشال مفلول نصه وشعري يطلع نصه ( بدون حواس ) عليي قميص وتنورة اللي يشوفني يقول وحده من الخايسات اللي يتمشون وشعرهم نصه مطلع .. بس اكتشفت هالشي مباشرة دخلته وضبط الشال . طلعنا اني وامي وطبعاً امي قالت بتقعد بس قالت ليي اروح البيت واسويي لأبويي اكل فيه ملوحة وطبعاً اني لازم اتفنناً عشان اصالح ابويي .. بعيش المر ويه احمد .. وبدوس على كرامتي بس عشان اللي ضحى بعمره سنين طويله عشاني .. لأنه لو احمد مو من اهلنا بتكون المسأله اسهل بس احمد ولد خالي واذا ابويي راح ورجع مهرهم مو عدله وهذا يضر سمعت ابويي ..
بس مسكين كان مستعد يسوي هالشي عشانه بس ارادته كانت ترفض ولهالسبب طاح علينا . الله يحفظك لينا ويخليك تاج فوق روسنا ..
رجعنا البيت اني وجاسم ومنى .. ومنى مسكينه بتساعدني الصراحة فيها الخير وقفت ويايي في مواقف وايد .
بعد ما مشى جاسم
هدى : جاسم اني اعني كل كلمه قلتها ليك بالمستشفى
جاسم : يعني موافقه
هدى : أي
جاسم : وانتين لازم تعرفين انه ابويي اعتمد على موافقتي الأوليه لما كنت موافق وما سألني الحين .. وانا آسف ع يوم اضربش بس فقدتيني صوابي الحين انا ابيع اختي .. بس لازم تعرفين انه احمد لازال يحبش والدليل موقفه اليوم رغم كل اللي سويتينه فيه
هدى : اني شوي تندمت ع اللي سويته بس هو مش دموعي وهو مو مالج عليي ليش يلمسني واني هالشي خلاني اعصب
منى : حرام عليش اخوي حباب ولطيف وبعدين احمد ربش بتسكنين في بيتنا وهداني اسمع انه فطوم وحمود بيون بيتنا لأنه امهم وابوهم بيسافرون الأردن لعلاج لظهر حسين شوي خراب
هدى : رحنا وطي .. فطوم ما تيود لسانها
جاسم : ههههههه
وصلنا البيت ونزلت اني ومنى .. قمنا نسوي معكرونة بالبشميل فطيره البوف باستري .. وشوربه خفيفة للبابا عشان تخفف عليه .. الصراحة توني مكتشفة هالحب لأبويي ..كنت اظنه مجرد ابو يدلع بته بس يوم حسيت اني بفقده خلاص خفت عليه حسيت انه حياتي معلقة فيه ..
خلصنا من الطباخ قصدي مسكينه منى خلصت لأنه هي تسوي اكثر مني .. رحنا تسبحنا اول دشيت اني وهي عقبي .. ولبست ثياب من عندي ( كله واحد نتلابس )
اتصلنا لجاسم وجا اخذنا
ركبنا السياره وانطلقنا للمستشفى
جاسم : اوه روائح حليوه .. ويش مسويين
هدى : اني ما سويت الا شوي والباقي منى
جاسم : تعبتين مرتي
هدى : هي موافقه انته شكو
جاسم : انا المسؤل عنها وانا اللي اقول تطبخ او لاء
هدى : والله منى رفيقتي قبل لاتصير مرت ولا انته ولا غيرك بتفرقونا
جاسم : حشى
منى : ههههههههههههه
جاسم : عساها دوم هالضحكة
كالمعتاد منى منحرجة .. خخخ .. هالبنيه مادري امتى بتعقل .. هذا عقب كم يوم بيكون ريلها وهي حرمته بعد ليش تتغير الوانها ..
دخلنا المستشفى .. اني عندي الباشميل ومنى البوف باستري وجسوم الشوربة
يمكن بعد ماقال ليي جاسم انه هوماله دخل حسيت بالراحه ..
دخلنا الحجرة الا امي صوب ابويي ( كانت الساعة 9 )
ابويي كان نايم
كانت امي تأشر لينا عشان نسكت .. طبعاً احنا سكتنا وقعدنا
اشرت ليي منى وقمناطلعنا
منى : شو رايش نروح نشتري اجباس كبيرة حق الظيوف وحلاوة
هدى : اوكي ..
طلع لينا جاسم
جاسم :ها على وين
هدى : بنروح السوبر ماركت نشتري اشياء لين جو ناس
جاسم : تبغون اجي وياكم
منى : بتجي حياك
جاسم : بس مدام قالت منى بجي ..
هدى : انته محد يعرف ليك الا منى
نسيت همي .. ابستغل هالأيام وبستانس ويه اهلي .. وما بتذكر الأيام المنحوسة اللي بعيشها ويه احمد ..
نزلنا بالأصنصير .. وحنا نازلين الا بيت خالي يوسف وحسين جا ..
بيت خالي يوسف ( احمد وخالي وفطوم < الملسونه )
بيت خالي حسين ( عبدالله وخالي )
صار السلام .. رفعت عيوني لأحمد طالحت عيوني في عيونه صد عني وقام يكمل سوالفه ( جدي يعني زين اني بطنشك )
عبدالله : مبروك هدوي يقولون انخطبتين
لا تقلب المواجع يا ولد الخال ..
هدى : أي اني صار كل شي بسرعه
عبدلله : ع الأقل ارفعي تلفون وقلي ليي
هدى : انشالله برفع تلفون وبقول لك ..
عبدالله : الحين ما ينفع انا ذكرتش
كان عبدالله يمشي عادي بس اللي يدقق عدل بمشيته يحس انه يجفس ريول اكثر من الثانيه
منى : تبادلنا اني اخذت اخوها وهي اخذت اخويي
جاسم : أي ماباقي الا ابو الشباب عبود بعد يتزوج وتكمل الفرحة
عبدالله : اكو البنات يسمعون خلهم يدورون ليي بنيه
غمزت لمنى
هدى : اني عندي بنيه سمها ماهل
جاسم + منى : هههههههههههههههههههههههههه
عبدالله : والعياذ بالله ماهل عاد
هدى : أي ترى هذي رفيقتي ورفيقة منى وحتى جاسم يعرفها بنيه طيبه وخلوقة .. بس عجميه وما تعرف تتكلم عدل عربي وما تلبس حجاب
عبدالله : بس
هدى : أي
جاسم : اصلاً تسمينا انا واحمد وسامي ومحمد وحسين اخونها
احمد : انا شكو
جاسم : لأنها تقول اخوان هدى اخواني واخوان منى اخوني
هدى : ترى هي جميلة وايد
عبدالله : بس انا امبي بنيه متحجبة
هدى : عادي نلبسها حجاب
عبدالله : لاوالله .. انا امبي بنت افكارها مثل افكاري مو آخذ وحده ما تلبس حجاب باجر تقول ليي اذا تبغاني ما بلبس حجاب واذا مصر البس حجاب طلقني
هدى : هههههههههه .. مهوله ما تسويها
خالي : يالله امشو
جاسم : عبود وحمود تعالو ويانه
فطوم : لا اني بجي
احمد : انا ما بروح
جاسم : يالله عشان تمشي ويايي امبيك بموضوع .. بنخلي البنات قدام
عبدالله : انا بعد ما بروح ريولي ما اقدر امشي وايد
جاسم : الله يساعدك .. ويش احمد .؟
احمد : ما بجي
جاسم : يالله بلى دلع ..
احمد : اذا احنا بنروح ليش البنات يروحون
منى : لا يابويي .. لا تكنسل علينا
احمد : ماله داعي تروحون ..
منى : هدوي امشي نمشي
هدى : جسوم احنا بنروح
جاسم : اصبرو
جاسم : يالله مش يا اخي
احمد : ما نمشي ويه البنات
جاسم : ااف بتجي لو لا
احمد : بجي ..

تقدمنا احنا وجاسم واحمد ورانا الشيخ ما يبغي يمشي ويه البنات احم احم يا جماعة لحد يصدقة هذا اكبر جداب ..
وصنا السوبر ماركت اشترينا وطبعاً احنا ما شفنا الشباب ابداً رحنا بندفع الا انشوف اثنين طابين علينا .. طلعت البوك وعطيت الكيشر ومشيت
منى : صبري هدوي اكوم جو
هدى : اوكي احنا ويش علينا احنا بنمشي عنهم ..
منى : امشي
رجعت ليها
جاسم : هدوي خلنا نمشي قروب
هدى : ما احب امشي ويه غرب
جاسم : ما ويانه غرب .. انا اخوش واحمد ريلش
هدى : لو سمحت ماهو ريلي .. مني لين ما نخط
ما كملت كلامي لأنه جتني خزة من جاسم ..
هدى : أي صح نسيت ساعات انسى انه احمد يكون خطيبي ..
جاسم .. تعالي انتين امشي وياه وانا بمشي ويه منى
هدى : اني امبي امشي ويه منى .
منى : انزين خل نمشي قروب
جاسم : لا انا امبي امشي ويه خطيبتي
هدى : عشتو بمشي ويه منى غصب عنك ومنى رفيقتي
منى : أي صح اني بعد عندي سوالف
جاسم : عاشو ..
احمد : انا امبي امشي ويه هدى
رفعت عيوني مو مصدقة اللي اسمعة ...
طاحت عيوني في عيونه .. نزلت عيوني ودرت عنه هذا اكيد يلعب بمشاعري ما بصدقة ..
منى : اوكي خلنا نمشي ككل اثنين ..
تقدمونه جاسم ومنى وكانت الأغراض عند جاسم .. ومشينا اني واحمد . الحين اني امشي ويه هالسبال ..
الأخ مصدق عمره .. يود ايدي ومشينا .. لا والله لايكون يعي هو خلاص ملج عليي .. وع وع خله يشيل ايده قبل لا اكسرها ليه << قصدي ايتفتف ايدي .. اني مو قد قوة احمد
هدى : احمد هد ايدي
ولا كأنه يسمع
احمد : انتين ويش فيش .. انا خلاص انا ليش وانتين ليي .. ليش ما تصدقين اني متزوجنش عن حسن نيه
هدى : لأنك
ما كملت .. ويش اقول ..
احمد : كملي
هدى : لأني ما عدت ديك اللعبه اللي تلعب بها وبعدين تقطها .. في يوم قعدت ويه غيري وتبوسمت وعطيت غيري رساله .. وفي يوم تغزلت ببت خالتك .. تحسبني بهالسهوله بسامحك وبمشي الموضوع عادي .. لا .. انته طعنتني بقلبي واني ما بسامحك
احمد : لأنش اغبى ما خلق الله ..
تنرفزت وسرعت مشيتي بس هو ميود ايد ما اقدر امشي عنه حاولت اهد ايده بس كان شابص ع ايدي
هدى : هد ايدي بتكسرها
احمد : انا عاجبني ملمس ايدش وبظل ميودنها
هدى : حرام بتكسرها
احمد : اذا انكسرت بنركب عليش بنيه
كان السوبر ماركت بره المستشفى ولهالسبب مهلنا ..
وصلنا عند الباركات وتونا بندخل الأ محمد وعلي ومرتضى ولاد عمي جايين .. ( يا حبيبي )
هدى : احمد عاد هد ايدي بس قدام الناس
احمد : انتين خطيبتي وكيفي بيود ايدش بحظنش بسوي اللي اباه كيفي
هدى : احلف بس .. لا تصدق روحك ..
تقربو منا علي ومرتضى ومحمد وراهم
مرتضى : هلا بالعاريس الجدد
احمد : هلا بيك
علي : ها هدوي الحين مستانسه ويه خطيبش
احمد : اكيد مستانسه وحده تحصلني وتعوفني
اما هدى ففلصت ايدي ..
احمد : هههههههههههههههه
علي : ويش فيش تدلدغك
احمد : لا فالصتني لأنها مستحيه منكم ..
مرتضى : الله يدوم المحبه
احمد : محمد ما بتبارك لينا
محمد : ع شنو
احمد : على خطبتنا
محمد : ليش ملجتو
احمد : الأسبوع الياي
محمد : متباركين
هدى : الله يبارك بعمرك .. ويرزقك بت الحلال اللي تناسبك
دار ليي محمد وحط عيونه بعيوني كانه يقول ليي انتين اللي اتمناها .. مباشره غاورت عنه وصديت صوب احمد للي كان يطالعني وابتسم ليه وردها ليي < بس قدام الناس
احمد : يالله مع السلامة .. نلتقي فوق
مرتضى : ا بتركبون ويانه
احمد : لا انا وهدى بنتمشى
( نعم )
اني وحده ما بتمشى .. وبرجع لأبويي .. والحين ليل وين اتمشى بعد ..
وبس مشو
هدى : يالله بسرعة نركب بسرعه
احمد : ههههههههه .. انا ما اخذتش عشان نرجع . امبي اططلع وياش ..
هدى : اني ما بطلع وياك .. وما امبي اشوفك .. وماني طايقتنك .. وياليت تهد ايدي ..
احمد : لا حبيبتي .. احنا مخطوبين ولازم نتعرف على بعض
هدى : اعرفك زين
احمد : ويش تعرفين عني ..
هدى : لوتي وحثاله و
احمد : بس بس بس .. اما انا رايي فيش احلى واجمل واطيب بنيه عرفتها ..
هدى : ما يهمني رايك
احمد : بس انا يهمني رايش
هدى : وانته ما تهمني
احمد : احب عنادش
هدى : اكرهك
احمد : احبش اضعاف ما تكرهيني ..
هدى : هد ايدي وخلني امشي ..
احمد : ريولي على ريولش وخلنا نتمشى
هدى : ماعليه بنتمشى بعد الزواج
احمد : قبلتين فيي من قلب
هدى : طبعاً لا
احمد : عيل
هدى : عشان خاطر ابويي اللي طاح بالمستشفى قبلت فيك
احمد : وابوش شكو
هدى : لأنه ابويي ما يبغي يرجع بكلمته قدام الججماعة فتضايق يوم رفضتك ويوم شفته بهالحاله وافقت
احمد : جدابه .. وافقتين لأنش تحبيني ..
هدى : اني مست(((
احمد : امبلى لا تنكرين
هدى : اني .. الظاهر انته تحلم ..
احمد : تحبيني له
هدى : لا
احمد : امبلى
هدى : لالالالا
احمد : أي أي أي .. تحبيني له
هدى : احبك واموت فيك بس خلينا نروح الحجرة لأبويي
احمد : أيه جدي الواحد يستانس ويروح المستشفى ..
واصلنا طريقنا واحسن شي انه لما كنا نتكلم ماكان موجود احد .. دخلنا المستشفى وعص وشفنه شله صبيان منهم اللي كان في المدرسة وقال ليي انتين حبيبه احمد ..
عصيت ع ايد احمد بخوف ..
احمد : لا تخافين
هدى : مو خايفة
وصلنا ليهم
الصبي : هلا احمد
احمد : عليكم السلام ومشى
الصبي : عاد وقف نسلم عليك
احمد : خير
الصبي : هذي خطيبتك .. كان ظني بمحله
احمد : لا هذي زوجتي
هي هي اني ما تزوجته بعدي والله لا يجيب داك اليوم ..
الصبي : اوه مبروك
احمد : الله يبارك في عمرك الحين اقدر امشي
الصبي : ايه .. بس ترى زوجتك حلوة .. وهاوشتني لأني بس طريتك
طالعني احمد وقمت اني ارتجف من الخوف
الصبي : أي صدق .. لما قلت ليهم اعرف احمد قالت هالإنسان بالذات لا تجيب طاريه ع لسانك القذر ..
احمد : زين تسوي
الصبي : ويرضيك تكلم صبي
احمد : اذا كانت تاخذ حقها او حقي ليش لاء
الصبي : امم
احمد : تقدر تمشي ..
ومشى عنا الصبي واني واحمد مشينا
احمد : صدق اللي قاله
هدى بخوف : أي
احمد : وليش انا بالذات ما يجيبني ع لسانه ما ترضين عليي
هنيه اني سكت ما اقدر اقول شي ..
احمد : تكلمي
هدى : ويش اقول اني أي احد يغلط على اهلي ما ارضى سواء غلطو عليك او على غيرك من اهلي ما بسكت
احمد : عيل ليش قلتين هالإنسان بالذات
هدى : بس
احمد : امم .. عيل امشي نروح للجماعة
هدى : لالا بنتظر لين بيت عمي يطلعون
احمد : ليش
هدى : ما امبي اشوفهم
احمد : واذا ما طلعو
هدى : بظل وياك
احمد : عيل انشالله ما يطلعون

مادري ليش رغم اني كنت كارهه احمد لكن الحين احس اني غصب طيب بكلمة .. شي مو بأيدي ..
طبعاً ما بغبي عليكم اني كنت كشخة آخر كشخة .. تدرون ليش .. حق ابويي هالمسكين .. عشان اقول ليه هذا كشخت وبتزوج ..
شعور ما اقدر اوصفة .. خوف وفرح .. انتظر اليوم اللي بيعقدون عليي وعلى احمد .. وفي مثل الوقت خايفة
اتمنى انه يعقدون علينا يمكن يصارحني ويقول ليي السبب .. او يقول ليي انا مظلوم .. بصدقة . بس امتى !!!
قمنا نتمشى بالمستشفى
احمد : هدى ..
درت ليه بدون ما ارد
احمد : تحبيني ..
كان يبين من صوته الجد .. يبين انه كان حاير .. احترت اقول ليه اللي في قلبي .. او اقول ليه اللي لساني يبغي يقوله
مادريت عليه
احمد : قولي شعورش لا تخافين
هدى : ويش تنتظر مني اقول
احمد : ردش
هدى : بيوم بتعرف شعوري
احمد : والحين
هدى : الحين وضعي غير .. الحين تغير حالي ..
احمد : من أي ناحيه
هدى : كل النواحي ..
احمد : تجهزتين للعرس
هدى : امس قالو ليي
احمد : اذا بغيتين انا بوديش
هدى : لا الحين اني اتدرب .. وباخذ الليسن انشالله يوم الثلاثة بدخل تراي .. وبس آخذة بطلع
احمد : ما تطلعين بروحش
هدى : امبلى
احمد : مافي . ما تطلعين الا وياي
هدى : وليش يا حبيبي
طلعت هفوت لسان بس ما كنت اقصدها .. اني كله اقول هالكلمة .. طالعني احمد بتمعن اكثر .. كنا قاعدين على كراسي في ممر في المستشفى مافيه احد
احمد : ويش
هدى : ليش ما اطلع بروحي
احمد : لأني اخاف عليش
هدى : وما خفت على مشاعري وانته تقعد ويه غيرري
مادري ويش جاب هالموضوع على بالي .. بس بس تذكرته نفرت من احمد وقمت عنه .. ومشيت بسرعه عشان اوصل للفت قبل
احمد كان يركض ورايي
احمد : هدى هدى
بصوت خشن ..
وصل ليي وسمت ايدي ودارني ليه بحيث كنت قريبه منه وهذا الليي خلاني ارجع لورا
احمد : ويش فيش تونا كنا اوكي ..
هدى : اذا اتدكر سواياك انقلب .. انته السبب قلبت حياتي
احمد : انا ما غلطت
كنت انتظر هالكلمة
هدى : والدليل
احمد : مافي دليل
هدى : ما اقدر اصدقك
شبك صبوعه بصبوعي
هدى بنبرة هادئة : الحين بنرجع
احمد بعصبيه : أي
هدى : احمد ارجع مثل من ساعة
احمد : انتين خربتين مزاجي .. وحكمتين عليي بدون ما تعرفين ويش الموضوع وويش السالفة .. وانا بريء .. وانتين اللي عصبتين بالبدايه
هدى : انزين انسى السالفة
ما كنت امبي ارجع حجرة ابويي واشوف عيونه مثل الشرار عليي .. امبي ابويي يشوف انه احنا متفاهمين .. ما امبي افقد ابويي .. ولهالسبب صالحته .. الأخ يظن انه لسواد عيونه بقول ليه ارجع مثل قبل .. عساه يظل معصب ويش اسوي .. اصلاً اتسلى واني اشوفه مقهور ..
رجعنا حجرت ابويي وبس دخلنا كل الأنظار علينا وخصوصاً انه احمد ما هد ايدي .. بس دخلنا مباشره تركت ايده ورحت لأبويي اللي اوتعى ..
حبيت راسه
هدى : جدي تخلي بتك الصغيره تصيح وفي النهايه تطلع احسن واحد فينا
الكل : هههههههههههههه
ابويي : عاد بتي الصغيره دلوعة
ساسرته
هدى : اني موافقه
ابوي : ادري
هدى : ليش
ابويي : لأني ما اهون عليش ولأنش تحبين ولد خالش لو انا غلطان
هدى : الأوليه صح لكن الثانيه مشكوك فيها
ابوي : هههههه
امي : بس يالدليعه لا تتعبين ابوش ..
هدى : ابويي يعجبه كلامي اني بته الصغيره
طبعاً نسيت اقول ليكم انه الصدمة كانت انه بيت عمي بعدهم موجودين .. والكل رفع راسه لينا الا محمد
جاسم : تعالي يالصغيره
هدى : انا عندي موضوع مهم ويه الغالي بخلصة وبدور ليك
جاسم : آه يالمهمة
فطوم بعدهي هنيه
فطوم : بعدش تحبين عمي احمد مثل اول
( شهقت من داخلي ) هذي قبل لا اتزوج بقتلها .. قدام الككل تقول جدي
منى : ردي عليها
ابوي : ردي البنيه تسأل
كانت عيون محمد ولد عمي فيها فضول غريب
هدى : لا حبابه زاد حبه نقطتين
طالعني احمد ورفعت عيوني ليه ..
الكل استغرب من ردي واني اول وحده كنت بقول نقص بس مادري ليش قلت جدي كأني بدون حواس .. صدق اني انحرجت يوم حسيت لروحي ويش قلت بس شفت نظره السعاده بعيون احمد رغم انه ما يستاهل
ابويي : الله يوفقكم
جاسم : تعالي
طلعت وياه
هدى : نعم
جاسم : تقصدين اللي قلتينه
هدى : لاء
جاسم : عيل ليش فرحتين الريال
هدى : ما يستاهل الفرح .. احمد حثاله ..
جاسم : جب .. ترى هذا رفيقي وانا اكرر انه ما غلط
هدى : ليش ما يدافع عن نفسه .. ليش ما يريح اعصابي
جاسم : بس حرام .. المهم ويش سويتون
هدى : قمنا نتمشى وبعدين تهاوشنا وردينا تصالحنا وجينا
جاسم : امم .. من اللي بدى في الهوشة
هدى : طبعاً اني
جاسم : مو اقول ليش مسكين احمد
هدى : المسكينه اني اللي اطيح في ايد واحد مثل احمد يشكل الوحده على كيفة وبعدين يرميها
جاسم : ليش تظلمينه
هدى : لآنه هو جدي
ودخلت عنه .. فتحت الباب الا محمد في ويهي ..
تدنيت على صوب وخليته يطوف ودخلت
كان احمد يطالعني رفعت عيوني ليه وكأي اقول ليه ( أي خدمة )
ابويي : يالله هدوي زهبي اغراضي بطلع وياكم
امي : اقعد مكانك مافي طلعه
ابويي : تبغين تفتكين مني
امي : البيت بدونك ظلمة .. لكن امبيك ترتاح
ابويي : راحتي وسطتكم
هدى : ابويي اقعد خلهم يهتمون فيك
ابويي : والله امش تهتم فيي اكثر
هدى : يالله عاد باجر من الصبح بجي ليك
ابويي : اوكي بس عيوزتي امبيها ويايي
امي : والله اني شباب بت 15 سنه اذا انته شايب فهذا شي راجع ليك اما اني اصغر من هدى
جاسم : يعني امي قد بتي
امي : هههه ..
قعدنا سوالف وضحك وبعدين امي طردتنا عشان شيبتها يرتاح ..
رجعت البيت ومبطحت قعدت اتقلب بس ما جتني النومة .. حظنت وسادتي وقمت افكر .. اني لين امشي ويه احمد احس بالأمان مادري ليش ,, وبعد لين امشي وياه احس روحي قصيره لأنه اطول مني صدق مو بوايد بس اطول مني بكف ونص تقريباً وفيه عضلة بسيطة مطلعه جسمه حليو .
احس انه بريئ بس ما اقدر احكم عليه .
غمضت عيوني احاول انام بس ابداً وخصوصاً انه بعد باجر بدخل تراي . ويا انجح يا ارسب .. بس ليش احمد مو راضي اطلع بروحي ..
طبعاً ما قلت ليكم اني لأنه ماكان ليي مزاج .. اني ومنى نتدرب .. بس اني سابقتنها .. اني ترايي يوم الثلثاء وهي الأسبوع الجاي .. منى ماباقي على عرسها غير سبوع .. واني ما جهزت روحي ولا شي وحتى فستان ماسوييت لو ما رحت وياهم للخلق وهم اخذو ليي ومنى خيطته بموديل اني قايله ليها ابه .. وجهزت ويه منى اغراض الجلوة .. وحجزت عرسهم في الدبلومات بعد لأنه عجبها اما اني سألوني عن أي صاله امبي قلت ليهم صاله بيتنا ..
اني ما امبي حفلة بس الكل معارض ويقولون هو خطوبة وعرس فلازم حفلة عودة واحمد بعد يبغي اني ويش ناقصني .. واللي عرفته انه منى باجر بتروح تاخذ ليي فستان مثل فستان عرسها
( مثل المحل ) لأنها اتأجرت واحد جديد لأنه خياط يبغي ليه وقت وهو مافي وقت ..
اصرت اروح باجر وياها .. واني قلت ليها اوكي . بس يمكن اغير رايي ..
اني بعد بيسوون ليي جلوه بس قلت ما بشتري ماليي زاغر اطلع باخذ اغراض منى عدا الفستان بسويي ليي واحد .. وكل هالأشياء باجر وللملجة فستان بس مادري وين بحصل خياط يخيطه ليي لعقب سبوع
غمضت عيوني ونمت ..
قعدت الصبح على فوضة جاسم .. الأخ مستعيل يبغي يروح المستشفى .. دخلت الحمام وتسبحت < عناد ..
طلعت وكانت الساعة 12 الظهر .. صليت ولبست وطلعت .. شفت تحت الخدامة

هدى : كرتيني وينه جاسم
كرتيني : بابا جاسم مشى وعسب
هدى : انزين
هههههههه .. جاسم عصب .. زين له ..
اتصلت لمنى
هدى : شوفي ريلش عصب عليي ومشى عني المستشفى
منى : اني بتغدى وبمشي .. بسلم على عمي وبنروح المجمع
هدى : لالا غيرت رايي ما بيمديني اقعد ويه ابويي
منى : مافي .. بكبره مافي وقت مو فاضيه لدلاعتش
هدى : قعدت الصبح ماليي مزاج اروح
منى : بتروحين غصب لا اشكي عليش عمي ..
هدى : لالالا بروح
منى : أي صرت اعرف ليش
هدى : هههههههههههه ..
هدى : انزين مري عليي لين بتروحين المستشفى ..
منى : اوكي احنا حمود بيودينا
هدى : بس نجفت
منى : الله يغربلش فضحتينا
هدى : كيفي ما امبي اشوفه
منى : اص وقص لسانش
هدى : اجمعين
منى : بنمر عليش كوني جاهزة
هدى : روحي زين
منى : هدوي بلى دلع يهال كوني اكبر من جديه ..
هدى : ما اقدر اني بعدي صغنونة لازم اتدلع
منى : مالت عليش
هدى : صدق الحين العصر لا تمرين
منى : مو على كيفش
هدى : ما امبي احمد يشوفني عشان يشتاق ليي
منى : جدابه
وهي الصادقة .
منى : انزين ماعلية البسي غشوه
هدى : قولي والله
منى : جهزي روحش بنمر
وسكرت .. ههههههههههههههههه .. ما امبي اشوق اخوها غصب هو
رحت وسويت غدا لأنه امي ما طبخت << مو تصدقون
عاد ويش الغدا ( شوربا ولازانيا )
مسجت ليي منى انهم وصلو ليي رحت ولبست . تكشخت .. ولبست شيله زاهيه ورديه .. وعبايه الفراشة ( وحده ثانيه ) بس فيها زيج وردي بدون أي نقشة .. ورشت روحي بالعطر وحملت بوكي .. وخليت الخدامة تحمل الأكل
دخلت السيارة وسلمت .. طبعاً مرت خالي واحمد قدام ووراا اني ومنى
مرت خالي : هلا بعروستنا
منى : اني العروس
هدى : هههه
احمد : شخبارش هدى
ايصير ما ارد .. ايصير يا جماعة احد يرد عليي
هدى : الحمد لله وانت
احمد : من البارحة وانا بخير
درت لمنى وتجاهله
هدى : منوي اليوم بنخلي فطوم تودينا المجمع
منى : لاحامل
هدى : عادي بس تودينا
منى : اوكي
مرت خالي : خلو احمد يروح وياكم
طالعت منى عشان تنقذني
منى : يا امي ما يصير المعرس يشوف العروس ويش بتشتري قبل ليله الزفة
طالعني احمد في المنظرة .. بايخ
مرت خالي : اها اوكي .. ( ودارت ليي ) عاد امبيش احلى عروس يا هدى
ههههههههه مسكينه ما تدري انه الود ودي ما اسوي شي ..
هدى : من عيوني خالوه
وصلنا المستشفى نزلت ونزلت اني ومنى الأكل .. ركبنا اللفت قبلهم .. وجو بيركبون بس تعمدت اني ما ايوده .. مو مهم يركب احمد ويانه
دخلنا حجرة ابويي . وسلمنا وقعدنا سوالف وضحك وبعدين ابويي بشرنا انه بيطلع باجر .. وبعدين مرت علينا فاطمة بعد ما اتفقت وياها اليوم ( عشان ما يوصلنا احمد )
مرت واخذتنا
هدى : هلا بالحامل
فاطمة : هههههه .. هلا بيش .. اللي يسمعش يقول اول وحده في العالم تحمل
هدى : أي انتين اول خت ليي تحمل
فاطمة : تركبو
ركبنا .. اني ومنى ..
منى : شخبارش فاطمة
فاطمة : هلا انتين شحوالش
منى : عالي العال
فاطمة : أي منهو قدش ايام وتصيرين مرت اخويي
مشينا لمجمع .. طبعاً اني ما اشتري شي وهم يشترون ليي ملزمات العرس ..
اخذو ليي ثياب جواتي نعل عطور مكياجات واغراض للعرس .. بينما اني الود ودي نمشي .. رحنا محل مصممه ازياء كانت تصاميمها روعة .. اخذت ليي بدله لليله الحنا وبدله للملجة وبدله للجلسة ..
ومنى بعد مادري ويش اخذت ليها ..
بس البدلات اللي اخذتهم وايد دخلو مزاجي وخصوصاً انهم مش****ن بايد وفيهم كرستالات وخرز ..
طلعنا من المجمع ع الساعة 9 وايد تعبنا من العصر ..
فاطمة رجعت منوي بيتهم ودخلنا اني وفطوم بيتنا .
شوي بدت اشتاق للزواج ( مجرد كشخة ) ويش ورايي بكشخة بس مو للأحمد .. ابكشخ عشان الناس واهله ما يقولون عروسته ناقصة .. بكون كامله
قررت اروح الفندق اسوي مكياج واما الحنا فبتجي ليي رشنا .. وحجزت اني ومنى استوديو وحجزت الدبلومات .. رغم اني كنت متحيرة بين كراون والدبلومات بس طبعاً الدبلومات احلى ..
اما عرس منى فقرب كلش ..
مرت الأيام بسرعة واني كنت احاول استغل كل دقيقة ويه اهلي .. ابويي طلع من المستشفى وتعافى ..
مشت الأيام ومر اسبوع واليوم جلسة منى وجسوم ...
بس بيسوونه بس عائلة وفي صالتهم الكبيرة ..
حملت جلابيتي المخورة ورحت الصالون وسويت ليي مكياج ناعم كلش امبي ابين في عرسي .. واما شعري فكان بس ستشوار .. لأنه ما امبي ابين كشخة بعوض كل الكشخة في زواجي ..
جهزت وتبخرت ع الساعة 6 ونص . نزلت تحت
جاسم : هلا بالعروس ..
تجمعت في عيوني الدموع
هدى : جسوم يصير تلغي عرسي
جاسم : بقول لأبويي
هدى : لا ابويي لا ..
جاسم : عيل ما يصير اسوي هالشي بروحي ..
هدى : بس خلاص
جاسم : هدوي اذا انتين ما تبين
هدى : بس خلاص
ورحت وحظنته
هدى : متبارك ياخوي هذا اللي تمنيته اغلى اثنين يرتبطون
تباعدت عنه ورحت لأمي وهي لابسه جلابيه ومتكشخة
رحنا الجلسة وكانت منى روعه وحناها حليو .. طبعاً لأنه اني كنت قريبه منها فشفت ويهها بس عاداتنا انه ما تبين ويهها ..
وا تريبو ..
ارتفعت اصوات النسوان .. اما اني فكنت منعزله اتخيل نفسي ( لالا ) اني بعدي صغيره .. بس حسبي الله ونعم الوكيل
بعدين بدت الناس تمشي واحنا من هالناس .. مشينا آخر ناس .. اليوم شفت سلوى بس ما حتكيت بها اما هي كانت تطالعني بغضب وحقد وكراهيه ..
رجعت البيت طيرت المكياج وغسلت شعري ونمت ..
ع الصبح قعدت ورحت الصالون لأنه اليوم العرس .. ما كنت وايد ويه منى بس بشوفها في الصالون .. طبعاً هي بتروح ويه احمد عشان جدي ما اتصلت ليها ..
اليوم فستاني فيه طاووس .. اني احب اكون طاووس ( خخخ )
رحت الصالون وشفت منى .. طبعاً اني بعد شعري مفلل بس فيه حركه بحيث يحطوون ليي ريشه طاووس تلمع ويه لمعه شعري ..
قلت ليهم امبي مكياج خفيف وفعلاً .. طلعت مثل الباربي .. وايد هادئة ..
اما منى فلا إلاه الا الله عليها .. ماشالله جمال .. ولما لبست الفستان بعد حلوت اكثر .. ومكياجها كان شي عصري رهيب .. تسريحتها تجنن .. استانست ( اني يمكن اكون جدي )
مشت منى قبلي واللي مر عليها جاسم .. واني لحد الحين ما ادري من بيمر عليي ..
اتصلت لجاسم أسأله قال ليي هو موصي محمد يجي ليي وبس بيضرب هرن ..
لبست عباتي وشيلتي وما غطيت ويهي وخصوصاً انه محمد ع سيارته عازل .. ومكياجي خفيف ..
طليت من داخل عند الباب .. يوم سمعت الهرن طلعت .. شفت سياره محمد وركبت .
هدى : ه
ما كملت .. هذي سيارة محمد بس هذا مو محمد .. هذا احمدو .. ويش يالس يسوي .. قووم
هدى : وين محمد
احمد : هلا هدوي
هدى : وين محمد
احمد : محمد قال ليي اجي
هدى : واني ما امبي اركب وياك
احمد : مو على كيفش
هدى : بنزل
وفتحت الباب ..
نزل احمد وركبني بالغصب وصك الباب ..
هدى : انته ويش تبغي مني اتركني اني ما ابغيك .. ما ابغيك ..
احمد : وانا خطيبش
هدى : ما تفهم .. ما امبيك .. مو طايقتنك
احمد : اهم شي انا اطيقش
مشى وتوجهت للفندق وخصوصاً اني تأخرت لأنه ما جهزت من وقت وايد كستومر
هدى : امبي اروح الستيديو
احمد : أي لازم نصور بهالمناسبه
هدى : بصور بروحي
احمد : اوكي صورة بروحش وصوره انا وياش
هدى : وع .. ما امبيك ويايي .. بتحترق الصورة
احمد : وانا امبي صورة وياش
هدى : عيل لا تمر لأني ما بنزل ويه حثاله مثلك
احمد : انا حثاله مشكورة
هدى : حثاله ونص
احمد : الله يسامحش
يمكن تلومت شوي من اسلوبه بس يستاهل
احمد : هدى بتمرين الأستوديو
هدى : اذا بصور بروحي
احمد : كيفش
بصراحه كنت روعة لازم اصور بس ما امبي اصور وياه ..
هدى : اوكي بروح
لف احمد واتجهنا للأستوديو ..

نزلت ونزل احمد دخلنا الأستوديو واشوه ماكان فيه ناس ..
صورت صورة بروحي ويا دور الصورة اللي ويه احمد ..
احمد : هدوي أي حركة تبغين
هدى : اني واقفه وعقب متر ونص انته
الفلبينيه : لالالا اوقفي انتي وحدنيه
هدى : نعم
الفلبينيه : أي جدي تمام
هدى : روحي زين .. جب انتين هذا آخر عمري ..
احمد : هدى ويش تبغين ترى تمللت من دلعش
هدى : كيفي بتدلع كيفي
الفلبينيه تكلم احمد : انزين حت ايدك حوالينها
هدى : لالالا هذا ما يلمسني
حتى الفلبينيه عصبت
الفلبينيه : انتي ويش يبغي
هدى بخوف : أي شي
الفلبينيه : حتي ايدك على كتف هو
هدى : حرام
الفلبينيه : دو يوم وونت او نو
هدى : امبلى
تقربت من احمد اللي كان واقف صوب المنظر .. يت الفلبينيه وعدلت ايدي ولمست ثوبه .. بينما هو حط ايده ورايي ..
كملت الصورة واخيراً
احمد للفلبينيه : سويها نسختين
الفلبينيه : اوكي
هدى : مافي مافي .. تاخذ صورتي
احمد : ااااااااااااف
اخذ احمد الرصيد ودفع ومشنا .. وصلت الفندق بعد ما طفشت احمد .. زين بطفشه لين ما يقرر يهدني ..
دخلت ولفتت الأنظار .. طبعاً اني موصيه منوي امبي غنيه عجميه وعشاني حطو ..
استانست
ع الساعة 2 الا ثلث زفينا المعرسينا لبيتنا ( شقتهم )
اما اني فدخلت وتسبحت ونمت ..
مرت الأيام .. ومر هالأسبوع ..
تدرون انه باجر ملجتي .. ياربي سو المعجزة وخل باجر ما يجي .. ما امبي ..
نزلت تحت اتودع اهلي وخصوصاً انه ليله الملجة والثانيه الحنا والثالثه الجلسه واللي بعدها الزفت قصدي العرس
بس تدرون اني متشوقه اشوف روحي كاشخة وخصوصاًً انه فستاني روعة .. وان جربته صدق فن ..
نزلت الأ الكل متجمع .. ( جاسم منى ومحمد وامي وابويي ) طبعاً جاسم ومنى بيسافرون شهر العسل بعد زواجنا ..
رحت وبعدت صوب ابويي
هدى : بابا مع السلامة
ابويي : وين بتروحين
هدى : باجر بركب منصه الإعدام
ابويي : انتين مو قلتين موافقة الحين غيرتين
هدى : لا ما غيرت اوكي موافقة
ابويي : احمد ريال والنعم وكل بنيه تتمناه .. جمال اخلاق ديناه ماده
سكت ..
قعدت اسولف واضحك ..
صارت نص الليل واني قاعدة ويه منى وويانه فطوم نلعب بليستيشن .. وبعدين جا جاسم ولحقت ريلها اما اني وفطوم بت حسين اخو منى اللي قررت تبات ويايي كملنا لعب لين ما نامت عليي ..
حملتها وحطيتها ع الكرسي بشكل مريح ولحفتها اما اني ف دخلت حجرتي ونمت
بسرعه جا الصبح .. قمت بخمول .. بس ساعات ويجي الشيخ ..
دخلت منى
منى : متباركة يا عروس
هدى : الله لا يبارك في عمري دام هذي بدايته
منى : حرام عليش
هدى : انتون اللي حرام عليك احمد انسان متخلف وحش تززوجوني اياه
دخلت في دوامه من الصياح لأني كنت احس بتعب .. فعلاً كنت مو قادره .. احس بقهر .. احس اني مضلومة ..
ع الساعة 2 ونص الضهر ككانت منى واني قاعدين ع السرير واني اصيح بينما منى حاضنه راسي وتصيح ويايي .. مسكينه يا منى
دخل جاسم
جاسم : ويش صاير
مسحت منى دموعها
منى : ما صاير شي
جاسم : ليش تصيحون
منى : هدى ما تبغي تتزوج
جاسم : ليش هو لعب جهال .. اكو الشيخ جا يالله قومي ..
هدى : ما امبي ما امبي
وقعدت اصارخ .
جاسم : هدى انتين تبين تقتلين ابويي مو حرام عليش الشيخ تحت وبتفشلينه
يوم حسيت بأبويي قمت ولبست جلابيتي وغسلت ويهي وحطيت كحل وقلوز وفتحت شعري ولبست المشمر وساعدتني منى ونزلت ..
نزلت من الدري وهم كانو في الصاله .
شفت احمد من ورا المشمر ..
دخلت وقعدت ع واحد من الكراسي ..
ابويي ردد كلام وخالي بعد وبعدين احمد وجا دوري .. واحد من الأثنين .. افشل ابويي واخسره او اني اوافق
كل شي الا خسارت ابويي رددت والدموعي تنزل ..
وبعدين عطوني دفتر درت راسي لمنى طالعتني بطمأنين

منى : اضمنه ليش
وقعت
وانكتب على احمد ..
وقع احمد وطلع الشيخ ..
منى افصخي المشمر
هدى : ما امبي
ما تدري اني اصيح
ابويي : افتحي ويهش يا بتي
ويش اسوي الحين
فتحت ويهي ..
الكل شاف الصدمة عيوني متورمه من الصياح
محمد : ما اقدر على دلع البنات
قمت عنهم وويايي منى ركبت فوق ودخلت في حاله هستيريه من الصياح .. اصارخ واصيح حتى صوتي باح .. بس هالشي مو بأيدي .. كنت مرهقه .. كنت مصدومة
قعدت بروحي وبعدين جتني منى عشان نروح الصالون ..
غسلت ويهي ورحنا .. اني كشخت من خاطر .. وشعري وحالتي كانو روعه وخصوصاً اني حفيت حواجبي .. صرت انثى عدل ..
بالمكياج بعد برزت عيوني اكثر ..
جهزت وجا جاسم ليي ولمنى مشينا ورحنا البيت .. طبعاً الملجه في بيتنا لأني امبي شي عائلي فقط ..
دخلت البيت الا البخور والماي ورد والحلاوة والقدوع مبرز .. واحنا عندنا صالتين مفتوحين ع بعض والمكان عود عود
ركبت ودخلت حجرتي ..
كانت فيي الصيحة بس اليوم وقفتها عشان ما اتخرب ..
ع الساعة 8 التمت الجماعة ومنى مسكينه ويايي وفطوم اختي بعد ..
الساعه 9 ونص دخلت ع الناس ( اهلي ) والكل يطالع بس بس وحده لفتت انتباهي ( سلوى ) كانت قاعده بروحها ودمعتها في عيونها . كسرت خاطري .. كان ودي اروح ليها اقول ليها أي شي بس ما يصير
قعدت على الكرسي ومنى جنبي ..
بعدين حطو اكل والكل ياكل اما اني فكنت تعبانه وخصوصاً انه البارحة سهرانه ..
بعدين قالو انه احمد في الميلس وبيودوني ليه
تمسكت بأيد منى وكأني اقول ليها لالا ياخذوني
منى : ما عليه ..
امي طلبت مني اقوم .. ورحت الميلس بروحي ويه امي ..
دخلت امي ويانه .. وبس قعدت مشت
مادري ويش اسوي او جيفه اتصرف .. واحمد بعد ساكت
قعدنا فتره اني ساكته وهو ساكت
احمد : شخبارش هدى
هدى : الحمد لله
احمد : اليوم ليش تصيحين
هدى : أني مضلومة
احمد : في ويش
هدى : ولا شي
احمد : اكيد في سبب
هدى : ما زوجوني اياك من زمان لهالسبب ظلموني
احمد : اكو ملجنا وورا باجر زواجنا بعد ويش تبغين
ابتسمت ليه
احمد رغم كل شي الا انه طيب .. رغم كل اللي اسويه وهو يعاملي بطيب وهالشي وايد مريحني واذا استمر اسلوبه ويايي جدي في احتمال اني اتبدل ( ما اظن )
مر الوقت ببطأ وكنا نسولف شوي ونسكت اكثر .. لين ما صارت الساعة 1 ونص
احمد : انا بمشي باججر عليش قعده من وقت
هدى : لا اقعد وياي
طلعت مني هفوه .. بس هذا اللي كان قلبي يتمناه .. احس انه حثاله بس احبه
احمد : الود ودي اظل وياش بس تدرين باجر الحنا وبجونش الحنايات وبتتعبين لازم تنامين عدل ..
قبل لا يطلع عطاني جيس ..
مشى وركبت اني فوق بعد ما الجماعه مشت ... فريت الجيس ع السرير وتسبحت ..
طلعت وشفت الهديه هي سويج سياره .. معقولة
ولا طليت من الدريشه الا سيره جديدة موقفه في الحوش ..
كانت نوعيه السياره مرسيدس جديده اللي عاجبتني
وفي بطاقه ..
وكان مكتوب
( اتمنى تعجبش )
حطيتهم ع الطاولة ونمت
طبعاً اني يمكن نسيت اقول ليكم اني نجحت ومنوي رسبت .. مسكينه والله حزنت ليها ..
بس ترايها قريب كلش ..
قعدت الصبح والحنا عائلي جداً يعني المدعويين
( عائلتي ومنى ومرت خالي وساره مرت حسين وبناتها وبنات عمي وبنات خاله احمد )
لبست فستاني وحطيت ميك اب خفيف وجو الحنايات
نزلت وكان مو موجود غير منى وسارة وفطوم اختي وعائلتي ومرت خالي ..
بدت تحني فيي وشوي شوي جو بيت عمي وبيت خالاتهم ( سلوى )
يوم دخلت سلوى ابتسمت ليها .. صدت عني وخنفست .. ماعليه .. مسكينه مو بإرادتها ..
سلمو وسلوى ما سلمت عليي
هدى : شخبارش سلوى
بأبتسامه
سلوى : دامنش اخذتين حمودي حبيب قلبي يعني زفت
تفشلت قدام الجماعه ما تتصورون بأي موقف حطتني .. الحين اني اضحك وياها وهي هذا ردها وتقول حبيب قلبها مادري اقوم افطسها
حنوني وتعبت من القعدة لكن ويش اسوي ..
خلصو واستسلمت للنوم .. بعد ما طلعت الجماعه
ع الساعة ست قعدت وكد جف الحنا وطيرته وطلع لونه روعا ( غامق ) ونقشاتهم اروع ..
اليوم الجلسة وبعد بس للأهل + جيرانا
رحت الصالون وعدلوني .. ولبست الفستان . كان لونه اخضر ..
بس بعدي مو متصورة انه باجر زواجي .. في اعتقادي انه شي بيصير وبيلغي هالزواج
رجعت من الصالون ودخلت بيتنا .. كانت ويايي منى .. كل شي مجهز .. نزلت عني منى .. اما اني لبست المشمر ..
قالو ليي انزل ..
نزلت والكل عيونه عليي .
بعدين قامو النسوان يغنون والجهال وياهم .. صدق استانست لأنه كل هالشي مسوينه حقي ..
مشو الناس وفصخت المشمر اخيراً
ركبت حجرتي بعد ما الكل مشى ومنى ركبت ..
فتحت شعري وغسلته ونمت .. بس وين انام وباجر عرسي ع احمد .. احس اني اسوء انسانه في الكون وبمثل الوقت احس براحه ..
استسلمت للنوم
قعدت الصبح ع زعاج منى
منى : قومي الساعة 10 والناس يروحون من الساعة 9 عشان يجهزون
هدى : مو مهم ابرز
منى : يووو
يوم استوعبت الموضوع فزيت ..
غسلت ويهي ولبست ووحملت اغراضي وخليت الخدامه تحمل الفستان .. ومشينا اني ومنى ومسكين جاسم وصلنا
وصلنا وبالواسطة لأنه ما نروح الا عندهم خلونا اول ناس .. لأنه وايد في كستومر ..
اني جهزت قبل منى .. ع الساعة 4 ونص
هدى : منوي اتصلت لجاسم يجي
منى : أي جاسم .. !!! انتين بيمر عليش احمد
هدى : لالالا بروح وياكم
منى : مافي .. العروس يمر عليها المعرس ..
اتصلت منى لأحمد وجا ليي .. طلعت وعليي الفستان وحالتي حاله ..
الحين جيفه بركب السياره ..
ساعدني احمد ودخلت ..
لو اقول ليكم اني لحد الحين مو مصدقة اللي يصير واحس روحي بكابوس .. ياليت ..
مشى احمد بالسيارة واني مو مستوعبه اني قاعده ويه احمد وبدون غطا .. رفعت ع كتفي العبايه وحطيت ع راسي الشال
احمد : مافي غريب
هدى : أي اكيد ابين في الشارع
احمد : لا حطيت عليها رايبون قوي
هدى : ماعليه
كان اهم شي عندي اتستر .. اف احمد ارجوك اطلع من حياتي
وصلنا الستوديو وبدت الفلبينيه بالحراكات السخيفة واني كل شي اقول ليها ما بسوي ما بسوي مو على كيفها تغصبني واحمد شوي ويعصب .. بس اني كانت عندي رغبه بأني اقهر احمد
طلعنا من الستوديو بعد ما ترفز احمد على اللي سويته وعنادي .. بس مثل ما قهرني يوم يخطبني بقهره وبعذبه .. بخليه يندم ع هالقرار
بعدين رحنا الفندق لأنه الساعه كانت 7 ونص .. دخلنا حجرتنا .. اتصلت في منى بعدهي .. اف امبي احد ويانه
بس مافي ..
تقرب مني احمد وقعد صوبي ..
هدى : خير
احمد : خير لينا وليش
سكت عنه ودرت صوب ثاني افكر في طريقه بتطفيش احمد على اللي شفته منه .. واني اللي شفته مو شويه .. كفايه قعد ويه بنيه وكلم بتخالها وقام يتغزل ..
هذا الإنسان ما يستاهل حبي .. مر الوقت والجماعه بدت تدخل وتطلع علينا وجت امي وشببتنا وبعدين مرت خالي ..
قالو ليي ادخل على الساعة 10 وربع ..
دخلت واني في نفسي طمأنينه غريبه .. ممزوجه بثقة .. مافيها أي خوف .. رغم اني توقعت العكس .. بس اللي لفت انتباهي هو انه الفستان ثقيل وايد انتظر امتى امتى اقعد على الكرسي ..
وقفت عند باب الصاله وبدت الزفات واليباب في الـdj كانت منى على يميني وفطوم اختي على شمالي ..
كنت امشي بأبتسامه واثقه والأنظار كلها عليي ..
الايت مبندين وبس كشافه لونه هادء هليي يمشي ويايي ..
كنت امشي وخايفة انشدخ .. لأنه الفستان شوي طويل .. وكعب .. بديت شويه اخاف ..
وقفت وركب الدرجتين اللي عليهم المسرح .. واني امبي اوصل الكرسي بسرعه ..
قعدت على الكرسي وخلصت الأغنيه .. وبعدين بدو البنات يرقصون . .
ع الساعة 12 طلعت اني عشان ادخل ويه البروفسور احمد .. لما دخلت عليه وتأملته .. شكله يخبل .. عيونه بارزة وحليوة وتلفت خشمه طويل ابيضاني حليو ايجنن
هي هي لا تستخلين عليه خله يولي هو ما اهتم بش عاد الحين كلش بتموتين عليه

احمد يود ايدي وامي كانت ويايي
امي : ماما يودي ايد احمد
هدى : ما يحتاج
امي : هذي اللي بتفشلنا
يودت ايده ودخلنا .. طبعاً جهزت الفرقة اللي منى مستأجرتنها ..
وهي عباره عن يهال صبيان ييولون اماراتي ومتسفرين ومسويين قاطرة .. اني انخبلت عليهم .. بس المفاجأه كانت انه جسوم اخويي دخل واني ما ادري بعد ما قالوو للي يبغي يلبس ..
دخل وكان ييول ويه اليهال .. شكلهم روعه .. وبعد ما خلصو ..
دخل ابويي وخالي وعمي ومحمد وجاسم من قبل وخالي حسين وعمي الثاني .. وسلم عليي ..
حظنته ابويي ..
هدى : مع السلامة
ابويي : انتين ما بتروحين مكان بعيد وهناك بعد اهلش
كانت عيوني تهدد بانها تنزل امطار بس كنت احاول امنعها
بعدين جا دور جاسم
لويت عليه بكل حب
هدى : جسوم انته اكثر واحد بشتاق له
جاسم : ما عليه هونيها .. واكي منى لمت كل اغراضش
نزلت مني دمعه غصب
لأني بودع بيت العز .. بودع حجرتي .. بودع سريري .. بودع لحافي كل شي
مسحتها بسرعة وبعدين الجماعه طلعو
اني واحمد مشينا وزفونا ع الساعة 1:45
كانت الهرانه والأغاني والحاله شاله المكان .. يا سلام شعور ولا احلى
وصلنا بيت خالي ..
احنا في وين .. وينك يا بيتنا
دخلت وسلمت على مرت خالي وركبت بمساعده احمد ..
اللي شفته وعرفته انه احمد فتح حجرته على حجرة منى وسوى صاله ومطبخ .. يعني شقه ..
هدى : أي هي حجرتي واي هي حجرتك
احمد : نعم
هدى : أي هي الحجرة اللي احط فيها اغراضي وانام فيها وانته أي هي مالتك
احمد : حجرتنا وحده
هدى : نعم .. آسفة ما اقدر انام وياك انته انسان عنيف
مشيت عنه
هدى : وين الحمام
احمد : لا اجابه ))
صدق حقير يعني ويش ما يرد عليي .. رحت ادور الحمام .. اكتشفت انه في حمام واحد بس .. دخلت تسبحت وغسلت شعري وطلعت ..
سحبت شنطتي ورحت الغرفه الثانيه ورتبت اغراضي في الكبت
يا احمد وهو متنرفز
احمد : هدى هذي حجرة الظيوف وما فيها سرير
هد ى: عادي بنام ع الأرض
احمد : كيفش
مشى عني وصفق بالباب ..
افك
كنت امبي انام بس ما قدرت ..
قعدت اتقلب .. خايفة .. قلبي يرقع .. هنيه ما عندي سند . ويش اسوي لو طب عليي احد .. او يمكن احمد يقتلني لأني اعانده ( افكار طفوليه ) بس فعلاً هذا اللي كنت افكر فيه
غطيت ويهي بعبايتي ( اللحاف )
في الأخير طلعت من الحجرة .. وكانت عليي شيله خفيفه .. وبجامه نوم بأكمام طول
قعدت اقلب بالتلفزيون اللي بالصاله لين ما نمت على الكرسي
اوتعيت الصبح الا عليي لحاف .. هذا اكيد احمد ..
مسكين يا احمد أي قد انته طيب .. بس مو قادرة اتحمله .. بس اشوف شكله اتذكر شكله وهو قاعد ويه البنيه ويضحك ..
كان اليوم صباحيه العرس .. ما يصير اطلع ..
سويت الريوق حسب الأغراض الموجوده بالمطبخ .. وسويت عصير وخليته بالثلاججة .. ودلت شاي .. ودله حليب .. حطيت بسكوت في الثلاجه حقة .. وبعدين رجعت ذيك الحجرة ...
تعدلت ولبست جلابيه وعدلت شعري .. حطيت كحل اسود ومن تحت العيون بشكل خفيف كحل ازرق بلون الجلابيه ..
وبعدين تذكرت اني ما قلت لماهل رفيقتي .. ياربي ويش هالفشيلة ..
حملت موبايلي واتصلت ليها .. كانت الساعه تسع كانت الرنه خارجي
المتكلم : هلو
هدى : ماهل
المتكلم : نا
هدى : ببخش
صكه في ويهي .. هذا اخوها
طلع احمد من حجرته
هدى بأبتسامه : صباح الخير
احمد : صباح الخيرات
قعد صوبي
هدى : بتطلع
احمد : أي
هدى : وين
احمد : بروح للربع
هدى : من اول يوم
احمد : وانتي من تركتيني من اول ليله
استحيت ويش ارد .. صديت عنه ..
كملت تعديلي
احمد : لمن كل هالتعديل
هدى : لك
صد عني ومشى ..
صدق حقير .. الحين اني اقول ليه لك يصد عني .. لكن ماعليه ..
راح وتريق .. بينما اني لبست شيلتي وانتظرته عشان بننزل
احمد : ويش تنتظرين
هدى : بنزل وياك
احمد : ليش عادي تمشين صوبي
هدى : ا حماا د
ما رد عليي ..
كمل ونزلنا
مرت خالي : هلا بالمعاريس تعالو امايي اكو الحلوى جاهزة
دخلنا وقمنا ناكل حلوى وبعدين طلع احمد واني ظليت وجت منى وقعدنا نسولف وقلت ليها عن اللي صار وهزأتني وقالت انه من حقه احمد يزعل وما يعطيني ويه ...
هذا اللي خلاني اتلوم .. انتظرته يجي عشان اصالحه .. الوقت يمر وهو ما يا
الساعه صارت وحده .. وبعدين قربت من الثنتين وهو ما جا هذا ويش يسويي فيي
قعدت انتظره .. اطالع التلفزيون من مسلسل للثاني .. ماعندي شي اسوي .. سيطر عليي الملل .. تخيلو من اول ليله سهر وغياب عن البيت والحين وصلت الساعة 3:35 ويش اسوي في هالمخلوق ..
مافيي نومة .. وهذا ما يحس .. اتصلت فيه ما يرد مره مرتين بعد ما يرد وبعدين الظاهر اغلقة ..
قعد اصيح واندب هالحظ .. الله ما طيحني الا في ايد ريال يسهر بأنصاص الليالي الله يعلم مع من !!!
قمت وقليت صلاة الصبح لما صارت 4 وربع ..
بعد الصلاة حسيت انه اني دخت .. امبطحت على السرير وجتني افكار تقتل ..
معقولة احمد ويه بنيه ... لالالا مو لهالدرجة احمد .. الحين اللي بيقعد ويه بنيه ما بيسهر .. حرام تقولين جدي عن الصبي هو مربى .. لو مربى ما قعد ويه بنيه ..
ااوه الحين اني شاررده من التلفزيون وجيت للأفكار ..
غمضت عيوني واستسلمت للنوم على الأرض ولحافي هو عبايتي وسادتي تكيه من الكراسي ..
دخل احمد وكانت وياه بنيه .. دخلو وقعدو في الصاله احمد يمسح ع شعرها وهي تضحك .. بعدين جا وناداني
احمد : هدى هدى يالصمخة
هدى : نعم
احمد : شوفي هالقمر اللي قاعد هناك .. هذي كل ليله بتجي ويايي .. وانتين عليش تجهيز الأكل والشراب .. مو قلت ليش بقهرش .. وهذا اول درس .. امبيش خدامة تحت ريولي فاهمة
هدى : ابوي ما زوجني اياك عشان اكون خدامة .. وهالخايسة اللي وياك اني بروح اقتلها .. وبقول لخالي ومرت خالي يا حثاله يا خايس يا قليل الأدب . والحين بسرعه طلقني
احمد : آسف
شاتني شوته قويه حسيت بألم وتعب كنت واقفه بس لما شاتني طحت على القاشي حسيت انه كل جسمي تكسر
وبعدين تقرب مني احمد ومشع شعرري .. حسيت انه بيطيح ..
هدى : بس احمد هدة هدة
احمد : مافي
اهنيه تعززت عندي الكرامة وزادت .. حسيت اني مست((( اسكت
هدى : لو يبت السجين وطعنتني لو الحين قتلتني ما بنذل ليك .. ولا لهالخايسه اللي وياك
عص عليي احمد بطريقه حسيت انه كل شي طلع حتى مخي
هدى : ما بتهمني .. اني باجر بقول لأبويي
احمد : تخسين يا حبيبه قلب عبدالله
هذا ويش يقصد بس ما يهمني
هدني واخيراً وحسيت بصداع في راسي ..
رد رجع وربطني بحبل وطلع وصك الباب بس قبل قال
احمد : انتظري الدرس الثاني

قعدت اصيح .. اصارخ بس ما من مجيب ..
فتحت عيوني الا احمد صوبي ويمسح على شعري .. ويع ويع .. تباعدت على ورا
هدى : تباعد عني وروح للخايسة اللي وياك
احمد : من دي
هدى : اللي سهرت وياها
احمد : انتين ويش تقولين انا سهرت ويه وحده
انتبهت لشعري كان مرتب مو مثل امس .. ايدي مافيها الورم اللي صادني امس .. معقوله كنت احلم .. أي اكيد حلم ..
هدى : وين كنت البارحة
احمد : خلينا من هالسالفة .. حرارتش وايد مرتفعة
هدى : عساها توصل 100 واموت .. وين كنت
احمد : كنت ويه ربعي رحنا البحر
هدى : ما انقلب ابكم القارب .. خسارة .. انزين امبي دليل
احمد : آسف ما عندي دليل
وطلع عني .. ياربي على حقارته تقهرني ..
كانت الساعة 9 الصبح ..
قمت بس احس راسي يدور .. دخلت وتسبحت كان الماي بارد وهذا اللي صحصحني ...
طلعت وكشخت وجهزت الريوق لأحمد ونزلت ..
شفت عمتي وعمي قاعدين سلمت عليهم وحبيت روسهم
وقعدت اسولف وياهم
مرت خالي ( عمتي ) : الا وين ريلش
هدى : عمه ريلي فوق بعده يتسبح
عمتي : روحي جهزي ليه الفوطه واغراضه
نعم نعم .. اني اجهز ليه
هدى : جهزتهم
عمتي : يمكن يحتاج شي
هدى : انشالله
ركبت فوق ودخلت قسمنا
طقيت عليه الباب
احمد : دخلي
دخلت الا هو عليه فوطته .. انجان بسرعه اسكر الباب واطلع
طلع ورايي : ويش فيش
هدى : وما فيي شي
كنت صاده عنه ورايحه لحجرتي
احمد : ويش فيش
هدى : ماكو امك قالت ليي اشوف اذا تبغي شي
احمد : أي ابغي
هدى : ويش
احمد : تمشطين شعري
هدى : احلف
احمد : والله
هدى : آسفه ماني صالون
احمد : عاد انا ريلش
هدى : اني مو مكلفه بك
احمد : لا مكلفه ونص
رحت حجرتي وصكيت الباب ..
بس من غبائي ما قفلته ..
بعد حوالي خمس دقايق دخل احمد وكانت ثوبه عليه
دخل وقفل الباب علينا
هدى : ليش قفلت الباب
احمد : كيفي
هدى : لا مو كيفك .. ليش قفلت الباب .. عطني المفتاح
احمد : مانى
هدى : احمد عفيه عطني المفتاح
احمد : ليش
هدى : بفتح الباب
احمد : ما باكلش
هدى : ادري
احمد : خلاص
تقرب مني احمد
احمد : هذا تبغين اعاملش مثل ما تعامليني .. ترى انا ريال وما ارضى مرة تذلني .. اذا تبيني اتعامل وياش بأسلوبشش انا موافق ترى تعبت وانا اراشيش
هدى : ما امبيك .. ما امبي اتزوجك
اهنيه استوعب احمد اللي اقول
احمد : يعني تبغين غيري
هدى : ما امبيك ولا امبي غيرك
احمد : دام انش مو راضيه ليش وافقتين
هدى : ما وافقت وعمري ما بوافق على واحد قاعد ويه بنيه .. بس ابويي دخل في ذيج الأزمة لأني قلت ليه يرجع بكلمته ولأني ما امبي اخسر ابويي وافقت عليك
اهنيه عصب احمد ..
احمد : وانا بعد ما امبيش تزوجتش عشان اقهرش واذلش .. انتين حقيره وانا صبرت عليش وايد .. مفكره نفسش من ..
قبل لا يطلع
احمد : الليله بتنامين ويايي
صديت عنه بدون جواب ..
احمد ما يبغيني .. وفعلاً تزوجني عشان يقهرني . واني حقيره ياربي ليش يصير فيي جدي .. احمد ما قدرني .. ولا قدر حبي
والله لا .. اني انام وياه .. في احلامة ..
سمعت صفقه باب الحجرة بقوة .. هذا طلع .. باللي ما يرده .
امبطحت على الارض ( سريري الجديد )
مادري ويش اسوي . كيف اتصرف .. اتصلت لمنى ..
هدى : هلا منى
منى : ويش فيش
هدى : محتاجتنش تعالي عاد
منى : ويش صاير
هدى : لين جيتين اقول ليش
منى : اوكي
هدى : سيده اركبي
منى : انشالله
قعدت افكر في هالزمن الردي .. في هالقدر الساخر .. في هالحظ المشؤم ..
جتني منى وبس وصلت رحت وحظتنها وقعدت اصيح
منى : ويش فيش
هدى : اخوش
منى : ويش صاير ..
كنت اصيح بصوت عالي .. صوتي مبحوح ..
منى : هدي هدي
منى : ما اقدر ..
اخذتني وقعدتني على الكراسي اللي في الصاله
قعدت وحظنت راسي
منى : يالله قولي ليي اللي صار
هدى : اني انام بحجره وهو بحجرة
هذي اول صدمه لمنى
منى : هو قال ليش
هدى : لا اني اللي قلت ليه
منى : من حقة يعصب
هدى : كل يوم نتاهوش ..
منى : وكل يوم تهزأينه
هزيت راسي بمعنى أي
هدى : بس اليوم يا منى ثار فيي وقال ليي اني حقيره وهو بعد ما يبغيني .. قال ليي انه تزوجني عشان يذلني .. ما استحمل يا منى
منى : اكو هو استحمل انش تقولين ليه بكل يوم انش ما تبغينه
سكتت لأنه اللي تقوله صح
هدى : هو الغلطان مو هو اللي قعد ويه بنيه وما برر موقفه .. مو هو اللي كان يتغزل في بنت خالتش يوم كنا في السياره .. ويش تبغيني اسوي لأنسان من اول ليله زواج طلع يسهر ويه ربعه .. كنت انتظره .. لين ما مليت .. منى اني اعيش كابوس .. احب اخوش بس كل ما اشوفه اتذكره يلسته ويه البنيه وكلامة لبنت خالتش .. منى اني اتعذب .. ياليتني اروح المستشفى ويقولون ليي ما بتعيشين غير سبوع .. وفي هالأسبوع بعبر لأحمد عن حبي وعن عتابي ع اللي سواه وبعدين بتوكل .. يمكن ارتاح .. احس انه التعب اخذ طاقتي
منى : اسم الله عليش .. المهم تبغين نصيحتي
هدى : أي
منى : اليوم لين قال ليش تروحين وياه بحجره وافقي
هدى : ما اقدر
منى : كيفش بس بتخسرين وايد
هدى : منى ما اقدر .. ما اقدر حتى احط عيوني بعيونه
قعدنا نسولف لين الغدا ونزلنا تغدينا وبعدين ردينا نسولف بس في الحديقة ..
اليوم يرجع سامي .. لأنه قعد سنه زياده واخذ شهاده وايد قويه بحيث أي أي شغل يقبلونه ويعطونه بونس ومميزات زياده ..
المغرب الكل استعد ليه بس اني قعدت في شقتنا جا ليي احمد وبدون أي كلام او أي سلام .. كنت قاعده افر بالتلفزيون
هدى : بتروحون المطار
صد عني وما رد
هدى : اكلمك
بعد ما رد عليي صدق حقير ..
دخل الحجرة ..
هدى : ليش تعاملني جدي
احمد : --------
هدى : احمد حرام عليك
بعد مافي اجابه ..
طلعت عنه
طلع من الحجرة وراح صوب الباب بيطلع
هدى : مع السلامة
احمد : ( صفع الباب )
هذا اللي يصير ليي ومنى تلومني ..
حظنت ركبي وقعدت افكر في مستقبلي معقوله بكون مطلقة من واقع الحياه .. ؟؟
ركبت ليي منى لأنها ما راحت المطار
منى : ويش صار
هدى : ما رد علي في ولا سؤال وحتى يوم قلت ليه مع السلامة
منى : اصبري
هدى : ما عندي صبر واني ما غلطت هو الغلطان
منى : اعقلي .. لايكون بعدش مراهقة ويتراوا ليش انه انتين بس الصح
هدى : اني غلطت وهو غلط بس اخوش مغرور
قعدنا نسولف ووصل سامي وكان لقاءه بمنى وامه وايد مؤثر .. وبعدين سلم عليي وعاتبني لأني ما اجلت العرس عشان يحظر بس اني قلت ليه انه اذا يبغي نسوي عرس ثاني ..

مرت الأيام واني يا محكورة فوق اقرأ مجلات وافرفر في التلفزيون . او انزل تحت ويه عمتي او ساعات اقرأ روايات ..
كانت حياتي مأساوية .. واكثر .. بالنسبه لعلاقتي بأحمد .. لا اكلمه ولا يكلمني .. اني في حجرة وهو في حجرة .. بس قدام الناس ازواج وحبابي . ولا مرة طلعني .. ولا مرة قال ليي تعالي اوديش على الأقل البحر .. ما يكلمني ولا اكلمه .. كل ليله سهر ويه ربعه وما يرجع الا الساعه 3 او 2 الفجر
اقضي اواقتي بالوحشة والصياح .. ما عندي احد .. اهلي ما ازورهم رغم انه عندي سياره .. ما امبي احد يسألني عن حالي لأنه لو سألوني ما بجدب .. حتى تحت ما انزل الا نادر وما اتغذى ولا اكل شي .. مرت خالي مسكينه ساعات تركب ليي اكل لكن ماليي نفس
مضى اكثر من شهر . واني ما اشوف احمد واحمد ما يشوفني الا بالصدف .. وما اطلع من الحجرة الي انام فيها
في يوم قررت اني انزل تحت
لبست بدله اكمامها طول وشيله حطيت ليي كحل ونزلت
ولا نزلت الا سامي وعمتي وعمي وحسين وزوجته وفطوم واحمد الصغير متجمعين
سلمت عليهم
عمتي : هلا بالعروس
هدى : أي عروس صار ليي اشهر
وبعد ما قعدت
عمتي : ما حملتين
ويش هالسؤال بعد ..
هدى : لو حملت جان انتين اول وحده اقول ليها
عمتي : بارك الله فيش
حاولت اني اتهرب منهم بأي طريقة
هدى : انزين اني بركب بسوي لأحمد شي ياكله
عمتي : لالا احنا مسويين عشا
ويش هالمر
سامي : مرت اخويي اذا جبتين صبي سميه سامي مو حسنوه جاب صبي وسماه حمدوة
حسين : ولا يهمك نسمي الثاني سامي
اليوم ويش فيهم على الحمال
دخل احمد .. حالوت ما ارفع عيوني عشان ما تطب بعيونة ..
سلم على الجماعه وقعد صوبي ( بس دزاين )
قامو وتعشو
فطوم : عمي متى بتحمل زوجتك
دار ليي احمد
احمد : العلم عند الله
اااف
هدى : بروح اتسبح .. مع السلامة
عمتي : لاحقة على التسبوح يا بتي
هدى : بروح عشان اقعد من الصبح .. باجر بروح اشتري ثياب الجامعه قربت
عمتي : مادري ويش تبغون بالدراسه
سامي : الشهادة مثل الجواز الانسان وين ما يروح ابها
عمتي : أي حدها
هدى : لا عمه اني في أي حال بروح الجامعه
عمتي : احمد ويش رايك
احمد : اللي يريحها
ههههه ينكت اول مرة يتكلم عني ..
قمت عنهم وركبت فوق .. قفلت عليي باب حجرتي وقامت عيوني تدمع .. جيف احمل واني اساساً مو عايشه اياه كأي زوجة .. يمكن يفكرون انه الخلل مني ..
تدرون انه بالشقه مافي غير حمام واحد .. رحت وتسبحت في حمام ( احمد )
طلعت من الحمام الا احمد كان في الحجرة .,.
طلعت من الحجرة بدون أي كلمه ..
واحمد بعد ما تكلم .. رحت حجرتي ومشطت شعري ونمت ..
يوم ورا يوم والأيام تركض .. خلصت اغراض الجامعه .. وباجر ابدي ..
تدرون انه صار لينا 3 اشهر من زواجي من احمد .. مضى شهرين بدون ما احس .. عشتهم مثل الكابوس وياليت احد يصحيني منه ..
دخلت الجامعه بسيارتي .. بركنت ودخلت كأني هبله مادري وين اروح .. تدرون اني يمكن اشوف احمد .. وخصوصاً انه يدرس في الجامعه هذي السنه الثانيه ..
تذكرت ماهل يمكن تكون ويايي اتصلت ليها
اللي رفع التلفون بنيه وكأنها ماهل
هدى : الو

وتكملت الفصل الأول

ماهل : هدوو .. شحالكَ ( تكلم صبي ذي )
هدى : قولي شحوالش
ماهل : شحوالش
هدى : بخير وانتين
ماهل : خير خوبنا
هدى : انزين .. جذي اتصل ليش ويشيله صبي
ماهل : هذا اخويي
هدى : كنت بقول ليش اني تزوجت
ماهل : يه .. جذي ما خبرتيني ..
هدى : اتصلت بس ما حصلتش
ماهل : كنت بايران
هدى : امم
ماهل : واتزوجتين حمودي حبيب قلبش
هدى : للأسف أي
ماهل : ليش ليش
هدى : بعدين
ماهل : اوكي
هدى : رحتين الجامعه
ماهل : اني أي
هدى : قود .. عيل بشوفش
ماهل : انشالله
هدى : اليوم مداومه
ماهل : أي اني بالكفتيريا
هدى : اوه من اول يوم
ماهل : أي ..
هدى : تدرين بجي ليش
رجت ليها بعد ما سألت عن مكان الكفتيريا ..
وصلت ودخلت .. اخذت لفته ع الطاولات ويوم شفت وحده مثل هيئه ماهل رحت صوبها
هدى : جتوري
ماهل : هدوي حبيبي
وقامت وحظنتني وحببتني .. يالله أي قد هالبنيه طيبه ..
قعدنا سوالف وضحك بعين اخذنا ورق عنب من ابو علي ..
رحنا للإرشادات ويعلمونا ع بعض الأشياء ويوم خلصنا مشينا .. عزمت ماهل ع الغدا ورحنا .. اتصلت لمنى بس قالت انه ما يصير تترك جاسم يتغدى بروحة وخصوصاً انهم ياكلون بروحهم ..
رحنا وتغذينا وطلعنا .. بعدين كل وحده راحت بيتهم ..
دخلت البيت وعندي كم غرضه اشتريتهم ..
كانت الساعه 4 ونص .. دخلت الا الحشره قايمه .. ولا تقربت الا منى وسامي ووديعه بت خالتهم وصبي بعد قاعدين يلعبون اونو
هدى : سلام
الكل : عليكم السلام
منى : وين رايحه يالخاينه
هدى : قلت ليش بتغدى ويه ماهل
منى : كان خاطري فيها
هدى : أي هي بعد
سامي : منوي دورش
هدى : حرام بلعب
الصبي : هذي منهي
سامي : يوه .. هذي مرت احمد
الصبي : اوه بعد احمد عنده ذوق ..
هدى :من هذا
وديعه : هذا اخويي المحترم حسين
هدى : هلا حسين
حسين : هلا بيش
حسين يمكن من عمري .. شعره فيه طول شوي وناعم
قعدت العب وياهم .. قعدت صوب وديعه .. ووديعه صوبها حسين بحيث كنت مقابلتنه .
كنت اضحك بصوت عالي عالغش اللي مسويه حسينه ما خلى مكان ما خشش ورق
هدى : والله اللعب ممتع وياك يا حسين
شفت انه الأنظار تتجه لواحد ثاني
سامي : هلا احمد حياك
رفعت عيوني .. لا يكون سمعني ..
حطيت عيوني بعيونه وشفت فيهم الغضب والقهر ..
سامي : احمد ما بتلعب
احمد : لاء
ما اهتميت ابه ..
منى : حسون دورك العب
هدى : يالله حسون بسرعه
لعب حسين ومن بعده وديعه وبعدين اني
لعبت بس حسيت بتأنيب الظمير
هدى : اني بقوم
سامي : كملي
هدى : لالا
حسين : بتروحين ورا ريلش ترى هو معصب ما انصحش
هدى : عادي ..
توني بركب
حسين : هدوي عاد دوم العبي ويانه ..
ما اكترثت به وركبت بدون أي رد .. كنت كل خطوة اخطيها قلبي يرقع 100 مره ..

انتهى هذا الفصل

الفصل الثاني مجهزتنه لما كان النت مبند

الجزء الأخير
الفصل الثاني

هدى
-----------

دخلت الشقة وشفت احمد في ويهي وشكله ما يبشر
احمد : ليش تلعبين ويه الغريب
هدى : هو ولد خالتك
احمد : ولد خالتي انا .. وثانياً انتين ما تعرفين اخلاقه عشان تلعبين وياه .. وزياده عن هذا تقولين ليه ( يقلد صوتي ) اللعب وياك متعه .. وبعد .. ( حسون ) .. انتين ما تستحين
جيت بدافع عن نفسي
هدى : احمد حسين هو
احمد : ما امبي اسمع حسش .. وتعاتبيني اذا قعدت ويه وحده وما تعرفين السبب وانتين تلعبين ويه واحده بدون أي سبب ..
حقرته ومشيت ..
جا وسحبني من ايدي بكل قوه ورماني على الأرض ..
احمد بعصبيه كبيره : اذا سكت عنش يوم او سبوع او شهر ما بسكت عنش طول العمر .. وانتين زوجتي وملزومه تأدين رغباتي وكل شي امبيه .. فاهمة
هدى : اني زوجتك يمكن على ورق بس .. ما امبي قلتها ليك مليون مرة .. يا اخي مو طايقتنك .. طلقني اوكي .. طلقني ..
صفعني احمد على ويهي صطار خلاني امبطح على الأرض ..
قمت اصيح بصوت .. اصيح بقهر والم ..
قام عني ودخل حجرتي مادري ويش يسوي .. طلع من الحجرة وعنده اغراضي اللي بديج الحجرة كامل وراح حجرته ..
بعدين جا وسحبني .
احمد : من اليوم وساير هذي حجرتش .. وانا زوجش وملزومة بطاعتي فاهمة
هو وقفني لما سحبني بس الحين هدني .. هدني وانهدت قوتي وخارت .. طحت على الأرض ..
حملني وحطني على السرير
احمد : هذا السرير لينا اثنينا .. انا وانتين ..
هى : ما امبيك ما امبيك .. بنام ع الأرض ..
احمد : آسف ..
خلاني على السرير وراح الظاهر يتسبح .. اني ما كانت عندي أي قوه رغم انها كانت المغرب والساعه توها 6 بس قوتي وطاتي خلصو .. ومو متخيله انه باجر علي دوام .. بروح واني بهالحال ..
استسلمت للنوم .. بدون شعور .
قعدت الساعه 3 الفجر ارفانه بس شبعت رقاد .. هذا احمد .. ويش يسوي صوبي .. ليش اني هنيه .. ويش اللي صار ..
رجعت ليي الذكريات وكأنها في شريط .. قعدت اتذكر اللي صار .. حطيتي ايدي على خدي بألم واتذكر صفعته ..
حاولت اقوم من على السرير .. وبعد مجهود طويل قمت .. مسرع وصلت للباب .. حاولت افتحه .. بس .. الباب مقفول .. ليش تعذبني يا احمد جدي ليش .. لي تخليني انسانه محطمة .. اني بيوم حبيتك .. وانته بكل بساطة تضربني بعد ما عديت الأيام والأحلام لحياتي وياك ..تضربني بعد ما عفت مئه متقدم ليي عشانك ..
هذا هو القدر ..
فتحت التلفزيون اللي في حجرته وقمت ابدل فيي القنوات
انتبهت لصوت
احمد : بندي التلفزيون وقومي نامي
هدى : --- ( لا اجابه ) ---
احمد : اكلمش
يعني منتظر مني جواب ..
كملت تقليب في القنوات وبعدين فرشت ليي فراش على الأرض ونمت
احمد : بتقومين لو اجي احملش
بعد ما برد ..
تقدم مني واني كنت ارجع بخوف .. مثل اليهال اللي يرجعون وبكل براءه وخوف من أي شي يرعبهم .. اني كان رعبي احمد ..
تقرب مني
هدى : لا تظربني ارجوك
كان ضربه يعور ويألم .
حط ايده ورا ضهري واني احس ببرودتها .. والثانيه تحت ركبتيني .. وحملني .. وداني على السرير ..
هدى : احمد حرام .. ما امبي
احمد : لا تكملين ترى بذوقش طعم الضرب العدل ..
درت عنه صوب ثاني ونمت ..
قعدت الصبح الساعة 6 ..
درت صوب احمد .. شفت ملامح ويهه .. حليو وهو نايم ..
قعدت اتلمس شعره الناعم .. شفت عيونه خشمه .
بس تذكرت اللي سواه فيي البارحة نفرت منه وتباعدت ..
قمت وتسبحت وتعدذلت وتريقت بس هالمره ما جهزت ليه ريوق . بعد الضرب اريقه . لو يموت قدامي ما كسرت ليه كسره خبز ..
لبست بدله كشخة وشيله وحطيت ليي كحل وتوني بطلع
احمد : على وين
ما رديت
احمد : ليش ما تردين
هدى : ما امبي هواش وضرب من الصبح كفايه امس ما نمت بسبب اسناني اللي الموني من ضربتك ..
تقرب مني احمد ولمس خدي
احمد : يعورش
هدى : ما يهمك
احمد : عن جد
هدى : انته اللي ضربت وتعرف بأي قوه ضربت كفايه انه صار احمر وصبوعك طبعت .. والحين ياي تسألني يعور او لاء .. لو سمحت شيل ايدك عني
احمد : يزات الخير اسأل عنش
هدى : مشكور وما تقصر ضربتك تكفي مو محتاجة سؤالك ..
طلعت عنه وصفقت الباب . نزلت تحت وما كان في احد .. اشوه ..
دخلت السياره وريوست وطلعت ..
رحت الجامعه واليوم كان يوم متعب فأكثر .. ما شفت ماهل ابداً من محاضرة للثانيه وجدولي مهلك .. والأساتذه ثقال دم ..
رجعت البيت واني مو مصدقة .. ركبت من الدرج الخلفي ..وسيده ع شقتنا . دخلت وصفقت الباب ..سيده رجت حجره احمد قصدي حجرتنا عشان بشيل اغراضي وبنقلهم ذيج الحجرة ..
رحت بفتح باب ديك الحجرة عشان مباشرة انقل .. الا احمد قافل الباب .. ياربي ويش هالحاله .. قافل الباب عني يعني ما عندي حل ..
رحت الحجرة المشؤمة وتسبحت طلعت وصليت المغرب ونمت ..
اوتعيت الساعة 12 .. طبعاً احمد مو موجود .. طلعت من هالحجرة ورحت الصاله ... اذا شافني في الصاله نايمة بيستسلم للأمر الواقع .. << متفاءلة ..
رحت ونمت .. كملت نومي ..
اوتعيت واحمد ينبهني ..
هدى : نعم
احمد : قومي دخلي نامي
هدى : بكمل نومي هنيه
احمد : داخل ..
هدى : اهنيه ..
مد ايده وشالني بدون أي مقدمات
هدى : نزلني نزلني ..
احمد : مانى ما رضيتين تجين انا بجيبش ..
وصلنا الحجرة وامبطحت على السرير وكملت نومي ..
مرت الأيام واني واحمد علاقتنا سطحيه .. مثل أي زوجين . بس للأسف ما بينا تفاهم ما انكر انه الحب موجود بس اني اكابر وهو يككابر ..
صار ليي من دخلت الججامعه حوالي 4 اشهر وقرب الكورس ينتهي .. كملنا ازيد من نص السنه من زواجنا ..
يمكن اروح بيت ابويي في الشهر مرة ...
احمد اسوي ليه ريوق الصبح قبل لا امشي .. والغدا نتغدا تحت .. واسوي ليه عشا .. كنت اسعى الى انه احنا نطور علاقتنا وفي ثواني اهدم اللي بنيته ..
احمد راح رحله واليوم يرجع .. الصراحه اشتقت ليه وايد .. بس كنت احس بألم فضيع .. في راسي في بطني .. قررت ما اروح الجامعه ..
قمت من على السرير بروح الحمام لأني احس انه جبدي لايعه وراسي يدور ..
توني واقفه حسيت انه ريولي تغوص في الأرض .. اشوه انه التلفون كان معلق في ايدي .. بس اوتعيت شوي اتصلت لمنى .
هدى : منى .. م م نى . ت ت ت.. ـعااا.. لي
منى : خير
هدى : ب .. بـ .. موو .. ت ..
منى : ويش فيش
صكيته من عندها بدون حواس .. مادري ويش يصير حواليني ..
ما كنت امبي احمد يرجع الحين لأنه قبل لا يروح الرحله كنا متهاوشين وقررنا ننفصل .. والحين ما امبيه يشوفني تعبانه على هالسبب ..
اتعس خبر قاله ليي انه وافق على انفصالنا رغم ان اني اللي كنت اصر عليه ..
تميت على الأرض بدون حواس .. مااحس بشي من صوبي او أي شي ..
وصلت منى
دخلت الحجرة وهي مصدومة .. شافتني وتقربت مني وقامت تصارخ هدى هدى .. بينما اني لا اجابه ..
اتصلت في جاسم وجاسم جا على طول
بس اني كنت اشوف اشخاص واسمع كلامهم بس لوعو ججبدي وايد يتكلمون ..
لما دخل جاسم مباشره حملني ووداني السياره وطار لللمستشفى .. ما كنت امبي اروح .. كنت امبيه يزفني لقبري .. ما امبي اشوف احمد بعد ما قال انه احنا بننفصل .. احمد انسان ما اقدر اخسره مثل ما هو خسرني ..
حاولت اتمساك بعد مسانده جاسم في المستشفى ومشيت وجابو ليي كرسي متحرك .. قعدت عليه وجروني للطوارئ . . دخلت وسو ليي فحص ..
اني كانت دموعي تنزل .. احس بضيق تنفس .. الهوا مو راضي يدخل ليي .. دوار في راسي .. الم في بطني ..
طلع الدكتور وعنده التحاليل
الدكتور : مبروك .. انتين حامل
كان هذا جبل ما قدرت اتحمله .. احمد وعدني انه بس يرجع ننفصل وما اشوفه .. هالياهل بيتربى عند من .. مست((( اسمح ليه يتشرد ..
هدى بلا مبالاه : طيحوه
الكل : ويش
هدى : ما امبيه
منى : انتين ويش تقولين في احد يحصل هالنعمة ويعوفها
هدى : ما امباه .. ما امباه ..
جاسم : حرام انتين تقتلين نفس
هدى : ما يهمني بس هالياهل ما امبيه .. ما امبيه يربى ويه ابو حثاله مثل احمد ..
جاسم : هدوي هدي وامشي نروح البيت في موضوع لازم تعرفينه وبعدين بنزل الياهل
هدى : اكيد
جاسم : أي
منى : جاسم ويش تقول هذا اعتراض على قسمه الله
جاسم : ما عليش ..
منى رجعت ويانه بس اخذت سيارتها ومشت ..
جاسم ساندني وركبت الدرج .. ركرب ايايي خطوة خطوة واني مو مصدقة اني بكون ام .. واظن اني في خيال . . او في شي اكيد مو صدقي ..
وصلنا الشقه دخلت ودخل ويايي .. قعدنا في الصاله
وبعد ما قعدنا
جاسم : في موضوع احمد وصاني ما اقوله ليش وقال لازم انتين تكتشفينه .. بس الحين جا الوقت اللي لازم تعرفينه . انتين ظلمتين الريال وقسيتين عليه بس بتدفعين الثمن .. احمد لما قعد ويه بنيه كان قاعد ويه زوجه مرت السيد محمود رفيقنا .. كانو على خلاف وسيد محمود ترجى احمد عشان يحاول يقنع مرته .. وبالنسبه للرساله فهي من سيد محمود عاطنها احمد يعطيها زوجته .. واذا تبغين دليل لحظة
طلع موبايله واتصل على رقم
شاله هذا الرقم وخلاه سبيكر
جاسم : هلا سيد
سيد : هلا بيك
جاسم : اسمع سمعت انه احمد قاعد ويه زوجتك خير
سيد : أي الله يسلمك كنا على خلاف والله يطول في عمر احمد ما قصر حل هالخلاف والحين احنا احسن من السمن على العسل .. تدري انه هذا خوش ريال .. رغم انه اللي سواه وايد سبب ليه مشاكل بس عادي وما تأثرت علاقتي به .. الله يهنيه ..
جاسم : خيراً عيل
صكاه ..
جاسم : سمعتين
ما كنت مستوعبه شي .. اني ظلمت احمد طول هالفتره هالقد .. وهو كان غرضه خير .. هو كان يبغي يجمع شمل عائلة .. واني جازيته بهالأسلوب .. احمد بريئ .. ارتفع بعيوني بطريقه غريبه .. صرت اشوفه ملاك واني اقل من خدامة عنده .. حرام اللي سويته بهالإنسان .. جاني بالطيب وكل ما زاد طيبه .. زيدت نحاستي ..
كمل جاسم : وبالنسبه لبت خالته فكانت تمثيليه منه بس عشان يقهرش وانتين صدقتين .. احمد انسان شريف وططاهر .. وانا اللي وافقت عليه لما تقدم ليش لأنه كنت اتوقعش تتغيرين بس للأسف .. فشلتينا ويه الريال .. احمد ملاك .. صبر عليش رغم اللي تسوينه وعاملش بطيب .. رغم هذا كان دوم يعترف بحبش .. ويقول عمري ما بكره هدى .. وين بتحصلين مثل هالإنسان .. بس الحين لما طفح به الكيل قال بينفصل عنش لأنه مو مرتاح وانتين الله يسامحش .. قال انه بيخطب وحده من بنات خالته وانتين الله يوفقش ويه أي انسان .. وصاني احمد اقول ليش رساله وقال ليي قول هالكلمات لهدى حزة اللي تخبرها بالحقيقة .. والكلمات هي ( حب هدى محفور بقلبي لو تحرق جسدي ودمي ) شفتين .. والحين مع السلامة وجهزي شنطتش عشان بنروح نطيح الياهل .. وبنرجع بيتنا
طلع عني وخني بدموعي .. احمد احبك اضعاف ..
طلع جاسم .. حاولت الحقه بس بسرعتي .. هو وصل الري بينما اني ارتميت على الأرض من التعب .. كنت عند حافه الدري
هدى : جاسم .. جـ .. جـاسم .. انـ .. ي .. احب .. ا حـ .. مـ د .... وامبيه امبيه اني احبه
شفت جاسم ملتفت لأحمد اللي شهد الموقف
بس شفته ما قدرت احط عيوني بعيونه .. نزلو مني دموع .. قمت اصيح .. اني اغبى مخلوقة .. اغبى مخلوقة .
زحفت واني طايحة على الأرض
هدى : سامحني احمد .. اني .. انـ .. ي بنسح .. سحب من ح .. حياتك
حاولت اتماسك عمري عشان بقوم وبرجع الم اغراضي ..
شفت احمد يركض ع الدرج ..
يا ليي ورفعني .. حظني
احمد : هدى انا اتحمل منش كل شي .. الا دموعش .. وكفايه اني ظليت احبش وما نقص حبش من قلبي
هدى بصياح : بس انت اخترت بنت .. بنت خالتك
احمد : كان قرار غضب .. بس انا احبش ..
رفعني وحملني ودخلني الشقة وجاسم مشى ..
لما دخلنا اني كنت في حاله صدمة . من نفسي .. من ظلمي .. من جبروتي .. من طغياني ..
احمد : بس هدوي لا تصيحين
هدى : احمد اني آسفه
احمد : ولا يهمش انسي اللي صار ..
حظنته بكل قوتي
هدى : احمد لاتتخلى عني .. اني احبك
احمد : وانا اكثر
طليت متمسكه فيه لفتره ..
هدى : احمد بقول لك خبر
احمد : خير
هدى : اني .. اني حامل
احمد : حلفي ..

احمد بوناسه .. شاق الحلق .. فيه ضحكة .. مو مصدق
احمد : صدق هدوي .. صدق انا بصير ابو .. يا سلام .. والله اني احبش .. قسم بالله احبش ..
هدى : مستانس
احمد : وايد .. طول حياتي انتظر هالحظة .. طول حياتي انتظر احد يقول ليي انه هدى حبيبتك حامل وبتجيب ليك مولود ..
بعد ما هدأت قمت عشان بتسبح
احمد : وين وين رايحه
هدى : بتسبح
احمد : مافي حركة .. كل شي انا بسويه .. عيوني ليش يا بعد عيوني
هدى : لالالا بالعكس اني امبي اتحرك عشان يطلع شاطر .. وما امبيك تطلع من البيت عشان يطلع طيب على ابوه ..
احمد : ههههههههههههههههههه
هدى : احمد انت تحب البنات او الصبيان
احمد : احب كل شي .. كل شي احبه .. وامبي كل سنه مولود جديد .. امبي تجيبين ليي 15 ياهل اوكي
هدى : من عيوني انته آمر بس
احمد : ههههههههههههههههههههههههههههههههههه ..
هدى : احمد احنا قررنا نفصل قبل لا تروح الرحله .. لحد الحين عند قرارنا
طالعني احمد ورد : على راحتش
هدى : راحتي هي راحتك
احمد : بس عيل بقعد وياش طول العمر وما بيفرقنا غير الموت
حطيت ايدي في ايده وعيوني في عيونه
هدى : الله لا يفرق بينا
احمد : آمين
اول مرة احس انه احنا زوجين
اني واحمد كنا قاعدين على الكرسي ..
امبطحت على ريوله وهو قام يمسح على شعري
هدى : يا بختي
احمد : في ويش
هدى : فيك
احمد : هههههه . انا اللي يابختي
هدى : لا تقول فيي لأنه ما في شي عدل حتى تفكيري
احمد : اهم شي عاجبني ..
هدى : هههههه
قمت وتسبحت .. واحمد بعد .. عقب هالرحله ..
يودني ونزلنا تحت ..
كان حاط ايده على كتفي ونزلنا
احمد : مرحبا يا جماعه
الكل : مراحب
كانو المتواجدين ( سامي وحسين وسارة وفطوم ومنى وجاسم اخويي وخالي ومرت خالي وحمود الصغير )
بعد ما قعدنا واحمد كان شابك ايده في ايدي ..
احمد : عندي ليكم خبر
مرت خالي : خير
احمد : زوجتي حامل
الكل ما استوعب .. وبعدين بدو يباركون وحتى فطوم ما سكتت
فطوم : اذا بت سمها فطوم .. واذا ولد سموه فاطم ..
احمد : انشالله
مرت خالي : من امتى كنت انتظر هالخبر .. الله يه++م
سامي : اول مرة اشوفكم اوكي ويه بعض
حط احمد عيونه بعيوني وابتسم .. رديتها ليه
احمد : انشالله على طول
دارت لي منى وابتسمت وجاسم بعد ..
اول مرة احس روحي خلاص مرة .. مرة مسؤله عن بيت وزوج ..
تغدينا .. وبعدين قلت لأحمد اذا يرضى اروح بيت ابويي وطبعاً وافق .. رحت وياه ..
دخلنا بيت ابويي ..
شفت ابوي وامي ومحمد اللي قرر يخطب ..
ابوي : اوه هلا هلا اول مرة تجون ويه بعض
احمد : ايه عندنا خبر
قعدنا
الكل : خير
هدى : اني حامل
قامت امي وحظنتني
امي : زين عيل فاطمة هذا شهرها .. تولد وانتين حامل .. يا سلام بصير يده ..
ابوي : أي والله .. انا بيمشون اليهال وبيقولون ابويي العود .. مو تزعلون اذا هاوشتهم .. لأنه ما امبيهم ينادوني ابويي العود قدام الناس ويكبروني ..
الكل : هههههههههههههههههههههههههههههههههه
كنا كلنا متجمعين .. رن تلفون البيت .. شاله محمد .. وبدت صدمه على عيونه ..
الكل دار ليه
وبعد ما صك التلفون
محمد : اماه البسي
امي : خير يا ولدي
محمد : فطوم مودينها تولد ..
امي : الله يحفظها ..
نقزت امي وراحت لبست .. اني خفت على اختي وخصوصاً انها مقدمة .. وزياده عن هذا اول مرة ليها .. امي ومحمد راحو ليها ..
اني واحمد رجعنا بيتنا .. وكل حين اتصل لأمي ولحد الحين ما ولدت ..
الساعه 12 ودقيقتين ولدت .. وجابت ولد ..
ولحد الحين ما سموه
هدى : حمود
احمد : عيونه
هدى : يصير اروح لفطوم
احمد : صلي ع النبي الساعه 12 ونص
هدى : اللهم صلي على محمد وآله .. عن جد
احمد : ايه صدق هدوي وين تروحين ما بيدخلونش
هدى : حسافه .. بس باجر الصبح بروح
احمد : والجامعه
هدى : قبل الجامعه
احمد : بل بتسوين لأختش عذاب
هدى : هههه عادي ..
احمد : لو احنا نروح الجامعه في وقت .. جان فضيع
هدى : انت تدرس غير اللي ادرسه .. اني ادرس اكاونت .. انته تدرس قانون
احمد : ع الأقل في الكفتيريا
هدى : ههه
احمد : هدى في موضوع امبي اكلمش فيه ولازم تتفهمينه
هدى : خير
احمد : الحين انتين حامل .. يعني الجامعه بتتكون متعبه عليش .. بس توصلين الشهر الخامس لا تروحين
هدى : احمد جدي اضيع الكورس عليي
احمد : أي اهم
هدى : انته تامر .. عيوني ليك .. ويش تبغي .. اني انفذ .. انته قول ليي ارمي روحش في النار اني موافقه
احمد : انا ولا انتين
هدى : لا اني ولا انت
احمد : أي جدي احسن ..
مرت الليله .. ورحت لفطوم بالصبح المستشفى .. كانت نايمة .. بس ما قعدتها . شفت ولدها صوبها ..
نزلت واشتريت ليها باقه ورد وحلاوة . واني جايبه ويايي بقلاوة من طارق .. عددلت الحجر ة..
اوتعت ليي
فطوم : بسم الله
هدى : الله لا يروعش انزهقتين
فطوم : أي مادريت من اللي هنيه
هدى : لا مافي غيري
فطوم : مشكورة هدوي
هدى : ما سويت شي ..
فطوم : أي شي تسوينه يعني ليي وايد
هدى : خلش عن الرسميات .. ما قلت ليش .. اني حامل
فطوم : حلفي .. ياي .. اللاي .. بصير خاله وامي ... فن
هدى : أي اني بعد ..
فطوم : ما عليش جامعه
هدى : البارحة كنت اقول بمر عليش وبعدين بروح بس الحين قلت ما بروح بس بجيب عذر ..
فطوم : اممممم ..
قعدت وياها وسوالف
هدى : الا صحي ويش سميتون الصغنون
فطوم : سميناه علي ع اسم عمي
هدى : أي والله خوش اسم ..
كملنا سوالف وجا مرتضى ووياه محمد اخوه وعلي .. قعدو ومحمد ما حط عيونه بعيوني .. ولا كلمني ولا حتى سلم .. افك ..
قعدو يسولفون

فاطمة : ماقلت ليكم
كلهم : لا
فاطمة : هدوي حامل
مرتضى : اوه مبروك مبروك ..
علي : بعدش صغيره ع الولاد بس مبروك من كل قلبي
هدى : هههه .. الله يبارك في عمركم ..
اهنيه رن تلفوني وكان احمد ..
شلته وطلعت عنهم
احمد : هدوي ما رحتين الجامعه
هدى : لا
احمد : اممم .. انزين بعدش في المستشفى
هدى : أي
احمد : بجي اسلم على فطوم ..
هدى : حياك
دخلت وقعدت بمكاني
هدى : فطوم تستري احد بجي
فاطمة : اوكي ..
عدلت فاطمة ملفعها . وقعدو يسولفون لين ما جا احمد .. دخل وعنده ورد .. مباشرة وبدون احساس .. رحت صوبه واخذته عنه
احمد : لالا ثقيل عليش
هدى : عادي .
اخذه مني احمد وحطاه بزاويه الحجرة ..
علي : يا عيني ع الحب
احمد : هههههههههه .. شخباركم شباب ..
وسلم عليهم ..
جا وقعد صوبي ..
حطيت ايدي على ايده وطالعته
هدى : حمود ما يت منوي وياك ..
احمد : لا منوي بعدها نايمه ..
هدى : انزين جان جبت عمتي ..
احمد : انا ما اكفي
هدى : انته تغني عن الكل
فاطمة : بل
طالعني محمد بكل حقد وكراهيه .. والله ما كنت متعمده .. بالعكس محمد ولد عمي واعزه مثل اخواني ..
محمد : وايد ماخذين راحتكم
احمد : هههههههههه .. ما قالت شي ..
اتفشلت .. انصبغ ويهي احمر فلاش .. اني ما سويت شي عشان يعاملني جدي . حاولت اغير الموضوع
هدى : محمد مو ناوي تتزوج
محمد : امبلى في بنت حابنها وانشالله بخطبها
هدى : أي هذي الأخبار الله يه++م .. وعلي
علي : يؤ .. تبغين تتخلصين منى
هدى : لا بالعكس امبي راححتكم ..
محمد : ما اظن انه راحتنا تخصش ..
هذا ويش فيه
احمد : هدوي مشينا
هدى : اللي يريحك
احمد : يالله
فاطمة : وين وين
هدى : بجي ليش العصر
فاطمة : حياش .. بس اني اختش المفروض صبح وعصر وليل
هدى : الود ودي اقعد 24 ساعه وياش بس عندي مسؤليات
فاطمة : نسيت انش متزوجه
احمد : ما تشوفيني
فاطمة : بلى .. الله يوفقكم
هدى : آمين .. يالله مع السلامة ..
وطلعنا من الحجرة . واحنا بالممر
هدى : ليش يعاملني جدي ..
احمد : يا قلبي ما عليش منه .. اهم شي انا اوكي وياش ماعليش من باقي الناس ..
هدى : احرجني بس اشوه عندي سند ..
احمد : ما عليش .. امشي ..
هدى : اني بسياره وانت بالثانيه
احمد : لا بنروح بسياره
هدى : وسيارتي
احمد : بنخليها والعصر بوصلش وارجعي بها ..
هدى : احسن بعد عشان اكون وياك ..
مشينا وركبت السياره .. مشينا للبيت .. دخلنا وركبنا فوق .. قعدت اسوي غدا لأحمد
احمد : والله ما امبي شي بس استريحي ..
هدى : راحتي بخدمتك
احمد : ما تبغين تريحيني بعد
هدى : امبلى
احمد : انا راحتي اشوفش ما تتعبين عمرش
هدى : والله مو تعب بالعكس مثل البلسم على قلبي ..
كملت الغدا وكنت مسوية ليه جاينيس .. ومعكرونة و بحمل الباقي لفطيم ..
قعدنا ع السفره وتغدينا ..
احمد : تسلم ايدش
هدى : وايدك
قمنا من على الغدا واخذت الصحون .. جا احمد بيغسل وياي
هدى : اطلع اطلع .. هذا مكان نسوان
احمد : وانا بساعد مرتي مو عيب
هدى : روح ارتاح العصر عليك شغل
احمد : راحتي وياش
هدى : احمد حررام .. روح ريح ظهرك شوي .. والمواعين صحنين وصفريتين
احمد : ما عليه
قام يغسل ويايي .. وبعد طفر عليي فقاعات الصبون وهرب .. اف الحين لازم اتسبح .. لكن بيشوف ..
دخلت الحجرة الا هو مبططح ويقرأ الجريده ..
دخلت الحمام عشان بسبح
شغلت ماي البلبه ورفعت الهوز .. ما صكيت الباب .. رفعت بنطلوني شوي عن لا يطيح بالماي ..
هدى بصراخ .. احمااااد .. احماد ..
ههههه .. يا احمد المسكين يركض .. وبس دخل رشيته بالماي من فوقه لتحته ..
زين يستاهل
احمد : هدوي يالسباله .. ويش فيش
هدى : بكت عليك ماي مثل ما لعوزتني بالصابون
وطلعت ليه لساني ..
اخذ احمد الرشاش وفره صوبي وسبحني بالماي ..
قعدنا نضحك على بعض . واني خرسانه ماي وهو بعد
دخلت فطوم بت حسين .. لأني نسيت اقفل الباب
فطوم : بي .. عمي احمد تلعب بالماي
افتشل احمد ..
احمد : لا يا عمي .. هدى طايحة ويت اشيلها وتبللت ..
فطوم : تبللت وخالوه هدى ميوده الرشاش صوبك
احمد : انتين ويش تبغين
فطوم : عمتي منى تبغي تروح المستشفى
احمد : اوكي قول ليها بعد نص ساعه بنمشي
فطوم : انشالله
طلعت
احمد : هدوي وويعه يدي .. بسرعه طلعي بتسبح وبعدين دخلي
هدى : نا نا نا ..
احمد : يعني ويش
هدى : لالالا بس عجمي
احمد : انزين اطلعي
هدى : نا همودي
احمد : هدى بسرعه
هدى : احمد ابي اسبح
احمد : هدى عليي دوام ..
هدى : انزين بسرعه عندك 3 دقايق
احمد : هاهاها .. وايد عليي خليهم ربع دقيقه
هدى : لا بعد وايد ثانيتين احسن
احمد : بره بره
هدى : ما يقولون بره يقولون بيرو ..
احمد : الله يساعدني عليش
هدى : اجمعين
احمد : ههه .. بره بره
هدى : انزين ..
طلعت ووقفت عند العتبه بمايي وصابوني ويش اسوي ما امبي اوصخ المكان ..
حارسته يتسبح والأخ اخذ بدل الربع دقيقة ربع ساعه واني انتظر طاحت ريول
هدى : احمدي بي يا خدا
احمد بصدمه : ويش فيش
هدى : بسرعه
احمد : اكو بطلع ..
طلع الأخ
هدى : هذي الربع دقيقه ..
احمد : أي انا مواعيدي مضبوطة ..
هدى : بيرو بيرو .
طلع ودخلت تسبحت بسرعه بسرعه عشان ما يمشي عني ..
خلصت وطلعت ولبست وتكحلت وحطيت ليي حمرة طبيعيه .. وطلعت نزلت تحت الا احمد ومنى قاعدين .
هدى : يالله قومو
منى : بس جاسم بيمر عليي
هدى : ليش تعالي ويانه ..
منى : لالالا بروح ويه جاسم ..
هدى : حمود عيل يالله بيو ..
احمد : هذي اليوم تتكلم ويايي مكس شوي عجمي شوي عربي ..
منى : ههههه .. اذا انته جدي في المدرسة هي وماهل يتكلمون عجمي واني قاعده ع صوب مادري ويش صاير
هدى : نا
هدى : امبلى
احمد : امشي ..
وصلني المستشفى .. وصلنا الباركينج الا مرتضى ومحمد موصلين .. مسكت ايد احمد
هدى : انزل ويايي مافيي شده محمد
احمد : هدوي عمري تجنبيه ..
حط ايده بأيدي وحسيت بالدفا
هزيت ليه راسي ..
هدى : اتصل فيني .. امبيك جنبي
احمد : ولو انا روحي ملصوقه بروحش
ابتسمت وطلعت واني قلبي يرقع .. ادري انه بالمستشفى ابويي وامي وجاسم والحين يمكن راحت منى وكلهم .. اذا بروح وبيفشلني .. لو قايله لأحمد ما يروح الشغل جان ..
وصلت الحجرة ودخلت الا الكل متجمع ..
سلمت وقعدت ونسيت سالفه محمد رغم انه موجود بمثل الغرفه قعدت اتغشمر ويه ابويي .. واخواني .. وكل واحد يقول اسم للبيبي اللي ياي بالطريق .. كل ما المس بطني احس بفرح .. احس اني بصير ام واخيراً واحمد ابو الياهل .. يا سلام ..
محمد ما قصر بالنظرات بس اني بتجاهله تجاهل تام ..
رخصو فاطمة وراحت بيتنا وامي يوم تسوي ليها عصيده ويوم تسوي ليها مادري ويش .. المهم ..
في يوم اني كنت بالسكشن الصبح الا ياييتني مكالمه من منى ..
استأذنت وشلته ..
الا منوي تصارخ
هدى : ويش فيش
منى : اني حامل .. هدوي اني حامل .. ياسلام مو مصدقة .. واخيراً بعد ما فقدت الأياس
هدى : مبروك بعد قلبي .. واحنا كله ويه بعض ندرس ويه بعض نتخرجج ويه بعض ونتزوج ويه بعض ونحمل ويه بعض
منى : أي
هدى : اني الحين بالجامعه باي ..
منى : بايات
خلصت ورحت لمنى اللي مستخفه .. رجعت البيت ومرت الأيام والأشهر واني كل شي اشوفه ليهال آخذ منه اثنين ليي ولمنى ومنى مثل الشي .. علاقتي ويه احمد فوق النخل ومسكين مهتم ابي ولين اقول ليه ليش كل هالأهتما للبيبي ترى اغار يرد عليي انه حبه للبيبي وهو جزء من حبه ليي .. يا بعد قلبي ..
عمتي بعد كل شي تاخذ ليي ولمنى .. علوي ولد فاطمة اختي طلع حليو .. وقررنا الي تجيب منا بنت اني او منى بنخطبها ليه واذا ثنتينا بنات هو لين كبر يختار ..
وصلت الشهر التاسع واني حالتي ما تسر .. حتى قومة ما اقوم .. دبتي تتقدمني .. الجامعه ما اروح .. دوم ويايي عوار راس ..
اما منى فبعدهي في الشهر السابع ..
في نص الليل حسيت بالموت .. قعدت انتظر ملك الموت
قعدت اصارخ
هدى : آآآآه آآآآه احمااد احماد
واصارخ بصوت عالي ومبحوح ..
اوتعى ليي احمد
احمد : عمري ويش فيش
هدى : احمد سلم على امي .. امي .. وسام .. سامحني ..
احمد : اوديش المستشفى
هدى بصرخة قويه : ماادري باموووووووووت ..
ما حسيت بشي .. بس احمد حملني .. والباقي مادري ويش صاير بدنيتي .. يمكن كنت احتظر او اجلي دنا الله يستر ..

احمد
-----------------
واخخيراً سمعتوني صوتي .. شفتون أي قد انظلمت .. بس من هدى . هدى الأنسانه اللي عمري ما توقعت منها هالشي .. هانتني بشرفي .. بس بيظل حبها سيد قلبي .. هي مو منها الغيره عمت قلبها وانا متأكد بجي يوم وترجع هدى الأوليه
تقدمت ليها لأني احبها وامبي اصحيها من افكارها ..
انتقلت من هوشه للثانيه وانا صابر واتعامل ببرود وياها .. بس لا تلوموني اذا في يوم جا ومديت ايدي عليها . وللأسف هاليوم جا .. تمنيت ايدي تنكسر قبل لا تمسها بسو .. هذي هدى وانا سويت فيها جدي .. عطيتها صطار ..
رحت في رحله بعد ما قررنا انه ننفصل وانا كنت مقرر اقول ليها الحقيقة . لما رجعت اكتشفت انها عرفت وما هان عليي اشوفها مرميه في الأرض وتصيح .. وبعدين عرفت انها حامل وهذا الشي خلى حياتي غير .. حسسني اني اعشق هدى اضعاف مضاعفة ..
كنا احلى من السمن ع العسل .. واحلى ثنائي .. الى لين ما جت الليله اللي اوتعيت على صراخ هدى . خفت عليها .. سمعتها وهي تقول سلم عليي .. كانت مثل الطعنات في قلبي .. قمت بدون حواس .. اخذت عباتها ولحفتها بها وحملتها لتحت ..
نزلت وانا اصارخ على امي بأعلى صوت عشان تجي ويايي .. امي ما سمعتني ..
طرت لمستشفى ودموعي تنزل وهدى تهادي وتوصي .. قالت وصيتها .. يا جماعه هدى تقول ليي وصيتها
قامت تقول ليي .. اذا مت تزوج وحده ترعى ولدي .. اذا مت سلم على امي . اذا مت سامحني يا احمد .. اذا مت وص الكل يسامحني
كانت تصيح وتصارخ .. واما انا اصيح وياها . ويش تتوقعون مني اسوي وهدى بهالحاله ..
خفت عليها من كل قلبي . نزلت المستشفى وحملتها ورحت اركض ..
بسرعه جو صوبي ..
اما انا مو في حاله ..
هدى دخلوها وهي تصارخ . كنت امبي ادخل وياها بس منعوني ..
كل حين اروح واسألهم يقولون ليي هي في حاله ولاده بس بعدهي ما وضعت ..
اتصلت لعمتي وزوجها ( ابو هدى ) ولجاسم وامي عشان اخبرهم وسامي جا ليي
طلبت منهم قرأن وقعدت اقرأ .. دموعي تنزل .. مو قادر اتخيل انه هذي هدى الي تصارخ وتوصي ..
وصل ليي سامي .. ودخل ويوم شاف حالتي ..
سامي : احمد كل النسوان يولدون
احمد : هدى توصيني يا احمد هدى توصيني وتودعني ..
قمت اصيح واضرب على ايدي ..
سامي : استهدي بالله .. وانشالله تقوم ليك بالسلامة
احمد : يارب
قمت من مكاني ورحت اسألهم وقالو انها قريب بتولد .
وصلت عمتي
عمتي : ويش ويش فيك احمد هدى صادها شي وينهي .. ويش صاير
وعمي وياها
عمي :ويش فيها هدى . . ولدت لو بعدهي ..
سامي : لا بعدهي ..
راحت عمتي .. اما انا يودت القرأن وقعدت قرأ بكل خشوع .. وادعي من قلب صادق .. انه ربي يرجع ليي هدى حتى لو الياهل صاده شي بس هدى ترجع ..
كانت الساعه 4 امي جت الكل هني .. بس انا منعزل عنهم .. خايف على هدى وكل ريال بمكاني بيكون شعوره مثل شعوري وخصوصاً ان كان حبه لزوجته قد حبي لزوجتي ..
ما اقدر اوصف ليكم شعوري وخصوصاً انه ياما وياما راحو في الولاده . وانه هدى طولت .. صار لينا ساعه ونص من وصلنا المستشفى ..
الله يطلعش يا هدى .. يا سامي وقع جنبي ..
سامي : هون عليك
احمد : ما اقدر ..
سندت راسي للجدار .. غمضت عيوني ومشيت ايدي على شعري بعصبيه وتوتر ..
قمت اتمشى في الممر رايح ياي رايح ياي .. وقلبي يرقع من الخوف ..
رديت رجعت وقعدت .
سامي رجع لأنه عليه دوام .. ابويي بعد . ظلنيا انا وعمتي وزوجها وامي ..
الساعه 7 جت الدكتورة
مبروك هدى ولدت .. وهي بخير
م اقدر اوصف ليكم شعوري بديك اللحظة .. حسيت انه الله كريم .. واستجاب دعائي .. غمضت عيوني بفرح بدون ما اسأل حتى ويش جابت ..
بس في هاللحظة زاد حبي لهدى وايد .. وكل يوم يزيد .. واهم شي هي بخير وسلامة

سامي
المستشفى
--------------------
ما توقعت احمد يحب هدى جدي وهدى تحبه هالقد صدق حبهم مثالي .. اليوم يوم شفت احمد بضعفة ودموعه حسيت انه جريح وانه تعبان حاولت اخفف عليه بس ما قدرت ..
رجعت البيت وكان الكل متجمع .. انا منى ابويي حسين وزوجته ..
دخلت علينا فطوم وهي تركض
فطوم : مبروح مبروك ولدت خاله هدوي ويابت نور
الكل استانس وبدا التصفيق والغنا .. وحبينا راس ابويي ومنى بدبتها .. وانا استانست لأحمد من كل قلبي واتصلت اهنيه .. من الربشه مو عارف ويش يقول .. والفرحه من كلامة وحلف يوز حلاوة على الفريق
-----------------------
ولدت منى وجابت صبي وسموه بدر على اسم ابو هدى ..
هدى واحمد وبتهم احلى ثلاثي .. احمد يحبهم ويرعاهم وعلاقتهم احلى من السمن على العسل ..
محمد خطب وقريب زوجه
عبدالله بعد يدرس فكره الزواج وحصل بت الحلال ..
جاسم صار ابو بدر .. واحمد ابو نور ..
نور اخذت الجمال من الأثنين بس الشعر على امها ..
اما بدر فطبق الأصل من جاسم ..
هدى جزأت وقتها بحيث تظل ويه بتها وتروح تكمل تعليمها ..
سامي اشتغل بوظيفه عاليه وبيتزوج بت عم هدى ( زينب )
فطوم بت حسين بتظل ملسونه
وهدى واحمد بيظلون اعظم حبيبين .. وما يجي الحب بدون الشقا

" ويبقى الحب في القلوب "

------------------------

عجيـــبة لقصة ولا بنساها
مشكورة خيو بدر البدور على تعبش
وعلى فكرة قريتها كامل وابي اقراها
عجـــبة تسلمين
مشكورة

ويخليش لينا يا رب
يا ليت الكل يقرأها
عجيـــــــــبة